Binəqədi qəsəbəsində yerləşən 35 nömrəli poliklinikada çalışan Naidə Cavadova adlı tibb bacısının şok əməlləri üzə çıxıb.

DİA.AZ bildirir ki, Axar.az-a daxil olan özəl məlumata görə, sözügedən poliklinika böyük rüşvət ocağına çevrilib.

Belə ki, hazırda həmin klinikada Fizioterapeya şöbəsində çalışan tibb bacısı Naidə Sovet qızı Cavadova ölkəmizdə koronavirusa qarşı vaksinasiyanın vacib oldu dönəmlərdən etibarən rüşvət qarşılığında COVİD paspostu satırmış.

Naidə adlı həmin tibb bacısı bu cinayəti həm də Sumqayıtda yaşayan Gülnarə adlı tələbə yoldaşı, Masazırda yaşayan “Gülü” ləqəbli bir qadınla və Vüsalə və Könül adlı digər tibb bacısı olan həmkarları ilə birgə törədib.

Naidə həmin “möhürlənmiş” pasportları həm də adıçəkilən qadınların vasitəsilə satırmış.

O, korona pasportları üçün poliklinikaya gəlmədən 200-250 manat, polinikaya gəlib, iynə vurulmadan isə 100-150 manat alırmış.

Naidə pasport satışı ilə həm də öz şəxsi evində də məşğul olub.

Qeyd edək ki, baş həkimi Hüseyn Həsən oğlu Qədimovdur.

Tibb bacısının rüşvət aldığına dair Vatsap yazışmalarını və səs qeydlərini təqdim edirik:

Bu gün Tərtər rayonunun Suqovuşan və Talış kəndlərinin Ermənistan Silahlı Qüvvələrinin işğalından azad edilməsindən 2 il ötür.

2020-ci ilin oktyabrın 3-də Azərbaycan Ordusu hər iki kəndi erməni işğalçılarından təmizləyib.Həmin gün Suqovuşan və Talışda Azərbaycanın üçrəngli şanlı bayrağı qaldırılıb.

1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürülüb. Qədim adı Suqovuşan olan, sovet hakimiyyəti illərində Madagiz adlandırılan kənd Tərtər rayonuna birləşdirilən yaşayış məntəqələrindən biridir.

Suqovuşan ilk dəfə 1991-1992-ci illərdə Azərbaycan Ordusu tərəfindən işğaldan azad edilib. Lakin 1994-cü ilin aprelində yenidən Ermənistan tərəfindən işğal olunub.

Kənd ərazisində Suqovuşan su anbarı və Suqovuşan-1 su elektrik stansiyası yerləşir. Ermənilər Suqovuşanı işğal etdikdən sonra burada hərbi hissələr yaratmışdı. 49971 saylı hərbi hissə Ermənistan ordusunun Qarabağdakı ən yaxşı hərbi hissələrindən biri hesab olunurdu. Bundan başqa, erməni ordusunun "6-cı müdafiə rayonu" kimi qeyd etdiyi 33651 nömrəli hərbi hissə də Suqovuşanda mövqe tuturdu.

Azərbaycan Prezidenti, Müzəffər Ali Baş Komandan İlham Əliyev 2020-ci ilin oktyabr ayının 3-də Suqovuşanın erməni işğalından azad olunduğunu açıqlayıb. Daha sonra Ali Baş Komandan həmin dövrdə 1-ci Ordu Korpusuna komandanlıq edən general-mayor Hikmət Həsənovu Suqovuşanın işğaldan azad olunması münasibətilə təbrik edib.

Suqovuşan döyüşü Azərbaycan Ordusunun İkinci Qarabağ müharibəsində şimal-şərq cəbhəsində baş verən ən əhəmiyyətli döyüşlərdən biri hesab olunur. Suqovuşan-Ağdərə istiqamətində gedən döyüşlər zamanı Ermənistan silahlı qüvvələrinin 77-ci tank taborunun 4 tankı məhv edilib, 3 tankı isə qənimət götürülüb.

