Avqustun 9-da Azərbaycan Prezidenti İlham Əliyev Türkiyə Prezidenti Rəcəb Tayyib Ərdoğanın dəvəti ilə Türkiyəyə işgüzar səfərə gedib.

Hər iki ölkənin Dövlət bayraqlarının dalğalandığı Konya şəhərinin Hava Limanında dövlətimizin başçısının şərəfinə fəxri qarovul dəstəsi düzülmüşdü.

Prezident İlham Əliyevi və Birinci xanım Mehriban Əliyevanı Türkiyənin gənclər və idman naziri Mehmet Kasapoğlu, Konya şəhərinin valisi Vahdettin Özkan və digər rəsmi şəxslər qarşılayıblar.

Dövlət başçısı fəxri qarovul dəstəsini salamlayıb.

“Bu gün "İnşaatçılar" metrostansiyası yaxınlığında 050 536 94 XX mobil nömrəsi aldım. Gün ərzində bütün dostlarıma və yaxınlarıma yeni nömrəmi bildirdim. Sonradan məlum oldu ki, yeni nömrəmin “Whatsapp” xidmətindən başqa qadın istifadə edir. Mən “Whatsapp” açmaq və nömrədən tam istifadə etmək istədikdə mənə bu xidmətin əngəlləndiyi barədə mesaj gəlir”.

Gundem.media-ın pravda.az-a istinadən xəbərinə görə, bunu jurnalist Müşfiq Abdulla bildirib.

M.Abdulla qeyd edib ki, digər istifadəçi aktiv olduğuna görə “Whatsapp”a məhdudiyyət qoyulub: “Getmişəm “Azercell”ə, deyirəm, bu problemi həll edin. Cavab verirlər ki, kömək edə bilmərik. Deyirəm xanım, sizin bu hərəkətiniz bir şirkətin dələduzluq yolu bir mənzili beş adama satmasına bənzəyir. Cavab verir ki, siz bu nömrəni alanda nəzərə almalı idiniz ki, belə problemlə üzləşə bilərsiniz. Deyirəm, bəs mənə dəyən ziyanı kim ödəyəcək? Cavab verir ki, gedin “Azercell”in baş ofisinə müraciət edin, ya da müştəri xidmətinə. Müştəri xidmətindən deyirlər ki, biz “Whatsapp” məsələsi ilə məşğul olmuruq, “Azercell”in rəhbərliyi ilə danış. Ya da 6 ay gözləyin, nömrə adından çıxsın, yeni nömrə al. Sonda gedib bir gündə ikinci dəfə nömrə almaq məcburiyyətində qaldım”.

Ölkə gündəmini diqqətlə izləyən vətəndaşlar bəlkə də xatırlayarlar, Baba Rzayev “Azərenerji” Açıq Səhmdar Cəmiyyətinin sədri təyin olunandan sonra fəaliyyətə başlar-başlamaz dövri mətbuatda “Azərişıq” işçılərinin “Azərenerji”yə kütləvi şəkildə axacağı barədə məlumatlar yayıldı. Bildirilirdi ki, bu dəyişiklik təkcə strtuktur və mövcud idarəetmə sistemində deyil, həm də kadrlarda özünü göstərir. Qeyd olunurdu ki, “Azərişıq”da artıq çemodanlarını hazırlayıb daha da böyük vəzifəyə getmək istəyənlərin sayı heç də az deyil. Onlardan biri kimi iyirmi ildən çox “Azərişıq” Səhmdar Cəmiyyətinin Avtonəqliyyat İdarəsinin rəisi vəzifəsində işləmiş Səxavət Səlimov göstərilirdi. Proqnozlar doğru çıxdı.

Belə ki, son vaxtlar Səxavət Səlimov ona bu və ya digər sualları vermək üçün telefon açan jurnalistlərə “mən artıq işdən çıxmışam” – cavabını verir. Halbuki, o, daha yüksək vəzifəyə — “Azərenerji” ASC-nin Avtonəqliyyat İdarəsinin rəisi vəzifəsinə irəli çəkilib. Çoxdan göz dikdiyi kresloda yayxanan kimi əvvəl rəhbərlik etdiyi qarajda ətrafına yığdığı İsmayıllı rayonundan olan həmyerlilərini də yanına çəkib. Onların boşalan yerlərinə yenə də İsmayıllıdan adamlar gətirib. Xidməti maşınla təmin etdiyi sürücüsünə isə külli – ixtiyar verib. O zalım da işçilərə necə deyərlər, qan uddurur.

