“Sahil-R” MTK Qanunvericiliyi pozaraq payçılara məxsus əmlakı istismar edir” başlıqlı ötən yazımızda “Sahil-R” MTK tərəfindən inşa edilən, Bakı şəhəri, Nəsimi rayonu, Akademik M.Mirqasımov küçəsi, ev 55, 57, 59 ünvanında yerləşən binanın sakinlərinin şikayətindən bəhs etmişdik.
Hətta MTK-larla bağlı Azərbaycan Respublikasının Qanunvericiliyinin maddələrini yazaraq vətəndaşlarımızı qanunla tanış etmişik ki, onlar öz hüquqlarını müdafiə edə bilsinlər. Bu bir media olaraq bizim vəzifə borcumuzdur.
Məlumat üçün qeyd edək ki, MTK-ların inşa etdikləri binanın sakinləri Qanunvericiliyə uyğun olaraq binanın sahibləri-payçıları hesab olunur. Qanunvericiliyə uyğun olaraq bina istismara təhvil veriləndən 6 ay sonra binanın idarəçiliyi sakinlərə, yəni payçılara verilir.
Sakinlər isə Mənzil Mülkiyyətçiləri Müştərək Cəmiyyəti ( MMMC ) yaradaraq idarəetməni öz üzərinə götürür.
Yenə Qanunvericiliyə uyğun olaraq MMMC yaradılmadığı təqdirdə, MTK binanın idarəçiliyini ərazi üzrə bələdiyyə orqanına verməlidir. Amma... Əmması odur ki, haqqında bəhs etdiyimiz ünvandakı binanın istismara verilməsindən ( 2016-cı il ) 6 ilə yaxın vaxt keçsə də, MTK nəinki idarəçiliyi bələdiyyə vermir, əksinə qanunsuz olaraq sakinlərdən pul toplayır. Və sakinlərin dəfələrlə müraciət etməsinə baxmayaraq, MTK yığılan vəsaitlə bağlı hesabat vermir.
Bundan əlavə Qanunvericilikdə müəyyən edilib ki, binanın zirzəmisi birmərtəbəli olarsa, ancaq sığınacaq kimi istifadə oluna bilər. Yəni avtomobil dayanacağı-qaraj kimi istifadə oluna bilməz. MTK rəhbərliyi isə Qanunvericiliyi pozmaqla binanın zirzəmisindən qaraj kimi istifadə edir və…üstəlik hər avtomobilə görə ayda avtomobil sahibindən 150 manat alır. Heç bir vergi ödəmədən, 150 manatın hamısını, yəni 100-dən çox kirayəyə verilən qarajların pullarını həzm-rabedən keçirir.
Təsəvvür edirsiniz, yuxarıda qeyd etdiyimiz kimi, bina bütövlükdə, zirzəmisi də daxil olmaqla payçıların əmlakıdır. MTK isə payçıların əmlakını onların özünə qanunsuz olaraq hər ay 150 manata icarəyə verir.
Təkrar etməyə məcburuq ki, Qanunvericiliyə görə, bina və ətrafı payçılara məxsusdur. “Sahil-R” MTK-nın rəhbərliyi isə payçıların razılığı olmadan binanın ətrafını müxtəlif obyektlərə icarəyə vermişdir və bununla da obyektlərə giriş-çıxışı təmin edərək sakinlərin hərəkəti üçün lazım olan səkiləri zəbt etmişdir. Binanın həyətindən digər binanın ərazisində yerləşən uşaq bağçasına gedən yol da sakinlərə problem yaradır. Bina sakinlərinin dediyinə görə, daha bir ciddi problem binada quraşdırılan liftlərdir.
Belə ki, liftlər texniki parametrlərinə görə tələblərə cavab vermədiyi üçün mütəmadi olaraq sıradan çıxır, bu isə sakinlərin (azyaşlı uşaqlar, yaşlı və səhhətində müxtəlif problemi olan insanların) liftdə qalması ilə nəticələnir.
Bununla bağlı sakinlərin müraciətindən sonra FHN-nin Sənayedə İşlərin Təhlükəsiz görülməsi və Dağ-Mədən Nəzarəti Dövlət Agentliyi liftlərin istifadəyə yararsız olması barədə rəy verdi. Amma bu günədək problem aradan qaldırılmayıb.
Sakinlərin qeyd etdiyi ən böyük problemin biri isə müqavilədə və çıxarışda göstərilən sahənin xeyli fərqlənməsidir. Belə ki, müqavilədəki rəqəmlə çıxarışdakı rəqəm arasında 8, 10, bəzən 12 kv.m sahə fərqi yaranır. Bu artıq cinayət əməlidir.
Bütün bunlar azmış kimi MTK rəhbərliyi binanın altında “Bazar Store” və “SunLab”a böyük ərazini icarəyə verib. Bir daha qeyd edirik Qanunvericiliyə görə, həmin sahələr binanın payçıları olan sakinlərə məxsusdur. MTK-nın bu əməlləri Qanunvericiliyə ziddir. Amma MTK nəinki həmin sahəni icarəyə verib pul alır, hətta bununla binaın sakinlərinə ciddi problemlər yaradır.
Birincisi, həmin obyektlərdəki avadanlıqların istismar zamanı yaratdığı yüksək səs-küy sakinlərin rahatlığını, istirahətini pozur. Və ən əsası Səhiyyə və Ekologiya və Təbii Sərvətlər Nazirlikləri buradakı səs-küyün normadan artıq olması barədə rəy verib və sənədlər Rayon Məhkəməsinə göndərilib.
Təəssüf ki, Rayon Məhkəməsi iki dövlət qurumunun iddiasını təmin etməyib. İndi hazırda Ekologiya və Təbii Sərvətlər nazirliyi Rayon Məhkəməsinin qərarından apelyasiya şikayəti verib.
Hazırda binaın sakinləri yuxarıda qeyd olunan narazılıqlarla bağlı Səhiyyə Nazirliyinə, Ekologiya və Təbii Sərvətlər Nazirliyinə, FHN-ə, DİN-ə, Dövlət Şəhərsalma və Arxitektura Komitəsinə, Azərbaycan Avtomobil Yolları Dövlət Agentliyinə, Bakı və Nəsimi İcra Hakimiyyətlərinə müraciət ediblər.
Hazırda həmin qurumlar tərəfindən araşdırılma aparılır. Yeri gəlmişkən, sakinlər onu da qeyd edir ki, BazarStore-yə məhsul gətirən şirkətlərə məxsus iri yük maşınları mütəmadi olaraq binaya gələn yolda tıxac yaradır və sakinlərin gediş-gəlişinə mane olur, dözülməz səs-küyə səbəb olurlar, sakinlərin istirahət hüququnu pozurlar.
Eyni zamanda binada yerləşən SunLAB tibbi müayinə obyektinin də 5 yerdən girişi var.
Eyni zamanda Laboratoriyanın kuryerlərinin istifadə etdiyi motosikletlər də ciddi problem yaradır. Onu da qeyd edək ki, MTK-nın rəhbərliyi layihədən kənara çıxaraq binada əlavə artırma edib. Bir sözlə, MTK rəhbərliyi payçıların hüquqlarını, ölkə qanunvericliyi kobud şəkildə pozur.
Ümid edirik ki, dövlət qurumlarının araşdırması və Apelyasiya Məhkəməsi bütün bunlara son qoyacaq.
Bütün bunları dəfələrlə yazaraq müvafiq dövlət qurumlarına müraciət etmişik ki, konkret tədbirlər görsünlər. Amma, daşdan səs çıxır, müvafiq qurumlardan səs çıxmır.
Hətta MTK rəhbərliyi şikayət edənlərə deyir ki, yuxarı ilə məsələni həll etmişik, hara istəyirsiniz şikayət edin.
Sözün qısası, SAHİL-R MTK-nın rəhbərliyi heç bir dövlət qurumunu saymır, özünü istədiyi kimi aparır. //gundelik-baku.com//

"Kristal Abşeron" QSC-nin dövlətə külli miqdarda borcu yaranıb.

