"Dövlət Gömrük Komitəsinin yeni rəhbərliyinin təyinatından sonra DGK-da heç nə dəyişməyib! Şahin Bağırov da Səfər Mehdiyevin yolunu gedir. Əvvəlki kimi rüşvət və korrupsiya. Necə də olmalı idi ki... Səfər Mehdiyev başda olmaqla, özündən əvvəlki DGK sədrlərini cəzasız görən Şahin Bağırov anlamaq çox asandır". Bu barədə DİA.AZ-a göndərilən məqalədə bildirilir.

Məqalə müəllidi daha sonra davam edir: "Məsələ ondadır ki, bir çox sahibkarlar öz mallarını gömrük qeydiyyatından keçirən zaman süründürməçilik və bunun nəticəsi olaraq, əlavə xərcə düşmələrindən şikayət edirlər. Misal üçün, laboratoriyadan keçirilərək, yoxlanılmasına ehtiyac olan malların əksəriyyətini rəsmiləşdirmək xeyli vaxt aparır. Bir çox hallarda bir malın laborator analizinin cavabı 7-10 günə verilir. Bu, olduqca uzun müddətdir və müvafiq laboratoriyaların nədən belə ləng işləməsi sual doğurur. Eyni zamanda, gecikmə həmin avtomobillərin gömrükdə saxlanılması ilə bağlı xərcləri artırır və hər maşın üçün təxminən 600-700 dollar təşkil edir. Sahibkar bu məbləği özündən asılı olmayan mənasız səbəblərdən nəqliyyat vasitəsinin sahibinə və digər xərclərə ödəməli olur.

Ancaq sahibkarın “çiləsi” bununla da bitmir. Əgər bir yük maşınında 2-3 cür, yaxud daha çox çeşiddə məhsul varsa, gömrük əməkdaşları heç bir izahat vermədən qaçaqmalçılıqla mübarizə adı altında həmin avtomobili anbara yönəldirlər. Bu da olur sahibkara qurulmuş növbəti “pul tələsi”. Sözügedən prosesi ən çox Bakı Baş Gömrük İdarəsində müşahidə olunur".

DAVAMI VAR... Bizi izləməkdə davam edin.

Məsələ ilə əlaqədar dia.az olaraq bütün maraqlı tərəflərin mövqelərini işıqlandırmağa hazırıq...

QEYD: Növbəti yazıda Şahin Bağırovun özünə yaratdığı, daha doğrusu, köhnələrdən mənimsədiyi korrupsiya şəbəkəsinin incəlikləri barədə faktları təqdim edəcəyik....

DİA.AZ

Gəncədə sakinlər zibil konteynerlərinin olmamasından narazıdırlar.

Söhbət şəhərin Şah İsmayıl Xətai prospektindəki 115A nömrəli binanın qarşısından gedir. Sakinlər deyirlər ki, burada əvvəllər tullantılar üçün zibil konteynerləri olub.

"Gəncəxəbər"in məlumatına görə, daha sonra binanın qarşısında şəxsi evlərin tikintisi başlayıb və bu səbəbdən zibil qutuları oradan götürülüb. Lakin onlar üçün yeni yer təyin olunmayıb. Nəticədə ərazidə xoşagəlməz mənzərə yaranıb.

“Zibil atmaq üçün uzağa getməli oluruq. Tənbəllik edənlər isə yolun ortasına tullayıb gedirlər. Bura çevrilib zibilliyə. Ən pisi də odur ki, yaxınlıqda uşaq bağçası yerləşir. Bura zibil qabları qoyub, ərazini təmizləsələr, yaxşı olar”, – deyə sakinlər bildirirlər.

Qeyd edək ki, sözügedən yerin yaxınlığında 48 nömrəli uşaq bağçası yerləşir.

""Büllur" xalça yumanın qiymətlərinə mən aldandım, siz aldanmayın..." DİA.AZ bildirir ki, bu barədə "Müştərinin Səsi" sosial qrupundakı paylaşımında İnci adlı istifadəçi digər müştəriləri xəbərdar edərək, uyarır.

Daha sonra narazı vətəndaş yazır: "Necə aparıblarsa elə də gətiriblər. Heç xalçanın üzünə su da vurmayıblar. Şikayətimi özlərinə yazdım, şəkilləri sübut kimi atdım, oxuyub blok etdilər anında...