Səxavət Səlimov “Azərişıq” Açıq Səhmdar Cəmiyyətinin Avtonəqliyyat İdarəsini çapıb-talamaq hesabına özünə nəhayətsiz haram kapital toplayıb. Qəribədir ki, Baba Rzayev bütün bunları bilə-bilə Səlimova necə daha yüksək vəzifəni etibar edib. Görünür, Səlimovda Rzayevi qane edən başqa vacib məziyyətlər vardır. Yəqin, Səlimov idarəyə ayrılan yanacaq, sürtgü yağları, şin və başqa ehtiyat hissələrini “səmərəli və təyinatı üzrə silməkdə” pərgardır və tabe olduğu şəxslərə münasibətdə öz adına uyğun olaraq səxavətlidir.Səxavət Səlimovun suallardan yayınmaq üçün tez-tez istifadə etdiyi bir fənd də şəkər xəstəsi olduğunu, ürəyi ağrıdığını deyib jurnalistləri özü ilə təmasdan çəkindirməsidir. Belə olan halda o, cəmi bircə suala cavab versə, yetərlidir?

“Xəstəsənsə, niyə vəzifədən əl çəkmirsən?”Redaksiya olaraq hazırda Səxavət Səlimovun “Azərenerji”nin tender və kotirovkalarından bir qayda olaraq “qalib” çıxan “Marketinq və Servis Müəssisəsi” MMC ilə və həmin MMC-nin qanuni təmsilçisi Fikrət Səlimov ilə mübhəm əlaqələrini araşdırırıq.

Mövzunu davam etdirəcəyik

"Azərbaycan Reallığı"

Xeyli müddətdir ki, Şəki şəhəri, Muxtar Hacıyev-14 ünvanında fəaliyyət göstərən Şəki Rayonlararası Psixiatriya Xəstəxanasında qol qoyulan çoxsaylı qanunsuzluqlar, bənzəri olmayan biabırçılıqlar, olmazın həngamələr və s., həm geniş ictimaiyyətin müzakirə etdiyi, həm də əksər media qurumlarının gündəmini zəbt edən əsas mövzulardan birinə çevrilib.

DİA.AZ Atvaktual.az-a istinadən bildirir ki, hər dəfə baş verən iyrəncliklərə bu səhiyyə müəssisəsinin rəhbəri “əlahəzrət” Natiq İsmayılov hansısa “don geydirməyə” çalışsa da, deyəsən artıq bu şəxsin söylədiyi yalanlar “ayaq tutub yerimir”.