DİA.AZ bildirir ki, 32gun.az-ın məlumatına görə, Abşeron rayonu, Xırdalan şəhərində Tikinti Quraşdırma İdarəsinin binasında yerləşən QSC-nin dövlət büdcəsinə 265 min manatdan çox (265052.57 AZN) vergi borcu yaranıb.

Bildirək ki, "Kristal Abşeron" QSC 12.11.2008 tarixində dövlət qeydiyyatına alınıb. Nizamnamə kapitalı 3 milyon AZN olan şirkətin qanuni təmsilçisi İbrahim Dostumaliyev Cəfər Oğludur.

Xatırladaq ki, mətbuatda gedən məlumata görə, Bakıda çoxsaylı ərazilərdə, hətta metro çıxışlarının üstündə, dəmiryol xətlərinin bir addımlığında yüksəkmərtəbəli binalar tikərək, çox baha kredit faizləri ilə satan "Kristal Abşeron" tikinti şirkəti də deputat Ağalar Vəliyevə məxsusdur.

Müsahiblərimiz kimliklərini açıqlamaq istəmir. Utanırlar. Zəhmətkeş olmaqlarından deyil, digərlərinin “qul əməyi” kimi dəyərləndirdikləri durumdan dolayı…

Onlar istilikxanada çalışırlar. Pomidor şitillərinin cərgələri arasında 2-3 işi eyni zamanda görürlər. Hamısının əli qabar bağlayıb. Ağır da olsa, gündəlik ruzisini qazanmağa çalışırlar.

Onlar dörd qadındır. Çoxu şirin yuxuda olarkən – səhər saat dörddə həmin qadınlar sifariş götürdükləri təsərrüfat sahiblərinin maşını ilə istilikxanalarda çalışmağa gedirlər…

“Nə uşaq pulu almışam, nə də pensiya alanım var”

Göyçay rayonunun Bığır, İnçə kimi iri kəndlərinin sakinləri işsizlik və maddi çətinliklər səbəbindən tərəvəzçiliyin inkişaf etdirildiyi Ləkçıplaq, Qaraxıdır, Mırtı, Hacıalıkənd kimi kəndlərdə salınan istilikxanalarda çalışır. Əvvəl 3-5 nəfər olan bu şəxslərin sayı artıq 35-40 nəfərə qədər çatıb. Əksəriyyəti də orta yaşlı qadınlardır.

50 yaşlı müsahibimiz deyir ki, rayonda dəfələrlə iş üçün müraciət edib, ancaq nə iş tapılır, nə də ünvanlı sosial yardım üçün müraciətinə müsbət cavab gəlir. Odur ki, məcbur qalıb təsərrüfatlarda gündəlik azuqə puluna çalışmaq zəhmətinə qatlanır. Bu iş də hər gün olmur. Ayda 5, ya 6 sifarişlə kifayətlənirlər:

“Artıq üç ildir ki, bu işlə məşğulam. Nə uşaq pulu almışam, nə də pensiya alanım var. Necə dolanaq? Ünvanlı sosail yardım üçün də dəfələrlə müraciət etmişik. Deyir: “Get torpaq sənədi, Sum kağızı gətir, qaz çək,ərizə yaz”. Bakıya ərizə yazmışam. Axşam poçtla göndərmişəm, səhər idarəyə çağırıblar ki, bəs burda yazı səhvin var. Deməli, özləri burda məktubları yoxlayırlar. Yoxsa axşam poçtla göndərdiyim məktub nə tez çatdı ki, səhər bunların xəbəri oldu? Bakı baxmamış bunlar baxdı. 30-40 manatlıq xərcim getdi boşa”.

Gileyini davam etdirir:

“Həftələrlə gözləməliyəm ki, nə vaxtsa zəng gələcək və mən işə çıxacam. Yoxsa mənim, ailəmin, kəndlimin ac qalması nə dövləti, nə onu idarə edənləri maraqlandırır. Torpağımız var, nar əkmişik. Çoxdan salınmış ağaclardı. Məhsul dönəmində onu satıb dolanırıq. Düzü, bir neçə ildir o nar bağları və nar məhsulu olmur deyə, satış yoxdur. Biz də qalmışıq belə zülmdə”.

Qadın deyir ki, daimi iş olmadığından bu əziyyətə qatlaşırlar, kəndbəkənd gəzirlər:

“Yenə sağ olsun ki, istilikxana sahibləri, həm özləri dolanır, həm də biz işləyib dolanırıq”.

“İki-üç günlük əməyimiz bir kisə un almağa belə yetmir”

Göyçay meyvə-tərəvəzçilik üzrə ixtisaslaşmış rayondır. Əsasən 10-a yaxın kənddə pomidor, xiyar istilikxanaları salınıb, əhalisi illik azuqəsini onunla ödəyir. Əkin həm yazlıq, həm payızlıq olduğundan sahibləri digər kəndlərin ehtiyac içərisində olan sakinlərini işə çağırmaqla onlara da dolanışıq üçün işləmək imkanı yaradır. Çünki bu iş ağır əmək və zəhmət tələb edən sahədir.

60 yaşlı, 5 uşaq anası olan başqa bir müsahibimiz deyir ki, pomidorun əkinindən, sahənin sökülməsinə qədər hər bir işdə çalışır. Bığır kimi iri kənddə 3 il öncə salınmış iri nar bağı ləğv edildiyindən sakinlər işsiz qalıb. O da 70-80 dərəcə istinin tüğyan etdiyi yayda, yaxud soyuq payız-qış aylarında gəlib istilikxanada günü 15 manata işləmək məcburiyyətindədir:

“Günortanın bu qızmar istisində gəlib təsərrüfatlarda işləyirik. Üstü örtülüdür deyə daha da istidir. Çöldəki istinin ikiqatı. Günlük haqqa işləyirik, aldığımız isə gündəlik ehtiyacımızı heç ödəmir”.

Qadın deyir ki, sifarişlər çox az olur. Bəzən bir həftə işsiz qalırlar:

“İş saatımız isə iki növbəlidir. Səhər beşdən, gündüz birə kimi. Birdən də axşam 5-6-ya kimi. Hər növbənin qiyməti isə 15 manatdır. Bir kisə un almağa belə yetmir iki-üç günlük əməyimiz. Gəlinim, oğlum, nəvələrim var yanımda. Cəmi 180 manat pensiya alıram. 5 uşaq anası bu pulu alır. İndi mən bu pulla nə edə bilərəm? Gəlsin mənim evimi yoxlasın, heç yuyunmağa belə hamamım yoxdur”.

Kəndli deyir ki, dəfələrlə tərəvəz əkib, amma alınmayıb: “Bizdə torpaq meyvəçilik üçündür deyə tərəvəz əkirsən yaxşı tutmur, quruyur. Nə olardı, hökumətin nar bağı, üzüm bağı olardı, gedib işləyərdik. Bilərdik ki, dövlətdən alırıq, daha belə ayrı-ayrı təsərrüfatlara düşməzdik. Bığırda iri nar bağı vardı, onu üç ildir ləğv ediblər. Nəticədə bağların ləğvi bizim kütləvi işsiz qalmağımıza səbəb olub. Günü 10-12 manata işləyirdik orda”.

