[rating-type-4]
{likes}
{dislikes}
[/rating-type-4]
Ağalar Vəliyevin betonqarışdıranları səhərə qədər SƏS SALIR... - NARAZILIQ VAR!


Abşeron rayon Xırdalan şəhər Mehdi Hüseyn küçəsinin sakinləri yaxınlıqda yerləşən “CRYSTAL Beton” zavodunun gecələr fəaliyyət göstərməsindən narazıdılar.

DİA.AZ-ın məlumatına görə, Yeniavaz.com-a müraciət edən sakinlər bildirirlər ki, zavod səhər saatlarına qədər fəaliyyət göstərir.

Onlar bu halın yatmağa imkan vermədiyini və zavoddan çıxan toz-torpağın təmizlik problemlərinə, ciddi xəstəliklərə səbəb olduğunu deyirlər.
Sakinlərin sözlərinə görə məsələ ilə bağlı dəfələrlə aidiyyəti qurumlara müraciət etsələr də, nəticəsi olmayıb.
[rating-type-4]
{likes}
{dislikes}
[/rating-type-4]
"Günəşli İnşaat"dan növbəti BİABIRÇILIQ! Vətən müharibəsi veteranına qarşı - VİDEO


Azərbaycanda özünü "Günəşli İnşaat" tikinti şirkətinin rəhbəri kimi qələmə verən Firutan Məmmədov torpaq satmaq adı ilə 44 günlük Vətən müharibəsi qazisinin, eləcə də fiziki qüsurlu şəxsin pullarını mənimsəyib.

Sonxeber.az-a müraciət edən Vətən müharibəsi qazisinin həyat yoldaşı Şölə Qasımova Firutan Məmmədovdan ev tikmək üçün 2 sot torpaq aldıqlarını deyib.

Onun sözlərinə görə, şirkət həmin torpaqda ev tikiləcəyini bildirsə də, uzun müddətdir ki, heç bir tikinti işi aparılmır:

"2 sot torpaq üçün ona 9000-dən çox pul ödəsəm də, hələ də heç bir tikinti işi aparılmayıb. Dəfələrlə Firutan Məmmədovdan pulumu geri qaytarmasını istəmişəm. Aldadılmağımla bağlı polisə və hüquq mühafizə orqanlarına müraciət etmişəm. Sentyabrın 15-də məhkəməmiz oldu. F. Məmmədov məhkəməyə gəlmədi.

Mənə səsli məsaj göndədərək məhkəməyə gəlməyəcəyini və pulu geri qaytrarmaycağını bildirərək məni təhqir də edib. Firutan Məmmədov dildə özünü hərbçilərin, qazilərin və şəhid ailələrin dostu kimi göstərir. Hətta mənim həyat yoldaşımın şəklini ofisinə vuraraq və sosial şəbəkələrdə paylaşaraq özünü reklam edirdi. Lakin pulumu tələb edəndə həyat yoldaşımı və məni təhqir etdi, hətta onun şəkilini cırdı.

Oktyabrın 3-də növbəti məhkəmə iclası keçiriləcək. Həyat yoldaşım Aprel döyüşlərinin də iştirakçısıdır. Hazırda 3 övladımla kirayədə yaşayıram. 44 günlük Vətən müharibəsində göstərdiyi qəhrəmanlığa görə həyat yoldaşım medalla təltif olunub. Səlahiyyətli qurumlardan mənə kömək etmələrini, Firutan Məmmədovun cəzalandırılmasını xahiş edirəm. Bu adam nə qanunları, nə də məhkəməni sayır. Firutan Məmmədovun qurbanı tək biz deyilik. Bizim kimi, onlarla insanı belə aldadıb. Sonradan bilmişik ki, bizə ev tikəcəyini söylədiyi torpağı bir neçə nəfərə də satıb.

Min zəhmətlə ev üçün yığdığımız pulu ondan almağımızda Ali Baş Komandandan cənab İlham Əliyevdən və Azərbaycanın Birinci vitse-prezidenti Mehriban xanım Əliyevadan bizə kömək etmələrini xahiş edirəm".

İkinci şikayətçi Sevil Xəlilova söyləyib ki, sosial şəbəkədə "Günəşli İnşaat" tikinti şirkətinin elanını görərək onlara zəng edib:

"Əraziyə gəlib torpaqla tanış oldum. İlkin ödəniş kimi 6500 manat pul ödədim. Mənə söylədilər ki, 7 aya ev tikib bizə təhvil verəcəklər. Razılaşdırdığımız ödənişi hər ay etmişəm. Bu günə kimi 10700 manat ödəmişəm. Bir ilə yaxın vaxt keçsə də, hələ də heç bir tikinti işi aparılayıb. Həyat yoldaşım II qrup əlildir. Firutan Məmmədova verdiyimiz 10700 manat yoldaşımın fəhləlik edib yığdığı və bizə edilən yardım puludur. Hazırda 3 azyaşlı övladım və fiziki qüsurlu həyat yoldaşımla kirayədə yaşayıram. Firutan Məmmədovdan hər dəfə pulumu geri istəyəndə məni təhqir edib, söyür. Sonradan eşitdim ki, mənim torpağımı, bizdən başqa, daha bir neçə nəfərə satıb. Hazırda Firutan Məmmədov "at oynadaraq" insanları aldadıb, pullarını mənimsəyir. Müvafiq orqanlardan bu şəxsin cəzalandırılmasını və pulumun geri qaytarılmasını xahiş edirəm".

[rating-type-4]
{likes}
{dislikes}
[/rating-type-4]
Məktəb direktorunun başına oyun açdılar... - Nə zəmanədə yaşayırıq bə...


“Məktəb direktorluğu ilə bağlı müsabiqədə iştirak etmişəm və sabiq təhsil naziri Mikayıl Cabbarovun əmri ilə Tovuz rayonu, Qovlar şəhər 3 saylı tam orta məktəbə direktor təyin olunmuşam. Uçuq-sökük bina, təmir adı ilə yeyinti və daha bir çox qanunsuzluqlardan şikayət etdiyim üçün məni intihar həddinə çatdırdılar”.

Bunu Meydan TV-yə Tovuz rayonu, Qaraxanlı kənd sakini olan, 61 yaşlı tarix müəllimi, I Qarabağ müharibəsi veteranı Nüsrət Fəttah oğlu Nəsirli deyib.

Nüsrət Nəsirlinin sözlərinə görə, o, 2000- ildən Tovuz rayonu Qədirli kənd tam orta məktəbində tarix müəllimi kimi fəaliyyət göstərib. 2013-2014-cü illərdə yaşının çox olmasına baxmayaraq müstəqil olaraq kompüter biliklərini öyrənib və Tovuzda ilk dəfə o, dərslərini interaktiv formada tədris edib.

“2016-cı ildə məktəb direktorlarının işə qəbulu müsabiqəsi elan olundu və mən də sənədlərimi onlayn olaraq nazirliyə göndərdim. Həmin ilin aprelində Bakıda imtahana qatıldım, avqustunda keçirilən müsabiqədən də uğurla keçdim”,- şikayətçi söyləyib.

Nüsrət Nəsirli deyib ki, 2016-cı il, sentyabrın 8-də Tovuz Rayon Təhsil Şöbəsinin əməkdaşları onu məktəbin kollektivinə təqdim etmək üçün dəvət ediblər. Məktəb Qovlar şəhərindən təxminən 8-9 kilometr aralıda yerləşir:
Məktəb direktorunun başına oyun açdılar... - Nə zəmanədə yaşayırıq bə...

