Milli Məclisin Mədəniyyət Komitəsinin sədri, deputat Qənirə Paşayeva sentyabrın 28-də müalicə olunduğu Mərkəzi Klinik Xəstəxananın reanimasiya şöbəsində vəfat edib.

Onun vəfatı Azərbaycan xalqı kimi Türkiyəni də dərindən sarsıdıb. Qardaş ölkənin siyasətçiləri onunla bağlı sosial media hesablarında paylaşımlar edib, başsağlığı veriblər.

Bəzi paylaşımları təqdim edirik:

Türkiyənin ailə və sosial xidmətlər naziri Mahinur Özdemir Göktaş:

“Dəyərli dostum, Azərbaycan-Türkiyə qardaşlığının rəmzi, türk dünyasının sayılıb-seçilən şəxsiyyəti, Azərbaycan Milli Məclisinin deputatı Qənirə Paşayevanın vəfatını kədərlə öyrəndim. Azərbaycana və bütün türk dünyasına başsağlığı verirəm”.

Türkiyənin sabiq xarici işlər naziri Mövlud Çavuşoğlu:

Özünü Qarabağ davasına və Türk Dünyasına həsr etmiş böyük ürəkli Qənirə Paşayeva dünyasını dəyişdi. Yerin cənnət olsun, bacım...

İYİ partiyasının sədri Meral Akşener:

Azərbaycan Milli Məclisinin hörmətli deputatı Qənirə Paşayevanın vəfatını hüznlə öyrəndim... Türk dünyası üçün verdiyi dəyərli mübarizəni heç vaxt unutmayacağıq... Bütün azərbaycanlı bacı-qardaşlarıma başsağlığı verirəm. Ruhu şad olsun...

Cümhuriyyət Xalq Partiyasının sədri Kemal Kılıçdaroğlu:

"Azərbaycanlı millət vəkili Qənirə Paşayevanın vəfatını böyük kədərlə öyrəndim. Gənc yaşda dünyasını dəyişən Qənirə xanıma Allah rəhmət eləsin, ailəsinə və bütün sevənlərinə səbr diləyirəm. Əziz Azərbaycana başsağlığı verirəm!".

Ankara bələdiyyə sədri Mansur Yavaş:

Azərbaycanlı millət vəkili Qənirə Paşayevaya Allah rəhmət eləsin, qardaş Azərbaycan xalqına başsağlığı verirəm. O, türk dünyası uğrunda apardığı mübarizə ilə yaddaşlarımızda və tariximizdə bundan sonra da xatırlanacaqdır.

Zəfər Partiyasının sədri Ümit Özdağ

Əziz dostum, Türk dünyasının sayılıb-seçilən ismi, Türkiyə aşiqi Qənirə Paşayeva dünyasını dəyişdi. Azərbaycana başsağlığı verirəm: Allah rəhmət eləsin.

Türk Millətinə başsağlığı verirəm.

Sabiq baş nazir və xarici işlər naziri Əhməd Davudoğlu:

Can Azərbaycanın millət vəkili, Türkiyə aşiqi, Türk dünyasının əməkdarı, bir çox diplomatik platformalarda, xüsusilə Aİ Şurası Parlament Assambleyasında birlikdə çalışdığımız əziz bacım Qənirə Paşayevanın vəfatını böyük kədərlə öyrəndim. Allah rəhmət eləsin, bütün azərbaycanlı qardaşlarıma başsağlığı verirəm.

İstanbul bələdiyyə sədri Ekrem İmamoğlu

Azərbaycanlı millət vəkili Qənirə Paşayevanın qəfil vəfatı məni çox kədərləndirdi. Beylikdüzü Bələdiyyə Başçısı olduğumdan bəri tanıdığım, müəyyən vaxtlarda söhbət etdiyimiz dəyərli insan idi. Qəbri nurla dolsun. Qardaş Azərbaycan xalqına da başsağlığı verirəm.

Siyasətçi Sinan Oğlan

Təəssüf ki, azərbaycanlı millət vəkili Qənirə Paşayeva müalicə aldığı xəstəxanada dünyasını dəyişib. Allah rəhmət eləsin, yaxınlarına başsağlığı verirəm. Onun türk dünyasına xidmətləri heç vaxt unudulmayacaq...

Goranboy rayonu Qızılhacılı qəsəbə sakini Müharibə veteranı Qurbanov İlqar Mikayıl oğluna məxsus yaşayış olmayan evin qaz sayğacı 1 il əvvəl naməlum şəxslər tərəfindən ekranı sındırılmışdı. DİA.AZ bildirir ki, bu barədə narazı vətəndaş "Şikayətim VAR" sosial qrupundakı paylaşımında giley edir.

