"Azərbaycan Reallığı" xəbər verir ki, Fərzəliyev Alxas Rəsul oğlu Qaradağ rayonu, Lökbatan qəsəbəsi, Bilal Niftəliyev küçəsində əlil və şəhid ailələri üçün nəzərdə tutulan binada yaşayır. Bir ayağını birinci Qarabağ müharibəsi zamanı itirib. Bankdan pul götürüb qızına toy edib, sonra dollar kəskin bahalaşıb, ardıyca müharibə, pandemiya. Banka bir xeyli borcu yaranıb.

İş məhkəməyə gedib, qərara alınıb ki, hər ay 200 manat ödənsin, ödəyir də. Bank razılaşmır, vətəndaşı məcbur edir, evini satsın. Qarabağ qazisi çıılmaz durumdadır. O, video - müraciət edərək ona köməklik göstərilməsin xhaiş edib.

"Azərbaycan Reallığı" sözü gedən video - müraciəti təqdim edir:

AZƏRBAYCANREALLIĞI.COM

Azərbaycanın ictimai-siyasi həyatında fəal iştirak edən bir qrup şəxsə “Əməkdar jurnalist” fəxri adı və Azərbaycan Respublikası Prezidentinin fərdi təqaüdü verilib.

Bununla bağlı Prezident İlham Əliyev sərəncam imzalayıb.

Sərəncama əsasən, Əliyev İlham Yaylaqalı oğlu və Musayev Alqış Həsən oğluna “Əməkdar jurnalist” fəxri adı verilib.

Bundan əlavə, Xəlilov Zahid Abdulla oğlu, Şadlinski Vaqif Bilas oğlu və Vəliyev Misirxan İzzət oğluna isə Azərbaycan Respublikası Prezidentinin fərdi təqaüdü verilib.

Prezident İlham Əliyev Cəlilabad rayonunun Abazallı - Təklə - Şorbaçı - Mədətli - Novruzallı - Məmmədrzalı - Məşədilər - Dostallı - Şötüklü - Boyxanlı - Məlikqasımlı və Şiləvəngə - Adnalı - Bədirli avtomobil yollarının tikintisi ilə bağlı tədbirlər haqqında Sərəncam imzalayıb.

Sərəncamla on dörd min nəfər əhalinin yaşadığı 14 yaşayış məntəqəsini birləşdirən Abazallı–Təklə–Şorbaçı–Mədətli–Novruzallı–Məmmədrzalı–Məşədilər–Dostallı–Şötüklü–Boyxanlı–Məlikqasımlı və Şiləvəngə–Adnalı–Bədirli avtomobil yollarının tikintisi məqsədilə “Azərbaycan Respublikasının 2022-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.26.18-ci yarımbəndində göstərilmiş məbləğdən 7,0 (yeddi) milyon manat və 1.26.23-cü yarımbəndində göstərilmiş 10,2 milyon (on milyon iki yüz min) manat olmaqla ümumilikdə Azərbaycan Avtomobil Yolları Dövlət Agentliyinə 17,2 milyon (on yeddi milyon iki yüz min) manat ayrılıb.

Deputat Fəzail Ağamalının qızı Günay Ağamalıdan Bakının Nərimanov rayonu 16-cı polis bölməsinə şikayət olunub. Buna səbəb deputat qızının rəhbərlik etdiyi “Buta” uşaq bağçasında 4 yaşlı qızcığaz Firəngizin nəzarətsizlikdən yıxılaraq ayağının sınmasıdır. Uşağın anası Mehriban Fərruxlu bildirir ki, polisdə işin obyektiv araşdırılacağına ümid edir. Onun sözlərinə görə, bağça rəhbərliyi aylıq ödənişi geri qaytarıb: “Uşaq 18 noyabrdan getməyə başladı, ayın 23-də ayağı sındı. Bağçanın aylığı 225 manatdır, cəmi 1 saat artıq qalmışdı deyə 20 manatı da aldılar. Ancaq 83 manat gips, 24 manat rentgen üçün pul veriblər, bir də aylığı qaytarıblar. Ancaq uşağımın başına gələn araşdırılmalıdır. Bu necə uşaq bağçasıdır?”

