İspaniyada yük daşıyıcıları müddətsiz tətilə başlayıblar. Bunun səbəblərindən biri də benzin qiymətlərinin qalxmasıdır.

Bazar ertəsi başlayan və qeyri-müəyyən vaxta qədər davam edəcəyi deyilən tətilin təşəbbüskarı sektorun kiçik və orta bizneslərinin 85 %-ni birləşdirdiyini iddia edən daxili və beynəlxalq nəqliyyat sektorunun müdafiəsi platforması olub.

Tətilə səbəb kimi Ukraynada münaqişənin başlamasından sonra daha da sürətlənən sektorun ağır vəziyyəti, pis iş şəraiti, benzin və dizelin qiymətlərinin qalxması göstərilib.

Bazar ertəsi Aİ-95 premium markalı benzinin litri orta hesabla 1,869 avro, dizelinki isə 1,851 avro olub. Yanacaqdoldurma məntəqələrinin sahibləri hökumətdən yanacağa görə ƏDV-ni 21 %-dən 10 %-ə endirməyi xahiş edirlər, lakin səlahiyyətlilər qərarın Avropa səviyyəsində qəbul edilməli olduğunu deyirlər.

Hələlik ilk gündə nə qədər nəqliyyat işçisinin tətilə qoşulduğu ilə bağlı rəsmi məlumat yoxdur, lakin səlahiyyətlilərin fikrincə, bu rəqəm cüzidir və ölkə daxilində məhsulların çatdırılmasında real fasilələr yoxdur.

Mənbə: RİA Novosti

Sumqayıt şəhərində 16 500 abonentin qaz təminatında məhdudiyyət yaranacaq.

Bu barədə Sumqayıt Qaz İstismar Sahəsində verilən məlumatda deyilir.

Bildirilib ki, “Şəhər-3" orta təzyiqli qaz kəmərində təmir-quraşdırma işlərinin aparılması və qaz sızmalarının aradan qaldırılması ilə əlaqədar, 14. 03. 2022-ci il tarixində saat 09:30-dan etibarən saat 11:30-dək Sumqayıt şəhərinin Kimyaçılar, Təzə Kotec, Köhnə Kotec qəsəbələri, “Xəzər bağları” yaşayış massivində, Bulvar ərazisi və 22-ci məhəllənin qaz təchizatı dayandırılacaqdır. Ümumilikdə 16500 abonentin qaz təminatında məhdudiyyət yaranacaq.

Bizimlə əlaqə saxlayın

Kaluqa vilayətinin Obninsk sakini 10 aylıq oğlunu öldürməkdə şübhəli bilinib. İstintaqın məlumatına görə, 22 yaşlı ana uşağı acından öldürüb və məsuliyyətdən qorxaraq meyiti çamadanda gizlədib.

Cəsədi qadının qohumu bir aydan sonra tapıb.

Gənc qadın hazırda həbsdədir.

Uşaq 2021-ci ilin aprelində dünyaya gəlib. Ondan əvvəl qadının artıq iki övladı olub. Lakin onlar ananın könüllü razılığı ilə başqa şəxslər tərəfindən övladlığa götürülüb.

Mənbə: 360tv.ru

Rusiya Ukraynaya müdaxiləni dəstəkləmək üçün Çindən hərbi texnika istəyib.

Bu barədə "Financial Times" xəbər yayıb.

Vəziyyətlə tanış olan rəsmilərin sözlərinə görə, ABŞ-ın Milli təhlükəsizlik müşaviri Ceyk Sallivan Çinə sərt şəkildə xəbərdarlıq edəcək ki, Rusiyanın işğal siyasətini dəstəkləmək və ya ona Qərb sanksiyalarından yayınmağa kömək etmək üçün hər hansı cəhdin cavabı olacaq.

Ağ ev qorxur ki, bu addım Pekin və Moskva arasında daha güclü əlaqələrin əlamətidir və Çinin müsbət cavabı Qərbin Ukraynaya yardım səylərini sarsıda bilər.

Bolqarıstanın Plovdiv şəhərində 23 yaşadək güləşçilərin Avropa çempionatına yekun vurulub.

Azərbaycanın sərbəst güləş üzrə milli komandası tarixi nailiyyətə imza atıb. Yarışa məşqçilər Arif Abdullayev, Cəbrayıl Həsənov və Rövşən Hacıyevin rəhbərliyi altında yollanan komanda 7 medal qazanıb.

Zirəddin Bayramov (65 kq), Cəbrayıl Hacıyev (74 kq), Abubakr Abakarov (86 kq) və İslam İlyasov (97 kq) bütün rəqiblərinə qalib gələrək Avropa çempionu olublar. Tofiq Əliyev (57 kq), Əşrəf Aşırov (79 kq) və Aydın Əhmədov (125 kq) isə bürünc medala sahib çıxıb.

Beləliklə, 10 çəkidən 9-da yer alan yığma 4 qızıl və 3 bürünc medal əldə edib. Yekunda 159 xal toplayan Azərbaycan millisi komanda hesabında Avropa çempionu olub. Türkiyə (151 xal) ikinci, Gürcüstan (149 xal) isə üçüncü yeri tutub.

Qeyd edək ki, həm medalların əyarına, həm də komanda hesabına görə bu nəticə sərbəst güləş millisinin U-23 Avropa çempionatları tarixində ən yaxşı göstəricisidir.

Britaniyanın “Daily Mail” nəşri Rusiya prezidenti Vladimir Putinin ciddi psixi problemlərə malik olduğunu yazıb.

Qeyd olunub ki, müvafiq məlumatları ABŞ kəşfiyyatı yayıb.

Nəşr bildirib ki, dövlət başçısı xərçəngin steroidlərlə müalicəsindən sonra meydana çıxan demensiya, Parkinson xəstəliyi və “steroid qəzəbi” nəticəsində yaranan beyin pozğunluğundan əziyyət çəkir.