Rusiya Prezidenti Vladimir Putinin Yeni il münasibəti ilə ictimaiyyət qarşısında çıxışı sosial medianın və beynəlxalq medianın gündəminə çevrilib. “Müharibə qəhrəmanları” ilə kamera qarşısında çıxışda ən diqqətçəkən məqamlardan biri isə Kreml rəhbərinin arxasında dayanan sarışın qadın olub.

Onun peşəkar “aktrisa” olduğu üzə çıxıb.

Həmin qadın Putinin kilsəyə səfəri zamanı orada olan örpəkli ziyarətçilərdən biri olub.

Bundan başqa Putin və RF Təhlükəsizlik Şurasının sədr müavini Dmitri Medvedyevin bir gəmidə çəkilən şəklində həmin qadın dənizçi geyimindədir.

Bu qadın həm də Türkiyə Prezidenti Rəcəb Tayyib Ərdoğanın 2019-cu ildə Moskvaya səfəri zamanı dondurma satıcısı qiyafəsində olub. Həmin vaxt Putin dondurma dükanına yaxınlaşıb və satıcıdan dondurma alaraq onlardan birini Ərdoğana təklif etmişdi.

Bu qadın Putinin Soçiyə səfəri zamanı da dondurma satıcısı rolunda olub.

Rusiya mətbuatında çıxan xəbərlərdə “Kornetto casus” kimi tanınan qadının adının Anna Sidorenko olduğu və Putinin şəxsi mühafizəçilərindən biri olduğu iddia edilir.Oxu.az

Türkiyəli tanınmış dizayner və teleaparıcı Eda Taşpınarın son paylaşımı reaksiyalara səbəb olub.

Məsciddə obyektiv qarşısına keçən Eda Taşpınar yarıçılpaq poza verib.

O, bu şəkli "Xoşbəxt illərə, sevgililərim" qeydi ilə paylaşıb.

Qısa müddətdə paylaşıma saysız-hesabsız reaksiyalar verilib. Eda Taşpınar bundan sonra məsciddə çəkilmiş yarıçılpaq şəklini səhifəsindən silib.
Məsciddə yarıçılpaq poza verən məşhur aparıcı paylaşımı sildi - FOTO

Sonxeber.az

Naxçıvan Muxtar Respublikasındakı bütün idarə və müəssisələrdən – büdcə təşkilatlarından Ali Məclisin keçmiş sədri Vasif Talıbovun şəkilləri yığışdırılıb.

Bu barədə Modern.az-a Naxçıvandakı dövlət təşkilatının adının çəkilməsini istəməyən vəzifəli şəxsi məlumat verib.

Bildirilib ki, bu haqda tapşırığı Naxçıvan MR-in yeni rəhbərliyi verib. Bununla bağlı müvafiq tapşırıqların artıq icra olduğunu vurğulanıb.

Qeyd edilir ki, bu yaxınlara kimi Naxçıvanıdakı idarə və müəssiələrdə mərhum dövlət başçısı Heydər Əliyev və Prezident İlham Əliyevlə yanaşı, Vasif Talıbovun da şəkilləri asılırdı.

“Artıq heç bir qurumda Ali Məclisin keçmiş sədrinin şəkillərinə rast gəlinmir”, - deyə mənbə bildirib.

Xatırladaq ki, Vasif Talıbov 2022-ci il dekabrın 21-də Ali Məclis sədri postundan istefa verib.

Naxçıvan MR Ali Məclisinin həmin gün keçirilən iclasında V.Talıbovun istefası ilə bağlı qərar rəsmən təsdiqlənib.

Vasif Talıbov 1995-ci ilin dekabr ayından Naxçıvan MR Ali Məclisinin sədri vəzifəsində çalışırdı.

22 dekabr 2022-ci il tarixində Fuad Nəcəfli Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi təyin edilib.

28 dekabr 2022-ci il tarixində isə polis polkovniki Süleyman Neymətov Naxçıvan MR daxili işlər naziri təyin olunub.

Onların hər ikisi əslən naxçıvanlıdırlar.

Şəkildə gördüyünüz XVIII əsrə aid Səkkizguşəli türbə - ikinci adı Güloğlular türbəsidir.
Azərbaycanın Bərdə rayonunun Güloğlular kəndində yerləşir.