“Ölmək-ölməkdir, xırıldamaq nə demək?”

Rayonun Bığır, İnçə kəndi ilə yanaşı, qonşu Ucar rayonundan da işləmək üçün gələn qadınlar var. Onlar hətta yolpulunu belə özləri verir və günlük əmək haqları isə 10 manat civarında olur.

Onkoloji xəstə olan gənc müsahibimiz deyir ki, bu işin çox çətinlikləri var. Səhər tezdən it hücümundan tutmuş axşam evə yorğun gələnə qədər yaşadığı bütün məhrumiyyətlər… Hətta istidən, ya xəstəlikdən özündən getmələr də az olmur.

Deyir ki, ehtiyac, məcburiyyət və ac qalan körpələrin məsuliyyət yükü zərif qadınların qabarlı əllərinə möhtacdır:

“Evdən səhər saat 4-də çıxırıq. Hamı yuxudaykən küçəmizin başında bizi şəxsi təsərrüfatına işləməyə aparacaq şəxsləri gözləyirik. O da qorxa-qorxa. Çünki küçə itləri o vaxt çox olur. Dəfələrlə onların hücumuna məruz qalmışam, it tutub məni. İş maşınına minənə qədər nə qədər həyəcan keçiririk. Çörək pulundan ötrü niyə məni it tutsun?”

“Özüm onkoloji xəstəyəm, gəncəm, ancaq bu xəstəliklə mübarizə apara-apara gəlib istilikxanalarda çalışıram. Ölmək-ölməkdir, xırıldamaq nə demək? Sinəmdən əməliyyat olunmuşam, bir il ağır işə çıxmalı deyiləm, artıq 6 aydır ki, çalışıram. Neyləyim? Özü də bu istidə, klyonka altı olmaz”, – qadın danışır. O da adının açıqlanmasını istəmir:

“Bığırda insan sayı çoxdur, boş torpaqlar yoxdur. İnanın, iyulun qızmar istisində 5 manat üçün qalıb işləmişik. Olub ki, gün ərzində 4 dəfə paltar dəyişmişik. Olub ki, ürəyimiz gedir, dərman atıb işləyirik. Ailəmiz acdır, uşaqlara baxmaq lazımdır. Bu saat mənim 200 manat qaz pulu borcum var. Necə ödəyim? Qorxa-qorxa gəl, qaça-qaça get ki, evdəki işlərini də gör. Bir qadın kimi bütün yük, məsuliyyət çiynimdədir”.

“Qul kimi çalışqan qadınların sayı ilbəil artır”

Nar mövsümündə isə fərdi təsərrüfatlara günü 10-12 manata gedəcək bu qadınlar ilin hər fəslində özlərinə dolanışıq yolları axtarır. Həyat yoldaşları, oğulları da ya şəxsi təsərrüfatla məşğuldur, ya da bir tikə çörək üçün tərkivətən olublar. Payızda, qışda isə sifarişləri yaya nisbətən çox az olur. Yayda isə məcbur qalıb iki növbədə işləyənlər də var. Təsərrüfat sahibinin anlayışlısı da var, işçi əməyindən istismar edəni də.

Növbəti müsahibimizin də övladları iş üçün müxtəlif şəhərlərə üz tutub:

“Həyətində heyvanı olan da var, olmayan da. Şəxsən mənim heç nəyim yoxdur. Uşaqlarımın hərəsi iş üçün bir diyardadır. Heç üzlərini görə bilmirəm, iş üçün düşüblər diyar-diyar. Kişilər üçün də iş yoxdur, qalıblar aciz durumda. Nəvəm hərbi xidmətə gedib, Vətəni qoruyur. qoy o Vətən də bizə yaxşı baxsın də. Əziyyətlə, fəhləliklə böyüt, ancaq 18 yaşda sahib çıxsın. Vətən üçün mən də başımı qurban verim, ancaq bu uşaqlara, gənclərə dövlət sahib çıxsın, baxsın, dolandırsın”.

“Mənim indi evdəki nəvələrim yemək istəyir. Nə deyim onlara? Körpədilər, pamperslərinə pul çatmır. Biz yenə 15 manat aılırıq. Ucardan gələn qadınlar belə özləri öz yol pullarını verir, günlük qazancları 10 manata düşür. Əvvəlki illərdə lap 10-12 manata işləyirdik. Bu ildən 15 manat olub. Bilirsiz, qul kimi çalışqan qadınların sayı ilbəil artır”, – qadın narazılığını ifadə edir.

O, gördükləri işləri sayır:

“Əkirik, ipləyirik, beçəsini qırırıq, dərmanın vururuq, alağını təmizləyirik, dolayırıq ipə, yarpaqlarını qırırıq və sökülənə qədər hər işin görürük. Eləsi var insan adamdır, özü də kömək edir, eləsi var yaş pomidoru çıxartdırır, istismar edir əməyimizi. Çox zülmlü işdir. Ancaq biz insafla çalışırıq, hətta bəzən vaxtımızdan 10-15 dəqiqə qalır, onu da çalışırıq. Ya vaxtdan keçir yenə çalışırıq ki, iş bitsin. Məcburiyyətdən insan bu hala düşməməlidir axı”.

“İstilikxanaların xərcini tam ödəyə bilməmişik”

Artıq on ildir ki, fərdi təssərrüfatında istilikxana salan Mırtı kənd sakini Tural Əliyev deyir ki, yazlıq, payızlıq əkinin çörəyi ilə həm özü dolanır, həm də əməyindən istifadə etdiyi kəndliləri dolandırır.

Bu il şərikli iki istilikxana salan müsahibimiz ötən payızla müqayisədə məhsulun tez yetişdiyini və bol olduğunu deyir. Onun sözlərinə görə, iki istilikxanaya 4 mindən çox xərc çəkib, bir ayda qadınların zəhmətindən maksimum 2-3 dəfə yararlanır:

“Ötən il məhsulu öncə 50-60 qəpikdən satmağa başladım. Sonra qiymət 3 manat 50 qəpiyə qədər qalxdı. Ancaq məhsuldarlıq az idi. İki istilikxanadan 40-50 yeşik məhsul yığılmasını gözləyirdik, cəmi 10 yeşik yığdıq. Bir çox regionda məhsul gec dəydi deyə qiymət baha oldu. Bu il isə məhsul vaxtında yetişdi, ancaq 50-60 qəpiyə satıldı. Yalnız bir dəfə məhsulu 1 manat 40 qəpiyə satdıq. Yazda az əkin oldu, payızda çox. Odur ki, məhsul boldur deyə qiymət qalxımı gözlənilmir”.

Tural Əliyev deyir ki, təsərrüfatlarda iş çoxdur. Kənd yerində tək istilikxana deyil, heyvandarlıq da var. Ona görə iş çoxalanda, xüsusilə yarpaq kəsimi və alaq edilən zaman, həmçinin məhsul çox olanda Bığırdan olan qadınların köməyindən yararlanır:

“Onlar çox zəhmətkeşdir. Həm bizə, həm də 15 manat alıb ailəsini dolanışığına kömək edirlər. Artıq işləyən qadınları biz tanıyırıq, iş olan kimi gedib gətiririk. İsti olduğu üçün yayda tezdən gedib gətiririk, çünki normalda çöldə 35-40 dərəcə isti olanda içəridə ikiqatı olur. Özümüz də onlarla birgə işləyirik və mövsümdə 2-3 dəfə onların köməyindən yararlana bilirik. Çünki istilikxanaların xərcini tam ödəyə bilməmişik. Xərc olmasa, onlara da çox iş imkanı yaradarıq”.

