Dünən Naxçıvanın Babək rayonunun Nehrəm qəsəbəsindəki qətlin təfərrüatları məlum olub.

Bu barədə qətlə yetirilən məktəbli Tuncay Abdullayevin ailəsi Baku TV-yə danışıb.

Mərhumun anası Qahirə Bağırovanın sözlərinə görə, oğlu idmana getmək adı ilə evdən çıxıb.

“Bilmirəm, məktəbin qabağında, ya haradasa tutub, uşaqların içində deyib ki, Tuncay sənə sözüm var. Onu kənara çəkib, sonra da bıçağı çıxarıb, balamı vurub”, - deyə o qeyd edib.

Daha ətraflı süjetdə:

Ukrayna Prezidenti Volodimir Zelenski Rusiyanın mədəniyyət xadimlərinə qarşı sanksiya tətbiq edib.

Bu barədə Ukrayna Milli Təhlükəsizlik və Müdafiə Şurası məlumat yayıb.

Bildirilib ki, "qara siyahı"ya rəssamlar İrina Alleqrova, Dmitri Bilan, Mixail Qalustyan, Larisa Dolina, Filipp Kirkorov, Sergey Lazarev, Yevgeni Petrosyan, reper Basta, rejissor Nikita Mixalkov və digər məşhurlar daxil edilib.

Yunanıstan Evros çayı boyunca Türkiyə ilə quru sərhədinin bütün uzunluğu boyu hasar çəkəcək.

Bu barədə ölkənin mülki müdafiə naziri Takis Teodorikakos bildirib.

“Xarici işlər və müdafiə üzrə Hökumət Şurası Evros çayının bütün uzunluğu boyunca, yəni Yunanıstan və Avropanın Türkiyə ilə sərhədlərində hasar çəkmək barədə qərar qəbul edib. Mülki Müdafiə Nazirliyi bu qərarı həyata keçirməyə borcludur. Onun ümumi uzunluğu 140 km-dir”, - deyə o qeyd edib.

Teodorikakos hasarın ilk 35 km-nin tikintisinə dərhal başlanacağını vurğulayıb. Bunun üçün Yunanıstan hökumətinin 100 milyon avro ayırmağı planlaşdırdığı bildirilir.

Mənbə: İzvestiya

Naxçıvan Muxtar Respublikasında (NMR) Talıbovların hökmranlıq etdiyi 27 il ərzində bütün gəlirli sahələrə, büdcə xərcləmələrinə bir ailə nəzarət edib. Ali Məclisin keçmiş sədri Vasif Talıbovun biznes imperiyasının əsas sütunlarını üç böyük şirkət təşkil edib: “Cahan Holdinq”, “Dizayn” və “Gəmiqaya Holdinq”. Bu şərkətlər təkcə Muxtar Respublikada deyil, Azərbaycanda, Türkiyədə, Gürcüstanda, eləcədə Avropa və Yaxın Şərq ölkələrində genişmiqyaslı biznes fəaliyyəti ilə məşğul olub.

Əlbəttə, Talıbovlar üçün böyük gəlir Azərbaycan büdcəsi hesabına dövlət sifarişləri, investisiya layihələri, nəzarətsiz idxal-ixrac əməliyyatları, təbii sərvətlər üzərində hökmranlıqdan əldə olunub. Məsələn, ötən iki on illikdə Naxçıvanda dövlət büdcəsi hesabına inşaa edilən bütün inzibati binaların, məktəblərin, yaradıcılıq mərkəzlərinin, yeni inşaa edilən yolların, abadlıq-qurucluq layihələrinin hamısı “Dizayn” və “Gəmiqaya Holdinq” tərəfindən həyata keçirilib. Muxtar Respublikada başqa heç bir MMC-nin bu layihələrə əlçatanlığı olmayıb.

Vasif Talıbovun tutduğu postdan istefaya göndərilməsi ilə təbii ki, Naxçıvan iqtisadiyyatını inhisara almış ailə şirkətlərinin monopoliyasına da tədricən son qoyulacaq. Bu istiqamətdə ilkin addımların atıldığı barədə xəbərlər yayılır.

Yayılan informasiyalara görə, “Gəmiqaya Holdinq”in adı dəyişdirilərək “Arkoz Holdinq”ə çevrilib.