Reportyor.info

“Ətraf kəndlərə qaz xətti çəkilib, həmin kəndlərlə aramızda 7-8 kilometr məsafə var, ancaq nədənsə bizim kəndə qaz xətti çəkilmir. Evlərimizi meşədən çır-çırpı toplayıb yandırmaqla isidirik. Ancaq bu, yetərli olmur deyə, pulla odun alırıq. Artıq oduna verməyə pul da tapmırıq”.

Oğuzun Baş Daşağıl kəndinin sakinləri Meydan TV-yə yazırlar ki, qış fəsli sərt soyuqlarla keçən kənddə mavi yanacaq yoxdur. Meşədən odun yığmaq qadağandır, kənd sakinlərinin böyük kəsimi işsizdir, odun almağa pul yoxdur. Sakinlər elektrik enerjisindən istifadə etməyə məcburdur. Ancaq bu da elektrik şitinin yüklənməsinə və tez-tez qəza baş verməsinə səbəb olur.

“Heç olmasa odunla təmin etsinlər”

Bir neçə il əvvəl sakinlər kəndlərə qaz xətti çəkildiyini görəndə seviniblər:

“Dedik, daha çətinliklərimiz geridə qalacaq, biz də mavi yanacaq görəcəyik. Ətraf kəndlər qazlaşdırıldı, bizə çatanda dedilər, gözləyin. Biz də istəyirik ki, evlərimiz isti olsun, uşaqlarımız, yaşlılarımız soyuqdan əziyyət çəkməsin. Heç olmasa, qaz xətti çəkilənədək bizi odunla təmin etsinlər”.

Kəndlilər yazır ki, məmurlar 200-dən çox ailənin yaşadığı kəndin qaz probleminə biganə yanaşırlar.

“Rayonun deputatından tutmuş icra hakimiyyətinin başçısına, “Azəriqaz”a kimi müraciət etmişik. Deputat söz verdi ki, məsələni diqqətdə saxlayacaq, sonra ondan da səs çıxmadı. Kəndə də dəvət elədik, gəlmədi. SOCAR-a, Prezident Adminstrasiyasına, Birinci vitse-prezidentə yazmışıq.

Ancaq vətəndaş yerinə qoyub bizə heç bir parça kağızda cavab da yazıb göndərmirlər”, – sakinlər yazıb.

Oğuz Rayon İcra Hakimiyyətindən Meydan TV-yə bildirilib ki, sakinlər quruma müraciət ediblər və onlara rəsmi cavab məktubu göndərilib:

“Sakinlərin haqlı tələbləri “Azəriqaz”a bildirilib. Kəndlərin qazlaşdırılması prosesi davam edir. Yaxın vaxtlarda Baş Daşağıl kəndi də qazlaşdırılacaq” //Meydan TV//

Bir Məmməd Abbasbəyli var. 23 dekabr 2021-ci ildə İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi təyin edilib. Ona qədər isə sözügedən qurumda rəis müavini vəzifəsində çalışıb. Ötən il rəis vəzifəsinə keçdikdən sonra ölkəmizdə dövlət satınalmaları sahəsində aparılan islahatlar, səmərəlilik və şəffaflığın təmin edilməsi məqsədilə həyata keçirilən sistemli tədbirlər barədə məlumat vermişdi. Keçirdiyi mətbuat konfranslarının birində yeni yaradılan, təcrübəsi olmayan şirkətlərin satınalmalarda iştirakı ilə bağlı suala təxminən belə bir cavabı olmuşdu. “Şirkət yeni yaradıla bilər, onu yaradanın əvvəl çalışdığı sahədə təcrübəsi olub ki, yaradıb. Biz onlara da şərait yaratmalıyıq.” Məmməd Abbasbəyli bunu güya satınalmalarda şəffaflığın təmin olunması, azad rəqabətin formalaşması, inhisarçılığın qarşısının alnması ilə əlaqələndirib.

