“Texnologiya müəllimi vətəndaşın etibarından sui-istifadə etməklə həm ondan pul aldı, həm də verdiyi vədləri yerinə yetirmədi”.
Bu haqda Dünyanınsəsi.Az saytına Goranboy rayonun Düzqışlaq kənd sakini Musayev Kamil Nizami oğlu tərəfindən göndərmiş olduğu video-şikayətdə qeyd edilib.

Belə ki, Goranboy rayonun Düzqışlaq kənd sakini Kamil Musayev 2021-ci və 2022-ci illərdə Şəmkir rayon sakini Nəsibov Abdullaya məxsus olan 16 hektar torpaq sahəsində günəbaxan əkmək üçün icarəyə götürüb. Goranboy sakininin iddiasına görə hər hektara görə Abdulla Nəsibova 400 manat pul da ödəyib.Torpaq sahibi sözügedən sahənin suvarılması eləcədə su təminatını da öz üzərinə götürüb.Hazırda 16 hektar sahədə əkilmiş olan günəbaxan sahəsi susuzluqdan yanaraq məhv olub.Nəticədə şikayətçiyə 24 min manat ziyan dəyib. Şəmkir sakini şikayətçiyə vermiş olduğu öhdəliyi aldadaraq yerinə yetirməyib.Goranboylu sakin torpaq sahəsini icarəyə verilməsi ilə bağlı Abdulla Nəsibovla müqavilə bağlanmasını tələb etsədə lakin o razılaşmayıb. Və bildirib ki, nəyə lazımdır əlavə xərclər çəkək.Nəticədə su təıminatı ilə bağlı üzərinə öhdəlik götürən Abdulla müəllim şikayətçiyə dəymiş olan ziyanı eləcə də torpağa görə almış olduğu pulu geri qaytarmaq istəmir.
Məlumat üçün qeyd edək ki, Kamil Musayev 2-ci Vətən müharibəsinin iştirakçısıdr.
Sonda Goranboy sakini mətbuat vasitəsi ilə Baş Prokuror Kamran Əliyev və Daxili İşlər Naziri Vilayət Eyvazov cənablarından xahiş edir ki, ona qarşı etibarından sui-istifadə etmiş şəxs barəsində qanunamüvafiq formada ölçü götürülməsinə göstəriş versin.
Redaksiya olaraq qarşı tərəfin də mövqeyini dərc edə bilərik.
Goranboy sakinin video-şikayətini təqdim edirik:

Dünyanınsəsi.Az

Şəmkir sakini Dünyanınsəsi.Az saytına açıqlama verdi

Həmin açıqlamanı təqdim edirik:” Bəli sözügedən şəxsə 16 ha torpaq sahəsi vermişəm. Kamil Musayevdən hərr hektara görə 400 manat da pul almışam.Goranboy sakinin səsləndirdiyi su problemi həqiqətən də olub”.

Dünən Kiyev apteklərindən birində kalium yodidi aldım. Mən tapana qədər ətrafda 3 apteki gəzdim. O gələn kimi adamlar tez bir zamanda hamısını alırlar. Niyə? Çünki onlar Rusiyanın taktiki nüvə zərbəsinə hazırlaşırlar. Beləliklə, sakitcə, isteriya olmadan, lakin ölüm ehtimalını azaldacaq addımların həyata keçirilməsi anlayışı ilə yaşayırlar. Və bu sakitlik eyni zamanda həm şokedici, həm də qorxuncdur.

Bu, heyrətamizdir, çünki qonşu dövlətin rəhbərliyi onları eyni anda onlarla, bəlkə də yüz minlərlə və sonradan yüksək dozada radiasiyadan alınan xəstəliklər nəticəsində ölümünə səbəb olacaq silahlardan istifadə etməklə hədələdiyi şəraitdə insanların cəsarətinə heyran olmamaq mümkün deyil. Budur, mən bu sətirləri yazıram və təsvir etməli olduğum şeyə özüm də heyrətlənirəm!

Ancaq bunu təsvir etmək sadəcə mümkün deyil. Bunu yalnız Ukraynada yaşamaqla hiss etmək olar. Onun paytaxtı ilk baxışdan adi bir həyat yaşayır. İnsanlar işə, kafelərə, mağazalara, idman zallarına gedirlər. Populyar “Episentr” indi sülh dövründəki qədər dolu deyil, lakin Rusiyanın təkcə Ukraynaya deyil, bütün bəşəriyyətə elan etdiyi indiki, genişmiqyaslı müharibənin əvvəlindəki kimi boş da deyil. İnsanlar sülhə can atır, normal inkişaf, xoşbəxtlik arzusu ilə gündəlik həyatlarını yaşayırlar.

Hava hücumu xəbərdarlığı elan edilən anda insanlar “Episentr”i, dükanları, poçt şöbələrini tərk edirlər. Bu, Ukraynadakı digər həyat reallığıdır - bomba sığınacaqları, yollarda postlar, saat 23:00-da başlayan komendant saatı kimi.