Onu da unutmaq olmaz ki, Şəki Rayonlararası Psixiatriya Xəstəxanasında baş həkim vəzifəsini daşıyan Natiq İsmayılov, çox zaman fırıldaq əməlləri ilə geniş ictimaiyyəti çaşdırmağı bacarıb. Baxmayaraq ki, bəzi nüfuzlu media qurumlarında yayımlanan məqalələrdə qeyd olunub ki, bu Xəstəxanada müalicə olunan bəzi xəstələrin əməyindən fiziki işlərin görülməsində istifadə olunur, heç bir əsas olmadan xəstələrin yaxınlarından pul alınır, hətta elə hallar da olur ki, xəstələr həkimlərin fiziki zərbələrinə “tuş gəlirlər”.
Natiq İsmayılovun bugünkü fırıldaq əməllərindən biri də, əslən Şəki şəhərindən olan və hal-hazırda “ARB” televiziya kanalının mühasibatlıq şöbəsində yarım ştat vahidi üzrə çalışdığı söylənilən Şamxal adlı şəxslə qurduğu işbirliyinin varlığıdır. O halda sual oluna bilər ki, görəsən hər iki şəxs nə yöndə iş-güc düzüb qoşublar ki, bu gün onların əməlləri daha çox müzakirə obyektinə çevrilib?. Bu yöndə apardığımız araşdırmalar zamanı bəlli oldu ki, daim yerlibazlıq amilini özünün qəlbində və unutmadığı düşüncəsində, eyni zamanda ürək nahiyəsinin sağ və sol cinahında gəzdirməyə qərar verən Natiq İsmayılov, əslən Şəki şəhərindən olan Şamxal adlı şəxsə əməlli-başlıca “yaşıl işıq” yandırıb. Belə ki, o, bu şəxsi həm Şəki Rayonlararası Psixiatriya Xəstəxanasına baş mühasib təyin edib, həm də ona mətbuatın və ictimaiyyətin suallarını cavablandırmaq səlahiyyəti verib. O halda sual oluna bilər ki, görəsən media hara, mühasibatlıq hara? Deməli, Natiq İsmayılovun mediadan və ictimaiyyət nümayəndələrindən “qaçaq düşməsi”nin, həmçinin başqa bir “kölgə”nin altında sığınıb gizlənməsinin müəyyən özəllikləri var. Məsələnin daha maraqlı və düşündürücü tərəfi isə ondan ibarətdir ki, xüsusi səlahiyyətlərə sahib olan Şamxal adlı şəxs, Şəki Rayonlararası Psixiatriya Xəstəxanasına üz tutan media nümayəndələrinə qarşı, sanki “Qoçu Əsgər” rolunda çıxış edir. Bu da o demək olur ki, nə Natiq İsmayılov, nə də ki, Şamxal heç bir qanun-qaydanı, lazımi tələbləri “priznavat” etmirlər. Hələ bunlar harasıdır? Artıq hər kəs tərəfindən Natiq İsmayılovun “görən gözü, vuran qolu” hesab olunan Şamxal adlı şəxs, məhz orda-burda “Mən Şəki Rayonlararası Psixiatriya Xəstəxanasının müfahizə xidmətinə də rəhbərlik edirəm” deməyi də unutmur. Yəni, bu şəxsin söylədiklərinə cavab olaraq o sualı da vermək olar ki, görəsən söhbət hansı mühafizə xidmətindən gedir? Deməli, Natiq İsmayılov Şamxala elə bir ixtiyar verib ki, o, həm özünü “Qoçu Əsgər” hesab edir, həm mühafizə xidmətinin (olmayan mühafizə xidmətinin) rəisi adlandırır, həm də ki, külli-ixtiyar sahibi də hesab edir. Hətta, onun “Bilirsinizmi, mən bir neçə müəssisədə mühasib işləyirəm” deməsi də onu sübut edir ki, bu şəxs daha çox Natiq İsmayılovla işbirliyində olur və hər cür maxinasiyaları yola verməyi də bacarır.
Düşünürük ki, Nazirlər Kabinetinin 01 yanvar 2020-ci il tarixli qərarı əsasında TƏBİB-in tabeliyinə keçən Şəki Rayonlararası Psixiatriya Xəstəxanasında baş verən hər cür hoqqalar, bu qurumun İdarə Heyətinin sədri vəzifəsini daşıyan cənab Vüqar Qurbanovun diqqətini cəlb edəcək. Yəqin ki, o halda Natiq İsmayılova “dur” da deyiləcək. Yoxsa, ...
Yazıda adı keçən hər kəsin mövqeyini dinləyə bilərik. Mövzuya yenidən qayıdacağıq.

Dünən sosial şəbəkələrdə Şəmkir rayonunun Xanallar kəndi, F.Ələkbərov adına tam orta məktəbin direktoru Nərxanım İsrafilovaya aid olduğu iddia olunan səs yazısı yayıldı. DİA.AZ bildirir ki, əslində normal bir çağırışla diqqətə gələn məktəb direktoru anromal təpgiləri də üzərinə cəmləməli oldu.

Səs yazısına qulaq asanda aydın olur ki, yay tətili olmasına baxmayaraq Şəmkirin İcra başcısı Rəşad Tağıyev və Şəmkir rayon Təhsil Şöbəsinin müdiri Qüdrət Əliyev müəllimlərə rahatlıq vermirlər. Səs yazısına qulaq asdıqda daha bir ciddi məsələ diqqəti cəlb edir: məktəb direktoru Nərxanım müəllimə məlumat verir ki, İmamzadə yolunda, həmçini Şəmkir rayonunda olan Hasantəpə qəbristanlığında Aşura mərasimi qeyd olunacaq. O, həmin dini mərasimə məktəbli uşaqların buraxılmaması göstərişini verir. Direktor bunu belə izah etməyə çalışır ki, İranın ölkəmizdə işğtişaş və dini təfriqə yaratmaq təhlükəsi olduğu üçün uşaqlar ora buraxılmır və s. Lakin bəzi sosial media orqanları və saytlar direktorun bu narahatlığını başqa səmtə yozub onun əleyhinə anti-təbliğat aparırlar.