“….borc adamı vadar edir ki, əkini dayandırıb, günəmuzd işlərdə çalışsın”

Ləkçıplaq kənd sakini Azər Əhmədov isə deyir ki, torpaq olsa, insanlar öz təsərrüfatında çalışar. Həm öz təsərrüfatının sahibi, həm də çalışan fəhləsi olar. Ancaq tək torpağın olması yetmir, bir istilikxanaya 3 mindən çox xərc gedir. Bu da əlində vəsaiti olmayan kəndliyə sərf etmir. Məcbur qalıb gündəlik qazancı olan işlərlə dolanır. Ən çox Ləkçıplaq kəndi həmin qadınların əməyindən yararlanır.

“İstilikxananın qurulması əslində kəndliyə sərf etmir. Onun tikintisi üçün avadanlıqlar od bahasınadır. Əkindən sonra çəkilən xərclər isə lap əndazəni aşıb. Çünki payızda pomidora qurd dərmanı vurulur. Əvvəl onu 100 qramını 20-25 manata alırdıq, indi 45 manata güclə tapırıq. Məhsul yetişənə qədər müxtəlif gübrələr və elementlər verilir. Elementlərin kiloqramı 2 manatdan 5-6 manata, gübrələrin kisəsi isə 70-80 manata qalxıb. Nəzərə alın ki, üç-dörd ayda bundan neçə dəfə alıb istifadə edirsən”. “Şəxsən yazlıq da, payızlıq da istilikxana əkmişəm. Ancaq dolanışıq üçündür, qazanc yox. Dörd dəfə satmışıq, hələ xərci çıxmayıb. Mən çox istərdim ki, hamı öz təsərrüfatında əksin, özünə işləsin . Ancaq artıq xərcin çoxluğu, borc adamı vadar edir ki, əkini dayandırıb, günəmuzd işlərdə çalışsın. Bu mənada o qadınları yaxşı başa düşürəm”, – Azər Əhmədov deyir.

“Dövlət buna kömək etməli….”

Həm fermer, həm alıcı Mahir Musayev isə deyir ki, yazla müqayisədə payızlıq əkin yaxşıdır. Ancaq ötən ilin payızına çata bilməz. Çünki məhsul gec yetişib, qiymət də 3 manat 50 qəpiyə qədər bahalaşıb.

Digər kəndlərdəki işsizlərə gəldikdə isə dövlətin köməklik etməsini istəyir:

“Bu il payızlıq məhsul çox əkilib. Özüm iki istilikxanada ümumi 2 min 400 şitil əkmişəm, razıyam. Çünki satıcı, həm də alıcı kimi özümə sərf edir. Kəndləri gəzdiyimdən müşahidə edirəm ki, biz çox əkəriksə, işə ehtiyacı olan qadınlar da , insanlar da cəlb olunub çalışar bizimlə. Ancaq dövlət buna kömək etməlidir. İstilikxana əkən insanlara müəyyən xərclərdə yardım edilməlidir ki, biz də bunu artıraq və o insanları da ürəklə gündəlik işlərə cəlb edək”. //meydan.tv//

Fikrət Əmirov adına Gəncə Dövlət Filarmoniyası Gəncə şəhərində fəaliyyət göstərən möhtəşəm mədəniyyət kompleksidir və bu filarmoniyanın binası 2012-2017-ci illərdə Cavad xan və Həsən bəy Zərdabi küçələrinin kəsişməsində memar Ramiz Hüseynovun layihəsi əsasında inşa olunub.

Qeyd edək ki, Gəncə Filarmoniyasının əsası 1935-1936-cı illərdə Üzeyir Hacıbəyovun təşəbbüsü əsasında qoyulur. 1949-cu ildə bu filarmoniyanın fəaliyyətinə xitam verilsə də, 1990-cı ildən yenidən fəaliyyətə başlayır.

1959-cu ildə bəstəkar Xəlil Cəfərovun rəhbərliyi ilə Gəncədə yeni mahnı və rəqs ansambılı fəaliyyətə başlayır. Gəncədə ilk simfonik orkestr 1969-cu ildə Şirin Rzayev tərəfindən yaradılmışdır. Daha sonra xalq artisti Fikrət Verdiyevin rəhbərliyi ilə “Göy-göl ” mahnı və rəqs ansambılı özfəaliyyət olaraq fəaliyyətə başladı.

Heydər Əliyevin təşəbbüsü və köməkliyi ilə “Göy-göl” mahnı və rəqs ansamblına dövlət statusu verildi. Həmçinin bu dövrdə Gəncədə Kamera Orkestri də fəaliyyətə başladı və 1990-cı ildə Gəncədə Dövlət Filarmoniyası yenidən yaradıldı.

Gəncə Dövlət Filarmoniyasına məxsus yeni binanın təməli 21 yanvar 2012-ci il tarixdə ölkə rəhbərinin Gəncə şəhərinə etdiyi səfər zamanı qoyulsa da, onun açılışı 10 noyabr 2017-ci ildə prezident İlham Əliyevin iştirakı ilə baş tutur. 90-larda Gəncə filarmoniyasına rəhbərlik etmiş Şahnaz Haşımova daha sonra isə, yəni yeni inşa olunmuş filarmoniyanın rəhbəri azərbaycanlı tenor, Azərbaycan Respublikasının xalq artisti Samir Cəfərov təyin olunur. Daha sonra isə ,yəni 11 avqust 2022-ci ilə qədər musiqi sahəsindən olan Elçin Elçiyev direktor vəzifəsini icra edir.

Bu ilin avqust ayının 11-də Mədəniyyət naziri cənab Anar Kərimovun müvafiq əmri ilə, hər hansı bir musiqi təhsili olmayan , özünün dediyinə görə, ADAU-da iqtisadiyyat fakultəsini bitirən Rəşad Rauf oğlu Yusifov Gəncə Dövlət Filarmoniyasına direktor təyin olunur. O halda ortaya belə bir sual çıxır ki, görəsən görkəmli Azərbaycan bəstəkarı Fikrət Əmirovun adını daşıyan filarmoniyaya təyin olunan yeni direktor kimdir və yaxud indiki zamanda ənənəvi olan söz, kimlərdəndir?

Əldə etdiyimiz məlumatlara görə, Rəşad Yusifovun təqdimatında Gəncə Regional Musiqi İdarəsinin rəisi Vasif Cənnətov da iştirak edir. Elə ki, Gəncə Dövlət Filarmoniyasına rəhbərlik edən bu şəxsin həyat və fəaliyyəti ilə bağlı bir qədər araşdırma aparırsan, o halda məlum ki, Rəşad Yusifov əvvəllər Gəncədə tütün məhsullarının topdan satışı işləri ilə məşğul olur, hətta şəhərin mərkəzi ərazilərindən birində çayxana da işlədir.

O halda ortaya belə bir sual çıxır ki, görəsən nə oldu, nə baş verdi ki, Mədəniyyət naziri ticarətçi bir şəxsi Gəncə Dövlət Filarmoniyasına direktor təyin etdi? Ola bilərmi ki, bu adı gedən Rəşad Yusifov adlı şəxs sabiq baş prokuror Zakir Qaralovun 1-ci müavini olmuş Rüstəm Usubovun bacısının nəvəsi olduğuna görə belə bir təyinat

verilir? Əldə etdiyimiz başqa bir məlumata görə, Rəşad Yusifov Gəncə Regional Mədəniyyət İdarəsinin rəisi Vasif Cənnətovla yaxın qohumluq əlaqəsi olan vəzifə sahibidir. Ola bilər ki , hər sözü-söhbəti Mədəniyyət nazirliyində keçərli olan Vasif Cənnətov, bu şəxsin filarmoniyaya direktor təyin olunması üçün vargücü ilə çalışır, hətta “dəridən-qabıqdan da çıxır”. Qeyd edək ki, Cənnətov soyadını daşıyan bu şəxs illər öncə ADAU-nun iqtisadiyyat fakultəsində ali təhsil aldığından, onun nə musiqidən, nə də sənətşünaslıq elmindən heç bir xəbəri olmaması bu gün görkəmli bəstəkarın adını daşıyan filarmoniyaya incəsənətdən anlayışı olanı deyil sahibkarı təyin olunması üçün canfəşanlıq edib. Yeri gəlmişkən qeyd edək ki, Vasif Cənnətov Mədəniyyət nazirinin 1-ci müavini Elnur Əliyevin də yaxın qohumudur. Yəqin ki, hər iki şəxs arasında olan qohumluq əlaqəsi Rəşad Yusifovun təyinatında olduqca təsirli və keçərli olur. Bütün bunlara baxmayaraq, ortaya fərqli nüaslar da çıxır ki, onlardan da biri nazir Anar Kərimovun, illər öncə XİN-də birgə çalışdığı həmkarı Elnur Əliyevin Gəncə Dövlət Filarmoniyası ilə bağlı verdiyi əmrə əhəmiyyət verməməsi olur. Bəli, bütün bunlar sabiq nazir Əbülfəs Qarayevin sələfi ilə bağlı səslənən ittihamlardır, giley-güzarlardır.

Bir xatırlamanı yada salaq ki, hələ bir neçə il bundan öncə Gəncə Dövlət Filarmoniyasında korrupsiya faktı ortaya çıxdıqdan sonra, bəzi mədəniyyət işçiləri daşıdıqları vəzifələrinə “əlvida” dedilər, bəziləri isə bir-birini əvəzlədilər. Məsələn, Şahnaz Haşımova, Gülçin Mirzəyeva, Samir Cəfərov, Elçin Elçiyev və s. Adı çəkilən bu mədəniyyət işçilərindən sonra daha birisi, sahibkar Vasif Yusifov direktor təyinatı aldı.

Əziz oxucular! Bütün bunlar qəribə paradokslardır. Buradan bir haşiyə çıxıb demək istəyirik ki, Məşədi İbad demişkən “Mən özüm “Tarixi-Nadir” kitabını yarıya qədər oxusam da, amma heçnə anlamadım”. Bəs siz? Yəni ki, atasının , anasının oğlu Rəşad Yusifova 3 gün toy , bir gün kasıb toyu, bir gün varlılar üçün toy, bir gün dindarlar üçün nəzərdə tutulan toy oluna bilər bu mümkündür. Toy deyirlər ki, bir murazdır, amma bu günə qədər eşitmədiyimiz qalmadı, yəni ölkə başçısının Gəncə əhli üçün ərmağan olaraq tikintisinə diqqət yetirərək ərsəyə gətirdiyi Filarmoniyaya belə təyinat?

P.S. Belə bir təyinatdan sonra həm Elçin Elçiyevlə, həm də Vasif Yusifovla əlaqə saxlamağı özümüz üçün borc bildik. Elçin Elçiyevin verilmiş təyinatla bağlı fikri belə oldu ki, filarmoniyanın borcu var, Rəşad Yusifov onları tam şəkildə ödəyəcək. Rəşad Yusifov isə suallarımıza mədəniyyət sahəsindən deyil, məhz özünün qəbulundan, qəbul saatlarından və s. dəm vurdu. Bircə onu anlayıb dərk edə bilmədik ki, dövlət büdcəsindən ayrılan vəsaitlər hesabına inşa olunan və açılış tədbirində şəxsən möhtərəm Prezidentin də iştirak etdiyi filarmoniyanın hansısa məbləğdə borcu olsun, əgər borçu qalıbsa neçə olub ki, ölkə rəhbərliyinin məlumatı olmayıb bu borcdan?
globall.az

ABŞ Konqresinin Nümayəndələr Palatasının spikeri Nensi Pelosi Ermənistana səfər edib. Sentyabrın 17-də başlayan və 3 gün davam edəcək səfər ciddi rezonans doğurub.

Pelosi sentyabrın 18-də Ermənistan parlamentinin spikeri Alen Simonyanla keçirdiyi görüşdən sonra Azərbaycan əleyhinə kəskin bəyanatlar verib. O, Ermənistan və Azərbaycan silahlı qüvvələri arasında sentyabrın 12-14-də baş vermiş sərhəd toqquşmaları barədə danışarkən, günahkar qismində Azərbaycanı göstərib. “Azadlıq radiosu”nun Ermənistan redaksiyasının məlumatına görə, ABŞ rəsmisi ölkəmizi “Ermənistan ərazisinə qanunsuz və ölümcül hücumlar təşkil etməkdə” qınayıb (https://www.azatutyun.am/a/32039652.html). Pelosi deyib ki, “səfərdə olan nümayəndə heyəti sülh sazişinin perspektivlərini təhdid edən bu hücumları ABŞ Konqresi adından qətiyyətlə pisləyir”.

Nensinin səfər proqramının ziddiyyətli olacağı gözlənilirdi. Çünki, onun karyerası zatən ziddiyyətlərlə doludur. 2019-cu ildən etibarən Nümayəndələr Palatasına rəhbərlik edən xanım skandallı siyasətçi kimi ad çıxarıb. Avqust ayında Çin Respublikası prefekturasına - Tayvana etdiyi səfər də eyni rezonansı doğurmuşdu. Çin tərəfi səfərə rəsmi etirazını bildirmiş, ABŞ-ı və şəxsən Pelosini ittiham etmiş, xanım spikeri uçduğu təyyarənin vurula biləcəyi ilə hədələmişdi. ABŞ özünə bəraət qazandırmaq üçün bildirmişdi ki, Nensinin səfəri ABŞ administrasiyasının mövqeyini ifadə etmir. Hansı ki, xanım spiker vəzifəsi baxımından ABŞ iyerarxiyasında çox önəmli mövqe tutur.

Səfəri ilə Tayvanı bir növ müstəqil dövlət kimi şərəfləndirməyi hədəfləyən Konqres spikeri Çinin təhdid və hədələri ilə qarşılaşınca, səfərinin siyasi yükünü inkar etmiş, onu humanitar aksiya kimi qələmə vermişdi. Açıqlamalarından belə nəticə çıxmışdı ki, 82 yaşlı Nensi gələcək karyerasını humanitar aksiyalar üzərində qurmaq, dünyada insan haqları müdafiəçi imici ilə tanınmaq istəyir.

Onun 60 illik karyerası bu cür ziddiyyətli açıqlamalarla zəngindir.

Nensinin Ermənistana səfəri də bu qəbildəndir. İrəvan səfərinin əsas təşkilatçıları - erməni lobbisi fikir yaymışdı ki, Pelosi Azərbaycanla qarşıdurma halında olan Ermənistana dəstək verəcək, Qarabağ mövzusunda Ermənistanın mövqeyini gücləndirməyə çalışacaq. Amma o özü ilk bəyanatlarında fərqli danışmışdı. “Washington Post” qəzetinə açıqlamasında "səfərin insan haqları mövzunun müzakirəsinə, demokratik inkişafın dəstəklənməsinə” həsr ediləcəyini demişdi. İrəvandan yaydığı ilk açıqlamada da bu istiqaməti inkişaf etdirmişdi: “Ermənistanda təhlükəsizlik, iqtisadi inkişaf və demokratik durum müzakirə ediləcək”-demişdi. Sentyabrın 17-də, İrəvana səfərinin ilk günündə verdiyi rəsmi bəyanatda Qarabağ münaqişəsi mövzusuna ümumiyyətlə toxunmamışdı.

