Hurriyyet.az-a müraciət edən adının çəkilməsini istəməyən, bərbər fəaliyyəti ilə məşğul olan vətəndaş Azərbaycan Respublikası Dövlət Reklam Agentliyi tərəfindən qanunsuz yerə cərimələndiyini iddia edir.

Şikayətçinin sözlərinə görə, bərbər kimi fəaliyyət göstərsə də, Dövlət Reklam Agentliyi ona vəzifəli şəxs kimi 1500 manat cərimə yazıb: "Adıçəkilən agentlik mənim bərbərxanama 1500 manat cərimə yazıb. Qeyd edim ki, "bərbərxana" sözü təxminən, 2 metrə yaxındır. Mənə cərimə yazmalarının səbəbi aylıq bu qurumua 5-6 manat verə bilməməyimdir. Pandemiya dönəmində ailəmi dolandıra bilmədiyim üçün gözətçi işləyirdim. Gözətçi kimi çalışdığım yerdən aldığım 283 manatın 150 manatını məhkəmə tərəfindən hər ay tutublar. Məsələnin maraqlı tərəfi ondadır ki, mənə - bərbərə vəzifəli şəxs kimi 1500 manat cərimə yazıblar".

Bu məsələ ilə bağlı bütün müvafiq qurumlara müraciət etdiyini deyən şikayətçi bildirib ki, bunun heç bir faydası olmayıb: "Bu işlə bağlı baş prokuror Kamran Əliyevin, Şəki Apellyasiya Məhkıməsinin sədrinin qəbulunda olmuşam. Ancaq heç kim işimə baxmır, problemi həll etməkdə maraq göstərmir. Xahiş edirəm ki, bu məsələni işıqlandırıb adiyyəti qurumların mənə yardım göstərməsinə köməklik edəsiniz".

Hurriyyet.az

Namazov Tapdıq Namaz oğlu 26 avqust 2019 tarixində Cinayət Məcəlləsinin 178.3.2 , 179 3.2 , 308.2 və 313 -cü maddələr əsasında Bakı Ağır Cinayətlər Məhkəməsinin qərarı ilə 10 il müddətinə Azadlıqdan məhrum edilib. Təqsirləndirlilən şəxs qərardan Apellyasiya məhkəməsinə şikayət versə də, məhkəmə qərarı qüvvədə saxlamayıb, verilən cəzaya daha 6 ay əlavə edərək 10 il 6 ay müddətinə həbs cəzası verib.

"Azərbaycan Reallığı" xəbər verir ki, 27 dekabrda təqsirləndirlilən şəxsin rəsmi nümayəndəsi Nəsibov Mübariz Məsim oğlu eləcə də təqsirləndirlilən şəxsin bacıları Qəmbərova Zemfira Bəhmən qızı, Hüseynova Adilə Bəhmən qızı və oğlu Namazov Polad Tapdıq oğlu mətbuat konfransı keçirərək Namazov Tapdıq Namaz oğlunun məhkəmə prosesinə düzgün baxılmadığını və prosesə naməlum şəxslər tərəfindən müdaxilə edildiyini açıqlayıblar.

Mətbuat konfransında giriş sözü alan təqsirləndirlilən şəxsin rəsmi nümayəndəsi Nəsibov Mübariz bildirib ki, istər Bakı Ağır Cinayətlər məhkəməsində, istərsə də Apellyasiya məhkəməsində işə obyektiv baxılmayıb:

"Apellyasiya məhkəməsindən sonra iş Azərbaycan Respublikası Ali məhkəməsinin mülki kollegiyasında baxılmış, mülki kollegiya Apellyasiya məhkəməsinin qərarını ləvğ edərək işə yenidən baxılması üçün işi yenidən Apelyasiya məhkəməsinə qaytarmışdır. 29 Dekabrda Bakı Apellyasiya məhkəməsində bu iş üzrə yekun qərarın çıxarılacağı gözlənilir. İşin faktiki halları bundan ibarətdir ki, guya T. Namazov 19 nəfərdən külli miqdarda pul alaraq inşa etdiyi binada təyinatı üzrə xərcləməyərək onları aldadıb. Əslində məsələ bundan ibarətdir ki,T. Namazov hələ 2004-cü ildən həbsdə olub. 2013-cü ildə həbsdən buraxılıb. Onun böyük oğlu Emin Namazov 2008-ci ildə Vergilər Nazirliyində qeydiyyatdan keçməklə "OMaKS-3 MKT"şirkətini yaradaraq daşınmaz əmlak tikintisnə başlamışdır.