Bir də Sultanova Vüsalə Vaqif qızı var. Dövlət Vergi Xidmətinin məlumatlarına görə 22.06.2022-ci il tarixdə bir ünvanda adına 3 MMC dövlət qeydiyyatına alınıb. Açıq mənbələrdə MMC-lərin fəaliyyət sferası, təcrübəsi, maddi-texniki bazası barədə heç bir məlumat yoxdu. Amma eyni ünvanda yaradılmış bu 3 MMC oktyabr-noyabr aylarında 17 satınalma prosedurunun qalibi olub. Lakin bizdə məlumatlar var. Maddi -texniki bazası, təcrübəsi, peşəkarlığı olan şirkətlər var ki, müxtəlif xidmətlərin satın alınması üzrə elan olunmuş tenderlərdə iddiaçı qismində müraciət etmələrinə baxmayaraq il ərzində bir satınalmanın belə qalibi ola bilmirlər. Nədir bunun səbəbi? Öncə Sultanova Vüsalə Vaqif qızına məxsus MMC-lərin iki ay ərzində qalibi olduğu kotirovka sorğularına nəzər salaq.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “SL 99 CORP” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 22.06.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ QARADAĞ RAYONU, LÖKBATAN ŞTQ, KEÇİD 1594 (LÖKBATAN), ev 30, m. 8, qanuni təmsilçisinin isə Sultanova Vüsalə Vaqif qızı olduğu göstərilir.

Apardığımız araşdırmalar zamanı məlum oldu ki, “SL 99 CORP” Məhdud Məsuliyyətli Cəmiyyəti dövlət qeydiyyatına alındıqdan 4 ay ay sonra təhsil və səhiyyə sisteminə tabeli qurumların keçirdikləri 3 kotirovka sorğusunun qalibi ola bilib.

“Gəncə Dövlət Universitetinin nəzdində Regional Kollec” publik hüquqi şəxsi tərəfindən cari təmir işlərinin satın alınması üzrə keçirilmiş kotirovka sorğusunda qalib elan olunmuş və 29.11.2022-ci ildə 46 500.39 manat məbləğində satınalma müqaviləsi bağlanmışdır.

Əsaslı təmir işlərinin satın alınması üzrə keçirilmiş kotirovka sorğusunda qalib elan olunmuş və 29.11.2022-ci ildə 12000.05 manat məbləğində satınalma müqaviləsi bağlanmışdır.

“Şirvan Şəhər Mərkəzi Xəstəxanası” publik hüquqi şəxsi tərəfindən tikili və avadanlıqların cari təmir işlərinin satın alınması üzrə keçirilmiş kotirovka sorğusunda qalib elan olunmuş və 21.11.2022-ci ildə 39 800.6 manat məbləğində satınalma müqaviləsi bağlanmışdır.

Göründüyü kimi MMC soon 8 gün ərzində səhiyyə sisteminə və TƏBİB-ə tabeli qurumların keçirdikləri 3 kotirovka sorğusunun qalibi olub və ümumi olaraq 98 301 manat məbləğində sifariş alıb. Əsaslı təmir, cari təmir, tikili və avadanlıqların cari təmir işləri üzrə.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “SMART 86 CORP” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 22.06.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ QARADAĞ RAYONU, LÖKBATAN ŞTQ, KEÇİD 1594 (LÖKBATAN), ev 30, m. 8, qanuni təmsilçisinin isə Sultanova Vüsalə Vaqif qızı olduğu göstərilir.

Bu MMC isə Azərbaycan Dövlət Neft Akademiyasının nəzdində Neftin, Qazın Geotexnoloji Problemləri və Kimya Elmi-Tədqiqat İnstitutu tərəfindən NQGP və ETİ tərəfindən maşın və avadanlıqların satın alınması üzrə keçirilmiş kotirovka sorğusunda qalib elan olunmuş və 29.11.2022-ci ildə 11 200 manat məbləğində satınalma müqaviləsi bağlanmışdır.