Bakıdakı insanlar nə yaxşı ki, nə qədər azad və rahat şəraitdə yaşadıqlarının fərqində deyillər. Komendant saatı başlamazdan əvvəl evə gedə bilməyəcəyinizdən narahat olmadan istədiyiniz yerə, istədiyiniz zaman gedə bilmək, sən demə, böyük xöşbəxtlik imiş. Və ya daha da pisi, şəhərinizin və ya kəndinizin bombalanmasından əvvəl evə tələsmək.

Artıq yeddi aya yaxındır ki, Dnepr, Xarkov, Odessa və ətraf qəsəbələrin sakinləri hələ də bu hisslə yaşayırlar. Mariupol isə artıq yer üzündən silinib. Bu şəhərin doğma olduğu insanlarından biri də tanınmış teleaparıcı Andrey Bednyakovdur. Bəli, “Oryol i Reşka” verilişinin siması olan Bednyakov. Onun Dmitri Qordonla müsahibəsində dediklərini vaxtaşırı yenidən oxumaq lazımdır ki, dəhşətli Rusiyanın dinc Ukrayna torpağına gətirdiyi bəlaların miqyasını başa düşəsən.

“Böyüdüyüm şəhəri əlimdən aldılar. O yoxdur. Və məndən və bir çox Mariupol sakinlərindən almaq istədikləri ən pis şey bu şəhərlə bağlı xatirələrdir. Hər kəsdə belə xatirələr var. Bu, "Qara geyimli adamlar" filmindəki kimi, personajlar bir şey baş verdikdə şüa buraxan xüsusi cihazla hər kəsin yaddaşını silmələrinə baənzəyir. Bu şüanın altına düşməmək üçün çox güclü və uzun müddət gözümüzü qırpmaq lazımdır. Sanki gözlərimi yummuşam və nə vaxt açacağamsa, hər şey yaxşı olacaq. Aydındır ki, bu şəhər olmayacaq, evlər, uşaq meydançaları, dram teatrı, yeni estakada olmayacaq. Amma bizim torpaqlarımız olacaq! Bizdən başqa heç kimin! Mən buna əminəm! Bunun üçün əlimizdən gələni edəcəyik”, - deyə Bednyakov bildirib.

Milyonlarla ukraynalı öz şəhərləri, qəsəbələri, evləri haqqında eyni şeyi deyə bilər. Sırf ukraynalı olduqları üçün öldürülənlər və öldürülməyə davam edilənlər. Müasir insanın normal həyatını təşkil edən hər şeyi - müxtəlif ölkələrə uçmaq qabiliyyətindən tutmuş, gecənin sakit keçəcəyinə və səhərin açılacağına inamla bitən hər şeyi oğurladılar. Özlərinə, ailələri və dostlarına, uşaqlarına aid hər şeyi...

Ukraynalı analar qızlarını və oğullarını qucaqlayaraq göz yaşlarını sel kimi tökdülər, amma onlar üçün tamamilə fərqli bir bu gün və gələcək arzulayırdılar - dinc, xoşbəxt, sabaha planlar...

İndi bunların heç biri yoxdur. İndi yalnız ailə içərisində qarşılanan hər yeni səhər üçün yalnız sevinc var. Rusiyanın yeni cinayətləri, o cümlədən taktiki nüvə zərbəsi halında təhlükəsizlik tədbirləri barədə düşünmək öhdəliyi var. Beləliklə, kalium yodidin alınması da bu öhdəlikdən qaynaqlanır.

“Novaya qazeta”nın baş redaktoru, Nobel Sülh Mükafatı laureatı Dmitri Muratov haqlı olaraq qeyd edir ki, Ukrayna Rusiyanı heç vaxt bağışlamayacaq. Çünki müasir texnologiyalar insanlara demək olar ki, tamamilə dağıdılmış Mariupolun görüntüləri, İrpen və Buçada rus əsgərlərinin törətdiyi hərbi cinayətlər barədə məlumatlarla yanaşı, müharibənin dəhşətləri haqqında məlumatları çatdırıb.

“Bir çox insan hər şeyi bağışlamaq istəyir, ancaq axtarış sisteminə klikləyirsən: Mariupol, İrpen və ya Buça. Və... daha bağışlaya bilməzsən”, - Muratov deyir.

“Bu müharibənin hər addımı, hər cinayət və hər atəş... indi əbədi olaraq qalacaq”, - o bildirir.

Adam tamamilə haqlıdır. Və Ukraynada yaşayan mən onun hər sözünün altına razılıq imzamı atmağa hazıram. Mən Rusiya adlı dövlətə nifrət edirəm - törətdiyi bütün cinayətlərə, səsləndirdiyi bütün təhdidlərə görə. Axı onlar məni və mənim ailəmi də hədələyirlər. Və bu baxımdan bütün bu cinayətləri törədən Rusiyanın hələ də BMT-də səs hüququnun alınmaması və terrorun sponsoru olan dövlət elan edilməməsi dəhşətlidir.