Nensinin səfərinin daha bir səbəbi barədə ehtimalı BBC gündəmə gətirmişdi. BBC ehtimal edirdi ki, Pelosi “Konqres üzvlərinin hədəfi olmamaq üçün" səfərinin real məqsədini gizlədir: “Onun Ermənistana səfəri ABŞ-ın daxili siyasi gündəmi və ölkədəki erməni lobbisinə yaxınlıq ehtiyacı duyması ilə əlaqəlidir” (https://www.bbc.com/azeri/region-62932331).

ABŞ-ın Azərbaycandakı sabiq səfiri Richard Kauzlarich də BBC-nin ehtimalını dəstəkləyib və daha da inkişaf etdirib. Bildirib ki, Nensinin Ermənistana səfəri “çoxlu amerikalı erməni seçicinin yaşadığı Kaliforniya ştatındakı daxili siyasətlə bağlıdır. O, gələn ay- noyabrın ortalarında- keçiriləcək aralıq seçkilərində erməni lobbisinin, erməni seçicilərinin səsini qazanmaq istəyir”. Erməni lobbisi ABŞ-da öz gücünə görə sayca 4-cü yerdədir.

Beləliklə, Nensi Pelosinin İrəvan səfəri barədə iki versiya daha çox dayanıqlı olubdur: birinci versiyaya görə, o Ermənistana səfər etməklə ABŞ-dakı erməni icmasının səsini almaq, erməni lobbisinin dəstəyini qazanmaq istəyir. İkinci versiyaya görə isə, Nensi gələcək karyerasını humanizm üzərində qurmaq, dünyada insan haqları müdafiəçi imici ilə tanınmaq istəyir. Bu baxımdan “zəif dövlətlərə, əzilən, haqsızlığa uğrayan xalqlara dəstək göstərir”.

Nensi erməni icmasından ianə qismində 50, səfər xərcləri üçün 25, Paşinyanı tərifləmək üçün 15 milyon dollar alıb

Amma Konqres spikerinin İrəvan səfərinin müzakirəsi və araşdırılması kontekstində yeni faktlar ortaya çıxıb. Bəlli olub ki, Nensi Pelosinin Ermənistan turunun səbəbi yalnız Demokratlar Partiyasına seçici qazandırmaqdan ibarət deyil.

Bəllidir ki, Pelosinin İrəvana səfəri barədə informasiyalar sentyabr ayının əvvəllərində gündəmə gəlmişdi. Amma ABŞ höküməti səfər xərclərini ödəməkdən imtina etdiyi üçün səfər ləğv olunmuşdu. ABŞ höküməti “sadə amerikalı vergi ödəyicilərinin hesabına Nensi Pelosinin İrəvan səfərinə maliyyə ayırmaqdan imtina etmişdi”. İndi bəlli olub ki, Nensi Pelosinin səfər xərclərinin bir hissəsini Konqresdə fəaliyyət göstərən Amerika Erməni Kommitəsi-ANCA ödəyib. Digər hissəsi isə Rusiyalı biznesmen Ruben Vardanyanın payına düşüb. Nensi Pelosinin İrəvana səfəri erməni icmasına nə az, nə çox, tam 120 milyon dollara başa gəlib.

Səfərin xərclərinin ödənilməsi haqqında açıq mənbələrdən görünür ki, Vaşinqtondakı erməni lobbiçilərin hesabına Ruben Vardanyanın bankı vasitəsilə 75 milyon dollar vəsait köçürülüb. Bu məbləğin 50 milyon dolları Demokratlar Partiyasına “birdəfəlik ianə” kimi nəzərdə tutulub. Yerdə qalan 25 milyon dollar isə Nensinin 72 saatlıq səfərinin təhlükəsizlik və digər xərclərinə sərf edilir. Səfərin təşkilatçısı qismində çıxış edən erməni şirkəti ABŞ Nümayəndələr Palatasının spikeri Pelosinin hesabına daha 15 milyon dollar ayıracaq ki, o, yekun bəyanatında Nikol Paşinyanın müdafiəsi üçün əlahiddə fikirlər səsləndirsin. Vasitəçi şitkət nümayəndələri olan 3 nəfər isə, hərəyə 10 milyon dollar olmaqla, ümumilikdə 30 milyon dollar “qonarar” alacaqlar.

Məsələnin təəccüblü tərəfi odur ki, bütün dünayada Rusiyalı iş adamlarına sanksiyalar tətbiq olunur. Belə durumda erməni əsilli Rusiya iş adamı Ruben Vardanyan Rusiyadan oğurladığı pullar hesabına ABŞ Konqresinin nümayəndələr palatası spikerinin səfəri üçün maliyyə ayıra bilir. Paralel şəkildə ABŞ-ın iqtidar partiyasına- Demokratlar Partiyasına- ianələr edə bilir.

İş ondadır ki, OCCRP ( Korrupsiyaya və Mütəşəkkil Cinayətkarlığa qarşı Jurnalistika Layihəsi) 2019 cu ilin mart ayında açıqladığı hesabatında Rusiyada yaşayan erməni əsilli oliqarxların fəaliyyətinə də toxunub. Onların Ermənistandakı oliqarxlarla müştərək şəbəkələrindən bəhs edib. Qeyd edilib ki, bu şəbəkə Rusiyada “çirkli pulların yuyulması”nda rol alıb. Özlərinə məxsus investisiya bankı vasitəsi ilə ölkədən 9 milyard dollarlıq vəsaitin çıxarılmasını təşkil ediblər. Hesabatda şərti olaraq “Troyka pulyuyan maşını” kimi təqdim edilən bu sxem korrupsiyaya bulaşmış Rusiya oliqarxlarının, siyasətçilərinin çirkli pullarının yuyulması, vergidən yayınması, mülklərinin xaricdə gizlədilməsi kimi fəaliyyətlərdə ittiham edilir. 53 yaşlı oliqarx milyarder, “Troyka Dialoq” investisiya şirkətinin keçmiş sahibi olan Ruben Vardanyan isə bu şəbəkənin açar fiqurlarından biri kimi təqdim edilib. Əlavə edilir ki, “şəbəkə” Rusiyanın hakim elitası ilə sıx əlaqəlidir. İndi isə ABŞ-ın Konqres spikeri Ruben Vardanyandan ianə qəbul edir.

Bu səfərin təşkilini Ruben Vardanyanın sanksiyalardan yayınmaq üçün verdiyi rüşvət kimi də qəbul edə bilərik.

Kiçik dövlətlər Ruben Vardanyanla münasibətə görə sanksiyaya məruz qalır, ABŞ Kongresinin spikeri isə onunla müttəfiqliyindən qazanc götürür.

Müqayisə üçün bildirək ki, OCCRP hesabatında adı “Troyka pulyuyan maşını” kimi təqdim edilən Ruben Vardanyan prosesi kiçik ölkələr üçün problemə çevrilib. Məsələn, Almaniya hökuməti “Troyka pulyuyan maşını” ilə adı keçən şəxslərə qarşı hüquqi təqib və əmlak sanksiyaları tətbiq edir (https://www.occrp.org/en/daily/12935-germany-raids-properties-linked-to-the-troika-laundromat). Yaxud, Avropa İttifaqı qanunvericiləri “Troyka pulyuyan maşını” ilə əməkdaşlıq etmiş bankirlərə qarşı sanksiyalar tələb edirlər ( https://www.occrp.org/en/daily/9372-eu-lawmakers-demand-sanctions-against-troika-laundromat-bankers). “Troyka camaşırxanası” hesabatı Avstriya banklarını da dağıdır (https://www.occrp.org/en/daily/9316-troika-laundromat-fallout-hits-austrian-banks). Monteneqronun Avropa İttifaqına üzvlüyü də bu proseslə əlaqə səbəbindən ləngidilir (https://www.occrp.org/en/troikalaundromat/how-russian-blood-money-flowed-into-montenegro).