Ermənistan Silahlı Qüvvələrinin Ağdərə istiqamətində yerləşən 5-ci dağatıcı alayının müdafiə sahəsinə qoşunlarımız tərəfindən artilleriya zərbələrinin endirilməsi nəticəsində alayın 4 ədəd avtomobil texnikası məhv edilib, şəxsi heyəti arasında çoxlu sayda ölən və yaralanan olub. 5-ci dağatıcı alayın bir neçə bölməsinin şəxsi heyəti döyüş mövqeyini tərk edərək qaçıb.

Suqovuşanın düşməndən azad edilməsi Suqovuşan su anbarından Tərtər, Goranboy və Yevlax rayonlarına suyun verilməsi ilə ekoloji tarazlıq təmin olunub.

Prezident İlham Əliyevin qanunvericilik təşəbbüsü ilə "Azərbaycan Respublikasının Tərtər rayonunun Madagiz kəndinin Suqovuşan adlandırılması haqqında" qanun layihəsi Milli Məclisə göndərilib. Layihə parlamentin 2020-ci ilin oktyabrın 6-da keçirilən plenar iclasında müzakirəyə çıxarılıb və qəbul edilib.

Daha sonra Prezident İlham Əliyev Madagiz kəndinin Suqovuşan kəndi adlandırılması haqqında qanunu imzalayıb. Sənədə əsasən, Tərtər rayonunun Çaylı kənd inzibati ərazi dairəsi tərkibindəki Madagiz kəndi Suqovuşan kəndi adlandırılıb.

Prezident İlham Əliyevin 2020-ci ilin dekabrın 29-da və 2021-ci ilin iyunun 24-də imzaladığı müvafiq Sərəncamlara əsasən, bir qrup hərbi qulluqçu “Suqovuşanın azad olunmasına görə” medalı ilə təltif edilib.

2020-ci ilin oktyabr ayının 3-də erməni işğalından azad olunan Talış kəndi XVIII-XIX əsrlərdə mövcud olmuş Gülüstan məlikliyinin mərkəzi olub. Talış kəndi əvvəllər Ağdərə rayonunun inzibati ərazisinə aid olub. Lakin 1992-ci ildə Ağdərə rayonu ləğv edilərək ərazisi qonşu Ağdam, Tərtər və Kəlbəcər rayonları arasında bölüşdürülüb. Talış kəndi də Tərtər rayonuna birləşdirilən kəndlərdən biridir.

Kənd Qarabağ müharibəsinin əvvəlində Ermənistan ordusu tərəfindən işğal olunub. Lakin 1992-ci ilin Ağdərə əməliyyatı zamanı iyunun 16-sı Azərbaycanın Milli Qəhrəmanı Məhəmməd Həsənovun 1-ci Goranboy batalyonu və komandir Nazim Bayramovun tank batalyonu (ümumilikdə 8 tank) tərəfindən Tapqaraqoyunlu istiqamətindən birgə sürətli hücum nəticəsində kənd erməni işğalçılarından azad edilib. Hücum zamanı Azərbaycan Ordusunun cəmi 1 əsgəri yaralanmışdı. Lakin 1994-cü ilin aprel ayında hücum edən erməni qüvvələri kəndi yenidən işğal ediblər.

2 aprel 2016-cı il tarixində Talış kəndinin ətrafındakı strateji yüksəkliklər Azərbaycan Ordusunun erməni işğalçılarına qarşı keçirdiyi əməliyyat zamanı düşməndən tam geri alınıb.

2017-ci il fevralın 24-25-nə keçən gecə Ermənistan Silahlı Qüvvələri Talış kəndinin ətrafındakı strateji yüksəklikləri ələ keçirmək məqsədilə təxribat törədiblər. Lakin Azərbaycan Silahlı Qüvvələri keçirdiyi əməliyyat zamanı onların qarşısını alaraq pilotsuz uçuş aparatı olan PUA-nı məhv ediblər.