Ucuzluğuna aldanmayın, xidmet sıfır..."

İddia olunanlarla bağlı dia.az olaraq qarşı tərəfi də dinləməyə hazırıq...

Bakı Nəqliyyat Agentliyindən narazılıqlar haqqında dəfələrlə yazmışıq. Hətta aylar öncə, ölkə başçısı cəmiyyətin kütləvi narazılıqlarına səbəb olan agentliyi Bakı Şərə İcra Hakimiyyətinin tabeliyinə verərək, bu narazılıqları qismən də olsa azaltmağa çalışdı. Amma görünən odur ki, agentliyin qanunsuz əməlləri hələ zamanla üzə çıxacaq.
Qeyd edək ki, bir neçə gün öncə, Bakıda sərnişindaşıma ilə məşğul olan şirkət rəhbərləri Mikayıl Cabbarova müraciətlərində pandemiya ilə əlaqədar dövlətin ayırdığı vəsaitin onlara verilmədiyini göstərərək qeyd ediblər ki, Nazirlər Kabinetinin 4 aprel 2020-ci il tarixli, 135S saylı qərarı ilə “həyati vacib sərnişindaşıma sahəsinə” maliyyə dəstəyinin verilməsi üçün ayrılan pulun onlar üçün nəzərdə tutulmuş hissəsi ödənilməyib. Amma nə qədər qəribə olsa da, BNA dövlətin sərnişindaşıma şirkətləri üçün nəzərdə tutduğu 7,5 milyon manatı “BakuBus” MMC-yə ayırıb. Bakı Nəqliyyat Agentliyinin (BNA) İdarə Heyəti sədrinin müşaviri Faiq Abbasov özü bu faktı İTV-də təsdiqləyib. Amma niyə? Bu "niyə" sualına isə BNA rəsmisi cavab verə bilməyib.

Xatırladaq ki, Nazirlər Kabinetinin sözügdən qərarında bu vəsaitin BNA tərəfindən daşıyıcı şirkətlərə ayrılması qeyd edilsə də, agentlik bu vəsaiti öz təşkilatı hesab edilən BakuBus-a ayırıb. Yəni verilən vəsaiti sağ cibdən sol cibə ötürüb. Nəqliyyat məsələləri üzrə ekspert Elməddin Muradlı Bizimyol.info xəbər portalına açıqlamasında bildirib ki, Nazirlər Kabinetinin qərarında göstərilir ki, həyat əhəmiyyətli, həyata vacib sərnişindaşımada inkişaf, onların dayanıqlılığını təmin etmək, yəni onların xərclərini azaltmaq, təmir və digər məsələlərə qarşılamaq məqsədilə o pul ayrılıb. Maliyyə Nazirliyi o vəsaiti Bakı Nəqliyyat Agentliyinə köçürüb. Bakı Nəqliyyat Agentliyi də özbaşına olaraq belə qərar qəbul edib ki, bu pulun hamısı BakuBus-a verilməlidir. Bütün vəsait BakuBus-a verilib. Məqsəd nədir, onların burada nə marağı olub və s. bu kimi məsələlər araşdırılmalı və müəyyən edilməlidir ki, niyə BakuBus-a köçürülüb. Axı sənəddə qeyd edilməyib ki, vəsaitin hamısı BakuBus-a köçürülməlidir. Həmin vəsaiti daşıyıcı şirkətlərə köçürmək lazım idi. Hamısına bərabər şəkildə verilməli idi. Hesablanmalı idi, kimin payı nə qədər idisə, köçürülməli idi. Amma BNA həmin vəsaiti BakuBus-a köçürüb. BakuBus inkişaf etməli idi, etməyib. BakuBus-ın 500-ə yaxın avtobusu qarajlarda “yatır”...

“Həm pul BakuBus-a köçürülb, həm də şirkət çökür. Əgər BakuBus 7,5 milyon aldığına rəğmən çökürsə, özəl şirkətlərin bir durumuna nəzər salın. İndi görün onlar nə vəziyyətdədirlər. Bu məsələləri düşünmək, buna uyğun addım atmaq lazımdır. Belə olmaz. Bu ögey münasibət nəyə və kimə lazımdır ki? Bakı Nəqliyyat Agentliyi BakuBus-a öz təşkilatı kimi baxır. Dövlətindir, bizimdir, əlimizə nə düşsə, yaxşısını ona verək. O biri şirkətlər özəldir, “ölsünlər, batsınlar, canları çıxsın”...