Narazı qalan vətəndaş daha sonra yazır: "Aidiyyatı şəxslərə məlumat verildi. Həmin ərazinin nümayəndələri sayğacı yenisi ilə əvəz etdilər. Amma heç bir cəriməsi yoxdur deyib dəyişdilər.

İndi bugun ərazinin nəzarətçisi deyir ki, 1600 AZN məbləğində cərimə yazılıb sizə. Ödəniş edin. Bu hansı qanuna uyğundur? Özbaşınalıqdır? Milləti niyə yükləyirsiz?

1 ildən çox müddətdə dəyişilmiş sayğacın Laboratoriya rəyi indi niyə gəlir?

Onu da qeyd edim ki həmin evdə 2018-ci ildən yaşayış yoxdur. Dövriyyədə sərfiyyat yoxdur".

Məsələ ilə bağlı olaraq qarşı tərəfi də dinləməyə hazırıq...

Ermənilərin daha bir “qələbə” simvolu olan tank Qənimətlər Parkına aparılıb.

Bu barədə görüntülər sosial şəbəkələrdə paylaşılıb.
Qeyd edək ki, bir neçə gün əvvəl 1992-ci ildə işğaldan sonra ermənilər tərəfindən Şuşa şəhərinin girişində “qələbə” simvolu kimi qoyulan tank Hərbi Qənimətlər Parkına yerləşdirilmişdi.

Azərbaycan ordusu Ermənistana qarşı lokal xarakterli antiterror əməliyyatı keçirdiyi dönəmdə ordumuzun 192 əsgər və zabiti qəhrəmancasına torpağlarımızın süverenliyi uğrunda canlarından keçib şəhid oldular.

Amma təəsüflər olsun ki, bəzi vəzifəli şəxslər xüsusən də icra hakimiyyətinin məhul və vəzifəli şəxsləri istər şəhidin dəfni zamanı, istər "Anım günü" vaxtı bir neçə dəqiqə olsun üzlərində olan gülüş sevinc hissin saxlaya bilmirlər, sanki yasa yox hansısa övlad uşaqlarının toy məclisinə gəliblər.

"Azərbaycan Reallığı" xəbər veri ki bunlardan birdə "Anım günü" Quba rayon Şəhidlər Xiyabanında keçirilən tədbirdə rayon icra hakimiyyəti başçısının müavini Səidə Abasovanın üzündə olan gülüş hissi tədbirdə iştırak edən media nümayəndələrinin kamerasından yayınmayıb. Maraqlıdır ki, ordumuz bu qədər şəhid verdiyi bir dönəmdə Səidə xanımı bu qədər xoşbəxt edən mövzu nədir ki, belə gülür?

Bu cür xoşagəlməz mənzərə son vaxtlar demək olar neçənci dəfədir ki baş verir. Xəbər saytlarında və sosial şəbəkələrdə dəfələrlə belə halla qarşılaşırıq, tənqid olunsalar da nəticə çıxarmırlar. Nə demək olar, insanda ruh hiss olsun gərək