Bu işin isə T. Namazova aidiyyatı olmadığı halda guya bağlanmış müqavilələrin onun imzası ilə bağlandığı bildirilərək böhtana məruz qalıb. Əslində məsələ burasındadır ki, Vergilər Nazirliyində şöbə müdiri işləyən iki şəxs Natiq Əliyev və Mahir Xudiyev binanı ələ keçirmək üçün öz adamları vasitəsilə məhkəməyə şikayət ediblər. Belə ki, şikayət edən 19 nəfərin 14-ü bu iki şəxsin adamı olub. Onlar öz adamlarının adına binadan ev götürüb evləri kvadratmetri 450 manatdan 26 evi öz adlarına rəsmiləşdirməyə nail olublar. Evlərin bu adamlara ucuz verilməsinin səbəbi isə həmin 2 şəxsin binanın tikinməsində maddi vəsaiti kömək olaraq veriblər. 2015-ci ildə binanın tikintisinə maddi vəsait çatmadığı üçün tikinti yarımçıq dayandırıldığından onlar binanı ələ keçirmək məqsədi ilə Baş Prokurorluğun yanında Korrupsiyaya qarşı mübarizə idarəsinə şikayət ediblər. Orda o vaxtkı korrupsiya ilə mübarizə idarəsinin birinci müavini İlqar müəllim vasitəsilə qondarma ittihamlarla N.Tapdığın həbsinə nail olublar. Guya ki, vətəndaşlar tərəfindən T. Namazov tərəfindən alınan 2 milyona yaxın vəsaitin 450 minə yaxın manatın xərclənilməsi haqqında qərar çıxarılmasına nail olublar.

Təqsirləndirlilən şəxsin nümayəndəsi həmçinin bildirib ki, binanın tikintisinə təxminən 6 milyondan yuxarı vəsait xərcləndiyi üçün hər hansı dələduzluqdan söhbət gedə bilməz:

"Məhkəmədə məlum olub ki, binanın tikintisinə təxminən 4 milyondan yuxarı vəsait xərclənilib. Nəzərə alsaq ki, yerin alınması, bəzi yuxarı dairələrə müəyyən vəsaitin ödənilməsi eləcə də o vaxtkı mer Hacıbala Abutalıbova yerin götürülməsi üçün ödənilən yüksək miqdarda pulları da nəzərə alsaq 6 milyondan çox vəsait xərclənilib. Təqsirləndirlilən şəxsin ailəsi, bacıları və oğlu baş prokurorluğa, ölkə prezidentinə və xanımına müraciət ünvanlayaraq işə yenidən baxılmasını xaiş edir, Vergilər Nazirliyində indiyə qədər çalışan Natiq Əliyev və Mahir Xudiyevin əməllərinə görə ölçü götürülməsini xaiş edir. Belə ki, T. Namazov bir qrup şəxsin məhkəməyə müdaxiləsi nəticəsində hələ də həbsdədir.

Bundan başqa onu deyə bilərəm ki, bu prosesdə 178-ci maddədən söhbət belə gedə bilməz. Çünki həmin maddə bundan ibarətdir ki,bir qrup şəxslə qabaqcadan əlbir olaraq başqasının əmlakını ələ keçirməyə səy göstərmisən. İşin mahiyyətinə baxdığımızda məlum olur ki, burda bina demək olar ki, tikilib və heç kəsin əmlakını ələ keçirməkdən söhbət gedə bilməz. Əgər bu adamın elə bir məqsədi olsaydı bu boyda binanı inşa etməzdi."

M. Nəsibov ölkə ictimaiyyətini bu məsələnin diqqətdə saxlanılmasını xaiş edərək növbəti məhkəmə prosesində işə obyektiv baxılmasını xaiş edərək bildirib ki, hakimdən obyektiv qərar çıxarılacağına ümid edir. T. Namazovun ailəsi də məhkəmə heyətindən işə ciddi yanaşılmasını və heç bir dələduzluq faktının aşkar olmadığı bu prosesdə obyektiv qərar çıxarılmasını tələb ediblər.

