Azərbaycan Respublikası Ekologiya və Təbii Sərvətlər Nazirliyinin sorğusu əsasında Müdafiə Nazirliyi Rusiya sülhməramlı qüvvələrinin komandanlığına onların müvəqqəti olaraq yerləşdirildiyi Azərbaycan ərazilərində faydalı qazıntıların qanunsuz istismarı və bundan əmələ gələn ekoloji fəsadların araşdırılması və monitorinqi məqsədilə ölkəmizin aidiyyəti qurumlarının mütəxəssislərinin həmin ərazilərə göndərilməsi barədə müraciət edib.

Bu barədə ETSN-dən məlumat verilib.

2022-ci il 3 dekabr tarixində saat 11:00 radələrində Azərbaycan Respublikası Ekologiya və Təbii Sərvətlər Nazirliyi, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti və “AzerGold” Qapalı Səhmdar Cəmiyyətinin əməkdaşları əraziyə keçid üçün Xankəndi ilə Şuşa şəhəri arasındakı Rusiya sülhməramlı qüvvələrinin nəzarət məntəqəsinə yaxınlaşıblar.

Hazırda Rusiya sülhməramlı qüvvələrinin müvəqqəti yerləşdirildiyi ərazilərimizdə faydalı qazıntıların qanunsuz istismarı və bundan əmələ gələn gələn ekoloji fəsadların araşdırılması və monitoriqi məqsədilə ekspertlərdən ibarət qrupun həmin ərazilərdə fəaliyyət göstərməsi sülhməramlı qüvvələrin komandanlığı ilə müzakirə olunur.

"Danışıqların yekunları barədə ictimaiyyətə məlumat veriləcək", - məlumatda bildirilib.

Alla Puqaçova Rusiya Federasiyasının Qryazi kəndindəki qəsrində ekskursiyaların keçirilməsinə icazə verib.

Müğənninin pərəstişkarları onun həyatını yaxından görə biləcəklər.

Biletin fotosunu “Dnevniki znamenitostey” “Telegram” kanalı dərc edib. Qeyd olunub ki, ekskursiya zamanı arzu edən hər kəs Puqaçovanın buduarlarını, əri Maksim Qalkinin otaqlarını, qarderobları və klozetləri görə biləcəklər.

Eyni zamanda biletin xeyli baha olmasına baxmayaraq, istənilən çəkiliş qadağandır. Puqaçovanın unitazına baxmaq üçün isə 10200 rubl ödəmək lazımdır.

Qeyd etmək lazımdır ki, Primadonna yığılan pulları özünə saxlamaq niyyətində deyil. Biletdə göstərilir ki, toplanan vəsait Ukraynanın birinci xanımı Yelena Zelenskayanın xeyriyyə fonduna köçürüləcək.

Teleqraf.com Azərbaycanın İnsan Hüquqları üzrə Müvəkkili (Ombudsman) Səbinə Əliyeva ilə müsahibəni təqdim edir:

- Fransa parlamentinin Azərbaycan əleyhinə qəbul etdiyi son qətnamə barədə fikirləriniz nədən ibarətdir?

- Fransa parlamentinin Azərbaycan əleyhinə qəbul etmiş qətnaməsini çox mənfi qiymətləndirirəm. Ombudsman Aparatı olaraq artıq öz mövqeyimizi bildirmişik. Hesab edirik ki, qətnamə ümumilikdə, beynəlxalq hüquq norma və prinsiplərinə ziddir. Birtərəfli və qərəzli yanaşmadır. Azərbaycan hər zaman beynəlxalq hüquq və beynəlxalq humanitar hüquq norma və prinsiplərinə hörmətlə yanaşıb, münaqişənin məhz bu prinsiplər əsasında həllini təklif edib. Lakin təəssüflə qeyd etmək istərdim ki, münaqişənin həllində vasitəçi qismində çıxış etmiş ölkələr beynəlxalq hüququn ümumtanınmış norma və prinsiplərinin yerinə yetirilməsinə dəstək vermək əvəzinə bu normaların pozulmasına göz yummuş və ya şərait yaratmışdır. Fransaya gəldikdə isə, bu ölkənin yaxın keçmişdə törətmiş olduğu soyqırım və müstəmləkə siyasətini nəzərə alsaq ümumilikdə hansısa ölkənin insan hüquqları haqqında dərs verə və mövqe sərgiləyə biləcək sonuncu ölkə olduğunu qeyd edə bilərik. Azərbaycanın əzəli torpaqlarında Ermənistan hərbi-siyasi hakimiyyətinin törətdiyi müharibə cinayətlərinə mövqe bildirmək əvəzinə bu cür qərəzli münasibət bu ölkədə beynəlxalq hüququn süqut etdiyini göstərir.

