“İlk dəfə Azərbaycanda Dövlət Təhlükəsizliyi Xidməti Akademiyasında tədris olunmağa başlanan informasiya təhlükəsizliyi ixtisası daha üç, növbəti tədris ilindən isə 11 ali təhsil müəssisələrində ixtisas kimi tədris olunacaq”.

Oxu.Az-ın məlumatına görə, bunu Azərbaycan Kibertəhlükəsizlik Təşkilatları Assosiasiyasının yaradılması ilə bağlı təqdimatında Azərbaycan təhsil naziri Emin Əmrullayev bildirib.

Onun sözlərinə görə, burda keyfiyyəti təmin etmək üçün Dövlət Təhlükəsizlik Xidmətinin əməkdaşları, Təhsil Nazirliyi və beynəlxalq ekspertlərlə yeni tədris proqramının yaradılmasının üzərində işlər aparılır.

İlhamə Əbülfət

Rusiya prezidenti Vladimir Putin və Ukrayna prezidenti Volodimir Zelenski arasında birbaşa təmasların mümkünlüyü Rusiya-Ukrayna danışıqlarının nəticələrindən asılıdır.

Kremlin mətbuat xidməti xəbər verir ki, bunu Rusiya lideri Avropa İttifaqı Şurasının rəhbəri Şarl Mişellə telefon söhbətində bildirib.

Tərəflər Ukraynadakı vəziyyəti müzakirə ediblər. Şarl Mişel dövlət başçısına bu yaxınlarda Kiyevə səfəri zamanı Ukrayna rəhbərliyi ilə təmasları barədə məlumat verib. Vladimir Putin isə hərbi əməliyyatlarla bağlı mövqeyini qarşı tərəfə çatdırıb.

Qeyd edək ki, Mişel çərşənbə günü Kiyevə səfər edib və Zelenski ilə görüşüb.

Çıxarışı olmayan mənzillərə əmlak vergisı ödənişi üçün bildiriş göndərilib.

Xezerxeber.az-ın məlumatına görə, bildiriş Abşeron rayonunun Xırdalan şəhərindəki yaşayış komplekslərindən birindəki sakinlərə göndərilib.

Bələdiyyənin göndərdiyi sənəddə nə qədər vergi ödənilməli olduğu bildirilməsə də, fiziki şəxslərin mülkiyyətində və istifadəsində olan əmlaka görə ildə bir dəfə əmlak vergisi ödənilməli olduğu qeyd edilib. Sakinlər isə bunun qanunsuz olduğunu iddia edirlər.

Məsələ ilə bağlı Xırdalan şəhər bələdiyyəsindən bildirilib ki, onların göndərdiyi bildirişlər tam qanunauyğundur.

Xırdalan bələdiyyəsindən o da deyilib ki, əgər vətəndaşların hər hansı bir şikayəti varsa, aidiyyəti üzrə məhkəməyə müarciət edə bilərlər.

Xezerxeber.az mövzu ilə bağlı daha ətraflı videomaterialı təqdim edir:

Təhsil Nazirliyindən Əlifba bayramının keçirilməməsi məsələsinə aydınlıq gətirilib.

Bu barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov məlumat yayıb.

Bildirilib ki, artıq şagirdlər əlifbanı məktəbəhazırlıq dövründə öyrənməyə başlayırlar.

“I sinfin I yarımilinə qədər şagirdlər əlifbanı öyrənib bitirdikləri üçün artıq bir neçə ildir may ayında Əlifba bayramı keçirilmir” - deyə o qeyd edib.

Qanunvericiliyin tələblərinin pozulmasına, o cümlədən insanların haqlı narazılığını doğuran hallara görə hakimlər barədə 300-dən çox intizam icraatı başlanıb.

Bu barədə Məhkəmə-Hüquq Şurasından məlumat verilib.

Bildirilib ki, ciddi nöqsanlara yol verən 200-dək hakim müxtəlif əsaslarla məhkəmə sistemindən kənarlaşdırılıb. Korrupsiya hüquqpozmaları ilə bağlı 43 hakim intizam məsuliyyətinə cəlb edilib, 9 nəfərin səlahiyyətlərinə vaxtından əvvəl xitam verilib, 13 nəfər tutduğu vəzifədən azad olunub.

Təkcə son üç ildə isə 70-dək intizam icraatı başlanıb, 60 hakim məhkəmə sistemindən kənarlaşdırılıb.

Hakimlərin fəaliyyətinin qiymətləndirilməsinin yeni Qaydalarına uyğun olaraq ötən il 220-dən çox hakimin fəaliyyəti Şura tərəfindən prinsipial qiymətləndirilib, aidiyyəti materiallar əsasında zəruri təhlillər aparılıb. 5 nəfərin fəaliyyəti qeyri-məqbul qiymətləndirilməklə səlahiyyətlərinə xitam verilib, 14 nəfərin fəaliyyətində peşəkar çatışmazlıqlar müəyyən olunaraq təkrar qiymətləndirilmələri qərara alınıb.

Eləcə də, fəaliyyətində daha əvvəl peşəkar çatışmazlıqlar aşkar edilmiş hakimlərin fəaliyyəti təkrar qiymətləndirilərək 4 nəfərin işində dönüş yaratmadıqlarına görə səlahiyyətlərinə vaxtından əvvəl xitam verilməsi qərara alınıb.

Qanunvericiliyin tələblərinin pozulmasına görə apellyasiya məhkəmələrinin 4, Bakı ağır cinayətlər məhkəməsinin 3 hakimi intizam məsuliyyətinə cəlb olunub.

Həmçinin, korrupsiyaya şərait yaradan hüquqpozmalara, süründürməçiliyə və digər kobud qanun pozuntularına yol verilməsinə görə birinci və apellyasiya instansiyası məhkəmələrinin 12 hakimi barədə intizam icraatı başlanılıb.

Rusiyanın raket və artilleriya qoşunları Ukraynanın 26 hərbi obyektini məhv edib.

Zamantv.az-ın məlumatına görə, bu barədə Rusiya Müdafiə Nazirliyinin rəsmi nümayəndəsi general-mayor İqor Konaşenkov bu gün keçirdiyi brifinqdə bildirib.

Məhv edilən obyektlər arasında 2 komanda məntəqəsi və 21 hərbi texnikanın cəmləşmə məntəqəsi var.
Konaşenkov əlavə edib ki, gün ərzində Ukrayna ordusunun raket anbarı, 27 ədəd zirehli texnikası və hərbi nəqliyyat vasitəsi də vurulub.

Ağdamda 11-ci sinif şagirdi intihar edib.

Zamantv.az-ın APA-ya istinadən xəbərinə görə, hadisə rayonun Üçoğlan kəndində baş qeydə alınıb.

2005-ci il təvəllüdlü Əhmədova Gültac Oruc qızı yaşadığı evdə özünü asaraq intihar edib. Gültac Əhmədova Ağdam rayon Bəxtiyar Musayev adına Üçoğlan kənd tam orta məktəbinin 11-ci sinfində oxuyub.
Faktla bağlı cinayət işi açılıb araşdırma aparılır.

Lənkəranda ev yanıb.

Fövqəladə Hallar Nazirliyindən Zamantv.az-a verilən məlumata görə, hadisə Lənkəran rayonunun Sütəmurdov kəndində qeydə alınıb. Ümumi sahəsi 200 m² (hər mərtəbəsi 100 m²) olan ikimərtəbəli 5 otaq və aynabənddən ibarət evin birinci mərtəbəsində 2 otağın yanar konstruksiyaları 40 m² sahədə, ikinci mərtəbəsində 2 otağın, aynabəndin yanar konstruksiyaları və dam örtüyü 90 m² sahədə yanıb. Evin qalan hissəsi yanğından mühafizə olunub.

Yanğın söndürülüb.

Lənkəranda ev yanıb.

Fövqəladə Hallar Nazirliyindən Zamantv.az-a verilən məlumata görə, hadisə Lənkəran rayonunun Sütəmurdov kəndində qeydə alınıb. Ümumi sahəsi 200 m² (hər mərtəbəsi 100 m²) olan ikimərtəbəli 5 otaq və aynabənddən ibarət evin birinci mərtəbəsində 2 otağın yanar konstruksiyaları 40 m² sahədə, ikinci mərtəbəsində 2 otağın, aynabəndin yanar konstruksiyaları və dam örtüyü 90 m² sahədə yanıb. Evin qalan hissəsi yanğından mühafizə olunub.

Yanğın söndürülüb.

Səhiyyə Nazirliyi Respublika Gigiyena Epidemiologiya Mərkəzinin şöbə müdiri Aygün İsmayılova mediaya peyvəndlənməyən uşaqlarların taleyindən də bəhs edən müsahibə verib.

Zamantv.az həmin müsahibəni təqdim edir:

- Aygün xanım, səhiyyə naziri Teymur Musayev 2022-ci il 24-30 aprel tarixlərində respublikanın bütün şəhər və rayonlarında “İmmunlaşdırma həftəsi” keçirilməsi ilə bağlı əmr imzalayıb. İmzalanmış sənəd özündə nə ehtiva edir?
- Ümumdünya Səhiyyə Təşkilatının (ÜST) təşəbbüsü ilə 2006-cı ildən etibarən hər il 24-30 aprel tarixlərində Avropa regionunda “İmmunlaşdırma həftəsi” keçirilir. İmmunlaşdırma kampaniyası peyvəndlərlə qarşısı alına bilən xəstəliklərdən uşaqların qorunmaq hüququ olması barədə əhalini məlumatlandırmaq, eyni zamanda peyvəndlə əhatə olunma səviyyəsini yüksəltmək məqsədi daşıyır.

Uşaqların sağlamlığının qorunması daim dövlətin diqqət mərkəzindədir. Hər il olduğu kimi cari ildə də ölkəmizdə aprel ayının sonuncu həftəsində “İmmunlaşdırma həftəsi” keçirilir. İmmunlaşdırma proqramı dövlət tərəfindən dəstəklənir və peyvəndlərlə idarə olunan xəstəliklərin azalmasına yönəlib.

Səhiyyə naziri Teymur Musayevin imzaladığı sənədə əsasən, ölkənin tibb idarə və müəssisələrinin rəhbərlərinə müvafiq tapşırıqlar və tövsiyələr verilib. Hazırda uşaqlar arasında profilaktik peyvəndlər nazirlik tərəfindən təsdiq olunmuş Milli Peyvənd Təqviminə əsasən həyata keçirilir. Yaşadığı ərazi üzrə poliklinikalarda 2 aylığından 6 yaşa qədər uşaqlar sahə həkimi tərəfindən müayinədən keçərək, onların təqvimə uyğun profilaktik peyvəndlənmələri aparılır.

- Respublikanın hansı rayonlarında peyvəndlərlə əhatə səviyyəsi aşağıdır?

- İmmunlaşdırma sayəsində hər il milyonlarla uşaq ciddi xəstəlik və ölümdən xilas olunur. Azərbaycanda qəbul olunmuş peyvənd təqviminə uyğun olaraq, uşaqları əhatə edən 11 yoluxucu xəstəliyə qarşı planlaşdırılmış peyvənd tədbirləri həyata keçirilir. Ölkə ərazisindəki vaksinasiya işi ilə məşğul olan tibb müəssisələri vaksin və peyvənd materialları ilə tam təmin edilir. Eyni zamanda, Gigiyena və Epidemiologiya Mərkəzləri (GEM) tərəfindən mütəmadi olaraq peyvənd işi və soyuq zəncir sisteminə nəzarət olunur.

Ümumilikdə respublika üzrə immunoprofilaktika tədbirlərinin kifayət qədər səmərəli səviyyədə həyata keçirilməsinə baxmayaraq, 2021-ci ilin yekunlarına əsasən, Yevlax, Yardımlı, Ucar, Göygöl, Qobustan, İmişli rayonlarında və Mingəçevir, Naftalan şəhərlərində yerinə yetirilmə göstəricisinin aşağı olması müşahidə olunub. Bu səbəbdən həmin rayon və şəhərlərdə Respublika GEM-nin mütəxəssisləri tərəfindən “İmmunlaşdırma həftəsi” çərçivəsində ÜST-nin dəstəyi ilə monitorinq və treninqlərin keçirilməsi nəzərdə tutulub.

- Uşaqların vaksinasiyasını həyata keçirən tibb müəssisələrinə hansı tapşırıqların verilməsi gözlənilir?

- Tibb müəssisələrində vaksin və peyvənd materiallarının tam təminatı təşkil edilir. “İmmunlaşdırma həftəsi” zamanı peyvəndlərin vacibliyi və təhlükəsizliyi barədə davamlı olaraq əhali qrupları maarifləndiriləcək.
COVID-19 infeksiyasına görə epidemioloji vəziyyət nəzərə alınaraq, uşaqların immunlaşdırması növbəlilik əsasında olunması nəzərdə tutulur.

- Müxtəlif səbəbdən immunlaşdırmadan kənarda qalan uşaqlar üçün hansı tədbirlər görüləcək?

- Müəyyən müddət ərzində müxtəlif səbəblərdən peyvəndlənmədən kənarda qalan uşaqların planlı vaksinasiyaya cəlb olunması “İmmunlaşdırma həftəsi”nin əsas məqsədlərindəndir. Kampaniya çərçivəsində hər bir tibb müəssisəsi tərəfindən onların siyahıları hazırlanılır və immunlaşdırmaya cəlb olunması planlaşdırılır.

- İmmunlaşdırma həftəsi ilə bağlı hansı maarifləndirici tədbirlərin görülməsi nəzərdə tutulub?

- Planlı immunlaşdırma əhatəsinin yerlərdə yüksəldilməsi və əhalinin məlumatlandırılma səviyyəsinin artırılması məqsədilə dəyirmi masaların və seminarların keçirilməsi nəzərdə tutulur. Bundan əlavə, “İmmunlaşdırma həftəsi” çərçivəsində maarifləndirici broşür və bukletlərin paylanılması, həmçinin kütləvi informasiya vasitələrində müvafiq məlumatların verilməsi nəzərdə tutulub.