Bakıda məktəblinin anasını öldürmə anının görüntüləri yayılıb.

Zamantv.az xəbərə həmin görüntüləri əlavə edib.
Prokurorluq Bakıda məktəblinin anasını öldürməsi faktı ilə bağlı məlumat yayıb.

Nizami rayon Prokurorluğundan Lent.az-a daxil olan məlumatda qeyd olunur ki, aprelin 20-si saat 12 radələrində paytaxtın Nizami rayonu ərazisində 1985-ci il təvəllüdlü Sevinc Məhərrəmova aldığı xəsarətlərdən ölməsi barədə rayon prokurorluğuna məlumat daxil olub.

Aparılmış ilkin araşdırmalarla zərərçəkmişin oğlu 2007-ci il təvəllüdlü A.C-nın qısqanclıq zəminində anası Sevinc Məhərrəmova bıçaq xəsarətləri yetirərək qəsdən öldürməsinə əsaslı şübhələr müəyyən edilib.

Faktla bağlı Nizami rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

A.C. şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.

Bakıda anasını öldürən məktəbli olub.

Zamantv.az qətlə yetirilən ananın və hadisəni törədən uşağın kimliyini öyrənib.

Məlum olub ki, 15 yaşlı İdeal Məmmədzadə anası, 37 yaşlı Ülviyyə İsmayılovanı bıçaqlayaraq öldürüb.

Hadisənin qısqanclıq zəminində baş verdiyi bildirilir.

Hadisə yerindən bıçaq və yeyiyetmənin məktəbli çantası götürülüb.

Hadisə yerindən fotonu təqdim edir:

Bakıda törədilən qətlin üstü açılıb.

Daxili İşlər Nazirliyindən Lent.az-a verilən məlumata görə, araşdırmalar nəticəsində məlum olub ki, qadın oğlu tərəfindən qətlə yetirilib. O hadisə yerindən qaçsa da polis əməkdaşlarının isti izlərlə həyata keçirdiyi əməliyyat tədbirləri nəticəsində tutularaq istintaqa təhvil verilib.

Faktla bağlı cinayət işi başlanıb, araşdırma aparılır.

Bakıda dəhşətli qətl törədilib.

Zamantv.az xəbər verir ki, hadisə bir az əvvəl Bakı metrosunun "Neftçilər" stansiyası yaxınlığında qeydə alınıb.

Şəxsiyyəti hələlik məlum olmayan 50-55 yaşlarında qadın bıçaqlanaraq öldürülüb.

Hadisənin motivi hələlik məlum deyil.

Hazırda hüquq-mühafizə orqanlarının əməkdaşları hadisə yerində araşdırma aparır.

Tovuz rayonunun Dondar Quşçu kəndində 10 yaşlı Nərmin Quliyevanı qətlə yetirməkdə ittiham olunan İlkin Süleymanovun cinayət işi üzrə məhkəmə prosesi davam etdirilib.

Zamantv.az APA-ya istinadən xəbər verir ki, bu gün Gəncə Ağır Cinayətlər Məhkəməsinin hakimi Dadaş İmanovun sədrliyi ilə keçirilən iclasda təqsirləndirilən şəxsin vəkili Əlibaba Rzayev vəsatət qaldıraraq iş üzrə istintaq zamanı ifadə vermiş bir neçə şahidin məhkəmədə dindirilməsini istəyib.

Müdafiəçi həmin şəxslərin kimliyini və nəyə görə məhkəmədə dindirilməli olduğunu da əsaslandırıb. Vəkilin sözlərinə görə, istintaq zamanı İlkin Süleymanovla birlikdə təcridxanada olmuş şəxslərdən 4 nəfərin ifadəsi alınıb. Həmin şəxslərdən ikisi deyib ki, İlkin gecələr sayıqlayaraq Nərmini öldürdüyünü deyib. Eyni yerdə saxlanılan digər iki şahid isə İlkinin elə bir şey sayıqlamadığını bildiriblər. Lakin təqsirləndirilən şəxsin əleyhinə ifadə verən iki nəfər şahid kimi tanınsa da, istintaq orqanı digər iki nəfəri şahid kimi tanımayıb.
Hakim həmin şahidlərin məhkəmədə ifadə vermələrinin təmin olunacağını bildirib.

Vəkil daha sonra kənd sakinləri Rüfət Əliyev və Zahidə Əliyevanın məhkəmədə dindirilməsini xahiş edib. Müdafiəçi bildirib ki, sözügedən kənd sakinləri bildiriblər ki, Nərminin əmisi Arif Əliyev hadisə baş verməzdən iki gün əvvəl meyitin onların həyətinə atıla biləcəyi ehtimalı olduğunu deyib: "Sözügedən şəxslər Nərminin yanmış meyiti aşkar edilməzdən iki gün əvvəl Ariflə danışıblar. Arif deyib ki, ehtiyatlı olun, Nərminin meyiti sizin qapınıza atıla bilər. Arif nə bilirdi ki, Nərminin meyiti kiminsə qapısına atılacaq?"

Müdafiə tərəfi İlkin Süleymanovun əmisi Hüseyn Süleymanovun, bacısı İlhamə Süleymanovanın övladlarının və şagirdlərinin məhkəmədə ifadə vermələrini istəyib.

Müdafiəçi deyib ki, Nərminin atası Şərif Quliyev qızının yanmış cəsədi aşkar edilən yerdə bir gün sonra qazıntı aparıb. Torpaq qazmaq üçün beli isə Hüseyndən alıb: "Hesab edirik ki, Hüseynin də məhkəmədə ifadə verməsi lazımdır. İlkinin bacısı uşaqlarına gəlincə, onlar dəfələrlə Nərmin saxlanılan otaqda olublar. Bundan başqa, İlkinin bacısı İlhamənin həmin vaxt atasına baxdığını sübut etmək üçün onun dərs dediyi şagirdlər də şahid kimi dindirilməlidir".

Məhkəmə adları çəkilən kənd sakinlərinin, İlkin Süleymanovun əmisinin, İlkinlə birgə təcridxanada qalmış şəxslərin və digər şəxslərin məhkəmədə dindirilməsi barədə vəsatətlərin əksəriyyətini təmin edib.

Proses sabah davam etdiriləcək.

Xatırladaq ki, 2019-cu ilin noyabrın 19-dan itkin düşən Tovuz rayonunun Dondar Quşçu kənd sakini, 10 yaşlı Nərmin Quliyevanın qətlə yetirilərək yandırılan meyiti 2020-ci il yanvarın 6-da kənd ərazisində aşkar edilib.

Daxili İşlər Nazirliyi, Dövlət Təhlükəsizliyi Xidməti və Baş Prokurorluğun əməkdaşlarından ibarət istintaq-əməliyyat qrupu tərəfindən cinayətin açılması istiqamətində həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində cinayəti törətməkdə şübhəli bilinən Dondar Quşçu kənd sakini, 1973-cü il təvəllüdlü Süleymanov İlkin İbrahim oğlu tutularaq istintaqa cəlb edilib.

İş üzrə çoxsaylı şahidlər dindirilib, məhkəmə-tibbi, məhkəmə-bioloji, məhkəmə-kimyəvi ekspertizaları təyin edilib və digər zəruri istintaq hərəkətləri aparılıb.

İ.Süleymanova Cinayət Məcəlləsinin 120.2.4 (xüsusi amansızlıqla qəsdən adam öldürmə), 120.2.9 (təqsirkar şəxs üçün aşkar surətdə köməksiz vəziyyətdə olan adamı qəsdən öldürmə), 144.3 (adam oğurluğu) və başqa maddələr ilə təqsirli bilinərək barəsində cinayət işi açılıb.

Hindistanın Andhra Pradeş ştatının Çodavaram şəhərində 22 yaşlı Puşpa adlı qız Elmi və Sənaye Tədqiqatları Şurasında çalışan Rama Naidu adlı alimin boğazını kəsib.

Zamantv.az NDTV yerli kana istinadən xəbər verir ki, valideynləri Puşpanı zorla Ramaya nişanlayıblar.

May ayında cütlüyün toyu olacaqdı. Bu evliliyə qarşı olan qız gələcək ərinə sürpriz etmək bəhanəsi ilə məbəddə onun görüş təyin edir.
Rama məbədə daxil olanda Puşpa onun boğazını bıçaqla kəsərək məbəddən uzaqlaşır.

Çoxlu qan itirən alim ağır vəziyyətdə xəstəxanaya yerləşdirilib. Tələbə qız isə polis tərəfindən saxlanılıb.

Polis zabiti S.Qothami bildirib ki, tələbə cinayət əməlinə görə universitetdən xaric edilib.

İndi səhiyyə sistemimizlə bağlı əsas şikayətlərdən biri də dövlət xəstəxanalarında peşəkar kadrların çatışmazlığı ilə bağlıdır. İddia olunur ki, hətta dövlət xəstəxanasında çalışan həkim də səhər əsas iş yerində 1-2 saat görünüb, özəl xəstəxanaya qaçır, pasientlərini də burada qəbul edirlər. Nəticədə vətəndaş dövlət müəssisələrindəki xidmətlərdən yararlana bilmir, məcbur qalıb özəl xəstəxanaya əlavə pul ödəməli olur.

Zamantv.az-ın APATV-yə istinadən xəbərinə görə, tibb üzrə elmlər doktoru, professor Adil Qeybulla deyir ki, mövcud vəziyyət daha çox İcbari tibbi sığortanın tətbiqindəki problemlərlə bağlıdır.

Endokrinoloq Fərhad Burzu isə dövlət klinikalarında kadr çatışmazlığının əsas səbəbi kimi 2 əsas nünası vurğuladı. Onlardan biri göstərilən xidmətlərin məhdud sayda olması, digəri isə əmək haqqının aşağı olmasıdır.
Məsələyə aydınlıq gətirmək üçün TƏBİB-lə əlaqə saxladıq. Qurumdan bildirildi ki, həkimlərin özəl tibb müəssisələrində fəaliyyət göstərmək hüququ var, lakin bu dövlət müəssisəsindəki iş saatı bitdikdən sonra mümkündür.

Mütəxəssislərin fikrincə, neçə ki, işin təşkili məsələlərinə düzgün yanaşılımır, bu kimi hallar tez-tez baş verəcək.

İspaniyada qapalı məkanlarda maskadan istifadə sərbəstləşdirilib.

Zamantv.az -ın “El Pais”ə istinadla xəbərinə görə, bu gündən etibarən qapalı məkanlarda, ticarət mərkəzləri və mədəni müəssisələrdə maskadan istifadə könüllüdür.

Bununla belə, ictimai nəqliyyat və tibb müəssisələrində maskadan istifadə tələbi qüvvədə qalır.

Şabranda bir nəfər kanalda batıb.

Bu barədə Fövqəladə Hallar Nazirliyi məlumat yayıb.

Xəbərə görə, aprerin 20-də nazirliyin “112” qaynar telefon xəttinə Vəlvələçay-Taxtakörpü kanalının Şabran rayonu, Vələsli kəndi ərazisindən keçən hissəsində 1 nəfərin batması barədə məlumat daxil olub.

FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu və Şimal Regional Mərkəzinin xilasediciləri axtarışlara cəlb olunub.

Əlavə məlumat veriləcək.

Türkiyənin xarici işlər naziri Mövlud Çavuşoğlu rusiyalı həmkarı Sergey Lavrovla telefonla danışıb.

Söhbətin başlıca mövzusu Ukraynadakı vəziyyət olub.

“Xarici işlər naziri Mövlud Çavuşoğlu bu gün Rusiyanın xarici işlər naziri Sergey Lavrov ilə telefon danışığı aparıb. Söhbət zamanı Ukraynada baş verən son hadisələr müzakirə olunub", - Türkiyə XİN-dən bildirilib.

Mənbə: “Haber Global”

RF prezidentinin mətbuat katibi Dmitri Peskov İsrail tərəfinin Rusiya Prezidenti Vladimir Putinlə Ukrayna Prezidenti Volodimir Zelenski arasında görüşə ev sahibliyi etmək təklifini şərh edib.

“İlk dəfə deyil ki, İsrail tərəfi görüşə ev sahibliyi etməyə hazır olduğunu deyir. Ancaq biz artıq dəfələrlə belə bir hipotetik görüşün öncədən əsaslandırılmış olmasının vacibliyini izah etmişik”, – deyə o, Putinlə İsrailin Baş naziri Naftali Bennett arasında bu mövzunun müzakirə olunub-olunmaması sualına cavab verərkən vurğulayıb.

Bundan əvvəl bildirilmişdi ki, İsrail Rusiya və Ukrayna prezidentlərinin Qüdsdə mümkün görüşünə ev sahibliyi etməyə hazır olduğunu təsdiqləyib.

Bundan əvvəl isə Zelenski dəfələrlə qeyd edib ki, Qüds Rusiya ilə danışıqlar üçün mümkün variant ola bilər.

Mənbə: Qazeta.ru

Türkiyə Silahlı Qüvvələrinin Azərbaycandakı Xüsusi Komandanlığı ölkəmizdəki quru qoşunların komandolarına təlim keçib.

Bu barədə Türkiyə Milli Müdafiə Nazirliyi məlumat yayıb.

Bildirilib ki, Türkiyənin Azərbaycandakı Xüsusi Komandanlığının koordinasiyası ilə davam edən “Komandonun əsasları kursları” ilə “Dözümlülük təlimləri” çərçivəsində Azərbaycanın beş briqadasında “Uzun məsafəli müqavimət yürüşü” icra edilib.

Qeyd edək ki, keçirilən təlimin əsas məqsədi Azərbaycan Ordusunun Əməliyyat (Komando) bölmələrinin döyüş qabiliyyətinin daha da yüksəldilməsidir.

Aprelin 20-də yerli vaxtla saat 20:09-da Əli-Bayramlı stansiyasından 48 km cənub-şərqdə Neftçala rayonunda zəlzələ baş verib.

Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilib ki, zəlzələ episentrdə 3 bala qədər hiss olunub.

Ocağı 32 kilometr dərinlikdə yerləşən zəlzələ yaxın sərhəd rayonlarda hiss edilməyib.