O Güloğlular kəndi ki, bir neçə gün əvvəl bəzi sakinləri "DogruXeber.az" informasiya agentliyinin tabeçiliyində fəaliyyət göstərən "Kanal14" YouTube kanalında yayımlanan "Kamalın zamanı" proqramının şərh bölməsində məişət tullantılarının atılması üçün sakinlərdən pul yığılmasından gileylənirdi.

"Niko Tunc" adlı istifadəçi yazır ki, kənddə bələdiyyənin ümumiyyətlə heç bir fəaliyyəti yoxdur. Yalnız, seçki vaxtı bizim də kəndimizdə belə bir qurumun olduğunu xatırlamış oluruq".

Bundan əlavə sözügedən istifadəçi yazır ki, "Bərdə rayonunun Güloğlular kəndində kim 3 manat verirsə onun zibilini atırlar, yaxud, kimin maşını varsa, özü aparıb atır. Amma, pulu və maşını olmayanların zibili küçədə iylənir ".

Kənd sakininin sözlərindən belə başa düşülür ki, 18-ci əsrdən bəri tarixi türbəni yaşadan kəndin bugünü "yaşamaq üçün sürünmək" məcburiyyəti qarşısında çırpınıb durur.

Hər dövrün şairi rəhmətlik Mirzə Ələkbər Sabir demişkən:
"Əcnəbi seyrə balonlarla çıxır,
Biz hələ avtomobil minməyiriz."

Doğrudan da əcnəbinin məişət tullantılarını yerində istehsal edib, yaşam üçün lazımlı bir əşyaya çevirdiyi bir dövrdə, bizim bir çox bölgələrimizdə zibillər sovetin istifadə müddətini çoxdan başa vurmuş köhnə "Qaz-53" avtomobilləri ilə şəhərin kənarına daşıyıb, anti-sanitar şərait yaradılır, kəndlərdə də ya hərə bir balaca quyu qazıb, ora atır, ya da toplayıb həyət qapısının qarşısında yandırır.

"Kim 3 manat verməsə, zibili qapısında iylənir" - Bərdə sakini gileyləndi
Beləliklə, evini, həyətini təmizləmək istərkən, havanı çirkləndirmiş olur. Bu da o, deməkdir ki, vətəndaşların məcburiyyətdən etdiyi bu kimi ekoloji yaşama zidd hərəkətlərin səbəbkarı birinci növbədə Rayon İcra Hakimiyyətinin tabeliyində fəaliyyət göstərən Kommunal Təsərrüfat Birliyi, kəndlərdə icra nümayəndəliyi və bələdiyyələrdir.

Yeri gəlmişkən, bu cür vəziyyət heç də paytaxtdan kənar bölgələrimizdə deyil, elə Paytaxt Bakıda - Sabunçu, Yasamal və digər bir neçə rayonlarda da belədir ki, məişət tullantıları günün günorta çağı kiçik yük avtomobilləri (Kamaz) ilə üfunət qoxusunu ətrafa yaya-yaya şəhərin içində hərəkət edirlər. Qeyd edək ki, bu barədə əvvəllər də "DogruXeber.az"da məlumat dərc edilib.

Həmçinin, Binəqədi rayon Xocahəsən qəsəbəsində günlərlə toplanıb qalan, aşıb-daşan, ətrafı da çirkləndirən, çirkli suları küçələrə axıb, ətrafı üfunətə qərq edən zibil qablarının yaratdığı mənzərəni də çoxsaylı izləyicilərimiz də görmüş olar yəqin ki...

Xocahəsən qəsəbəsindəki yuxarıda təsvir etdiyimiz mənzərəyə ətraf sakinlər "Yazın, qurban olum, bəlkə bundan sonra yığışdıralar" deyə, "yaxa çəkdikləri" halda, ərazi üzrə icra nümayəndəsinin müavini sakinlərin zibil qabların ətrafına artdığından, qabların boş olduğundan gileylənmişdi" ki, biz buna "gözümüzün gördüyünü bizə dandırmağa cəhd" deyirik.

Əslində, bəzi yerlərdə müavinin dediyi mənzərələrə də rast gəlmək mümkündür. Bəzən vətəndaşların özləri də ətrafda anti-sanitar vəziyyət yaradırlar. Çünki, bu barədə lazımi biliklərə malik deyillər. Başqa ölkələrdə olduğu kimi bizdə bu sahədə maarifləndirmə tədbirləri, yaxud dövlət televiziyalarında maarifləndirici proqramlar yayımlanmır.