“Sabirabad rayon Mərkəzi Xəstəxanası” publik hüquqi şəxsi tərəfindən elektrik malları, elektrik quraşdırılma materialları, dəftərxana ləvazimatları və təsərrüfat malları üzrə keçirilmiş kotirovka sorğusunda 26 400 manat məbləğində satınalma müqaviləsinin bağlanıldığı 28.11.2022-ci il tarixində açıqlanmışdır.

Oğuz rayon Mərkəzi Xəstəxanası tərəfindən nəqliyyat vasitələrinin əsaslı təmiri üzrə keçirilmiş kotirovka sorğusunda 43 915 manat məbləğində satınalma müqaviləsinin bağlanıldığı 22.11.2022-ci il tarixində açıqlanmışdır.

“Nərimanov Tibb Mərkəzi” publik hüquqi şəxsi tərəfindən qazanxananın cari təmiri xidmətlərinin satın alınması üzrə keçirilmiş kotirovka sorğusunda 10 470 manat məbləğində satınalma müqaviləsinin bağlanıldığı 18.11.2022-ci il tarixində açıqlanmışdır.

Ağdaş Dövlət Humanitar Kolleci tərəfindən digər malların satın alınması üzrə keçirilmiş kotirovka sorğusunda 3300 manat məbləğində satınalma müqaviləsinin bağlanıldığı 02.11.2022-ci il tarixində açıqlanmışdır.

Bakı şəhəri Baş Polis İdarəsi tərəfindən abadlaşdırma xidməti üzrə keçirilmiş kotirovka sorğusunda 46 067.2 manat məbləğində satınalma müqaviləsinin bağlanıldığı 12.10.2022-ci il tarixində açıqlanmışdır.

“Nərimanov Tibb Mərkəzi” publik hüquqi şəxsi tərəfindən qazanxananın cari təmiri xidmətlərinin satın alınması üzrə keçirilmiş kotirovka sorğusunda 10 910 manat məbləğində satınalma müqaviləsinin bağlanıldığı 12.10.2022-ci il tarixində açıqlanmışdır.

Göründüyü kimi “SMART 86 CORP” MMC oktyabr ayında bir günə 2, noyabr ayında isə 25 gün ərzində təhsil sisteminə və TƏBİB-ə tabeli qurumların keçirdikləri 5 kotirovka sorğusunun qalibi olub və ümumi olaraq 152 262 manat məbləğində sifariş alıb. Ayrı ayrı sahələr üzrə. qazanxananın cari təmiri, abadlaşdırma xidməti, nəqliyyat vasitələrinin əsaslı təmiri, elektrik malları, dəftərxana ləvazimatları,maşın və avadanlıqlar üzrə.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “DELTA 10 LT” Məhdud Məsuliyyətli Cəmiyyətinin İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində 22.06.2022-ci il tarixdə dövlət qeydiyyatına alındığı bildirilir. Nizamnamə kapitalı 10 manat olan MMC-nin hüquqi ünvanı BAKI ŞƏHƏRİ QARADAĞ RAYONU, LÖKBATAN ŞTQ, KEÇİD 1594 (LÖKBATAN), ev 30, m. 8, qanuni təmsilçisinin isə Sultanova Vüsalə Vaqif qızı olduğu göstərilir.

“DELTA 10 LT” Məhdud Məsuliyyətli Cəmiyyətinin Azərbaycan Milli Elmlər Akademiyasının Torpaqşünaslıq və Aqrokimya İnstitutu tərəfindən sair torpaq, tikili və avadanlıqların satın alınması üzrə keçirilmiş kotirovka sorğusunda 27 505 manat məbləğində satınalma müqaviləsinin bağlanıldığı 29.11.2022-ci il tarixində açıqlanmışdır.

