Ermənistan nadir ölkələrdən sayılır ki, hər il ölkəni tərk edən vətəndaşların sayı azalmaq əvəzinə artır. AzVision.az xəbər verir ki, bu barədə yerli media məlumat yayıb.
Qeyd edilir ki, son illərdə bu proses bir qədər səngisə də, İkinci Qarabağ müharibəsinin gətirdiyi sosial-iqtisadi çətinliklər, o cümlədən siyasi xaos miqrasiya prosesini yenidən artırıb. Pandemiya şəraiti ilə əlaqədar olaraq əksər ölkələr gediş-gəliş, viza məsələlərini çətinləşdirməsi isə "erməni axını" qarşısında əsas əngəl olub. Əks təqdirdə ölkədən birdəfəlik çıxan vətəndaşların sayı indikindən qat-qat çox olardı.

Miqrasiya problemləri ekspertləri də narahat edir. Hətta tarixçi Arşaluis Zurabyan ümumi bir analiz apararaq 30 ildə faciəvi mənzərənin yaranmasından gileylənib.

- Son otuz il ərzində iki milyon yarıma yaxın insan vətəni tərk edib. Əgər bu "soyqırımı siyasətinin" nəticəsi deyilsə, bəs bunun adı nədir?

“Məlumat vermişdik ki, Avropa İnsan Hüquqları Məhkəməsi 19 noyabr 2021-ci il tarixdə Həsənov Eldar Hümbət oğlu ilə bağlı Məhkəmə qaydalarının 39-cu maddəsinə əsasən müvəqqəti tədbir kimi üçüncü qərar qəbul emişdir. Həmin qərara əsasən Hökümət: – ixtisaslı həkimlər tərəfindən müvafiq hesab edilən ambulator və ya stasionar şəraitdə ərizəçinin həbsdə saxlanma yerində hər hansı zəruri və adekvat tibbi müalicə ilə təmin olunmasını təmin etməli; və – 19 yanvar 2022-ci il tarixindən başlayaraq, ərizəçinin sağlamlıq vəziyyəti və ərizəçi həbsdə qaldığı təqdirdə, göstərilən tibbi müalicə haqqında hər üç ayda bir dəfə Məhkəməyə məlumat verilməlidir”.

Zamantv.az gununsesi.info-ya istinadən xəbər verir ki, bunu hazırda mühakimə olunan sabiq səfir Eldar Həsənovun vəkili Cavad Cavadov deyib. Vəkil daha sonra əlavə edib: “Lakin Məhkəmənin bu qərarına nəinki əməl olunmur, ümumiyyətlə Eldar Həsənovun yanına heç bir ixtisaslı həkim buraxılmır.Məhkəmə bununla bağlı bütün vəsatləri rədd edir. Hər məhkəmədə eyni mənzərədir. Təcili yardım, xərək…. Məhkəməni aparmaq üçün müvəqqəti nəsə edilir, vəssalam”.