Azərbaycan Respublikasının Livan Respublikasındakı Səfirliyi qarşısında aksiya keçirən 50-yə yaxın erməni əsilli şəxslər səfirliyin inzibati binasının ətrafındakı hasara zərbələr endirib, özləri ilə gətirdikləri içərisində boya olan və partlayıcı bərkidilmiş şüşələri səfirliyin inzibati binasına atıblar.

Bu barədə Xarici İşlər Nazirliyindən məlumat verilib. Qeyd edilib ki, hücum nəticəsində səfirliyin heyəti xəsarət almayıb.

Hadisə barədə diplomatik nümayəndəliklərin mühafizəsinə cavabdeh olan quruma məlumat verilən kimi hüquq-mühafizə orqanları hadisə yerinə gəlsələr də, həmin vaxt təxribatçılar ərazidən uzaqlaşmağa müvəffəq olublar.

Səfirliyə qarşı törədilən bu hücumla əlaqədar cinayətkarların aşkarlanması və həbs edilməsi məqsədilə, Livanın Xarici İşlər Nazirliyinə müvafiq nota təqdim edilib və aidiyyəti üzrə tədbirlər həyata keçirilir.

Hazırda səfirliyin mühafizəsi daha da gücləndirilib və törədilmiş cinayətlə bağlı araşdırma aparılır.

Məzuniyyət zamanı işləmək üçün dünyanın ən yaxşı şəhərləri reytinqinə Barselna başçılıq edir.

Bu barədə nüfuzlu IWG şirkəti tərəfindən hazırlanan hesabatdan məlum olur.

Bildirilir ki, reytinqdə ümumilikdə 26 şəhər təmsil olunub. Onlar iqlim, mətbəx, mədəniyyət, yaşayış və internet sürəti daxil olmaqla səkkiz kateqoriya üzrə 1-dən 10-a qədər miqyasda qiymətləndirilib.

“Biz xaricdə işləmək üçün optimal mühiti seçməyə imkan verən və əsas həyat standartlarını özündə birləşdirən kateqoriyalar seçmişik”, - deyə IWG-nin nümayəndəsi bildirib.

Kataloniyanın paytaxtı yüksək sürətli internetə və nisbətən ucuz mənzil qiymətlərinə malik olduğu üçün yüksək bal toplayıb. Belə ki, şəhərdə mənzil kirayəsinin orta qiyməti ayda 1158 dollar olduğu halda, siyahının ən bahalı şəhəri olan Nyu-Yorkda bu rəqəm ayda 3632 dollara çatır. Bir fincan qəhvə Los-Ancelesdə 4,92 dollar, yaxud Pekində 4,57 dollardırsa, bu şəhərdə 2,68 dollara başa gəlir.
Barselona həmçinin günəş, dəniz, qum və kosmopolit atmosferin unikal birləşməsi adlandırılırb.

Siyahıda ikinci yeri Toronto, üçüncü yeri Pekin tutub. İlk onluğa həmçinin Milan, Nyu-York, Rio-de-Janeyro, Amsterdam, Paris, Cakarta və Lissabon daxil olub.

Mənbə: İnterfaks

Avropa İttifaqının (Aİ) müdafiə nazirləri növbədənkənar iclas keçirəcək.

Bu barədə təşkilatın ali nümayəndəsi Cozep Borrel məlumat verib.

Görüş İspaniyanın Toledo şəhərində keçiriləcək.

Avqustun 29-30-da baş tutan görüş zamanı nazirlər Ukrayna müharibəsnini və Afrika ölkələrindəki hərbi çevrilişləri müzakirə edəcək.

Hindistanda G20 sammitinin nümayəndələrini aqressiv makakalardan qorumaq üçün qeyri-adi yol seçilib. Belə ki, Yeni Dehli yerli hökuməti şəhərdə langur meymunlarının karton fiqurlarını quraşdırmağa başlayıblar.

Bildirilir ki, makakalar langurlardan uzaq gəzməyə çalışırlar. Buna görə də onların karton fiqurları rezusları qorxutmalıdır.

Etibarlılıq üçün təxminən 40 muzdlu işçi bu meymunların qışqırıqlarını təqlid edəcəklər.

Bu yolla makakaların sammitin qonaqlarının qalacağı hoteldən uzaq tutulacağına ümid edilir.

