Prezident İlham Əliyev “Dövlət rüsumu haqqında” qanuna dəyişiklikləri təsdiqləyib.

Dəyişikliyə əsasən, Azərbaycanda tütün məmulatlarının istehsalçıları və idxalçıları müvafiq icra hakimiyyəti orqanının müəyyən etdiyi orqanın (qurumun) informasiya sisteminə qoşulma barədə müvafiq icra hakimiyyəti orqanının müəyyən etdiyi orqanın (qurumun) göndərdiyi bildirişi aldıqları tarixdən bir ay müddətində həmin məmulatlara tətbiq edilməsi üçün alınmış məcburi nişanlamaya görə bu Qanunun 20-3.2.1-ci maddəsində nəzərdə tutulan dövlət rüsumunu ödəməkdən azaddırlar.

Müvafiq icra hakimiyyəti orqanının müəyyən etdiyi orqan (qurum) bu maddənin birinci cümləsində nəzərdə tutulan müddəti hər dəfə bir aydan çox olmamaq şərtilə 5 dəfə uzada bilər.

Orqan (qurum) deyərkən İqtisadiyyat Nazirliyi yanında Dövlət Vergi Xidməti nəzərdə tutulur.

Az əvvəl məlumat verərək bildirmişdik ki, Gəncənin icra başçısı Niyazi Bayramov vəzifəsindən azad ediləcək və onun yerinə hazırda Şəkiyə rəhbərlik edən Elxan Usubov gətiriləcək.

Qeyd edək ki, bu barədə məlumatı yayan Gundelik-baku.com portalı daha bir iddia ilə də çıxış edib.

Gundelik-baku.com-un yazdığı məlumata görə, hal-hazırda Yevlax şəhərinin icra başçısı olan Anar Tağıyev Şəki şəhərinə başçı göndərilir.

Tağıyev Anar Aqil oğlu 25 mart 1981-ci ildə Bakı şəhərində anadan olub. 1997-ci ildə Bakı şəhəri 1 saylı orta məktəbini, 2001-ci ildə Bakı Dövlət Universitetini, 2005-ci ildə isə Moskva Dövlət Vilayət Universitetini bitirib.

Təhsil aldığı müddətdə 1999-cu ildən 2002-ci ilədək “Eurostyle” şirkətində ümumi işlər üzrə hüquqşünas, 2006-cı ildə H.Əliyev adına Bakı Dərin Özüllər zavodunun Birgə layihələr şöbəsində mühəndis vəzifəsində çalışıb.

2006-2008-ci illərdə Azərbaycan Respublikası Gənclər və İdman Nazirliyinin Gənclərlə iş şöbəsinin Gənclər Təşkilatları ilə iş sektorunda məsləhətçi vəzifəsində işləyib. 2008-2010-cu illərdə Nəsimi rayon İcra Hakimiyyətinin “İctimai təşkilatlar və siyasi partiyalarla iş” şöbəsinin, 2010-2011-ci ilədək isə “Ərazi idarəetmə və yerli özünü idraəetmə oraqanları ilə iş” şöbəsinin müdiri vəzifələrinə təyin olunub. 2011-ci ildən bu günə qədər Nəsimi rayon İcra Hakimiyyəti Başçısının müavini vəzifəsində çalışıb. 31.10.2019-cu ildə Prezident İlham Əliyev Tağıyev Anar Aqil oğlunun Yevlax Şəhər İcra Hakimiyyətinin başçısı təyin edilməsi haqqında sərəncam imzalayıb.

Ailəlidir, 2 övladı var.

Dənizkənarı Bulvar İdarəsinin Dövlət Bayrağı Muzeyi tərəfindən keçirilən tender müsabiqəsinin qalibi məlum olub.

Tender müsabiqəsinin qalibi fərdi sahibkar Əziz Fatehoviç Əzizov (VÖEN – 1402080532) olub.
Bulvar İdarəsinin tenderində qalib olan sahibkarla sədr müavinini NƏ BİRLƏŞDİRİR? - FAKTLAR

Əziz Əzizov Dünya Azərbaycanlıların Həmrəylik Gününə və Yeni İl bayramına həsr olunmuş “Qış nağılı” adlı tədbirlə bağlı xidmətlər təqdim edəcək.