Əldə etdiyimiz məlumatlara görə, bu dəyişiklik heç də mediada təqdim olunduğu kimi şirkətin Talıbovların nəzarətindən çıxarılması deyil. Əvvəla, Rza Talıbov bir müddət Holdiqinin prezidenti olsa da sonradan öz səhm payını "dövr edib"...

Solda Emin Uçar

Necə deyərlər, Talıbovlar işlərini ehtiyatlı tutaraq, “Gəmiqaya”nın əsas səhmlərini uzun illər şərikli biznes yürütdükləri Türkiyədən olan iş adamı Emin Uçarın qardaş ölkədə fəaliyyət göstərən “Arkoz” Holdinqinə veriblər. Bu şirkətin Azərbaycanda öz adı ilə də biznes fəaliyyətləri olub və hazırda davam edir.

Naxçıvanda baş verən siyasi dəyişiklikdən sonra “Gəmiqaya” adı ilə başlayan bütün şirkətlərin adları dəyişdirilib və dövlət reyestrindəki məlumatlar yenilənib. Rəsmi sənədlərdə Talıbovun bu şirkətdə hər hansı mülkiyyət hüquqları qeyd olunmayıb.

Ekspertlərə görə, bu dəyişiklik əslində Talıbovların var-dövlətlərini xilas etmək cəhdidir. Onlar “Gəmiqaya Holdinq”ə verdikləri nəhəng imtiyazlardan əsas payı götürsələr də onun xarici vətəndaş olan, inanılmış tərəfdaş Emin Uçarın mülkiyyətində qalmasını təmin etməyə çalışırlar. Hər halda Türkiyədən olan hansısa iş adamının Naxçıvanda Talıbovların himayəçiliyi və əsas pay sahibi olmadan biznes qura bilməsi mümkün deyil.
Məlumatlı mənbələr bildirilər ki, hazırda hər üç şirkətin onilliklər ərzində fəaliyyəti, dövlət hesabına əldə etdikləri layihələri, ölkədə və xaricdə yatırımları, mülkiyyəti araşdırılır. Araşdırmanın nəticəsi olaraq onların haqqında qərar qəbul ediləcək.

“AzPolitika.info”

Bu ilin oktyabr ayında Şuşa Şəhəri Dövlət Qoruğu İdarəsindəki stuktur dəyişikliyindən sonra İdarənin İdarə Heyətinin sədri vəzifəsi ləğv edilib və əvəzində İdarənin İcraçı direktoru vəzifəsi yaradılıb. Bununla da quruma rəhbərlik edən Məftun Abbasov tam oyundankənar vəziyyətdə qalaraq, işini itirmiş olub.

Azinforum.az olaraq bildiririk ki, gənc kadr bu vəzifəyə 2021-ci ilin iyul ayında təyin edilmişdi. Məftun Abbasov belə qısa müddətdə vəzifəsini ittirməsinin səbəbi olduqca maraqlı görünür. O, vəzifəsi ilə ötən ilin oktyabr ayında vidalaşsa da, nədənsə, bu barədə xəbər mediada iki ay sonra: dekabrın 28-də yayılıb. Belə strateji vəzifə ətrafında baş verən proseslə bağlı bu müddətdə sükutun saxlanılması, məlumatın mediadan uzaq tutulması olduqca maraqlıdır.

Məftun Abbasovun vəzifəsini itirməsi səbəbilə bağlı bir neçə versiya söylənilir. Onlardan ən əsası budur ki, o, əvvəlki dostu, Prezidentin Şuşa rayonunda xüsusi nümayəndəsi Aydın Kərimovla “Şuşa qalası”nda yola gedə bilmədiyi səbəbindən bu aqibəti yaşamalı olub.
Görəsən, iki dostun Şuşada bölüşə bilmədiyi nə olub ki, sonda belə aqibət yaşanıb?..
Bəzi faktları dəqiqləşdirfikdən sonra mövzuya yenidən qayıdacayıq.(Azinforum.az)

Azərbaycanda hava şəraitinin dəyişəcəyi haqqında xəbərdarlıq edilib.

