“TurAz Qartalı - 2022” birgə taktiki-uçuş təlimində iştirak edəcək Türkiyə Hərbi Hava Qüvvələrinin şəxsi heyəti və aviasiya vasitələri ölkəmizə gəlib.

Bu barədə Müdafiə Nazirliyinin mətbuat xidmətindən məlumat verilib.

Bildirilib ki, sentyabrın 5-dən başlayacaq təlimdə iki ölkənin Hərbi Hava Qüvvələrinin birgə fəaliyyətlərinin planlaşdırılması, qarşılıqlı əlaqə və döyüş uzlaşmasının öyrənilməsi, eləcə də axtarış-xilasetmə tədbirlərinin icrası və digər tapşırıqlar yerinə yetiriləcəkdir.

Ukraynada gedən döyüşlərdə əslən azərbaycanlı olan hərbçi həlak olub.

"Unikal" report-a istinadən xəbər verir ki, Kirovoy Roq şəhəri azərbaycanlılar Konqresinin sədri Rəmzi Rzayevin verdiyi məlumata görə, bu, əslən Azərbaycanın Balakən rayonundan olan, Ukrayna vətəndaşı Əliyev Rüstəm Ramazan oğludur.


O, Xerson istiqamətində Knyazovka rayonunda artilleriya atışmaları nəticəsində həlak olub.

R.Rzayev bildirib ki, daha bir azərbaycanlı da bundan əvvəl həlak olub.

Konqres onların dəfni, ailələrinə dəstək məsələlərində yaxından iştirak edib.

İtaliyada keçirilən 48-ci beynəlxalq Çernobbio Forumunda iştirak edən Prezident İlham Əliyev daha bir səmimi görüntüsü ilə diqqət çəkib.

Real TV-nin “stand-up” edən jurnalisti qəfildən Prezidentin zala daxil olduğunu görür. Azərbaycanın media nümayəndəsini görən ölkə başçısı onunla salamlaşaraq tədbir salonuna daxil olub.

Görüntülər qısa müddətdə sosial şəbəkələrdə viral olub.

Xaçmaz Rayon Polis Şöbəsinin Dövlət Yol Polisi Bölməsinin rəisi Elnur Quliyev işində yol verdiyi nöqsanlara görə vəzifəsindən azad edilib.

"Qafqazinfo" Oxu.Az-a istinadən xəbər verir ki, o, sərəncama götürülüb.

Hazırda Xaçmaz Rayon Polis Şöbəsinin Dövlət Yol Polisi Bölməsinin rəisi vəzifəsinə təyinat yoxdur.

Eyni zamanda, DYP-nin bir əməkdaşı işdən çıxarılıb, beş nəfər isə daxili işlər orqanlarından xaric edilib.

Qeyd edək ki, bir müddət əvvəl sosial şəbəkədə Xaçmaz DYP-nin rəisi polis mayoru Elnur Quliyevin otaqda polis əməkdaşları ilə pul müzakirə etdiyi barədə görüntülər yayılmışdı.

İranın Azərbaycana qarşı qərəzli mövqeyi ilə seçilən “Qafqaz.ir” saytı bu dəfə öz etirafı ilə diqqət çəkib.

Saytda Laçın şəhərinin görüntüləri paylaşılıb.

“Azərbaycanın Laçın şəhərində çəkilən yeni görüntülərdən aydın olur ki, 1992-ci ildə ermənilər tərəfindən edilən işğalın dağıdıcı izləri hələ də qalmaqdadır. Qanunsuz məskunlaşmış ermənilər Laçından çıxarıldıqdan sonra şəhər Azərbaycanın nəzarətinə keçib" - “Qafqaz.ir” yazır.

Xəbərdə ermənilərin Laçında törətdikləri yanğınlara da diqqət çəkilib:

"Şəhərdə bəzi binalar yaşayış üçün yararlı olsa da, dağıdılmış evlər çoxdur. Şəhər ətrafındakı meşəlik ərazilərdə ermənilərin getməzdən öncə törətdikləri yanğınların izləri qalır.

Laçın şəhəri və ətraf kəndlər 1992-ci ildə Ermənistan tərəfindən işğal olunub və Suriya və Livandan olan çox sayda erməni buraya yerləşdirilib.

Ötən illərdə Azərbaycan daim Ermənistanın başqa dövlətlərin vətəndaşlarını Laçın və Qarabağın digər bölgələrində məskunlaşdırmaq siyasətinə etiraz edib və İrəvanın bu addımını Cenevrə Konvensiyasının pozulması kimi qiymətləndirir”.

SEPAH mediası Azərbaycanı hərbi hücumla hədələyib.

