Bakı Şəhər İcra Hakimiyyətinin tabeliyində fəaliyyət göstərən “Bakı Şəhər Tikinti və Təmir” MMC tərəfindən keçirilən tender müsabiqəsinin qalibi məlum olub.

DİA.AZ yeniavaz.com-a istinadla xəbər verir ki, tender müsabiqəsinin qalibi “Feniks-AA” MMC (VÖEN- 2000094981) olub.
Tender müsabiqəsinin şərtlərinə görə “Feniks-AA” MMC “Bakı Şəhər İcra Hakimiyyəti başçısının tabeliyində Mərkəzi Nəbatat Bağı”nın abadlaşdırılması işləri üzrə layihə-smeta sənədlərini hazırlayacaq. Abadlıq işləri üçün layihə-smeta sənədlərinin hazırlanmasına görə Bakı Şəhər İcra Hakimiyyəti “Feniks-AA” MMC-yə 580 min 300 manat ayıracaq.

Məlumat üçün bildirək ki, “Feniks-AA” MMC 06.11.2001-ci ildə dövlət qeydiyyatına alınıb. Nizamnamə kapitalı 10 manat olan MMC-nin hüquqi ünvanı Xətai rayonu, Məhəmməd Hadi, ev 152, m. 56-da yerləşir. Şirkətin qanuni təmsilçisi Aydınlı Aydın İlqar oğludur.
Onu da bildirək ki, Aydınlı Aydın İlqar oğlu Dövlət Şəhərsalma və Arxitektura Komitəsi sədrinin müavini İlqar Aydın oğlu İsbatovun oğludur. “Feniks-AA” MMC-yə 2008-ci ilə kimi İlqar İsbatovun özü rəhbərlik edib. 2008-ci ildə İlqar İsbatov Dövlət Şəhərsalma və Arxitektura Komitəsinin Bakı Dövlət Layihə İnstitutunun direktoru təyin olunduğu üçün rəsmi sənədlərdə şirkət rəhbərliyini oğluna həvalə edib.
Qeyd edək ki, “Feniks-AA” MMC bugünə kimi dövlət qurumlarının keçirdiyi çoxsaylı tenderlərin qalibi olub.

Xatırladaq ki, bir neçə gün əvvəl İlqar İsbatovun özü ilə bağlı ilginc faktları təqdim etmişdik:

Qarabağın inşasında İlqar İsbatov TAMAHKARLIĞININ İSBATI... - İLGİNC FAKTLARMy Webpage

Buradan aydın olanı odur ki, İsbatovun özü bir yandan, oğlu da bir yandan büdcəmizə daraşıblar...

Məsələ ilə bağlı olaraq bütün maraqlı tərəfləri dinləməyə hazırıq...

"Ümidvar olmaq istərdim ki, müvafiq dairələr Naxçıvandakı "Grand Hotel"də baş verən özbaşınalıqları ciddi şəkildə apaşdıracaq və ölçü götürəcək. Çünki bu, ilk belə hadisə deyil. Şəxsən mənə dəfələrlə bu barədə şikayətlər gəlib". DİA.AZ bildirir ki, bu həyəcanlı ifadələrin müəllifi tanınmış jurnalist Heydər Oğuzdur.

Həmkarımız Səbina adlı şəxsin "Hüquqşünaslar Qrupu"nda paylaşdığı statusu diqqətə təqdim edərək, daha sonra bildirir:

"Rəsmi qurumlarımız bu iddiaları obyektiv araşdırmasalar, mən bir jurnalist kimi məhdud imkanlarımla mövzunu incələmək məcburiyyətində qalacağam.

Məsələyə bu qədər önəm verməyimin səbəbi yəqin ki, hər kəsə aydındır. Hər bir region kimi Naxçıvanın da incə və toxunulmaz toxuları (hüceyrələri) var. Onun bu şəkildə zorən pozulmasına imkan vermək olmaz".

