Şahbuz şəhərində yerləşən yeganə uşaq bağçasında istilik sistemi işə salınmadığı üçün uşaqlar soyuqda qalıb. Bu səbəbdən uşaqlar tez-tez xəstələnir, bağça işçiləri və valideynlər əziyyət çəkir.

DİA.AZ bildrir ki, bu haqda “Gündəlik Naxçıvan”a bir qrup valideyin şikayət edib. Şahbuz rayonu dağlıq ərazidə yerləşir və burada havalar aran yerlərə nisbətən soyuyur olur.

Valideynlərdən B.B. deyir ki, həm həyat yoldaşı, həm də özü işlədiyindən uşağı baxçaya qoymağa məcburdurlar:

“İstilik olmadığına görə bağçada uşaqlar tez-tez xəstələnir. Hər ikimiz işlədiyimiz üçün vaxt tapıb uşağı həkimə də apara bilmirik. Bütün valideynlər eyni problemi yaşayır. İşçilər də narazıdır. Şahbuzda cəmi bir uşaq bağçası olduğundan, bizim də başqa seçim imkanımız yoxdur. Sovetlərdəç, Vasif Talıbovdan qalma ənənəyə görə, stiliyi noyabrın 15-də verirlər. Halbuki, indi bağçanın istiliyə ehtiyacı var. Aprel ayı isti keçir. O vaxtlar da bağçaya istilik lazım olmur. Əksinə o zaman bağçaya istilik verilir. Yaxşı olar ki, hava şəraitini nəzərə alsınlar”

Başqa bir şikayətçi deyir ki, nəvəsi bağçada xəstələndiyindən, bir həftə ciddi müalicə almalı olub:

“Təkcə biz valideznlär yox, işçilər də narazıdırlar, onlar da uşaqlarla bərabər soyuqda qalmalı olur. Nəvəm 3 gündür xəstədir, soyuqlayıb. Həkimə aparmışıq iynə-dərmana nə qədər pul vermişik. Bu cür olmaz, axı. Böyüklər birtəhər ötüşürlər. Körpə uşaqlar soyuğa dözə bilmirlər. Artıq valideynlər məcbur qalıb uşaqlarını bağçaya aparmırlar. Amma elə ailələr var ki, valideynlərin hər ikisi işləyir. Onların uşaqları evdə saxlamaq imkanı yoxdur. Bağça soyuq olmasına baxmayaraq onlar uşaqlarını bağçaya aparırlar. Körpələr tez-tez qripə yoluxurlar. Şikayətimizə də baxan yoxdur. Deyirlər ki, noyabrın 15-də qış rejimi başlayır və ancaq bağçaya o zaman istilik veriləcək”.

Məsələyə münasibət öyrənmək üçün aidiyyəti qurumlarla əlaqə yaratmaq mümkün olmadı. Onların da mövqeyini işıqlandırmağa hazırıq.