Milli Hidrometereologiya Xidmətindən verilən xəbərə görə, Bakıda və Abşeron yarımadasında yanvarın 8-dən başlayaraq 12-dək hava şəraitinin dəyişəcəyi, yağıntılı olacağı, sulu qar, qar yağacağı gözlənilir.

Külək: şimal-şərq küləyi 7-si axşamdan 10-u gündüzədək arabir güclənəcək. 8-i gündüzdən 10-u gündüzədək arabir çovğun olacağı ehtimalı var.

Havanın temperaturu: ötən günlərlə müqayisədə 10-12° aşağı enərək, gecə 1-3° şaxta, gündüz 0°-yə yaxın olacaq.

Yanvarın 8-i axşamdan 12-dək yolların buz bağlayacağı ehtimalı var.

Azərbaycanın rayonlarında yanvarın 8-dən başlayaraq 12-si səhərədək ölkə ərazisində hava şəraitinin dəyişəcəyi, yağıntılı olacağı, sulu qar, qar yağacağı gözlənilir. Ayrı-ayrı yerlərdə intensivləşəcəyi ehtimalı var.

Külək: şimal-şərq küləyi 7-si axşamdan 10-u gündüzədək arabir güclənəcək. Çovğun olacağı ehtimalı var.

Havanın temperaturu: ötən günlərlə müqayisədə 10-12° aşağı enərək, gecə 2-6° şaxta, gündüz 2° şaxtadan 2°-dək isti, dağlıq rayonlarda isə gecə 10-15° şaxta, gündüz 5-8° şaxta olacaq. Yollar buz bağlacaq.

“Azərbaycan Meliorasiya və Su Təsərrüfatı” ASC-nin tabeliyində olan Texnoloji İstehsalat Komplektləşdirmə İdarəsinin keçirdiyi tender müsabiqəsinin qalibi “Hayat Group” MMC olub.

Dövlət idarəsi avtomobil nəqliyyat vasitələrinin satınalınmasına görə, “Hayat Group” MMC-yə 3 milyon 306 min manat ödəyəcək.

Qeyd edək ki, 148 min 520 manat nizamnamə kapitalı olan “Hayat Group” MMC-nin qanuni təmsilçisi İbrahimov Babək Mikayıl oğludur.
Məlumat üçün əlavə edək ki, “Azərbaycan Meliorasiya və Su Təsərrüfatı” ASC-nin rəsmi veb-saytında Texnoloji İstehsalat Komplektləşdirmə İdarəsinin rəisi Əliyev İlqar Əhəd oğlu olduğu qeyd olunub.

Yeniavaz.com

Mikayılov Zaur Rauf oğlu - Boğaziçi Universitetinin "Biznesin idarə olunması" fakültəsini bitirib.
"Bravo" supermarketlər şəbəkəsinin icraçı direktoru olub. 2018-ci ilin noyabr ayından bu vəzifəyə təyin olunan gənc mütəxəssis 2021-ci ilin yanvar ayında vəzifəsini tərk edib.

Halbuki, başqaları ölkə xaricində aldığı diplomu Azərbaycanda tanıtdırana qədər aylarla sürünüb, dəridən-qabıqdan çıxır, axırda da ya reseption işləyir, ya ekspeditel, ən yaxşı halda hansısa marketdə, yaxud restoranda administrator. Bunun üçün isə heç diploma gərək yoxdur.
Odur ki, ölkədən kənarda təhsil aldığı 4 ili də, orta təhsil aldığı 11 ili də (hələ hazırlıq kursları, repetitor yanına getməsini demirik) - bir sözlə ömrünün ən az 15 ili heçə getmiş olur.

Amma, şansa baxın ki, Türkiyədə təhsil almış, karyerasına marketdən başlamış Zaur Mikayılov mühüm bir dövlət qurumunun rəhbəri vəzifəsinə qədər yüksələ bilib.

Doğrudur, Boğaziçi Universiteti güya diplomu Azərbaycanda tanınan ali məktəblər sırasında yer alsa da, tanıdana qədər də ömrümüzün bir neçə ayını (bəzən də ilini) və pulumuzu xərcləməli oluruq.

Əlqərəz...