AZƏRBAYCANREALLIĞI.COM

Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Mil-Muğan regionalın filialında baş verən və hazırda da cərəyan etdiyi deyilən qanunsuzluq halları ilə bağlı "DogruXeber.az"da dəfələrlə yazılı məlumatlar yayımlanıb.

Yerli sakinlər və fondun adının çəkilməsini istəməyən işçiləri tərəfindən redaksiyamıza verilən bütün məlumatları silsilə şəklində yayımladıqdan sonra bir yeni xəbər aldıq ki, filialın direktoru, filialda baş verən bütün qanunsuzluqların "əsas müəllifi" Rafael Məmmədov DSMF-nun Mil-Muğan regionalındakı direktor vəzifəsindən azad edilib. Lakin, Gəncə regional filialına direktor təyin olunub. Bu isə ərazisinə və əhalisinin sayına nəzər saldıqda Rafael Məmmədovun vəzifəsinin biraz da yüksəlməsi sayılır.

Demək, sözügedən direktor Rafael Məmmədov Gəncəyə çatar-çatmaz bir neçə işçi işdən çıxarıldı. Çıxarılan işçilərdən biri olan Aygün xanım Musayeva buna etiraz olaraq, bir neçə sosial "DogruXeber.az" informasiya agentliyinə müraciət edib, canlı efirdə bu barədə danışmaq istədiyini bildirdi. Hətta, agentliyimizin tabeliyində fəaliyyət göstərən "Kanal14" YouTube kanalımızda - "Kamalın zamanı" proqramında canlı yayıma qoşulub, haqsız işdən çıxarılmasından, həmçinin filialda baş verən bir çox qanunsuzluqlardan, vəzifələrin 25.000 (iyirmi beş min) manat qarşılığında satıldığından, bəzi səlahiyyət sahiblərinin qeyri-etik, əxlaq normalarına zidd hərəkətlərindən danışdı. Hətta, məlum hadisələr mövzusunda FHN-nin DSMF-nun Gəncə regional filialının yanında "toya getməli" olduğunu da vurğuladı.

Aygün Musayevanın narazılıqları ilə bərabər, fondun hələ də qeyri-rəsmi olaraq, Rafael Məmmədovun "idarəçiliyində" olduğu deyilən Mil-Muğan regional filialındakı vəzifələrin "qohumluq-qardaşlıq bölgüsü"ndən də bəhs etmişdik. Özü də bir yox, bir neçə dəfə.
Hətta, redaksiyamıza daxil olan bütün məlumatlar barəsində ƏƏSMN-nə, DSMF-na rəsmi müraciətlər də göndərmişdik.

Əlqərəz...

Ötən yazılarımızı yuxarıda təqdim etdiyimiz linklərdən oxuya bilərsiniz.

Bu boyda "vurhavurun" ardından, sanki, haqqı yeyilən, hüquqları pozulan narazı işçilərin acığına Sahil Babayev Rafael Məmmədovu fəxri diplomla təltif etdi.

"Fəxri diplom"dan daha da "həvəslənən" Rafael Məmmədov düz 25 nəfəri işdən çıxardı. "Səbəb" isə Mil-Muğan regional filialında olduğu kimi - 3 aylıq əmək Müqaviləsinin başa çatması idi.

Həmin işdən çıxarılan 25 nəfərdən biri olan Rəhimov Fərid Nəsib oğlu hüquqlarının kobudcasına pozulması və hazırda işsiz qaldığı barəsində "DogruXeber.az"a müraciət edib.

Fərid Rəhimov bildirir ki, "Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun Gəncə regional filialında, Ünvanlı sosial yardım şöbəsində baş mütəxəssis vəzifəsində çalışırdım. Ümumiyyətlə bu sahədə 2018-ci ildən bugünə qədər heç bir nöqsanım olmayıb.

İşdən çıxma səbəbim, 2020-ci ildən bəri mənimlə dəfələrlə təkrar bağlanmış 3 aylıq müqaviləmin başa çatması olub."

Onun sözlərinə görə 2020-ci ildən bəri 3 aylıq əmək Müqaviləsin ilə işləyirlər. Müqavilə başa çatdıqda işə, heç işçiyə demədən, əmək müqavilələri qurum tərəfindən yenilənirmiş. Sonuncu dəfə isə "sizinlə işləmək istəmirik" deyib, müqavilələri yeniləmədilər.