Müəllif: Əkbər Həsənov //AYNA//

Prezident İlham Əliyev Azərbaycan Cüdo Federasiyasının 50 illik yubileyi münasibətilə bir qrup şəxsin təltif edilməsi haqqında Sərəncam imzalayıb.

Sərəncamda bildirilir ki, Azərbaycan cüdosunun inkişafında xidmətləri olan aşağıdakı şəxslər təltif ediliblər:

“Şöhrət” ordeni ilə

Həsənov Tərlan Əliheydər oğlu

Rəcəbli Əhməddin İzət oğlu

“Tərəqqi” medalı ilə

Kələntərov Ceyhun Musa oğlu.

Bu ilin iyul ayının 16-da Dövlət Gömrük Komitəsinin sədri Səfər Mehdiyev işdən çıxarıldı. Avqustun 8-də isə ölkə mediasında S.Mehdiyevin idarə etdiyi avtomobilin yol polisi tərəfindən saxlanılmasını əks etdirən görüntülər yayıld. 90-AA-978 dövlət qeydiyyat nişanlı “Mercedes Gelandewagen” markalı avtomobili saxlanılması zamanı sabiq gömrük generalının yol polisləri ilə kobud davrandığı görünürdü.

Maraqlıdır ki, 90AA978 dövlət qeydiyyat nişanlı avtomobil nə DGK-ya, nə də Səfər Mehdiyevə məxsus deyildi. Gundeminfo.az-a daxil olan məlumata əsasən sabiq sədr adətən özünə məxsus olan və ölkə gömrüyündə böyük imtiyazlara sahib olan şirkətlərə məxsus bahalı, lüks avtomobillərdən istifadə edir.

Elə 90AA978 qeydiyyat nişanlı avtomobil də S.Mehdiyevə məxsus, lakin rəsmi sənədlərdə başqa bir iş adamının adına olan həmin lüks avtomobillərdən biri idi.
Mənbə iddia edir ki, “Vadi MMC”yə məxsus olan bu avtomobil, əslində elə Səfər Mehdiyev tərəfindən yaradılmış və gömrükdə xüsusi imtiyazlara malik şirkətə məxsus olub.

Araşdırmalar zamanı məlum olub ki, həmin bahalı avtomobil "Vadi-4" MMC adlı şirkətin üzərinə qeydiyyatdadır. MMC-nin qanuni təmsilçisi Nəsir Məhərrəm oğlu Cəfərovdur. O isə Dövlət Gömrük Komitəsinin sabiq sədri, gömrük xidməti general-polkovniki Səfər Mehdiyevin həmkəndlisi, Naxçıvanın Babək rayonu Nehrəm kəndinin sakini və S.Mehdiyevin qohumudur.

Gömrük Komitəsinin sədri olduğu dönəmdə məhz vadi.az karqo daşımaçılıq şirkətinə böyük imtiyazlar verilibmiş. Məlumatlara əsasən bəyan edilən məhsullar digər karqo şirkətlərinin məhsullarından daha sürətlə gömrükdən keçə bilirmi. “Vadi” çuvalları (bir çuvalda 70 bağlama olur) heç bir maneə olmadan daxili anbarlara çata və bir gün sonra müştəriyə verilirmiş. Rəqabət mühitində “Vadi” daha sürətlə çalışır və digər karqo şirkətləri ilə müqayisədə tarifləri çox aşağı olaraq təklif edib. “Qrama-qram” kampaniyası ilə bazarda aldığı xüsusi imtiyazlar hesabına bui karqo şirkəti ciddi uğurlar əldə edib.
Səfər Mehdiyev öz “Vadisi”ndə pusuya düşdü
Lakin Səfər Mehdiyevin vəzifəsindən azad edilməsindən dərhal sonra adıçəkilən şirkətə verilmiş “imtiyazlar” ləğv edilib. Redaksiyamıza danışan “Vadi” müştəriləri bildirir ki, artıq onlar həmin şirkətin qiymətləri kəskin bahalaşdırması səbəbindən imtina edirlər. Artıq bir aydan da çoxdur ki, qeyd etdiyimiz və Səfər Mehdiyevə məxsus olduğu iddia edilən “Vadi”də karqo qiymətləri bahalaşıb. “Standrt tarif” olaraq tətbiq edilən qiymətlər isə kütləvi olaraq narazılıqlara, müştərilərin isə həmin şirkətdən üz döndərməsinə səbəb olub.