Görüləcək işlərin qarşılığında Dənizkənarı Bulvar İdarəsinin Dövlət Bayrağı Muzeyi Əziz Əzizova 46 min 900 manat vəsait ödəyəcək.

Məlumat üçün qeyd edək ki, Əziz Əzizov daha əvvəl də Dənizkənarı Bulvar İdarəsinin Dövlət Bayrağı Muzeyinin keçirdiyi analoji tenderlərin qalibi olub.

Tenderin qalibi olan Əziz Əzizov barəsində açıq internet resurslarda məlumat yoxdur. Yeganə məlumat odur ki, 1980-ci il təvəllüdlü Əziz Əzizov 2021-ci ildə "Azərbaycan Gənclər İttifaqı" İctimai Birliyinin təmsilçisi kimi Gənclər və İdman Nazirliyi yanında İctimai Şura üzvlüyünə namizəd olub.

Maraqlı məqmlardan biri odur ki, hazırda tenderi keçirən qurumun - Dənizkənarı Bulvar İdarəsinin İdarə heyətinin sədr müavini Ağacan Əhməd oğlu Əhmədov "Azərbaycan Gənclər İttifaqı" İctimai Birliyinin sədri olub. Ağacan Əhmədov 28 avqust 2018-ci ildə Dənizkənarı Bulvar İdarəsinin İdarə heyətinin sədr müavini təyin olunub. Bu tarixdən cəmi 13 gün əvvəl – 15 avqust 2018-ci ildə Ağacan Əhmədov "Azərbaycan Gənclər İttifaqı" İctimai Birliyinin qanuni təmsilçisi seçilib.

Qeyd olunan məlumatlardan açıq şəkildə görünür ki, tenderi keçirən qurumun - Dənizkənarı Bulvar İdarəsinin rəhbərliyidəki şəxslə (Sədr müavini) tenderin qalibi olan şəxs (Əziz Əzizov) eyni təşkilatda ("Azərbaycan Gənclər İttifaqı" İctimai Birliyinin) təmsil olunublar.

Diqqət çəkən məqamlardan biri də odur ki, fərdi sahibkar Əziz Əzizov Ağacan Əhmədov sədr müavini təyin olunduqadan sonra yalnız Dənizkənarı Bulvar İdarəsinin keçirdiyi tenderlərdə qalib olub. Əziz Əzizovun adına nə başqa qurumların tenderində, nə də 2019-cu ildən əvvəlki tarixlərdə keçirilən tenderlərdə rast gəlmək olmur.

Məsələ ilə bağlı Yeniavaz.com-a açıqlama verən Dənizkənarı Bulvar İdarəsinin İdarə heyətinin sədr müavini Ağacan Əhmədov tenderin qalibi olan Əziz Əzizovu tanıdığını bildirdi. Sədr müavini Əziz Əzizovun tenderdə qalib olmasının onunla heç bir əlaqəsinin olmadığını qeyd etdi.

Xatırladaq ki, hazırda Dənizkənarı Bulvar İdarəsinin tərkibində olan Dövlət Bayrağı Meydanı 2016-cı ilə kimi ayrıca İdarə kimi fəaliyyət göstərib. 2015-ci ildə Dövlət Bayrağı Meydanı Kompleksi İdarəsinin sabiq sədri Rəşad Məmmədov CM-nin 308-ci (vəzifə səlahiyyətlərini aşma) və 179-cu (mənimsəmə və israf etmə) maddələrilə ittiham olunaraq həbs edilib. Mənbə Yeniavaz.com