Qarşı tərəfində mövqeyini dərc etməyə hazırıq

Biz bir media olaraq bir neçə gün əvvəl konkret olaraq Azərbaycan vətəndaşı olan bir qadının – əslən İmişlidən olan, 1977-ci il təvəllüdlü Darviş Elnarə Parış qızının başına gələnlər əsasında yazı dərc etdik.
Qısa xatırlatma üçün qeyd edək ki, Elnarə Darviş İmişlinin Gövhərli kəndində anadan olub, birinci evliliyindən 2 övladı var, sonra boşanıb, Bakıda yaşayıb, məcbur olub övladlarını 2 saylı Uşaq evinə verib və özü “Dialoq” firmasının köməkliyi ilə Türkiyədə işə düzəlib. Burada aldığı 1200 dollar qazancla Bakıda bankda hesab açıb, pullar yatırıb və Binəqədidə torpaq sahibi olub. Sonra Birləşmiş Ərəb Əmirliyində işə düzəlib və orada ərəb olan Basemlə tanış olub. Və onunla ailə qurmalı olub. Sonda Basemlə birlikdə Bakıya qayıdıblar. Onların nikahından 2 övladları -qızı və oğlu dünyaya gəlib. Bakıya qayıtdıqdan sonra Elnarə və həyat yoldaşı Basem müxtəlif yerlərdə çalışıblar. Məsələn, Basem Elnarənin tikinti sahəsində çalışan qardaşlarının yanında işləyib. Elnarə özü isə bankda olan pullarını xırda tikinti biznesinə yönəldib və nəticədə binaların birindən mənzil alıb, özü üçün restoran açıb və orada çalışıb. Evləri, maşınları olub. Bir gün Basem Elnarəyə gecə klublarında çalışacağını, böyük pullara sahib olacağını deyib.
Sözün qısası, Elnarənin dediklərindən belə başa düşdük ki, ərəb Basemlə 18 illik ailə münasibətləri dağılmağa başlayıb. Və Zeynəb Quliyeva ilə Basem Darvişin qurduğu oyunların nəticəsində Elnarə ömrü boyu qazandığı mülklərini, evlərini, maşınlarını, qızıl-zinət əşyalarını itirib, daha doğrusu, hamısını Basem Dərviş ələ keçirib.
İndi Elnarə qalıb çıxılmaz vəziyyətdə. Və deyir ki, indi də Basem Darviş ikimizin izdivacından olan 16 yaşlı qızımızı ərəb Veysələ 100 minə satmaq istəyir. Elnarə deyir ki, dəfələrlə onu bu yoldan çəkindirməyə çalışmışam, amma Basemin fikirlərinə görə, nə olsun ki, qızım az yaşlıdır, iki ildən sonra kəbin kəsdirəcəklər… amma mən 100 min qazanacağam…
Basem Darviş dəfələrlə Elnarəyə zorakılıqla əziyyətlər, təzyiqlər göstərib. Bu dəfə də o Elnarəni böyük bəla ilə üz-üzə qoydu... Keçən müraciətində Elnarə bildirmişdi: "Mən bu il ilk dəfə məktəbə gedəcək oğlumdan da nigaranam. Düşünürəm ki, Basem mənə təzyiq üçün uşağımı oğurlaya bilər..." Onun qorxduğu başına gəldi... Məlum oldu ki, 2016-cı ildə Basem bar qadını Nigar, onlara kömək edən Emin adlı şəxslə birlikdə Elnarəni qaçırdıblar. Bu iş Abşeron Rayon Polis İdarəsinin arxivində mövcuddur. Lakin Basem Darviş Elnarənin bütün müraciətlərindən yayınmağı necəsə bacarıb. 2023-cü ildə eyni hadisəni qəzəblənmiş "ata" Basem öz doğma oğlunu oğurlatdırıb ona zülm edərək - döydürərək təkrarlayır...
Elnarə bir ANA olaraq bütün aidiyyəti qurumlardan İMDAD diləyir... Bu acı gerçəklər, mütləq ki, insaflıların qəlbinə toxunacaq. Hüquq Mühafizə Orqanlarından Azərbaycan xanımı olan Elnarəni ərəb Basemin təzyiqlərindən xilas etməyi xahiş edirik.

Sabahnews.az

«Pirallah-çörək» ASC ləğv edilib.

DİA.AZ FED.az-a istinadla xəbər verir ki, ASC-nin səhmdarlarının növbəti ümumi yığıncağının 26 noyabr 2022-ci il tarixli qərarına əsasən “Pirallah-çörək” ASC ləğv edilib.

Şirkətdən verilən məlumata görə, “Pirallah-çörək” ASC-nin səhmdarlarının sahibi olduqları səhmlərin dəyəri ASC tərəfindən “Azərbaycan Beynəlxalq Bankı” ASC-nin Xətai filialında açılmış hesaba ödənilib. Bu zaman hər səhmə görə, səhmdarlara 1 manat ödəniş edilib.

Səhmdarlar sahibi olduqları səhmlərin dəyərini əldə etmək üçün ləğvetmə komissiyasına müraciət etməlidirlər. Ünvan- Bakı şəhəri, Xətai rayonu, 8 Noyabr prospekti 23, “AMAY” Ticarət Mərkəzi, 3-cü mərtəbə, 10-cu otaq.

Azərbaycan Respublikası Dövlət Ehtiyatları Agentliyi “ADEA-nın maliyyə hesabatlarının Beynəlxalq Maliyyə Hesabatları Standartlarına uyğun hazırlanması və audit olunması məqsədilə balansda olan daşınar və daşınmaz əmlakın qiymətləndirilməsi xidmətinin satın alınması” tenderinin nəticələrini elan edib.

DİA.AZ xəbər verir ki, tenderin qalibi “Baker Tilly Audit Azərbaycan” QSC olub.

Şirkətlə 105 020 manat məbləğində müqavilə imzalanıb .

Ötən gün müalicə aldığı xəstəxanada vəfat edən millət vəkili Qənirə Paşayeva ilə vida mərasimi keçirilir.

