Dünyanın 17 ölkəsində fəaliyyət göstərən Ziraat Maliyyə Qrupunun daxilində həyata keçirilən dövrü yerdəyişmələr ilə əlaqədar olaraq Ekrem Furat İdarə Heyətininin yeni üzvü seçilib. Həmçinin parallel olaraq Ahmet Kudret İşler Ziraat Bank Azərbaycandan ayrılaraq “T.C. Ziraat Bankası” A.Ş.-da yeni vəzifəyə təyin olunub.

“APA-Economics” xəbər verir ki, Ekrem Furat 15 illik zəngin bank təcrübəsinə malikdir. O, peşəkar karyerasına 2007-ci ildə “T.C. Ziraat Bankası” A.Ş.-da başlayıb. 2008-2020-ci illər ərzində Kreditlərin Təhlili Departamentində müxtəlif vəzifələrdə çalışan Ekrem Furat, 2021-ci ildən filial rəhbəri vəzifəsində fəaliyyət göstərib. 26 fevral 2024-cü ildə Ziraat Bank Azərbaycana İdarə Heyəti Üzvü vəzifəsinə təyin edilib .

“Ziraat Bank Azərbaycan” ASC, Türkiyə Respublikasına məxsus, 160 illik tarixə malik olan “Ziraat Maliyyə Qrupu”-nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 8 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.

Şərur Rayon Muğancıq Mehrab kənd orta məktəbinə yeni köçürülən 7-ci sinif şagirdi Ş. M. digərləri üçün ciddi təhlükə yaradır. Ağressiv şagird özündən kiçik məktəbliləri döyür, onları baçaqlamaqla hədələyir, boğazlarından yapışıb, boğulmaq həddinə çatdırır. Bu haqda “Gündəlik Naxçıvan”a bir qrup valideyin məlumat verib. Onlar bildirirlər ki, baş verənlərdən polisin və yerli təhsil nazirliyinin xəbəri olsa da, heç bir tədbir görülmür.
Valideynlərdən B.M. deyir ki, təhdidləri ciddi qəbul etdyindən, azyaşlı uşağını məktəbə buraxmır:
„Bu yaxınlarda idman zalının soyunub-geyinmə otağında ikinci sinif uşağını boğazından tutaraq boğub, bıçaqla başını kəsəcəyi ilə hədələyib, əlindən zorla alıblar. Başqa uşaqları da döyüb, eyni hədə-qorxunu gəlib. Uşaqların çoxu ondan qorxduğu üçün məktəbə getmək istəmirlər. Ailənin tək uşağıdı deyə, ərköyün böyüdülüb. Yəqin ki, valideynləri də öhdəsindən gələ bilmirlər. Kim qarantiya verə bilər ki, sabah məktəbə bıçaqla gəlib, bir neçə uşağı öldürməyəcək? Direktor deyir ki, bizlik deyil, nazirliyə və polisə məlumat vermişəm. Onlar da heç bir tədbir görmürlər. Yəqin gözləyirlər ki, 1-2 uşaq öldürülsün, sonra reaksiya versinlər“.
Adının çəkilməsini istəməyən digər bir valideyin də deyir ki, hər hansı faciənin olacağından qorxurlar:
“Son zamanlar məktəblərdə anormal hadisələrin, uşaqların bir-birini bıçaqlaması hadisəsi ilə bağlı tez-tez məlumatlar yayılır. Burada da hansısa faciənin olacağından, uşaqlarımıza xətər yetiriləcəyindən qorxuruq. Yaxşı olar ki, aidiyyatı qurumlar məsələyə müdaxilə etsin. Məktəb deyir ki, onların uşağı məktəbdən uzaqlaşdırmaq ixtiyarı yoxdur. Polisə və nazirliyə şikayət olunub, baxan yoxdur. Zamanında problem həll olunmalıdır”.
Valideynlər “Gündəlik Naxçıvan” vasitəsi ilə aidiyyəti qurumlara müraciət edərək, baş verə biləcək faciənin qarşısını almalarını tələb edirlər.

"Mənə xəyanət olunub ...