“Respublika Sanitariya və Karantin Mərkəzi” publik hüquqi şəxsi tərəfindən digər kommunal xidmətlərin satın alınması üzrə keçirilmiş kotirovka sorğusunda 48 798 manat məbləğində satınalma müqaviləsinin bağlanıldığı 10.11.2022-ci il tarixində açıqlanmışdır.

“Respublika Sanitariya və Karantin Mərkəzi” publik hüquqi şəxsi tərəfindən mətbəə məhsullarının satın alınması üzrə keçirilmiş kotirovka sorğusunda 45 467.2 manat məbləğində satınalma müqaviləsinin bağlanıldığı 10.11.2022-ci il tarixində açıqlanmışdır.

Elmi Tədqiqat Kardiologiya İnstitutu tərəfindən mətbəə məhsullarının satın alınması üzrə keçirilmiş kotirovka sorğusunda 23 179.54 manat məbləğində satınalma müqaviləsinin bağlanıldığı 05.11.2022-ci il tarixində açıqlanmışdır.

Azərbaycan Milli Elmlər Akademiyasının Molekulyar Biologiya və Biotexnologiyalar İnstitutu tərəfindən abadlaşdırma xidmətinin satınalınması üzrə keçirilmiş kotirovka sorğusunda 9897 manat məbləğində satınalma müqaviləsinin bağlanıldığı 02.11.2022-ci il tarixində açıqlanmışdır.

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu tərəfindən maşın və avadanlıqların satın alınması üzrə keçirilmiş kotirovka sorğusunda 29 685 manat məbləğində satınalma müqaviləsinin bağlanıldığı 25.10.2022-ci il tarixində açıqlanmışdır.

Azərbaycan Milli Elmlər Akademiyasının Məhəmməd Füzuli adına Əlyazmalar İnstitutu tərəfindən sair torpaq, tikili və avadanlıqların alınması üzrə keçirilmiş kotirovka sorğusunda 16 584 manat məbləğində satınalma müqaviləsinin bağlanıldığı 30.09.2022-ci il tarixində açıqlanmışdır.

Göründüyü kimi “DELTA 10 LT” MMC oktyabr ayında 2, noyabr ayında isə 25 gün ərzində Milli Elmlər Akademiyasına tabeli qurumların keçirdikləri 5 kotirovka sorğusunun qalibi olub və ümumi olaraq 201 115 manat məbləğində sifariş alıb. Ayrı ayrı sahələr üzrə. qazanxananın cari təmiri, abadlaşdırma xidməti, nəqliyyat vasitələrinin əsaslı təmiri, elektrik malları, dəftərxana ləvazimatları,maşın və avadanlıqlar üzrə.

Dövlət satınalmalarının vahid internet portalına yerləşdirilmiş məlumatlardan da görsəndiyi kimi Sultanova Vüsalə Vaqif qızının adına bir gündə yaradılmış 3 MMC oktyabr-noyabr aylarında 17 kotirovka sorğusunda qalib gəlib və ümumi olaraq 451 678 manat məbləğində dövlət sifarişi alıb. Diqqət yetirdikdə bu sifarişlərin çoxunun ayrı ayrı sahələr üzrə olduğu açıq-aydın görsənir. İndi buradan İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi Məmməd Abbasbəyliyə sual ünvanlayırıq. Vüsalə Sultanovanın adına bir gün ərzində yaradılmış 3 MMC-nin 2 ay ərzində 17 koturovka sorğusunun qalibi olması şəffaflıqdı, yoxsa inhisarçılıq?

Burada şəffalıqdan əsər-əlamət belə yoxdu. Bu inhisarçılıqdı. Bu azad rəqabətin açıq şəkildə pozulmasıdı. Bir nəfərin qanunu təmsilçisi olduğu MMC-lərin iki ay ərzində ayrı-ayrı xidmətlər üzrə 17 kotirovka sorğusunda qalib olması satınalmalarda saxtakarlıqdan başqa bir şey deyil.