“Qovlar şəhəri əvvəlcə qəsəbə olub və Qovlara şəhər statusu vermək üçün həmin məktəbin yerləşdiyi Yanıqpəyə kəndini kağız üzərində Qovlara birləşdiriblər. Həmin ərazidə infrasturuktur, su mənbəyi, sosial obyekt, marşurut yoxdur. Təhsil şöbəsinin əməkdaşları ilə məktəbə gəldim. Məktəb nə məktəb…”

Şikayətçi söyləyib ki, məktəb binası 1960-cı illərdə fəhlə yataqxanası üçün tikilib, sonralar guya məktəb üçün uyğunlaşdırılıb. Amma yalnız kazğız üzərində təmir edilib.

“21-ci əsrdə məktəbdə adi, primitiv qaydada olsa da, sanitar qovşağı yox idi. Məktəb, daha doğrusu, bina tikildiyi vaxtdan bir dəfə də olsa, cari və ya əsaslı təmir olunmayıb. Amma mənə verilən məlumatlara görə, kağız üzərində dəfələrlə təmir olunub və pullar mənimsənilib. Dəhşətlisi irəlidə imiş. Məktəbin təhsil sahəsində uğurları ilə maraqlandım. DİM-in portalında “Mənim məktəbim” səhifəsinə baxdım, 1995-2015- ci illər ərzində bu məktəbdən bir nəfər məzun belə, ali və ya kolleclərə qəbul olmayıb”,-Nəsirli bildirib.

Onun sözlərinə görə, uzun illər məktəb bir ailənin monopoliyasında imiş, müəllimlərin bəzilərinin diplomları saxta, bəziləri qeyri-peşə sahibləri olub, sonralar ixtisas dəyişməsi ediblər. İxtisasdəyişmə sertifikatları Qazax, Gəncə institutlarından alınıb, hansı ki, bu institutlar sonradan bağlanıb. Məktəbdə 2016-cı ilədək eyni ailənin üzvləri direktor, dərs hissə müdiri, təsərrüfat müdiri, kitabxanaçı, riyaziyyat müəllimi, fiziki tərbiyə müəllimi, musiqi müəllimi, fizika müəllimi, gözətçi, ocaqçı və s. işləyib:
Məktəb direktorunun başına oyun açdılar... - Nə zəmanədə yaşayırıq bə...

“Yəni mən ora təyin olunanadək məktəbin direktoru o ailənin başçısı olub. Həmin müəllim və əməkdaşların diplomları saxtadır və hazırda Korrupsiyaya Qarşı Mübarizə İdarəsində araşdırılır. Məktəb psixoloqunun psixologiyadan xəbəri yoxdur və təhsil haqqında sənədi saxtadır”.

Müəllim qeyd edib ki, müxtəlif dövlət orqanlarına -Təhsil Nazirliyinə, Fövqəladə Hallar Nazirliyinə, Tovuz Rayon İcra Hakimiyyəti başçısına, hətta Yaponiya səfirliyinə məktəbin təmiri və ya yenidən tikilməsi haqqında davamlı olaraq müraciətlər edib. FHN müraciəti cavablandıraraq bildirib ki, məktəb binası tam yararsızdır, istənilən an qəza və yanğın baş verə bilər.

“Mətbuatda yazdılar, çəkib göstərdilər. Sonra işdən azad olundum. Əsas da bu oldu ki, rayonu biabır etmişəm. Halbuki imkanım daxilində məktəbə ayaqyolu tikdirdim, kənddəki arteziandan su çəkdirdim. Uzun illər zibil, peyin yığnağı olan məktəb meydançasını təmizlətdirdim, üzərindən keçən yüksək voltlu elektrik xəttini dəyişdirdim”,- Nüsrət Nəsirli söyləyib.

O, Təhsil Şöbəsinin rəhbəri Elmira Mürşüdlüyə suallar ünvanlayıb:

“Cəmi 17 bal toplayan, işlədiyi müddət ərzində bir uğuru olmayan biri necə və nəyə görə direktor əvəzi təyin edilib? Məhz qohumu və uzun illər həmin məktəbi viran qoymuş “ailənin” üzvü olduğuna görəmi? Necə olur ki, xanım məktəb direktoru, onun həyat yoldaşı isə həmin məktəbdə təsərrüfat müdiri işləyir? Kiçik bir məktəbdə eyni ailənin 10-a yaxın ailə üzvü vəzifələrdə çalışa bilər? Məktəb binasının 2-3 otağını keçmiş direktorun ərinin bacısına kim hədiyyə edib? Məktəbin həyətindəki və sinif otaqlarından cəmisi 4-5 metr aralıda yerləşən quş hinləri kimindir? Araşdırmadan işçiyə birbaşa “Ç” bəndi tətbiq olunurmu?”

Müəllim onu da əlavə edib ki, Elmira Mürşüdlü onu özünüöldürmə həddinə çatdırıb, ötən ilin iyulun 1-də intihara cəhd edib. Onu Tovuz Rayon Polis Şöbəsinin əməkdaşları, Tovuz təcili yardımın həkim briqadası ölümdən qurtarıb. Bu barədə Tovuz Rayon Prokurorluğunda, Tovuz Rayon Polis Şöbəsində, Tovuz təcili Yardım Xidmətində rəsmi məlumat, izahatlar var.

Nüsrət Nəsirli elm və təhsil naziri Emin Əmrullayevə müraciət edərək şikayətinin araşdırılmasını xahiş edir.

Tovuz Rayon Təhsil Şöbəsindən isə deyiblər ki, mətbuatın suallarını yalnız nazirliyin mətbuat xidməti cavablandıra bilər. Elmira Mürşüdlünün bu barədə açıqlama vermək istəmədiyini deyiblər.

Meydan TV-nin şikayətlə bağlı nazirliyə ünvanladığı sorğuya cavab olaraq yalnız onu bildiriblər ki, sözügedən məktəbin əsaslı təmir-tikinti işləri növbəti illərin Dövlət İnvestisiya Proqramında nəzərdə tutulur.

Meydan TV
[rating-type-4]
{likes}
{dislikes}
[/rating-type-4]
Rusiya daha bir ölkə ilə sərhədində səfərbərlik məntəqəsi açır


Rusiyanın Qazaxıstanla sərhədində, Həştərxan vilayəti ərazisində yerləşən “Karauzek” buraxılış məntəqəsində müvəqqəti qismən səfərbərlik məntəqəsi yaradılıb.

Bu barədə rayon rəhbərinin mətbuat xidməti məlumat yayıb.

Bildirilir ki, qərar ölkədən qaçmaq istəyən hərbi yaşda kişilərin çoxluğu ilə əlaqədar verilib.

“Bələdiyyə ərazisində Qazaxıstan Respublikasına avtomobil nəqliyyatı üçün əsas nəzarət-buraxılış məntəqəsi olan “Karauzek” keçid məntəqəsi fəaliyyət göstərir. Hazırda orada ölkəni tərk etmək istəyənlərin kilometrlərlə növbəsi yaranıb. Çıxmağı gözləyənlər arasında hərbi yaşda olan kişilər çoxdur”, - deyə məlumatda bildirilib.

Rayon rəhbərliyinin sözlərinə görə, keçid məntəqəsində onların sənədləri yoxlanılır, qismən səfərbərlikdən möhlət hüququ olmayan və ya hərbi komissarlıqdan getməyə icazəsi olmayan vətəndaşlar xaricə buraxılmırlar.

“Yaxın günlərdə Qazaxıstanla sərhəddə çağırış vərəqələrinin verilməsi üçün müvəqqəti qismən səfərbərlik məntəqəsi yaradılacaq”, - məlumatda əlavə edilib.