İşçilər işdən çıxarıldıqdan sonra Fərid Rəhimovun sözlərinə görə Rafael Məmmədov özünün bir neçə qrup yoldaşları (Vüqar Əliyev,
Şəmsi Süleymanov və s) və bəzi yaxınlarını (Şəhriyar Əliyev və b) işə götürüb.(Qeyd edək ki, verilən məlumata görə Rafael Məmmədov bundan əvvəl işlədiyi Mil-Muğan regional filialında da öz yaxınlarını, dostlarını işlə təmin edib.)

Yeri gəlmişkən, Fərid Rəhimov bildirir ki, Dövlət qulluğu imtahanlarında, həmçinin qurumun daxili imtahanlarında yüksək nəticələr göstərib.

Bundan əlavə, işdən çıxarılanlar arasında 44 günlük müharibə iştirakçıları da var ki, bu da qurumun (onların işdən səbəbsiz çıxarılması) birbaşa ölkə başçısının tapşırığına qarşı çıxmasıdır. Özü də işdən çıxarılmadan qısa müddət əvvəl Rafael Məmmədov işçilərin arasında müharibə iştirakçısına səsini qaldırıb, əlindəki telefonu göstərərək, "bunu təpənə çırparam" deyə onu təhdid və təhqir edib, yoldaşları arasında aşağılayıb.

Görünür Rafael Məmmədov gücünü düşmənə güc göstərib, qalib olan vətən oğluna göstərmək istəyirmiş. Halbuki, o oğlanlar öz güclərini nəinki Rafael Məmmədov kimi müharibə görməyən məmurlara, hətta bütün Azərbaycana, Azərbaycanın gücü olaraq isə, dünyaya göstəriblər. Bu gün onun Rafael Məmmədovun qarşısında susması, atalar sözlərindəki abırlının abırından həya etməsidir sadəcə.

Unutmadan onu da qeyd edək ki, Fərid Rəhimov bildirir ki, son günlər işin çoxluğu səbəbilə hətta qeyri-iş (şənbə-bazar) günləri də çalışıblar, lakin buna görə onlara əmək haqqından əlavə ödəniş edilməyib.

Bir də deyilir ki, "Elnur Əliyev" adlı bir şəxs tərəfindən DSMF-nun regional filialına güya şikayət məktubu daxil olub və o məktubda rüşvət istəməsi iddiası ilə bir neçə şəxslərin adları çəkilib və həmin şikayət əsasında, adı çəkilən şəxslər işdən azad edilib. Maraqlıdır ki, ondan qısa zaman əvvəl eyni məzmunlu bir şikayət də Samux rayon filialına göndərilibmiş. Eynilə, orada da məktubda adı çəkilən şəxslər işdən çıxarılıb.

Maraqlıdır, DSMF edilən şikayətlərə belə həssaslıqla yanaşan idisə, o zaman ötən yayımlarımızda dəfələrlə adlarını təkrar-təkrar çəkdiyimiz Mil-Muğan regional filialından Bəhruz Quliyev, Fəxrəddin Gülüşov, həmçinin Rafael Məmmədovun özü barəsindəki iddialara niyə laqeyd qalınır?

Elə himayədarına güvəndiyi üçün də Bəhruz Quliyev "keyfinin saz olduğu" məclislərdə, barəsindəki iddialara "boş şeydir, heç nə edə bilməzlər" deyib, "hava atır"mış.

Bu da maraqlıdır ki, işdən çıxarılan hər kəs də bütün bu məsələlərdə birbaşa Himalay Məmişovu qınayırlar.

Yeri gəlmişkən, ötən yayımlarımızda Himalay Məmişovun Mil-Muğan regional filialındakı himayə etdiyi şəxslər barəsində də məlumat vermişdik.

İndi həmin məlumatlaraın üzərinə bir neçə maraqlı məlumatlar da əlavə edilib.

Belə ki, etibarlı mənbədən "DogruXeber.az"a daxil olan məlumatlarda deyilir:

- "Rafael Məmmədovun imişlidəki daha bir sağ əli - Təsərrüfat şöbəsinin müdiri Nəzərli Nurəddindir.