Millət vəkili Fazil Mustafa isə bu məsələyə reaksiya verərək özünün fb statusunda yazır: “Sosial şəbəkələrdəki paylaşımlarda Şəmkir rayon Xanallar kənd F.Ələkbərov adına tam orta məktəbin direktoru Nərxanım İsrafilovanın din adı ilə keçirilən mərasimdə məktəblilərin iştirakının qarşısını almaq üçün müəllimlərə etdiyi çağırış barədə yazılıb və onun səs yazısını da yayıblar. Məqalə sırf irançı mövqedən yazılıb və bu dəyərli məktəb direktorunu hədəf seçiblər. Bu cür məktəb direktoruna şəxsən təhsil naziri zəng edib təşəkkürünü bildirməlidir. Çox gözəl şəkildə Azərbaycan dövlətinin mövqeyindən çıxış edir Nərxanım müəllimə. Uşaqların sağlam yetişməsi üçün fədakarlıq edir, çünki ağlı başında olan hər kəs anlamalıdır ki, uşaqlarımızın üz tutacağı yer məktəbdir, təhsildir, idmandır. Nərxanım müəlliməni hamılıqla dəstəkləyək, bu cür cəsur pedaqoqlarımız cəhalətin qarşısında durmalıdırlar, gələcəyimizi qorumalıdırlar...”.

Bəli, bəzi meida orqanlarının və sosial şəbəkə istifadəçilərinin mövqeyindən belə anlaşılır ki, Azərbaycanda hələ də elmi təfəkkürü zəif olan, korazehinli adamlar yetərincədir...

Bununla bağlı DİA.AZ-a maraqlı informasiyalar da daxil olub. Maraqlı orasıdır ki, ilk dəfədir müsbət halı ilə diqqətə gələn Şəmkir təhsil şöbəsinin müdiri Qüdrət Əliyev nədənsə, bundan narahat olaraq səsi yazılan məktəb direktorunu sıxışdırmağa çalışıb.

Mənbə bildirir: "Əslində Nərxanım müəllimə Şəmkir camaatı tərəfindən alqışlanır. Onu istəməyənlər bu səs yazısını yayıblar. Onu yayan da bəllidir. Hər halda Nərxanım müəllimə səsi kimlərə atıbsa, onlardan biridir. İndi həmin müəllimə - səsi yayan müəllimə ortaya çıxmalı və cavab verməlidir. Nərxanım müəlliməni isə camaat müdafiə edəcək... Hətta təhsil müdiri onu qurban verməyə çalışsa belə..."

“Veysəloğlu” şirkətinin tabeliyində olan “Araz” marketlər şəbəkəsində istehlakçıları aldadırlar. TİA.Az bildirir ki, Araz Məmmədov bu haqda fakt təqdim edib. Müştəri deyir ki, bu mağazadan alış-veriş edərkən diqqətli olun: “Babək prospektində yerləşən mağazadan “Uludağ” adlı içki götürdüm, deməli vitrində 2.49 silinib endirimlə 1.89 göstərilib, çekdə isə məhsulun qiyməti 2.29 azn çıxdı. Bunu görüb qayıdıb etiraz etdikdən sonra məbləği geri qaytardılar.
Belə başa düşmək olur ki, əslində məhsulun qiyməti 2.29 manatdır, vitrində qiymətdən baha 2.49 göstərib üstündən xətt çəkib 1.89 qoyurlar ki guya böyük endirim olub. Məhsulun öz qiymətindən baha yazıb endirimli göstərməyi bir yana qalsın, kassada heç endirimli qiyməti də çıxmır, öz qiymətini vururlar”.
Şikayətçi qeyd edir ki, endirimli göstərilən məhsulları gün ərzində nə qədər alıcı görüb inanıb alır, bəlkə çoxu heç fikir də vermir və aldanır: “Gərək aldığın məhsulların bütün qiymətlərini və çeki analiz edəsən, yoxsa mağaza tərəfdən aldanmağından heç xəbərin olmayacaq” .