Bundan başqa saytımıza daxil olan informasiyaya əsasən qeyd edilən şirkətdə artıq gömrükdə bəyan etmə, çuvallara baxış keçirilməsi də ləngiyib. Bildirilir ki, son bir ayda bir neçə dəfə daxili anbarlara təslim alma prossedurunda problem olduğuna görə, həmin karqo şirkətinin işçilərinə gömrük məntəqələrinə dəvət ediblər.
Onu da əlavə edək ki, karqo bazarında inhisarçılıq olmasına dair yerli mediada dəfələrlə məlumatlar yayılıb. Əsasən də Səfər Mehdiyevin yaxın qohumları, dostları və həmkəndliləri tərəfindən bu sektorun inhisara alınması narazılıqlara səbəb olurdu. Hazırda DGK-nın yeni sədri Şahin Bağırovun bu sektorda hansı yenilikləri edəcəyi, bu sahədə normal rəqabət yaradıb-yaratmayacağı da bəlli deyil. Çünki DGK hər zaman olduğu kimi media üçün qapılarını bərk-bərk qıfıllayır.
Mövzu ilə bağlı araşdırmalarımız davam edəcək. Qarşı tərəfin də mövqeyini dinləməyə hazırıq. //Gundeminfo.az//

İnformasiya dünyasının şah damarı hesab edilən qlobal internet məkanında Naxçıvanın hələ də kifayət qədər təbliğ olunduğunu demək çətindir. Səbəbini bu yazıda izah etməyə çalışacağıq.

Bu gün cəmiyyətə informasiya ötürməli olan bütün digər vasitələrlə müqayisədə internet resursları daha sərfəli, faydalı hesab olunur. İnformasiyanın toplanıldığı və ötürüldüyü ən klassik forma isə saytlardır. Ümumdünya hörümçək toru (www – World Wide Web) artıq, demək olar ki, bütün cəmiyyətlərə başlıca təsir və təbliğ vasitəsidir. Lakin bu təsir və təbliğ vasitəsi o zaman effektli olur ki, yaradılmış informativ resursu, el dilində desək, “hörümçək toru basmasın”. Yəni yenilənməyən saytı yalnız və yalnız hörümçək toru ilə “bəzədilən” otaqla müqayisə etmək olar ki, o “otağ”a da heç kəs daxil olmur. Elə Naxçıvan Muxtar Respublikasının rəsmi portalı hesab edilən www.nakhchivan.az kimi.

İki aydan çox apardığımız müşahidələrdən sonra gördük ki, portalda heç bir dəyişiklik yoxdur. Ədalət naminə deyək ki, əvvəllər portalda yenilənən bir hissə olub. Saytın xəbərlər bölməsi 2020-ci ilə qədər daimi olmasa da aradabir yenilənib. Lakin saytın digər bölmələrinə nəzər saldığımız zaman “yenilənmək” sözünün “y” hərfi də dilimizə gəlmir.

Başlayaq portalın “Şəhər və rayonlar” bölməsindən. Bu bölmədə diqqəti mənfi mənada özünə çəkən məqam ondan ibarətdir ki, rayonların ümumi görünüşünü əks etdirən fotolar təqribən 5-6 il bundan əvvəl çəkilib. Halbuki indi rayon mərkəzləri elə görkəmdə deyil. Hər şeyi qara rəngdə təqdim etmək, Naxçıvanda heç bir iş görülməyib təəssüratı yaratmaq ədalətsizlikdir. Prezident İlham Əliyevin diqqət və qayğısı ilə Naxçıvanda böyük tikinti-quruculuq proqramı gerçəkləşdirilib. Və bu işlər muxtar respublikanın bütün bölgələrini əhatə edib. Rayon mərkəzləri xeyli dəyişilib, yeni binalar tikilib istifadəyə verilib.

“İqtisadiyyat” bölməsində isə vəziyyət daha acınacaqlıdır. Sitat: “İqtisadi inkişafı xarakterizə edən əsas göstərici kimi Ümumi Daxili Məhsulun həcmi 2016-ci ildə 2015-ci illə müqayisədə 0,5 faiz artaraq 2 milyard 582 milyon manatdan çox olmuşdur. Onun hər bir nəfərə düşən həcmi isə 5 min 780 manata yaxın olmuşdur”.

İndi 2022-ci ildir. Naxçıvanın internet portalı isə hələ də muxtar respublikanın 2016-cı ildəki iqtisadi inkişaf göstəricilərini 2015-ci illə müqayisə edir. 2016-cı illə 2022-ci il arasındakı 6 illik müddətdə Naxçıvan Muxtar Respublikasında Ümumi Daxili Məhsul istehsalında artım olmayıbmı? Adambaşına düşən Ümumi Daxili Məhsulun həcmi yüksəlməyibmi? Naxçıvan Muxtar Respublikası Dövlət Statistika Komitəsi illər üzrə hesabat açıqlamayıbmı? Axı bunların hamısı baş verib.

Muxtar respublika iqtisadiyyatı ilə bağlı digər bir məlumata diqqət yetirək: “Sahibkarlığın inkişafı eyni zamanda işsizlik probleminin ortadan qalxması deməkdir. 2016-ci ildə yeni yaradılan 3010 iş yerindən 2941-si və ya 97,7 faizi daimi iş yeri olmuşdur”.

Bu portalda öz əksini tapan məlumatlardan belə anlaşılır ki, 2016-cı ildən sonra Naxçıvanda iş yerləri yaradılmayıb. Əgər yaradılıbsa, o zaman niyə burda öz əksini tapmayıb?

Muxtar respublikada xarici ticarət dövriyyəsinin həcmi, sənaye, tikinti, nəqliyyat, rabitə, energetika, kənd təsərrüfatı, bank-maliyyə sektoru ilə bağlı olan bütün məlumatlar da 2016-cı ilə aiddir.

