Vasif Talıbov istefa ərizəsini verdikdən sonra Naxçıvanda yeni yoxlamalara start verilib.

DİA.AZ-ın ovqat.com-a istinadən məlumatına görə, müfəttişlərin bu dəfəki hədəfi Naxçıvan MR Maliyyə Nazirliyi olub.

Bildirilir ki, Bakıdan gələn müfəttişlər MR Maliyyə Nazirliyinin xəzinə şöbəsinin müdiri Nurlanın fəaliyyətində ciddi nöqsanlar aşkarlayıblar.

Sabiq Maliyyə naziri, indiki Baş nazir Səbuhi Məmmədovun da işinin yaş olduğu bildirir.

Naxçıvan Muxtar Respublikasının Maliyyə nazirinin müavini İsmayılov Həsən Bayram oğlunun da fəaliyyətində ciddi yeyintilər ortaya çıxıb.

“Müəyyən olunub ki, Nazirlik əməkdaşları mağaza sahibləri ilə qabaqcadan əlbir olub onlardan nəqd pul alır və deyirmişlər ki, malların qiymətini necə istəyirsiniz rəsmiləşdirin. Biz də sizin saxta göstəricilərinizi qeydə alaq”, - mənbəmiz belə deyir.

Maraqlıdır ki, Naxçıvanda 1 aydan çoxdur, baş verən bütün həngamələrə baxmayaraq, Maliyyə Nazirliyinin xəzinədarı Nurlan adlı şəxs özünə tikdirdiyi 3 mərtəbəli villasının tikintisini dayandırmayıbmış. Görünür, o, bütün həngamələrin ondan yan keçəcəyindən əmin imiş. Amma deyəsən, “xan” kimi Nurlanın da tikdirdiyi çoxmərtəbəli villa özünə qismət olmayacaq.

Azərbaycan vətəndaşları Laçın yolunda "Ekoloji terrora son!" Şuarı ilə soyuq və şaxtalı havada sağlamlığlarını təhlükə altına qoyduğu bir vaxtda Ağdaş şəhərinin Bayraq meydanının yanında, yol kənarında 9 ədəd çoxillik yaşıl ağaclarına qarşı demək olar ki, soyqırım elan edilib.

"Azərbaycan Reallığı"na hadisə yerindən fotolar göndərən vətəndaşlar bildirir ki, Bu nəyinki ekologiyaya ziyan vurmaqdır, eyni zamanda həssas bir vaxtda dövlət siyasətinin əleyhinə gedərək ölkəmizi gülünc vəziyyətə qoymaq və dövlət siyasətinin əleyhinə getməkdir. Ağdaş sakinləri dövlət qurumlara üz tutaraq baş verən xoşagəlməz halın qarşısinı tez bir zamanda alınmasın xaiş ediblər.

AZƏRBAYCANREALLIĞI.COM

Adil Qabil oğlu Kərimli Heydər Əliyev Mərkəzinin direktorunun birinci müavini vəzifəsindən azad edilib.

Bu barədə Prezident İlham Əliyev Sərəncam imzalayıb.

Dövlət başçsının digər sərəncamı ilə Adil Kərimli Azərbaycan Respublikası mədəniyyət nazirinin birinci müavini təyin olunub.

Azərbaycan Respublikasının mədəniyyət naziri təyin olunanadək həmin vəzifənin müvəqqəti icrası Azərbaycan Respublikası mədəniyyət nazirinin birinci müavini Adil Qabil oğlu Kərimliyə həvalə edilib.

Prezident İlham Əliyev mədəniyyət naziri Anar Kərimovla bağlı Sərəncam imzalayıb.

Sərəncamla Anar Qabil oğlu Kərimov mədəniyyət naziri vəzifəsindən azad edilib.

Qeyd edək ki, A. Kərimov bu vəzifəyə 2021-ci il yanvarın 5-də təyin olunmuşdu.

Azərbaycan Dillər Universitetinin "Bir günlük Xəlifə" adlı çox maraqlı layihəsi var. İllərdir davam edən bu ənənəyə görə, universitetdə rektor, prorektor və digər rəhbər vəzifələrin icrası bir günlük tələbələrə həvalə edilib.

Bu gün könülü olaraq rektor başda olmaqla, bütün rəhbər strukturları istefa verirlər.

Sabah da eyni ənənənin növbəti raunduna start veriləcək. Dekabrın 23-də universiteti tam olaraq tələbələr idarə edəcəklər. Onların qərarları qüvvəyə minəcək. Rektorun, prorektorların xidməti avtomobilləri və iş otaqları onların ixtiyarında olacaq.

Eyni zamanda onların bir günlük maaşını alacaqlar.

Rektor Kamal Abdullanın, eləcə də prorektorların, şöbə və mərkəz müdirlərinin yerinə Xəlifələr seçilib.