ABŞ-ın özündə də Rusiya oliqarxlarına qarşı münasibət kəskindir. Rusiyanın əksər milyarderlərinə qarşı Qərb tərəfindən sanksiyalar tətbiq olunub. Yerdə qalanlar haqqında da ciddi araşdırmalar gedir. ABŞ Ədliyyə Nazirliyi bu sahədə əlahiddə iş başlayıb, Qərbin sanksiyalarından yayınmağa cəhd edən “rus oliqarxlarının” adlarını araşdırır. “Forbes” yazır ki, ABŞ prokurorları "Rusiya oliqarxlarının" Qərb sanksiyalarından yan keçməyə çalışdıqlarına dair sübutlar tapıblar ( https://www.forbes.ru/milliardery/461203-v-minuste-ssa-zaavili-o-popytkah-rossijskih-oligarhov-izbezat-zapadnyh-sankcij).

Rusiyaya qarşı tətbiq edilən sanksiyaların monitorinqini aparan “Trap Aggressor” analitik qrupu isə məlumat yayıb ki, ən məşhur 10 nəfər rus oliqarxının yarısı hələ də sanksiyalar altında deyil (https://www.epravda.com.ua/rus/news/2022/08/5/690060/). Qrup sanksiyadan kənarda qalan milyarderlərin adlarından ibarət siyahı tərtib edib. Amma maraqlıdır ki, araşdırmaların heç birində Ruben Vardanyanın adı keçmir. Bəs Ruben Vardanyan niyə kənarda qalıb, hansı səbəblərdən sanksiya tətbiqindən yayındırılıb? Sualın cavabı indi aydın olur. Bəlli olur ki, ABŞ Nümayəndələr Palatasının spikeri Nensi Pelosi “Troyka pulyuyan maşını” sexeminin müəllifi olan Ruben Vardanyanla şübhəli əlaqədədir, ondan ianələr qəbul edir. Vardanyanın sanksiyalardan yayına bilməsinin səbəblərindən biri də məhz budur. Bu informasiyanı gizlətmirlər. Açıq mənbələrdə paylaşıblar.

Pulu erməni lobbisindən alıb Azərbaycanı ittiham edirlər

Hər bir dövlətin lobbi maraqlarını həyata keçirmək kimi legitim haqqı vardır. Amma burada da məkirli oyunlar, haqsız rəqabət amilləri mövcuddur. 2018 ci ildə Azərbaycanın güya bəzi AŞPA deputatlarını rüşvət və bahalı hədiyyələrlə ələ alması üzrə araşdırmalar aparıldı. Hansı ki, Azərbaycan həmin şəxslər ilə sadəcə lobbi qrupları qismində əməkdaşlıq etmişdi. Korrupsiya ilə mübarizə əhəmiyyətli, vacib olsa da , bu araşdırmada sellektiv yanaşma sərgiləndi. Lobbi qrupları ilə iş Azərbaycanın kimlərəsə rüşvət verməsi kimi qələmə verildi. Əvəzində, rəsmən pulyuma əməliyyatlarında, korrupsiya hallarında ad çıxarmış erməni milyarderlərin Avropalı paralementarilərə rüşvət verməsi “Lobbi qrupları ilə iş” kimi təsnif edildi. Bu gün bəlli olur ki, erməni icmaları hətta ABŞ Konqresinin spikerinə də maliyyə verirlər və bu, “lobbiçilik işi” çərçivəsində rəsmiləşdirilir. Amma Azərbaycanla əməkdaşlıq edən nüfuzlu avropalı siyasilər. lobbi qrupları şərlənir, haqsız rəqabətə məruz qalırlar.

Yeganə Hacıyeva
Müşfiq Ələsgərli

Azerinfo.media xəbər saytına Lənkəran Regional Meşə Təsərrefatı Mərkəzində olan etibarlı mənbəmizin verdiyi məlumata görə, Lənkaran Regional Meşə Təsərrüfatı Mərkəzində acınacaqlı vəziyyət hökm sürür.
Belə ki, Lənkəran Regional Meşə Təsərrüfatı Mərkəzinə Ekologiya və Təbii Sərvətlər Nazirliyi tərəfindən 27 daimi fəhlə işə götürülməsi tapsiriği verilmiş və Nazir müavini Vüqar Kərimovun tapşırığı ilə 5 fəhlə ştatı onun tanış adamlarina verilmişdir.

Həmin 5 fəhlə ştatı tinglik sahələrində işləyir, yerdə qalan 17 fəhlə isə çıxmadan maaş alib bir hissəsini Vüqar Kərimovun "qara kassa"sı kimi tanınan Abuturab Bağırova çatdırırlar.

Nazirlik tərəfindən Mərkəzə verilmiş plan proqnozun icrası yaratmaz vəziyətdədir , belə ki, yuxarıda qeyd olunmuş fəhlələr işə çıxmadığı, dovriyyədə olan meşə əkinləri suvarılması və becərilməsi işləri aparılmadığindan 2020, 2021 və 2021-ci iln yaz mövsümündə Lənkaran Lerik və Astara meşələrində salınmış əkinlər tamamilə batmişdir.

Vuqar Kərimovdan soruşmaq lazımdır ki, yaz-payız mövsümündə jurnalistlərin qarşısına çıxıb əkin kompaniyasında ağız dolusu milyonlarla ağac əkməyinizdən danışırdınız bir dəfə də becərilməsi və suvarılmasından da danışsaydız yaxşı olardı. Vüar Kərimova sual olunur.
Keçən ilin payız mövsümündə Lerik və Lənkəran meşələrində əkin kompaniyasında iştirak etdiyiniz ərazidə əkilmiş əkindən bir ağac gedib göstərə bilərsinizmi?!
Əsla göstərə bilməzsiniz, çünki sizin apardığınız siyasət heç Şeytanın ağlına belə gəlməz.

Siz ölkə medyasının qarşısına çıxıb əkin kompaniyasından danışıb cənab Ölkə Başçısına yalandan hesabat verirsiniz, yerlerdə olan qara kassalarıniza isə fəhlələrdən 50 faiz əmək haqlarının yığılması tapşırığı verirsiniz. Sizdən soruşulur: o fəhlələr işə gedib işləyər ya havayı əmək haqqı alır?
Sizin apardiğiniz siyasətin nəticəsində Lənkaran Regional Meşə Təsərrüfatı Mərkəzinin Lənkaran, Lerik və Astara meşələrində salınmış meşə əkinlərindən belə əsər- əlamət qalmamışdır.