- Hazırda parlamentdə müzakirələrdə Ombudsmanın səlahiyyətlərinin artırılması barədə fikirlər səslənir. Buna münasibətiniz necədir?

- Azərbaycan Respublikasının İnsan Hüquqları üzrə Müvəkkili (Ombudsman) haqqında Konstitusiya Qanununa ediləcək əlavə və dəyişikləri insan hüquq və azadlıqlarının daha səmərəli müdafiəsi baxımından əhəmiyyətli hesab edirəm.

Ətraflı
- Son zamanlar tez-tez müxtəlif bölgələrdə erkən nikahlarla bağlı faktlar açıqlanır, bununla mübarizə üçün təklifləriniz nələrdir?

- Biz bununla bağlı qanunvericiliyə dəyişikliklə əlaqədar müəyyən təkliflər irəli sürmüşük, həm də maarifləndirmə işlərini genişləndiririk. Mütəmadi olaraq bu məsələni öz fəaliyyətimizin prioritet istiqamətləri olaraq saxlayırıq.

“Naxçıvanda Vasif Talıbovun qələmi qırılıb. Onun hərəkətləri barədə Türkiyə və başqa dövlətlərin kəşfiyyat orqanlarında məlumatlar var”.

Bu sözləri Globalinfo.az-a Müasir Müsavat Partiyasının sədri Hafiz Hacıyev deyib.

Partiya sədri bildirib ki, Vasif Talıbov dövlətə xəyanət edib və bundan sonra hər halda qəddini düzəldə bilməyəcək: "Naxçıvanda bu gün xalq toy-bayram edir ki, neçə illərin buzu əriməyə başladı. Bundan sonra onun orada qalması mümkün deyil. Bu gün hökumət bu prosesi başlayıbsa, çox ciddi tədbir görüləcək.

Naxçıvanda bizim şəhər təşkilatının rəsmi yaranmasına icazə verməyiblər. Vasif Talıbov orada heç bir partiyanın yaranmasına imkan vermirdi. Amma bizim Şərur və Naxçıvanda gizli fəaliyyət göstərən partiya üzvlərimiz var. Orada Azərbaycana sadiq demokratik yeni quruluş yaranandan sonra işimizi davam etdirəcəyik”.

H.Hacıyevin sözlərinə görə, Vasif Talıbovun hərəkətlərində böyük cinayət izləri var:

“Əvvəllər də demişəm, Vasif Talıbovun oğlanları Azərbaycan dövlətinin içində dövlət yaratmaq istəyirlər. Bununla əlaqədar İranla çox sıx təmaslar qurulmuşdu, Talıbovun oğlanları xaricdə müəyyən siyasi dairələrlə görüşlər keçirirdi. İndi vəziyyətdən çıxış yolu axtarmağa, dirəniş göstərməyə çalışırlar. Onlar tək deyil, arxalarında duran qüvvələr onlara dəstək verir. Məsələn, Rusiyanın müəyyən qolları ilə, Ermənistanla çox yaxın əlaqələri qurulub, o cümlədən İranla gizli əlaqələri olub. Bunların hamısı əvvəl-axır açılacaqdı”.

