Gülnar Qəmbərovanın qaynatası Buzovnanın yarısını zəbt edib… Uşaq bağçaları ilə də bağlı da problemlər bitib tükənmək bilmir. Vaxtilə uşaq bağçalarını Təhsil Nazirliyindən alıb Rayon İcra Hakimiyyətlərinə tabe edəndə hamı düşünürdü ki, nəhayət körpələr evinin, uşaq bağçalarının maddi-texniki bazası güclənəcək və problemlər həllini tapacaq.

Amma təəssüf ki, belə olmadı. Bir çox icra başçıları uşaq bağçalarını rüşvət, korrupsiya, biznes obyektinə çevirdilər. Bəli, icra başçıları bağça müdirləri ilə şərik olub, uşaqlara ayrılan ərzaq məhsullarını satıb mənimsəyirdilər. Bu azmış kimi, uşaq bağçalarının təmirinə, avadanlıqlarının alınmasına ayrılan dövlət vəsaiti də mənimsənilirdi. Bu hələ harasıdır..? Uşaq bağçaları “ölü canlar” məkanına çevrilmişdi. Uşaq bağçalarında müəllim və dayələrin sayı kağız üzərində çox olsa da bir çoxu işə çıxmırdı. Onların maaşlarını isə icra hakimiyyəti ilə bağça müdirələri bölürdü. Belə problemlərin sayını kifayət qədər artırmaq olar. Amma nə faydası..?
Sözün qısası, neçə ilin eksperimentindən sonra uşaq bağçaları yenidən Təhsil Nazirliyinin tabeçiliyinə qaytarıldı. Və yenə hamı düşünür ki, bəlkə də vəziyyət düzəldi. Amma atalar deyib ki, bəlkəni əkiblər, bitməyib.
Bəli, indi oxuculara təqdim edəcəyimiz 340 saylı bağçanın nümunəsində görəcəksiniz ki, vəziyyət daha da pisləşib. Belə ki, Xəzər rayonu, Buzovna qəsəbəsinin Albalılıq yaşayış massivində yerləşən 340 nömrəli körpələr evi-uşaq bağçası Heydər Əliyev Fondunun “Məktəbəqədər təhsil müəssisələrinin inkişafı” proqramı çərçivəsində inşa edilib. 2015-ci il noyabrın 23-də Azərbaycanın birinci xanımı, Heydər Əliyev Fondunun prezidenti Mehriban Əliyeva körpələr evi-uşaq bağçasının açılışında iştirak edib. Bina ikimərtəbəlidir. Müəssisə zəruri avadanlıqlarla təchiz edilib, hovuz, musiqi otağı, idman zalları yaradılıb, bağçanın həyətində yaşıllıqlar salınıb, əyləncə vasitələri quraşdırılıb. 10 qrupun fəaliyyət göstərdiyi körpələr evi-uşaq bağçasında 200 uşağa qayğı göstərilir.
Fikir verdinizmi, uşaq bağçası bir başa dövlət dəstəyi ilə tikilb, dövlətin hesabına bütün avadanlıqlarla təchiz olunub. Ölkənin Birinci xanımı açılşda iştirak edib. Bəs nə çatışmır ki, bağçanın müdirəsi Qəmbərova Gülnar Tarıyel qızı hər ay, hər uşaqdan 30-40 manat pul yığır. Bağçadakı 200 uşağın sayını bu rəqəmə vursaq, ayda 6000-8000 manat pul eləyir.
Görəsən, dövlətə məxsus bu uşaq bağçasına görə, Gülnar Qəmbərova nə üçün hər ay uşaqlardan pul yığır ?
Siz elə bilirsiniz ki, 6000-8000 min manatla problem bitir..? Gülnar Qəmbərova uşaqlara ayrılan ərzaq məhsullarının yarıdan çoxunu satdırır. Və uşaqlara içərisində 2-3 vermişelin üzdüyü sudan ibarət sup verir. Yəni körpə balaların qidalanması lap bərbad vəziyyətdədir. Düzgün qıdalanmadığı üçün uşaqlar tez-tez xəstələnir. Və digər problemlər.
Məlumat üçün onu da qeyd edək ki, Gülnar Qəmbərova o qədər savadsızdır ki, uşaq bağçasını onun anası idarə edir. Görəsən, belə savadsız birisi necə bağça müdirəsi olub.
Məlumata görə, Gülnarın qaynatası Azərbaycanda ən varlı şəxslərdən biridir, Buzovnadakı bahalı torpaq sahələrinin çoxu ona məxsusdur. Bəli, Gülnarın qaynatası əvvəllər Xəzər Rayon İcra Hakimiyyətində işləyib və vəzifə salahiyyətlərindən istifadə edərək böyük sərvət və torpaq sahibinə çevrilib. Amma bu boyda sərvətə baxmayaraq Gülnar Qəmbərova uşaqların yeməyinə də tamah salır. Görəsən Xəzər rayon icra Hakimiyyəti, Təhsil Nazirliyi və digər qurumlar bu cinayətləri görmür..?
Qarşı tərəfin mövqeyini dərc etməyə hazırıq.gundelik-baku.com

