Kimə nə dəxli ki, mən şey satıram?!
Ay alan! Məmləkəti-Rey satıram!

Allah rəhmət eləsin, sənə böyük şair.

Mirzə Ələkbər Sabir üçün hər dövrün şairidir, bu danılmazdır. Amma, deyəsən məmur kürsüsündə əyləşənlərin də iş prinsipləri hər dövr üçün eyni olub.

Şeirdə deyildiyi kimi səlahiyyət sahiblərinin hərəsi bir tərəfdə başını salıb aşağı satışları məşğuldurlar.

Məsələn, elə dəfələrlə aidiyyatı qurumlara rəsmi şəkildə, ictimaiyyətə isə "DogruXeber.az" informasiya portalı və "Kanal14" YouTube kanalında barəsində məlumatlarını verdiyimiz, görüntülərini təqdim etdiyimiz qanunsuz tikintilər kimi. Hansı ki, Suraxanı rayonu, Xətai rayonu, Binəqədi rayonu, Nizami və digər rayonlarda bu cür tikintilər bu gün də davam etdirilir.

Biz görüntüləri ilə məlumatları yayımlayırıq Suraxanı rayonu İcra Hakimiyyəti məlumatları sosial şəbəkələrdə, məlumatların şərh bölməsində təkzib edib, bizi qərəzli yazmaqda ittiham ediblər.

Xətai rayonuna gəldikdə isə, bu rayon yəqin Suraxanı və digərlərindən daha böyük "satış etdiyi" üçün, öz "sanbalını saxlayır", Heç kimə, heç nəyə məhəl qoymadan aparılan bütün tikintilərə gözünü, qulağını bağlayıb oturub.

Xətai rayonu Həzi Aslanov qəsəbəsində isə "şıdırğı" villa tikintiləri, rayonun digər ərazilərində (Qaçaq Nəbi küçəsində) isə hündürmərtəbəli düz yola bitişik hündürmərtəbəli yaşayış binası, onun da dibində obyekt tikintisi aparılır. Özü də bunun üçün yaşıllıq ağacları qurban verilməkdədir.

Qeyd edək ki, təqdim etdiyimiz fotoları və həmin tikintilərin ünvanlarını Şəhərsalma və Arxitektura Komitəsinə, həmçinin Xətai rayonu İcra Hakimiyyətinə rəsmi sorğularımızla bərabər göndərmişik. Lakin, təəssüflər olsun ki, iki həftə keçməsinə baxmayaraq, hər iki qurum susmaqda davam edir. Bəlli ki, bizim verdiyimiz məlumatlar heç də onlar üçün təzə xəbər deyil...

Amma, hər şeyə rəğmən redaksiyamız hər kəsin söz haqqını tanıyır.

Mövzunu davam etdirəcəyik...

DogruXeber.az

“AtaSığorta” ASC-nin İdarə Heyətinə yeni sədr təyin edilib.

Bu barədə "APA-Economics"ə sığorta şirkətindən bildirilib. Məlumata görə, sədr vəzifəsini müvəqqəti icra edən Seymur Əliyev “AtaSığorta”nın İdarə Heyətinin sədri seçilib.

Qeyd edək ki, Seymur Əliyev 2021-ci ildən "AtaSığorta”da çalışıb. Əvvəlcə sığorta şirkətinin Korporativ Sığortaçılıq Departamentinin direktoru təyin edilib. 2022-ci ildən “AtaSığorta”nın İdarə Heyəti sədrinin müavini olaraq fəaliyyətini davam etdirib.

Xatırladaq ki, “AtaSığorta” 2004-cü ildən fəaliyyət göstərir. Onun nizamnamə kapitalı 14,6 milyon manatdır. Şirkətin səhmlərinin 100 %-i "Ata Holdinq" MMC-yə məxsusdur.