Xatırladaq ki, bir neçə gün öncə Gürcüstanla sərhədin yaxınlığında Rusiya hərbi komissarlığının səfərbərlik məntəqəsi yerləşdirəcəyi barədə xəbər verilmişdi.

Mənbə: TASS
[rating-type-4]
{likes}
{dislikes}
[/rating-type-4]
"Həkimin yazdığı narkotik tərkibli dərmanlardan sonra atamın halı daha da pisləşdi" - İTTİHAM VAR!


Azərbaycanda təhsil və səhiyyə sisteminin günəşi çoxdan batıb artıq.

Ali məktəblərə qəbul olmaq istəyənlər üçün hazırlıq kurslarının reklamı, həmçinin sosial şəbəkələrdə həkimlərin fərdi reklamları başlayanda söndü bu günəş.

Övladlarımız orta məktəbdə öyrənməli olduqları bilikləri hazırlıq kurslarından, repetitorlardan öyrənir, xəstəxanada işə alındığı üçün yaxşı həkim olduğuna inanmalı olduğumuz həkimləri isə sosial şəbəkələrdə, reklamlardan seçirik...

Elə bunun nəticəsidir ki, bu gün hər iki sahədən kifayət qədər vətəndaş narazılıqları var.

Əlqərəz...

Bu gün biz hər iki sahənin nöqsanlarından yazsaq, bizə yazmaq, sizə də oxumaq üçün uzuuuuun vaxt lazım olacaq.

Odur ki, bu dəfə yalnız səhiyyədən, özü də bir xəstəxananın, bir həkimindən - Mərkəzi Klinik Xəstəxanasının həkim -nevroloqu Lalə Əliyevadan danışacağıq.

Daha doğrusu biz yox, "DogruXeber.az" redaksiyasına müraciət edən Bərdə rayon sakini Mahmudova Pərvanə Əliyar qızı danışacaq.

P.S: Pərvanə Mahmudova tərəfindən redaksiyamıza göndərilən videomaterialı izlədikdən sonra, hər zamankı kimi obyektivliyi qoruyaraq, barəsində iddialar olan həkim - Lalə Əliyeva ilə telefon əlaqəsi saxladıq.

Özümüzü təqdim etdiyimizdə, Lalə xanım əvvəl danışmaq istəmədi və suallarımızı birbaşa xəstəxanaya ünvanlayıb, ordan cavab almamızı istədi. Bildirdik ki, - "Pərvanə xanımın iddiaları sırf sizin barənizdədir və qısa cavablar versəniz çox vaxtınız getməyəcək.".
Bundan sonra Lalə xanım razılaşdı və həmən də söhbətə başladı ki, - "O xanım məni bir aya yaxındır şantaj edir. Mən onun atasını normal müalicə etmişəm. Pis idim niyə ikinci dəfə gəlirdi? O mənə pul verməyib." və sair...

Lalə xanım, sözləri ardıcıl elə düzürdü ki, ağzımızı açıb, sual verməmizə belə macal vermirdi.

Qeyd edək ki, Lalə xanıma onun barəsində kimin hansı iddialar irəli sürdüyünü hələ deməmişdik. Ümumiyyətlə sual belə verməmişik, amma xanım "Qoyun sualınızın cavabını verim" deyərək, danışmağımıza macal vermir, verməyə imkan tapmadığımız "sualımızı cavablandırırdı".

Uzun sözün qısası, xeyli tək danışan, danışdıqca aqressiya ilə səsinin tonunu qaldıran həkim-nevroloq Lalə xanım bütün danışıqlarının əsası olaraq, barəsindəki iddiaları "yalan", "şantaj" adlandırıb, təkzib etdi. Hətta, həmin xanım barəsində polisə şikayət edəcəyini də bildirdi.

Sosial şəbəkələri diqqətlə izləyib, müxtəlif cinayətlərin izinə düşən, aşkar edən Prokurorluğun bu məlumatı da diqqətə götürüb, bu dəfə barəsində araşdırma aparıb, hüquqi tədbir görəcəyinə ümid etməkdən başqa çarə qalmır geriyə. Ya da bilmək olmaz, bəlkə də çox zaman ("Şamaxı Rayon Mərkəzi Xəstəxanası" Publik hüquqi şəxsinin direktoru Emin Hüseyin, Z.Ə. adına Oftalmologiya Mərkəzi, Milli Onkologiya Mərkəzi və sair barəsində) olduğu kimi, bu mövzuya da kənardan seyirçi qalacaq.

Redaksiyamız hər kəsin söz haqqını tanıyır.

DogruXeber.az
[rating-type-4]
{likes}
{dislikes}
[/rating-type-4]
Gəncədə İdman Sarayının tikintisi üçün 53 milyon manat xərcləndiyinə Niyazi Bayramovun özü necə, inanırmı? - İcazə verin, şübhələnək...


Dünən Gəncə şəhər İcra Hakimiyyəti Gəncə şəhərində İdman Sarayının tikintisi işlərinin davam etdirilməsi üzrə keçirdiyi tenderə yekun vurması ilə bağlı dövlət satınalmalarının vahid internet portalında “Rövşən Oğuz Qrup” Məhdud Məsuliyyətli Cəmiyyəti ilə 10 000 000 manat məbləğində satınalma müqaviləsinin bağlanılması barədə məlumat yerləşdirib.

Məlum olduğu kimi Prezident İlham Əliyev 30 yanvar 2022-ci ildə Gəncə şəhərinə səfəri zamanı Gəncə Dövlət Dram Teatrının yeni binasının, 2 saylı Gəncə regional “ASAN xidmət” mərkəzinin açılışlarında iştirak edib, Gəncə İdman Sarayında aparılan tikinti işlərinin gedişi ilə tanış olmuşdu. Dövlətimizin başçısının tanış olduğu Gəncə İdman Sarayında tikinti işlərinin artıq yekunlaşdığı görsənir. Lakin Prezidentin səfərindən sonra Gəncə şəhər İcra Hakimiyyəti sözügedən idman sarayında tikinti işlərinin davam etdirilməsinə mart-sentyabr aylarında tam 25 milyon manat vəsait ayırır. Burada suallar yaranır. Hara gedir bu milyonlar?

Xatırladaq ki, Gəncə şəhərində İdman Sarayı inşa edilməsi haqqında sərəncamı Prezident İlham Əliyev hələ 13 noyabr 2017-ci ildə vermişdi. Sərəncama əsasən İdman Sarayının layihələndirilməsi və tikintisi üzrə sifarişçi funksiyaları, habelə obyektin inşası prosesində həyata keçiriləcək işlərin təşkili və əlaqələndirilməsi Gəncə şəhər İcra Hakimiyyətinə həvalə edilmişdi. İdman Sarayının tikintisinə 2018-ci ilin mart ayında, sabiq İcra başçısı Elmar Vəliyevin dönəmində başlanılıb. Gəncədəki məlum hadisələrdən sonra, 28 avqust 2018-ci ildən Niyazi Bayramov Gəncə şəhər İcra Hakimiyyətinin başçısı təyin edilir və İdman Sarayının sifarişçi funksiyaları da bir başçı kimi onun nəzarətinə keçir.