Qarşı tərəfi dinləməyə hazırıq

Gündəlik-Bakının “Məcid Əliyev Şəki və Zaqatala səhiyyəsini bazara çevirib” başlıqlı ötən yazısında Şəki Rayon Mərkəzi Xəstəxanasının ( RMX) Baş həkiminin qanunsuz əməllərindən bəhs etmişdik.
Qısa məlumat üçün qeyd edək ki, Şəki rayonunda iki korpusda rayon Mərkəzi Xəstəxanası (RMX), Doğum evi, Birləşmiş uşaq xəstəxanası, Psixatriya xəstəxanası, Ağ ciyər xəstəlikləri xəstəxanası, 7 poliklinika şöbə və poliklinika, 3 kənd sahə xəstəxanası, 15 kənd həkim məntəqəsi, Təcili yardım və s fəaliyyət göstərir. İndi gördünüzmü, Məcid Əliyevin tabeçiliyində böyük bir səhiyyə şəbəkəsi yerləşir. Məcid Əliyev 2010-2017-ci illərdə Şəki RMX-nin baş həkimi olduğu zaman yol verdiyi ciddi qanunsuzluqlara və külli miqdarda dövlət vəsaitini mənimsəməyə görə tutduğu vəzifədən kənarlaşdırılıb.
Məcid Əliyev Şəki RMX-nin baş həkimi olarkən Baş prokurorluq yanında Korupsiyaya qarş Mübarizə Baş İdarəsi tərəfindən aparılan yoxlamalar zamanı külli miqdarda yeyintilər aşkarlanıb. Məcid Əliyevin həbs olunması məsələsi gündəmdə olub. Lakin bunlara baxmayaraq Məcid Əliyev yüksək vəzifəli məmurun vasitəsilə nəinki, vəziyyətdən çıxa bilib, hətta Zaqatalada xəstəxanaya direktor vəzifəsinə də təyinat alıb.
Sonra isə Zaqatalada Mərkəzi xəstəxananın baş həkimi olub. Onun bu vəzifəyə təyin edilməsində TƏBİB-in rəhbəri Vüqar Qurbanovun da rolu olub. Görəsən az qala həbs olunmaq təhlükəsi ilə üz-üzə qalan Məcid Əliyev necə oldu ki, Zaqatala Mərkəzi Xəstəxanasına baş həkim təyin edildi..? Beləliklə Məcid Əliyev Şəkidəki əməllərini Zaqatalada davam etdirməyə başlayıb. Bəli, Məcid Əliyev Zaqatalada baş həkim kimi çalışarkən, rayonda “ölü canların” maaşını yeyən, korrupsioner birisi kimi tanınıb. Rayon ziyalıları mediaya müraciətində qeyd edirlər ki, bu gün elə bir tibb işçisi yoxdur ki, Məcid Əliyevə rüşvət vermək üçün Kapital Banka müraciət etməsin. Əgər doğrudan da kimlərsə bu məsələni yoxlamaq istəyirsə, buyurun yoxlayın. Məcid Əliyev rayona baş həkim gəldiyi gündən neçə nəfər tibb işçisi bankdan nə qədər kredit götürüb, miqdar isə onun tələb etdiyi qədərdir. Bu rəqəm 3000 – 5000 azn arasıdır. Bu hələ harasıdır..?
Məcid Əliyev elektrik generatotu almaq, hətta tualet kağızı, tibbi əlcək almaq üçün həkimlərdən pul yığır. Bəs görəsən dövlətin ayırdığı külli miqdarda vəsait kimlərin cibinə gedir..? Bütün bunlar ortada ola-ola Məcid Əliyev bir müddət əvvəl yenidən Şəkiyə qayıdıb.
Bəli, TƏBİB İdarə Heyəti sədrinin vəzifəsini icra edən Vüqar Qurbanovun əmri ilə Məcid Əliyev Şəki rayon Mərkəzi Xəstəxanasına direktor təyin edilib. Bəli, bu gün Şəkidəki xəstəxanaların işləməyən, ancaq adı olan texniki personalı öz maaşlarını baş həkimlə bölürlər. Məcid Əliyev bir çox kənd sahə xəstəxanalarına və həkim məntəqələrinə öz yaxın adamlarını rəhbər təyin etməklə, onların əli ilə ayrılan vəsaitlərin silinməsinə və bir çox şəxslərin adlarının həmin tibb ocaqlarında getməsinə şərait yaradır. Məcid Əliyev Şəkidə doğuşun, cərrahi əməliyyatların bahalı qiymətini müəyyən edib. Qeysəriyyə üsulu ilə doğmaq 600 manatdır. Deyilənə görə, Məcid Əliyev tibbi stansiyaların müdirlərindən hər ay 1500 alır.
Təsəvvür edirsinizmi, Məcid Əliyev tibbi məntəqələrə lazım olandan çox sanitar-xadimələr götürür və onların da maaşına şərikdir. İndi isə oxucularımıza və TƏBİB-in rəhbərliyinə Məcid Əliyevlə bağlı redaksiyamıza daxil olan yeni məlumatları təqdim edirik.
Daxil olan məlumatlara görə, Məcid doktorun qudası, Dəhnə klanının böyüyü, Moskvada tanınmış mafiya babası, Lotu Qulinin sağ əli kimi tanınan Elçindir.
Bəli, guya humanist həkim peşəsinin sahibi olan Məcid Əliyev adamlara mafiya babası Elçinin adı ilə hədə-qorxu gəlir. Məcid Əliyevin dostlarından biri də Şəkidə Qanköçürmənin sabiq müdiridir. Bu adam qan satdığına görə, vəzifəsindən uzaqlaşdırılıb. Və hazırda qiymətli ağacları kəsərək “ağac kömürü” biznesi ilə məşğul olur. Məcid Əliyev hazırda Qorxmaz adlı şəxsi Ümumi şöbəyə müdir təyin etmək üçün onun sənədlərini TƏBİB-ə göndərib. Ancaq Qorxmaz savadsız olduğu üçün imtahan verə bilmir.
Şəki səhiyyəsində kadr təyinatı məsələsində 113-də işləyən Arzu həkimin də rolu böyükdür. Onun da Məcid doktora təsir imkanları az deyil. Onun da sənədləri baş həkim təyin edilmək üçün TƏBİB-ə göndərilib. Məcid doktorun sürücüsü İlkin də özünə çox yaxın olan xanımı Arxiv şöbəsinə müdir təyin etdirib.
Onu da qeyd edək ki, Mərkəzi Xəstəxanada bir Göynük şəbəkəsi var. Belə ki, Ümumi şöbənin müdiri Göynüklü, müavini Göynüklü, oğlu da Təcili Yardımda işləyir. Baş həkimin müavini Vüqar isə Regional Maliyyə İdarəsinin sabiq müdiri çox hörmətli Həsən müəllimin qaynıdır. Bizim Həsən müəllimlə heç bir işimiz yoxdur, çünki o...
İndi isə keçək Məcid doktorun oğlunun macəralarına. İçki düşkünü olan, oğul 2 gündən bir avtomobilini içkili idarə etdiyi üçün QAİ-yə düşür və...sonda MTN-də çalışdığı vəzifəsindən uzaqlaşdırılıb. Məcid doktorun oğlu atasının pullarını otaqda səpələyərək fotosessiya göstərib və sosial şəbəkədə paylaşıb. Və nəticədə vəzifəsini itirib.
Yeri gəlmişkən, doktorun oğlu Dəhnə mafiyasının başçısı Elçinin kürəkənidir. Məcid Əliyevin bir qohumu Elnarə də Ailə Sağlamlıq Mərkəzində baş tibb bacısıdır. O isə ölülərə sağlamlıq kağızı verdiyi üçün onun barəsində prokurorluq cinayət işi açıb. Və əvvəlki baş həkimin vaxtında vəzifəsindən uzaqlaşdırılıb. Sonradan Məcid Əliyevin köməkliyi ilə məhkəmə yolu ilə işinə bərpa olunub. Məcid Əliyevin biznes şəbəkəsinə, obyektlərinə gəldikdə isə, onun Londonda evləri, Şəkidə “moyka”ları, inkubator fabriki və daha nələri... İşçilərə isə deyir ki, gətirin işdə saxlayaq...
Bir sözlə, Məcid Əliyev Şəkidə əməlli-başlı səhiyyə bazarı açıb.
gundelikbaki.com