O, əvvəllər müahisbatlıq şöbəsində müqavilə ilə məsləhətçi mühasib işləyib.
Sonra isə Rafael gələndə onu Təsərrüfat şöbəsinə baş mütəxəssis təyin edib.
Daha sonra, heç bir imtahan olmadan şöbə müdiri təyin edib.
Regiona gələn invertarlarlara və kadr məsələlərinə Nurəddin baxır.
Atası müəllim işləyir, əlilliyə görə pensiya alır,
Özü isə 1996-ci il təvəllüdlüdür. Hərbi xidmətdə ümumiyyətlə olmayıb. Hansısa yollarla hərbidən yayınıb.
Bütün 5 rayon şöbələrinin inventarları yoxlanılsa, hamısında silinmələr edildiyi aşkar ediləcək.

Hal-hazırda Mil-Muğanın regional filialında həm özü, həm də yaxın qohum-əqrəbası əlilliklə pensiya alan bir çox səlahiyyət sahibləri var. Elə Rafael Məmmədovun özü də aldığımız məlumata görə ötən ilə qədər ikinci qrup əlilliklə pensiya alırmış. Hətta, deyilənə görə Rafael Məmmədov qurumun daxili imtahanlarında da lazımi nəticəni əldə edə bilməyib.

Bəhruz Quliyev - hazırda müavinətin adi mütəxəssisi ola-ola, qeyri-qanuni yaradılan qəbul şöbəsinin müdiri kimi işləyir.
Bunu da edən, yəni müdafiə eden Maqsud Həsənovdur.
Fond hər 3 aydan bir işçilər barədə forma doldurur ve orda kimin yaxınları, ailə üzvləri arasında əlilliyi olan varsa, yazılır.

Himalay Məmişova maraqlı olmayan işçiləri işdən azad edilir, maraqlı işçilərinkinə isə göz yumulur.

Bundan əlavə: Refaelin ixtisası energetik olub. Özü isə "Azərişıq" ASC-də adi mühasib olub. Bu sahəni bilməyə-bilməyə, hansısa yollarla gəlib çıxıb bura.

2 3 yerdən hansısa yollarla diplom alıb.
Son vaxtlar isə maraqlı insanları Fonda çağırıb, güya imtahan edirlər və deyirlər, "sən keçdin imtahandan".
İşçi tək-tək gəlib test imtahanı verməyi hansı qrumda var?

Vakansiya elan olunur, vətəndaşlar sənəd verir, ümumi test imtahanı verirlər. Yaxşı nəticə toplayanlar isə şəffaf yolla işə qəbul olunurlar. Amma, DSMF-da Himalay Məmişov belə etmir.

Hətta elə işçilər var ki, 3-4 dəfə fonda çağırılıb, imtahan verib, imtahandan keçə bilməyib. Sonda isə simvolik bal yazılıb ki, "get, sən keçdin".
Bir işçi neçə dəfə imtahan verməlidir?!

Əgər bu 3 dəfə imtahan veribsə, keçə bilməyibsə, bu işçini işə necə götürürlər?!"

Bəli, bu da Rafael Məmmədovun işdən haqsız olaraq azad etdiyi 100-ə yaxın işçilərdən bəzilərinin verdiyi məlumatlar və yerində verilmiş suallar.

Maraqlıdır ki, bu mövzuda dəfələrlə materiallar dərc etdiyimizə rəğmən, Əmək və Əhalinin Sosial Müdafiəsi Naziri Sahil Babayev bütün bunlara "gözünü-qulağını bağlayıb", hələ də susmaqda davam edir.

Qarşı tərəfin mövqeyini almaq istəyərkən, bir müddət əvvəl Rafael Məmmədovun bizə bütün suallarımızı DSMF-na verməyimizi tövsiyyə etməsi də qurumun hər şeydən xəbərdar olduğuna dair bir işarə idi.

Qurumun mətbuat xidmətinin də bizi dinləyib, "Araşdırıb əlaqə saxlayacağıq" deyib 3 aydan çox müddətdir mövzuya bir də qayıtmaması da bütün şübhələri 0-a endirir.

Qeyd edək ki, hələ bu da hamısı deyil. Odur ki, mövzuya yenidən qayıdacağıq.

Redaksiyamız hər kəsin söz haqqını tanıyır.

DogruXeber.az

Azərbaycan Respublikasının Prezidenti İlham Əliyev dekabrın 28-də Əmək və Əhalinin Sosial Müdafiəsi Nazirliyinin tabeliyində olan Dayanıqlı və Operativ Sosial Təminat Agentliyinin Bakının Xətai rayonunda yerləşən 5 saylı DOST Mərkəzinin açılışında iştirak edib.