Dia.az

Oktyabrın 21-də Azərbaycan Respublikasının Prezidenti İlham Əliyev Mərkəzi Klinik Xəstəxanasına gələrək ölkəmizdə səfərdə olarkən yol qəzası keçirən Türkiyənin Ədalət və İnkişaf Partiyası sədrinin müavini Binəli Yıldırıma, millət vəkili Şamil Ayrıma və mühafizəçi Oğuzhan Dəmirçiyə baş çəkib.

Dövlətimizin başçısı xəsarət alanlarla söhbət edib, onların tezliklə sağalmalarını arzulayıb.

Binəli Yıldırım, Şamil Ayrım və Oğuzhan Dəmirçi də öz növbəsində qəza yerindən operativ olaraq helikopterlə Bakıya xəstəxanaya çatdırılmalarına və onların dərhal tibbi müayinədən keçirilərək müalicə almalarına görə dövlətimizin başçısına və tibb heyətinə dərin minnətdarlıqlarını bildiriblər

Bakının Nərimanov rayonunda fəaliyyət göstərən “Keşlə bazarı” deyilən yerdəki balıq satılan ərazidə özbaşınalıqdır. Həmin bazarda işləyən şikayətçilər bildirir ki, bazara rəhbərlik edən Emin adlı şəxs onlarda ayda 900 manat qeyri-qanuni ödəniş tələb edir.

DİA.AZ Azinforum.az-a istinadla həmin ərazidən hazırlanan videoreportajı təqdim edir:

Hələ 90-cı ilin sonlarında Salyan rayon İcra Hakimiyyəti başçısının müavını olmuş, daha sonra uzun müddət Salyan rayonunda Pambıq zavodunun direktoru işləmiş Bahəddin Leysanov nəhayətsiz kapitala yiyələnib. Bahəddin Leysanovun bu rayonda iki yanacaqdoldurma məntəqəsi,”Salyan-Pambıq”Açıq Tipli Səhmdar Cəmiyyəti, eyni zamanda Neftçala, Salyan, Şirvan, Sabirabad və Biləsuvar Pambıq Zavodlarının səhmlərinin 50% -nə sahibdir. Məlumatlarda Bahəddin Leysanovun adıçəkilən rayonlarda minlərlə hektar ərazisi olduğu halda, vətəndaşların halal torpaqlarını da ələ keçirib və müxtəlif kəndlərdən olan sakinlər onun bu əməlləri ucbatından torpaq üzünə həsrət qaldıqlarını bildirirlər. B.Leysanovun bu kimi qanunsuz yollarla qazandığı pullar hesabına Bakının müxtəlif yerlərində onlarla mülkü olduğu da bıldırilır. Verilən məlumatlarda B.Leysanovun qanunsuz yollarla qazandığı pullar hesabına Bakının müxtəlif yerlərindəki mülklərindən biri də paytaxtın Sabunçu rayonunun Pirşağı qəsəbəsində keçmiş “Qarabağ” pioner düşərgəsi kimi tanınan əraziyə yaxın yerdə yerləşən 1 milyon dollarlıq villadır.

Zəmanənin nəbzini tutmağı bacaran B.Leysanov bir zaman yaxşı anlaşdığı AXC-yə arxa çevirərək, YAP-a yarındı. Kolxozların ləğvindən sonra Leysanov Neftçalada torpaqların böyük qismini ələ keçirdi, bir çox dövlət və dövlət torpaqları, o cümlədən geniş örüş sahələrinin yarıdan çoxu 99 illik müqavilə ilə Leysanova verilib. Sonradan Leysanov təkcə Neftçala ilə kifayətlənməyib, Salyan rayonunun da bələdiyyə və dövlət torpaqlarının yarısından çoxunu istifadəyə götürdü, ardından Biləsuvar, Cəlilabad, Masallı rayonlarında da minlərlə hektar torpağı özününküləşdirdi. Bundan başqa, Leysanovun əli Sabirabada və İmişliyə qədər də uzandı. Həmin ərazilərin bir hissəsində biznes obyektləri qurub, bir hissəsi isə istifadə olunmur. Səhmlərinin yarısına malik olduğu zavodları da rentabelsiz elan edən B.Leysanov həmin zavodların keçmiş işçilərinin səhmlərinə görə devident ödəmir.