Qeyd edək ki, oktyabrın 3-də Suqovuşan və Talış kəndləri ilə yanaşı Cəbrayıl rayonun Mehdili, Çaxırlı, Aşağı Maralyan, Şəybəy, Quycaq kəndləri və Füzuli rayonunun Aşağı Əbdürrəhmanlı kəndi də Ermənistan Silahlı Qüvvələrinin işğalından azad edilib.

Hacıqabul rayonunun ən böyük qəsəbələrindən olan Muğan sosial problemlərin məngənəsində boğulur. Qəsəbə ucqar bir ərazidə deyil, Bakı-Qazax magistral yolunun düz kənarında yerləşir.

Avropa.info azinform.az-a istinadən xəbər verir ki, qəsəbənin şəhid adını daşıyan məktəbi olduqca acınacaqlı vəziyyətdədir. Bununla yanaşı, qəsəbənin icməli su problemi də var. İş o yerə çatıb ki, qəsəbə sakinləri icməli suyu pulla alır. Maraqlıdır ki, Kür çayından Bakıya çəkilən magistral su kəməri düz qəsəbənin yanından keçir.

Zamanında Ulu Öndər Heydər Əliyevin təşəbbüsü ilə qəsəbəyə su çəkilib. Bunun üstündən xeyli müddət keçdiyi üçün, borular öz istismar müddətini başa vurub. Bu da qəsəbəyə ayrılan su kvotasının çoxunun itkiyə getməsilə nəticələnir. Eyni zamanda, qəsəbənin su problemini əsasını kəmərə müəyyən imtiyazlı və imkanlı şəxslərin qanunsuz müdaxiləsi təşkil edir.

Təəssüflər olsun ki, bu işə məsul olan əlaqədar qurumlar sadalanan neqativliklərin aradan qaldırılması istiqamətində heç bir tədbir görmür. Azinforum.az Muğan qəsəbə sakinlərinin bu yöndə olan şikayətlərini olduğu kimi təqdim edir. Ümidvarıq ki, səslənən fikirlərə “Azərsu” rəsmiləri də öz mövqelərini bildirəcəklər.

Redaksiyamıza vətəndaş Qulam Kərimov Əli oğlu tərəfindən şikayət ünvanlanıb.

Hörmətli media nümayəndələri!

28 oktyabr 2017 ci ildə,Bakı şəhəri N.Nərimanov rayonu, Firdovsi Məmmədov küç 11, mən 14; 15 də daimi ailəmizlə yaşadıqımız ev pilot layihə əsasında sökülmüşdür. Pilot layihəni icra edən yani evimizi söküb tikən şirkət “İnteks”MMC olub.

Bizə evimizin söküntüsü zamanı özünü şirkətin səlahiyyətli nümayəndəsi kimi təqdim edən, Fərid Şabanov adlı şəxs verdiyi vədləri, göstərdiyi formal avropa stilli, italyan oboylu yüksək keyfiyyətli təmirli şəkilldə bizə mənzilimizin təhvil veriləcəyini vəd edərək, evimizdən çıxarmaqa razı saldı.

Təssüflər olsun ki, bu verilən vədlər elə vəd olaraqda qaldı.

Lakin binanın 3 il müddətində rəsmi müqavilə ilə hazır olacaqı deyilsə də, 3 ildən sonra illərlə gecikərək hələdə tikintisi davam edir.

Tikintisi başa çatmaq üzrə olduqu halda bizim iştirakımız olmadan, bizə düşən iki mənzili verdilər.

Biz bizə düşən mənzilə dəfələrlə baxış keçirmək istəsəkdə, hər dəfəsində süni maneələr yaradaraq mənzilə baxmaq şansının hələ olmadıqını bildirdilər.