Bəs 2018-ci ilin mart ayından inşasına başlanan tikilidə işlər niyə ləng gedir və hər il külli miqdarda dövlət vəsaiti ayrılmasına baxmayaraq İdman Sarayının istifadəyə verilməsi nədən uzadılır? Bu kimi suallara mətbuat vasitəsi ilə bir neçə dəfə cavab axtarmağa çalışmışıq. Lakin Gəncə şəhər İcra Hakimiyyətinin rəsmiləri bu suallara cavab verməmişlər. Artıq beşinci ilinə keçmiş İdman Sarayının tikintisinin başa çatdırılmasının niyə bu qədər uzandığına aydınlıq gətirilmir, açıqlama verilmir. Burada vəsait çatışmazlığından söhbət gedə bilməz. Çünki rəsmi dövlət qurumları işin davam etdirilməsi üçün müqavilələrin bağlınıldığı barədə məlumatlar yayıb və ayrılan vəsiatlər də, görülən işlər də ortadır.

Aktualinfo.org-un dövlət satınalmalarının vahid elektron portalına yerləşdirilmiş məlumatlar əsasında apardığı araşdırmalarda son üç il ərzində tender yolu ilə sözügedən idman sarayının tikintisinə külli miqdarda vəsaitin ayrıldığı ortaya çıxır. Belə ki, Gəncə şəhər İcra Hakimiyyəti Gəncə şəhərində İdman Sarayının tikintisi işlərinin davam etdirilməsi məqsədi ilə “Rövşən Oğuz Qrup” MMC ilə 14.03. 2019-cu il tarixdə 4 000 000,00 manat, 09.04.2020-ci il tarixdə 4 600 000 manat, 06.10.2020-ci il tarixdə 1 800 000 manat, 19.03.2021-ci il tarixdə 9 400 000 manat, 12.08.2021-ci il taixdə 5 000 000 manat, 17.12.2021-ci il tarixdə 181 600 manat (milyonların müqabilində bu yüz səksən min nəyə lazım olub görəsən- red.), 09.03.2022-ci il tarixdə 15 000 000 manat, 28.09.2022-ci il tarixdə 10 000 000 manat məbləğində satınalma müqavilələrinin bağlanıldığını açıqlayıb ki, ümumi olaraq 49 981 600 manat təşkil edir.

Yerli mətbuat orqanlarının 03.09.2019-cu il tarixdə yaydığı məlumatda bildirilir ki. Ölkə prezidentinin imzaladığı sərəncam əsasında inşa edilən tikili 3 hektara yaxın ərazini əhatə edir. Sarayda müxtəlif növ olimpiya və qeyri-olimpiya idman növləri üzrə yarışların, təlim-məşq toplanışlarının keçirilməsi üçün zallar, həmçinin üzgüçülük hovuzu yaradılacaq. Regionun ən böyük idman sarayının 2021-ci ilin sonuna qədər istifadəyə verilməsi nəzərdə tutulur. Təqdim olunan şəkildən də göründüyü kimi idman sarayının bünövrəsi 2018-ci ildən qoyulub. Sonrakı şəkillər isə 2021-ci ilə aiddir və beton karkasdan ibarət olan bu tikiliyə çəkilən xərci təxmin etmək olar.

Gəncə şəhər İcra Hakimiyyətinin başçısı Niyazi Bayramovun “Rövşən Oğuz Qrup” MMC-nin rəsmisi ilə İdman Sarayının tikintisi işlərinə baxış keçirdiyi zaman çəkilən bu şəkildən göründüyü kimi karkasların arası adi qırmızı kərpiclə hörülüb. Sarayın tavanının isə dəmir konstruksiyalarla inşa edildiyini aşağıdakı şəkildə görsənir. Son dörd ildə bütün bu işlərin görülməsinə 49 981 600 manat vəsatin xərclənməsi inandırıcı gəlirmi?

Bu hələ son deyil. Qeyd edək ki Gəncə şəhər İcra Hakimiyyəti İdman Sarayının layihələndirilməsi işlərinə də 30.04.2020-ci il tarixdə 400 000 manat, 15.04.2021-ci il tarixdə isə tikintinin layihə-smeta səndlərinin hazırlanması ( əlavə və dəyişikliklərə əsasən) işlərinin satın alınması üzrə 418 400 manat məbləğində satınalma müqavilələrini “BAŞAK PROJE VƏ DİZAYN” Məhdud Məsuliyyətli Cəmiyyəti ilə bağlayıb. Bu isə idman sarayının tikintisinin layihələndirilməsinə 818 400 manat vəsaitin ayrılması deməkdir. Tikintisinə 50 milyon xərc çəkilmiş Sarayın layihələndirilməsinə çəkilən bu cüzi xərc isə heç inandırıcı deyil.

Biz buraya Azərbaycan Respublikası Prezidentinin ehtiyat fondundan Gəncə şəhər İcra Hakimiyyətinə Gəncə şəhərində İdman Sarayının tikintisi işlərinin davam etdirilməsi məqsədilə ayrılan vəsaitləri əlavə etməmişik. Bu məqsədlə 24 iyun 2020-ci ildə 3,0 (üç) milyon manat vəsaitin ayrıldığı məlumdur. Bunula birgə son 4 ildə Gəncə şəhərində İdman Sarayının tikintisi işlərinin davam etdirilməsinə tam 53 800 000 manat vəsait ayrılıb, amma işlər hələ də yekunlaşmayıb.

Qeyd etdiyimiz kimi bütün bu məlumatlar İqtisadiyyat Nazirliyi kimi ciddi bir dövlət qurumunun rəsmi portalında yerləşdirilib. Yəni, demək istəyirik ki, İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti sözügedən portala yanlış, qeyri dəqiq məlumatlar yerləşdirməz. Bütün bunlar tenderlər keçirildikdən sonra qalib şirkətlə bağlanan müqavilələr üzrə ayrılan dövlət vəsaitləridir ki, “Dövlət Satınalmaları Haqqında” Azərbaycan Respublikası Qanununa görə satınalma prosedurları yekunlaşdıqdan sonra mütləq göstərilməlidir.

Göründüyü kimi son dörd il ərzində. yəni Niyazi Bayramov Gəncə şəhər İcra Hakimiyyətinin başçısı təyin olunduqdan sonra Gəncədə İdman Sarayının tikintisinə 53 milyon 800 min manat ayrılıb. Amma İdman Sarayının tikintisi hələ başa çatdırılmayıb. Tikintisi hələ başa çatdırılmamış, şəkillərdə gördüyünüz İdman Sarayına bu qədər vəsaitin xərcləndiyi nə dərəcədə realdır, istərdik Niyazı Bayramov aydınlıq gətirsin. Bir də çox istərdik ki, Niyazi Bayramov bir məsələyə də aydınlıq gətirsin. Əgər gətirə bilərsə. Gətirə bilməyəcək də. Çünki bu milyonların çox hissəsi Niyazi Bayramovun şəxsi məqsədlərinə xərclənib. Məsələn oğlunun bahalı avtomobillərinə, xarici səyahətlərinə və daha nələrə…

Aktualinfo.org
[rating-type-4]
{likes}
{dislikes}
[/rating-type-4]
BU NƏDİ BELƏ: Naxçıvanda daha bir qanun pozuntusu – Vüqar Abbasov deputat mandatından məhrum edilməlidir


Bu günlərdə sosial şəbəkələrdə əsas ofisi Naxçıvanda yerləşən “Cahan Holdinq”lə bağlı bəzi məlumatlar yayıldı. Həmin məlumatların nə qədər doğru olduğunu dəqiqləşdirmək üçün araşdırma apardıq, holdinqin saytına nəzərə yetirdik. Holdinqin cahan.az saytında axtarış apararkən çox ciddi bir məlumatla rastlaşdıq. Açığı elə bilirdik, “Cahan Holdinq”in prezidenti Vüqar Abbasov Naxçıvan Muxtar Respublikası Ali Məclisinin deputatı seçildikdən sonra formal da olsa holdinqdəki vəzifəsini dondurub. Amma ora Naxçıvandır axı. Muxtar respublikada hansı qanun işləyir ki, bu da işləsin. Deməli, Vüqar Abbasov hələ də “Cahan Holdinq”in prezidentidir. Halbuki, bu, qanunla qadağandır. Vüqar Abbasov nəinki holdinq prezidentidir, hətta Naxçıvan Muxtar Respublikası Sahibkarlar Konfederasiyasının da İdarə Heyətinin sədridir. Yəni sahibkar olmalısan ki, bu konfederasiyada təmsil olunasan və ora rəhbərlik etməyə də hüququn yarana. Bu da Vüqar Abbasovun sahibkarlıqla məşğul olduğunu təsdiqləyən faktlardan biridir.