Həmişə kənddən inandığım adamdan kərə yağı alıram. Bu dəfə bir az yağın dad və tamından şübhələndim, hamının bildiyi ənənəvi metodla yoxladım, gördüm ki, nə isə ürəkaçan deyil.

Şübhələr içimi didib-dağıtdı ki, güvəndiyim insan niyə mənə xəyanət etdi?

Özü də qida sarıdan kaprizlərimi bilə -bilə!"

Bu sözləri jurnalist Fəridə Aslanova sosial şəbəkə hesabında yazıb.

"İçimdə qara düşüncələri gəzdirməksə, açıq danışmağa üstünlük verirəm. Zəng etdim, xanıma dedim ki, düzü, inanmıram sən təbii kənd məhsuluna süni nə isə qatasan, amma özaramızdı, bu yağ həmişə aldığım yağdan deyil ha!
Qadın tutulub qaldı. Dedi mən öz yağıma qarantiya verirəm, amma həmin həm evdəkilər, həm də elə sənin özün də məni tələsirdin, mən də gedib güvəndiyim adamdan alıb sənə göndərdim.

Sanki etirafı günahından böyük oldu...

Dedim kaş ki, verməzdin, "Sana" yağının tamı gəlir.

Demirəm o biri yağlar pisdir, nə istifadə edirəm, nə də ki pisləyirəm...

Qadın pərişan oldu və təəssüfləndiyini bildirdi, dedi ki, qaytar ver özümə, soxacam onu mənə sırıyanın gözünə!

Ona irad tutdum ki, bəs mən səndən alıram, sən niyə gedib başqasından alırsan və sonra mənə göndərirsən?

Susub qaldı. Min dəfə üzr istədi.

Nə isə...

Düşünürəm ki, insanların bir -birlərini bu cür aldatmağı sanki zəncirvari qəza kimi bir şeydir. Gör neçə adam zərər görə bilərdi...

Yağ məsələsini sübut etmək üçün daha ciddi bir dəlil-sübut axtarmağa çalışdım. Dedim bəlkə mənə elə gəlir ki, bu yağ o yağ deyil.

Qida Təhlükəsizliyi Ağentliyinin labarotoriyası ilə əlaqə saxladıq. Kərə yağı olub-olmamasını aydınlaşdırmaq üçün qiyməti soruşduq, dedilər ki, kərə yağının analizi 118 manatdır.

Yağı 15-16 manatdan aldığımı düşünəndə 118 manata təxminən 7 kq yağ edir.

Elə laborotoriyaya o pulu ödəyincə aldığım yağı tullayıb, yenisini alaram da.

Hissiyatımız ən güclü labarotoriyadır.

Sözüm odur ki, hər şey yolunda getsə, ən xırda şeyə görə insan bu qədər əziyyət çəkməz. Gedirmi? Xeyr! Kim harda kimi görür, aldadır, atan-atanadır.

Mənə də qida sarıdan xəyanət edəni heç vaxt bağışlaya bilmirəm.

Bəzən dost-tanış deyir ki, məsələni çox şişirdirsən, burada nə var ki? Guya yediklərimizin hamısı 100% təbiidir?

Kiməsə dəli keçi kimi görünə bilərəm, qoy olsun, amma hər kəs etdiyi səhv hərəkətin cəzasını çəkməlidir.

Çörəyin içindən bir lopa zibil çıxandan sonra çörəkdən imtina etdim, bir ildən çoxdur dilimə çörək dəymir, indi də ümumiyyətlə yağdan da imtina edim?

Dərindən düşünəndə hansı qida, hansı məhsul safdır ki?
O qədər şeylərdən imtina etmişəm ki, bir azdan görəcəksiniz ki, yoxa çıxmışam.

Bir də görəcəksiniz ki, qida təhlükəsizliyimiz şübhə altında olduğu üçün aclıq aksiyası keçirirəm... Bəzən imtina etməyin özü bir mədəniyyətdir. Üzümüzə gülə-gülə bizi zəhərləyirlər.
Qidalanmağınıza diqqət edin.

Məndən demək...".

moderator.az

Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəisi vəzifəsindən uzaqlaşdırılıb.