Əmək və əhalinin sosial müdafiəsi naziri Sahil Babayev dövlət başçısına mərkəzdə yaradılan şərait barədə məlumat verib.

Bildirildi ki, Bakı şəhəri, Xətai rayonu, Mehdi Mehdizadə küçəsi, 31 ünvanında yerləşən dördmərtəbəli mərkəzin ümumi sahəsi 4405 kvadratmetrdir. Mərkəz modern və konstruktiv üslubda layihələndirilib, mühəndis sistemləri baxımından ən yüksək tələblərə cavab verir.

Mərkəzdə 120 nəfərə yaxın işçi heyəti çalışacaq və “Könüllü DOST” proqramı üzrə 50 nəfər könüllü fəaliyyət göstərəcək. Burada gün ərzində 650-700 vətəndaşa xidmətin göstərilməsi nəzərdə tutulur.

Qeyd edək ki, sosial xidmətlər sahəsində keyfiyyətcə yeni mərhələnin başlanmasını şərtləndirən, şəffaflıq, operativlik, vətəndaş məmnunluğunu təmin etmək istiqamətində əhəmiyyətli dəyişikliyə səbəb olan DOST konsepsiyası ölkəmizdə həyata keçirilən institusional-struktur islahatlarının mühüm tərkib hissəsidir.

Azərbaycan Prezidenti İlham Əliyevin 2018-ci il 9 avqust tarixli Fərmanı ilə yaradılan DOST Agentliyi bu gün məşğulluq, əmək, əlillik və sosial müdafiə sahələrində 12 istiqamət üzrə 153 xidmət göstərir. Bu günədək istifadəyə verilmiş 5 DOST Mərkəzində ümumilikdə 1 milyon 250 mindən çox şəxsə xidmət göstərilib. Vətəndaşların xidmətlərdən məmnunluq səviyyəsi 98,2 faiz təşkil edir.

Azərbaycan Prezidentinin idarəçilik fəlsəfəsi ilk növbədə sosial dövlət strategiyasına söykənir. Postmüharibə dövründə də sosial sahədə, o cümlədən DOST mərkəzləri vasitəsilə həyata keçirilən tədbirlər dövlətin sosialyönümlü siyasətini nümayiş etdirir.

Beləliklə, istifadəyə verilən növbəti DOST Mərkəzi sosial xidmətlər sahəsində daha böyük ərazini və daha çox əhalini əhatə etməklə keyfiyyətli xidmətin coğrafiyasının genişlənməsinə şərait yaradacaq.

*** 10:39

Azərbaycan Respublikasının Prezidenti İlham Əliyev dekabrın 28-də Əmək və Əhalinin Sosial Müdafiəsi Nazirliyinin tabeliyində olan Dayanıqlı və Operativ Sosial Təminat Agentliyinin Bakının Xətai rayonunda yerləşən 5 saylı DOST Mərkəzinin açılışında iştirak edib.

Əmək və əhalinin sosial müdafiəsi naziri Sahil Babayev dövlətimizin başçısına mərkəzdə yaradılan şərait barədə məlumat verdi.

Hurriyyet.az-a müraciət edən Naxçıvan Muxtar Respublikası, Babək rayonu, Cəhri qəsəbə sakini Əminə Məmmədova ehtiyacı olduğu halda muxtar respublikanın Dövlət Sosial Müdafiə Fondunun Babək rayon şöbəsi tərəfindən yardım ala bilməməsindən şikayətlənib.

Belə ki, bu ilin sentyabr ayında həyat yoldaşından ayrıldığını qeyd edən Əminə Məmmədovanın sözlərinə görə, 2 körpə uşaqla çıxılmaz vəziyyətdə qalıb: "Boşandıqdan sonra keçmiş həyat yoldaşım cəmi 1 ay aliment ödədi, daha sonra Türkiyəyə gedib. Həmin vaxtdan aliment ödəmir. Özüm evdar qadınam, anam isə 2-ci qrup əlildir. Uşaqlar körpə olduğundan işləyə bilmirəm. Bu səbəbdən də yardım almaq üçün Naxçıvan Muxtar Respublikası Dövlət Sosial Müdafiə Fondunun Babək rayon şöbəsinə müraciət etdim. Fondun əməkdaşları gəlib yoxlama apardılar və dedilər ki, sizə yardım düşmür".