Goranboy rayon icra başçısı Məhərrəm Quliyev öz köməkçisi Ülvi Əliyevin sərxoş vəziyyətdə qəza törətməsi faktını ört-basdır etməyə çalışır. Ötən həftə baş verən hadisədən sonra icra başçısı əl-ayağa düşərək media emissarlarını minnətçi salmaqla, məsələni mətbuatın gündəmindən çıxarmağa cəhd göstərir. Bu haqda Reportyor.info-ya verilən məlumata görə, icra başçısının köməkçisini nə üçün xilas etmək istəməsi anlaşılan deyil. Halbuki son xəbərlərdə deyilir ki, M. Quliyev hadisəni gizlətməyə çalışmasına baxmayaraq, fakt üzrə istintaq gedir. Çünki ortada sərxoş vəziyyətdə qəza törətmək faktı var. Hazırda Ülvi Quliyevin rayonun Qaradağlı kənd sakini olan yeniyetməni içkili vəziyyətdə maşınla vurması araşdırılır. Goranboyun başçısı isə onu təmizə çıxarmaq və işi bağlamaq üçün əlindən gələni edir. Qeyd edək ki, hadisə Bakı-Qazax yolundan Dəliməmmədli şəhərinin girişinə gedən hissədə, “Tac” şadlıq sarayının qarşısında baş verib. İnsident nəticəsində yeniyetmə hər iki ayağından ciddi xəsarət alıb və əməliyyat olunub. Hazırda onun vəziyyəti ağırdır. M. Quliyev isə zərər çəkənin ailəsini razı salmağa, şikayətçi olmamağa çalışır. Eyni zamanda, hadisənin sərxoş vəziyyətdə olarkən törədilməsi faktını cinayət işindən çıxarmağa can atır. Hazırda istintaq davam edir.

Daxili İşlər Nazirliyinin (DİN) Mətbuat xidmətinin Gəncə regional qrupunun baş inspektoru, polis kapitanı Eşqin Qasımov bildirmişdi ki, noyabrın 27-də Goranboy rayon Polis Şöbəsinə rayonun Qaradağlı kənd sakini, 15 yaşlı H.Ə.-nin hər iki ayağının sınıq xəsarəti alaraq Gəncə şəhərindəki xəstəxanaların birinə yerləşdirilməsi barədə məlumat daxil olub:
Məlumatla əlaqədar polis əməkdaşları dərhal azyaşlını ziyarət ediblər. H.Ə. və valideynləri izahatlarında kənd ərazisində yıxıldığını bildirib. Sosial şəbəkələrdə yayılan iddialar ilə bağlı araşdırmalar başlanılıb, nəticəsi barədə əlavə məlumat veriləcək.


Reportyor.info

Saatlı rayon İcra Hakimiyyəti 2022-ci ilin noyabr ayının 25-də "Saatlı şəhəri ərazisində yolların əsaslı təmiri işləri" lotu üzrə sifarişçi olduğu tenderə yekun vurub.

DİA.AZ Qlobal.az-a istinadla xəbər verir ki, Saatlı rayon İcra Hakimiyyətinin 2022-ci ilin noyabr ayının 25-də "Saatlı şəhəri ərazisində yolların əsaslı təmiri işləri" lotu üzrə yekun vurduğu satınalmanın məbləği 348.243 manat, qalibi isə "Harmony İndustrial Construction and Engineering Group” Məhdud Məsuliyyətli Cəmiyyəti olub.

"Harmony İndustrial Construction and Engineering Group” MMC 2005-ci ildə qeydiyyata alınıb.

MMC-nin hüquqi ünvanı Bakı şəhəri, Nərimanov rayonu, Ceyhun Hacıbəyli ev 52, mənzil 20 ünvanı, qanuni təmsilçisi isə Orucov Əlövsət Bilal oğludur.

"Harmony İndustrial Construction and Engineering Group” MMC-nin maddi-texniki bazası, mühəndis heyəti, işçi qüvvəsi barədə açıq internet resurslarında heç bir məlumat yoxdur.

"Harmony İndustrial Construction and Engineering Group” adı ilə fəaliyyət göstərən MMC-nin əvvəlki adı "Piramida F.R" olub.

"Piramida F.R" MMC-nin adı "otkad" əməliyyatında çəkilir.