Babək rayon Nehrəm qəsəbəsi və Araz kəndinə gələn içməli su son vaxtlar xüsusi aparatlardan keçirilmədiyi üçün, istifadəyə yararsız hala düşüb. Yerli sakinlərin fikrincə, bəzi məmurlar bunu qəsdən edirlər ki, cammat onların himayə etdiyi şirkətlərdən su filtirləri almağa məcbur olsun. Bu haqda „Gündəlik Naxçıvan“a sakinlərin özləri məlumat veriblər. Onlar hesab edirlər ki, su filtirləri satan şirkətlər yüksək vəzifəlilərlə əlbirdirlər və suyun çirklənməsində bu məmurların da əli var.
Yerli sakinlər deyirlər ki, su çirkləndikdən bir müddət sonra “Dinamik Ocean” şirkəti əraziyə ayaq açıb. Sakinlər deyirlər ki, şirkət nümayəndələri qapı-qapı gəzərək, xüsusi cihazlarla suyun çirkli olduğunu üzə çıxarıb, əhalini su filtirləri almağa həvəsləndirirlər. Sakinlər razı salındıqdan sonra müqavilə bağlanır və filtirlər onlara qiymətindən 2-3 dəfə baha, 1500-1800 manata satılır.
Kənd sakini Vəli Məmmədov deyir ki, əvvəllər həqiqi qiymətlərdən xəbərsiz olduqları üçün, bu qiymətlə razılaşıblar:
“Qapı-qapı gəzib suyun insan orqanizminə zərərli olduğunu deyir, vətəndaşı yoxlamaq üçün evə daxil olmağa razı salırlar. Suyu aparatla yoxlayırlar. Su qaralır və içməyə yararsız olduğu bildirilir, filtr qoyulmasına razı salırlar. Ən ucuz qiymətə satdıqlarını, bundan ucuz tapa bilməyəcəklərini deyir, əgər ucuz tapsalar geri qaytaracaqlarına inandırırlar. Qonşular almışdılar, mən də razılaşdım 1800 manata, müqavilə bağladıq. Pulum olmadığı üçün 900 manat ödədim. Qalanını hissə-hissə ödəməyə razılaşdıq. Bir ay sonra öyrəndim ki, həmin filtrlərin qiyməti 500-600 manatdır. Zəng etdim ki, su filtrlərini baha satmısınız, geri qaytarıram. Dedilər ki, müqavilən var, qalan pulu da ödəməlisən. Yoxsa, məhkəməyə verəciyik. Hiss olnur ki, onlar yüksək səviyyədə himayə edənlər var. Yəni ən yuxarılardan”
Digər sakin Nəsimi Cəfərov isə deyir ki, baha qiymətə filtir almamaq üçün içməyə uzaq məsafədən bulaq suyu gətirməyə məcbur olur:
“Tanıdığım çoxlu sayda insan bu filtirlərdən istifadə edir. Bizə də gəlmişdilər, razılaşmadım. İçmək üçün həftədə bir dəfə öz maşınımla gedib Əlincədən bulaq suyu gətirirəm. İnsanları qınamıram. Həqiqətən su yun tərkibi içməyə yararsızdır, filtrasiya olunmadan əhaliyə verilir. Hamının da kənardan içməli su gətirməsi üçün maşını yoxdur. Məcbur qalıb baha qiymətə kreditlə su filtiri alırlar. Aidiyatı qurumlar isə baş verənləri görməməzdən gəlir. ”(„Gündəlik Naxçıvan“)

Bakının göbəyində yerləşən və faktiki olaraq paytaxtımızın ƏN BÖYÜK yaşıllıq massivi hesab olunan Bakıxanov parkı hal-hazırda baxımsız vəziyyətdədir. Dia-az.info bildirir ki, bu barədə ictimai fəallar həyəcan təbili çalaraq bəyan edibllər ki, bu gözəllik nə qədər ki, hansısa işbazın tamahına qurbann verilməyib əlaqədar qurumlar hərəkəttə keçməldir.

" "Gənclik" parkından dəfələrlə böyük, təxminən Botanika bağı qədər ərazisi olan bu park illərdir baxımsız vəziyyətdədir" deyən ictimai fəallar daha sonra parkdakı hazırki durumu da təsvir ediblər:

"Ərazi böyük olduğundan içəridə gəzərkən ətrafda yaşayış sahəsi, maşınların olduğunu belə unudursan. Sakit, səssiz elə bil heç Bakıda deyilsən, hansısa ucqar kənddə meşəlik ərazidəsən..."

Ərazidən fooları təqdim edir, ETSN başda olmaqla bütün əlaqədar qurumları hərəkətə keçməyə çağırırıq...(Dia-az.info)

Əmlak Məsələləri Dövlət Xidmətinin rəis müavini Elçin Yusubovun və sözügedən qurumun şöbə müdiri Taleh Bəşirovun Novxanı çimərliyi yaxınlığındakı “Metallurq” qaçqın düşərgəsini zəbt etməsi məcburi köçkünlər arasında ciddi narazılığa səbəb olub.