"Kim 3 manat verməsə, zibili qapısında iylənir" - Bərdə sakini gileyləndi
"Yemək və oynamaq. Bir də güldürmək məqsədli - lakin zəhmətləri boşa gedən el dilində desək, "şit komediya "".... Vəssalam.

Əlqərəz.

Mövzudan yayınmadan, bunu da xüsusi vurğulamaq istəyirik ki, təbii ki, mövzunun girişində qeyd etdiyimiz məsələdə cavabdeh olan ilk növbədə aidiyyatı qurumların Güloğlular kəndi üzrə nümayəndələri - İcra nümayəndəsi və bələdiyyə sədridir.

Yeri gəlmişkən, məsələdə məsul tərəflərin də mövqeyini dinləməyə hazırıq.

DogruXeber.az

Bakının Nəsimi rayonu, Nəsib bəy Yüsifbəyli küçəsi 34 ünvanının sakinləri tikinti şirkətinin onlara təzyiq göstərməsindən şikayətçidirlər.

Sakinlər iddia edirlər ki, tikinti şirkətinin əməkdaşları həmin ərazidəki evləri sökərkən

vətəndaş söküntünün altında qalaraq xəsarət alıb.

"Binanı uçurdular, həyat yoldaşım altında qaldı”, - deyə şikayətçi qeyd edib.

Daha ətraflı Baku TV-nin süjetində:

İranın Azərbaycandakı səfiri Seyid Abbas Musəvi məsləhətləşmələr üçün Tehrana gedib.

Bu barədə İran Xarici İşlər Nazirliyi məlumat yayıb.

Məlumata görə, İranın Azərbaycandakı səfiri Seyid Abbas Musəvi İranın xarici işlər naziri Hüseyn Əmir Abdullahian ilə görüşüb. Səfir iki ölkə və ikitərəfli münasibətlərdə son hadisələrlə bağlı nazirə hesabat təqdim edib.

Görüşdə Hüseyn Əmir Abdullahian İran Hökumətinin qonşularla sıx və yaxşı münasibətlər siyasəti kontekstində iki ölkə arasında siyasi, iqtisadi, mədəni və digər sahələrdə əməkdaşlığı inkişaf etdirmək niyyətini vurğulayıb. Eləcə də Müştərək Hökumətlərarası Komissiyanın növbəti iclasının keçirilməsi istiqamətində lazımi göstərişləri verib.

“Ermənistan Xarici İşlər Nazirliyinin (XİN) Laçın yolunda etirazlar ilə əlaqədar 3 yanvar 2023-cü il tarixli növbəti bəyanatı tamamilə əsassızdır və beynəlxalq tərəfdaşlar arasında məsələ ilə bağlı çaşqınlıq yaratmaq və vəziyyəti süni gərginləşdirmək məqsədi daşıyır”.

Bu barədə Azərbaycan Xarici İşlər Nazirliyinin Mətbuat xidməti idarəsinin Ermənistan XİN-in 3 yanvar 2023-cü il tarixli bəyanatına dair şərhində bildirilib.

Qeyd olunub ki, Ermənistanın ərazilərimizin 30 il işğalı dövründə təbii sərvətlərimizin talanması faktına qarşı Azərbaycanın bir qrup vətəndaş cəmiyyəti nümayəndəsinin etirazları ilə əlaqədar Ermənistan XİN-in təhrif dolu bəyanat verməsi təəccüblü deyil. Görünür ki, Ermənistan tərəfi hələ də Azərbaycan ərazisində qeyri-qanuni iqtisadi və digər fəaliyyətlərin davam etməsində maraqlıdır.

“Yaxşı məlumdur ki, Azərbaycan hökuməti 1 ildən artıq müddətdə, yəni 2021-ci ilin noyabr ayından etibarən Rusiya sülhməramlı kontingentinin müvəqqəti yerləşdiyi Azərbaycan ərazilərində qeyri-qanuni iqtisadi fəaliyyətin qarşısını almaq məqsədilə müraciətlər ünvanlayıb, sonuncu dəfə 3-10 dekabr tarixlərində məsələni danışıqlar yolu ilə həll etməyə cəhd göstərib. Bütün bu səylərə baxmayaraq, erməni tərəfi müraciətlərə məhəl qoymayıb, aidiyyəti qurumların əraziyə girişinə maneçilik törədib və qanunsuz fəaliyyətləri davam etdirməyə çalışıb. Məhz bütün bu hərəkətlər Azərbaycan ictimaiyyətinin haqlı etirazına səbəb olub və yalnız humanitar məqsədlər üçün nəzərdə tutulmuş Laçın yolundan sui-istifadə hallarının qarşısının alınması tələbi ilə dinc nümayiş keçirilir.

Bu etirazlara qarşı səslənən hər bir fikir məhz Azərbaycanın suverenliyi, ərazi bütövlüyü kimi beynəlxalq hüququn norma və prinsiplərinin birbaşa pozuntusu, Azərbaycan ərazisində mövcud olan bütün təbii sərvətlərin Azərbaycan Respublikasına məxsusluğu barədə müddəanın əks olunduğu ölkə Konstitusiyasına və etirazçıların hüquqlarına qarşı hörmətsizlik kimi dəyərləndirilir və qəbuledilməzdir.

Bununla yanaşı, etirazların guya Laçın yolunun bağlanması ilə nəticələndiyi və humanitar böhran yarandığı iddiaları eyni dərəcədə əsassızdır. Gün ərzində Beynəlxalq Qızıl Xaç Komitəsinə (BQXK) və sülhməramlı kontingentə məxsus nəqliyyat vasitələrinin, tibbi avtomobillərin yoldan maneəsiz keçidi danılmaz bir faktdır. Həmçinin erməni sakinlərinin üzləşə biləcəyi bütün humanitar ehtiyacların operativ şəkildə həll etməyə hazırlıq, həm Azərbaycan hökuməti, həm də vətəndaş cəmiyyəti nümayəndələri tərəfindən bəyan olunub.

Azərbaycan tərəfinin yolun açıq olduğu və Üçtərəfli bəyanatla təyinatı üzrə istifadə edilə biləcəyi barədə erməni sakinlərə çağırışlarına baxmayaraq, özlərini Qarabağda yaşayan erməni sakinlərin nümayəndələri kimi təqdim edən təxribatçıların əhalini yoldan istifadədən çəkindirməsi faktları bir daha sübut edir ki, məhz belə şəxslər etirazlar barədə yalnış təəssürat yaratmaqla öz qeyri-qanuni və çirkin əməllərini davam etdirmək məqsədi güdürlər.

Üçtərəfli bəyanatın pozulması barədə iddialara gəldikdə xatırlatmaq istərdik ki, Ermənistan liderinin də imza atdığı Üçtərəfli bəyanata əsasən, Laçın yolundan qeyri-qanuni çıxarılan təbii sərvətlərin Ermənistana daşınması, Azərbaycandan hələ də tam çıxarılmayan erməni silahlı qüvvələrin hərbi təchizatının davam etdirilməsi, Azərbaycan ərazisinə minalar ötürmək və yerləşdirməklə mina təhdidinin artırılması, üçüncü ölkə vətəndaşlarının qanunsuz keçidi və s. bu kimi qeyri-qanuni fəaliyyətlər üçün nəzərdə tutulmadığı və bütün bu hərəkətlərin Üçtərəfli bəyanatın kobud pozuntusu olduğu Ermənistan tərəfinə yaxşı məlumdur.

BMT Təhlükəsizlik Şurasının (TŞ) 20 dekabr 2022-ci il tarixli iclası ilə bağlı Ermənistan XİN-in manipulyasiya kampaniyasına baxmayaraq, demək olar ki, bütün BMT TŞ üzv dövlətləri Üçtərəfli Bəyanat üzrə öhdəliklərin yerinə yetirilməsinə, eləcə də suverenliyin və ərazi bütövlüyünün qarşılıqlı tanınması və hörmət edilməsi ilə bağlı çağırışlar etdikləri, bununla da, Azərbaycanın mövqeyini təsdiqlədikləri, Ermənistanın təxribatlarına dəstək nümayiş etdirilmədiyi bəllidir. Azərbaycan ərazisinə hər hansı bir missiya göndərmək barədə Ermənistanın çağırışları Azərbaycanın suverenliyi və ərazi bütövlüyünə qarşı növbəti təxribat kimi qiymətləndirilir və buna son qoyulmalıdır.

Ermənistan XİN-in Azərbaycanı deportasiya və etnik təmizləmədə təqsirləndirməsi absurd olmaqla yanaşı, 20 əsrdə ermənilərin azərbaycanlılara qarşı törətdiyi Ermənistan və Azərbaycan ərazisində sistematik və ardıcıl etnik təmizləmə siyasətini ört-basdır etmək cəhdidir. Azərbaycana qarşı ərazi iddialarının növbəti dəfə baş qaldırdığı 1987-ci ildən bəri 1 milyona yaxın azərbaycanlıya qarşı deportasiya və etnik təmizləmə həyata keçirilməsi, azərbaycanlılara qarşı Ermənistan tərəfindən qırğınlar törədilməsi tarixi bir faktdır. Bununla yanaşı, xatırlatmaq yerinə düşər ki, 44 günlük Vətən müharibəsində belə, döyüş bölgəsindən xeyli aralı olan ərazilərdə həlak olan azərbaycanlı mülki əhalinin sayı həlak olmuş erməni mülki əhalinin iddia edilən sayından dəfələrlə çox olub. Bütün bunlar hansı tərəfin mülki əhalini hədəf aldığını göstərən danılmaz sübutlardır.

Azərbaycan bir daha Ermənistanı beynəlxalq hüquqdan və Üçtərəfli bəyanatdan irəli gələn öhdəliklərinə əməl etməyə, Azərbaycanın suverenliyinə və ərazi bütövlüyünə qarşı yönəlmiş fəaliyyətlərdən çəkinməyə, təcavüzkar siyasi və hərbi təxribatlarını dayandırmağa çağırır. Azərbaycanın regional sülh, sabitlik və inkişaf ilə bağlı mövqeyi prinsipial və ardıcıldır, beynəlxalq hüquqa və formalaşmış beynəlxalq təcrübəyə əsaslanan tədbirlər davam etdiriləcək”, - məlumatda vurğulanıb.

"Yardımlı dağlıq bölgədir. - Respublika mərkəzindən 350-400 kllometr izaqlıqda yerləşən rayonlardan biridi. Sovet dönəmində özünün tütünçülüyü, üzümçülüyü, heyvandarlıqın inkişafı baxımından müəyyən uğurlara imza atmış bir dağlıq bölgəsi olmuşdur. Respublika müstəqillik əldə etdikdən sonra rayona mərkəzin köməyi bir qədər azaldı. İqtisadiyyatın çöküşü özünü biruzə verməyə başladı". DİA.AZ bildirir ki, bu sözlər 1-ci Qarabağ savaşının döyüşçüsü Maşallah Məftun tərəfindən ölkə rəhbərliyinə ünvanlanan müraciətdə yer alıb. Daha sonra müraciətdə deyilir:

"Zavod-fabrik olmadığı üçün vətəndaşlar 100-də 70% -iş yerləri əldə edə bilmədilər. (bu təxmini rəqəmdir) Biz dəfələrlə zamanında Respublika rəhbərliyi qarşısında mələlə qaldırdıq ki, Yardımlıdan gömrük keçidi İrana açılsın həm xeyli insan işə düzəlsin, həmdə İrana Beləsuvar və Astaradan yox qısa yolla Deman kəndi istaqamətindən gediş-gəliş olsun. Bu xahişimizdə yerinə yetirilmədi. Bu günün mənzərəsinə baxanda bəzi rayonlar kimi Yardımlıda doğulan gənclərin demək olar ki, əksəriyyəti Bakıya, Qaradağa iş dalıycan gəlirlər. Bəzi kəndlər demək olar ki, boşalıb, yaşlılar qalmışdır. Buna səbəb nədir Əyər birinci iş yerlərinin yetərincə olmamasıdırsa ikincisi, rayonda sosial-məişət problemlərinin kəllə çarxa vurmasıdır. Detallara müraciət edək. Rayon dağlıq ərazidə yerləşməsinə baxmayaraq burada kəndlərdə su, qaz, demək olar ki, minimum dərəcədədir. Yollar müəyyən dərəcədə düzəlsədə yenədə istənilən səviyyədə deyil. Vərgədüz və Horavar kəndinin arasında olan Gerconu meşəsinin yerində artıq təsərrüfat işləri görülür. Meşə yoxdur. Azərbaycanda qaz istesalı başlanan ildən bu günədək bu rayona qaz çəkilməmişdir. Düzünü demək lazımdır ki, bəzi kəndlər vardır ki, oraya qaz çəkilmişdir. Horavar kəndi rayonun böyük kəndlərindən biridir. Bu kənd özündə haradasa 4-5 kəndi birləşdirir. Rayonun İcra nümayəndəliyi, Orta məktəb, Telefon qovşağı, və sair bu ərazidə yerləşir. Əyər bu kəndlərdə qaz yoxdursa bu mərkəzi kənddə yerləşən məktəbdə hansı kefiyyətdən danışmaq olar. Axı bu məktəb Azərbaycan Ordisina istər birinci, istər ikinci Qarabağ Vətən müharıbəsinə döyüşçülər vermişdir, Şəhid olanların ruhu qarşısında baş əyirəm. Xəbərlər gəlir ki, haçan soruşursan kəndə haçan qaz çəkiləcək Rayon rəhbərliyi deyir ki, növbəniz çatanda, konkret rəqəm deyilmir.Əcabə bu nə demək-Azərbaycan dünyaya qaz satır necə ola bilər ki, bu rayonun kəndlərinə qaz çəkilməsin. Mən buradan Cənab Prezident İlham Əliyevə və Hörmətli Mehriban xanım Əliyevaya səslənirəm- Bakıda yaşasamda Yardımlı rayonu mənim doğülduğün rayondur. Bu rayonun əksər kəndlərində qaz, içməli su yoxdur. Məzlum kənd adamları bilmirlər necə ocaq, təndir qalasınlar, ölüsü öləndə qonağı necə yola salsınlar. 2023-cü il büdcəsi 30 milyarddan yuxarı olan ölkə üçün belə deyək 5-10 kəndə qaz çəkmək nə problemdirki. Mən 1-ci Vərən müharibəsinin döyüşçüsü kimi Sizdən xahiş edirəm ki, bu kəndlərə özünüzün rəhimdilliyinizi, xeyriyyəçiliyinizi əskik etməyəsiniz. Bütün zəfərlərimiz Sizin adınızla bağlıdır. Elə bilirəm ki, 2023- cü il əziz Qarabağımızda, Zəngəzurumuzda zəfər ili olduğu kimi gözdən, könüldən uzaq olan Yardımlı bölgəsində də bəzi qlobal problemlərimiz həll olacaqdır. Qabaqcadan Sizə minnətdarlıq edirik".

Məsələ diqqətimizdədir...

DİA.AZ

Yanvarın 3-də günorta saatlarında Nərimanov rayonu N.Hacıyev küçəsində yerləşən mənzillərdən birindən naməlum şəraitdə 50000 manat pul və 30000 manat dəyərində qızıl əşyalarının oğurlanması barədə polisə məlumat daxil olub.

Polis əməkdaşlarının “isti iz”lərlə keçirdiyi əməliyyat-axtarış, əməliyyat-texniki tədbirlərlə oğurluq əməlini törətməkdə şübhəli bilinən ev sahibinin 2002-ci il təvəllüdlü oğlu olması müəyyən edilib. O, oğurluq əməlini xüsusi və peşəkar oğrular tərəfindən törədilməsi görüntüsünü yaratmaq, iz itirmək məqsədilə filmlərdə gördüyü metod və vasitələrdən istifadə etməklə törədib. Polisin əməkdaşlarının tutarlı sübutları əsasında o, törətdiyi oğurluq əməlini etiraf edib, talanan pul vəsaitinin bir hissəsini və qızıl əşyalarını gizlətdiyi yerdən çıxararaq istintaqa tədim edib.

"DogruXeber.az" xəbər verir ki, 26.12.2022-ci il tarixində Dövlət Satınalma (e-tender.gov.az) Portalında Qusar Rayon İcra Hakimiyyəti ilə "Miray MH" MMC ilə 71931.5 (yetmiş bir min doqquz yüz otuz bir, alli) AZN məbləğlə "Qusar şəhərində fərdi yaşayış evlərinin dam örtüklərinin dəyişdirilməsi işlərin satınalınması" müqaviləsinin bağlandığı barəsində məlumat dərc edilmişdi. Lakin, sözügedən müqavilənin "ətraflı məlumat" bölməsində heç bir məlumat qeyd edilməyib.