Ovqat.com-un məlumatına görə, bununla bağlı Naxçıvan Ali Məclisinin sədr əvəzi Anar İbrahimov sərəncam imzalayıb.

Maraqlıdır ki, Bəxtiyar İsmayılov Naxçıvan MR Ali Məclis sədrinin vəzifələrini icra edən Anar İbrahimovun yaxın adamı kimi tanınırdı. Görünür, Anar müəllim bu sərəncama könül xoşluğu ilə deyil, yuxarı dairələrin israrı ilə imza atıb.

Bəs, vəzifəsindən uzaqlaşdırılan Bəxtiyar İsmayılov kimdir?

Mənbəmizin bildirdiyinə görə, o, 15 il Statiska Komitəsinin rəisi olub, 2018-ci ildən isə Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəhbəri postuna gətirilmişdi. Bu qurumda fəaliyyətinin Bəxtiyar müəllimə qazandırdığı sərvətlər media orqanlarında onun “ərəb şeyxləri” ilə müqayisəsinə yol açmışdır. İddialara görə, o, təkcə Naxçıvanda deyil, Bakıda da özünə böyük binzes şəbəkəsi yaradıb. Eyni zamanda paytaxtda çox sayda obyekt aldığı da bildirilir.

Bəxtiyar İsmayılov son vəzifəsində pis qazanmadığı kimi, pis də xərcləmirmiş. İddialara inansaq, onun “əliaçıqlığı” və “səxavət”i başına iş də açıbmış. Hətta bəzi “ağzıgöyçək media orqanları onun “bəd xərcliyi”nə görə, həyat yoldaşı tərəfindən bıçaqlandığı barədə də məlumatlar yayırdılar.

“Xeberfakt” saytı 29.11.2022-ci il tarixli buraxılışında Naxçıvanda həbs olunan yerli məmurlar barədə qələmə aldığı yazısında Bəxtiyar İsmayılov haqqında da xeyli ciddi iddialar irəli sürərək bildirirdi:

Bu həbslər fonunda Naxçıvan MR-də yüksək vəzifə tutan məmurların qanunsuz əməlləri barədə redaksiyamıza çoxsaylı faktlar daxil olub. Bunlardan biri də Naxçıvan Muxtar Respublikası Antiinhisar və İstehlak Bazarına Nəzarət Dövlət Xidmətinin rəisi Bəxtiyar İsmayılovdur. Mənbənin sözlərinə görə, B.İsmayılov hər ay sahibkarlardan, xüsusən də iri şirkətlərdən külli miqdarda rüşvət toplayırmış. Bu şirkətlərdən biri Teymur Rzayevin rəhbərlik etdiyi və Naxçıvanın ən böyük ərzaq topdansatışı fəaliyyəti ilə məşğul olan "Ləzzət Qida Sənaye" MMC-dir. İddia olunur ki, Bəxtiyar İsmayılov bu şirkətdən hər ay 100 min manat alırmış.

İkinci şirkət kimi isə “Sirab MMC”-nin adı çəkilir. Mənbə iddia edir ki, bu şirkət hər ay Antiinhisar və İstehlak Bazarına Nəzarət Dövlət Xidmətinin rəisinə 50 min manat ödəməyə məcbur edilirmiş. Deyilənə görə, pulu hər ay şirkətin rəhbəri Teymur Rzayev şəxsən özü gətirib verirmiş.

Bundan əlavə, “Azersun” hər ay 10 min, Naxçıvan Pivə zavodu 20 min, yanacaq doldurma məntəqələri isə 50 min ödəyirmiş. Qalan müəssisələr, məsələn, çörək sexləri, dəyirmanlar, quşçuluq fabrikləri, mağazalar və s. toplamda hər ay 300 min manat rüşvət verməyə məcbur olurdular.

Mənbə deyir ki, Bəxtiyar İsmayılov yığılan vəsaitlərdən hər ay 50 min manat özünə götürür, qalan vəsaiti Muxtar Respublika rəhbərliyinə verirmiş.