Belə ki, Dövlət Təhlükəsizlik Xidmətinin 2020-ci ilin may ayında Mədəniyyət Nazirliyində və nazirliyin tabeliyində fəaliyyət göstərən Mədəni İrsin Qorunması, İnkişafı və Bərpası üzrə Dövlət Xidmətində keçirdiyi xüsusi əməliyyatda korrupsiya faktı aşkarlanmışdı.

O zaman ictimaiyyətə açıqlanan məlumatda Mədəni İrsin Qorunması, İnkişafı və Bərpası üzrə Dövlət Xidmətinin sifarişçi olduğu tenderlərdə qalib elan edilən təşkilatlardan "otkad" alındığı bildirilirdi.

İstintaqda və məhkəmədə ifadə verən "Piramida F.R" MMC-nin rəhbəri Şamxal Ağaşirinov 6 milyon manatlıq tenderdə qalib elan edildikləri üçün 900.000 manat rüşvət verdiklərini bildirmişdi.

Qlobal.az adı "otkad" əməliyyatında çəkilən, maddi-texniki bazası barədə açıq internet resurslarında heç bir məlumat olmayan "Harmony İndustrial Construction and Engineering Group” MMC-nin Saatlı rayon İcra Hakimiyyəti 2022-ci ilin noyabr ayının 25-də "Saatlı şəhəri ərazisində yolların əsaslı təmiri işləri" lotu üzrə yekun vurduğu tenderdə hansı meyarlara əsasən qalib elan edilməsi ilə bağlı mövqe öyrənib.

Saatlı Rayon İcra Hakimiyyətinin açıqlamasında deyilir:

""Harmony İndustrial Construction and Engineering Group” MMC və iddiaçı kimi tenderdə iştirak etmiş digər 3 malgöndərən (podratçı) təşkilat tərəfindən maddi-texniki baza, mühəndis heyəti, işçi qüvvəsi barədə və digər tələb olunan sənədləri etender.gov.az saytına yerləşdirmişlər. Eyni zamanda bildiririk ki, aidiyyəti qurumlar tərəfindən tender prosedurlarının keçirilməsinə və nəticələrinə nəzarət edilir və Azərbaycan Respublikasının İqtisadiyyat Nazirliyi Yanında Antiinhisar və İstehlak Bazarına Nəzarət Dövlət Xidmətindən razılıq alındıqdan sonra işlərin icrası üçün müqavilə bağlanılır".

Xatırladaq ki, Saatlı Rayon İcra Hakimiyyətinin başçısı Elmir Bağırovdur.

Elmir Bağırov 2020-ci ilin avqust ayının 24-də Saatlı RİH-nə başçı təyin edilib.

Məhkəmə qərarı ilə azərbaycanlı oliqarx, multimilyonçu iş adamının beynəlxalq çirkli pulların yuyulması əməliyyatı ilə əlaqəsi müəyyən edilib.

Xəbəri "Standard” yayıb.

Bildirilir ki, sözügedən şəxs kimliyini sirr saxlamaq üçün mübarizə aparır.

Böyük Britaniyanın Milli Cinayət Agentliyinin Milli Məclisin deputatı Cavanşir Feyziyevin üç ailə üzvünə qarşı qaldırdığı iddiada multimilyonçunun "vacib şəxs” olduğu qərara alınıb.

"Evening Standard” və "BBC” kimi media orqanları onun şəxsiyyətinin açıqlanması üçün fəal mübarizə aparır, çünki onlar hesab edirlər ki, bu, Böyük Britaniyanın açıq ədalət mühakiməsi ənənəsini pozur.

Qeyd olunur ki, London Ali Məhkəməsində gün yarım davam edəcək dinləmə mart ayında keçiriləcək. Ali Məhkəmə iddianı təmin edərsə, milyonçunun adı açıqlanacaq.

2022-ci ilin yanvarında London məhkəməsi Milli Məclisin deputatı Cavanşir Feyziyevin ailə üzvlərinə məxsus Böyük Britaniyada 5,6 milyon funt-sterlinq məbləğində bank hesablarının müsadirə edilməsi barədə qərar verib. //ARQUMENT.AZ//