İşğaldan azad olunan ərazilərə əhalinin köçürülməsinin Bakıda daşınmaz əmlaka təsiri ilk növbədə nə qədər şəxsin ora köçürülməsindən asılı olacaq.
Bunu Sputnik Azərbaycan-a açıqlamasında daşınmaz əmlak üzrə ekspert Elnur Azadov deyib.
"Təxmini hesablamama görə bu rəqəm 350 mindən az olmayacaq. Yaşlılar, işi olmayan gənclər, orta yaşlı təbəqə üçün ora köçüb yaşamaq maraqlı olacaq. Köç prosesi həm də həmin ərazilərdə yeni iş yerlərinin açılması, münbit şəraitin yaradılmasından asılı olacaq. Yəni işgüzar əhali üçün orada yaşamağa münbit şərait olacaqsa, onlar orda qalacaqlar" - ekspert deyib.
Köç prosesinin Bakıda mənzillərin qiymətlərinə təsirə gəlincə, ekspert bildirib ki, bu, daha çox ümumi vəziyyətdən asılı olacaq:
"Son 2-3 ildə tikinti şirkətləri qiymətləri qaldırdı ki, bu da ümumi olaraq daşınmaz əmlak bazarına təsir etdi. Hər hansı bir dəyişiklik olmazsa, qiymətlərdə ciddi şəkildə azalma gözlənilmir. Lakin kirayə qalanların sayında mühüm azalma olarsa, evsiz şəxslər Bakıdan köçüb işğaldan azad olunan ərazilərdə məskunlaşarsa, nəticə etibarı ilə təkliflər artarsa, kirayə mənzil bazarında qiymətlər azala bilər".
Daşınmaz əmlak üzrə digər ekspert Ceyhun Şıxəliyev Sputnik Azərbaycan-a bildirib ki, Bakıda yaşayan əhalinin bir qisminin işğaldan azad olunan ərazilərə köçməsi nəticəsində paytaxtda mənzillərə tələbat azalarsa, qiymətlərdə azalma gözləniləndir:
"Düşünürəm ki, bu da daha çox özünü ikinci əl evlərdə biruzə verəcək. Tikinti materiallarının qiymətini, Bakıda torpağın baha olmasını nəzərə alsaq, bazara yeni çıxarılan mənzillərin qiymətində azalmanı proqnozlaşdıra bilmərik".

Azərbaycan Sahibkarlar Konfederasiyasının Goranboy rayonu üzrə nümayəndəsi Rüstəm Nağıyev Azinforum.az saytına verdiyi eksklüziv videomüsahibədə sahibkarları narahat edən bəzi problemlərdən və onları doğuran səbəblərdən danışıb.

Müsahib bildirib ki, xüsusilə də Goranboy Suvarma Sistemləri İdarəsinin rəisi İlqar Məhərrəmovun fəaliyyəti rayonda ciddi etirazlara səbəb olur. Rüstəm Nağıyev həmçinin “Azərpambıq” şirkətinin Goranboy üzrə nümayəndəliyinin də sahibkarlara süni problemlər yaratdığını qeyd edib. İlqar Məhərrəmov isə Azinforum.az-a açıqlamasında problemlərin mövcudluğunu obyektiv amillərlə izah edib.

DİA.AZ sözügedən videomüsahibə ilə sizi tanış edir:

"Şikayətim "166 `Xalça Yuma`dandır". DİA.AZ bildirir ki, bu barədə "Müştərinin Səsi" sosial qrupunddakı paylaşımında Kamil adlı istifadəçi giley edir.

Narazı vətəndaş daha sonra bildirir: "Neçə dəfə bu xidmətlərindən istifadə eləmişik və razı da qalmışıq. Hər dəfə də bu şirkətə müraciət edirik. Ancaq bu səfər şəkildə göründüyü kimi xalçanı cırıblar, və 2 həftədir bizi yola verirlər.

Gah deyirlər, "bizim səhvimizdi", sonra deyirlər "yox, xalça problemli olub" (təhvil alanda baxıb alıblar), gah deyirlər, "köhne xalçadı" Amma 4 ilin xalçasıdır və ilk gündən bu şirkət yuyubdur.

Dedilər, bərpa edə bilərik, razılaşdıq ki bərpa edin baxaq görək necə olacaq. Və səs-soraq gəlmədi. Ayın 19-u zəng etdim operator xanım dedi, "bəli, bərpa olub... əməkdaşlarımız zəng edəcək". Yenə səs-soraq çıxmadı. Növbəti dəfə zəng edəndə bizə verilən cavab: 'Siz bizə bərpa edin deməmisiz'.

Qısaca bizimlə məzələnib yola verirlər. Malımızı yararsız hala salıblar, üzr istəyib bu məsələni həll etməkdən bizi səhv çıxartmağa çalışıb üstlərindən atmağa çalışırlar. Diger yuyulan xalçaları bizə tehvil verməyə gətirdilər və mən ödeniş etməyəcəyimi bildirmişdim. Verdiyim malları tam mənə təhvil verəndən sonra cırılan xalçanın bərpa olunmasını bəyənsəm, hamısını ödəyəcəyimi də bildirdim, ancaq 20 manata görə o birilərini də geri apardılar. Dəfələrlə şikayətimizə baxmayaraq heç veclərinə də almırlar bizi, artıq uzlaşma yolu qalmayıb, hüquqi yollara baş vuracam".