Hafiz Hacıyev bir xatırlatma etdi: “Yadınıza gəlirsə, Ramiz Mehdiyevin üzərinə gediləndə, Vasif Talıbovun oğlu dedi ki, onun arxasında biz dayanmışıq, heç kim heç nə edə bilməz. O zaman dövlətin bəzi qurumları hiss etməli idilər ki, burada nəsə var. Zamanında biz deyəndə ki, Ramiz Mehdiyev Azərbaycanda dövlət çevrilişi etmək istəyir, hakimiyyətə müəyyən qüvvələri gətirməyə çalışır, bəzi dairələr bunu ciddiyə almırdı. Amma Ramiz Mehdiyev Naxçıvana gedəndən sonra məsələlər qızışdı. Onun orada zühur etməsi, İrandan olan müəyyən dairələrlə görüşməsi buna rəvac verdi”.

Partiya rəhbərinin sözlərinə görə, Türkiyədən gələn mallar rüsumsuz Naxçıvan ərazisinə keçib, oradan da başqa yerlərə ötürülürdü:

“Naxçıvanın ayrıca bayrağının olmasına nə ehtiyac vardı?! Bu nə deməkdir?! Bunlar Şimali Koreya kimi bir dövlət yaratmaq istəyirlər. Vasif Talıbovun icazəsi olmadan Naxçıvanın üstündən bir quş da uça bilməzdi. Naxçıvan camaatının 80 faizi İstanbulda yeraltı qazmalarda yaşayırdılar. Bu da Azərbaycan dövlətçiliyi haqda mənfi imic formalaşdırırdı. Naxçıvanda muxtariyyət ləğv edilməli, Talıbovun Azərbaycana vurduğu milyardlarla vəsait geri qaytarılmalı, Dubaydakı mülklərinə təcili həbs qoyulmalı, Bakıda “Gənclik”dəki milyonluq villaları məhkəmə yolu ilə əlindən alınmalıdır. Dövlətin malını yeyənin, dövlətə və onun başçısına xəyanət edənin axırı həbsxana olmalıdır, bunun başqa yolu yoxdur”.

Globalinfo.az

Gəncə Şəhər İcra Hakimiyyəti Gəncə şəhərində abadlıq işlərinin satın alınması ilə bağlı müsabiqəyə yekun vurub.

Müsabiqənin qalibi “Gəncə Körpü Tikinti-2” Açıq Səhmdar Cəmiyyəti (ASC) olub. İcra Hakimiyyəti ilə ASC arasında maliyyə dəyəri 2 725 267.36 AZN təşkil edən satınalma müqaviləsi imzalanıb.

İqtisadiyyat Nazirliyi yanında Dövlət Vergi Xidmətinin reyestr məlumatlarında göstərilir ki, “Gəncə Körpü Tikinti-2” ASC 11 iyul 2007-ci ildə qeydiyyata alınıb. Nizamnamə kapitalı 143 104 AZN olan şirkətin hüquqi ünvanı Bakı şəhəri Nəsimi rayonu, Süleyman Rüstəm küçəsi, ev 47-də yerləşir. ASC-nin qanuni təmsilçisi Rzayev Süleyman Qəmbər oğludur.

Açıq mənbələrdə ASC barəsində hər hansı məlumat yoxdur. Baxmayaraq ki, “Gəncə Körpü Tikinti-2” ASC vaxtaşırı milyonluq tenderlərin qalibi olur. Yeri gəlmişkən, ASC-nin qalib gəldiyi tenderlər əsasən Gəncə Şəhər İcra Hakimiyyəti və ona tabeli qurumlara aid olur.

2021-20222-ci illərdə Gəncə Şəhər İcra Hakimiyyəti və ona tabeli qurumlarla “Gəncə Körpü Tikinti-2” ASC arasında maliyyə dəyəri 10 668 797.01 AZN təşkil edən 3 satınalma müqaviləsi imzalanıb.

ASC-nin qanuni təmsilçisi Süleyman Rzayevə gəlincə, o, 2012-ci ildə “Tərəqqi” medalı ilə təltif olunub.


Süleyman Rzayevin adı həm də Beynəlxalq Bankla məhkəmə çəkişməsində iddiaçı qismində keçir. Nəsimi Rayon Məhkəməsi Süleyman Rzayevin sözügedən banka qarşı “pulun geri qaytarılması” iddiasını təmin edib. Beynəlxalq Bank apelyasiya şikayəti versə də, birinci instansiyasının çıxardığı qətnamə dəyişdirilmədən saxlanılıb.

Yerli medianın yazdığına görə, “Gəncə Körpü Tikinti-2” ASC-nin əsl sahibi iş adamı Aqibət Məmmədovdur.

Aqibət Məmmədov bir neçə il əvvəl oğlu Rəşad Məmmədovun avtomobil kolleksiyası ilə gündəmə gəlib. Həmin vaxt yayılan məlumatlarda bildirilirdi ki, Rəşad Məmmədovun avtomobil parkında bahalı maşınlar yer alır.Qaynarinfo.az

Sumqayıt Dövlət Universiteti “Sumqayıt Dövlət Universitetinin 60 illik yubileyi ilə əlaqədar keçiriləcək konfrans xərclərinin satın alınması” lotu üzrə sifarişçi olduğu satınalmaya noyabr ayının 22-də yekun vurub.

Bu tenderin məbləği 95.303 manat, qalibi isə “FAMİLY 22 FN” Məhdud Məsuliyyətli Cəmiyyəti elan edilib.
Sumqayıt Dövlət Universiteti 95 min manatı NƏYƏ XƏRCLƏNİB?

Sumqayıt Dövlət Universiteti “Sumqayıt Dövlət Universitetinin 60 illik yubileyi ilə əlaqədar keçiriləcək konfrans xərclərinin satın alınması” lotu üzrə 2022-ci ilin noyabr ayının 22-də yekun vurduğu 95.303 manat dəyəri olan tenderdə qalib elan edilən “FAMİLY 22 FN” MMC tenderdən bir ay əvvəl 2022-ci ilin oktyabr ayının 4-də dövlət qeydiyyatından keçib.

“FAMİLY 22 FN” MMC-nin hüquqi ünvanı Bakı şəhəri, Xəzər rayonu, Zirə qəsəbəsi Baş küçəsi ev 2, mənzil 19 ünvanıdır.

MMC-nin nizamnamə kapitalı 10 manat, qanuni təmsilçisi Abdinova Nərgiz İbad qızıdır.

“FAMİLY 22 FN” MMC-nin fəaliyyət profili, müvafiq lisenziyaları barədə internet resurslarında heç bir məlumata rast gəlinmir.

“Dövlət Satınalmaları Haqqında” Azərbaycan Respublikasının Qanununun 6-cı maddəsinin 6.2.1 bəndində malgöndərən-podratçı təşkilatların satınalma müqaviləsinin icrasını təmin etmək üçün müvafiq sahədə peşəkarlığının, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin və etibarlığının olmasının vacibliyi qeyd edilir.

Dövlət başçısının çıxışından nümunə götürə bilməyən Universitet

Prezident İlham Əliyev cənabları Nazirlər Kabinetinin iclaslarında və digər çıxışlarında dəfələrlə dövlət qurumlarının israfçılığa yol vermələri, büdcə vəsaitlərini səmərəsiz xərclədiklərini vurğulayıb.

Prezident 2020-ci ilin birinci rübünün sosial-iqtisadi yekunlarına həsr olunan videokonfrans şəklində olan müşavirədə dövlət təşkilatlarının bəzi hallarda xərcləri şişirtdiklərini qeyd edərək İqtisadiyyat və Maliyyə nazirlərinə bu sahədə ciddi nəzarət mexanizminin tətbiq olunmasını bildirdi.

Lakin belə görünür ki, dövlət başçısının çıxışının mahiyyətini dərk edə bilməyən, dünyanın və regionun iqtisadi böhranda boğulduğu bir zamanda hələ də büdcə vəsaitlərini səmərəsiz işlərə xərcləyən büdcə maliyyəli təşkilatlar var.

Sifarişçi olduğu tenderin predmetlərinə diqqət etdikdə əminliklə demək olar ki, Prezidentin çıxışının ziddinə gedən, büdcə vəsaitlərini havaya sovuran təşkilatlardan biri də Sumqayıt Dövlət Universitetidir.

95.303 manat nəyə xərclənib?

SDU-nun sözügedən tenderinin predmetlərinə görə qalib elan edilən “FAMİLY 22 FN” MMC 500 ədəd SDU loqolu dəri bloknot almalıdır.

Müasir dünyanın inkişaf etmiş ölkələrində, cəmiyyətlərində insanların dəri məhsullarından bütünlüklə imtina etdiyi bir zamanda kollektivinin böyük əksəriyyəti ali savadlı olan, cəmiyyətimizə savadlı kadrlar yetişdirən, övladlarımıza təhsil verən bir ali təhsil ocağı yubileyində dəridən 500 bloknot alınması üçün büdcədən pul xərcləyir.

Tender müqaviləsinin digər predmeti daha biabırçıdır: 500 ədəd SDU loqolu yaxa sancağı tökmə qəlib 1 rəng qutulu. Hər hansı Avropa ölkəsində ali təhsil müəssisəsinin tökmə qəlibli yaxa sancağına büdcədən pul xərcləməsini də təsəvvür edə bilirsinizmi?

Əgər Avropada hansısa universitet belə bir iş görsəydi, cəmiyyətin reaksiyasını hər kəs görərdi.

SDU-nun məlum tenderində daha bir absurd məqam isə 500 ədəd dəvətnamənin alınmasıdır.

Texnologiyanın inkişaf etdiyi, videokonfransların geniş yayıldığı, əlaqə saxlamaq üçün çoxsaylı internet vasitələrinin olduğu bir dövrdə hələ də 60 illik tədbiri üçün 500 ədəd dəvətnamənin alınması absurd olduğu qədər, həm də büdcədən vəsait xərcləmək bəhanədir…

Tender müqaviləsinin predmetlərindən biri də tədbir üçün 500 ədəd SDU loqolu brelokun alınmasıdır. Bundan başqa, gülüş doğuran digər məqam isə SDU-nun büdcədən 95.303 manat xərclədiyi tenderdə “Konfrans materiallarının nəşri”ni 300 sayda sifariş etməsidir.

Ali təhsil müəssisəsi dövlətin büdcəsi hesabına 500 brelok alır, amma 300 jurnal nəşr etdirir. Bu da kitaba, jurnala, elə həmin ali məktəbdə elm və təhsilə verilən qiymətin təzahürüdür.

Xatırladaq ki, Sumqayıt Dövlət Universitetinin rektoru, professor Elxan Hüseynovdur.

E.Hüseynov 2017-ci ildə “Şöhrət” ordeni ilə təltif edilib.Qlobal.az

Bir qrup şəxs ƏƏSMN tabeliyində olan Respublika Reablitasiya Mərkəzinin önündə etiraz edib.

Toplum TV xəbər verir ki, şikayətçilər 1-ci Qarabağ müharibəsində yaralandıqlarını və buna görə də uzun müddət təqaüd aldıqlarını deyiblər. Lakin son 2 ildə onların əlillik dərəcələri mülki əlilliklə əvəz olunub.

Şikayətçilər mərkəzin qəbul şöbəsində olublar. Lakin müsbət nəticə əldə edə bilmədiklərini deyirlər.

ƏƏSMN-dən isə Toplum TV-nin sorğusuna cavab olaraq bildirilib ki, şikayətçilərin problemləri araşdırılıb. Onların aldıqları təqaüdlərə heç bir dəyişikliyin olmayacağı bildirilib.

Dövlət Gömrük Komitəsinin (DGK) Bakı Baş Gömrük İdarəsində idxal edilən malların rəsmiləşdirilməsi zamanı malların mülki dövriyyəsinə yol verilməyən əşyaların siyahısına aid olub-olmadığı yoxlanılır. Məsələn, noyabr ayında idxal edilmiş balıqçı torlarının diametri 0,5 mm-dən az olan sintetik təkqat saplardan toxunmuş və dəliklərin konstruktiv ölçüləri 120 mm-dən kiçik ilgəkli balıqçılıq toru olduğu müəyyənləşib. Bu məqsədlə müvafiq ekspert tədqiqatlarının aparılması üçün DGK-nın Mərkəzi Gömrük Ekspertizası İdarəsinə müraciət edilib. İdarənin apardığı tədqiqatların nəticələri gömrükçülərin şübhələrini təsdiqləyib. Aşkar edilən balıqçılıq toru mülki dövriyyədə olmasına yol verilməyən əşyaların siyahısına daxildir.
Amma mülki dövrüyyəsinə yol verilən idxal mallarının rəsmiləşdirilməsi zamanı gömrük qiymətinin özbaşına artırılması başa düşülən deyil. Çünki bu halda süni artırılan qiyməti rüşvət amili ilə də əlaqələndirmək olmur. “Mediatv.az” saytı redaksiyasına müraciət edən bir qrup sahibkar məlumat vermişlər ki, onların Çindən idxal etdikləri sintetik dekor güllərə görə gömrük haqqı bir kiloqrama görə 3,5 ABŞ dollarından 5,0 dollara qədər qaldırılıb. Təbii ki, sənədlərdə milli valyuta ifadəsi ilə.
Sahibkarlar bildirirlər ki, gətirdikləri bu mala görə gömrük haqqı pandemiya səbəbilə onsuz da qaldırılmışdı. Amma Bakı Baş Gömrük İdarəsində rastlaşdıqları axırıncı tələb onları hədsiz məyus edib. Çünki bu qanunsuz tələbi ödəyəcəkləri təqdirdə, onu istədikləri qiymətə sata bilməyəcəklərinin fərqindədirlər. Onlar hətta narazılıqlarını, etirazlarını daha uca səslə bildirmək üçün Dövlət Gömrük Komitəsinə də gediblər. Nə qədər qəribə olsa da, onlarla təmasa çıxan Bakı Baş Gömrük İdarəsinin Elmir adlı əməkdaşı deyib ki, “qiymət qalxıb, yox əgər 5 dollara razı deyilsinizsə, sizin üçün güzəşt edib 4,5 dollara rəsmiləşdirə bilərik”. Bu təklif əlbəttə ki, tacirləri təəccübləndirib: Elə bil, bazardır, alver edirlər!Şikayətçilər bildirir ki,axı son zamanlarda gömrük haqqında,eləcə də gömrük rüsumları haqqında qanunda dəyişiklik edilməyib.Bizdən alınan bu pullar hara köçrülür?Gömrük rüsumları haqqında da Elmir müəllimdən rəsmi məlumat tələb etsək bizə dəqiq məlumat vermədi.
Mediatv.az bildirir ki, bu il avqust ayında DGK Bakı Baş Gömrük İdarəsinin rəisi, gömrük xidməti polkovniki Pərviz Kəngərli vəzifəsindən azad edilərək təqaüdə göndərilib. Onun yerinə hələ ki təyinat yoxdur. İdarənin rəisi vəzifəsinin müvəqqəti icrası bir neçə gün əvvəl DGK sədrinin birinci müavini İsmayıl Hüseynova tapşırılıb. Komitə sədrinin birinci müavini, sədr vəzifəsini müvəqqəti icra edən Şahin Bağırov bununla bağlı əmr imzalayıb. Amma heç cür inanılası deyil ki, DGK sədrinin birinci müavini BBGİ-nin rəisi vəzifəsini müvəqqəti öz üzərinə götürən kimi dərhal elə qanunsuz göstərişlər versin. Bu, İsmayıl Hüseynovun nüfuzuna kölgə salmağa hesablanmış təxribat da ola bilər.
Mövzuya qayıdacağıq. //“Mediatv.az”//