Şikayətçi əlavə edib ki, səbəbini soruşduqda "Həyətdə ili köhnə maşın var, buna görə də sizə yardım verilə bilməz", deyə cavab verilib: "İndi mən 2 körpə uşağı necə saxlayım? Dövlət köhnə maşına görə yardım vermir. Məgər, uşaqlar maşın yeyəcək?! Xahiş edirəm ki, problemimi işıqlandırıb müvafiq qurumların diqqətinə çatdırasınız. Bəklə insafları gəlib mənə və ailəmə sosial yardım almaqda köməklik göstərdilər".

Dekabrın 23-də Milli Məclisin Plenar İclasında “Məhkəmələr və hakimlər haqqında” qanuna dəyişikliklər edilməsi barədə aparılan müzakirələrdə deputat Etibar Əliyev Ali Məhkəmənin hakimi Abiddin Hüseynovun diplomunun saxta olması barədə fikir səsləndirməsi böyük ajiotaja səbəb olub.

DİA.AZ bildirir ki, Yenisabah.az-a bu barədə olduqca maraqlı məlumat daxil olub. Məlumatda deyilir: “Etibar Əliyevin Abiddin Hüseynovun diplomunun saxta olması barədə səsləndirdiyi fikirlər doğrudur. Hakim Abiddin Hüseynov bioqrafiyasında təqdim etdiyi ali məktəbin adını səhv hazmaqla hakimiyyətin yüksək orqanlarını aldatmağa nail olub. Belə ki, Ali Məhkəmənin saytında onun Rusiya Hüquq Akademiyasını bitirdiyi göstərilir. Əslində o, mövcud olmayan bu akademiyanı deyil, Dağıstanda lisenziyasız fəaliyyəıət göstərən “Yujdağ” instititunda təhsil alıb (Diplomun surəti əlavə olunur)”.
Məlumatlı şəxs deyib ki, A.Hüseynov qanunsuz fəlaiyyət göstərən bu institutda cəmi 2 il təhsil alıb: “Diplomda göründüyü kimi, guya əyani formada təhsil alıb. Bu dönəmdə o, 2000-2003-cü illərdə Konstitusiya Məhkəməsinin Beynəlxalq hüquq şöbəsində aparıcı mütəxəssis vəzifəsində çalışıb. Demək əyani təhsil qeyri-mümkündür. Adam bioqrafiyasında bitirdiyi ali məktəbin adını bilərəkdən səhv yazıb, 2 il “təhsil aldığı” qanunsuz ali məktəbin diplomu ilə 7 il Apellyasiya məhkəməsində, 2020-ci ildən indiyə kimi isə Ali Məhkəmənin hakimi vəzifəsində çalışır. Analoqu olmayan hadisə baş verib. İki illik saxta diplomla məhkəmə sisteminin ən yüksək instansiyalarında hakim işləmək olarmış”.

Məlumatlı şəxs hesab edir ki, Məhkəmə Hüquq Şurası bu məsələni ciddi araşdırıb Abiddin Hüseynovun məkəmə orqanlarından xaric olunması barədə qərar qəbul etməlidir.

Məşhur “Badamlı” və “Sirab” sularını istehsal edən müəssisələrin Naxçıvan Ali Məclisinin sədri Vasif Talıbova məxsus olduğu heç kimə sirr deyil. Zatən bütün böyük biznes strukturları, ümumilikdə dövlət və özəl sektoru Talıbovun və ailə üzvlərinin total nəzarətində olan muxtar respublikada “Sirab” və “Badamlı” kimi iri və yüksək gəlirli müəssisələrin başqa bir adamın əlində olmasını təsəvvür etmək belə mümkün deyil...

Lakin istisna etmək omaz ki, V.Talıbov Naxçıvan Ali Məclisinin sədri vəzifəsilə birgə böyük bizneslərini, ən azından onların bir hissəsini də itirə bilər. Bu baxımdan “Sirab” və “Badamlı”nın gələcək taleyi maraq doğurur. Təxmini hesablamalar göstərir ki, bu şirkətlərin gündəlik içməli su satışı yüzlərlə, bəlkə də minlərlə tonla ölçülür. Azərbaycanda nəinki paytaxtda və iri şəhərlərdə, ən ucqar kəndlərdə belə bu şirkətlərə aid suların satışı təşkil olunub. Qiyməti də kifayət qədər yüksəkdir.