Masallı rayonu, Boradigah qəsəbə sakini Azad Zadil oğlu Abdullayev redaksiyamıza rayondakı vəziyyətlə bağlı şikayət ünvanlayıb. DİA.AZ Hurriyyet.az-a istinadla onun müraciətini ixtisarla təqdim edir:

"2017-ci ildə şəxsi təsərrüfatımda yetişdirdiyim müalicəvi zəliləri Biləsuvar gömrük məntəqəsində saxladılar və istintaq dövründə saxlanması üçün Ekologiya və Təbii Sərvətlər Nazirliyinin (ETSN) Kiçik Qızılağac Balıqartırma Təsərrüfatında və Neftçala rayon S.Q.Kərimov adına Nərə Balıq Yetişdirmə Zavoduna aktla təhvil verdilər. Bundan həvəslənən Kərimov adına zavodun, həm də Kiçik Qızılağac Balıqartırma Təsərrüfatının rəhbəri Abasov Dadaş Nasif oğlu əlavə gəlir əldə etmək məqsədi ilə mənə məxsus olan əmlakı əsassız olaraq satıb mənimsədilər. Şirvan İnzibati-İqtisadi Məhkəməsinin 2-2(086)648/2019 saylı qətnaməsi ilə ETSN-in Kiçik Qızılağac Balıqartırma Təsərrüfatının mənə vurmuş olduğu 112000 (yüz on iki min) manat ziyan uzun sürən məhkəmə prosesindən sonra göndərilmiş sorğulara əsasən sübuta yetirildi və mənə dəymiş ziyanın ödənilməsi barədə qərar verildi. Bundan narahat olan ETSN və balıqartırma təsərüfatının rəhbəri Abasov Dadaş Nasif oğlu qərardan Şirvan Apellyasiya Məhkəməsinə şikayət etdi. İsmayıl Əhmədovun sədrliyi ilə keçirilən məhkəmə prosesi 15 aydan çox çəkdi, apellyasiya məhkəməsi də demək olar ki,1 il ancaq sorğular göndərdi və sonda 2021-ci il may ayında Şirvan Apellyasiya Məhkəməsi Şirvan İnzibati Məhkəməsinin qərarını dəyişdirilmədən saxladı mənə dəymiş ziyanın ödənilməsi barədə qərar qəbul etdi. ETSN Ali Məhkəməyə şikayət etsə də, şikayətləri əsassız olduğunu deyərək kasasiya şikayəti təmin edilmədi. 2021-ci il oktyabr ayında məhkəmə qərarı Lənkəran rayon icra və probasiya şöbəsinə daxil olduqdan sonra Kiçik Qızılağac Balıqartırma Təsərrüfatının rəhbəri Abasov Dadaş Nasif oğlu icra şöbəsinə çağırış əsasında gələrək nazirliyin hüquq şöbəsi ilə əlaqə saxladı və nazirliyin göstərişi ilə icra şöbəsində izahat yazaraq Abdullayev Azad Zadil oğluna dəymiş ziyanı 2022-cu il fevral ayının 20-nə kimi tam şəkildə ödəniləcəyi barədə izahat yazaraq imzaladı. Lakin deyilən müddətdə yazılan izahata nazirlik tərəfindən əməl olunmadı.

Bundan sonra mən icranın ləngitdiyini görüb hərəkətə keçdim. Fuad Ələsgərovun, baş prokuror Kamran Əliyevin, 3 dəfə ETSN naziri Muxtar Babayevin və bir çox yüksək vəzifəli məmurların qəbulunda oldum. Və sonda 2023-cü il yanvar ayının 18-i Fikrət Məmmədovun qəbulunda oldum. Demək olar ki, hər yerə yazmışam, lakin bir nəticə əldə edə bilirəm. Mənə dəymiş ziyanın ödənilməsi barədə ETSN addım atmır".

Qarşı tərəfin də mövqeyini dərc etməyə hazırıq.