“Azərbaycan İranla artıq Araz çayı üzərində körpü tikintisinə başlayıb”.

Bunu Azərbaycanın xarici işlər naziri Ceyhun Bayramov 2022-ci ilin yekunlarına dair keçirdiyi mətbuat konfransında deyib.

Nazir bildirib ki, Azərbaycanla İran arasındakı razılaşmaya əsasən, Azərbaycandan Naxçıvana alternativ yol olacaq.

Qeyd edək ki, 2022-ci ilin martın 11-də Bakı ilə Tehran arasında İran ərazisindən keçməklə Azərbaycanın Şərqi Zəngəzur iqtisadi rayonu ilə Naxçıvan Muxtar Respublikası arasında yeni kommunikasiya bağlantılarının yaradılması haqqında Anlaşma Memorandumu imzalanıb.

Oxu.Az

Zərdab Rayon İHB-nın Zərdab Şəhər İnzibati Ərazi Dairəsi Üzrə Nümayəndəliyi “Abadlaşdırma işlərinin satın alınması” MMC tenderinə yekun vurub.

DİA.AZ xəbər verir ki, tenderin qalibi "İdeal-İnşaat Company” MMC olub. Tenderin dəyəri 506 min 797.86 manatdır.

Qeyd edək ki, şirkət bundan əvvəl həmin qurum tərəfindən edilmiş 511 min 692.96 manat dəyərindəki “Abadlaşdırma işlərinin satın alınması" tenderinin qalibi seçilib (08.10.2022).

DİA.AZ bildirir ki, "İdeal-İnşaat Company” MMC-nin adı yerli KİV-də yetərincə mənfiyə hallanıb. Bu nədir ki... hətta konkret ittihamlar da səslənib. Amma nədənsə "İdeal-İnşaat Company” MMC-dən kimsə bu suallara cavab vermək istəməyib və yaxud da kimsənin cavabı olmayıb.

İndi isə aydın olur ki, adamlar heç nə olmamış kimi yenidən meydandadırlar...

Əlavə materialımız olacaq. İddia olunanlarla bağlı dia.az olaraq bütün maraqlı tərəfləri dinləməyə hazırıq...

Naxçıvan əhalisinin daha çox narazı olduğu yerlərdən biri də Muxtar Respublikanın yeganə giriş-çıxış qapısı olan Hava Limanı və onun məşhur rəisi olan Mənşur Gülməmmədlidir. Bu rəisin pul qazanma bacarığına camaat sözün həqiqi mənasında heyran qalıb. Adam təyyarələrin uçuş-enmə zolağının ətrafını elə sort yonca əkib ki, ildə dörd dəfə biçir, sonra presə vurub satır. Adama deyərlər, təyyarə hara, yonca hara?

Naxçıvandan Bakıya siqaret gətirmək istəyən şəxslərin siqaret bloklarını əllərindən alıb, heç bir sənədləşmə aparmadan elə aeroportun özündə fəaliyyət göstərən və bütün qazancı şəxsi cibinə gedən mağazaya təhvil verib satdırır. Baqajsız uçan sərnişinlərin adına yük yazıb, pulu cibinə qoyur. Xidməti personalın içində isə köməkçisi Firuzə xanımdan başqa heç kimə etibar eləmir. İnanmırsınızsa baxın görün 24 yaşlı işçinin başına hansı oyunları açıb? Şikayətçinin Azinforum.az saytına ünvanladığı və bizdən bunu ölkə rəhbərliyinə çatdırmağı xahiş etdiyi məktubu olduğu kimi təqdim edirik:

“Mən Hacıyev İlqar Vaqif oğlu Naxçıvan Beynəlxalq Hava Limanının YTQX komandasının dispetçeri vəzifəsində işləyirdim. 01.12.2022 il tarixdə saat 18:00 radələrində (Naxçıvan ŞPİ cinayət axtarış şöbəsinin rəisi Şahin Novruzov tərəfindən) Naxçıvan şəhər polis idarəsinə aparılmışam. Mənə məxsus telefonum əlimdən alındığı üçün, iş yerimə məlumat verə bilmədim. Naxçıvan ŞPİ rəisi (mayor) Elvin adlı şəxsin dediyinə görə, iş yerimə (Hava Limanına) mənim polisdə olmağımla bağlı məlumat verilibdi. Haqqımda olan şikayət araşdırıldıqdan sonra və şikayət edən tərəf şikayəti geri götürdükdən sonra , məni qanunsuz şəkildə 2 gün müddətində 08:00-dan 22: 00-dək polis idarəsində saxladılar. Sonda şikayət geri götürüldüyü və günahsız olduğum üçün , haqqımda inzibati tədbir görülmədi və cinayət işi açılmadı.

02.12.2022 il tarixdə Naxçıvan Beynəlxalq Hava Limanın direktoru Mənşur Gülməmmədlinin tapşırığı ilə kadr üzrə mütəxəssis Ayşən Əsədova məni Azərbaycan Respublikasının Əmək Məcəlləsinin 70-ci maddəsinin “c” bəndinə əsasən (heç bir üzrlü səbəb olmadan bütün günü işə gəlməmə) işimə xitam verərək məni işdən azad edib. Bir daha bildirmək istəyirəm ki , işə 12 saatlıq növbəmə getməmə və işə zəng vurub məlumat verə bilməmə səbəbim polis idarəsində üzrlü səbəbdən olmağımdır. Xahiş edirəm ki, atasız gənc və ailə başçısı olmağımı nəzərə alasınız. Məni işimə bərpa etmələrinə, əmək kitabçamda yazılan maddəni silmələri ilə bağlı göstəriş verəsiniz. Heç bir işə girə bilmirəm. Mənə bu zülmü edən Mənşur Gülməmmədli haqqında tədbir görməyinizi xahiş edirəm.

Polisdə mənə növbətçi hissənin adını bilmədiyim çavuşu yaxınlaşaraq: “rəis əvəzi mayor Elvin Səfərlinin göstərişidi , get ŞPİ ərazisindəki yarpaqları süpür” , – dedi . Mən imtina etdiyim halda isə növbətçi hissənin rəisi (mayor) Sərxan ŞPİ-nin binasının daxili təhlükəsizlik kamerasının qarşısında qolumu burub pilləkənlərdən aşağı itələdi və saxlanma yerində məni döyərək başıma zərbələr endirdi. Axırda orda olan çavuşlar və oranın çayxanasını işlədən şəxslər araya girib, mübahisəni sonlandırdı.

Oradakı polis işçilərinin dediklərinə görə , Sərxan Naxçıvan MR Ali Məclisinin keçmiş sədri V.Talıbovun qohumudu ona heç kim heç bir söz demir, qoçuluq edir. Şikayət geri götürüldüyü halda , ŞPİ-nin rəis əvəzi E.Səfərli məni iki gün polis idarəsində saxladı buna görə işə gedə bilmədim və buna görə işdən qanunsuz yerə azad olundum. Məhkəmə qərarı olmadan polis məməkdaşları Abbas və Şirxan telefonuma baxış keçirib. Xaiş edirəm ki Elvin Səfərli və Sərxan adlı şəxslər barəsində tədbir görəsiniz. //azinforum.az//