Mövcud satış qiymətlərinə baxsaq, görərik ki, bu mineral suların satış qiyməti az qala dünya bazarındakı neftin qiymətilə eynidir. Nəzərə alsaq ki, neftdən fərqli olaraq, suyun istehsalı dəfələrlə daha rahat və ucuz başa gəlir, deməli, onun hər litrinin satışından əldə olunan qazanc da daha çoxdur.

Onu da qeyd edək ki, bu suların təkcə Azərbaycanda deyil, xarici, xüsusilə də qonşu ölkələrdə də satışı təşkil olunub. Məlumat üçün bildirək ki, “Badamlı” sularını istehsal edən müəssisə 2004-cü ildə Talıbovlara aid “Gəmiqaya Mineral Sular” MMC şirkəti tərəfindən özəlləşdirilib. “Sirab” sularını istehsal edən müəssisə isə 2003-cü ildə “Babək-Sirab” ASC-yə çevrilib. “Badamlı” və “Sirab” sularının ölkədəki topdan və pərakəndə satışını da Talıbovlara məxsus “Gəmiqaya Mineral Sular” MMC həyata keçirir.

Məlum məsələdir ki, “Badamlı” və “Sirab” suları təkcə Naxçıvan deyil, bütünlükdə bir Azərbaycan brendidir. Onun mənbəyi isə Azərbaycana məxsus olan təbii sərvətimizdir. Neft və təbii qaz necə milli sərvətimizdirsə, “Badamlı” və “Sirab” da o cür milli sərvətdir. Ona görə də, ondan əldə olunan qazancın hansısa talançı məmurun cibinə axması yolverilməzdir.

Odur ki, lazım gələrsə, bu yataqları və oradakı istehsalı milliləşdirmək və dövlətin nəzarətinə vermək olar. Ən azından “Badamlı” və “Sirab” sularının Naxçıvanı və Azərbaycanın dövlət büdcəsini talamış Talıbovun nəzarətində qalması və bundan sonra da ona milyonlarla qazanc gətirməsi ədalətsizliyin davam etməsi demək olardı...

“AzPolitika.info”

Eldəniz Muradov deyir ki, hərbi xidmət dövründə səhhətində problemlər yaranıb.

Onun sözlərinə görə, əlillik dərəcəsi ala bilmək üçün Əlillərin Bərpa Mərkəzinə müraciət edib. Buradan ona “əlavə müalicəyə ehtiyacın var” deyildiyi üçün 5 saylı şəhər klinik xəstəxanasında müalicə aldıqdan sonra Prezident Administrasiyasına müraciət edib.

E.Muradova Prezident Administrasiyasından probleminin həll ediləcəyi deyilsə də, vədə əməl edilmir. Şikayətçi yenidən Əlillərin Bərpa Mərkəzinə gedib müayinədən keçir. Müayinəsindən keçdiyi həkim ona səhhətində heç bir problem olmadığını bildirib.

Dövlət Tibbi-Sosial Ekspertiza və Reabilitasiya Agentliyinin mətbuat katibi Tural Qurbanov E.Muradova niyə əlillik dərəcəsi verilmədiyini bu cür əsaslandırıb ki, şikayətçidə əyani müayinə zamanı əlillik təyinatına əsas verən patofunksional pozuntular müşahidə edilməyib.

T.Qurbanov bildirir ki, nəticədə “Əlilliyin müəyyən olunması meyarları”na müvafiq olaraq diaqnozun əlillik əlaməti təyin etmədiyi barədə qərar qəbul edilib.

E.Muradov əlillik dərəcəsi alana qədər mübarizə aparacağını deyir.

Toplum TV

Heydər Əliyev Fondunun vitse-prezidenti Leyla Əliyeva Bakı Bulvarında skuter sürüb.

Leyla Əliyeva, sosial şəbəkə hesabında həmin görüntüləri paylaşıb.

Eyni zamanda, Leyla Əliyeva Bakının mərkəzindən Yeni il ab-havalı bir neçə fotoları da izləyiciləri ilə bölüşüb.

Həmin görüntüləri təqdim edirik: