Prezident İlham Əliyev Bakıda professor Gindes adına Uşaq və Yeniyetmələr üçün Respublika Vərəm Xəstəlikləri Sanatoriyasının əsaslı yenidənqurmadan sonra açılışında iştirak edib.

Sanatoriyanın yeni binası Prezident İlham Əliyevin müvafiq Sərəncamlarına əsasən inşa olunub.

Səhiyyə naziri Teymur Musayev dövlətimizin başçısına görülən işlər barədə məlumat verib.

Bildirilib ki, 1914-cü ildən fəaliyyət göstərən professor Gindes adına Uşaq və Yeniyetmələr üçün Respublika Vərəm Xəstəlikləri Sanatoriyası sağlamlığına qovuşmaq istəyən şəxslərin istifadəsi üçün tam hazır vəziyyətə gətirilib. Sanatoriya üçün 300 çarpayılıq beşmərtəbəli yeni bina inşa edilib. Sağlamlıq müəssisəsində müasir avadanlıqla təchiz olunmuş laboratoriyalar, şüa-diaqnostika, poliklinika, fizioterapiya şöbələri fəaliyyət göstərəcək. Sanatoriyaya uşaqlar 6 yaşa qədər və 7-17 yaş qrupları üzrə qəbul edilir.

Sanatoriyada stasionar şəraitdə müalicə alan uşaqların 11 illik təhsili təşkil olunacaq və beləliklə, onların təhsillərində fasilələr yaranmayacaq.

Prezident İlham Əliyev sanatoriyanın fizioterapiya, rentgen otaqlarında, kliniki laboratoriyada, yeməkxanada, akt zalında, kitabxanada, palatalarda, sinif otaqlarında yaradılan şəraitlə tanış olub.

Ədliyyə Nazirliyi tərəfindən keçirilən tender müsabiqəsinin (Açıq tender) qalibi məlum olub.

DİA.AZ-ın məlumatına görə, yeniavaz.com açıqlanan rəsmi məlumatlara istinadən bildirir ki, tender müsabiqəsinin qalibi “Evrodizayn” QSC-yə (VÖEN- 2900061521) olub.

Ədliyyə Nazirliyi məhkum edilmiş şəxslərə tətbiq olunan elektron nəzarət vasitələrinin və aidiyyəti avadanlığın satınalınması, eləcə də elektron monitorinq sistemlərinin, “Cəza çəkən məhkumlar və həbs olunmuş şəxslər” informasiya resursunun, mövcud elektron nəzarət qurğuları və digər avadanlıq, lisenziyalar, proqram təminatı, habelə rabitə infrastrukturunun saxlanılması, inkişafı və texniki dəstəyin göstərilməsi üzrə xidmətlərin satınalınması üçün “Evrodizayn” QSC-yə 6 milyon 895 min 794 manat 48 qəpik ödəyəcək.

Məlumat üçün qeyd edək ki, “Evrodizayn” QSC 10.08.1998-ci il tarixində dövlət qeydiyyatına alınıb. Nizamnamə kapitalı 2 000 manat olan QSC-nin hüquqi ünvanı “Nəsimi rayonu, Abbasqulu Bakıxanov ev. 6”-da yerləşir. “Evrodizayn” QSC -nin qanuni təmsilçisi Tağıyev Teymur Ramis oğludur.

Onu da qeyd edək ki, uzun illər mətbuatda “Evrodizayn” QSC-nin mərhum Gənclər və İdman Baziri Azad Rəhimova məxsus olması ilə bağlı çoxsaylı məlumatlar yayılıb və bugünə kimi təkzib olunmayıb. Bildirilir ki, “Evrodizayn” QSC “İtaldizayn” şirkətlər qrupuna daxildir və Azad Rəhimov rəsmi tərcümeyi halında da göstərilir ki, mərhum nazir 1998-2006-cı illərdə bu şirkətlər qrupunun rəhbəri olub.

Bizim məşhur el misalı var - nə tökərsən aşına, o da çıxar qaşığına... Keçmiş baş prokuror, odioz fiqur kimi həmişə yadda qalan Zakir Qaralov da indi həmin qara günlərini yaşamaqdadır. Onun 20 illik baş prokuror fəaliyyəti, bu müddətdə çıxardığı qanunsuz qərarlar, indi adının "MTN işi"ndən tutmuş "Tərtər işi"nə qədər hallanması bir-bir gündəmə gəlməkdədir. Məlum olur ki, 20 illik kriminal fəaliyyəti ilə Qaralov bütün qaranlıq və səs-küylü işlərə bağlı olubmuş. Bunu ölkənin tanınmış vəkillərinin ortaya qoyduğu sübutlar, dəlillər təsdiqləyir. Son günlər elə bu səbəbdən tirajlanan ən maraqlı xəbər onun ölkədən çıxışına stop qoyulmasıdır. Düzdü, Baş Prokurorluq, ardınca ailəsi adından yayılan bəyanatlarda təkzib olundu, hər halda "od olmayan yerdən tüstü çıxmaz" misalı da boşuna deyilməyib. Əslində, Qaralov baş prokuror olduğu dövrdə etdiklərini indi özünə qarşı görməkdədir. Kiminin ölkədən çıxışına əsassız stop qoyması, kiminin barəsində cinayət işi açdırması... Ən əsası da müstəqil mətbuata münasibətdə qəddar və amansız idi. Ancaq Qaralov istər "MTN işi", istər jurnalistləri prokurorluğa çağırıb hədələməkdə tək olmayıb, bu işlərdə onun "sağ əli" birinci müavini Rüstəm Usubov idi. Elə bu hadisələr və son dövrlər Qaralov haqda yayılan xəbərlər fonunda Anaxeber.az-ın bloklanması, baş redaktoru Azər Talıbovun düz 3 dəfə prokurorluğa çağırılaraq xəbərdarlıq edilməsi yada düşür. İndi Qaralovun "Tərtər işi" ilə əlaqəsi olmadığını iddia edənlər üçün əsl arxiv və arayışdır bu fakt: Anaxeber.az-ın baş yazarı Azər Talıbov prokurorluğa 3 dəfə çağırılır, keçmiş baş qərargah rəisi Nəcməddin Sadıkov haqda gedən materiallara görə xəbərdarlıq olunur, həbs ediləcəyi ilə təhdid edilir. Tarix 2017, mayın 15-i... Baş prokurorun 1-ci müavini Rüstəm Usubov və qurumun o vaxtkı mətbuat katibi Eldar Sultanov görüşdə iştirak edir. Və... Usubov əsl gestapo füreri rolundadır, sanki jurnalist Talıbov da, onun girovudur. Qaralovun müavini elə həmin vaxt otaqda jurnalisti hədələyir - özünü yığışdır, ailə - uşaq sahibisən, elə etmə ki səni həbsxanaya göndərək. Təsəvvür edin, ölkənin baş prokurorunu təmsil edən müavini Nəcməddin Sadıkov və digər şəxşlər haqda tənqidi məqalələrə görə jurnalisti həbslə qorxudur. İndi məlum olur ki, Sadıkov barədə iddialar da xeyli həqiqət imiş, elə Qaralovla Usubov da bir sıra çirkin işlərə qarışıblarmış. Daha sonra jurnalistə edilən xəbərdarlıq rəsmi şəkildə yayımlanır və indiyədək prokurorluğun saytında qalmaqdadır. Guya jurnalist Talıbov dövlət sirrini yayıb, məsuliyyətsizlik edib. Halbuki çox sadə sual yaranır - əgər jurnalist dövlətin sirrini bilirsə, onun harası dövlət sirri oldu? Yəni tam bir absurd səbəb. Sadəcə, məqsəd Nəcməddin Sadıkov barədə məlumatları dövriyyədən çıxarmaq idi ki, buna görə Qaralov - Usubov cütlüyü jurnalisti "ailə, uşaq var, səni həbs edərik" deyə təhdid etmişdilər. Bütün bunlar göstərir ki, Qaralovla Usubov baş prokurorluqda hansı çeteni qurublar, bu orqanı necə idarə ediblər. Bu gün ciddi araşdırmalar aparılarsa, ortaya sensasion sübutların çıxacağı da istisna deyil. Ümumiyyətlə, sual meydana çıxır ki, o dövrdə mətbuata qənim kəsilən, jurnalistləri tez-tez çağırıb xəbərdarlıq edən, qorxudan Qaralovla Usubovun adı cürbəcür hadisələrə qarışmış Nəcməddin Sadıkovu, eləcə də digər məmurları mediadan qorumaqda məqsədləri nə idi? İndi dövlət baba bunları da araşdırmalıdır; jurnalistin bir cümləsinə görə çağırıb dörd divarla hədələyirdilərsə, buyursunlar, bunu edənləri də dindirsinlər - kimi kimdən, niyə qorumaq istəyirdiniz? Suallar çoxdur. Bu suallara ən dolğun cavabı isə heç nədən çəkinmədən bu işi sonadək araşdırmalı olan istintaq verə bilər. Əgər bu iradə sonadək ortaya qoyulsa, böyük ehtimalla bu işin arxasında təkcə Nəcməddin Sadıkovun deyil, prokurorluğun əvvəlki rəhbərliyinin və “5-ci kolon”un ən təpədəki isminin də rol aldığı üzə çıxa bilər...
AnaXeber.info

“Sərhəddə məndən müsadirə olunmuş zəliləri saxlanılması üçün Ekologiya və Təbii Sərvətlər Nazirliyinin Kiçik Qızılağac Balıqartırma Təsərrüfatına təhvil veriblər. Təsərrüfatın müdiri də zəliləri satıb. Məhkəmələr qərar çıxarıb ki, Balıqartırma Təsərrüfatı mənə 120 min manatı ödəsin, ancaq məhkəmə qərarı icra olunmur”.

DİA.AZ xəbər verir ki, bu sözləri Masallının Boradigah kənd sakini Azad Abdullayev Meydan TV-yə deyib.

O bildirib ki, dədə-babadan tibbi müalicəvi zəli yetişdirməsiylə məşğul olublar. Uzun illərdir ki, zəli yetişdirib həm ölkə daxilində, həm də əsasən İranda satırlar. 2017-ci ildə növbəti dəfə Astaradan və Biləsuvardan bir gün fərqi ilə İrana zəli keçirmək istəyərkən saxlanılıb. Səbəb zəliləri təhvil verəcəyi İrandakı müəssisə ilə aralarında müqavilənin olmaması imiş. Zəlilər müsadirə olunub, özü isə bir neçə nəfərlə birlikdə (aralarında gömrük işçiləri də olub) cinayət məsuliyyətinə cəlb edilib. Astara gömrüyündə müsadirə olunan 68 min ədəd zəli Neftçaladakı Kərimov adına Balıqartırma Zavoduna, Biləsuvar gömrüyündə müsadirə olunmuş 112 min ədəd zəli isə Ekologiya və Təbii Sərvətlər Nazirliyinin Kiçik Qızılağac Balıqartırma Zavoduna saxlanması üçün təhvil verilib. Azad Abdullayev 7 ay istintaq müddətini həbsdə keçirib və bu zaman hər iki zavodun rəhbərliyi onlara saxlanılması üçün verilmiş zəliləri satıb. Lənkəran Ağır Cinayətlər Məhkəməsi ona 2 il müddətinə şərti cəza kəsib, hökmdə müsadirə olunmuş zəlilərin özünə qaytarılması da əksini tapıb. Azad Abdullayev azadlığa çıxanda dəymiş zərərin ödənilməsi üçün hər iki zavodun rəhbərliyini məhkəməyə verib. Məhkəmə Neftçaladakı Kərimov adına Balıqartırma Zavodunun 68 min manat, ETSN Kiçik Qızılağac Balıqartırma Zavodununsa 112 min manat zərərin ödənilməsi ilə bağlı qərar çıxarıb. Kərimov adına zavodun rəhbərliyi zərəri ödəsə də, zəlinin sahibi digər zavodla bu mövzuda hələ də çəkişir.
Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətindən bildirilib ki, mübahisə predmeti olan zəlilər dövlətin olub. Azad Abdullayev dövlətin sərvəti olan zəliləri qaçaqmalçılıq yolu ilə başqa ölkəyə keçirmək istəyərkən həbs olunub və məhkum edilib.
Ancaq Azad Abdullayev başqa söz deyir:

“Qeyd etdiyim kimi, Kərimov adına Balıqartırma Zavodu zərəri ödədi, ancaq digər zavodun direktoru Dadaş Abbasov məhkəməyə zəlilərin ölməsiylə bağlı saxta sənəd düzəldib təqdim etdi. Hakim sənədin saxta olduğunu bildi və zavodun direktoruna “bilirsən də buna görə səni nə gözləyə bilər”, – dedi. 1 il 6 ay çəkən məhkəmə zavoda qarşı 112 min manat maddi zərərin ödənilməsi iddiamın təmin olunmasıyla başa çatdı. Qarşı tərəf apelyasiya şikayəti verdi, 1 il 4 ay da o məhkəmə davam etdi, məhkəmə mənim iddiamı təmin edən Qətnaməni qüvvədə saxladı”.
Azad Abdullayevin sözlərinə görə, kassasiya şikayəti müddəti ötsə də, qarşı tərəf Ali Məhkəməyə kassasiya şikayəti vermir, ona dəymiş zərəri ödəyəcəyini vəd edir:
“Zavodun direktoru Dadaş Abbasov Lənkəran rayon İcra və Probasiya Şöbəsinə daxil olduqdan sonra icra məmuruna dedi ki, Ekologiya və Təbii Sərvətlər Nazirliyinin hüquqşünaslarıyla məsləhətləşib, qərara gəliblər ki, dəymiş zərər ödənilsin. İcra məmurunun yanında izahat yazdı ki, 2022-ci il fevralında nazirlik tərəfindən dəymiş zərər ödəniləcək. Fevral ayı oldu, ödəniş edilmədi. İcra məmuru nazirliyin hüquq şöbəsi ilə əlaqə saxladı, yenə nəticəsi olmadı. Zavodun əmlaklarına həbs qoyuldu. Qarşı tərəf məhkəməyə verib, əmlakları həbsdən çıxartdı, əvəzinə, zavodun həyətindəki torpaq təpəciklərə həbs qoyuldu. Yəni bildiniz də, təpəciklər deyəndə söhbət nədən gedir. Gölü qazıb, torpağı kənara tökürlər, torpaq təpəciklər yaranır, öz aralarında buna “damba” deyirlər, bax, həmin “damba”lara… Mən etiraz etdim, dedim, torpaq yığınından əmələ gələn təpəcik nə vaxtdan əmlak sayılır? Zavodda işlək vəziyyətlə olan 42 min manatlıq kürüyetişdirmə sexləri var, həbs onların üzərinə qoyulsun. Zavodun direktoru Dadaş Abbasov dedi, o təpəciklərin 290 min manat dəyəri var. Hakim də bu sözün əsasında təpəciklərə həbs qoydu”.
Azad Abdullayev bu ilin mayında Fuad Ələsgərovun, iyununda baş prokuror Kamran Əliyevin qəbulunda olub. Kamran Əliyev məsələni şəxsi nəzarətinə götürəcəyini deyib. Bir neçə gün sonra icra məmuruna Baş prokurorun işi şəxsi nəzarətinə götürməsi barədə iki cümləlik məktub daxil olub, vəssalam.
Azad Abdullayev Bakıya – ekologiya və təbii sərvətlər naziri Muxtar Babayevin qəbuluna gəlib. Ona nazirin növbəti gün Qazaxda qəbul keçirəcəyini bildirərək ora getməsini tövsiyə ediblər. O da Qazax rayonuna gedib, ancaq nazirin qəbulunda eşitdiyi söz onu məyus edib:
“Dedi, mənim bu işdən heç xəbərim yoxdur ki… Dedim, necə yəni xəbəriniz yoxdur, zəliləri satıb, pulunu yemisiz, 4 ildir məhkəmələr gedir, naziri olduğunuz quruma qarşı iddia qaldırılıb və təmin olunub, bu boyda həngamədən necə xəbərsiz qala bilərsiz? Mənə son sözü bu oldu ki, dövlət vətəndaşa pul ödəmir”.
Nazirin qəbulundan 20 gün sonra Azad Abdullayev yenə Ekologiya və Təbii Sərvətlər Nazirliyinin hüquq şöbəsiylə əlaqə saxlayıb. Ona “məsələ araşdırılır” deyilib:
“Dedim, bu işi məhkəmə araşdırıb, hüquqi qiymətini də verib, siz kimsiniz ki, araşdırma aparasınız? Sizin işiniz odur ki, məhkəmənin kəsdiyi pulu vətəndaşa ödəyəsiz”.

2015-ci ildən başlayan və paytaxt Bakının ən elitar ərazilərindən birində -- Nərimanov rayonu, Səməd Vurğun küçəsi, 120 ünvanında yerləşən "Yasmin" Biznes Mərkəzi ətrafında başlayan insident səngimək bilmir. Ölkənin bir çox mətbuat orqanları kimi, "Araz Media Qrupundakı araz.az xəbər portalı və digər media vasitələri də, artıq xeyli müddətdir ki, bu intriqa barədə silsilə yazılar dərc edirlər. Bu yazılarda xüsusi olaraq o vurğulanır ki, Biznes Mərkəzinin mürəkkəb tikinti quruluşlu görkəmi olduqca cəlbedici görünən 7 mərtəbəli binasından özlərinə olduqca baha qiymətə obyekt və ofislər alan 20 nəfərdən çox iş adamı ilə, "Xalq Bank"ı kölgədən idarə edənlər arasında uzun müddətdir davam edən bu çəkişmədə, halal mülk sahiblərinə qarşı əsl düşmən mövqeyi nümayiş etdirilir. Konkret desək, sahibkarların başlarına oyun açmaqdan çəkinməyənlər, hətta zərərçəkən bu iş adamlarının müxtəlif ölçülü halal mülklərinə min cür hiylə, fırıldaq, iftira... dolu iyrənc planlı oyunlardan çıxmaqla əl də qoya biliblər. Onların göstərişləri ilə, sahibkarlar binanın içərisində yerləşən, eləcə də qapıları bayıra açılan obyekt və ofislərinə belə yaxın buraxılmırlar.

Bu yerdə, bu qalmaqalla bağlı olan və hətta həmin yazılarda da xüsusi olaraq göstərilən olduqca maraqlı bir epizod barədə bir daha onu qeyd etmək istəyirik ki, bəli, "Yasmin" çəkişməsi başlayandan bu günədək, kölgədəki bankirlər tərəfindən qanunsuz təşkil edilən "razborka dəstəsinin qoluzorlularını" halal mülkünün -- aptekinin qapısına yaxın buraxmayan yeganə sahibkar Qalib Məmmədovdur. İndiyədək dəfələrlə təzyiq və təhdidlərlə üzləşsə də, o, öz mülkünü qorumaqda israrlı olub həmişə. Bu günlərdə ona qarşı yenidən qızışan təhdid və hədə-qorxular özünün pik həddinə çatsa da, aptek sahibi yenə öz halal və qanunlarımız çərçivəsində olan mübarizəsindən əl çəkmək istəmir. Üstəlik, məcburiyyətdən, bu aptek sahibi dövlət başçısı möhtərəm İlham Əliyev cənablarına, Azərbaycan Respublikasının Birinci vitse-prezidenti, çox hörmətli Mehriban xanım Əliyevaya, ölkənin Baş naziri cənab Əli Əsədova, eləcə də digər əlaqədar dövlət qurumlarının rəhbərlərinə, bu günlərdə, daha bir kəskin şikayət xarakterli Müraciət ünvanlayıb. Qalib Məmmədov bir nüsxəsini də araz.az-a göndərdiyi özünün bu Müraciətində, xüsusi narahatçılıqla aşağıdakıları qeyd edir:

" "Yasmin" Biznes Mərkəzi qalmaqalında zərər çəkən bir mülk sahibi kimi, "Xalq Bank"ı kölgədən idarə edənlər tərəfindən pozulan hüquqlarımın qorunması və bərpası üçün bir daha sizlərə müraciət edirəm. Çünki mülkiyyətçi hüquqlarımı kobud şəkildə pozanların heç nə veclərinə deyil. Onlar, "Yasmin"dəki bu qalmaqal və intriqaların getdikcə böyüməsindən, vaxtilə Biznes Mərkəzinin baxımlı binasından özlərinə olduqca baha qiymətə obyekt və ofislər alan 20 nəfərdən çox iş adamına -- halal mülk sahiblərinə qarşı əsl düşmən mövqeyi nümayiş etdirir, başlarına oyun açmaqdan çəkinmir, sanki bundan ləzzət alırlar. Nəticədə, "Yasmin" ətrafındakı xoşagəlməz olaylar, getdikcə böyüyərək, artıq ictimai qınağa çevrilir.

Bu qalmaqalda əsas günahkarların -- bankı kölgədən idarə edənlərin, Biznes Mərkəzinin özünün binasını tikən “Mars -- M” MMC-nin hazırda həbsdə yatan sahibi və direktoru Mərhəmət Bəşirovun əvvəlcədən planlaşdırdıqları belə bəd əməlləri nəticəsində, törədilən qanqaraldıcı qanunsuzluqlar, artıq çoxdandır ki, açıq-aşkar göz qabağına qoyulub. Onlar getdikcə daha da böyüyən "Yasmin" qalmaqalında, yalanla həqiqət arasındakı sərhədi belə dəfələrlə dumanlandırnağa çalışıblar. Bir sözlə, "Xalq Bank"ı kölgədən idarə edən və bizə -- halal mülk sahiblərinə qarşı düşmən mövqeli nüfuz sahibləri əvvəlcədən göz dikdikləri “Yasmin”in baxımlı binasını, "ağına-bozuna baxmadan" ələ keçirməkdə israrlıdırlar. Elə, buna görədir ki, heç bir qanun çərçivəsinə sığmayan istədikləri hərəkətləri etməkdən çəkinmirlər. Dəhşət ondadır ki, onlar, zərərçəkən iş adamlarının hər birinin binanın içərisində yerləşən, eləcə də qapıları bayıra açılan müxtəlif ölçülü halal mülklərinə min cür hiylə, fırıldaq, iftira... dolu iyrənc planlı oyunlardan çıxmaqla əl qoyublar, onları obyekt və ofislərinə belə yaxın buraxmırlar.

Doğrudan da, qanun və vicdan çərçivəsinə sığmayan vasitələrlə hər şeyə nail olanlar, mənim, sahibi olduğum 70 kvadratmetrlik mülkümün -- aptekimin də işləməsinə imkan vermirlər. Halbuki Biznes Mərkəzinin binasını tikən qurumla alqı-satqıya dair bütün qanuni müqavilə və maliyyə arayışlarım olduğu üçün, bu sözügedən sahə 2010-cu ildən mənim mülkiyyətimdədir. 2013-cü ildən isə, burada əhaliyə yüksək səviyyədə xidmət göstərən aptek işlətmişəm və hazırki çətin şəraitdə belə, öz işçilərimlə bu xidməti davam etdiririk. Bu barədə, müvafiq vergi kodum və Səhiyyə Nazirliyindən alınmış lisenziyam da mövcuddur. Sahə, "Azsığorta" ASC tərəfindən, hər il icbari sığorta və DİN-in Mühafizə Xidməti tərəfindən mühafizə olunurdu. Bu barədə də, əlimdə müvafiq qanuni müqavilələr və digər rəsmi sənədlər var.

Məhz yuxarıda qeyd etdiyim və mövcud qanunlarımızın hərtərəfli dəstəklədiyi vacib detallara görə də, bir daha qəti şəkildə deyirəm ki, "XalqBank"ı kölgədən idarə edənlər bu obyektimi mənim mülkümdən heç cür çıxara bilməz. Mən, bir sahibkar olaraq, özümə aid sahədə, öz mülkümdə qanuni fəaliyyət göstərirəm. Mülkümü ələ keçirməyi tezləşdirmələri üçün, bank əməkdaşları isə, mənə hədə-qorxu gəlməkdən, əsl terrorçuluq kimi əməllər törətməkdən çəkinmirlər. Hətta illərdi ki, obyektimə gələn su, işıq və qaz da onlar tərəfindən kəsilib. Bu, əsl şeytan əməlidir və vicdan çərçivəsində buna heç cür haqq qazandırmaq olmaz. Çünki bu şeytan əməli nəticəsində, mənim vaxtilə daha baha qiymətə aldığım olduqca qiymətli və az tapılan dərman preparatları, üstəlik tibbi ləvazimatlar aptekdəki belə bir şəraitsizlikdə getdikcə daha sürətlə xarab olur. Bu səbəbdəndir ki, bir sahibkar kimi mənə dəyən ziyanın miqdarı, artıq, ölçüyəgəlməz həddə çatıb.

Üstəlik, mülkümü ələ keçirmək üçün, son vaxtlar mənə hədə-qorxu gələnlər, sadəcə terrorçuluq edirlər. Mənsə öz mülkümdə qanuni fəaliyyət göstərirəm. Məni oradan zorla çıxarmaq istəyənlər cinayətkar və terrorçu olacaq. Axı, belə bir qərarı, ancaq və ancaq, vicdan və qanun çərçivəsində işləyən haqq-ədalət məhkəmələri verə bilər! Əfsuslar ki, bu məhkəmələr də, haqq-ədaləti yox, qorxudan onların dediklərini müdafiə edirlər. Məcburiyyətdən, burada incidilən sahibkarlar Avropa İnsan Hüquqları Məhkəməsinə üz tuturlar. Həmin məhkəmə də, sahibkarların iddialarını müdafiə edib və bu barədə bir-neçə Qətnamə və Qərar verib. Bunu isə, mən, dövlətimizin adına və getdikcə artan beynəlxalq nüfuzuna layiq hal kimi qəbul etmirəm.

Məni və işçilərimi incidənlərə, ailəmi narahat edənlərə -- hakimiyyətdəki nüfuz sahiblərinin adlarından sui-istifadə etməkdən çəkinməyən bədniyyət insanlara qəti şəkildə bir daha bildirirəm ki, mən həmişə dövlətimizin mənafeyi naminə çalışan, lazım gələrsə, canımı millətim yolunda qurban verməyə hazır olan bir ölkə vətəndaşıyam! Təcavüzkarlar onu da yaxşı bilməlidirlər ki, halal mülkümü əlimdən almaqla, məni, qeyri-birisinə çevirə və sındra da bilməzlər -- mən öz haqq mübarizəmi sonadək davam etdirəcəm! Bir daha deyirəm, məni, özümə məxsus halal mülkümdən zorla heç kəs çıxara bilməz! Zorla çıxarmaq istəyənlərə isə, sonda, cinayətkar və terrorçu damğası vurulacaq! Bu, belə də olmalıdır, inşallah! Çünki Böyük Allah da hər şeyi görəndir və bu müqəddəs varlıq tərəfindən, günah işlədənlər gec-tez öz layiqli cəzalarını alırlar. Bir də ki, illərdi əziyyət çəkərək, bir sahibkar kimi, yer etmişəm özümə. Axı, mülk də, Böyük Allaha məxsus toxunulmaz bir əmanətdir! Kim ona təcavüz və xəyanət edərsə, Ulu Tanrının özü onun bəlasını verər! Bu, açıq-aşkar namərdlikdir! Haqq nazilər, üzülməz, öz yerini tapar, inşallah!".
Müraciətinin sonunda obyekt sahibi, indi, onun kimi, digər zərərçəkənlərin də hədsiz dərəcədə narahat olduqlarını qeyd edir. Bu işdə ona və digər mülk sahiblərinə kömək əli uzatmalarını xahiş edərək, umidini yalnız onlara bağladığını bildirir. Edəcəkləri köməyə görə, onlara qabaqcadan minnətdarliğını da çatdırır.
araz.az

Dövlət məmurlarının, deputatların sahibkarlıqla məşğul olması qanunla qadağan olunsa da səlahiyyət sahibləri min türlü yolla bizneslərini qoruyub saxlayırlar. Əllərində olan səlahiyyətlərdən yalnız şəxsi maraqları üçün istifadə edənlər arasında deputat Ağalar Vəliyevin adı ilk sıralarda gəlir.