Qeyd edək ki, Vüqar Abbasov 2020-ci ildə Naxçıvan Muxtar Respublikası Ali Məclisinə keçirilən seçkilərdə 24 saylı seçki dairəsindən Ali Məclisə deputat seçilib.

Doğrudur, Vüqar Abbasov illərdir ki, sahibkarlıqla məşğul olur. “Cahan Holdinq”in prezidentinin bacarıqlı bir sahibkar olduğu, şirkətini qısa müddət ərzində sürətlə böyütdüyü çoxlarına bəllidir. Amma Azərbaycan qanunları deputatın sahibkarlıqla məşğul olmasına yol vermir. Vüqar Abbasov deputat seçildikdən sonra sahibkarlıqla məşğul olmamalı idi. Əgər söhbət Naxçıvandan gedirsə, bu, mümkündür.

Bu məsələyə münasibət bildirən Azərbaycan Milli İstiqlal Partiyasının sədri Arzuxan Əlizadə TNS-ə açıqlamasında Konstitusiyanın maddələrini xatırladıb.

“Azərbaycan Respublikası Konstitusiyasının 85-ci maddəsində Milli Məclisin deputatlığına namizədlərə bir sıra tələblər irəli sürülüb. Həmin maddədə göstərilib ki, elmi, pedaqoji və yaradıcılıq fəaliyyəti istisna olmaqla, başqa ödənişli fəaliyyətlə məşğul olan şəxslər Azərbaycan Respublikasının Milli Məclisinə deputat seçilə bilməzlər. Əgər namizədlər belə fəaliyyətlə məşğuldurlarsa, deputat seçildikdən sonra bu fəaliyyətlərini dayandırmalıdırlar. Konstitusiyanın 89-cu maddəsində isə Milli Məclisin deputatlarının səlahiyyətlərinin itirilməsi halları sadalanıb. Bu maddədə də konkret olaraq göstərilir ki, elmi, pedaqoji və yaradıcılıq fəaliyyətləri istisna olmaqla, sahibkarlıq, kommersiya və başqa ödənişli fəaliyyətlə məşğul olan şəxslər deputat mandatından məhrum edilir. Hər bir millət vəkili qanunun tələblərinə əməl etməlidir”, - partiya sədri bildirib.

Arzuxan Əlizadə deyib ki, eyni tələblər Azərbaycanın ayrılmaz tərkib hissəsi olan Naxçıvan Muxtar Respublikasının Konstitusiyasında da nəzərdə tutulub.

“Bu məsələlər Naxçıvan Muxtar Respublikasının Konstitusiyasının 15-ci və 19-cu maddələri ilə tənzimlənir. Naxçıvan Muxtar Respublikası Ali Məclisinin deputatları da sahibkarlıq fəaliyyəti ilə məşğul ola bilməzlər. Deputatlar Konstitusiyanın irəli sürdüyü tələblərə əməl etməlidirlər. Əks təqdirdə onların deputat səlahiyyətlərinə xitam verilməlidir. Əgər belə bir fakt varsa, Naxçıvan Muxtar Respublikası Ali Məclisinin hər hansısa bir deputatı biznes fəaliyyəti ilə məşğuldursa, hansısa şirkətin rəhbəridirsə, Konstitusiyanın müvafiq maddələrinə uyğun olaraq, o, səlahiyyətlərini itirmiş hesab edilməli və onun deputat səlahiyyətlərinə xitam verilməlidir”, - partiya sədri qeyd edib.

Azərbaycan Yüksəliş Partiyasının başqanı Anar Əsədli TNS-ə açıqlamasında bildirib ki, Azərbaycanda dövlət vəzifəsi daşıyan, hətta deputat olan şəxslər arasında bizneslə məşğul olanlar az deyil. Mövcud müvafiq qanunvericilik vəzifə sahibləri və millət vəkillərinə sahibkarlıq fəaliyyəti ilə məşğul olmağı qadağan etsə də, buna ciddi nəzarətin olmadığını müşahidə edirik.

“Belə çıxır ki, dövlət idarəetməsində və qanunvericilik bazasında bu kimi hallara qarşı sərt cəzalandırma mexanizmlərinin hələ də mövcud olmaması bir çoxlarının əl-qolunu açmasına səbəb olur. Dövlət vəzifəsi tutan və deputat olan şəxslərin niyə bizneslə məşğul olmasının qadağan edilməsinin isə prinsipial səbəbləri var. Məsələ burasındadır ki, yüksək post tutan, yaxud deputat olan şəxslər daşıdıqları statusun onlara verdiyi geniş inzibati imkanlardan sui-istifadə etməklə özlərinə geniş biznes şəbəkəsi yaratmaq, ədalətli rəqabət mühitini zədələmək, eyni zamanda müxtəlif biznes sahələri üzrə inhisarçı şirkətlər formalaşdırmaq fürsətləri əldə edir. Azərbaycanda uzun illərdir, oliqarxik məmur burjuaziyası təşəkkül tapıb deyəndə məhz bunu nəzərdə tuturuq ki, dövlət vəzifəsində təmsil olunanlar, parlamentdə mandat alıb siyasətlə məşğul olanlar da yaxşı qazanmaq üçün sahibkarlıq fəaliyyətinə üz tuturlar. Belə bir vəziyyət qanunvericiliyə, azad bazar iqtisadiyyatına, sərbəst ticarətə ziddir. Ən ciddi problem də budur ki, ölkəmizdəki varlı adamlar biznesmenlərdən daha çox qanunsuz şəkildə sahibkarlıqla məşğul olan vəzifəli şəxslər və millət vəkilləridir. Bu hal Azərbaycanda korrupsiyanın yüksək həddə çatmasında da mənfi rol oynayır. Hesab edirik ki, Cinayət Məcəlləsində vəzifəli şəxslərin bizneslə məşğul olmalarına görə məsuliyyəti nəzərdə tutan maddələr, normalar daha aydın və dəqiq müəyyənləşdirilməli, qanunların və normaların tətbiqi, onlara nəzarət mexanizmləri sərtləşdirilməlidir”, - partiya başqanı bildirib.

Onu sözlərinə görə, bir çox qanunla həqiqətən də deputatın, məmurun kommersiya fəaliyyəti ilə məşğul olması qadağandır: “Deputatların statusu haqqında qanunda bu, kifayət qədər aydın ifadə olunub, konstitusiyada da müvafiq maddə mövcuddur. Məsələnin ən təhlükəli tərəfi isə belə deputatların müəyyən lobbiçilik maraqlarından çıxış edərək, kimlərinsə kommersiya maraqlarını təmin etmək kimi zərərli işlərlə məşğul olmasının adiləşməsidir. Milli Məclisin spikeri, müavinləri, o cümlədən dövlətin hüquq-mühafizə orqanları bu kimi hallara göz yummamalı, qanun hər kəsə sərt formada tətbiq olunmalıdır”.

Anar Əsədli də Konstitusiyanın 89-cu maddəsini xatırladıb.

“Həmin maddənin 4-cü bəndində konkret olaraq göstərilir ki, Azərbaycan Respublikası Milli Məclisinin deputatı elmi, pedaqoji və yaradıcılıq fəaliyyəti istisna olmaqla, sahibkarlıq, kommersiya və başqa ödənişli fəaliyyətlə məşğul olduqda mandatından məhrum edilir. Ancaq görünən odur ki, ölkəmizdə bir çox vəzifəli şəxsləri və millət vəkillərini bizneslə məşğul olmaqdan çəkindirmək üçün Konstitusiyanın müvafiq maddələri, Cinayət Məcəlləsində müvafiq qadağanedici və xəbərdaredici normalar kifayət etmir. Birdəfəlik anlamaq lazımdır ki, əgər qanun qadağan edirsə, deməli, deputat bizneslə məşğul ola bilməz. Hər kəs qanunun bu tələbinə əməl etməlidir, dövlət isə müvafiq qanunun işləməsini təmin etməlidir. Sahibkarlıq fəaliyyəti azad təşəbbüskarlıqdır və kimsə bunu qadağan etmir, lakin həm siyasətlə məşğul olub eyni zamanda kommersiya fəaliyyəti göstərmək yanlışdır. Bir sözlə, millət vəkilinin bizneslə məşğul olması doğru deyil və bu kimi hallar seçkili orqan olan qanunvericilik institutunun imicinə də böyük zərbə vurur, cəmiyyətin gözündən düşməyə əsaslar yaradır. Ona görə də, hesab edirik ki, qanunlara riayət olunmalıdır”, - Anar Əsədli əlavə edib.

Göründüyü kimi, Vüqar Abbasovun bizneslə məşğul olması Azərbaycan qanunlarına ziddir. Vüqar Abbasov seçki dövründə də bu fəaliyyətini dayandırmadığından o, deputatlığa namizəd ola bilməzdi. 2020-ci ildə deputat seçilən “Cahan Holdinq”in prezidenti bu vəzifəsini davam etdirdiyindən deputat mandatından məhrum edilməlidir. Bunu biz demirik. Bunu Azərbaycan qanunları və Vüqar Abbasovun rəhbəri olduğu holdinqin saytında yerləşdirilən məlumatlar deyir. //TNS//
BU NƏDİ BELƏ: Naxçıvanda daha bir qanun pozuntusu – Vüqar Abbasov deputat mandatından məhrum edilməlidir
BU NƏDİ BELƏ: Naxçıvanda daha bir qanun pozuntusu – Vüqar Abbasov deputat mandatından məhrum edilməlidir
BU NƏDİ BELƏ: Naxçıvanda daha bir qanun pozuntusu – Vüqar Abbasov deputat mandatından məhrum edilməlidir
[rating-type-4]
{likes}
{dislikes}
[/rating-type-4]
Heydər Məscidinin axundu `Misli` və `Poz Qazan` la bağlı ÇAĞIRIŞ ETDİ - "HARAMDIR!"


Azərbaycan “Azərlotereya” ASC-nin qumar cənginə düşüb. Əhali ölkədə bahalaşmanın getdiyi bir zamanda qumar oyunlarına təşviq edilməkdədir. Bir var ki, lotoreya yarışları təşkil oluna, istəyən iştirak edə, bir də var ki, təşkilatçı bunu təbliğ və təşviq edə. Bax, hazırda “Misli”, “Poz, qazan” küçələrdə, hər tinbaşı oynanılır. Və şirkət bunu reklam edir, şirnikləndirir, yalan vədlər verir. Nəticədə çoxu uduzur, azından azı isə qəpik-quruş udmaqla təsəlli tapır. Son dövrlər isə yeni təbliğat maşının işə salıblar – “Maaş günü” adı ilə reklam gedir. “Azərlotereya” ASC vətəndaşları çağırır ki. ayın sonu yox, hər gün oynayın. Bəs, buna niyə göz yumulur? Nə üçün qumarın bu səviyyədə yayılmasına şərait yaraıdlır? Hətta yeni qumar oyunları icad edərək adlar tapıblar – “Drakula qəsri”, “Vur, qazan”, “Uğurlu seyf” və s.
Halbuki lotoreyanın bu dərəcədə kütləvi yayılmasına, əhalinin müflisləşdirilməsinə ehtiyac yoxdur. O zaman buna kim “dur” deyəcək?
Heydər Məscidinin axundu `Misli` və `Poz Qazan` la bağlı ÇAĞIRIŞ ETDİ - "HARAMDIR!"

Məsələ ilə bağlı TİA. Az-a danışan Heydər məscidinin axundu, ilahiyyatçı Hacı Rüfət Qarayev bildirib ki, ibadət evlərində bu mövzuda təbliğat aparılır. Onun sözlərinə görə, əziyyət çəkmədən pul verib, əvəzində pul gözləmək, hətta az məbləğdə olsa belə qumar sayılır, oynamaq haramdır. Heydər məscidinin axundu qeyd edib ki, insanlar bir az tənbəlləşib, rahat yolla pul qazanmaq istəyirlər: “Biri var insan zəhmətin müqabilində, yaxud ağlının, beyninin məhsulu ilə pul əldə etsin, biri də var ki, çörək alacağı pulu “bəlkə daha çox pul əldə edərəm” deyə lotereyaya versin. Hətta evdən pul götürənlər, kimdənsə borc alıb bu kimi yollara əl atanlar var. Bu isə insanları dindən-İslamdan uzaq salır”. R.Qarayev deyib ki, gücümüz çatdığı qədər biz bu mövzuda məscidlərdə təbliğat aparırıq: “Təbliğatın olmasına baxmayaraq yenə də bu kimi hallar var. Çox vaxt Allahın, Quranın hökmlərini bilməyən, faizin, qumarın haram olduğundan xəbərsiz insanlar bu kimi şeylərdən istifadə edirlər”.
[rating-type-4]
{likes}
{dislikes}
[/rating-type-4]
2023-cü il “Heydər Əliyev İli” elan edildi - SƏRƏNCAM


Prezident İlham Əliyev sentyabrın 29-da 2023-cü ilin ölkəmizdə “Heydər Əliyev İli” elan edilməsi haqqında Sərəncam imzalayıb.

Sərəncamda 2023-cü il mayın 10-da Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 ili tamam olduğu qeyd edilir.

Vurğulanır ki, Heydər Əliyev öz xalqını zamanın mürəkkəb tarixi-siyasi sınaqlarından uğurla çıxarmış və ardıcıl mübarizə apararaq onu müstəqilliyə qovuşdurmuş qüdrətli şəxsiyyətdir. Azərbaycan xalqı yeni əsrə və yeni minilliyə məhz Heydər Əliyev zəkasının işığında qədəm qoymuşdur. Davamlı yüksəliş yolunda inamla irəliləyən müasir Azərbaycan Heydər Əliyevin həyat amalının təntənəsidir.

Azərbaycana rəhbərliyinin birinci dövründə Heydər Əliyev özünün qeyri-adi idarəçilik bacarığı, polad iradəsi və yüksək vətənpərvərliyi sayəsində, uzaqgörən və məqsədyönlü qərarları ilə çox qısa müddətdə respublikamızda sosial-iqtisadi, elmi-texniki və mədəni sahələrin inkişafında böyük sıçrayışa nail olub. Tariximizin gedişatının və həyatımızın ahənginin köklü surətdə dəyişdiyi, azadlıq və müstəqillik duyğularının milli düşüncəmizdə üstünlük təşkil etməyə başladığı bu illər Azərbaycanın quruculuq salnaməsinin ən parlaq səhifələridir. Ulu Öndərin xalqın yaradıcılıq enerjisini bir məqsədə yönəltməklə tarixi yaddaşın bərpası istiqamətindә atdığı qətiyyətli addımlar o dövrdə milli ruhun canlanmasına xidmət göstərib, özünüdərki və soy-kökə qayıdışı təmin edib, müstəqil dövlət quruculuğuna aparan yolun təməl daşına çevrilib.

Bildirilir ki, böyük siyasi iradəyə, sarsılmaz əqidəyə malik olan Heydər Əliyevin tükənməz dövlət idarəçiliyi istedadı onun SSRİ-nin rəhbərlərindən biri kimi çalışdığı və irimiqyaslı layihələr həyata keçirdiyi illərdə özünü bir daha parlaq surətdə təzahür etdirib. Heydər Əliyev bütün varlığı ilə sevdiyi və canından əziz bildiyi doğma xalqının mənafelərini daim önə çəkmiş və respublikamızın inkişafı üçün malik olduğu bütün imkanlardan istifadə edib.

Qeyd olunur ki, zamanın hökmü ilə ötən əsrin 90-cı illərində dövlət müstəqilliyini bərpa edən Azərbaycan Ermənistanın təcavüzü, xarici təzyiqlər və daxili çəkişmələr üzündən dünyanın siyasi xəritəsindən silinmək və dövlətçiliyini itirmək təhlükəsi ilə qarşılaşıb. Taleyimizin həll olunduğu ağır bir zamanda xalqın təkidli tələbinə səs verərək yenidən hakimiyyətə qayıdan Heydər Əliyev doğma Vətənin xilası naminə misilsiz fədakarlıq nümayiş etdirib, ölkəmizi ictimai-siyasi pərakəndəliyin və anarxiyanın məngənəsindən qurtarıb, bütün sahələrdə müşahidə olunan dərin tənəzzülün qarşısını alıb, yenidən qurduğu və hər cür qəsdlərdən qoruduğu dövlətin dayanıqlı inkişaf yolunu müəyyən edib. Heydər Əliyevin ölkəmizə rəhbərliyi illəri xalqımızın nadir tarixi imkandan faydalanaraq, böyük əziyyətlər bahasına öz müstəqilliyini əbədi və dönməz etdiyi taleyüklü mərhələdir.

“Heydər Əliyevin zəngin həyat yolu və müstəsna fəaliyyətinin bütün mərhələləri bir-birini tamamlamış, öz xalqına sıx bağlılığın, milli dövlәtçilik məfkurəsinə sadiqliyin canlı təcəssümü olmuşdur. Geniş bilik və dərin təfəkkür sahibi olan Heydər Əliyev düşünülmüş və cəsarətli qərarları ilə təkcə müstəqillik dövründə deyil, bütün dövrlərdə Azərbaycan ictimaiyyətini ən ciddi şəkildə düşündürən məsələləri uğurla həll etmişdir. Ulu Öndər cəmiyyət həyatının müxtəlif sahələri arasında üzvi bağlılığı aydın görərək, müəllifi olduğu milli inkişaf strategiyasında ictimai, siyasi, sosial, iqtisadi, mədəni və digər sahələrdə qarşıda duran vəzifələri düzgün müəyyənləşdirmiş və məharətlə həyata keçirmişdir. Heydər Əliyevin milli neft strategiyasının uğurla reallaşdırılması nəticəsində xalqımız öz təbii sərvətlərinin tam sahibinə çevrilmiş və qısa müddətdə ölkəmizin inkişafına güclü təkan verən resurslar əldə edilmişdir. Azərbaycan Respublikasının ilk Konstitusiyasının qəbul olunması və bütün sferaları əhatə edən köklü islahatların həyata keçirilməsi, demokratik, hüquqi dövlət quruculuğu, nizami ordunun yaradılması Heydər Əliyevin Azərbaycan xalqı qarşısında müstəsna xidmətləridir. Xalqımızı vahid amal ətrafında birləşdirən azərbaycançılıq ideologiyasının formalaşdırılması, ana dilinin dövlət qayğısı ilə əhatə olunması, ictimai-siyasi, elmi və mədəni fikir tariximizin əlamətdar hadisələrinin müntəzəm qeyd edilməsi ənənəsinin yaradılması, Azərbaycanın çoxəsrlik mənəvi-mədəni irsə sahib qədim diyar və sivilizasiyaların qovşağında yerləşən tolerantlıq məkanı kimi geniş şöhrət qazanması Heydər Əliyevin mükəmməl quruculuq proqramının tərkib hissələri olmuşdur.

Dövrünün ən nüfuzlu siyasətçiləri ilə bir sırada duran Heydər Əliyev Azərbaycanın müasir simasının, xalqımızın zəngin dəyərlərinin tanıdılması və ölkəmizin beynəlxalq münasibətlər sistemində layiqli mövqe qazanmasında müstəsna rol oynamışdır. Ermənistan–Azərbaycan münaqişəsinin beynəlxalq hüququn norma və prinsipləri əsasında həlli Ulu Öndərin qarşıya qoyduğu başlıca vəzifə olmuş, ölkəmizin bütün resursları, xalqımızın potensialı tarixi ədalətin bərpası üçün səfərbər edilmişdir. Ulu Öndərin şah əsəri olan güclü Azərbaycan dövləti öz suverenliyini, müstəqilliyini qorumağa qadir olduğunu 44 günlük Vətən müharibəsində şanlı Zəfər qazanmaqla sübuta yetirmişdir.

Dövlətçilik salnaməmizdə silinməz izlər qoymuş, azərbaycanlı olması ilə ömür boyu fəxr etmiş, milli qürur və iftixar mənbəyimiz olan Heydər Əliyev bütün dünyada Azərbaycanın rəmzi kimi qəbul edilir. Xalqımız onun əziz xatirəsini həmişə uca tutur və minnətdarlıqla anır, yenidən hakimiyyətə gəldiyi günü Azərbaycan Respublikasının dövlət bayramı – Milli Qurtuluş Günü kimi qeyd edir.

Müstəqil Azərbaycan Ulu Öndərin indiki və gələcək nəsillərə əmanəti, onun zəngin və çoxşaxəli irsi isə xalqımızın milli sərvətidir. Bu müqəddəs mirası qoruyub saxlamaq hər bir azərbaycanlının şərəfli vəzifəsidir”, - deyə Sərəncamda bildirilir.

Sərəncama əsasən, Azərbaycan Respublikası Prezidentinin Administrasiyasına Azərbaycan Respublikasında 2023-cü ilin “Heydər Əliyev İli” elan edilməsi ilə bağlı tədbirlər planına dair təkliflərini iki ay müddətində hazırlayıb Azərbaycan Respublikasının Prezidentinə təqdim etmək tapşırılıb.
[rating-type-4]
{likes}
{dislikes}
[/rating-type-4]
Ramin Bayramlının kadrı ilə bağlı İLGİNC İDDİALAR... - Gündüz Əbdülov köhnə ampluasındadır...