30 ildən artıqdır ki, cənub bölgəsinin pambıqçılıq rayonlarında hökmranlıq edən B.Leysanov regionda baş verən bütün prosseslərə müdaxilə edir, təsir etdiyi rayonların icra başçıları, polis rəisləri, prokurorlar onunla hesablaşırlar. B.Leysanov regional tədarük idarəsinə də rəhbər vəzifəyə gətirilməklə, həm tədarük, həm də istehsal işini eyni anda yürütməklə inhisarçılığa yol açır.

Ancaq, bu qədər var dövlətə sahiblənən Leysanovlar ailəsi 44 günlük müharibədə öz yaxınlarını hərbi xidmətdən yayındırmaqla bərabər orduya dəstək olmaqda da fəaliyyətini hiss edən olmadı.

2019-cu ildə Baş Dövlət Yol Polisi İdarəsinin Qeydiyyat-İmtahan İdarəsinin rəis müavini vəzifəsinə təyin olunan polkovnik-leytenant Leysanov Afiyyədin Bahəddin oğlunun adı son təyinata qədər mətbuatda bir çox qalmaqallı məsələlərə görə hallanıb. Daha çox “nömrə biznesinin kralı” kimi tanınan Afiyəddin Leysanovun rəhbərliyi altında Bakı Dövlət Yol Polis İdarəsinin (BDYPİ) “Meyvəli” terminalına yaxın ərazidə fəaliyyət göstərən qeydiyyat-imtahan şöbəsində baş verənlər isə heç bir çərçivəyə sığmır.

O da qeyd olunur ki, B.Leysanov ona qarşı çıxış edən, bircə qəpiyinə xor baxan istənilən şəxsi “içəri” atdıra bilir. Cəmi bircə nəfərə güzəştə getdiyi bildirilir ki, o barədə də yazıçı İbrahim Quliyev qələmə alıb. Kulis.az-da dərc olunan həmin gerçək novellanı təqdim edirik:

“O vaxtlar Salyan-Neftçala ərazisində özünü başçı elan etmiş bir şəxs var idi. Adı da Leysanov Bahəddin idi. O, ərazidəki bütün pambıqçılıq işlərinə nəzarət edirdi. Kim görsə qabağına qaçardı, kimsə bir sözünü iki eləməzdi. Bir gün Leysanovun anbarlarından birinə taxta-şalban gətirilir və bir günlük qarovulçu lazım olur. Axtarıb, bir qarovulçu tapırlar. O qarovulçu da kim olsa, yaxşıdır? Bizim Mahmud lələ! Gecənin səhərində məlum olur ki, anbarda taxta-şalban qalmayıb, hamısını oğurlayıblar. Xəbər Leysanova çatır. Leysanov əmr edir ki, o qarovulçunu tutun gətirin bura. Mahmudu gəlib aparıblar Leysanovun otağına. Leysanov da başlayıb bunu söyməyə, təhqir etməyə. Bir deyib, iki deyib, sonda Mahmud lələnin səbri tükənib və illərdir kəndimizdə tez-tez istifadə edilən o məşhur cümləni deyib: «Ala, ala, obşim ala, taxta hara, şalban hara, Mahmud hara? Ala, obşim ala, p… yemə ala!»

Leysanov bu cümlədən sonra şoka düşüb. Ki, bu kimdir mənimlə belə danışır? Yanındakılardan birinin cəld Leysanovun qulağına əyilib Mahmudun azacıq əqli çatışmazlığını bildirməsindən sonra məsələ bir dəfəlik bağlı elan edilib”.