Bildiyimiz kimi, Cəbrayıllı məcburi köçkünlərin böyük əksəriyyəti Biləsuvar rayonu ərazisində salınmış 4 saylı qəsəbədə məskunlaşmışlar. Qəsəbədə hər cür infrastruktur yaradılmış, Cəbrayıllılar burada məşğulluqlarını təmin etmiş, mövcud imkanlar daxilində pambıq və barama təsərrüfatları quraraq iqtisadiyyatımızın inkişafına da töhfə verməkdədirlər.
Hələ 2016-cı ildə Cocuq Mərcanlı kəndinə yaxın yerləşən Lələtəpə yüksəkliyi 4 günlük müharibə zamanı Azərbaycan Respublikası Silahlı Qüvvələri tərəfindən işğaldan azad ediləndən sonra sual olunurdu ki, nə əcəb Cəbrayıl Rayon İcra Hakimiyyətinin inzibati binası Biləsuvar rayonundan Cocuq Mərcanlıya köçürülmür. 2020-ci ildə 44 günlük müharibədən sonra torpaqlarımız, o cümlədən Cəbrayıl rayonu tam azad olunandan sonra bu məsələ yenidən xatırladılmaqdadır.
Dövlət, onun rəhbərliyi nə vaxt məqsədəuyğun hesab edəcək, onda da Cəbrayıl rayonunun idarəetmə strukturlarının, dövlət və hökumət orqanlarının inzibati binalarını da Cəbrayıl şəhərinə köçürəcək. Bu məsələlər Böyük Qayıdışın tərkib hissəsi kimi gec-tez həllini tapacaq. Sözümüz onda deyil. Yəqin razılaşarsınız, bir halda ki, yaxın perspektivdə Cəbrayıl rayonuna qayıdış nəzərdə tutulub, o halda Biləsuvarda çox bədxərclik eləmək o qədər də məqsədəuyğun sayılmamalıdır. Əlbəttə, son dərəcə vacib məsələlərin həllini təxirə salmaq olmaz. Amma xərclərin optimallaşdırılmasını, israfçılığa yol verilməməsi də mühüm əhəmiyyət kəsb edir. Biz inanırıq ki, tezliklə Cəbrayıl rayonunda, inzibati mərkəz sayılan Cəbrayıl şəhərində həyat qaynayacaq, orada düşmənin viran qoyduğu, həm də sayı yetərincə çox olan qədim tarixi-mədəni abidələr restavrasiya olunacaq, Ümummilli lider Heydər Əliyevin adını daşıyacaq prospektlər, parklar salınacaqdır.
İndi isə keçək əsas məsələyə.Mediatv.az xəbər verir ki, Cəbrayıl Rayon İcra Hakimiyyətinin Biləsuvar rayonu ərazisində Cəbrayıl rayon məcburi köçkünlər üçün salınmış 4 saylı qəsəbədə Ümummilli lider Heydər Əliyevin adını daşıyan mədəniyyət və istirahət parkında aparılacaq abadlıq işləri üçün keçirdiyi tenderdə “İNTER STAR” beynəlxalq şirkəti qalib gəlib. İcra Hakimiyyəti adı çəkilən şirkətə 183197.72 AZN vəsait ödəyəcək.
Maraqlıdır ki, informasiya resurslarında “İNTER STAR” beynəlxalq şirkəti ilə bağlı məlumat çox kasaddır. Şirkətin yalnız 2021-ci il mart ayında “AZƏRALÜMİNİUM” MMC-nin elan etdiyi mexaniki ölçü və elektrik alətlərinin satın alınması ilə bağlı tenderdə qalib gəldiyi barədə məlumata rast gəlinir. Daha bir neçə il əvvəl isə şirkət rəhbərinin 245 min manatlıq qeyri-yaşayış sahəsini banka girov qoyduğu, şirkətə 24 faizlə götürülən kredit kimi rəsmiləşdirilmiş 65000 manat pulun “Kapitalbank”ın əməkdaşı tərəfindən mənimsənilməsi barədə informasiya gözə dəyir, vəssalam.
Sual olunur: “İNTER STAR” şirkətinin əsas profili nədir, hansı sahə üzrə ixtisaslaşıb – mexaniki ölçü və elektrik alətləri satmaq üzrə, yoxsa, parklarda abadlıq işlərini yerinə yetirmək üzrə? Görəsən, “İNTER STAR” beynəlxalq şirkətinin yenə hansısa banka borcunun olub-olmadığı, əmlakının girov saxlanılıb-saxlanılmadığı dəqiq öyrənilibmi? Yoxsa, Cəbrayıl RİH-nin başçısı hörmətli Kamal Həsənov qarşıdan gələn və “Heydər Əliyev ili” elan olunmuş 2023-cü ildə Ulu Öndərin adı ilə bağlı xərclərə görə hesabat tələb olunmayacağını, “Satınalmalar haqqında” AR Qanununun tələblərinin gözardı ediləcəyini düşünür? //Mediatv.az//

Tibbi Ərazi Bölmələrini İdarəetmə Birliyi”nin (TƏBİB) tabeliyində fəaliyyət göstərən tibb müəssisələri qan analizlərinin götürülməsi üçün dövlətin onlara verdiyi reaktiv maddələri və dərman preparatlarını maya dəyərindən ucuz qiymətə özəl kliniklara satırlar.

DİA.AZ Qlobal.az-a istinadla xəbər verir ki, bu barədə sosial şəbəkələrdə məlumat yayılıb.

Məlumata görə, dərman preparatlarını və reaktiv maddələri satıldığı iddia edilən tibb müəssisələrindən biri də M.Ə.Mirqasımov adına Respublika Klinik Xəstəxanasıdır.

İcbari Tibbi Sığorta üzrə Dövlət Agentliyinin xətti ilə Respublika Klinik Xəstəxanasına müraciət edən xəstələrə qan analizlərinin tam verilmədiyi deyilir.

Deyilənə görə, xəstələrdən alınan analizlərin cavabı əksərən yarımçıq olur. Buna səbəb kimi isə bazada reaktiv maddələrin, dərman preparatlarının olmaması göstərilir. Şikayətçi olan vətəndaşlara isə analiz üçün verdikləri qanların laxta olması bəhanəsini edirlər.

Problemlərdən şikayətlənən vətəndaşlar deyirlər ki, əllərində tutarlı dəlil olmasa da, baş verənlərin dəqiqliyinə əmindirlər. Onlar düşünürlər ki, bu məsələni araşdırmaq ekpertlərin, mütəxəssislərin vəzifəsi, qiymət vermək isə hüquq-mühafizə orqanlarının işidir.

Respublika Klinik Xəstəxanasında antitromp, hematokrit, KOMA ZR, RDW – SD anizositoz, insulin və digər analizlərin verilməsində ciddi problemlərin yarandığı da vurğulanır.

Ümumiyyətlə, ölkədə uzun müddətdir ki, dövlət tibb müəssisələrində verilən analizlərə etimadsızlığın olması müzakirə mövzusudur.

Əksər hallarda vətəndaşlar özəl klinikalarda dəqiq analizlərə üstünlük verirlər. Bu da qan analizləri ilə bağlı maddə və dərmanların özəl klinikalara satılması arqumentini gücləndirir.

Tibbi Ərazi Bölmələrini İdarəetmə Birliyindən xəbərə münasibət öyrənə bilmədik.

Bakı Ağ Şəhərin Mərkəzi Park Kvartalında bir sıra tikililər, avtomobil yolları və digər infrastruktur işləri tamamlanıb.

Dekabrın 27-də Prezident İlham Əliyev burada görülən işlərlə tanış olub, Bakı Ağ Şəhər Qarabağ Atları Kompleksinin təməlini qoyub.

Bu ayın 20-də Dövlət Şəhərsalma və Arxitektura Komitəsi məşhur iş adamı, “Sədərək” ticarət mətkəzinin sahibi Yusif Qədimbəylinin oğlu Orxan Qədimbəyliyə məxsus obyekti Tikintilərin Dövlət Reyestrinə daxil edib.
Yeniavaz.com xəbər verir ki, ümumi sahəsi 1 347,55 kv. metr olan obyekt Mingəçevir şəhəri, Heydər Əliyev küçəsi 59 saylı binanın qarşısında yerləşir.
Qeyd edək ki, obyektin tikintisinə Mingəçevir Şəhər İcra Hakimiyyəti 2010-cu ildən icazə verib.
Onu da bildirək ki, 2 mərtəbəli obyektin layihəçisi “Macaz Construction” MMC (VÖEN - 1302101451) olub. “Macaz Construction” MMC 18.11.2009-cu ildə dövlət qeydiyyatına alınıb. Nizamnamə kapitalı 100 manat olan MMC-nin hüquqi ünvanı Yasamal rayonu, Zahid xəlilov, ev 16A, Məhəllə 523, m. 21-də yerləşir. Şirkətin qanuni təmsilçisi Quliyev Ramil İlyas oğludur.
“Macaz Construction” MMC-nin Alternativ və Bərpa Olunan Enerji Mənbələri üzrə Dövlət Agentliyinin sabiq rəhbəri Akim Bədəlovun ailə üzvlərinə məxsus olduğu bildirilir. Şirkət Akim Bədəlovun oğlu Aqşin Bədəlov tərəfindən təsis olunub. Aqşin Bədəlov eyni zamanda “Macaz” MMC-nin (VÖEN -2001674501) də yeganə təsisçisi olub. Bundan başqa Aqşin Bədəlov Gürcüstanda “Macaz-Georgia” adlı şirkət də təsis edib.

Yeniavaz.com

Rusiya prezidenti Vladimir Putin Nikol Paşinyan və İlham Əliyevlə birgə danışmağa nail olduğunu açıqlayıb.

O, bu barədə Ermənistanın Baş naziri Nikol Paşinyanla ikitərəfli görüşündə bildirib.

“Söhbətimizə dünən başladıq, üçümüz danışa bildik. Razılaşdığımız kimi, biz bütün bu məsələləri ətraflı müzakirə edəcəyik”, - deyə Putin bildirib.

Xatırladaq ki, dekabrın 26-27-də Sankt-Peterburqda MDB dövlət başçılarının qeyri-rəsmi sammiti keçirilir.

"Unikal"

Azərbaycan Respublikasının Prezidenti sahibkarlığın inkişafına dəstək mexanizminin təkmilləşdirilməsi, qeyri-neft sektorunda innovativ texnologiyalara əsaslanan yeni istehsal, emal və infrastruktur müəssisələrinin yaradılması, ixrac əməliyyatlarının maliyyələşdirilməsi, real sektora investisiya qoyuluşlarının sürətləndirilməsi və özəl sektorda fəaliyyət göstərən təsərrüfat subyektlərinin maliyyə resurslarına çıxış imkanlarının genişləndirilməsi məqsədi ilə sahibkarlığa yardım üçün dövlət büdcəsində banklara külli miqdar vəsaitlər verilmişdir.
Prezidentin aqrar sektorun inkişaf etdirilməsində siyasətinə böyük zərbə vurmuş olan “Gəncəbank” ASC-nin sabiq sədri Pərvanə Novruzova 7 MİLYON vəsaiti necə mənimsəyib?
Gəncə Ağır Cinayətlər Məhkəməsinin hakimi Dadaş İmanov “Gəncəbank” ASC-nin sabiq sədri Pərvanə Novruzova və bankın digər 3 vəzifəli şəxsi – Elnur Həmidov, Eşqin İsmayılov, Anar Həsənovun cinayət işi üzrə məhkəmə iclası maraqlı sonluqla başa çatıb.
Hökmə əsasən, təqsirləndirilən şəxslərin hər birinə şərti cəza verilib.Amma dövlət büdcəsinə vurulmuş olan xüsusi ilə külli miqdar ziyandan bir manat belə ödənilməyib.Məhz hakim Dadaş İmanov bu qərarı necə qəbul edib? Etibarlı mənbədən saytımıza verilən məlumata görə “Gəncəbank” ASC-nin sabiq sədri Pərvanə Novruzova guya bu işin onun xeyrinə həll edilməsinə görə hakimə 600000 manat rüşvət verməsi iddia edilir.
Qeyd edək ki, P.Novruzovanın barəsində Cinayət Məcəlləsinin 179.3.2-ci (Mənimsəmə və ya israf etmə, küllü miqdarda mənimsəmə), 308.2-ci (Vəzifə səlahiyyətlərindən sui-istifadə), 314.2-ci (Səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda), 195.2-ci (Qanunsuz kredit alma və ya kreditdən təyinatı üzrə istifadə etməmə), 313-cü (Vəzifə saxtakarlığı) və digər şəxslərin barəsində isə 313-cü və 308.2-ci maddələri ittiham irəli sürülüb.

Xatırladaq ki, 2016-cı ildə 1 saylı Bakı İnzibati-İqtisadi Məhkəməsinin qərarı ilə “Gəncəbank” ASC müflis elan edilib.
Redaksiya olaraq qarşı tərəfin də mövqeyini dərc edə bilərik
Dunyaninsesi.Az

"Gəncə Bank"ın xanım rəhbəri haqqında qardaşının video-şikayətini təqdim edirik:

"Biz bir problemlə rastlaşmışıq..." DİA.AZ bildirir ki, bu barədə Bakı sakini Fuad Şirinov giley edir.

Daha sonra narazı vətəndaş yazır: "Evimizi sata bilmirik.

Keşlə qəsəbəsində eyni məhlədə bizdən əlavə 2 qonşunun da eyni ünvana kupçası var... Öz adlarnadır... Amma bizimlə ünvanları eynidir. Forma 2 çxartdırdıq... gördük qonşuların adları çxır bizim ünvanda.

İndi evimizi sata bilmirik. Bu məsələyə görə deyirlər qonşuların razılığı lazımdır. Qonşular da razılaşmır, deyirlər ki, belə çıxır "bizim evimizi satırsız"... Razı deyillər. Hansı ki 3 ayrı evdir, ayrı həyətdə...

Amma 3 evə də eyni ünvan verilib. 3 çıxarış var... Həm qonşuların, həm də bizim öz çıxarışmız var. Kvadratlar da fərqli fərqlidir. Amma ünvan eynidir. İndi kimə deyək dərdmizi bilmirik...

ASAN xidmətə də, Əmlak Məsələləri Dövlət Xidmətinə də dedik... Ünvan dəyişikliyi üçün müraciət elədik... İmtina verdilər... "Dəyişmək olmaz" dedilər..."

Məsələ ilə bağlı dia.az olaraq bütün maraqlı qurum və təşkilatlaın mövqelərini işıqlandırmağa hazırıq...