Qəbələ rayonundan olan etibarlı mənbədən redaksiyamıza daxil olan məlumata görə, ETSN-in Qəbələ Regional Meşə Təsərrüfatı Mərkəzinin Vəndam meşəbəyliyinə aid meşə dolayında dövlət meşə fondu torpağı obyekt yeri kimi satılıb və artıq orada kafe tikmə üçün bir sıra tikini işləi – “besedka” deyilən bölmələr də tikiib. Lakin sözügedən obyektdə gedən tikililərin inşasına “stop” qoyulub.
Məlumat verən mənbə qeyd edir ki, sözügedən 3 ha yerə görə adının hallanmasını istəməyən sahibkar 55000 manat pul da ödəmişdir. Lakin sənədləşmə aparılmadığına görə tərəflər arasında narazılıq baş verib. Vəndam sakni pullarını geri istəyib. Qəbələ RMTM-dən ona bildiriblər ki, pullar “yxarı” gedib, qaytarmaq mümkün deyil. Yerli sahibkar pullarının qaytarılması üçün bütün yuxarı direktiv orqanara şikayətlər yazıb. Həmişə oluğu kimi bu dəfə də Baş Prokurorluq məsələ ilə bağlı araşdırma aparılmasını ETSN rəhbərliyinə həvalə edib. Nazirliyin Meşə Depertameti rəhərliyinin Qəbələyə ezam etdiyi işçiləri Vəndam kəndi yaxınlğındakı meşə ərazisində “qanunsuz” tikilən bir neçə “besedkya” görə sahibkara 50000 manatlıq cərimə aktı tərtib edib cəzalndırmışlar. Yəni, başa salmaq isəmişlər ki, “ağıll ol”. Bundan sonra iş adamı yenidən yuxarı orqanlara şikayətlərini davam etdirmişdir. Bu dəfə Baş Prkurorluq yanında Korrupsyaya Qarşı Mübaizə İdarəsi arşdırmaya başlamışdır. Məsələdən xəbər tutan ETSN-nin Meşə Deperament müdiri olmuş Xıdırov Namiq başlanmış istitaqdan yayınmaq üçün dərhal işdən çıxma barəsində əriəzsini yazaraq 153 000 manata aldığı qara rəngli TOYOTA “Land GRUSER” avtomobilinə minib “dabanına tüpürmüş” və qaçıb Xətai rayon İcra Haimiyyətində işləyən dayısıına sığnmışdır. Budur, məsələ ilə bağlı son aldığımız məlumatdan aydın olur ki, avqusun 4-də də Korrupsiya İdrəsi araşdırma üzrə cinayət işinin başlanması üçün şikayətçi və meşə işçilərini Bakıya gəlməyi tapşırmışlar. Araşdırma davam edir.
Mənbənin bildirdiyinə görə, obyekt yeri külli miqdarda ( 55000 mant) pul müqabilində satılan yerin məbləğin əsas qismi də Ekologiya və Təbii Sərvətlər Nazirliyində bölüşdürülüb.
Mənbəmiz onu da bildirir ki, obyek kimi icaryə verilən belə yerlər İsmayıllı-Oğuz magistral yolunun üzərində çox rast gəlmək olar. Məsələn, belələrindən ən böyüyü İsmayıllı şəhərinin Qəbələ istiqamətidə çıxışında yolun sağında yerlşən palıdlıq meşədə “ORMANLIQ” adlı restoran çoxandır ki, fəaliyyət göstərir. Hər ili yolumuzu buradan saldıqda restoran ərazisinin günü güdən böyüdüyünün , burada tikilən daş obyektlərn sayının artdığının şahidi oluruq. Hətta iş o yerə çatıb ki, burada toy və nişan məclislərinin keçirilməsi üçün çoxaylı məclis əhlini yerləşməsi üçün şəraitlər də yaradılıb. Əlbttə ki, yaşı 200-ü keçmiş palıd ağaclarının hesabına. Mənbənin bildirdiyiə görə belə yol kənarında meşələrin iaşə obyekti kimi icarəyə verlməsi üçün müqavilə müddəti Meşə Məcəlləsin uyğun madəsinə görə 10 il hesablanıb və hər hektar meşəyə görə sahibkar ən azı 10000 manat “rüsum” ödəmək zorundadr. Belə nəticəyə gəlirik ki, meşələrimiz və ümumiyətlə təbiətimiz şəxsi maraqlar ilə tənzimlənir.
Ümidvarıq ki, dövlətimizin başçısı cənab prezident İlham Əliyev milli sərvətimiz olan təbiətimizin reallıqda qorunması üçün meşəçilk anlayışı olmayan, ETSN-nə toplanmış çoxsaylı SOCAR kadrlarından azad olunması üçün kadr islahatlarının həyata keçirilməsinə tezliklə start verəcəkdir.
Çox təəssüflənirik ki, ETSN əməkdaşları vəzifə borcu olan təbiətimizi qorumaq əvəzinə, ondan daha çox qazanc əldə etmək barədə fəaliyyətə üstünlük verirlər.