Əslində, doğrudur, əvvəllər də su təsərrüfatı sahəsində çoxsaylı şikayətlər var idi. Zatən çoxsaylı şikayətlərin və digər qanun pozuntularının, korrupsiya hallarının olduğuna görə rəhbər dəyişdi.

Sözümüzü ora gətirmək istəyirik ki, ölkə xaricində auditoriya görmüş, böyük marketlərdə rəhbərlik təcrübəsi keçmiş Zaur Mikayılov Melorasiya və Su Təsərrüfatı ASC-nə sədr təyin edildikdən sonra nəinki əvvəlki neqativ hallar aradan qaldırılmadı, əksinə, daha da artdı.

Çoxsaylı vətəndaş şikayətləri cavabsız qaldı, su üstündə bacı-qardaş, nəsil-nəcabət arasında düşmənçilik halları hər gün daha da artdı.

Amma, elə bil, bu qədər şikayətlərin, tənqidlərin Zaur Mikayılova aidiyyatı yoxdur. El demişkən, "tükü də tərpənmir".

Dəfələrlə "DogruXeber.az" informasiya portalında Şamaxı rayon Çıraqçı kəndi, Şəmkir rayon "Düz qışlaq" kəndi, "Yeni yol" qəsəbəsi və digər bölgələrdəki su problemləri barəsində məlumatlar dərc edilib.

Hətta, son məlumatımızda Şəmkir rayon "Düz qışlaq " kəndində sakinlərin çoxsaylı şikayətlərindən və məlumatlar "DogruXeber.az"da yayımlandıqdan sonra nəhayət artezyan quyusunun təmizlənib, təmir edilib, istifadəyə verilməsi işinə başlanıldı.
Ancaq, ilk növbədə işə kənd sakinlərindən pul yığmaqdan başladılar. Daha vətəndaş özü təmir edəcəkdisə, bu qədər şikayətlərə nə ehtiyac var idi?!

Təbii ki, kənd sakinləri buna etiraz etdilər və iş eləcə də qaldı.

Yeri gəlmişkən, Samux rayonunun Qarayeri qəsəbə sakini Əjdər Məmmədov da bir neçə gündür içməli su artezyan quyusunun işləmədiyi barəsində hər gün təkrar redaksiyamıza müraciət edir.
Bildirir ki, "Bir neçə gündür Melorasiya və Su Təsərrüfatı ASC-nin Samux rayonundakı nümayəndəliyinə dəfələrlə müraciət etmişik, gəlib təmir etmirlər ".

Əjdər Məmmədovun bu gün redaksiyamıza verdiyi məlumata görə isə məsələ üzrə məsul şəxslər artezyan quyusunun təmiri üçün indi də qəsəbə sakinlərindən minimum 10 manatdan, 40 manata qədər pul yığırlar.
Eynilə, Şəmkir rayon "Düz qışlaq" kəndində olduğu kimi.

Yeri gəlmişkən, Şəmkir Suvarma Sistemləri İdarəsinin işçisi olduğunu deyən Şəmkir rayon "Yeni yol" qəsəbəsinin sakini Polad Vəliyev "Kanal14" youtube kanalımızda yayımlanan "Kamalın zamanı" proqramında canlı yayımda olarkən, dövlət büdcəsindən pul ayrılmasına baxmayaraq, hər artezyan quyusunun vurulması üçün sakinlərdən 3-5 min manat arası pul yığıb vermələrinin tələb olunduğunu bildirmişdi.

Özü də Melorasiya və Su Təsərrüfatı ASC-nin fəaliyyəti bununla da bitmir. Artıq, uzun müddətdir ki, işinin əsasını az qala Tender məsələləri ilə uğraşmaq təşkil edir.

Daha maraqlı məqam budur ki, sözügedən qurumun keçirdiyi tender müsabiqələrinin ikisinin (Zərdab Suvarma Sistemləri İdarəsi və Ağcabədi Suvarma Sistemləri İdarəsi) qalibi bir şirkət - «Xəzər İnşaat KO» MMC olub.

O «Xəzər İnşaat KO» MMC ki, apardığımız kiçik araşdırmalar nəticəsində heç bir hüquqi ünvanı və hüquqi bazası olmadığını aşkar etdik. Bununla bağlı aidiyyatı üzrə bir neçə qurumlara müraciət etdiyimizdə isə, şirkətin adını eşidən kimi, sualımız qarşısında həmişəlik susdular.