İnternet portalındakı tarixi məlumatlara da nəzər salaq. Naxçıvan yetkililəri tarixi abidələrimizi necə təbliğ edir? Portalın “Tarixi abidələr” bölməsi ilə bağlı bir neçə fakt deyək. “Tarixi abidələr” bölməsində oxuyuruq: “Naxçıvan Muxtar Respublikasında 1162 tarixi-mədəniyyət abidəsi mövcuddur. Bunlardan 58 abidə dünya əhəmiyyətli, 455 abidə ölkə, 649-u isə yerli əhəmiyyətlidir”.

AMEA-nın Naxçıvan bölməsindən əldə etdiyimiz məlumata görə, Naxçıvan Muxtar Respublikasında pasportlaşdırılmış abidələrin sayı 1220-ni keçib. Portalda öz əksini tapan bu məlumat isə 2016-cı ildən də əvvələ aiddir.

Son illər Naxçıvanın tarixi abidələrini pis-yaxşı bərpa ediblər. Amma portalda yerləşdirilən fotoşəkillər abidələrin əvvəlki görkəmidir. Əslində, bu xidmətlərinə görə portalın idarəedicilərinə təşəkkürümüzü bildiririk. Ona görə ki, bu abidələrin əvvəlki görkəmdə təqdim edilməsi daha yaxşıdır. Çünki abidələrin bərpası onların məhvinə səbəb olub. Amma bir təklifimiz də var. Yəqin ki, bu yazıdan sonra portalı yeniləyəcəklər. Portalı yeniləyərkən “Tarixi abidələr” bölməsində abidələrin həm əvvəlki, həm də indiki görünüşünü əks etdirən fotolar yerləşdirsinlər. Onlar bunu qürurla etsinlər. Hər kəsə göstərsinlər ki, abidələri necə bərpa ediblər. O zaman ağıllı adamlar da görəcəklər ki, Naxçıvanın tarixi abidələrini nə günə salıblar.

Hörmətli oxucular! Bu portaldakı nöqsanlar barədə çox yazmaq olar. Çünki Naxçıvanın yeganə rəsmi internet portalı biabırçı vəziyyətdədir. Amma çox vaxtınızı almaq istəmirik. Təqdim etdiyimiz bu linkə (http://www.nakhchivan.az/portal-1/index-2.htm) daxil olaraq hər şeyi özünüz görə, analiz edə bilərsiniz.

Ən maraqlısı isə odur ki, öz dilimizdə yenilənməyə vaxt tapmayan portal Naxçıvana turist kimi gəlmək istəyən xarici vətəndaşlara rus və ingilis dillərində nə dərəcədə məlumat çatdıra bilər?

Yazının əvvəlində qeyd etdik ki, qlobal internet məkanında Naxçıvan barədə kifayət qədər doğru-dürüst məlumat yoxdur. Yuxarıda qeyd etdiyimiz dediklərimizi təsdiqləyən yalnız bir faktdır. Hələ sonrası da var.

Naxçıvan Muxtar Respublikası Ali Məclisinin rəsmi internet səhifəsinə baxanda adam lap şoka düşür. Çox primitiv formada hazırlanmış bu saytda yalnız “Normativ hüquqi aktlar”, “Mətbuat xidməti” və “Müraciətlər” bölmələri vardır. Təəssüf ki, Ali Məclisin saytı Azərbaycanın ən ucqar rayonunun icra hakimiyyətinin də saytından çox zəif və bərbaddır. Bu necə Ali Məclisin saytıdır ki, bu internet informasiya ehtiyatında Ali Məclisin rəhbərliyi, komitələri, deputatları barədə heç bir məlumat yoxdur. Cəmi 4 bölməsi olan bu saytdakı məlumatları yeniləmək də 2021-ci ildən Ali Məclis aparatının yadından çıxıb. Bircə faktı deyək. Saytın “Normativ hüquqi aktlar” bölməsinin sərəncamlar alt bölməsində yerləşdirilən sonuncu sərəncam Ali Məclis sədrinin 8 fevral 2021-ci il tarixdə imzaladığı “Qars müqaviləsinin 100 illiyinin keçirilməsi haqqında” sərəncamdır. Saytda yerləşdirilən sonuncu fərman isə 2020-ci il 14 dekabrda imzalanmış fərmandır. Bəs Vasif Talıbov 2020-ci ildən sonra fərman, 2021-ci ildən sonra isə sərəncam imzalamayıb? Yəqin ki, Al Məclisin rəhbərliyi buna cavabdeh olan məmurladan bu yarıtmaz fəaliyyətin hesabını soruşacaqdır.