Haqqında verilən rəsmi məlumatlarda "Azəraqrartikinti" Açıq Səhmdar Cəmiyyətinin Müşahidə Şurasının sədri və millət vəkili kimi təqdim olunsa da onun “Kristal Abşeron” QSC-nin əsl sahibi olduğunu da bilməyən yoxdur. Media üzərindən qısaca bir araşdırma aparmaq kifayətdir ki, bu şirkətin fəaliyyətində kristallıqdan heç bir əlamətin olmadığının şahidi olasan. İnternetdə şirkətin adı ancaq özbaşınalıqlarla, şok maxinasiyalarla, insanları aldadaraq fırıldaq gəlməklə hallandırılır. Əgər deyilənlər doğrudursa, bir millət vəkilinin sahibi olduğu şirkətin millətə bundan böyük nə “xidməti” ola bilər ki?
Şirkəti Məhayət Nəbiyevin adından idarə edən Ağalar müəllim hətta camaata hədə-qorxu, “xox” gəlməkdən də çəkinmədiyi də media portallarında təkzibsiz olaraq öz əksini tapır. Bildirilir ki, bunun üçün şirkətin xüsusi qoçu dəstələri də var ki, evindən çıxmaq istəməyən, şirkətin şərtlərini qəbul etməyənlərlə onlar «danışırlar».
Mənzillərin vaxtında təhvil verilməməsi, keyfiyyətsiz təmir, bağlanan kredit müqavilələrinin şərtlərinə əməl etməmək kimi problemlər isə Kristal Abşeronun iş prinsipi hesab oluna bilər.
Kristal Abşeron üstəlik mənzil sahiblərindən mühafizə pulu, xadimə pulu, lift pulu, istilik pulu yığır. Amma inşa olunun binalarda yaşayanlar çox pis şəraitdə gün keçirirlər. Yığılan pullar isə mənimsənilir, vergidən yayındırılır.
«Kristal Abşeron»da baş verən vergi cinayətlərini isə əlaqədar qurumlar araşdırsalar indiki çətin vəziyyətdə dövlət büdcəsi bir xeyli gəlir əldə edər. Bildirilir ki, alqı-satqı zamanı daha çox nağd hesablaşmaya üstünlük verən şirkət bu yolla milyonları vergidən yayındırmağı bacarır.
İndiyə qədər bir şəhid, qazi ailəsinə yardımda adı çəkilməyən Ağalar müəllimin zamanında MTN şefinə 1 milyon pul verməsi, sabiq MM sədri Oqtay Əsədova milyonluq mülk bağışlaması, hətta müğənnilərə belə mənzil hədiyyə etməsi barəsində mediada xəbərlər göz oxşayır.
Azərbaycanda müxtəlif yollarla qazandığı milyonları qonşu ölkələrə yatırmağa üstünlük verən A. Vəliyev bu projesini də oğlunun vasitəsilə reallaşdırır. Deputatın oğlu Pərviz Vəliyev Gürcüstanın Qara dəniz sahilindəki kiçik kurort şəhəri Kabuletidə binalar tikir. Verilən məlumatlara görə, deputatın oğlu qonşu ölkəyə ümumilikdə 50 milyon dollar vəsait yatırıb.
P. Vəliyev İstanbulun tam mərkəzində, Sultanəhməd məscidi yaxınlığında yerləşən Aybar otelinin də sahibidir.
Pərviz Vəliyev Azərbaycandakı PZ ŞİRKƏTLƏR QRUPU-nun rəhbəridir. Ağalar Vəliyev bu şirkət üzərindən plastik pəncərələr istehsal edən fabrikin, beton zavodun və “MƏLƏK” ailə-uşaq əyləncə mərkəzinin sahibidir.
Beləcə deputat toxunulmazlığı A.Vəliyevin “kristal biznesini” qoruyur, çiçəkləndirir. Baxmayaraq ki, bu biznesdən nə dövlətin gəliri var, nə vətəndaşın. Dövlət vergisini ala bilmir, vətəndaş haqqını verdiyi mənzilini. Deputatın şirkəti özünü “xəyallarınızı inşa edirik” şüarı ilə reklam edir. Yəqin ki, əlaqədar dövlət qurumları nəhayət ki, Ağalar Vəliyevin “xəyallarını” araşdıracaq və reallıqları aşkarlayacaq. Bax o zaman əsl xəyal qırıqlığı yaşanacaq!
Rubrika.Az

“Mən sığortalı ola-ola həkimin, dərmanın pulunu özüm ödəyəcəmsə, bizdə sığorta nəyə gərəkdir?!”.

DİA.AZ yenicag.az-a istinadla xəbər verir ki, bu sözləri “A-Qrup sığorta” şirkətinin hər ay yoldaşının maaşından sığorta məbləği çıxsa da, xidmətdən düzgün şəkildə yararlana bilməmisəndən narazılıq edən Aygül Əkbərova deyib.

O bildirib ki, övladının səhhəti ilə bağlı sözügedən şirkətin sığorta xidmətindən yararlanmaq istəsə də, ondan əlavə ödəniş tələb olunur:

“Yoldaşımın işlədiyi şirkət “A-Qrup sığorta” şirkəti ilə çalışır. Bizdə ailə sığortasıdır. Qızımda 1-ci dərəcəli skolioz aşkarlanıb. Həkimimiz buna görə ilk seans üçün məşqçinin nəzarəti altında klinikada 15 gün idman, 5 gün isə masaj yazıb. İlk seans bitib, növbəti seans üçün 20 gün təkrar idman yazılıb. Bu gün uşağı aparmışam və qeydiyyat şöbəsindəki əməkdaş deyir ki, sığorta sizə rədd cavabı verib. Səbəbini soruşanda isə limitin bitdiyi bildirildi. Limit 15 gün idman, 15 gün də masaj imiş. Sığorta şirkətinin nümayəndəsi ilə danışdım. Mənə deyir ki, pulu özünüz ödəyərək davam edə bilərsiniz. Halbuki bizə sığorta kartı təqdim edilib, içində də çox böyük miqdarda vəsait var.

Biz heç ailəlikcə il ərzində onun, bəlkə, bir faizini istifadə etmirik, heç qismət də olmasın, amma hamı xəstələnə bilir. Hər ay öz pullarını maaşdan çıxa bilirlər, onda limit yadlarına düşmür. Bir çox xəstəliyə görə müayinəni, bir çox dərmanı da qarşılamırlar. Bəs o zaman sığorta üçün maaşdan çıxılan pullar hara gedir? Mən sığortalı ola-ola həkimin, dərmanın pulunu özüm ödəyəcəmsə, bizdə sığorta nəyə gərəkdir?!”.

Dövlət Avtomobil Nəqliyyatı Xidmətinin ( DANX) Gəncə Regional Şöbəsində rəislə əməkdaş arasında insident baş verib.

DİA.AZ xəbər verir ki, bu haqda Dünyanınsəsi.Az saytına DANX-ın Gəncə Regional Şöbəsinin əməkdaşı Birakşani Şamxal Elxan oğlunun özü danışıb.
Şikayətçi bildirir ki, Rəqəmsal İnkişaf və Nəqliyyat Nazirliyi yanında Dövlət Avtomobil Nəqliyyatı Xidmətinə məxsus “1 Saylı Gəncə Regional Nəqliyyat” MMC-nin direktoru Müzadil Həsənov tərəfindən fiziki zorakılığa məruz qalıb.

Belə ki, bu gün 13-30 iradələrində rəis M.Həsənov onu iş otağına çagıraraq tabeçiliyində olan avtomobili təhvil verilməsini tələb edib.

Birakşami Şamxal isə şöbə rəisindən nə səbəb görə maşının təhvil verilməsini soruşub.M.Həsənov isə ona bildirib ki, sizinlə yeni müqavilə bağlamayacam onun üçündə avtomobili təhxil verməlisiniz.Əməkdaş rəisə təkidlə bildirib ki, bu maşını keçmiş rəisə 1500 manat pul verərək yenicə götürmüşəm. Hələ də borc içində boğulduğunu və himayəsində 2 azyaşlı övladları olduğunu bildirsədə nəticəsi olmayıb.Əksinə DANX- ın rəisi əyləşdiyi stoldan qəflətən qalxıb Şamxal Elxan oğlunun mədəsinə və bədənin müxtəlif nahiyyələrinə bir neçə zərbə endirərək əməkdaşdan tələb etdiyi avtomobilin açarlarını zorla alıb.Məhz bundan sonra səhhəti ağırlaşan Birakşami Şamxal Gəncə Regional Şöbəsinin inzibati binasında yerə yıxılmışdır.Hadisə yerinə Gəncə şəhər Baş polis İdarəsinin əməkdaşları eləcə də Gəncə Təcili Tibbi yardım stansiyasının həkimləri gəlmişdir.

Fiziki zorakılığa məruz qalan DANX-ın Gəncə Regional Şöbəsinin əməkdaşı isə hazırda A.Səhhət adına 1 saylı şəhər xəstəxanasına yerləşdirilib.
Faktla bağlı araşdırmalarımız davam edir.

Redaksiya olaraq qarşı tərəfin də mövqeyini dərc edə bilərik.

Döyülən şəxsin videoşikayətini təqdim edirik:

Qarabağda şəhərsalma işlərini məmur öz oğlunun şirkətinə həvalə edib. DİA.AZ bildirir ki, bu barədə növbəti araşdırma materialı təqdim olunub.

Dəyəri 11 milyon 304 min manat olan 22 müqavilə müsabiqə keçirilmədən bağlanıb

DİA.AZ xəbər verir ki, hökumət adından bu müqavilələrin bağlanmasını Dövlət Şəhərsalma və Arxitektura Komitəsi öz tabeliyindəki quruma – Ərazi Tikinti-Planlaşdırma Mərkəzinə həvalə edib. Qurum Şuşa rayonunun Daşaltı kənd yaşayış məntəqəsinin salınmasının şəhərsalma əsaslandırılması işlərini “Feniks-AA” MMC-yə təqdim edib.

Aydın Aydınlı “Feniks-AA” şirkətinin direktorudur. 27 yaşlı şirkət rəhbəri Dövlət Şəhərsalma və Arxitektura Komitəsinin sədr müavini İlqar İsbatovun oğludur.

Şok faktlar daha ətraflı formada aşağıdakı reportajda açıqlanır:



DİA.AZ

““Bizim Ev” MTK Yasamalda sakinlərə işgəncə verir..” başlıqlı ötən yazımızda şirkətin apardığı tikinti prosesində heç bir təhlükəsizlik qaydalarına əməl olunmadığı haqda bəhs etmişdik. Ümumiyyətlə, tikinti bumu deyilən məsələ demək olar ki, neçə illərdir ki, cəmiyyətdə, mediada, hətta hakimiyyətin ən üst qatlarında ciddi müzakirə olunur. Amma etiraf etməliyik ki, ortada ciddi nəticə yoxdur. Necə deyərlər, dəyirman bildiyini eləyir, çaxçax başını ağrıdır. Biz bir media qurumu olaraq tikinti biznesinin əleyhinə deyilik. Amma onu qeyd etməyə məcburuq ki, bu qanunsuz tikintilərin çoxunun arxasında məmurlar dayanıır. Adamdan soruşarlar ki, görəsən məmur maaşı ilə bu boyda binalar necə tikilir..? Əlbəttə, heç kimə sirr deyil ki, rüşvət və korrupsiya yolu ilə qazanılmış milyonlar tikinti bumunun əsasını təşkil edir. Deməli, tikinti bumunun arxasında rüşvətxor və korrupsionerlər dayanır. Biz media olaraq “Bizim Ev” MTK-nın arxasında hansı məmurun dayandığını araşdırmaq fikrində deyilik. Bizi maraqlandıran odur ki, bu MTK vətəndaşlara niyə bu qədər işgəncə verir..? Yeri gəlmişkən, bir məsələni də xüsusi olaraq qeyd edək ki, sivil ölkələrin çoxunda SƏS-KÜY-lə bağlı ayrıca qanunlar var. Çünki SƏS-KÜY insanlarda bir çox xəstəliklərin səbəbidir. Bizdə isə MTK-lar gecə-gündüz, ilin bütün fəslində yaratdığı səs-küylə sakinlərin əsəblərini korlayır, onlara dəhşətli stress yaşadır, nevroz həddinə çatdırır. Yazıq vətəndaşlar haralara şikayət etsələr də heç bir nəticə olmur. Axı, yuxarıda qeyd etdik ki, bu işlərin arxasında məmurlar dayanır. MTK-lar təkcə səs-küy mənbəyi deyil, həm də… Birincisi, tikinti bumu kifayət qədər yaşıllıqları məhv edir. İkincisi, tikilən binalar, obyektlər tikinti normalarına cavab vermir. Təkcə bir faktı yada salaq.
Bir neçə il əvvəl Binəqədidə tikinti materialı səbəbindən 16 mərtəbəli bina bütünlüklə yandı, 16 nəfər öldü, 60 nəfər yaralandı. Nəticədə binanın təsisçisi, sahibi 8 il həbs cəzası aldı, amma 3 ildən sonra azadlığa çıxdı, hətta müsadirə olunan əmlakını qaytara bildi. Həmin şəxs lap 100 il həbsdə olsaydı nəsə dəyişəcəkdimi, günahsız ölənlərdən bircəsi diriləcəkdimi..? Əlbəttə, yox. Sözümüzün canı odur ki, heç bir tikinti, ekoloji, təhlükəsizlik normalarına cavab verməyən binalar gələcəkdə ciddi fəsada çevrililəcəklər. Biz hələ bu binaların arasındakı məsafələrin heç bir normaya uyğun gəlmədiyini və digər neqativ halları təkrarlamaq istəmirik. Bütün yazılanlara, deyilənlərə, ictimai müzakirələrə, hətta dövlət başçısının dəfələrlə bu problemi sərt şəkildə tənqid etməsinə baxmayaraq, tikinti mafiyası öz əməllərindən bircə addım da geri çəkilmir.
Haqqında bəhs etdiyimiz “Bizim Ev” MTK barəsində Yasamal rayon sakinlərindən daha bir şikayət redaksiyamıza daxil olub. Sakinlər bildirir ki, son günlər küləkli havaların olmasına baxmayaraq MTK Zərdabi küçəsində apardığı tikintini nəinki dayandırmayıb, əksinə aktivləşdirib. Və küləkli havada tikintinin tozu, torpağı, qumu, çınqılı, hətta beton palçığı həyətləri basıb, sakinlərin yaşadığı binanın həyəti sanki tikinti poliqonudur. Bir daha qeyd etmək istəyirik ki, biz kiminsə tikinti aparmasının əleyhinə deyilik. Amma… Əmması odur ki, kimlərsə bina tikib milyonlar qazanacaq, sakinlər niyə işgəncə çəkməlidir. Ətrafa yayılan daş, çınqıl həyətdə oynayan uşaqların iraq olsun ölümünə səbəb olsa, buna kim cavab verəcəkdir..? Ətrafdakı yaşıllıqları məhv edəndə niyə bir dövlət qurumunun səsi çıxmadı..? Ümumiyyətlə, Yasamal rayonu yaşıllıqların məhv edilməsinə görə birinci yerdə gedir. Bütün bunlar azmış kimi tikintinin aparıldığı ərazi “Məhsul” idman stadionunun bir hissəsi, daha dəqiq desək, soyunub-geyinmə sahəsidir.
Birincisi, dövlət başçısı idmanın inkişafını prioritet elan edib, bu məmurlar isə idman stadionunun ərazisini satırlar. Düzdür, sonradan stadionu satanlar həbs olunsalar da, ərazini alıb bina tikənlər öz işlərini tələm-tələsik, hətta küləkli havalarda da davam etdirirlər. Sanki bunları qovan var, sanki harasa tələsirlər. Və bütün bu baş verənlərin fonunda nə Fövqəladə Hallar Nazirliyinin, nə Yasamal icra hakimiyyətinin, nə də digər səlahiyyətli qurumun səsi çıxmır. Müvafiq qurumların tədbir görməsi üçün MTK-nın Tikinti obyektinin ünvanı: Bakı şəhəri, Yasamal rayonu, 3155-ci məghəllə, Həsənbəy Zərdabi küçəsi, 69b ünvanında 2 girişli çoxmərtəbəli yaşayış binası. Sifarişçi: “Bizim Ev” MTK Dövlət ekspertizasının rəyi: 25693, 17.07.2018 Layihəçi: KARKAS-S MMC lisenziya İNİL-523/2017.05.06.2017 Podratçı: “Bizim Ev” MTK lisenziya EL-118/21.05.2018 Başlanma tarixi: 10.03.2022 Bitmə tarixi: 10.09.2024
P.S. Bu bina tikən İmişlili Mürşüd kimdirsə o heç kimi saymır, amma beton, taxta qırıqları, daş, qaya, kubik parçaları həyətə töküldükcə camaat bir ağızdan ağır söyüşlər söyür. Buyurun, qəbul edin deyirlər. //gundelik-baku.com//