Deyilən üsul işə yaramasa, o zaman mütəxəssislər əlavə qoruma üsullarına əl atacaqlar.
Məlumata görə, son vaxtlar makakalar insanlara daha çox hücum etməyə başlayıb. Bir neçə faciəli hadisədən sonra isə onların vəhşi heyvanlar üçün xüsusi sığınacağa köçürülməsinə başlanılıb.

Mənbə: Hindustan Times

İranın cənub-qərbində Bəndər-Məhşəhr şəhərində neft-kimya zavodunda partlayış baş verib.

Bu barədə şəhərin Fereydun Bandari məlumat verib.

“Ghadir Petrochemical Co.-da partlayış olub. Xoşbəxtlikdən, itki yoxdur”, - deyə o bildirib.

Məmurun sözlərinə görə, yanğının söndürülməsi üçün mütəxəssislər işləyir.
Hadisənin baş vermə səbəbi və digər detalları müəyyənləşdirilir.

Mənbə: Ren.tv

Hacıqabul rayon İcra Hakimiyyəti sifarişçi olduğu növbəti satınalmaya yekun vurub.

Qlobal.az xəbər verir ki, İcra Hakimiyyətinin “2023-cü ildə Hacıqabul şəhərində abadlıq işləri” lotu üzrə keçirdiyi tenderdə “VİKTORY CONSTRUCTİON GROUP” Məhdud Məsuliyyətli Cəmiyyəti qalib elan edilib.

Tenderin məbləği 142.134 manatdır.

“VİKTORY CONSTRUCTİON GROUP” MMC 2022-ci ilin aprel ayının 11-də təsis edilib.

Şirkətin hüquqi ünvanı Bakı şəhəri, Nərimanov rayonu, Çaykovski küçəsi ev 2, mənzil 11, qanuni təmsilçisi isə Bədəlov Bəhruz Bayram oğludur.

Hacıqabul rayonunda tender müqaviləsinə görə 2023-cü ildə abadlıq işləri aparacaq “VİKTORY CONSTRUCTİON GROUP” MMC-nin fəaliyyət profili, əmək müqaviləsi ilə çalışan işçi qüvvəsi və mühəndis heyəti, maddi-texniki bazası barədə açıq internet resurslarında məlumata rast gəlinmir.

Qlobal.az-ın əldə etdiyi məlumata görə “VİKTORY CONSTRUCTİON GROUP” MMC-nin qanuni təmsilçisi Bəhruz Bədəlov bir neçə il öncə mediada qalmaqallı açıqlaması ilə gündəmə gələn “Şabran-D” Məhdud Məsuliyyətli Cəmiyyətinin qanuni təmsilçisi Cəlal Bədəlovun qardaşıdır. Cəlal Bədəlov həmin qalmaqallı açıqlamasında Şabran rayon İcra Hakimiyyətinin başçısının birinci müavini Mehdi Balabəyovun Şabran rayonunda aparılan quruculuq işlərinin və yeni layihələrin tenderində iştirakına razılıq vermək məqsədi ilə ondan pul istədiyini və onun da bu tenderin uğurlu nəticələrinə və onun yalan vədlərinə inanaraq M.Balabəyova 227000 (iki yüz iyirmi yeddi min) manat pul verdiyini iddia edirdi.

Fəaliyyəti, maddi-texniki bazası və işçi qüvvəsi barədə açıq internet resurslarında heç bir məlumat olmayan “VİKTORY CONSTRUCTİON GROUP” MMC-nin Şabran rayon İcra Hakimiyyətinin sifarişçi olduğu satınalmada hansı meyarlara əsasən qalib elan edilməsi bir sıra suallar yaradır.

Qlobal.az məsələ ilə bağlı Hacıqabul rayon İcra Hakimiyyətindən mövqe öyrənib. Hacıqabul rayon İcra Hakimiyyətinin açıqlamasında deyilir:

“Azərbaycan Respublikasında dövlət satınalmaları “Dövlət Satınalmaları haqqında” Azərbaycan Respublikası Qanununun tələblərinə uyğun olaraq aparılır.Dövlət satınalmalarına nəzarəti İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti həyata keçirir.Satınalmalar elektron portal vasitəsilə, əksər hallarda açıq tender üsulu ilə şəffaf qaydada keçirilir.Tender iştirakçıları portal üzərindən aparılan bütün əməliyyatları, yazışmaları izləyə bilir.Tenderin nəticələri Dövlət Xidməti tərəfindən ciddi araşdırılır, əgər tender komissiyası hansısa xətaya yol veribsə, yaxud nəticələri düzgün qiymətləndirməyibsə, tenderin nəticələri ya ləğv edilir, yaxud da yenidən qiymətləndirmə tövsiyyə olunur. “Dövlət Satınalmaları haqqında” Azərbaycan Respublikası Qanununun 36.7.1-ci maddəsinin tələbinə əsasən ən aşağı qiymət təklifi vermiş ”Viktory Construction Group” MMC tenderin qalibi seçilmişdir. Hazırda yekun protokolu nəzarət qaydasında yoxlanılıb qeydiyyata alınması üçün Antiinhisar və İstehlak Bazarına Nəzarət Dövlət Xidmətinə göndərilmə mərhələsindədir. Yekun protokolu Xidmət tərəfindən qeydiyyata alınarsa MMC ilə satınalma müqaviləsi bağlanacaqdır”.

Xatırladaq ki, Hacıqabul rayon İcra Hakimiyyətinin başçısı Rüstəm Xəlilovdur.

O, 2019-cu ilin dekabr ayının 4-dən Hacıqabul rayonuna rəhbərlik edir.

Qlobal.az

Teref.az yazır ki, İctimai Siyasi Proseslər və Beynəlxalq Araşdırmalar Mərkəzinin (İSBAM) sədri Samir Adıgözəlli daha bir ittihamla çıxış edib.
İSBAM sədri Samir Adıgözəlli Qeyri-Hökumət Təşkilatlarına Dövlət Dəstəyi Agentliyinin sədri Azay Quliyevlə bağölkı yeni bir faktla sosial şəbəkələrdə çıxış edib. Samir bəy yazır:
"QHT Agentliyi nə qədər səxavətli imiş.
Cəmil Həsənlinin vəkilinə də qrant ayırıb. Ölkə rəhbərliyini söyən adamları ( onların ətrafını) maliyyələşdirmək siyasi dönüklük deyilmi hörmətli Azay Quliyev ?

Hər kəsin siyasi fikrinə hörmətlə yanaşıram.
Amma Agentlik rəhbərliyinin ucuz üsulla məni ittiham etdirib, bu kimi dövlətçiliyə qarşı prinsipsizliklərini anlamaq olmur.
Samir Adigozelli"
Teref.az

Artıq mənzil almadan onun komunnal xərclərini müəyyən etmək mümkün olacaq.

Bu yenilik Nazirlər Kabinetinin təsdiqlədiyi enerji effektivliyi ilə bağlı qərarda əksini tapıb.

Energetika Nazirliyinin şöbə müdir müavini Nərgiz Bağırlı bildirir ki, binaların təyinatından asılı olaraq hər kvadrat metrə görə nə qədər enerji sərf edildiyi müəyyən ediləcək. Sərf olunan enerji miqdarına görə isə sinfləndirmələr aparılacaq. Bununla da vətəndaşlar mənzil sahibi olmazdan öncə hansı binanın kommunal xərclər baxımdan daha sərfəli olduğunu öyrənə biləcək.

Qurum rəsmisinin sözlərinə görə, sinifləndirmə A, B, C, D və E kateqoriyaları üzrə olacaq. Bu kateqoriayalar binanın enerji sərfinə uyğun olaraq təyin ediləcək. A,B və C sinfinə aid olan binalar enerji sərfiyyatı baxımından daha səmərəli hesab olunur.

Nərgiz Bağırlı bildirir ki, 2022-ci ilin iyun ayından etibarən D və E sinfində layihələndirilən binaların tikintisinə icazə verilmir. Çünki bu binalar daha çox enerji sərf edir və bu da vətəndaşın daha çox xərcə düşməsinə səbəb olur.

Daha ətraflı videoda:

Xəzər Xəbə

Bakı bulvarıda insanların həyatı təhlükədədir. Belə ki, bəzi işbazlar skuterləri əsl problemə çevirib. Bulvara daxil olan kimi, tərbiyəsiz, mədəniyyətsiz şəkildə insanlara yaxınlaşan işbazlar zorla öz iyrənc əməllərini yerinə yetirilməyə cəh edirlər.