TİA.Az

İlk öncə onu qeyd edək ki, Ağ Şəhər layihəsi cənab Prezident İlham Əliyevin ən gözəl ideyalarından, təşəbbüslərindən və layihələrindən biridir.
Yəni böyük bir ərazidəki köhnə, müddəti keçmiş, müasir tələblərə cavab verməyən evlər, mənzillər, obyektlər sahiblərindən sərfəli qiymətlərə alınaraq yerində müasir şəhər salınır. Amma...
Əmması odur ki, digər xoşməramlı layihələri vətəndaşların narazılıq mənbəyinə çevirən bəzi rüşvətxor məmurlar Ağ Şəhərdə sakinlərə sanki qara günlər yaşatmağa başladılar.
Biz Gündəlik-Bakı olaraq Ağ Şəhərdə qanuni evi başına uçurdulan, evi buldozerə verilən sakinlər haqqında silsilə yazılar dərc etmişik.
Yəni Ağ Şəhərdə baş verən problemlər bizə tam bəllidir.
Təsəvvür edirsiniz, vətəndaş onun evinə qoyulan qiymətlə razılaşmayanda, qazını kəsirlər, işığını, suyunu kəsirlər, sonda vətəndaşın ev əşyaları içəridə ola-ola evi buldozerə verib uçurdurlar.
Gündəlik-Bakı dəfələrlə yazıb ki, heç orta əsrlərdə də belə hal olmayıb, axı hətta dini kitablarda da mülkiyyətin müqəddəsliyi, toxunulmazlığı qeyd olunub.
Sözün qısası, Ağ Şəhərdə vətəndaşlara cəhənnəm əzabı yaşadırlar.
Bu problemin başqa tərəfidir.
Bir də var, problemin bambaşqa tərəfi.
Belə ki, hansısa vətəndaş Ağ Şəhərdə tikilən binalardan mənzil almaq üçün şirkətlə müqavilə bağlayıb, vaxtında mənzilin pulunu köçürüb, amma...
Əmması odur ki, vətəndaş illər uzunu kirayədə qalaraq mənzilini ala bilmir.
Belə şirkətlərdən biri də “ERA TOWER” tikinti şirkətidir.
Bu şirkət kimə məxsus olsa yaxşıdır.
Akim Bədəlova.
Kimdir Akim Bədəlov..?
Akim Bədəlovun adı keçmiş dövlət katibi, Qarakənddə ermənilərin vurduğu vertolyotda şəhid olan Tofiq İsmayılovun ailəsinə məxsus əmlakın ələ keçirilməsində hallanıb.
Bu adam uzun illər Alternativ və Bərpa Olunan Enerji Mənbələri üzrə Dövlət Şirkətinin sədri olub. Sonradan şirkətin əsasında Alternativ və Bərpa Olunan Enerji Mənbələri üzrə Dövlət Agentliyi yaradılıb və Akim Bədəlov sədr olub.
Yəni 20 ildən çoxdur ki, bu adam bu sahəyə rəhbərlik edib.
Guya Allah qoymasa külək əsəndə, Günəş möhkəm isti verəndə Akim Bədəlov alternativ enerji istehsal edəcək.
Amma son 20 ildə Akim Bədəlov heç on kvadratı isidəcək enerji ortaya qoya bilmədi.
Hamı şahiddir ki, Bakıdan rayonlara gedəndə yolların qırağında, dağ başında, təpələrdə quraşdırılmış külək enerji qurğularının heç pəri də tərpənmir, Günəş batereyalarından isə danışmağa dəyməz.
Amma əvəzində yayılan xəbərlərə görə, Akim Bədəlov 3 milyarda yaxın pulu mənimsəyib.
Təsəvvür edirsiniz, 3 MİLYARD...Ermənistanın büdcəsi qədər...
Bu adamdan soruşan yoxdur ki, 20 il müddətində dövlətin ayırdığı pulları hansı xarici ölkələrə köçürdün..?
Akim Bədəlov bəlkə də XXI əsrin ən böyük maxinatorudur.
Bütün bunları görən, cənab Prezident Agentliyi ləğv elədi. Amma Akim Bədəlov öz əməllərindən geri çəkilmir.
Belə ki, yuxarıda qeyd etdiyimiz kimi Akim Bədəlova məxsus “Era Tover” şirkəti vətəndaşların milyonlarını mənimsəyib.
Ağ Şəhərdə binalardan birinin sakinləri illərdir ev üzünə həsrət qalıblar. Onların sözlərinə görə, 2013-cü ildən tikintisi başlayan “Era Tower” yaşayış binası hələ də öz sakinlərinə təhvil verilməyib. Sözügedən 22 mərtəbəli binanın tikintisi 3 ildir demək olar ki, tam dayanıb. Səbəb kimi isə sakinlərə binanın tikintisi üçün ayrılan pulun xərcləndiyi bildirilib. Bu səbəbdən 50-yə yaxın alıcı hələ də illərdir pulunu verib həsrətini çəkdikləri evə sahib ola bilməyiblər. Şikayətçilər bildirir ki, onlar arasında hətta illərdir kirayələrdə qalıb ev gözləyənlər də var.
Təsəvvür edirsiniz, 2013-cü ildən bəri, yəni 20 ildir ki, binanınn tikintisi davam edir.
Vətəndaşın 2013-də doğulan oğlu, qızı indi evlənməli, ərə getməlidir.
Akim Bədəlov isə deyir ki, binanı tikməyə pul yoxdur.
Deməli, vətəndaşların ödədiyi milyonları Akim Bədəlov mənimsəyib.
Akim Bədəlov düşünür ki, dövlətin 3 milyardını mənimsədim nə oldu ki, Dadaşbalanın, Fatmanisənin 50-100 minini mənimsəsəm nə olacaq..?
Bax, bu cəzasızlıq mühiti bir gün problem ola bilər.
Ulu Öndərimiz Heydər Əliyev əbəs yerə demirdi ki, dövlət cinayətkar cəzasız qalanda sarsılır.
Adam dəhşətə gəlir ee…
Pulunu ver, kirayədə qal və 20 il gözlə. Amma indi də ümid yoxdur ki, bina nə vaxtsa tikiləcək.
Görün şirkətin təsisçilərindən biri olan Akim Bədəlovun oğlu Aqşin Bədəlov şikayətçilərə nə deyir:
“Pulumuz yoxdur, tikə bilmirik, hara istəyirsiniz şikayət edin”.
Vətəndaşlar aksiya keçirməyə hazırlaşır, ancaq Akim Bədəlov onları qəbul etmir.
Binanı tikən MMC-nin direktoru isə deyir ki, borcumuz çoxdur, onu ödəyəndən sonra tikintiyə başlayacağıq.
Burada deyiblər ee…yaz gələr yonca bitər…doyunca yeyərsən.
Son olaraq qeyd etmək istəyirik ki, Azərbaycan qanunları bütün gücü ilə işləməyənədək, bu hallar davam edəcək. //gundelik-baku.com//