Belə yanaşma olar? Bu necə tənzimləyici quurmdur ki, öz maraqlarını güdür. Və yaxud da dövlət qurumunun maraqlarını güdür. Tənzimləyici qurum o deməkdir ki, hakim rolunu oynamalı, ədalətli yanaşmalısan.Ədalət prinsipindən çıxış etməlisən. Yoxsa 7,5 milyon manat köçür BakuBus-a ki,”get kef elə”. Bu birilərinə isə deyir ki, “gedi başınıza çarə tapın”,- deyə ekspert bildirib.

Belə... Dərindən araşdırılsa, bəlkə də BNA-nın hələ çox qanunauyğunsuz əməlləri ortaya çıxacaq. Bu gün Bakıda nəqliyyat sahəsində xaosun olması məhz bu qurumun yarıtmaz fəaliyyətinin nəticəsidir.

2020-ci ilin sentyabrın 27-də Ermənistanın hərbi təxribatlarına qarşı əks-hücum əməliyyatı ilə başlayan və noyabrın 10-da düşmənin təslim olması ilə nəticələnən İkinci Qarabağ müharibəsində ordumuz 300-ə yaxın şəhər və kəndi düşməndən azad etdi.

Bununla da, BMT Təhlükəsizlik Şurasının qətnamələrini ordumuzun qələbəsi ilə icra etdi. Məğlubiyyət qarşısında təslimiyyətini qəbul edən düşmən kapitulyasiya aktına imza atdı.

Lakin Ermənistan müharibənin başa çatmasından 2 ilə yaxın müddət keçməsinə baxmayaraq, öz üzərinə götürdüyü öhdəlikləri yerinə yetirməkdən boyun qaçırır, vaxt udmağa çalışır. Hər zaman olduğu kimi, öz riyakarlığı ilə seçilən düşmən atəşkəsi pozmaqdan və təxribatlarından əl çəkmir, bu yolla Azərbaycana təsir edə biləcəyini düşünür.

Ancaq o da məlumdur ki, Azərbaycan bu təxribatlara tutarlı cavab verəcək və dəfələrlə dövlət başçısı bu barədə öz çıxışlarında vurğulayıb. Bu çıxışların hər biri Ermənistana xəbərdarlıq kimi qəbul edilə bilər.  Cebhe.info-ya açıqlamasında Milli Məclisin deputatı Naqif Həmzəyev bildirib ki, Azərbaycan qələbə qazanmaqla yanaşı, 30 ilə yaxın müddətdə bütün cəbhələrdə gücünə güc qatıb. O deyib ki, Ermənistan hər vəchlə sülh prosesinə kölgə salmaqla, öz ağır o vəziyyətini daha da qəlizləşdirir:

"Biz rəşadətli ordumuzun, qəhrəman zabit və əsgərlərimizin canları, qanları bahasına, xalqın, ordunun, siyasi hakimiyyətin birliyinin yaratdığı “Dəmir yumruq” sayəsində qələbə əldə etdik, torpaqlarımızı işğaldan azad olundu. Ancaq humanist addım ataraq Ermənistan tərəfinə sülh təklifi ilə çıxış etdik. Çünki cənab Prezident regionda uzunmüddətli, dayanıqlı sülhün əldə olunmasını istəyir və biz də öz istəyimizə çatdığımız üçün sülh ən yaxşı seçimdir. Təəssüf ki, Ermənistan imzaladığı kapitulyasiya aktı, üçtərəfli Bəyanatda götürdüyü öhdəlikləri yerinə yetirmir və bundan boyun qaçırırlar. Postmünaqişə dönəmində Moskva-Soçi və Brüssel görüşlərində də əldə olunan razılıqlar Ermənistan tərəfindən törədilən təxribatlar nəticəsində yarımçıq qalıb. Süni təxribatlar onu deməyə imkan verir ki, Ermənistn tərəfi vaxt qazanmağa çalışır və prosesi öz xeyrinə dəyişmək istəyir. Əslində isə onlar qisas almaq, Azərbaycana ağır zərbələr vurmaq niyyətindədirlər. Lakin onlar unudurlar ki, Azərbaycan qələbə qazanmaqla yanaşı, 30 ilə yaxın müddətdə bütün cəbhələrdə gücünə güc qatıb".