İddia olunanlarla bağlı olaraq qarşı tərəfi də dinləməyə hazırıq...Dia.az

“Burda kənd sakini var idi, övladı dünyaya gəlirdi. Çatdıra bilmədik, tibb məntəqəsi olmadığına görə, həkim olmadığına görə dünyasını dəyişdi”.

Şabranın Qazbabalı kəndində 505 nəfər yaşasa da, tibb məntəqəsi yoxdur. Burada kimsə nasazlasa, Şabranın mərkəzinə getməlidir ki, bu da əlavə yol xərci tələb edir. Sakinlər deyirlər ki, nə özləri, nə də övladları imkansızlıqdan vaxtlı-vaxtında həkim müayinəsindən keçirlər.

Daha ətraflı aşağıdakı videoda:


DİA.AZ

Bakı şəhəri Nizami rayonunda ağacların kəsilməsi ilə bağlı saytımıza şikayət daxil olub. Şikayətə görə, özəl şirkət öz maddi maraqlarını həyata keçirmək üçün ərazidə ağac “soyqırımı” həyata keçirir. Buna da Nizami Rayonu İcra Hakimiyyəti və Ekologiya və Təbii Sərvətlər Nazirliyi biganə qalır.

Xalqxeber.az poliqon.info-ya istindla daxil olan şikayəti təqdim edir:

“Mən Lalə Cəfərova Tahır qızı Bakı şəhəri, Nizami rayonu Tofik Abbasov 83, mənzil 4 ünvanında yaşayıram. Yaşadığım binanın plana getməsi ilə əlaqədar “Global Engineering & Technology” MMC özəl şirkəti tərəfindən nümayəndələr, 36 ailədən ibarət üç binanın sökülməsi ilə əlaqədar, biz sakinlərə artıq bir ildir ki, təzyiq göstərirlər. Bununla əlaqədar mən Az.Respub. Döv. Şəhərsalma və Arxitektura Komitəsinin sədri Anar Quliyevin, Memarlıq və Şəhərsalma idarəsinin rəisi Read Qasımovun qəbulunda oldum. 11 may, 2023 ildə mənə Bakı şəhər Memarlıq və Şəhərsalma Baş İdarəsindən mənə cavab məktubu gəldi. Məktubun məzmununda adı çəkilən şirkətin rəylər almadığına görə Baş İdarə tərəfindən tikintiyə icazə verilməməsi yazılmışdı.

Bildirmək istəyirəm ki, 19.10.2013 tarixdə bu şirkət tərəfindən bir neçə ağac yenidən kəsildi. Qeyd edim ki, aprel- may aylarında da bir neçə ağac kəsilmişdi. Bu haqda televiziya kanalinda xəbərlərdə də məlumat getdi və bildirildi ki, Ekologiya Təbii Sərvətlər Nazirliyi adı çəkilən şirkəti ağacları kəsdiyi üçün məhkəməyə verib.

İndi isə ağacların kəsilməsi ilə əlaqədar mən İcra Hakimiyyətinə, Ekologiya Nazirliyinin Ekspert şöbəsi, təhlükəsizlik xidməti, şöbə müdiri Fariz Qasımov və aparıcı müfəttiş Emin Hüseynli ilə telefon əlaqəsi qurdum. Bu qurumların rəsmiləri mənə dedilər k,i ağacların kəsilməyinə Ekologiya və Təbii Sərvətlər Nazirliyi icazə verib. Deməli Azərbaycan Respublikasının Prezidenti Cənab İlham Əliyevin “ağacların kəsilməsi qadağandır” sərəncamına heç kəs məhəl qoymur. Bu məsələ ilə əlaqədar video materiallar var. Xahiş edirəm bu məsələnin araşdırasınız!”.