"Orxan Quluzadə Londona, Gardiff Univetsitetinə təhsil üçün gedəndə onun cəmi 17 yaşı vardı. Cəmi 1 il sonra, 18 yaşlı tələbə Orxan artıq atası Ülvi Quliyevin sayəsində həm də Britaniya Krallığında şirkət sahibi idi. Şirkətə aid sənədlərdə qeyd olunurdu ki, İngiltərədəki GUANO LİMİTED (qeydiyyat nömrəsi 06353306) 2007-ci ilin avqustun 28-də London apartment 103, Astra house 23-25 Arklow road ünvanında qeydiyyatdan keçib. Təsisçisi Bakı şəhəri, Səməd Vurğun küçəsi 6 ünvanında qeydiyyatda olan 1989-cu il avqust təvəllüdlü Orxan Quluzadədir. Şirkət atası tərəfindən Orxana ad günü hədiyyəsi idi". DİA.AZ bildirir ki, bu barədə deputat Ülvi Quliyevlə bağlı redaksiyamıza göndərilən məqalədə deyilir.

Məqalə müəllifi daha sonra bildirir: "Ülvi Quliyev oğlunu o qədər çox istəyir ki, hətta onu müharibə vaxtı gizlətməyə də müvəffəq olur. Bu o zaman idi ki vətənin qyerətli oğulları silaha sarılaraq 30 illik düşmən işğalına son qoymaq üçün canlarından belə keçirdilər. Həmin vaxtı isə Ülvi Quliyevin madar oğlu digər oliqarx balaları ilə dünyanın əyləncə mərkəzlərində öz kef-damaqlarında idilər. Təbii ki, nə millət, nə də dövlət bunları unuda bilməz və unutmayacaq...

Etiraf edək ki, dövlətin unutqanlığı bir az vərdişkar hal aldığından, burada ümidlər daha çox millətədir. Yəni yetərincə olub ki, dövləti talayanlar, dövlət büdcəsi hesabına oliqarxlaşanlar cinayət yolu ilə pul qazanmalarına rəğmən sonradan məsuliyyətdən yaxa qurtarmağı bacarıblar. Elələri də var... Odur ki, bizim əsas gümanımız millətin yaddaşıdır".

Daha sonra məqalə müəllifi Ülvi Quliyevin sevimli oğlu ilə bağlı KİV-lərdə yer almış, həm də təkzib olunmamış digər faktları da təqdim edir:

"O zaman Ülvi Quliyev şirkəti idarə etmək üçün Londonda ona Əhməd Xan adlı ortaq da tapır. Əslində bu şəxs o vaxtlar Kəmaləddin Heydərovun Londonun Birkbek Universitetində magistr təhsili alan oğlu Tale Heydərovun Orxan üçün Britaniyada ayarladığı bələdçi idi, 3 il sonra o, direktor vəzifəsindən kənarlaşdırılır və şirkətin katibi təyin olunur. Londonda şirkət sahibi olmaq hələ gömrük komitəsinə rəhbərlik etdiyi vaxtlatdan Kəmaləddin Heydərovun sayəsində dərman biznesində parlayan Ülvi Quliyev üçün təkcə prestij deyildi.

Ülvi Quliyevin oğlunun şirkəti Heydərovun Britaniyadakı şirkətləri üçün əlavə platsdarm kimi əhəmiyyətli idi. Gardiff Universitetini (illik təhsil haqqı 30 min funta çatır) 4 il ərzində başa vuran Orxan daha iki il London City universitetində (illik təhsil haqqı 13 min funtdan 30 min funta qədər) təhsilinə davam edir. Universitetdə oxuduğu dönəmdə o təkcə şirkət sahibi deyildi, həm Taleh Heydərovun rəhbəri olduğu Azərbaycan Cəmiyyətinin buradakı təmsilçisi, universitetdəki karate klubunun rəhbəri, həm də ZAMİNBANK-ın Londonda Caspian Money pul köçürməsi ilə məşğul olan nümayəndəsi kimi fəaliyyət göstərib.

Orxan Guluzadə 2019-cu ilin yayında, daha konkret desək, iyulun 24-də şirkətin adını dəyişərək UGANO Limited adlandırdı. GUANO, yaxud UGANO fərq etməz, Orxanın yaxın dostlarlna şirkətin adının ailə üzvlərinin adlarının baş hərflərini ifadə etdiyini deyib. Şirkətin adını dəyişdirməzdən əvvəl isə, yəni həmin ilin iyunun 20-də Orxan yaxın dostu Tale Heydərovun yardımı ilə biznesini böyütmək üçün Britaniyanın HAMPSHİRE TRUST BANK-ından ciddi məbləğdə kredit alıb".

Daha sonra mənbə hazırki durumla bağlı da müəyyən açıqlamalar verir: "Doğrudur, hazırda vəziyyət kifayət qədər dəyişib. Artıq Ülvi Quliyevin Kəmaləddin Heydərov adlı qalası kifayət qədər sarsıldığından, FHN şefinin xaricdəki biznesi hakimiyyət tərəfindən təftiş olunduğundan Ülvi Quliyev də bu sarıdan öz payını alıb.

Hər yerdə "artıq əvvəlki vaxt deyil" deyib giley edən Ülvi Quliyev özü barəsində nə qədər KASIB obrazı yartmağa çalışsa da, hüquq-mühafizə orqanları üçün onun milyonlarını üzə çıxartmaq o qədər də çətin olmayacaq. Hansı milyonlar ki, Azərbaycan dövlətinin büdcəsinin HALALIDIR..."

Yazıda iddia olunanlarla bağlı dia.az olaraq bütün maraqlı tərəfləri dinləməyə hazırıq...