Gələn yazımızda Bahəddin Leysanovun arxadan vurulan güllə əhvalatı və Afiyəddin Leysanovun nömrə alveri ilə bağlı geniş məqalə dərc edəcəyik. Odur ki, bizi izləməyi unutmayın

Bu və digər suallarla bağlı Afiyəddin və Bahəddin Leysanovlara dəfələrlə zəng edib suallarımızı mesaj vasitəsilə göndərsək də heç bir cavab ala bilmədik. Odur ki, qarşı tərəfin də mövqeyini dərc etməyə hazırıq

Deryaz.az

Quba rayon sakini 1-ci qrup əlil Mustafa Hüseynov məhkəmə süründürməçiliyindən şikayət edir. O deyir ki, evindəki hamamın suyu qonşusunun evinə sızdığı üçün qonşusuna hamamı söküb yenidən tikməsi üçün icazə verib. Mustafa Hüseynov ona dəymiş ziyanın 30000 manat olduğunu bildirir. Amma nə hamam tikilib, nə də Mustafa Hüseynova dəyən ziyan ödənilib. O, qonşusunu 2019-cu ildə məhkəməyə verib. Evə baxış keçirən məhkəmə ekperti Hüseynova dəyən zərərin 4600 manat olduğunu bildirib. Şikayətçi deyir, birinci gələn ekspert qiymətləndirmə etsə də, ikinci ekspert rəyində zərərin hesablanmasının mümkün olmadığını bildirib.

Mustafa Hüseynov hamamın tikilməsini yox, ona dəymiş ziyanın ödənilməsini istəyir. Zərərçəkmişin sözlərinə görə, hamam yenidən tikilməyib. Amma məhkəmə hakimi hamamın artıq təhvil verildiyini bildirib.

Mustafa Hüseynov Quba Rayon Məhkəməsinin verdiyi qərardan razı olmadığına görə Sumqayıt Appelyasiya Məhkəməsinə şikayət etmək istəyib. Amma yüngül məhkəmə işi olduğu əsas gətirilərək o vəkillə təmin olunmayıb. Mustafa Hüseynovun şikayəti ilə bağlı Quba Rayon Məhkəməsindən açıqlama almaq mümkün olmayıb. Sumqayıt Apellyasiya məhkəməsi isə verdiyi açıqlama da bildirib ki, şikayətçi verilən qətnamədən narazıdırsa yenidən müraciət etsin. Məhkəmənin qərarı Mustafa Hüseynovu qane etməyib. Çıxış yolunu mediaya üz tutmaqda görüb //toplum.tv//

"Burada tullantıların utilizasiyası zavodunu tikmək fikrində idilər. Sonra söhbət yayıldı ki, ağır şərtlər qoyublar. Bundan sonra onlar bir də buraya gəlmədilər”.

Lənkəran şəhərinin zibil poliqonu köhnə Bakı-Astara yolunun yaxınlığında, rayonun Göyşaban kəndinin ərazisində yerləşir. Ərazisi 5 hektardan çoxdur. Yerli sakinlərin dediklərinə görə, 40 ildən çoxdur ki, şəhərin və ətraf kəndlərin məişət tullantıları buraya gətirilir. Poliqon tullantılarla qalaqlanıb. Zibillik ərazisi 3-4 yerdə yanır, tüstü ətrafa yayılır.

Zibillyin hasarı yoxdur, hər tərəfi açıqdır, digər yerlərdən kanallar ayırır. Yaxınlıqdakı gözətçiyə yaxınlaşıb bəzi suallara cavab almaq istəsək də, alınmadı.

Lakin aydınlaşdrdıq ki, bura Lənkəran Şəhər Mənzil İstismar və Kommunal Müəssisələri İdarəsinin nəzarətindədir.

Kənd sakini Qəşəng Əkbərova deyir ki, illər keçir, problem həllini tapmır: "Kəndimizdə xəstələr var. Onlar kənara çıxa bilmir, tütstünün əlindən də həyətə düşmək mümkünsüzdür. Həytlərdə uşaqlar var, hərəsi də bir cür xəstə. Təmiz hava yoxdur. Avtobusla bazara gələndə pəncərəni bağlayırıq ki, tüstü içəriyə girməsin. Bir çarə qılsınlar”.