İran İnqilabının Keşikçiləri Korpusu guya Mossad-ın Azərbaycanda bazası olduğunu bəhanə edərək, bu ölkəyə hücum edə biləcəyi ilə təhdid edib.

"Unikal"

Sentyabrın 2-si saat 15:00 radələrində Ermənistan silahlı qüvvələrinin bölmələri dövlət sərhədinin Basarkeçər rayonunun Yuxarı Şorca yaşayış məntəqəsi istiqamətində yerləşən mövqelərindən Kəlbəcər rayonunun Yellicə yaşayış məntəqəsi istiqamətində yerləşən Ordumuzun mövqelərini, həmçinin qeyd olunan mövqelərimizə təminat daşıyan 2 hərbi nəqliyyat vasitəsini atəşə tutub.

Müdafiə Nazirliyindən verilən xəbərə görə, nəticədə hər iki avtomobilin ön hissəsi və şüşələri zədələnib.
Hərbi qulluqçularımız arasında itki yoxdur.

Azərbaycan Ordusunun bölmələri tərəfindən görülən adekvat cavab tədbirləri nəticəsində qarşı tərəf susdurulub.

Azərbaycan Respublikasının Prezidenti İlham Əliyevin İtaliya Respublikasına işgüzar səfəri sentyabrın 2-də başa çatıb.

Dövlətimizin başçısını İtaliya hökumətinin rəsmi nümayəndələri yola salıblar.

“City Construction” MMC-nin "dövlət ərkanı"nda yerinin xudmani olduğu haqda dia.az olaraq bundan əvvəl də yazmışdıq. Yəni anlaşılan o idi ki, “City Construction” MMC ayrı-ayrı dövlət qurumlarının milyonluq tenderlərini rahatlıqla həzm-ravedən keçirə bilir ki, bu da kifayət qədər şübhələrə yol açmaqdadır.

Əslində burada şübhəli heç nə yoxdur və Azərbaycanda tenderlərin hansı formada keçirildiyi də gün kimi aydındır. Sadəcə olaraq gərəkən qurumların bu kimi faktları nəzərdən kənarda saxlaması bir qədər müəmmalara yol açmaqdadır.

Keçən yazımızda bu faktları açıqlamışdıq: Dövlət qurumlarının daha bir TENDER MATAHI: - “City Construction” MMC...

İndi isə aydın olur ki, dövlət qurumlarının TENDER MATAHI olan “City Construction” MMC-nin dövlət qarşısında vergi borcu var imiş. Hər halda bu faktın özü belə növbəti qanun pozuntusudur və hüquq-mühafizə orqanları üçün yetərincə əsas hesab oluna bilər.

DİA.AZ xəbər verir ki, İqtisadiyyat Nazirliyi yanında Dövlət Vergi Xidmətinin məlumat bazasına əsasən aydın olur ki, “City Construction” MMC-nin vergi borcu 1 431 711 manatdır. Bu vergi borcu 01.09.2022-ci il tarixinə olan məlumatdır.

Qeyd edək ki, şirkət 2020-ci ildə dövlət qeydiyyatına alınıb, nizamnamə kapitalı 10 manatdır və qanuni təmsilçisi Emil Əliyev Paşa oğludur.

Məsələ ilə bağlı bütün maraqlı tərəflərin mövqelərini işıqlandırmağa hazırıq....

Barələrində ən çox şikayət olunan icra başçılarının siyahısı tutulur. Bu barədə DİA.AZ ilginc informsaiya daxil olub.

Hökumətdəki mənbə iddia edir ki, "yuxarılar" tərəfindən yerlərdə narazılıq yaradan rayon rəhbərlərinin kimliklərinin müəyyən edilməsi üçün hərəkətə keçilib.

Mənbənin dia.az-a söylədikləri: "Əslində, Prezident Administrasiyasında şikayətlər şöbəsində belə bir siyahı hər zaman hazırlanır. Bu dəfə fərq ondadır ki, nəticələrə görə sərt cəzalar verilə bilər".

Mənbə bu günə olan nəticələri DİA.AZ-a təqdim edib. Beləliklə, bu il barəsində ən çox şikayət olunan icra başçılarının ilk onluğu aşağıdakı kimidir:

1. Sabirabad rayonu;
2. Lənkəran rayonu;
3. Kürdəmir rayonu;
4. Samux rayonu;
5. Astara rayonu;
6. Lerik rayonu;
7. Zərdab rayonu;
8. Qusar rayonu;
9. Goranboy rayonu;
10. İmişli rayonu.

Çox güman bu siyahı üzrə növbəti kadr dəyişiklikləri də müşahidə oluna bilər. Əlavə bilgilərimiz olacaq. Bizi izləməkdə davam edin...

DİA.AZ