Qeyd edək ki, ilk öncə Qusar rayon İcra Hakimiyyətinin hardasa (hansı portalda elan edildiyinə dair məlumat qeyd edilməyib) elan etdiyi tenderin qalibi olan "Miray MH" MMC barəsində "VÖEN" seriyası ilə araşdırma etdik. Araşdırmamız zamanı məlum oldu ki, 71931.5 (yetmiş bir min doqquz yüz otuz bir, alli) AZN - lik işi qazanan "Miray MH" MMC-nin cəmi 10 (on) AZN kapital qoyuluşu var.
Yeri gəlmişkən, müqavilənin müddəti 22.12.2022 tarixindən, 31.12.2022 tarixinə qədər.

P.S: Sözügedən faktla bağlı yayımlamadan öncə, 26.12.2022-ci il tarixində "DogruXeber.az" olaraq, Qusar Rayon İcra Hakimiyyətinin elektron ünvanına rəsmi sorğu göndərdik.
29.12.2022-ci il tarixində Qusar Rayon İcra Hakimiyyəti sorğumuza rəsmi cavab göndərib.

Cavabda deyilir:
"Sizin rayon İcra Hakimiyyətinin elektron poçt ünvanına göndərdiyiniz sorğunuza cavab olaraq bildiririk ki, "Miray MH" MMC ilə Qusar rayon İcra Hakimiyyəti arasında "Qusar şəhərində fərdi yaşayış evlərinin dam örtüyünün dəyişdirilməsi" işlərinin satınalınmasına dair bağlanmış müqavilə açıq tender proseduru aparılmaqla qanunauyğun şəkildə bağlanılmışdır. Belə ki, 21 oktyabr 2022-ci ildə Qusar rayon İcra Hakimiyyəti tərəfindən e-tender.gov.az elektron portalına "Qusar şəhərində fərdi yaşayış evlərinin dam örtüyünün dəyişdirilməsi işlərinin satınalınmasına dair elan verilmiş, hemin elana əsasən 46690 nömrəli müsabiqədə iştirak etmiş 6 teşkilatdan "Miray MH" MMC birinci yer tutmuşdur. Nəzərinizə çatdırırıq ki, "Miray MH" MMC-nin anoloji işlərdə təcrübəsi, potensialı, texniki və digər lazımi imkanları, son bir ildəki fəaliyyəti haqqında vergi orqanları tərəfindən təsdiq olunmuş hesabat və maliyyə vəziyyəti haqqında müvafiq bank arayışı, müvafiq xidmətlər üzre uyğunluq lisenziyası ve diger melumatlar ətraflı şəkildə e- tender.gov.az elektron portalında müsabiqədə yerləşdirilmişdir.

Məlumat üçün onu da nəzərinizə çatdırırıq ki, Azərbaycan Respublikasının İqtisadiyyat Nazirliyi yanında Antiinhisar ve İstehlak Bazarına Nəzarət Dövlət Xidmətinin 23 dekabr 2022-ci il tarixli AIBNDX-11/01-5/10478p nömrəli məktubunda sözügedən təşkilata dair bütün sedlarin düzgünlüyünün yoxlanıldıqdan sonra "Miray MH" MMC "Qusar şəhərinde fərdi yaşayış evlərinin dam örtüyünün dəyişdirilməsi işlerinin satınalınması üzrə müsabiqədə qalib təşkilat kimi qeydə alındığı bildirilmişdir.
Xahiş edirik nəzərə alasınız."

Göndərilən cavabı hərfi yazılışına qədər olduğu kimi təqdim etdik.

Diqqət !
Yuxarıda ətraflı məlumat bölməsində heç bir məlumat olmadığını qeyd etmişik.
Təqdim etdiyimiz fotoda da ətraflı məlumat bölməsinin yerində qara nidanı da yəqin gördünüz. Tender elanının harda, hansı portalda yayımlandığı da "ətraflı məlumat" bölməsində göstərilməli idi. Hətta, diqqət etdinizsə, Qusar Rayon İcra Hakimiyyəti cavabında da elan edildiyini bildirib. Lakin, hansı portalda? - bax bu yenə də qeyd edilməyib.

Hörmətli Qusar Rayon İcra Hakimiyyəti, inciməyin, cavab məktubunuzda yol verdiyiniz çoxsaylı hərf səhvləri sorğudakı mövzuya nə dərəcədə "ciddi" yanaşdığınızı göstərir.

Qeyd: Məsələnin ətraflı araşdırılması üçün tərəfimizdən aidiyyatı qurumlara göndərilməsi üçün rəsmi müraciətlər hazırlanır.

DogruXeber.az