Vida mərasimi Heydər məscidində keçirilir.

Mərhum millət vəkili ilə vida mərasimində deputatlar, dövlət qurumlarının rəsmiləri, ailə yaxınları, dostları iştirak edirlər.

"Şikayətim AYNA (köhnə BNA) və Baku BUS MMC-dəndir". DİA.AZ bildirir ki, bu barədə "Şikayətim VAR" sosial qrupundakı paylaşımında Gülər Hüseynova adlı istifadəçi giley edir.

Narazı vətəndaş daha sonra yazır: "Baxmayaraq ki,Baku BUS Zığda yerləşir ancaq yerli Zığ camaatı adından deyə bilərəm ki,hamımız çox əziyyət çəkirik.Çox çək-çevirdən sonra bu ilin Fevral ayında (44 qəza törətdikdən sonra) yeni avtobuslar verildi.Çox sevindik ki, her şey əla olacaq,daha da pis oldu.İnterval yuxarı qalxdı,sıxlıq çoxaldı və keyfiyyət daha da aşağı düşdü.20-25 dəq avtobus gözləmək olar?Hamı bir-birinin belində gedir.4 avtobus son dayanacaqda gözləyir onun biri də gəlmir, gözləyir 20 dəq keçsin sonra gəlsinlər.
Və bu gün 28 Sentyabr durduq ki yuxudan 7 ay sevincək olduğumuz avtobusları yığışdirib əvəzinə siniq-sökük avtobuslari (bu avtobuslara təzə demək üçün min şahid lazımdır) veriblər.Avtobuslar sanki mənşəyi bilinməyən bir yerdən gətirilib və avtobusda üfunət iyindən dayanmaq olmur.AYNA şikayətə baxmır,BAKU BUS əsaslı cavablar vermir.
Səbəb soruşanda: daxili qaydaya əsasən dəyişmişik, səbəb deyə bilmərik.
Ümumiyyətlə Baku BUS və AYNA- ni hara şikayət etmək olar?"

İddia olunanlarla bağlı olaraq qarşı tərəfi də dinləməyə hazırıq...

Son günlər QHT sektorunda müşahidə olunan neqativlərlə bağlı apardığı araşdırmaları ilə diqqətə gələn İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli yeni açıqlama ilə çıxış edib. DİA.AZ bildirir ki, İSBAM sədri sözügedən istiqamətdəki durumu təhlükləi adlandırıb.

DİA.AZ hüquq müdafiəçisinin açıqlamasını təqdim edir: "Bu gün QHT sektoru ilə bağlı həqiqətən acınacaqlı vəziyyət yaranıb.
Bu qurum işini hansı prinsiplər əsasında qurursa heç kimin ondan xəbəri yoxdur. Görünən odur ki, qurum qisasçılıq, QHT-lər arasında intriqa yaratmaq, bölücülük, şərçilik və s. prinsiplər əsasında işləyir. Agentlik bir nəfərin şəxsi mülkiyyəti və istəkləri ilə idarə olunur.
Mediaya verilən tapşırıq da odur ki, nöqsanları işıqlandırmayın, hansı QHT səsini çıxarsa şərləyin.
Ciddi bir siyasi səhv var. Amma buna baxan və əncam çəkən yoxdur.
Xatırladım ki, Azərbaycan Prezidentinin 27 iyul 2007-ci il, 2288 nömrəli sərəncamı ilə “ qht -lərə dövlət dəstəyi konsepsiyası” təsdiq edilib.
Orada QHT-lərə dövlət dəstəyinin əsas prinsipləri və formaları qeyd edilib . Sənəddə dövlət dəstəyinin əsas prioritetləri göstərilib.
Təəssüf ki, QHT Agentliyi Ölkə başçısının bu sərəncamına və konsepsiyasına nəinki əməl etmək, heç əziyyət çəkib öz rəsmi saytında da yerləşdirməyib.
Həqiqətən cəzasızlıq mühiti hökm sürür.
Nə vaxta qədər belə davam edəcək?
Bir neçə gün öncə Nazirlər Kabineti QHT-lərin layihələrinin maliyyələşdirilməsi ilə bağlı yeni qaydaları təsdiq edib. Agentliyin icraçı direktorunun dediyinə istinad etsək, qaydaları Nazirlər Kabineti yox, Agentlik tərtib edib.
Məni o qaydalardakı ziddiyətlərdən öncə sənədin yuxarıda qeyd etdiyim Konsepsiyaya uyğunsuzluğu məsələsi narahat edir".

Məsələ ilə bağlı olaraq əlaqədar qurum və şəxsləri də dinləməyə hazırıq...Dia.az