Hadisəylə bağlı əldə etdiyimiz məlumata görə, artıq zəbt olunmuş ərazidə məcburi köçkünlərə məxsus 4 yardımçı təsərrüfat sökülüb. Həmin təsərrüfatın içindəki əşya və avadanlıqlar isə ortalıqda qalıb və məcburi köçkünlər onları qoymağa yer tapa bilmir. Ərazidəki bir evin taleyi isə sual altındadır. Belə ki, evin sahibindən evi təcili şəkildə tərk etmək tələb olunub. Bildirilib ki, “ev plana düşüb” və buna görə də ən qısa zamanda söküləcək. Evdə məskunlaşan məcbur köçkünə isə məsləhət görüblər ki, özünə kirayə axtarsın və əşyalarını ən qısa zamanda buradan çxıarılsın. Hazırda zəbt edilən ərazinin hasaralanması prosesi gedir. Artıq hər tərəfdən ərazinin iki metrə yaxın hündürlükdə daş hasarla əhatələndiyi bildirilir. Tikinti işi gecə saatlarında projektor işığında belə davam dir ki, bu da əraziyə əl qoyan iş adamının hasarlama prosesini mümkün qədər tez bir zamanda başa çatdırmaq istəyindən xəbər verir. Ərazidə baş verənlərlə bağlı daxil olan məlumata görə, Əmlak məmurları “Sarıqaya” yaşayış massivindəki “Metallurq” düşərgəsinin bir hissəsini ələ keçirən zaman, düşərgəyə bitişik on sotluq xüsusi mülkiyyətə məxsus torpaq sahəsini də zəbt ediblər. Həmin torpaq sahəsi yaxın ərazidəki bağ evlərindən birinin sahibinə məxsus olub. Əlində torpağın ona məxsus olduğunu təsdiqləyən mülkiyyət şəhadətnaməsinin olmasına baxmayaraq, əmlak məmurları onun da torpağına əl qoyub. Torpaq sahibi öncə Elçin Yusubov-Taleh Bəşirov cütlüyünə müqavimət göstərməyə çalışsa da, daha sonra əmlak məmurlarının təzyiqi qarşısında geri çəkilməli olub.

Taleh Bəşirovun əlaltıları mülkiyyət sahibinə bildirib ki, onun sahib olduğu torpaq köçkün düşərgəsinə məxsusdur. Vətəndaş xüsusi mülkiyyətin toxunulmaz olduğunu xatırladaraq qanunun çətiri altına sığınmağa çalışanda, əmlak məmurları onun dediklərini təsdiqləyiblər. Eyni zamanda bildiriblər ki, özəl mülkiyyət toxunulmaz olsa da, bu toxunulmazlıq da bir yerə qədərdir və vəziyyətə görə dəyişir. Əlindəki sənədlərin etibarsız olduğunu, lazım gələrsə bu sənədləri asanlıqla ləğv edə biləcəklərini bildirən əmlak məmurları torpaq sahibinə cüzi vəsait ödəməklə vətəndaşa məxsus bütün torpaq sahəsini zəbt ediblər. Daha sonra həmin torpaq sahəsi də məcburi köçkün düşərgəsinin bir hissəsi ilə birlikdə hasarlanıb. Məcburi köçkün düşərgəsində isə vəziyyət hələ də gərgin olaraq qalır.

Köçkünlər hesab edir ki, ədalətin bərqərar olması üçün zəbt edilən əraziyə çəkilən daş hasar sökülməli, avtomobil və piyada yolu açılmalı, sökülən evlər və yardımçı təsэrrüfatlar bərpa edilməlidir. Onlar bu baş verməyənə qədər etirazlarını davam etdirəcəklərini bildiriblər.

Baş verənlərlə bağlı məlumat verən etibarlı mənbənin sözlərinə görə, məcburi köçkünlər Əmlak Məsələləri Dövlət Xidmətinin harınlamış məmurlarından ölkə başçısına şikayət etməyə hazırlaşır. Məcburi köçkünlər əmindilər ki, “dərə xəlvət tülkü bəy” prinsipi ilə hərəkət edən məmurların bu özbaşınalığı haqqında məlumat Prezident İlham Əliyevə çatacağı təqdirdə dövlət başçısı dərhal onları cəzalandıracaq, məcburi köçkünlərin ikinci dəfə qaçqın həyatı yaşadanlara lazımı dərs verəcək. Mənbənin məlumatına görə, ölkə başçısına ediləcək müraciətlə bağlı imzatoplama kampaniyasının həftə sonuna kimi başa çatdırılması nəzərdə tutulub. Bazar ertəsinə kimi Elçin Yusubov və Taleh Bəşirovun əməllərindən narazı olan məcburi köçkünlər imzatoplama kampaniyasını başa çatdıraraq dövlət başçısına müraciət edəcək.