Məlumata görə, topladığı sərvət hesabına Bəxtiyar İsmayılov “ərəb şeyxləri” kimi həyat sürür. O, təkcə Naxçıvanda deyil, Bakıda da özünə böyük binzes şəbəkəsi yaradıb. Eynilə, paytaxtda da çox sayda obyekt aldığı bildirilir. Məsələn, Xətai metrosu yaxınlığında 300 min manatlıq evi, bahalı villası var. “Hətta saxladığı xanıma da Bakıda ev, maşın alıb. Hətta bunu bilən həyat yoldaşı onu bıçaqlamışdı”, - deyə mənbə vurğulayır”.(Ovqat.com)

Asəf Qasımov 2020-ci ilin sonlarında “Bank of Baku”dan evini girov qoyaraq 12 min manat kredit götürüb.

Pulun bir hissəsini versə də, pandemiya zamanı yaşadığı problemlərə görə ödəniş edə bilmir. Vətəndaş iddia edir ki, bank ondan xəbərsiz 190 min manat dəyərindəki evini 63 min manata hərraca çıxararaq satıb. Bank Asəf Qasımovdan götürdüyü kreditlə yanaşı hərracın xərcini də ödəməyi tələb edir.

Toplum TV

Daha ətraflı aşağıdakı videoda:

Şəmkir rayonu, Çinarlı qəsəbəsinin sakini Rəcəbova Bəsdi Emin Qızı tərəfindən Hurriyyet.az saytının redaksiyasına şikayət məktubu daxil olub. Şikayətçi iddia edir ki, oğluna aid olan torpaq sahəsini saxta sənədlərlə satıblar:

“Mən, Rəcəbova Bəsdi Emin Qızı, Şəmkir rayonu, Çinarlı qəsəbəsi, Tofiq İsmayılov küçəsində yaşayıram. Sizə bildirmək istəyirəm ki, 1985-ci ildə ailə başçısını itirmişəm. 78 yaşım var. Beş oğul anasıyam. Oğullarımın hər biri Vətənə olan borcunu yerinə yetirib.

Oğlum Nail Lamiq oğlu 1998-2000-ci illərdə erməni əsirliyində olub. Ağlamaqdan gözüm və qulağım zəifləyib.

Belə ki, 1989-cu ildə bizim ailəyə Həzi Aslanov Sovxozundan 12 sot torpaq verilib. 2008-ci ildən oğlum Rəcəbli Zaur Lamiq oğlu ev tikib, ailəsiylə birlikdə orada yaşayır.

Çinarlı Bələdiyyəsiniun sədri Arzu Qafarov və Çinarlı məktəbinin direktoru İradə Əliyeva qohumluq əlaqələrindən istifadə edərək, özbaşına, saxta sənədləşmə apararaq, torpağı ələ keçiriblər. Həmin torpaq sahəsi İradə Əliyevanın arxiv arayışı ilə Bakı sakini Hökümə Əliyeva adlı şəxsin adına sənədləşdirilib.

Bu saxta sənədlərlə bağlı mən onları məhkəməyə verməli olduğum halda, oğlum Rəcəbli Zauru məhkəməyə veriblər ki, torpağı zəbt etmisən, çıx torpaqdan. Mən başa düşmürəm ki, 2008-ci ildən oğlum orada ev tikəndə, bundan əvvəlki Bələdiyyə sədri bizə heç bir söz deməyibsə, indi torpağı necə “zəbt etmiş” oluruq?!

Arzu Qafarov deyir ki, torpaq mənimdir, kimə istəsəm sataram. Onun özünün və ya atasının şəxsi torpağımı var?

Onu da qeyd edim ki, İradə Əliyeva 1 arxiv arayışı ilə 3 torpaq satıb. Onun bacısı oğlu Rəşad Şəmkir İcra Hakimiyyətində yüksək vəzifədə işləyir. Bizim şikayətimizə heç bir dövlət orqanı baxmır. Lazım olan araşdırmanı aparmaq üçün heç bir orqan gəlib yerində işə baxmır.

Mən bir ana kimi sizlərdən xahiş edirəm, problemimi işıqlandırıb, səsimi lazımi qurumlara çatdırasınız”.