Qarabağ Regional Təhsil İdarəsinin rəhbəri Gündüz Əbdülovun fəaliyyəti ilə bağlı iddialar səslənməkdədir. Bildirilir ki, işinin öhdəsindən gələ bilməyən təhsil şefi varis planı qurmaqdadır. TİA.Az-a verilən xəbərə görə, G. Əbdülov öz yerinə Dəyanət Fərzəliyevi hazırlayır. Fərzəliyevi özü ilə gətirmiş idarə rəisi indi taxt-tacını ona ötürməyi planlaşdırır.

Məlumatda deyilir ki, Gündüz Əbdülov Qarabağ Regional Təhsil İdarəsinin müdiri təyin olunandan sonra özünü doğrultmadı. Belə ki, təcrübəli kadrlara deyil, öz tanışlarına üstünlük verməyə başladı. Əsasən də tələbə yoldaşlarını başına toplayaraq qurumu idarə etmək həvəsinə düşdü. Onların arasında təqaüdə çıxmış hərbçilər belə var, amma Əbdilov faktiki qaziləri kənarda qoyub.
İddialara görə, özünün təhsil idarəçiliyində təcrübəsi olmadığı üçün ətrafına dostları yığaraq iş “görməyə” çalışır. Misal üçün, Ağdam şəhərində rüşvətlə direktorlar təyin edir,
Qarabağda kadr təyinatlarını düzgün aparmır, Dəyanət Fərzəliyevi də peşə məktəbindən inzibati idarə şöbəyə müdir gətirdikdən sonra hər şey bərbad şəklini alıb.

Bundan başqa, pensiyada olan tələbə yoldaşlarını işə götürən idarə rəisi gənc qaziləri hərbi hazırlıq müəllimi kimi də işə götürmür.

Məlumata görə, Ağdamda 68 nömrəli tam orta məktəbdə əməkdar müəllimi direktorluqdan çıxarıb yerinə icra başçısının həyat yoldaşını təyin edib. İddialara görə, onun diplomu saxtadır. Amma araşdırılmasına ehtiyac var.
Eyni zamanda, Təhsil Nazirliyinin 28 iyul 467 nömrəli əmrində qeyd olunub ki, müəllimlərin çalışma həddi 65 yaş olubsa, diaqnostik qiymətləndirmədən 70 % yığan müəllimlərlə müqavilə bağlanmalıdır .
Ancaq Gündüz Əbdülov az bal toplayan dostlarının müqaviləsini uzadır, başqalarına çatanda haqsızlıq edir. Bəli, Qarabağ azaddır, indi təhsil idarəsi də fəaliyyət göstərir, amma məmurların əməllərindən azad deyil. Bax, bunu dəyişmək zamanıdır. Təhsil Nazirliyinin bu məsələlərə diqqət ayıracağını gözləyirik.

DİA.AZ xatırladır ki, barəsində bunca iddialar səsləndirilən Gündüz Əbdülov zamanında TƏBİB-in Aparat rəhbəri işləyirdi və keçmiş TƏBİB şefi Ramin Bayramlının ən yaxın kadrı hesab olunurdu. Bayramlının başına gələn məlum olaylardan sonra Gündüz Əbdülov da təbii olaraq yön dəyişdirməli, iz azdırmalı oldu. DİA.AZ bildirir ki, görünəni odur, təhsil sahəsində özünə yer etməyə çalışan Əbdülov bu gün daha çox Ramin bayramlıdan əxz etdiklərini tətbiq etməkdədir... nəinki ölkə qanunlarına söykənərək fəaliyyət göstərmək...

Məsələ ilə bağlı dia.az olaraq qarşı tərəfi də dinləməyə hazırıq...

XƏBƏR LENTİ

16:50

Azərbaycanda yemək tenderi «çempionları» - 2 şirkətə 80 milyonluq sifariş

16:30

Göytəpə meşəsində "soyqırım": 20 gündə minlərlə ağac kəsilib - BU NƏDİ BELƏ?!

15:57

Aydın Talıbovun rəhbərlik etdiyi holdinqə daxil olan şirkət cərimələnir

15:38

Talıbovların Naxçıvanda geridönüşü, yoxsa... - NƏ BAŞ VERİR?

14:35

“Axırıncı dəfə maşını 60 il qabaq sürmüşəm, nə cərimə?” – Ramiz Mehdiyev

14:06

Xaçmaz rayon icra şöbəsinin məmurundan ÖZBAŞINALIQ! - Nazirə müraciə olundu

13:20

BŞİH-də Anar Qalayevin də fəaliyyəti müzakirəyə çıxarılsın -Eldar Əzizova təklif

12:48

Şəki Uşaq İncəsənət Məktəbinin direktorunda topdağıtmaz sərvət haradandır? –Adil Kərimlinin menyusuna

12:05

Məhkum Ədliyyə Nazirini “zon”a dəvət etdi – ŞOK səs yazısı

11:27

Sahil Babayevin DOST TV-si nazirin MƏTBU ÇƏTİRİ rolunda... - İDDİA

10:57

Vətəndaşa kələk gələn “Access Bank” özü qurban gedir – İFLAS

10:17

Səhiyyə Nazirliyi İTTİHAM OLUNUR - "Nə zamana kimi belə addımlarınız olacaq?"

09:24

“Mənə vəzifəli şəxsin köməyi ilə 185 min dollar ziyan vurub”

09:00

“Tariyel Əkbərov deyir ki, nazirlikdən bizə heç nə göndərmirlər” - NARAZILIQ VAR...

22:53

Bu gecə ilk Qədr gecəsidir

22:15

İrəvan Rusiya ilə münasibətləri qəsdən pozur - Moskvadan xəbərdarlıq

21:46

Ramazanın 19-cu gününün duası - İmsak və iftar vaxtı

21:26

Sabirabadda dəhşətli "təmizlik" aksiyası - vətəndaş müraciəti

19:04

Papanın səhhəti yaxşılaşıb

18:42

Putin seçki üçün 317 milyon pul xərcləyib

18:18

Nağdsız ödənişdən yayınanlar barəsində tədbir görüləcəkmi? - Ekspertlər danışır...

17:32

Diplomsuz cərrahları kim qoruyur? - Sabiq nazir müavini rəsmən yalan danışdı

17:06

Gəncə şəhər Şəhidlər Xiyabanı zibil içindədir - VİDEOFAKT

16:38

Həbibullayev Prezidentin göstərişlərini NİYƏ ÖNƏMSƏMİR? - ÖZBAŞINALIQ!

15:53

Bəs Xalid Ələkbərova nə yaxşı SÖZ DEYƏN YOXDUR?.. - Ortada bunca məqamlar varsa...

15:24

İşçinin taleyi əgər Qağaməlinin ümidinə qaldısa.... - VAY HALINA...

14:06

Gəncə İcra Başçısı haqda maraqlı iddia və maşın kolleksiyası - Dövlət büdcəsini evinə daşıyıb ki...

13:32

Araz Paşayevə məxsus şirkət hansı qurumlarla işbirliyində olub və nə qədər dövlət vəsaiti silib - İLGİNC FAKTLAR

11:32

Rəis 6 saylı məntəqə tipli cəzaçəkmə müəssisəsini "bazar"a çevirib - İTTİHAM VAR...

10:54

Sakinlər problem içində... rəsmi qurumlar isə ancaq vəd verir... - Başçı da ki yox kimidir...

09:59

Gülağa Bağırov 1 milyonu NEYNƏDİ? - Bir soruşan olsa...

09:29

Təhlükəsizlik orqanlarının yaranmasının 105 illiyi

21:37

Ağalarovlardan terror qurbanlarına 100 milyonluq yardım

21:10

İlhamə Abdullayeva Gülnaz Kırimovanı O isə öz vasalının qanundan kənar əməllərini gizlədir - FAKTLAR