Lakin bir müddətdən sonra, guya bizə avropa standarlarına cavab verəcək guya italyan oboylu mənzilimizi ortaya çıxardılar, Vətəndaş iddia edir ki,mənzilə daxil olanda mənzildə avropa standarlarına italyan oboylarına aid heçnə yox idi, yalnız olan keyfiyyətsiz təmirli mənzil, keçmiş SSR zamanındaki standartlara cavab verən bir mənzili xatırlatdı.

Mən mənzili qəbul etmədim ona görə ki, mənim keçmiş mənzilimdə hər bir otaqda pəncərə var idi, eyvan var idi, və təmirim isə əla vəziyyətdə idi.

Pəncərəsiz evdə insan yaşayar? yaşayarsa Fərid adlı şəxs və, “İnteks”MMC nin rəhbəri gəlsin yaşasın,deyərək vətəndaş aldadıldıqı şirkəti sərt ittiham edib.

Şirkətdən tələb etdiyim haqlı haqqımnan mənə verilən vədə düşəcək mənzili istəsəmdə, şirkətin rəsmisi israrla bildirdi ki, budur istəyirsən yaşa!

İstəyirsən imtina et! Hara istəyirsən şikayətini bildir!

Jurnalist sualı bir! Hara istəyirsən şikayətini bildir?

Demək ki, “İnteks” MMC vətəndaşın hüquqi savadsızlıqından, hətta etibarından sui istifadə edərək, vətəndaşa verdiyi vəddən dönük çıxaraq, vətəndaşın haqqını tapdalayaraq,hüquqi dövlətdə yaşadıqımızı unudaraq, israrla get hara istəyirsən şikayət et bildirir?

Sual 2 “İnteks”MMC hansı məmura və yaxud hansı əlaqələrinə bu qədər güvənlidir?

Ümid edirik ki, bu qaralnıq suallara jurnalist araşdırması apararaq işıq qata biləcəyik

Sual 3:”İnteks”MMC-nin rəhbəriprezident İlham Əliyevin sərt çıxışlarını “Vətəndaşları incitmək olmaz” çıxışlarını izləməyib? Və yaxud izləyib xəbərsiz kimi göstərir?

Araşdırmamız nəticəsində məlum oldu ki, “İnteks”MMC iş adamı kimi tanınan Ruslan Məmmədova aiddir. Etibarlı mənbədən əldə etdiyimiz məlumata görə Ruslan Məmmədov bir vaxtlar bir iki dövlət məmurları ilə biznes ortaqlıqı olduquda bildirilir.

İş adamı Ruslan Məməmdov şirkəti “İnteks”MMC bir çox vətəndaşları şikayətlərə səbəb olacaq qədər incidir narazıçılıqlar yaradir, buna şahid olmaq elədə çətin deyil.İinternet resurslarında “İnteks”MMC yazıb axtarış verə bilərsiz və əldə etdiyiniz nəticələrdən edilən şikayətlərdən haraylardan agah ola bilərsiz.

“İnteks”MMC-yə `dur` deyən olacaq?

İkinci maraqlı məlumatımız odur ki, “İnteks” MMC nin ofisinə daxil olanda sanki sərhəd buraxılış məntəqəsini gömrük postunu keçmək təssuratı yaranır.

Bilirsiz niyə? bu şirkətin ofisinə daxil olmaq elədə asand deyil ‘face kontrolu” keçdikdə özünə aid şəxsi əşyanı məlumat dolu telefonunu aşağıda təhvil vermək şərtdir yoxsa ofisin binasına buraxılmayacaqsız.

Bəli bəli, düz oxuduz telefonunuzu verməlisiz təhvil!

Bİlirsiz niyə? şirkət etdiyi qanunsuzluqları ictimaiyyətdən hüquq mühafizə orqanlarından gizli saxlaya bilsin,və bu ofisdə olan söhbət elə ofisdədə qalsın.