Yeri gəlmişkən, "DogruXeber.az" redaksiyasına daxil olmuş digər məlumata əsasən, Zərdab rayon Suvarma Sistemləri İdarəsindəki korrupsiya və yeyinti halları ilə bağlı Melorasiya və Su Təsərrüfatı ASC-yə rəsmi müraciətimiz də hələ ki, cavabsız qalır.

Deyir, "dəyirman öz işində, çak-çak baş ağrıdır...

Redaksiyamız hər kəsin söz haqqını tanıyır. //"DogruXeber.az"//

Milli Qəhrəman və Şəhid ailələri şirkət nümayəndəsi tərəfindən incidilir və təhqir edilir. Bu barədə İmişli rayonundan göndərilən videomüraciətdə bildirilir

Əslən Kəlbəcər rayonundan olan, hazırda İmişli rayonunun Məmmədli kəndi ərazisində yerləşən Qaçqın düşərgəsində – Narınclar kəndində yaşayan Milli Qəhrəman və şəhid ailəsi, eləcə də birinci Qarabağ savaşının qazi ailəsi adından BECAN.AZ-ın internet ünvanına şikayət daxil olub. Sənədlər və videoçəkilişlər şəklində göndərilən müraciətdə “Sarıyal” kəndli-fermer təsərrüfatının direktoru, şəhid ailəsi, qazi Xaliq Xurşud oğlu İbrahimov və Milli Qəhrəman İmamverdi Barat oğlu Əliyevin qardaşı Novruz Barat oğlu Əliyev qanuni sənədlərlə istifadə etdikləri otlaq-örüş sahəsinin “GP İmişli Cotton” MMC şirkətinin əməkdaşları tərəfindən əsassız şəkildə zəbt olunduğunu iddia edirlər.

Şikayətçilərin videomüraciətində bildirilir ki, 5 qazi və 3 şəhid ailəsi 2000-ci ildə, dövlət qanunlarına uyğun olaraq, Kəlbəcər RİH başçısının müvafiq sərəncamı ilə İmişli rayonunun Məmmədli kəndi ərazisində, Kəlbəcər rayonuna məxsus otlaq-qışlaq sahəsində 200 hektar ərazi hüdudlarında “Sarıyal” kəndli-fermer təsərrüfatını yaradıblar. Və bu vaxtadək təyinatı üzrə - heyvandarlığın inkişafı məqsədilə istifadə ediblər. Şikayətçilərin sözlərinə görə, lakin 2022-ci ilin avqust ayında, “GP İmişli Cotton” MMC-nin nümayəndəsi Nicat Abdullayev Xaliq İbrahimova zəng edərək, təhqir dolu ifadələrlə, onların sözügedən ərazini boşaltmalarını istəyib. Xaliq İbrahimovun verdiyi bilgiyə əsasən, Nicat Abdullayev həmin ərazini 2016-cı ildə İmişli RİH-nin keçmiş başçısı Vilyam Hacıyevdən (Vilyam Hacıyev hazırda həbsdədir! – red.) aldıqlarını bildirib.

Daha sonra, şikayətçi qeyd edir: “Əlimizdə Sərəncam, Torpaqdan Müvəqqəti İstifadə Hüququna Dair Şəhadətnamə, Dövlət Reysrtindən Çıxarış, eləcə də vergi ödənişlərinə dair sənədlər ola-ola, Nicat Abdullayev bizi müxtəlif məmurların, “Paşa Holdinq”in, “Bandotdel”in adlarıyla hədələyərək, torpaqdan çıxmağımızı istəyir... Vilyam Hacıyev hazırda həbsdədir, cinayət əməllərinə görə məsuliyyətə cəlb olunub, amma bunlar onun adından istifadə edirlər... Torpaq uğrunda vuruşan biz, şəhid olan biz, bizi “Banotdel”lə hədələyirlər... Xahiş edirik, səsimizin aidiyyatı dövlət orqanlarına çatdırılmasında bizə kömək edəsiniz.”... Daha ətraflı, videomüraciətdə:

Qeyd: İnternet axtarışları nəticəsində əldə etdiyimiz bilgiyə əsasən, “GP İmişli Cotton” MMC şirkəti “GP Cotton Holdings” MMC-nin bir qolu olmaqla, “Gilan Holdings” MMC-nin şirkətlər qrupuna aiddir.