Xatırladaq ki, bir müdət bundan öncə Bakının Novxanı çimərliyindəki “Sarıqaya” yaşayış massivinin “Metallurq” qaçqın düşərgəsinin bir hissəsi ƏMDX-nin yetkililəri – Elçin Yusubov və Taleh Bəşirov tərəfindən məşhur iş addamlarından birinə satılıb. Ərazini satın alan iş adamı ƏMDX məmurlarının köməyi ilə məcburi köçkünlərə məxsus bəzi ev və yardımçı təsərrüfatları dağıdıb, avtomobil və piyada yolunu bağlayıb. Məcburi köçkünlərin etirazına məhəl qoymayan məmurların məcburi köçlünlərin yaşadığı digər evlərə də əl qoyacağı ehtimal edilir. Məlumat üçün qeyd edək ki, məlum prosesdə xüsusi aktivliyi ilə diqqət çəkən isimlərdən biri olan Taleh Bəşirovun adı ölkə mətbuatında ilk dəfə iş adamlarının birindən “Rance Rover” markalı avtomobil hədiyyə alması ilə gündəmə gəlib. Həmin vaxt yayılan məlumata görə Taleh Bəşirov dövlət əmlakını dəyər-dəyməzinə iş adamlarından birinə peşkəş etdiyi üçün bu cür bahalı hədiyyəyə layiq görülüb. Onun Türkiyədə də geniş biznes şəbəkəsinə malik olduğu iddia edilir.

Köçkün düşərgəsi ilə bağlı məlumatların mütəmadi şəkildə mediaya sızdırılması şöbə müdiri Taleh Bəşirovun bərk qəzəbinə səbəb olub. Baş verənlərdən ciddi narahatlıq keçirən şöbə müdiri xidmət daxilində casus axtarışına çıxıb. “Satqın kimdir” sualına cavab axtaran Taleh Bəşirov bu məsələdə ən yaxın çevrəsindən belə şübhələnməkdə, onları mümkün qədər nəzarət altında saxlamaqdadır…/aztoday.az

Xəbər verdiyimiz kimi, Azərbaycan şirkəti Jeleznovodsk xüsusi iqtisadi zonasında üç sanatoriyanın inşasına 9 milyard rubl (97,4 milyon ABŞ dolları) sərmayə qoymağı planlaşdırır.

Dia-az.info xəbər verir ki, kurortun rəhbəri Yevgeni Bakulin azərbaycanlı investorun ümumi sahəsi 9 hektar olan üç torpaq sahəsi üçün müqavilə bağladığını bildirib.

Vurğulanıb ki, bu vəsaitə 600 otaqlı və 1200 çarpayılıq üç sanatoriyanın tikintisi nəzərdə tutulub.

Bakulin artıq Jeleznovodskda Azərbaycan sərmayələrinin uğurla icrasının şahidi olduqlarını da xatırladıb.

Qeyd edək ki, Jeleznovodskda Azərbaycan sərmayəsi yatıran və Bakulinin dediyi kimi, uğurlu iş görən şəxs sabiq deputat, biznesmen Əsabil Qasımovdur.

O, 2021-ci ildə burada ən böyük kurortlarından biri olan beşulduzlu "İstoçnik Jeleznovodsk” sağlamlıq kurortunu istifadəyə vermişdi. Sanatoriyanın yataq tutumu 500 çarpayıdır. Layihəyə qoyulan ümumi investisiyanın həcmi 2 milyard rubldan artıqdır.

Əsabil Qasımov açılışda da iştirak etmişdi.

Dia-az.info xatırladır ki, Ə.Qasımov 2016-ci ildə Yessentukidə də 1.5 milyard rubl investisiya hesabına 400 yerlik "İstoçnik” sanatoriyasını açmışdı.

Əsabil Qasımov “Karat Holdinq”in sahibidir. Şirkət 2006-cı ildə yaradılıb. 2010-cu ildə 79 saylı İmişli seçki dairəsindən Milli Məclisin deputatı seçildikdən sonra Əsabil Qasımov biznesini yaxınlarına tapşırmışdı.