Burdan belə qənaətə gəlmək olur ki,şirkətin rəhbəri Ruslan adlı şəxs hansısa qüvvələrə hələdə arxayındır, bu səbəbdən ölkə vətəndaşını ölkə qanunları ilə başa baş qoyaraq qanunlarla guya ki ölkədə qanunların işləmədiyini düşündürərək dövlətdən narazı salır.

Maraqlı tərəfi odur ki, qanunsuz əməlləri həyata keçirən sahibkar cildində olan MTK rəhbəri və güvəndiyi vəzifəli şəxslər cənab prezident İlham Əliyevin dəfələrlə etdiyi məmurlara və vəzifəli şəxslərə vətəndaşların incidilməsinə və öžbaşınalıqlara son qoyulması xəbərdarlıqlarından xəbərsizdirlər? və yaxud özlərini xəbərsiz göstərirlər?

İnanırıq ki, bu şikayət məqaləsindən sonra adiyyatı qurumlar məsələni nəzarətə götürərək özlərini qanundan üstün hesab edərək, vətəndaşları güc hesabına,əzən rahatlıqlarını,əlindən alan, əmlaklarını məhv edən, şəxslərlə bağlı qanun çərçivəsində ölçü götürüləcəyinə ümid edirik.

Mövzunu diqqətimizdə saxlayacaqıq.

Qarşı tərəfin mövqeyini dinləməyə hazırıq

AZƏRBAYCANREALLIĞI.COM

Bəllidir ki, ölkədə ən çox şikayət olan mağazalar şəbəkəsi “Kontakt Home” hesab edilir. Bunu Azad İstehlakçılar Birliyi də açıqlayıb. Amma görünən odur ki, müştərilərin şikayətləri səngimir və bu da deputat Elnur Allahverdiyevin sahibi olduğu həmin firmanın öz fəaliyyətində, xidmətində keyfiyyət dəyişikliyi etməməsindən irəli gəlir. Əgər şikayətlər qulaqardı edilməsəydi, məhəl qoyulsaydı, o zaman “Kontakt Home” müştəri məmnunluğunu nəzərə alaraq, öz fəaliyyətində müsbətə doğru keyfiyyət dəyişikliyi edərdi.

TİA.Az-ın xəbərinə görə, elə bu səbəbdən daha bir istehlakçı narazılığını dilə gətirib. Arif adlı müştəri qeyd edib ki, 23 sentyabr tarixində çarpayı matras alıb, iki gün sonra evə gətirilib. “Dediler 2 günə quralaşdırılması üçün usta gələcək. 2 gün sonra gəlmədi, dedilər 3 iş günü ərzində gələcək. Yenə gəlmədi və *6060 şikayət etdik. Nəhayət, 4-cü gün usta gəldi, çarpayını paketdən özü açdı və orta taxta qırıq çıxdı, yazdı, dedi dəyişəcəklər, o zaman quraşdırmağa gələcəm. Müştəri məmnuniyyəti olsun deyə sağ olsunlar 1 günə dəyişib quraşdıracağıq dedilər, səs mesaj yazıları da var.
Amma iki gündür ustanı göndərmirlər. İki gün quraşdırma edəcəyik dedilər deyə, usta rahat işləsin deyib köhnə çarpayıni söküb verdik başqasına. İndi matrası taxtaları evə gətirib yığıblar deyə yer yoxdu, evdə balaca uşaq da var. 10 gündü ser sekir qoyublar bizi. Dediyim odur ki, belə indiyə kimi saysız məhsul aldığım yer müştərisinə belə edir. Başa düşdüm ki, bu yerdən mebel matras döşək alınmalı yer deyil. Sumqayıt boyda yerə bir mebel ustaları var. Ustaya indi də yığıram telefonu götürmür. Bunların ucbatından evdən çıxıb işlərimi gedib görə bilmirəm ki, mən çıxan kimi gələcək”.

