7NEWS.az xəbər verir ki, bu barədə jurnalist Rumiyyə Miraslan məlumat verib: "Gəncədəki Abbas Səhhət adına xəstəxanada dəhşətli hadisə baş verib. Belə ki, normal hamiləlik keçirən ana 27 dekabrda son müayinə üçün həmin xəstəxanaya müraciət edib. Hamiləlik müddətində və son dopler müayinəsində doğuşun 11-18 yanvar arası dünyaya gələcəyi deyilsə də, Səbinə adlı həkim qadına məsləhət görüb ki, dərhal qeysəriyyə əməliyyatı eləsinlər. Şobə müdiri Şəhla adlı həkim isə bayram tətilində Bakıya gedəcəyini, ayın 29-na təyin edib əməliyyatı. Əməliyyatdan sonra uşağın atasına bildirilib ki, körpənin ciyərləri açılmayıb, reanimasiyada kuvezə yerləşdiriblər. Buna görə də atadan 350 manat pul alıb. Pul məsələsi qalsın bir kənara, ayın 2-nə qədər uşağı orada saxlayıb daha ağır vəziyyətə gətiriblər. Dünən isə atanın suallarına cavab olaraq bildiriblər ki, əlimizdən başqa heç nə gəlmir, hara istəyirsiz körpəni aparın. Uşağı OMD kimi tanıdığımız xəstəxanaya gətiriblər. Ancaq... Baş həkimdən öyrəndik ki, sepsis olan körpənin vəziyyəti çox ağırdır, yaşasa belə, əngəlli olacaq(((
Adı çəkilən həkimlər telefonları açmadığına görə suallarımı buradan ünvanlayıram, siz isti yerinizdə rahat yatanda o körpənin atası Vətənin keşiyini çəkir. Vicdanıniz necə imkan verdi ki, uşağı vaxtından əvvəl götürdünüz? Ümumiyyətlə, niyə xüsusi gostəriş olmadan qeysəriyyə əməliyyatı edirsiniz? Eləmişdinizsə, niyə biganə yanaşıb körpəni belə vəziyyətə saldınız? Öz övladinızın, nəvənizin, nəticənizin başına gələcək axı elədiyiniz bu əməllər!!!!!!
P.S. Aidiyyəti qurumların sözçülərindən xahiş edirəm ki, həmin qaniçən həkimlərə inanıb gülünc açıqlama yaymasınlar bu hadisə ilə bağlı. Qəddar həkimlərə haqq etdiyi cəza verilsin!"

7NEWS.az

Müdafiə naziri general-polkovnik Zakir Həsənov və nazirliyin digər rəhbər heyəti Quru Qoşunlarının səfərbərlik təminat bazasında olub.

Bu barədə Müdafiə Nazirliyindən məlumat verilib.

Əvvəlcə nazirliyin rəhbərliyi təminat bazasının ərazisində ucaldılan Ulu Öndər Heydər Əliyevin büstü önünə gül dəstələri qoyub, xatirəsini dərin ehtiramla yad edib.

Müdafiə naziri bazanın silahlanmasında olan artilleriya vasitələrinə, döyüş və avtomobil texnikasına baxış keçirib, onların texniki vəziyyəti ilə maraqlanıb və heyətlərinin hazırlıq səviyyəsini yoxlayıb.

Silahlanmada olan silah və döyüş texnikasına təhlükəsizlik qaydalarına əməl edilməklə vaxtında texniki xidmətin göstərilməsi ilə bağlı müvafiq göstərişlər verilib.

Şəxsi heyətin döyüş hazırlığını yüksək qiymətləndirən general-polkovnik Z.Həsənov yeni tədris dövründə ehtiyatda olan hərbi vəzifəlilər ilə müxtəlif ixtisaslar üzrə keçirilən toplanışların, çöl çıxışlarının və döyüş hazırlığı məşğələlərinin səmərəliliyinin artırılması ilə bağlı aidiyyəti üzrə vəzifəli şəxslər qarşısında konkret tapşırıqlar qoyub.

Lerik rayonunun Loda kənd sakinləri tərəfindən Hurriyyet.az saytının redaksiyasına şikayət məktubu daxil olub.

Şikayətçilər iddia edirlər ki, “Modenco” MMC tərəfindən müqavilə ilə işləyən işçilərin artıq 2 ildən artıqdır əmək haqqı verilmir. Onların iddialarına görə, şirkət işçiləri aldadaraq, haqlarına girib. Müraciət etmədikləri orqan qalmadıqlarını deyirlər.

Şikayətçilərin bizə göndərdiyi video-müraciəti olduğu kimi oxucuların diqqətinə çatdırırıq:

Hurriyyet.az

"Kontakt Home"dan biabırçı bayram kampaniyası: ÖZ İŞÇİLƏRİNİ BELƏ ƏLƏ SALDILAR...
Bu barədə 7NEWS.az saytı məlumat paylaşıb. Saytın xəbərində iddia olunur ki, bu barədə jurnalist Sevinc Paşayeva məlumat verib:

"Deyirlər, "Kontakt Home" bayramla əlaqədar işçilərinə 50 manat pul mükafatı təyin edib. Amma əlbəəl yox. Hərəyə bir yaşıl rəngli "Sevindirən kart" paylayıb, pulu da köçürüb içinə. İndi işçilər ha əlləşir-vuruşur, kartdan pulu çıxara bilmir. Səbəb də odur ki, həmin "green card"la elə şirkətin öz mağazalarından mütləq nəsə almalıdırlar. Yəni verdiyim pulu təzədən elə özümə qaytar prinsipi... İndi işçilər düşüb tanış-bilişin canına ki, bəlkə kiminsə Kontaktdan 50 manatlıq avadanlıq almaq fikri ola, alışı bu kartla edə, sonra da öz aralarında nağdlaşdıralar. Nə isə ki, əməllicə zibilə düşüblər: yumşaq desək, şirkətin marketinq zibilinə..."

Onu da qeyd edək ki, sözügedən şirkət deputat Elnur Allahverdiyevə məxsusdur...

7NEWS.az

Naxçıvan Ali Məclisinin keçmiş sədri Vasif Talıbova yaxınlığı ilə seçilən şəxslərin “vurulması” davam edir. V. Talıbovun istefa verməsindən dərhal sonra Naxçıvan Dövlət Universitetinin prorektoru olan oğlu Seymur Talıbov tutduğu postdan könüllü şəkildə imtina edib. Ötən həftə isə Vasif Talıbovun Naxçıvan prokurorunun müavini olan qardaşı Məhərrəm Talıbov sərəncama göndərilib.

Teref.az Yeni Sabah-a istinadla xəbər verir ki, Talıbovların daha bir nümayəndəsi – Dövlət Miqrasiya Xidmətində idarə rəis vəzifəsində çalışan Rza Talıbov da yol üstdədir. General Talıbovun uzunmüddətli məzuniyyətə göndərildiyi barədə xəbər rəsmən təsdiqlənib. Məlumatlı şəxslər isə oğul-Talıbovun məzuniyyətinin bitməyəcəyini iddia edirlər. Onların qənaətinə görə, Rza Talıbov əmisi Məhərrəm Talıbovun aqibətini yaşayacaq. Məzuniyyət müddəti başa çatndan sonra gənc generalın da, əmisi kimi, sərəncama göndəriləcəyi bildirilir.

Saytın əldə etdiyi məlumata görə, “təmizləmə əməliyyatı” təkcə Talıbovların sıradan çıxarılmasıyla yekunlaşmayacaq. Bu prosesin həm Naxçıvanda, həm də Bakıda Vasif Talıbova yaxınlığı ilə tanınan bütün məmurları əhatə edəcəyi vurğulanır.

Məlumatlı şəxs bildirib ki, tezliklə vəzifəsi ilə vidalaşacaq talıbovçuların siyahısında ilk yerdə Sumqayıt şəhər icra hakimiyyətinin başçısı Zakir Fərəcov gəlir. Həmişə Vasif Talıbovun adamı olmasıyla öyünən 69 yaşlı icra başçısının yanvar ayı ərzində yola salınacağı gözlənilir.

Mənbə deyib ki, Zakir Fərəcovun fəaliyyətindən narazılıq son vaxtlar onsuz da geniş vüsət almışdı. Yəni qocaman icra başçısının “vurulması” gözlənilən idi. Sadəcə, Vasif Talıbovun qəfil istefası bu prosesi daha da sürətləndirdi.

Məlumatlı şəxs onu da deyib ki, əslən Naxçıvandan olan və Vasif Talıbovun sayəsində paytaxtda, eləcə də ölkənin digər şəhər və rayonlarında yüksək post tutan çoxlu sayda məmurun da işdən çıxarılması gözlənilir.

Naxçıvan Ali Məclisinin keçmiş sədri Vasif Talıbova yaxınlığı ilə seçilən şəxslərin “vurulması” davam edir. V. Talıbovun istefa verməsindən dərhal sonra Naxçıvan Dövlət Universitetinin prorektoru olan oğlu Seymur Talıbov tutduğu postdan könüllü şəkildə imtina edib. Ötən həftə isə Vasif Talıbovun Naxçıvan prokurorunun müavini olan qardaşı Məhərrəm Talıbov sərəncama göndərilib.

Talıbovların daha bir nümayəndəsi – Dövlət Miqrasiya Xidmətində idarə rəis vəzifəsində çalışan Rza Talıbov da yol üstdədir. General Talıbovun uzunmüddətli məzuniyyətə göndərildiyi barədə xəbər rəsmən təsdiqlənib. Məlumatlı şəxslər isə oğul-Talıbovun məzuniyyətinin bitməyəcəyini iddia edirlər. Onların qənaətinə görə, Rza Talıbov əmisi Məhərrəm Talıbovun aqibətini yaşayacaq. Məzuniyyət müddəti başa çatndan sonra gənc generalın da, əmisi kimi, sərəncama göndəriləcəyi bildirilir.

Saytın əldə etdiyi məlumata görə, “təmizləmə əməliyyatı” təkcə Talıbovların sıradan çıxarılmasıyla yekunlaşmayacaq. Bu prosesin həm Naxçıvanda, həm də Bakıda Vasif Talıbova yaxınlığı ilə tanınan bütün məmurları əhatə edəcəyi vurğulanır.

Məlumatlı şəxs bildirib ki, tezliklə vəzifəsi ilə vidalaşacaq talıbovçuların siyahısında ilk yerdə Sumqayıt şəhər icra hakimiyyətinin başçısı Zakir Fərəcov gəlir. Həmişə Vasif Talıbovun adamı olmasıyla öyünən 69 yaşlı icra başçısının yanvar ayı ərzində yola salınacağı gözlənilir.

Mənbə deyib ki, Zakir Fərəcovun fəaliyyətindən narazılıq son vaxtlar onsuz da geniş vüsət almışdı. Yəni qocaman icra başçısının “vurulması” gözlənilən idi. Sadəcə, Vasif Talıbovun qəfil istefası bu prosesi daha da sürətləndirdi.

Məlumatlı şəxs onu da deyib ki, əslən Naxçıvandan olan və Vasif Talıbovun sayəsində paytaxtda, eləcə də ölkənin digər şəhər və rayonlarında yüksək post tutan çoxlu sayda məmurun da işdən çıxarılması gözlənilir.