Bununla da bağlı bir təklifimiz var. Azərbaycan Respublikası Milli Məclisinin çox mükəmməl bir internet saytı var. Ali Məclisin aparat işçilərinə həmin saytla tanış olmağı və Naxçıvanın ən ali orqanının saytını ona uyğun hazırlamağı təklif edirik. Cənablar, kabinetdə rahat kresloda oturub yırğalanmaq yox, işləmək lazımdır. Budurmu sizin fəaliyyətiniz, rəhbərinizə sədaqətiniz. Budurmu sizin Naxçıvanı təbliğ etməyiniz. Naxçıvanı belə "qürurla paylaşırsınız?" Üzlü sayın, incisəniz də bunu deməliyik. Bütün bunlar sizin yarıtmaz fəaliyyətinizin nəticəsidir.

Naxçıvanın digər dövlət orqanlarının da internet saytlarına nəzər saldıq. Ədalət naminə deyək ki, mükəmməl formada hazırlanan, daim yenilənən saytlar da az deyil. Bunlara misal olaraq, Naxçıvan Muxtar Respublikasının İqtisadiyyat, Təhsil, Ekologiya və Təbii Sərvətlər, Ədliyyə, Kənd Təsərrüfatı, Maliyyə, Əmək və Əhalinin Sosial Müdafiəsi nazirliklərinin, Dövlət Gömrük, Dövlət Statistika komitələrinin saytlarını göstərə bilərik.

Təəssüf ki, bu sözləri Naxçıvanın Mədəniyyət, Gənclər və İdman nazirliklərinin, Ailə, Qadın və Uşaq Problemləri üzrə Dövlət Komitəsinin saytları barədə deyə bilmirik. Görünür, bu orqanların rəhbərləri Ali Məcisin saytına baxıblar, saytlarını da ona uyğun hazırladıblar. Yəni onlar üçün nümunə Ali Məclis olub. Bu orqanların rəhbərlərini qınamırıq. Nə etsinlər, ümumi qaydalardan kənara çıxıb başlarını ağrıtsınlar? Naxçıvanın ən vacib orqanlarından biri olan Səhiyyə Nazirliyinin saytı isə ümumiyyətlə işləmir.

Heç Naxçıvanın kütləvi informasiya vasitələri də muxtar respublikanı əməlli başlı təbliğ edə bilmir. Naxçıvan Muxtar Respublikası Televiziya və Radio Verilişləri Qapalı Səhmdar Cəmiyyətinin bir “Nuhçıxan” informasiya agentliyi var. Bir neçə gün bu agentliyi izlədik. Agentliyin saytında təkcə dünən yerləşdirilən 34 xəbərin cəmi 6-sı Naxçıvan barədədir. O da rəsmi məlumatlardır. Digər günlər də belədir. Gün ərzində Naxçıvan barədə 5-6 informasiya yerləşdirilir. Əgər AZƏRTAC-ın, digər informasiya agentliklərinin xəbərləri veriləcəksə, naxçıvanlılar o xəbərləri həmin saytların özündən də oxuyur. O zaman bu agentliyin saxlanması üçün niyə vəsait ayrılır? Bu agentlik Naxçıvanı təbliğ etməyəcəksə, nəyə lazımdır?

Naxçıvan Azərbaycanın strateji bölgəsidir. Muxtar respublikanı həm inkişaf etdirib möhkəmləndirməli, həm qorumalı, həm də təbliğ etməliyik. Amma belə yox.

tns.az

Kənd Təsərrüfatı Nazirliyinin Meyvəçilik və Çayçılıq Elmi-Tədqiqat İnstitutu sifarişçi olduğu növbəti satınalmaya yekun vurub.

DİA.AZ Qlobal.az-a istinadla xəbər verir ki, İnstitutun “Qərzəkli meyvə bitkilərinin in vitro üsulu ilə çoxaldılması texnologiyasının elmi əsaslarının işlənməsinin satın alınması” lotu üzrə keçirdiyi satınalmanın məbləği 69.561 manat, qalibi isə “Agrodev” Məhdud Məsuliyyətli Cəmiyyəti olub.

“Agrodev” MMC 2015-ci ilin may ayında dövlət qeydiyyatına alınıb.

On manat nizamnamə kapitalı olan şirkətin qanuni təmsilçisi Nəbiyev Elvin Bahəddin oğludur.

Qeyd edək ki, “Agrodev” MMC Kənd Təsərrüfatı nazirliyinə yaxın olan şirkətlərdən hesab edilir. Şirkət yarandığı tarixdən nazirliyin strukturlarına daxil olan təşkilatların sifarişçi olduqları çoxsaylı satınalmalarda qalib elan edilib.

KTN-nin gizli TENDERYEYƏNİ Elvin Nəbiyev KİMDİR?

“Agrodev” MMC-nin qanuni təmsilçisi Elvin Nəbiyev “OXFHAM” təşkilatının kənd təsərrüfatı layihələri üzrə rəhbəri olub.

O, eyni zamanda Kənd Təsərrüfatı nazirliyinin Aqrar Məşğulluğun Artırılması Layihəsinin (AMAL) rəhbəri olub.

Elvin Nəbiyevin Kənd Təsərrüfatı nazirliyinin PR işlərini aparması barədə də mediada yazılar dərc edilib.