Aktualinfo.org

Faktinfo.az saytı bildirir ki, Azərbaycanda sorğu keçirilərsə, bəlkə də əhalinin ən çox narazılıq etdiyi - Əmək və Əhalinin Sosial Müdafiəsi Nazirliyi, Elm və Təhsil Nazirliyi, Kənd Təsərrüfatı Nazirliyi və TƏBİB olduğu təsdiqini tapar.
Düzdür, vətəndaşlarımız demək olar, hər gün baş alıb gedən qiymət artımına görə, İqtisadi İnkişaf Nazirliyini də qınayır. Amma bu insan sağlamlığından üstün tutulmadığından TƏBİB qədər deyil. Məsələn, götürək TƏBİB-ə tabe Akademik M.Ə.Mirqasımov adına Respublika Klinik Xəstəxanasını. TƏBİB-in o zamankı rəhbəri Ramin Bayramlının əmrinə əsasən, M.Ə.Mirqasımov adına Respublika Klinik Xəstəxanasının baş həkimi Telman İbadovu Azər İsmayılov əvəz etdi. Bir müddət var ki, Azər İsmayılov Respublika Klinik Xəstəxanasının və səhiyyə müəssisəsinə tabeli Respublika Uşaq Klinik Xəstəxanasının direktorudur.

Bu əvəzləmədən kifayət qədər müddət keçib, yaxşılığa, xəstə məmnunluğuna dair nəsə dəyişibmi? Respublika Klinik Xəstəxanası və səhiyyə müəssisəsinə tabeli Respublika Uşaq Klinik Xəstəxanasında xəstələr onlara göstərilən tibbi xidmətdən razıdırlarmı, həkim və tibbi personalı oradakı mühit sıxmır ki? Təbii, bu suallara cavab verməyi TƏBİB rəhbərliyi məqbul bilməz.
Amma sözügedən xəstəxana barədə bir müddət əvvəl Reportyor.info saytı yazmışdı. Sayt qeyd edirdi ki, xəstəxana mafiya qaydaları ilə idarə olunur, orada gestapo rejimi hökm sürür, xəstənin vəziyyəti ilə maraqlanmaq istəyən jurnalistin üstünə hücum çəkilir.

Faktinfo.az saytı xəbər verir ki, 1 saat xəstəxanasının qarşısında müşahidə etmək kifayətdir ki, xəstə məmnuniyyətinin nə yerdə olduğunu, həkim və tibbi personalın nə səbəbdən narazılıq etdiyini, Respublika Klinik Xəstəxanası və səhiyyə müəssisəsinə tabeli Respublika Uşaq Klinik Xəstəxanasında ölüm faizinin azalıb, yoxsa çoxaldığını biləsən.

Görünür, tibbi xidmətin səviyyəsinə nəzarət etməli olan İcbari Tibbi Sığorta üzrə Dövlət Agentliyi heç nəyin fərqində deyil, TƏBİB-də xəstəxanalarda baş verənlərlə maraqlanmaq, müqayisəli təhlillərə əsaslanmaq istəmir. Belə olan halda hər iki qurum haradan xəbərdar olsun ki, Akademik M.Ə.Mirqasımov adına Respublika Klinik Xəstəxanasında 2, Respublika Uşaq Klinik Xəstəxanasında 2 müavin olmalı halda, Azər İsmayılovun rəhbərliyi ilə müavinlərin sayı 6-ya çatdırılıb.

Qeyd edək ki, sovet həm də, müstəqillik illərində sözügedən və ona tabeli Uşaq Klinik Xəstəxanasında müavinlərin ümumi sayı 4-dən yuxarı olmayıb, xəstəxananın hər birində 2 müavin olub. Yəni, ştat vahidlərinə xüsusi diqqət yetirilib. İndi nə oldu ki, birdən-birə müavinlərin sayı 6-ya çatdırıldı. Bəlkə bilmirik, bunu tibbi xidmətin yüksəlməsi və ya xəstə məmnuniyyətinin artması ilə əlaqələndirəcəklər, yoxsa...

Eləcə də, nə ehtiyac var, statistika üzrə müavin ştatına ki, Azər İsmayılov bu vəzifəyə məxsusi olaraq, Yevlax rayonundan öz yerlisini gətirib. TƏBİB məqbul bildimi bu təyinatı? Hansı məntiqlə razılaşdırıldı əlavə 2 müavin vəzifəsi? Və yaxud TƏBİB rəhbərliyi Respublika Uşaq Klinik Xəstəxanasında baş həkim vəzifəsində Telman İbadovu bildiyi halda, necə olur ki, ora 71 yaşlı digər baş həkim də gətirilir? Bir xəstəxananın 2 baş həkimi olur? Harada görünüb, prezident sərəncamı yaş məhdudiyyətinə görə bir həkimə tətbiq edilir, digərinə yox?!

Bu səpkili sualların sayını uzatmaq, orada ailə ansambılını, qudalar idarəçiliyini, müavinlərin sıxışdırıldığını yazıb mövzunu uzatmaq, adbaad hər məsələnin üzərində dayanıb, hansı nazirin xəstəxanada çalışan müavini Azər İsmayılova tapşırdığını da vurğulamaq olar. Bu isə başqa yazının mövzusudur.

Mövzu ilə bağlı TƏBİB-dən münasibət öyrənmək istəsək də zənglərimizə cavab verilmədi.

FAKTİNFO.AZ