“Cənab Prezident, sizə bildirmək istəyirik ki, Gəncə Dövlət Universitetinin professor-müəllim heyəti 2013-cü ildən müxtəlif təşkilatlara, kütləvi informasiya vasitələrinə şikayətlər ünvanlayır. Lakin bu barədə heç bir tədbir görülmür. Çünki rektor Yusif Yusibovun qardaşı Cavanşir Yusibov Maliyyə Nazirliyinin aparat rəhbəridir. Ona görə də Yusif Yusibovun bu cinayətlərini, universitetdəki maliyyə maxinasiyalarını, yeyintiləri Cavanşir Yusibov dostları olan Azər Bayramov, Ceyhun Bayramov və Mikayıl Cabbarovun köməkliyi ilə ört-basdır edir”.

Bu sözləri Tribunainfo.az-a göndərdiyi şikayət məktubunda Gəncə Dövlət Universitetinin professor-müəllim eyəti adından Azadə Murad qızı Vəliyeva ünvanlayıb. Şikayətçi məktubunda əlavə edib ki, Naxçıvanda keçirilən əməliyyatları dəstəkləyir, bu əməliyyatları Gəncə Dövlət Universitetində də keçirilməsini arzu edirlər:

“Əgər DTX burada, qanuni şəkildə maliyyə sistemində yoxlamalar aparsa, buranın böyük bir korrupsiya bataqlığı olduğu üzə çıxar. Bu universitetdə rektor heç bir elmi dərəcəsi olmayan, erməni əsilli şəxslərə yüksək maaşlar verir. Tədris prosesi bütün çiyinlərində dayanan professor-müəllim heyətinin maaşı respublikada ən aşağı səviyyədədir. Prezidentin göstərişi ilə minimum əmək haqqı 300 manat müəyyən edilsə də, tədris köməkçi heyətinin maaşı 240-270 manat həddindədir. Ali təhsilli laborantlar xadimə ilə eyni maaş alır. Vəzifələrə təyinatlar hamısı rüşvətlə həyata keçirilir. Rüşvət isə prorektor Şahin Xurşudovun əli ilə yığılır. İmtahanlar testlə keçirilsə də, imtahana düşən 25 sual bunker sualı kimi salınır, bu suallar isə tələbələrə keçilməyən mövzudan salınır. Rektor dəfələrlə deyib ki, “imtahana elə suallar salın ki, tələbələr kəsilsin. Nəyə görə, biz tələbələrə təqaüd verməliyik? Tələbələrə verilən təqaüdə universitetin büdcəsindən xeyli pul gedir. Tələbələri kəsin, qoy bu pulları təqaüdə verməyək. Həm də tələbələr kəsilsə, onda kredit pulu da ödəyəcəklər”. İmtahanları da həmin erməni əsilli Vasif Həsənovun əli ilə keçirir. Universitetdə 8 xidməti maşın var. Rektorun özünün xidməti maşını olsa da, maşın həvəskarı olduğundan son model idman stilli bahalı cip alıb. 20-AA-530.

Bir gün birindən, başqa gün o birindən istifadə edir. Heç magistr təhsili belə olmayan, universitetin nəzdində olan, özünü maliyyələşdirmə prinsipi ilə işləməli olsa da, universitetin büdcəsinin hesabına maliyyələşdirilən İdman klubunun sədrinə də xidməti maşın ayırıb. Universitet əməkdaşlarının narazılığından sonra qeyri-qanuni maliyyələşdirməyə qanuni don geyindirmək üçün, ona əlavə olaraq bir ştat da mühafizə xidməti vəzifəsini yaradaraq həvalə etmişdir. Xidməti maşınların hamısı saz vəziyyətdədir, amma təmir adı ilə sənədləşdirib yalandan pul silirlər”.

Cavanşir Yusibov

Şikayətçi əlavə edib ki, bu günlərdə guya universitet tender elan edib, bu tenderin qalibi isə “Leqal FN” MMC olub. Məqsəd nəqliyyat vasitələrinin əsaslı təmiridir. Bu niyyətlə GDU 26239.8 manat şirkətə maliyyə köçürəcək. Amma maraqlıdır ki, universitetin balansında hamısı saz vəziyyətdə olmaqla həddindən artıq xidməti avtomobillər var, bu avtomobillər müxtəlif vəzifə sahiblərini evindən işə və əksinə aparmaq üçündür, rektorun köməkçisinin belə xidməti maşını var. Müəllimlərin maaşı artırılmır, universitetin laboratoriyalarına avadanlıq alınmır, kitabxanada müasir ədəbiyyatlar yoxdur. Belə şəraitdə xidməti maşınların təmirinə 26 mindən çox pulun ayrılması, yalandan kosmetik təmirlərə yüz minlərlə pulun sərf olunması nə dərəcədə düzgündür?(Əslində bu təmirlər də dekanlardan pul yığılaraq həyata keçirilir)”.

A.Vəliyevanın sözlərinə görə, Universitetin tələbə yataqxanasını kosmetik təmir ediblər, bu məqsədlə ayrılmış 8 milyon manat pulun heç 3 milyonu ora sərf olunmayıb:

“İndi saz vəziyyətdə olan xidməti maşınlardan ötrü az qala bir maşının qiyməti qədər təmir xərcləri nəzərdə tutulub. Bu da öz növbəsində keçirilən tenderin formallığını gözlər önünə sərir və maxinasiya şübhələrini artırır. İndi Gəncə Dövlət Universitetinin 5 saylı korpusunun 2 mərtəbəli tədris binasının təmiri üçün guya tender keçirilib. Bu tenderin qalibi isə qeyri-rəsmi şəkildə Yusif Yusibovun qardaşı Çingiz Yusifovun idarə etdiyi “19 Saylı Tikinti Təmir İdarəsi” MMC olub. Universitet balaca ikimərtəbəli bir korpusun təmiri üçün 2 milyon 157 min 123.41 manat ödəyəcək. Bəli, bir manatlıq bir avadanlığı 20-30 manata sənədləşdirib universiteti talan edirlər. Gəncədəki orta məktəblərdə olan təchizat, avadanlıq GDU-dan dəfələrlə yüksəkdir.

Universitetin əməkdaşlarından Heydər Kərimov, Eyyub Mirzəyev, Qulu Qurbanov, Mahizər Hacıyeva və s. kimi müəllimlər xəstəlik səbəbi ilə işə gəlmir, bir neçəsi yataq xəstəsidir, amma buna baxmayaraq onlara tam ştat maaş verilir.

Zəhra Əliyeva

Rektor Yusif Yusibovun illər ərzində GDU-nun maddi-texniki bazasını yeniləmək adı ilə böyük vəsaitlər mənimsəməsi, tələbələrdən rüşvət yığması, kimya kafedrasının baş müəllimi Zəhra Əliyeva ilə eşq yaşaması, onun ailəsini dağıtması, Zəhra xanımın sabiq yoldaşının universitetin həyətində rektor Yusif Yusibovu hamının gözləri qarşısında döyməsi, daha sonra onu qondarma cinayət yolu ilə həbsə atdırması, qorxusundan uzun müddət şəxsi cangüdənlə gəzməsi və s. kimi cinayətləri azmış kimi, indi də maşın təmiri,bina təmiri adı ilə pullar silir.

Azər Bayramov

Cinayətləri bilib, onu deməmək özü də bir cinayətdir, amma rəhbər vəzifəli şəxslər bu cinayətin üstünü ört-basdır edirsə, onda bu dövlətə xəyanət hesab olunmalıdır. Cavanşir Yusibovun, Azər Bayramovun və digərlərinin bu cinayətləri bilə-bilə ört-basdır etməsinə nə ad vermək olar???
Elə bunlar Ali Baş Komandana, cənab Prezidentə edilən xəyanətdir. Çox xahiş edirik ki, Dövlət Təhlükəsizlik Xidməti yolunu bizim universitetə də salsın…
Cənab Prezident, Sizdən çox artıq dərəcədə xahiş edirik ki, bu universitetdə qayda-qanun yaradılması üçün lazımi göstəriş verəsiniz”.

Qarşı tərəfin də mövqeyini dərc etməyə hazırıq.

Tribunainfo.az

“Şərurdan mənə çox maraqlı məlumat veriblər və xahiş ediblər ki, bunu mütləq ictimailəşdirim. Bura mənim də oxuduğum Şərur şəhər 1 saylı orta məktəbidir. Yerli sakinlərin dediyinə görə, uzun müddət Naxçıvan Ali Məclisi sədrinin birinci müavini olmuş, hazırda isə sədrin səlahiyyətlərini icra edən Azər Zeynalov bu məktəbin stadionunu və idman zalının olduğu ərazini zəbt edərək, orada özünə və qayınına villa tikdirib.

Bu sözləri jurnalist Məhəmmədəli Qəribli qeyd edib.

“Bir hissəsini isə baha qiymətə başqa adamlara satıb. Mən Naxçıvana çox az-az gedirəm. Doğrusu, bu fakt diqqətimi çəkməyib. Elə bilirdim ki, əsaslı təmirdən sonra məktəbin stadionunun yerini dəyişiblər. Yerli sakinlər isə orada hökm sürən sərt ab-havaya görə qorxudan susublar.

Həmin stadionda bizim uşaqlığımız keçib. Bu məktəbin idman infrastrukturu Azərbaycana çox adlı-sanlı, dünya, Avropa çempionları olan tanınmış idmançıları bəxş edib. Adam necə bu nalayiq addımı ata bilər? Şərur şəhər 1 saylı məktəb həm də “rus məktəbi” kimi tanınıb. Məktəbdə iki dildə yüksək səviyyəli tədris verilib.

Azər Zeynalovun dədə-baba evi məktəbin yanında olub, özü də bu məktəbdə oxuyub. Bir şəxs özünün də unudulmaz xatirələrinin olduğu bir ərazini necə qəsb edə bilər? Mənə söz veriblər ki, həmin ərazinin və orada tikilən evlərin fotolarını da göndərəcəklər. Mütləq ictimailəşdirəcəm ki, bu yaramaz hərəkətlə hamı tanış olsun. Şərur sakinləri, Azər Zeynalovdan 4 hektardan ibarət zəbt edilmiş həmin ərazini yenidən məktəbin balansına qaytarmasını tələb edirlər”, – o bildirib. (Globalinfo.az)

Bakı Nəqliyyat Agentliyi hər gün gecikən avtobusların siyahısını təqdim edir. Eyni zamanda bu qurum əhalinin şəxsi avtomobillərdən imtina edib, ictimai nəqliyyatdan istifadə etməməsi ilə bağlı çağırışlar edir. Şəhərin yolları tıxac, metro dolu, avtobuslar isə gecikir.
Sərnişinlər soyuq günlərdə belə ya avtobusla getmək üçün saatlarla gözləməli olur, ya adam dolu metroda nəfəs ala bilməyəcək qədər sıxlıqla hərəkət etməli olurlar. Şəxsi avtomobili olanlar isə bir az fərqli olaraq, saatlarını tıxaclarda keçirir. Bakıda hərəkətin nizamlanmasına cavabdeh olan qurum BNA isə tövsiyyə edir, çağırış edir. Yəni sözün əsl mənasında Bakıda nəqliyyatın hərəkətini təşkil edən qurum yoxdur. Bakıda nəqliyyatın hərəkətini hansı qurum tənzimləməlidir ki, hər gün minlərlə vətəndaşın hüquqları belə, kobud şəkildə pozulmasın?

DİA.AZ-ın məlumatına görə, nəqliyyat məsələləri üzrə ekspert Elməddin Muradlı Bizimyol.info xəbər portalına açıqlamasında bildirib ki, Bakı Nəqliyyat Agentliyinin öz avtobusları yoxdur. BNA tənzimləyici qurum kimi bu sahədə bir vasitəçidir. Onun işi sadəcə nəzarət etməkdir.

“Daşıyıcı şirkətlərin fəaliyyəti diqqətdə saxlanılmalıdır və s. BNA –nın tabeliyində sadəcə olaraq bugünə qədər “Bakubus” olub. “Bakubus” da artıq BNA-dan alındı, Azərbaycan İnvestisiya Holdinqinə verildi. Ona görə BNA bu məsələni sadəcə tənzimləyə bilər, danışıqlar apara bilər, müraciət edə bilər. Marşrutlarda problem varsa, həmin marşrutu Nazirlər Kabinetinin 52 saylı qərarına əsasən müsabiqəyə çıxara bilər, və s. işlər görə bilər. Eyni zamanda, NK-nın 141 və 75 saylı qərarları var. Burada ictimai nəqliyyatın tənzimləməsi və sərnişin daşıma qaydalarına aid məsələlər yer alıb. Onları həll edə bilər. BNA-nın görə biləcəyi başqa hər-hansı bir iş yoxdur”-deyən ekspert bildirib ki, ümumilikdə isə BNA-nın bugünkü fəaliyyəti qənaətbəxş deyil.

"Bu səbəbdən də agentliyin fəaliyyəti ilə başqa cür məşğul olmaq lazımdır. Çünki agentliyin fəaliyyəti dövründə Bakı şəhərində ictimai nəqliyyatda, hərəkətin təşkilində, taksi fəaliyyətində və digər sahələrdə çox ciddi problemlər ortaya çıxıb".

E.Muradlı hesab edir ki, agentliyin fəaliyyəti qənaətbəxş olmadığına, ciddi şəkildə hərəkətin təşkili, ictimai nəqliyyat, taksi fəaliyyəti və digər məsələlərlə bağlı dəyişikliklər olmadığına görə bu qurum lazımsız bir qurumdur.

“Fəaliyyət aspektlərinə baxanda görürsünüz ki, hər-hansı bir iş görə bilmədiyinə görə, bu qurumun fəaliyyətini başqa daha böyük və bu işlə birbaşa məşğul olan qurumlar həll edə bilər. Məsələn, BNA Dövlət Yol polisinin, Rəqəmsal İnkişaf və Nəqliyyat nazirliyinin və eləcə də Azərbaycan Avtomobil Yolları Dövlət Agentliyinin arasında bölünməlidir”-deyən E. Muradlı hesab edir ki, ümumiyyətlə nəqliyyat sistemi bir mərkəzdən idarə olunmalıdır.

Ekspert hesab edir ki, Bakıda bir qanun, Şəkidə başqa bir qanun işləməməlidir. Amma, təəssüf ki, Azərbaycanda belədir.

Göyçay rayonu Müskürlü kənd sakini İbrahimov Mübariz Qinyaz oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir:

"Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev ali təhsil alan tələbə oğlumu hərbi xidmətə aparmamaq üçün məndən rüşvət istəyir.Həttda oğlumu 04 yanvar 2023-cü il tarixdə hərbi xidmətə aparmaq üçün evə bildirişdə göndərib.
Belə ki, 21.09.2003-cü il tarixdə anadan olmuş oğlum Murad İbrahimov Anadolu Unversitetinin 2-ci kursunda əyani oxuyur. Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsi tərəfindən 04.01.2023-cü il tarixdə hərbi xidmətə aparılması üçün oğluma bildiriş göndərilib.

Oğlum əyani şöbədə ali təhsil almasına dair arayışı Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinə təqdim etsəkdə əhəmiyyət verməyib. Bu açıq-aşkar qanunsuzluqdur ki, Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev bizim ailəyə qarşı edir.Hansı ki, oöğlumla birgə Unversitetdə oxuyan Göyçaylı tələbə var ki, 500 manat Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayevə verdikdən sonra onu hərbi xidmətə aparmayıblar, təhsilini başa vurduqdan sonra hərbi xidmətə aparacaqlar.Mənim isə Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayevə verməyə pulum olmadığı üçün qanunsuzluqla üzləşmişəm.Mənim oğlum qanunu qaydada təhsilini başa vurduqdan sonra hərbi xidmətə aparılmalıdır.
Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev bir neçə aydır ki, bu vəzifəyə təyin olunub.Bundan əvvəl o Şamaxı şöbəsinin rəisi vəzifəsində olmuşdur.Şamaxdan olan tanışların verdiyi məlumata görə Əli Vəliyev sağlam insanları aldığın pulun müqabilində həkim komissiyası ilə əlbir olub hərbiyə yararsız etdirib.Hansı ki, müasir tibb paratları ilə həmin şəxslər müayinə edilərlərsə onlarda həmin xəstəliklərin mövcud olmadığı subut olunacaq.Belə yaramaz vəzifəli şəxslərin tamahına görə Azərbaycan dövlətinə,ordusuna ciddi ziyanlar dəyir.
Mən oğlumun hərbi xidmətə aparılmasına etiraz etmirəm ancaq qanunla o aldığı ali təhsilini başa vurmalıdır.

Sizdən xahiş edirəm şikayətimi obyektiv araşdırıb qanunu tədbir görəsiniz.əyani qaydada ali təhsil alan tələbə övladımın qanunsuz hərbi xidmətə aparılmasının qarşısını alasınız və Səfərbərlik və Hərbi Xidmətə Çağırş üzrə Dövlət Xidmətinin Göyçay rayon Şöbəsinin rəisi Pərviz Feyzullayev barədə qanunu tədbirlər görəsiniz".

İddia olunanlarla bağlı dia.az olaraq qarşı tərəfi də dinləməyə hazırıq...

Dövlət Təhlükəsizliyi Xidmətində İran xüsusi xidmət orqanlarının nəzarəti altında Azərbaycan Respublikası vətəndaşlarının seçilərək qanunsuz silahlı birləşmə yaradılması, onlara ölkə hüdudlarından kənarda radikal-ekstremist dini ideyaların aşılanması yolu ilə xüsusi hərbi təlimlərin keçirilməsi, şəxsiyyətləri gizlədilərək başqa adlarla müxtəlif dövlətlərin ərazilərində terror-təxribat əməllərinin törədilməsinə cəlb olunmaları faktlarına görə başlanılmış cinayət işi üzrə istintaq-əməliyyat tədbirləri aparılır.

DTX-dən verilən məlumata görə, ibtidai istintaq zamanı, 1967-ci il təvəllüdlü Azərbaycan Respublikasının vətəndaşı Yusifov Taleh Rəşid oğlunun şəxsi nüfuz və əlaqə imkanlarından istifadə edərək vətəndaşlarımızın İran İslam Respublikasının ərazisində yaradılan “Hüseyniyun” adlı qanunsuz silahlı birləşməyə cəlb edilməsini üçüncü ölkə ərazisindən təşkilini həyata keçirməsi, bu istiqamətdə görülən işlərin gizliliyini və maliyyələşdirilməsini təmin etməsi, “Təqi” ləqəbi altında qanunsuz silahlı birləşmənin fəaliyyətində iştirakına əsaslı şübhələr müəyyən edilib.

Həmçinin müəyyənləşdirilib ki, Taleh Yusifov 2016-cı ilin əvvəllərində İran ərazisinə keçib Səfərov Yunis Rafiq oğlu (məhkum edilmişdir), Əsədov Rövşən Elçin oğlu və digərləri ilə birlikdə gizli yaratdıqları qanunsuz silahlı birləşmənin tərkibində müxtəlif silahlarla hərbi təlimlərdə iştirak edib, həmin şəxslərlə birgə Suriya ərazisində xarici mütəxəssislər tərəfindən xüsusi təyinatlı texnikaların tətbiqi ilə müşayiət olunan hərbi xarakterli əməliyyat tədbirlərinin planlaşdırılması, kəşfiyyat işlərinin aparılması ilə bağlı xüsusi təlimlər keçib.

Taleh Yusifov Azərbaycan Respublikası Cinayət Məcəlləsinin 12.1, 279.1-ci (Azərbaycan Respublikasından kənarda qanunvericilikdə nəzərdə tutulmayan silahlı birləşmələrin yaradılmasında və fəaliyyətində iştirak etmə) maddələri ilə təqsirləndirilən şəxs qismində məsuliyyətə cəlb olunub, barəsində məhkəmənin qərarı ilə həbs qətimkan tədbiri seçilərək beynəlxalq axtarış elan edilib.

İstintaqla Taleh Yusifovun xarici ölkə ərazisinə keçdikdən sonra gizləndiyi yer müəyyən olunub və o, beynəlxalq axtarışa dair qarşılıqlı hüquqi yardım proseduru çərçivəsində saxlanılaraq Azərbaycana ekstradisiya edilib.

Hazırda cinayət işi üzrə aradırmalar davam edir.

Məhbubə Musayeva həyat yoldaşı vəfat etdikdən sonra iki qızı ilə tək qalıb və evləri olmadığı üçün bir müddət çadırda yaşamalı olsa da, sonradan Sabunçu Rayonunda məcburi köçkünlər üçün nəzərdə tutulan yataqxanaya sığına bilib.

M.Musayeva əvvəllər aşıq kimi toylara getdiyini, ancaq ehtiyac üzündən sazını satmalı olduğunu deyir.

Əsasən yaşadığı yataqxana otağının şəraitindən gileylənən şikayətçi yeni evlə təmin edilməsini tələb edir.

Bəs görəsən, tənha anaların evlə təmin edilməsilə məşğul olan qurum varmı?
Ailə, Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu deyir ki, komitəyə evlə bağlı müraciətlər çox olur. Onlar isə sözügedən müraciətləri aidiyyatı üzrə icra hakimiyyətlərinə və ya Sosial Müdafiə Nazirliyinə yönləndirirlər.

Yeni ev almaq üçün prezident İlham Əliyev və birinci vitse-prezident Mehriban Əliyevaya məktub yazdığını deyən M.Musayeva şikayətinin Sabunçu Rayon İcra Hakimiyyətinə yönləndirildiyini qeyd edir. Onun sözlərinə görə Sabunçu İH-dən onu evlə təmin etmək üçün maddi imkanlarının olmadığı deyilib.

Sosial işçi Sənubər Məmmədova isə Toplum TV-ə deyir ki, Sosial Xidmətlər Agentliyində bu cür problemlərlə bağlı vətəndaşlarla işləyən komanda var. Bu komanda əsasən müharibə zonasında yaşayan vətəndaşlarla məşğul olur.

55 yaşlı qadın özünü çox çarəsiz hiss etdiyini deyir

Toplum TV

Bakıda açılan bir sıra qeyri qanuni Araz supermarket şəbəkələri ilə Aydın Talıbov öz qanunsuz işlərini həyata keçirir. Bunlara misal olaraq Sumqayıt, Yasamal və bir çox ərazilərdə yerləşən obyektləri göstərmək olar.

Aydın Talıbov “Veysəloğlu” şirkətlər qrupunun rəhbəri kimi də tanınır. “Veysəloğlu” şirkətlər qrupu mediada ən çox tənqid olunan şirkətdir. Bu edilən ən sonuncu qanunsuzluqlar, insanlığa sığmayan bir hərəkətdir. Aylardır şirkəti hidayət olunmağa çağırsalarda, onlar lap da üstünə qoyur, əməllərindən əl çəkə bilmirlər. Göydə Allah, Yerdə Azərbaycan qanunları sizi hidayət eləsin. Yəqin ki, cinayətkar cəzasını qısa müddət ərzində alar. Haqq nazilər amma üzülməz...

Qeyd edək ki, bir müddət öncə verilən məlumata görə "Veysəloğlu” MMC barəsində müvafiq qurum tərəfindən İnzibati Xətalar Məcəlləsinin (İXM) 485.2-ci (Mallar və nəqliyyat vasitələri gətirilərkən və ya aparılarkən müvafiq icra hakimiyyəti orqanına məlumatın verilməməsi və ya təhrif olunmuş məlumatın verilməsi, yaxud əvvəlcədən qısa idxal bəyannaməsinin verilməməsi) maddəsi ilə inzibati protokol tərtib edilib. Özünüz baxın bir vaxtlar qılıncının qəbzəsi də kəsən Vasif Talıbov görəsən bu işdə Aydın Talıbova kömək edəcək mi...?
Məsələ ilə bağlı araşdırmalarımız davam edir. //gundelik-baku.com//

ABŞ-ın Energetika Nazirliyi Texas ştatında elektrik enerjisi çatışmazlığı səbəbindən fövqəladə vəziyyət rejimi tətbiq edib.

Bu barədə dekabrın 25-də nazirliyin mətbuat xidməti məlumat yayıb.

Müvafiq sənədi hava şəraitinin kəskin pisləşməsi ilə əlaqədar nazir müavini Ketlin Hoqan imzalayıb.

Qurumun məlumatına görə, temperaturun kəskin azalması və güclü külək nəticəsində generasiya güclərinin bir hissəsi sıradan çıxıb və eyni zamanda elektrik enerjisi sərfiyyatı rekord həddə çatıb.

Mənbə: rossaprimavera.ru