Deputat bildirib ki, bu gün regionun ən güclü dövləti Azərbaycandır:

“Azərbaycan qonşuları ilə xoş və qarşılıqlı əməkdaşlıq formalaşdırıb, beynəxlaq təşkilatlarda nüfuz sahibidir, həmçinin, Avropanın enerji təhlükəsizliyində vacib rol oynayır. Azərbaycanın Prezident İlham Əliyev kimi ağıllı, savadlı, vətənini sevən və beynəlxalq münasibətləri düzgün formalaşdıran bir lideri var. Əldə etdiyimiz uğurlar onu göstərir ki, Azərbaycan 30 il əvvəlki Azərbaycan deyil. Ermənistan bu reallığı qəbul etməlidir. Azərbaycanın reallaşdırmaq istədiyi Zəngəzir dəhlizinə qarşı çıxmaqla böyük yanlışa yol verir. Ermənistan hər vəchlə sülhə kölgə salmaqla, öz ağır olan vəziyyətini daha da qəlizləşdirir. Ermənistan bu müəmmalı vəziyyətin uzadılmasından heç nə əldə etmir, əksinə, itirir. Əminliklə deyə bilərik ki, Ermənistan bu əməllərini davam etdirməklə, öz müstəqilliyini təhlükə altına alacaq. Azərbaycan isə həm hərbi, həm iqtisadi, həm siyasi gücü ilə Zəngəzur dəhlizinin açılmasına nail olacaq. Region dövlətləri də Azərbaycanı dəstəkləyir. Azərbaycan günü-gündən güclənir və biz istənilən təxribatın qarşısını almaq gücündəyik. Ermənistanın hər hansı bir təxribatı onun üçün ağır məğlubiyyət olacaq. Növbəti rüsvayçı məğlubiyyət isə Ermənistanın daxili ictimai-siyasi gərgin vəziyyətini daha da gərginləşdirəcək. Buna görə rəsmi İrəvan ağlına başına yığmalı, Ermənistan rəhbərliyi məsuliyyətini dərk etməlidir".

Lənkəran çayın Təngivan kəndindən keçən hissəsi kənd sakinlərinin rahatlığını əlindən alıb.

Kəndlilər bir neçə il bundan öncə bu çaydan məişət işlərində istifadə edərdilər. Lakin sakinlərin sözlərinə görə yaxınlıqda inşa edilmiş Profco MMC bunu mümkünsüz edib. Profco MMC-nin rəhbəri Rəşad Əkbərov Toplum TV-yə açıqlamasında bildirib ki, sakinlər yalan deyir.

Ekologiya və Təbii Sərvətlər Nazirliyindən Toplum TV-yə bildirilib ki, sözügedən şirkətin qanunları pozduğunu və toplanmış materiallar əsasında Baş Prokurorluqda araşdırma başladıldığını deyib.

Baş Prokurorluqdan isə Toplum TV-yə bildiblər ki, faktla bağlı araşdırma aparılır, ictimaiyyətə ətraflı məlumat veriləkdir. Profco MMC-nin rəhbəri Rəşad Əkbərov barəsində bu il martın 30-da Cinayət Məcəlləsinin 192.1 (qanunsuz sahibkarlıq), 247 (işlərin yerinə yetirilməsi zamanı ətraf mühitin mühafizəsi qaydalarını pozma) və 308.1-ci (vəzifə səlahiyyətlərindən sui-istifadə) maddələri ilə ittiham irəli sürülüb və Binəqədi Rayon Məhkəməsinin qərarı ilə həbs-qətimkan tədbiri seçilib. Lakin 3 saat sonra azadlığa buraxılıb. Rəşad Əkbərov mətbuata açıqlamasında
“Ölkə rəhbərliyi bu məsələdə mənə köməklik etdi və hər şey öz qaydasına düşdü” – demişdi.

Təngivan kəndinin sakinləri isə memar Rəşad Əkbərovu yalan danışmaqda günahlandırıb.

Daha ətraflı video-sujetdə: //Toplum TV//