Xüsusi qeyd: Göndərilən elektron şikayətin tərkibində sözügedən otlaq-qışlaq səhəsinin ərazisindəki, adı “Qırmızı kitab”a salınmış yulğun ağaclarının, texnikalarla şumlanaraq, kütləvi şəkildə məhv edilməsini əks etdirən videogörüntülər də var ki, onları da saytımız vasitəsilə yaxın günlərdə aidiyyatı qurumların və oxucuların diqqətinə çatdıracağıq.

Şikayətdə adı halanan şirkətin və şəxsin mövqeyini dinləməyə hazırıq.


BECAN.AZ

Zaman-zaman doğum evlərində baş verən qanunsuzluqların, övlad dünyaya gətirən valideynlərdən tələb olunan rüşvətdən, ana və körpə ölümləri ilə bağlı məyusedici xəbərlərlə çox rastlaşmışıq. "Gündəm Xəbər" olaraq bu kimi neqatif halları hər zaman ictimaiyyətin diqqətinə çatdırmışıq.
Demək olar ki, elə bu ənənəvi hadisələr indi də doğum şöbələrində davam edir. Elə bu günün özündə də dünyaya körpə gətirən valideynlərin dərisi, bəzi həkimlər (həkim-ginekoloqlar) tərəfindən Nəsiminin dərisi kimi soyulur. Lakin TƏBİB və digər qurumların sərt müdaxiləsi də heç bir nəticə vermir.
Bir sözlə, dəyişən heç nə yoxdur. Yenə də "köhnə hamam, köhnə tas" ənənəsi ilə iş prinsiplərini davam etdirirlər və doğum evlərinin baş həkimləri yenə də öz doğuş "bazarlarını" qoruyub saxlayırlar.
Bu ənənəni daha çox "təcrübəsi" çox olan, uzun illər doğum evlərini öz şəxsi biznesi kimi idarə edən söbə müdirləri həyata keçirir.
Necə ki, hazırda Beyləqan Rayon Mərkəzi Xəstəxanasının Doğum Şöbəsində baş verən hoqqalardan, narazılıqlardan və eyni zamanda həkimlərin özbaşınalıqları hər kəsi təəccübləndirir.
Xəstəxananın doğum evindəki narazılıqlarla bağlı redaksiyamıza daxil olan məlumatları dəqiqləşdirmək və aydınlıq gətirmək üçün yazı öncəsi şöbənin baş həkimi Leyla Ağalarovayla telefon əlaqəsi yaratdıq.
İlk əvvəl Leyla xanımın Yeni il bayramını təbrik edib, daha sonra keçdik mətləbə. Elə ağzımızı açıb problemlərdən bəhs etmək istəyirdik ki, Leyla xanım bizə Türkiyənin İstanbul şəhərində olduğunu dedi və ardıncada butün günahları onu əvəz edən Ofeliya İsmayılovanın üzərinə atdı.
Heç imkan vermədi ki, fikrimizi tam yekunlaşdıraq və mövzunu daha ətraflı diqqətinə çatdıraq. Biz suallarımızı bitirmək istəsək də, ancaq Leyla həkim buna imkan vermir, elə hey telefonun o tayından Ofeliya İsmayılova deyib dururdu. Doğrudur, Ofeliya İsmayılova kimdir, nəçidir biz bilmirik. Ancaq Leyla həkimin elə hey onun adını hallandırması bizdə bir təəccüb doğurdu.
Hələ də fikirləşirik ki, Ofeliya xanım ilə Leyla həkimin nə kimi problemləri var?
Hələ bu azmış kimi Leyla Ağalarova Türkiyədə oturub bizi də hədələməkdən əl çəkmir.
Elman Qəmbərov
GundemXeber.Az

P.S. Mövzu ilə bağlı araşdırmalarımız davam edir. Yazıda adıçəkilən tərəflərin yenə də mövqeyini öyrənməyə çalışacaq və TƏBİB-ə də sorğu ünvanlayacağıq.