Adının çəkilməsini istəməyən Lənkəran ziyalısının sözlərinə görə, problem dəfələrlə müzakirə olunub: “İcra hakimiyətinin bir tədbirində oldum. Bu məsələ müzakirə olunurdu. Poliqon dolub. Yeri dəyişilməlidir. Dedyildi ki, investisiya proqramı var, zavodun (zibil emal edən) tikilməsi orda nəzərdə tutulub. Doğurdan da orda ekoloji vəziyyət yaxşı deyil. Söhbət ondan gedir ki, müasir tələblərə cavab verən yeni zibil poliqonunun tikintisi böyük vəsait tələb edir. Lənkəran şəhərinin 50 min əhalisi var. Ətraf kəndlərlə birlikdə əhalinin sayı 60 min nəfərə çatır. Əhali artır. Söhbət ondan gedir ki, bu zibillik yaşayış evlərilə əhatə olunub. İntensiv hərəkət olan asfalt yolun kənarındadır".

Lənkəran Şəhər Mənzil İstismar və Kommonal Müəssisələri İdarəsinin müdiri Emin Şahzadənin Cənub.az saytına dediyinə görə, bu sahəyə investisiya qoyulandan sonra məsələ həllini tapacaq.

Lənkəran Şəhər İcra Hakimiyyəti Başçısının müavini Vüqar Məmmədov isə sözügedən məsələ ilə bağlı bildirib ki, ərazidə məişət tullantılarını utilizasiya etməkdən ötrü regional zavodun tikilməsi məsələsi investisiya proqramına salınıb. Burda 10 min kub metr məişət tullantıları utilizasiya ediləcək.

Göyşaban kənd sakini Füzuli Məmmədov deyilənlərə inanmır. Onun bildirdiyinə görə, hər dəfə belə vədlər verirlər, amma problem yerində qalır.

Zibil poliqonuna yaxın ərazidə yaşayan sakinin dediyinə görə, bununla bağlı Yapon mütəxəssisləri ərazidə olublar.

“Onlar burada tullantıların utilizasiyası zavodunu tikmək fikrində idilər. Sonra söhbət yayıldı ki, onların qarşısında ağır şərtlər qoyublar. Onlar bir də buraya gəlmədilər. Lənkəran şəhərinin iki böyük problemi var. Kanalizasiya yoxdur, zibl paliqonu da dolub daşır. 30 ildə bu iki problemlə bağlı dəfələrlə müzakirə gedib. Amma problemin həllindən ötrü əllərini ağdan-qaraya vurmayıblar”, - kənd sakini bildirir.

Belediyye.net

“Unibank”ın qolu olan “Leobank” da artıq özünə şikayətlər yağdırmağa başlayıb. TİA.Az həmin şikayətlərdən birini sosial mediaya istinadla təqdim edir. Müştəri bildirir: “20 avqust Unibank bankomatından hesabımı artırmışam, səhəri eyni mesaj gəlir, amma balansımdan pul çıxılır. Şikayətimi bildirəndən sonra dedilər ki, 1 həftə ərzində baxılacaq. Bir həftə sonra operatorun biri dedi ki, polisə verin, kimsə sizin kartdan istifadə edib. Axşam dedilər ki, polisə verməyin, belə problemlər 1- 2 ay ərzində həll olur. Yenə əlaqə saxlayıram, deyirəm, 2 ay tamam olmağına az qalıb. Deyir bir az da gözləyin, araşdırılır. Haçana kimi? Kamera, hər şey göz qabağında, uzada- uzada qalıblar”.


TİA.Az

Azərbaycan, Naxçıvan ərazisindən Türkiyə ilə quru sərhədini tam açıb. Lakin, buradakı Sədərək Gömrük Məntəqəsindən yalnız Naxçıvan qeydiyyatı olan Azərbaycan vətəndaşları Türkiyəyə maneəsiz gedib-gələ bilirlər. Digər bölgədən olan vətəndaşlara isə, ağır xəstəliyin müalicəsi üçün qonşu ölkəyə getməyə icazə verilir. Bunun üçün isə, Səhiyyə Nazirliyinin təsdiqi tələb olunur. Ciddi səbəb gpstərilmədikdə, Naxçıvana gələn Türkiyə vətəndaşlarının Bakıya getməsinə də maneə yaradıldığı bildirilir.
Kəngərli rayon sakini Rahid Quliyev deyir ki, sərhəddə gediş-gəliş bərpa olunsa da, gömrükdə əvvəlki qadağaların tətbiqi davam etdirir:
"Bir neçə gündür ki, sərhəd tam açılıb. Artıq, maneəsiz gedib-gələ bilirik. Bu çox yaxşıdır. Çünki camaatın yarıdan çoxu Türkiyədə işləməklə dolanır. Bir neçə aydır yol bağlanmışdı, nə edəcəyimizi bilmirdik. Dünən mən də rahat keçib, qayıtdım. Ancaq, əvvəlki qadağalar qalır. 30 kilodan artıq ərzaq gətirmək və.s olmaz".
Oğlunu Türkiyəyə aparmaq istəyən Bərdə rayon sakini Fazil Qurbanov deyir ki, bunun üçün xeyli sənəd tələb olunur:
"Oğlum Türkiyədə təcili əməliyyat olunmalıdır. Təyyarə ilə getməyə maddi imkan yoxdur. Zəng etdim, maraqlandım, dedilər Səhiyyə Nazirliyinin icazəsi olsa, Naxçıvandan aparmaq olar. Bu ucuz başa gəlir. Ancaq, bunun üçün də xeyli əziyyət çəkməlisən. Sənəd topla, icazə al...".
Sədərək Gömrük Məntəqəsindən Türkiyəyə gediş-gəliş iyunun 30-da bağlanmışdı.

Azərbaycan Respublikasının iqtisadiyyat naziri cənab Mikayıl Cabbarova müraciət
Cənab nazir !

Rəhbərlik etdiyiniz İqtisadiyyat Nazirliyi yanında Dövlət Vergi Xidməti ilə bağlı Sizə müraciət edirəm.

Məlumat üçün bildirim ki, Azərbaycan Respublikası Ali Məhkəməsinin İnzibati Kollegiyasının sədri Xəqani Məmmədov tərəfindən Azərbaycanda inzibati məhkəmələrin yaradılmasının 10 illiyinə həsr olunmuş ölkəmizdə həyata keçirilən məhkəmə-hüquq islahatları və inzibati məhkəmələrin fəaliyyətinin inkişafı sahəsində görülən işlər və qarşıda duran vəzifələrə dair geniş məqalə yazmışdır.

Məqalədə qeyd olunur ki, 2020-ci ildə Ali Məhkəmənin İnzibati Kollegiyasında baxılmış işlərin ümumən 6.9 faizi Dövlət Vergi Xidməti və onun tabeliyindəki qurumlara qarşı işlər olmuş, həmin işlərdən 43.5 faizi inzibati orqanların xeyrinə, 56.5 faizi isə ƏLEYHİNƏ nəticələnmişdir.

2019-cu ildə isə baxılmış işlərin ümumən 7.2 faizi Dövlət Vergi Xidməti və onun tabeliyindəki qurumlara qarşı işlər olmuş, həmin işlərdən 40.2 faizi inzibati orqanların xeyrinə, 59.8 faizi isə ƏLEYHİNƏ yekunlaşmışdır.

Cənab nazir !

Yuxarıda göstərilən rəqəmlər hansısa həvəskar araşdırmaçının, jurnalistin yazısından deyil, birbaşa Ali Məhkəmənin İnzibati Kollegiyasının sədrinin məqaləsindən götürülüb, yəni rəqəmlərin dəqiqliyi şübhə doğurmur.

Belə olan halda vəziyyət niyə bu dərəcədə kritikdir ?

Yəni İqtisadiyyat Nazirliyi yanında Dövlət Vergi Xidməti ona - quruma qarşı sahibkarlar, şirkətlər tərəfindən qaldırılmış məhkəmə işlərinin az qala 60 faizini uduzur. Əgər bu rəqəm 5-10 faiz olsaydı, bunu haradasa başa düşmək olardı. Amma söhbət 60 faizdən gedir.

Cənab nazir !

Təsəvvür edirsiniz, tabeçiliyində kifayət qədər təcrübəli, peşəkar mütəxəssislər olan, dövlətin marağını qorumalı olan Dövlət Vergi Xidməti məhkəmə çəkişməsində yüksək faizlə qarşı tərəfə uduzur.

Bunun səbəbi nədir ?

60 faiz rəqəminin arxasında nələr var ?
Nəzərinizə çatdırmaq istəyirik ki, 60 faiz uduzmağın arxasında çox ciddi mətləblər, hətta cinayət xarakterli əməllər var.

Axı, qurumun əsasnaməsində göstərildiyi kimi Azərbaycan Respublikası İqtisadiyyat Nazirliyi yanında Dövlət Vergi Xidməti ölkədə aparılan vahid maliyyə və büdcə siyasəti çərçivəsində vergi siyasətinin həyata keçirilməsini, dövlət büdcəsinə vergilərin və digər daxilolmaların vaxtında və tam yığılmasını təmin edən və bu sahədə DÖVLƏT nəzarətini həyata keçirən mərkəzi icra hakimiyyəti orqanıdır.

Bəs qurumun əməkdaşlarının məhkəmədə böyük hesabla uduzmasının səbəbi nədir ?

Bəlkə qeyri-peşəkarlıq, savadsızlıq, bəlkə təcrübəsizlik ?

Yəni dövlət vergi orqanlarında çalışan əməkdaşların bilik və peşə hazırlığı səviyyəsi bu qədər aşağıdırmı ki, məhkəmələrdə qarşı tərəfə 60 faiz uduzurlar.

Bəlkə tamamilə başqa səbəb var ?

Axı, dövlət müfəttişləri, ekspertlər və mütəxəssislər yoxlamaya dövlətin adından gedir və DÖVLƏTİN MARAĞININ təmsilçisidir.

Bəlkə, Vergi Xidmətinin əməkdaşları yoxlamaya dövlətin marağını qorumaq üçün deyil, vergi ödəyicisinə KONSALTINQ xidməti göstərməyə, vergidən külli miqdarda yayınmanı ört-basdır etmək üçün gedirlər ?

Bəlkə bilmədiyimiz başqa səbəblər var.

Bəlkə məhkəmələrimiz o qədər "müstəqildir" ki, dövlət büdcəsinin deyil, sahibkarların marağını himayə edir.

Cənab nazir !

Bəlkə, Vergi Xidmətinin əli ilə dövlət öncədən məhkəmələrdə MƏQSƏDYÖNLÜ şəkildə uduzdurulur. Və nəticədə milyonlarla vergi dövlət büdcəsindən yayındırılır.

Çünki məhkəməyə gedən işlər 300- 500 manatlıq işlər deyil, söhbət külli miqdarda, konkret desək. 3-5 milyon manat vergidən yayınmadan gedir.

Bir sözlə, Dövlət Vergi Xidməti məhkəmə çəkişmələrində vergi ödəyicilərinə, sahibkarlara 60 faizlə uduzur.

Əslində uduzan dövlətdir, dövlətin büdcəisidir.

Qazanan kim(lər)dir ?

Əlbəttə, qazanan Vergi Xidmətinin əməkdaşları, məhkəmə hakimləri və şirkət sahibləri. Uduzan isə dövlətimizdir.
Cənab Nazir !

Əgər Dövlət Vergi Xidməti əməkdaşlarının Bakıda, Sumqayıtda və digər yerlərdə fəaliyyət göstərən metal əritmə sexlərində, ümumiyyətlə, qara və əlvan metal qəbulu və emalı şirkətlərində apardığı yoxlama sənədləri ilə tanış olsanız, real vəziyyəti öz gözlərinizlə görərsiniz. Və yazdıqlarımızın həqiqət olduğuna əmin olarsınız.

Nəzərə almaq lazımdır ki, təkcə Sumqayıt şəhərində 30-a yaxın qara və əlvan metalların emalı şirkəti var.

Dövlətimizin marağını nəzərə alaraq mövzu ətrafında əməkdaşlarımızın apardığı araşdırmalar cəmiyyətə və müvafiq dövlət qurumlarına təqdim olunacaq.

Hörmətlə,

NUH ( nuh.az ) informasiya agentliyinin baş redaktoru Kamran Məhərrəmli