Qeyd edək ki, “Karat Holdinq"ə bu şirkətlər daxildir:

- Karat MTK, İdeal MMC, İzmir MMC (tikinti şirkətləri);

- “Azinvest” tikinti şirkəti;

- "Everest-M", "Şin Servis" (armatur alqı-satqısı);

- Karmen MMC (dəyirman və un alğı-satqısı);

- Hökməlidə Makaron Fabriki, Hökməlidə Kisə Fabriki;

- ASTEL MMC (Məhəmmədi, Mehdiabad və Şamaxıda Quşçuluq fabrikləri), taxıl anbarları və dəyirman kompleksləri (Şəkidə, Kürdəmirdə, Marneulidə və Gürcüstanın müxtəlif bölgələrində);

- Gəncə Fatoğlu (un dəyirmanı);

- Bakı şəhəri, Zərifə Əliyeva küçəsində 18 mərtəbəli iki "Marina Plaza" oteli;

- Zərifə Əliyeva küçəsində ikimərtəbəli restoran;

- Bakı şəhəri, Səməd Vurğun küçəsində "Ağ Saray";

- Bakı şəhəri, Xan Şuşinski küçəsi 12, İmran Qasımov küçəsi 16, Qulu Quliyev küçəsi 21, Süleyman Rüstəm küçəsi 61-də yerləşən 18 mərtəbəli dörd bina;

- İzmir küçəsi 7A və 7B-də yerləşən 19 mərtəbəli iki bina;

- Zərifə Əliyeva küçəsi 53-də yerləşən 23 mərtəbəli bir bina, Süleyman Rüstəm küçəsi 61-də yerləşən "Premium Market".

Əsabil Qasımov 2020-ci ilə qədər deputat olub.

“Karat Holdinq”in Rusiyada biznesi bununla kifayətlənmir: bundan öncə şirkət Moskvanın cənubundakı Taqanski rayonunun Böyük Poluyaroslavk döngəsində yerləşən və "Vasili Osipoviç Krasavin və qardaşları” ticarət birliyinə məxsus binanı demontaj edirdi. Onun yerində sahəsi 11,3 min kvadrat metr olacaq apartament tipli mehmanxana tikilib.

Paralel olaraq, "Karat Holding” Moskvanın Nikoloyamskaya 11 küçəsində yerləşən "Bernikov” biznes mərkəzini 1,47 milyard rubl (21,3 milyon dollar) qarşılığında satın alıb. Rusiya paytaxtının mərkəzində yerləşən və 17 min kvadrat metr sahəni əhatə edən biznes-mərkəzinin yeni sahibi tərəfindən 200-250 nömrəlik otelə çevriləcəyi açıqlanır.

Şirkət 2017-ci ildə Kislovodsk şəhərində yerləşən "Akademiçeskiy” sanatoriyasına 25 milyon dollar sərmayə yatırıb. Holdinq Moskva vilayətində yerləşən Podolsk çörək və un məmulatları zavodunun da əsas səhmdarıdır.

İndi isə gələk əsas məttləbə...

"Azərbaycan iş adamlarına mən bu gün burada – Ağdam Cümə məscidinin önündə çağırış edirəm ki, gəlsinlər həm Ağdama, həm də azad edilmiş bütün digər ərazilərə sərmayə qoysunlar, vəsait qoysunlar. Çünki bu gün Azərbaycanda biznes üçün, sahibkarlar üçün çox gözəl şərait yaradılıb. Dövlət sahibkarları dəstəkləyir və həm mənəvi-siyasi dəstək verilir, eyni zamanda, güzəştli kreditlər verilir..."

Dia-az.info xatırladır ki, bunu Prezident İlham Əliyev düz iki il əvvəl fevral ayının 13-də Ağdam Cümə məscidində görülən bərpa-restavrasiya işlərinin gedişi ilə tanış olduqdan sonra çıxışında deyib.

Və bu gün gördüyümüz mənzərə odur ki, Azərbaycandan pul qazanmış və hələ də qazanmaqda olan niyyəti bilinməyən Əsabiil kimiləri Prezidentin çağırışını rəsmən qulaqardına vurmaqdadı. Hər halda, söhbətt 100 milyonlarla dollardan gedir ki, bu vəsaitə, belə bir iri yattırıma hazırda bizim daha çox ehtiyacımız var... Yəqin ki, bu fakt rəsmilərimiz tərəfindən diqqətə və nəzərə alınacaq... Həm də mütləq...(Dia-az.info)