2022/2023-cü tədris ilində tələbə qəbulu imtahanlarında ixtisas qrupları üzrə ən yüksək nəticələr göstərmiş və Azərbaycan Respublikasının ali məktəblərinə daxil olmuş 102 tələbəyə Prezident təqaüdü veriləcək.

Prezident İlham Əliyev bununla bağlı sərəncam imzalayıb.

Abasova Aysel Faiq qızı

Abbaslı Qüdrət Ayaz oğlu

Abdulhəlimova Fidan Fuad qızı

Abuşova Xədicə Vüqar qızı

Ağayeva Leyla Aslan qızı

Aslanov Arif Mir Abbas oğlu

Babaşov Məhəmməd Şəfayət oğlu

Babayev Elnar Elnur oğlu

Bağırov Yunsur Nofəl oğlu

Baxşəliyeva Nərgiz Elçin qızı

Behputov Elnur Elxan oğlu

Bünyadov İslam Elnur oğlu

Camaləddinli Cəmil Mürşüd oğlu

Cavadov Ayxan Rövşən oğlu

Cəfərova Fidan Qulu qızı

Dəmirli Ayan Vüqar qızı

Dünyamalıyeva Nuray Elnur qızı

Eynullazadə Leyla Sahil qızı

Eyvazova Aydan Tariyel qızı

Əhmədov İlkin Hikmət oğlu

Əhmədov Vaqif Tehran oğlu

Əkbərbəyov Əliəkbər Firuz oğlu

Əlili Banu Səyavuş qızı

Əli-Pur Selcan Zaur qızı

Əlizadə İsmayıl Ceyhun oğlu

Əlizadə Nigar Ədalət qızı

Əsgərov Murad Zöhrab oğlu

Fərhadlı Gözəl Rəfayıl qızı

Fərzaliyeva Nərmin Vahid qızı

Fətəliyeva Sara Mehman qızı

Fətizadə Ləman Mehdi qızı

Hacılı Rəfiqə Natiq qızı

Heydərov İsa Mehman oğlu

Həbibli Məcid Cəfər oğlu

Həsənquliyeva Nübar Novruz qızı

Həsənova Aytac Azər qızı

Humaylı Xalidə Nizami qızı

Hümmətova Məsər Hafis qızı

Hüseynzadə Rəhman Şahin oğlu

Hüseynzadə Şəhanə Şahin qızı

İbrahimli Sənan Ədalət oğlu

İbrahimov Safəddin Xalid oğlu

İbrahimova Turanə Həmzə qızı

İskəndər Murad Nazim oğlu

İskəndərli Tükəzban Hüseyn qızı

İsmayılov Elmir Elnur oğlu

Kazımlı Yusif Qurban oğlu

Qafarlı Mirəli Əhliman oğlu

Qafarzadə Vəfa Araz qızı

Qəribov Taley Fəxrəddinoviç

Qismətli Fidan Vüqar qızı

Qocayev Şah-İsmayıl Bəhruz oğlu

Quliyev Elmir Elnur oğlu

Quliyev Fərid Mübariz oğlu

Quluzadə Əkbər Camal oğlu

Qurbanov Fuad Polad oğlu

Mahmudova Solmaz Mahir qızı

Mamedova Fədayə Cabir qızı

Mehdiyeva Turac Çingiz qızı

Mehdiyeva Zeynəb Səbuhi qızı

Mehdizadə Sadıq Ramil oğlu

Məcidov Həmid Əzizağa oğlu

Məlikov Ziya Xəyal oğlu

Məlikova Nəzrin Emin qızı

Məmiyev Fuad Məhəmməd oğlu

Məmməd Esmanur Elsevər qızı

Məmmədli Anar Mübariz oğlu

Məmmədli Leyla Yaşar qızı

Məmmədov Çingiz Səyyaf oğlu

Məmmədov Natiq Nabir oğlu

Məmmədov Ümman Maroz oğlu

Məmmədzadə Nurtac Mətləb qızı

Müseyibzadə Emil Hafiz oğlu

Namazlı Aytən Nazim qızı

Namazova Həyat İsmayıl qızı

Nəbiyev Əli Siyavuş oğlu

Nəsrullayev Akşin Zahir oğlu

Nurəddinli Tural Vüsal oğlu

Nuriyev Ömər Sənan oğlu

Orucov Nəcməddin Nəsimi oğlu

Paşayev Urfan Taleh oğlu

Rəcəbov Nurlan Bəylər oğlu

Rəfibəyli Fidan İbad qızı

Rəhimli Nəzrin Rahim qızı

Rəsulov Kənan Asiman oğlu

Rüstəmova Sevinc Bəylər qızı

Sadıxova Ləman Səbuhi qızı

Sadıqlı Nərmin Arif qızı

Sadıqova Həmidə Cəmşid qızı

Sadıqova Nəzrin Cəmşid qızı

Sarıyev Rişad Aqil oğlu

Süleymanov Elmir Mürşüd oğlu

Süleymanova Jalə Qüdrət qızı

Süleymanova Şəhla Orxan qızı

Şükürov Cahangir Zaur oğlu

Vəlikişiyeva Nigar Adil qızı

Vəliyeva Nərmin Məhərrəm qızı

Yusibov Şəhriyar Səfa oğlu

Yusifov Muraz İmran oğlu

Zeynallı Xaqani Nizami oğlu

Zeynalov İbrahim Azər oğlu

Zeynalov Şamil Pərviz oğlu.