Bizim.Media

Hər il bir qayda olaraq payız-qış mövsümü ilə əlaqədar noyabrın 15-dən başlayaraq bütün müəssisələrdə, o cümlədən də ümumtəhsil müəsisələrində istilik sistemi işə salınır.Amma nədənsə Şəmkir rayon Xanallar kənd F.Ələkbərov adına tam orta məktəbində istilik təhcizatı ilə bağlı acınacaqlı vəziyyət hökm sürür.
Bu haqda Dünyanınsəsi.Az saytına Yuxarı Seyfəli kəndindən çoxsaylı şikayətlər daxil olub.
Şikayətçilərin dediyinə görə hər il noyabrın 15-dən aprelin 15-ə qədər qış mövsümü ilə bağlı məktəbin sinifləri istiliklə təmin edilirmiş.Amma bu il nədənsə məktəbin şagirdləri soyuq siniflərdə dərs keçirilməsinə məhkum olunublar.Seyfəli sakinləri bildirirlər ki, istilik sisteminin olmamsı ücbatından uşaqlarımız xəstələnir bilmirik ki, bu ağır sosial vəziyyətdə onlara dava-dərman alaq yoxsa boğazlarına baxaq.Sakinlər həm də onu qeyd edirlər ki, istiliklə bağlı dəfələrlə məktəb direktoru Nərxanım xanıma müraciət etsələrdə bildirib ki, mənlik heç nə yoxdur.Bütün məsələləri Elm və Təhsil Nazirliyi tərəfindən həll edilir.
Yuxarı Seyfəli kənd sakinləri şikayətlərində onu da qeyd edirlər ki, məktəbin ərazisinə bitişik olan yerdən qaz kəməri keçir. Elm və Təhsil Naziri Emin Əmurullayev cənabları istəsə “Azəriqaz” İB-nin qarşısında məsələ qaldırıb bu məktəbin mavi yanacaqla təmin etdirilməsinə nail ola bilər.
Şikayətçilər qeyd edirlər ki, hazırda istilik problemi ucbatından şagirdlərin məktəbdə davamiyyəti demək olar ki, yox dərəcəsindədir.Məktəb direktoru maddi maraq naminə yuxarı sinif şagirdlərinin davamiyyətini repetitor yanına getmələrinə görə gizlədir.Amma aşağı sinif şagirdlərinin dərsə davamiyyəti isə sırf istilik probleminin olması ilə əlaqədar olduğunu qeyd edirlər.
Redaksiya olaraq qarşı tərəfin də mövqeyini dərc edə bilərik.

Dünyanınsəsi.Az

Ucar rayonu Qarabörk kənd sakini Qasımov Elvin Kərim oğlu tərəfindən ölkə rəhbərliyinə müraciət ünvanlanıb. Bir nüsxəsi də DİA.AZ-a daxil olan müraciətdə deyilir.

"Milli Məclisin keçmiş deputatı Elton Məmmədov məni işlədib, aldadıb pulumu vermir. Zəhmət haqqımı gedib istəyəndə polis rəisinə zəng edib mənə deyir ki, səni həbs etdirəcəm.
Mən Ucar rayonunda yaşayıram tikinti ustasıyam sənətkaram. Keçmiş deputat Elton Məmmədov sürücüsü Sırac Quliyev vasitəsi ilə mənimlə danışdı ki, ona məxsus Ucarın Qazıqumlaq kəndində yerləşən villasının həyətində böyük bir avtomobil qarajı inşa edim.
Lahiyə-smeta hazırlandı və bu ilin sentyabr ayında tikintiya başlanıldı.7 x12 ölçüdə avtomobil qarajı 3 ay müddətində inşa edildi.Qarajda 10 nəfər usta işlədildi.Bahalı materiallardan incəliklərlə inşa edilən qaraj keçmiş deputat Elton Məmmədovun çox xoşuna gəlsədə pulumu kəsdi 3700 manatımı vermədi.Mən ona izah etdim ki, 3 ay ərzində hər gün taksi ilə Qazıqumlaq kəndinə gəlib-getməyə təkcə 1000 manat pul xərclənib.
Mən tikinti materialları satan maqazinlərə pul borclu qalmışam.Hansı ki, həmin tikinti materiallarını Elton Məmmədovun avtomobil qarajının inşası üçün maqazinlərdən nisiyə götürmüşəm.Tikinti işlərində mənə köməklik edən fəhlələrə pul borclu qalmışam.
Mənə olan 3700 manat pul borcunu almaq üçün 3 dəfə Elton Məmmədovun evinə getmişəm.Axırda mənə dedi ki, polis rəisnə deyib səni həbs etdirəcəm.
İndi çıxılmaz vəziyyətdə qalmışam, maqazinlərə və fəhlələrə pul borcumu verə bilmirəm.
Çox təəcüblü qalmışam ki, belə bir yalançı-kələkbaz adam uzun illər necə millət vəkili olub ? Fəhlənin zəhmət haqqını kəsən çox imkanlı bir adamdan deputat olar ?
Mən mətbuat vasitəsi ilə Prezident cənab İlham Əliyevdən xahiş edirəm məni işlədib aldadıb pulumu vermək istəməyən Milli Məclisin keçmiş deputatı Elton Məmmədovun barəsində tədbir görəsiniz.Heç olmasa keçmiş nazir Ziya Məmmədov qardaşına desin ki, fəhlənin pulunu kəsmə halallıq al".

İddia olunanlarla bağlı dia.az olaraq qarşı tərəfi də dinləməyə hazırıq...