10-20 azn qarşılığında istirahətə gələn sakinlərin əsəblərini pozan bu işbazlar eyni zamanda gəzintiyə çıxan insanların da həyatlarını təhlükəyə atırlar. Millət vəkilləri, ictimai insanlar Bulvardakı özbaşınalığı nə qədər gündəmə gətirsələr də, heç bir nəticə yoxdur. Yenə parkın girişində eyni adamlar, yenə eyni mənzərə...

Biz media olaraq bu mövzunu işıqlandırıb, sizin diqqətinizə çatdırdıq. Ümid edirik, problem həllini tapar və Bakı Bulvarı tam olaraq azad olacaq.

"Azərbaycan Reallığı"

Lənkəran İcra Hakimiyyəti Lənkəran şəhər və rayon məhəlli ərazilərdə aparılacaq bir sıra işlərin satın alınması ilə bağlı tenderə yekun vurub.

Tenderin qalibi "Xezer-Construction” MMC seçilib. Tərəflər arasında bağlanacaq satınalma müqaviləsinin maliyyə dəyəri 729 425,78 AZN-dir.

İqtisadiyyat Nazirliyi yanında Dövlət Vergi Xidmətinin reyestr məlumatlarına əsasən, "Xezer-Construction” MMC 26 fevral 2018-ci ildə qeydiyyata alınıb. Nizamnamə kapitalı 200 AZN olan şirkətin hüquqi ünvanı Bakı şəhəri Nizami rayonu, Keşlə qəsəbəsi, Qasım bəy Zakir küçəsi, ev 1130-da yerləşir. MMC-nin qanuni təmsilçisi Binnətov Rəmzi Rüfət oğludur.

20 aprel 2023-cü il tarixdə reystr məlumatlarına dəyişiklik edilib. Bu dəyişikliklə MMC-nin hüquqi ünvanı və qanuni təmsilçisi dəyişib. Bundan əvvəl "Xezer-Construction” MMC-nin hüquqi ünvanı Bakı şəhəri Nizami rayonu, Mətləb Ağayev küçəsi, ev 36, mənzil 1-də yerləşib. Şirkətin qanuni təmsilçisi isə Abışov İslam Məhəmməd oğlu olub.

"Xezer-Construction” MMC barəsində açıq mənbələrdə heç bir məlumata rast gəlinmir. Bununla belə, dövlət qurumları hansısa səbəbdən bir şirkətə iriməbləğli sifarişlər verirlər.

Lənkəran İcra Hakimiyyəti indi bəhs etdiyimiz tender istisna olmaqla 2023-cü ildə abadlıq, quruculuq işləri ilə 3 tender keçirib. Lənkəran şəhər və rayon ərazisindəki küçə, park və xiyabanlarda aparılacaq bir sıra işlərin satın alınması ilə bağlı 699 284,57 manatlıq tenderin qalibi "Mars Construction” MMC seçilib.

Lənkəran şəhər ərazisi üzrə yaşayış sahələrinin fasad və giriş hissələrində aparılacaq bir sıra işlərin satın alınması ilə bağlı 228.861,77 manatlıq tenderin qalibi isə "Topxana Layihə İnşaat” MMC olub.

Bu tenderlərdən əvvəl isə Lənkəran şəhər və rayon ərazisində aparılacaq bir sıra yenidənqurma və təmir-bərpa işləri üzrə layihə-smeta sənədlərinin hazırlanması işlərinin satın alınması ilə bağlı müsabiqə keçirilib. Həmin müsabiqənin qalibi "Global Engineering Management Company” MMC olub. Layihə-smeta sənədlərinin hazırlanması xidmətinə görə şikrətə 46 804,7 manat ödənilməsi nəzərdə tutulub.

Beləliklə, 2023-cü ildə Lənkəranda abadlıq, quruculuq işlərinin xərci toplam olaraq 974 951, 04 manat təşkil edib. "Xezer-Construction” MMC ilə bağlanacaq müqaviləni də bura əlavə etdikdə abadlıq işlərinin xərci milyon yarımdan çox edir.

Lənkəran Rayon İcra Hakimiyyətinin başçısı Taleh Qaraşovdur. O, 2012-ci ildə bu vəzifədədir.

Ümumiyyətlə isə Taleh Qaraşovun icra başçısı kimi karyerası 27 ili əhatə edir. (Qaynarinfo.az)