“Azneft” İstehsalat Birliyinin Baş direktoru Şahmar Hüseynov “Çilov” adasına gedir.
Bu arada həmin adada çalışan bir qrup neftçi hüquq müdafiəçisi Mirvari Qəhrəmanlı vasitəsilə Baş direktora bir sual ünvanlayıb.

DİA.AZ gununsesi.info-ya istinadla nefçtilərin qeydlərini təqdim edir:
Əvvəllər “Çilov” adasındakı yeməkxananı “Xəzər iaşə” işlədirdi. Yeməkxana (yəqin ki, bina nəzərdə tutulur-müəlliflər) 28 May NQÇİ-yə məxsusdur. Pandameya dövründə həmin yeməkxana bağlandı.
İndi həmin yeməkxananı 28 May adına NQÇİ-nin sosial məsələlər üzrə müavini Ələddin Mürsəlovun bacısı oğlu işlədir.
Bloklarda çalışan neftçilər üçün ayrılmış ərzağın müəyyən hissəsi həmin yeməkxanaya verilir. Sonra isə yenidən satılır.
Neftçilər Baş direktordan yuxarıda qeyd olunan problemə diqqət yetirməyi,və həmin yeməkxanaya göndərilən ərzağin hardan və kimin vasitəsilə təmin olunduğunu araşdırmağı xahiş edirlər.

Qazimiz 1987 təvəllüdlü Qurbanlı Məhəbbət Məhərrəm oğlu.

Məhəbbət bu gün ancaq ağrıkəsici (travmadol, kokain) atmaqla yaşayır. (Əgər yaşamaq demək olarsa)

Bu gün çoxu elə zənn edir ki, bütün problemlərin səbəbkarı Sahil Babayevdir, xeyir.

Qazilərimizin bu vəziyyətdə olmasının səbəbkarı gecə gündüz baş sındırıb, ağıl çatdadan, qazilik statusu haqqında qərar çıxardan “deputatlarımız ” dır.

Kişilər yığışıb qərara gəliblər ki, əlillik topuqdan 4 barmaq yuxarı bir cür, dizdən 4 barmaq aşağı başqa cür müəyyən edilir.

Elə ona görə də Məhəbbətin sağ ayağını topuqdan 4 barmaq yuxarı amputasiya edərək 9 dəfə kəsə-kəsə gəlib çatıblar dizdən 4 barmaq aşağı.

Heç birinizin xətrinə dəyməsin əziz deputatlar sizin baş sındırıb, kəllə çatdadıb verdiyiniz qərarların səviyyəsini ölçsək, bu qazimiz Məhəbbətin cinsiyyətindən bir qarış aşağı səviyyədədir. Yəni dizinnən 4 barmaq yuxarı.

Ona görə də bu işdə Sahil Babayevin bu məsələdə heç bir günahı yoxdur. Hərçənd mənim Sahil Babayevi müdafiə etmək fikrim yoxdur.

Çox yazıb başınızı ağrıtmayacam. Keçək qazimizin problemlərinə.

1. Qazimizin əlillik dərəcəsini aşağı salmaq üçün sağ qıçını 9 dəfə amputasiya edərək gəlib dizindən 4 barmaq aşağı çıxıblar. Hələ bu da son deyil. Sağ ayağı onu incidir.

2. Hazırlanmış protez onu qane etmir.

3. Sol ayağının ağrılarınnan gündə 3, 4 bəzən 6-7 dəfə güclü ağrıkəsicilər atır ki, bu qazimizi təmiz əldən salıb.

4. Sol ayağın ya müalicəsi, ya da amputasiyası vacib lazımdır.

5. Qazimizə verilmiş forma pulunu ( 1800 manat) Beynəlxalq bank onun borcuna görə mənimsəyib. Halbuki prezidentin sərəncamına əsasən şəhid və qazilərin bank borcları bağışlanmışdı.

6. Qazimizin müalicəsi üçün onu təcili Türkiyəyə göndərmək lazımdır.

Halbuki “Yaşat Fondu” nun qazimizin reablitasiya üçün ayırdığı 48 min manatın ünvanı bəlli deyil. “Siti Hospital” isə bu bəbləğin ancaq 16 minini ala bilib.

7. Qazimizə dövlət tərəfindən əlillik arabası verilməyib.

8. Ona avtomobil verilməsi nəzərdə tutulsada ancaq verilməyib.

Nə bilim sadalanası problemləri çoxdur.

Sonda Dövlət Qaçqınkomun sədri cənab Rövşən Rzayevə qazimizə Ağdamın Quzanlı qəsəbəsində verdiyi 3 otaqlı mənzilə görə dərin təşəkkürlər.

İlqar Əli //sozcu.az//