TİA.Az

Xəbər portalı olaraq apardığımız araşdırma zamnı etibarlı mənbədən verilən məlumatda bildirlir ki, Ekologiya və Təbii Sərvətlər Nazirliyinin Nazirliyin əraziyə təhkim edilmiş olan Tovuz 2 saylı Regional Ekologiya və Təbii Sərvətlər İdarəsi qanunsuz balıq ovuna görə hər ay müəyyən məbləğdə haqq alır.
Hazırda isə Su Nəqliyyatında Polis İdarəsinin Şəmkir Xətt Polis Məntəqəsinin rəisi işdən çıxarıldığından su hövzələri nəzarətsiz qalıb. Necə deyərlər “dərə xəlvət, tülkü bəydir”.

Hər ilin May ayının 1-dən balıq ovuna moratorium qüvvəyə minir-Nazirliyin bu qadağasına əməl edilirmi?

Balıqların kürütökmə dövrü ilə əlaqədar 1 may 2022-ci il tarixindən balıq ovuna moratorium qüvvəyə minir.

Dövlət Ekoloji Təhlükəsizlik Xidmətinin rəisi Hikmət Əlizadə bildirib ki, ölkə ərazisindəki bütün su hövzələrində balıq ovuna qoyulan moratorium sentyabrın 1-dək davam edəcəyini bildirsədə bütün yay mövsümü bu qadağaya riayət edilirmi? Əsla yox!

Bütün bazarların piştaxtalarında yay mövsümü hər yerdə balıq əlindən tərpənmək olmur.
Xidmət rəisi qanunsuz balıq ovunun qarşısının alınması məqsədilə Daxili İşlər Nazirliyinin Su Nəqliyyatında Polis İdarəsi ilə birgə ölkənin daxili su hövzələrində mütəmadi nəzarət tədbirlərinin həyata keçirildiyini qeyd etsəsə bir nəfər belə bu mövsüm ərzində məsuliyyətə cəlb edilibmi?

Sonda İnanırıq ki, ETSN-nin və Nəqliyyatda Baş Polis İdarəsinin bu sahəyə məsul olan vəzifə sahibləri kür çayı hövzəsində baş verən bioloji soyqrımı durduracaqlar.
Redaksiya olaraq qarşı tərəfin də mövqeyini dərc edə bilərik.

Kür çayı hövzəsindən çəkilmiş videomaterialı təqdim edirik:

Dünyanınsəsi.Az

Artıq bir neçə gündür ki, Quba bağlarında alma yığımına başlanılıb.

Bu il məhsuldarlıq bol olsa da, meyvənin satış qiyməti fermerləri qane etmir.

Təsərrüfat sahibləri Cebhe.info-nun bölgə müxbirinə bildiriblər ki, hazırda birinci növ almanın qiyməti 40-50 qəpiyədir. Bu isə ötənilki qiymətlə müqayisədə 10-20 qəpik aşağı deməkdir. Fermerlərə ən çox təsir edən isə bağdan ucuz qiymətə alınan məhsulun marketlərdə 3 dəfə baha qiymətə satılmasıdır.

Fermerlər bildirirlər ki, hazırda təklif olunan qiymətlə nəinki xeyir götürmək, heç bağa çəkilən xəcrləri belə ödəmək mümkün deyil.

Onu da bildirək ki, Quba almasının əsas satış bazarı Rusiya Federasiyasıdır. Artıq qonşu ölkəyə məhsul göndərmək məqsədi ilə soyuducu anbarlarda meyvə tədarükünə başlanılıb. Alıcılar bu il qiymətlərin aşağı olmasını məhsulun bol olması ilə izah edirlər. Bununla belə onlar qarşıdakı günlərdə meyvənin qiymətinin yüksəlməsini istisna etmirlər.

Qeyd edək ki, ötən il Qubada mövcud olan 14 min hektar alma bağından ümumilikdə 125 min ton məhsul tədarük olunub. Cari ildə isə məhsuldarlığın 140 min tontan artıq olacağı proqnozlaşdırılır.

Cebhe.info