Aktualinfo.org

Tibbi sığortadan kimlər, necə faydalanır? Vətəndaşlar pulsuz xidmət, məmurlarsa korrupsiya imkanı əldə edib. Toplum TV-nin araşdırması göstərir ki, bəzi hallarda tibb müəssisələri göstərilməyən tibbi xidmətləri də rəsmiləşdirirmiş.

Prezidentin tərif etdiyi tibbi sığorta sistemindən Bakı sakini Sevda Əliyeva heç vaxt istifadə etməyib. Deyir, dövlət xəstəxanalarına etibarı yoxdur deyə, bütün tibbi xidmətləri özəl müəssisələrdən almağa üstünlük verir. Amma bu yaxınlarda sürprizlə qarşılaşıb. Elektron hökumət sistemində onun dövlət xəstəxanalarında aldığı xidmətlər haqqında qeydlər var.

İcbari tibbi sığorta sistemi belə qurulub ki, tibb müəssisələri və həkimlər də xidmət göstərdiyi hər bir xəstəyə görə məvacib alır. Sevda Əliyevaya göstərilməyən xidmət üçün də dövlət pul ayırıb, amma vətəndaş xidməti görməyib.

Həkim ekspert Aydın Əliyev deyir ki, belə hallar tək-tük deyil:

Mütəmadi halda insanların belə şikayətlərinin olması göstərir ki, sistemin problemləri var. Düzdür, təzədir. Amma İcbari Tibbi Sığorta şəffaf olmalıdır. İndiyədək heç bir hesabatları olmayıb. Tibbi idarə edən qurumlar şəffaf deyil. Bu problemlərin aradan qaldırılması üçün yetəri addım atılmır.

Qaradağ rayon sakini Sübhan Bəşirlini də 23 saylı Birləşmiş Şəhər Xəstəxanasında icbari tibbi sığorta çərçivəsində müayinə ediblər. Daha doğrusu, etməyiblər. Amma bu barədə qeydi özünün də xəbəri olmadan sistemə əlavə ediblər. Toplum TV-yə danışan Sübhan Bəşirli bildirir ki, göstərilən tarixdə o heç ölkədə də olmayıb.

“Şəffaflıq Azərbaycan” Korrupsiyaya Qarşı Mübarizə İctimai Birliyinin icraçı direktoru Əliməmməd Nuriyev sadalanan faktlarla bağlı bir neçə hüquqpozma halı olduğunu deyir.

Elektron kabinetdə Sübhan Bəşirlini müayinə edən həkim kimi göstərilən Vüqar Feyziyev söyləyir ki, belə bir xəstəni heç vaxt görməyib.

İcbari Tibbi Sığorta Agentliyi deyir ki, pripiskadan xəbərləri yoxdur. Məsələni araşdıracaqlarını da vəd edirlər. Bəs siz necə, elektron kabinetinizi yoxlamısınızmı? Bəlkə yeni xəstəliyiniz var, xəbəriniz yoxdur?

Toplum TV

Artıq 8 ildir ki, Azərbaycanda nümayəndəliyi və geniş şəbəkəsi olan “FOHOW” Beynəlxalq Korporasiyasının fəaliyyəti ilə bağlı ziddiyyətli məlumatlar yayılmaqdadır. Xatırladaq ki, əsası 1999-cu ildə Çin Xalq Respublikasında qoyulmuş bu şirkət əsasən insan orqanizminin immun sistemini gücləndirdiyi iddia olunan qida əlavələrinin satışı ilə məşğuldur. Korporasiyanın özündən təqdim olunan açıqlamalara görə, bu gün “FOHOW”-un ticari şəbəkəsi artıq dünyanın 90-dan çox ölkəsini əhatə edir. Lakin dediyimiz kimi, son vaxtlar Korporasiyanın iflas durumda və bağlanmaq ərəfəsində olması, eləcə də bir çox digər məsələlər barədə həm dünyada, həm də Azərbaycan ictimaiyyətində ziddiyyətli fikirlər səsləndirilir. Təbii ki, bu vəziyyətdə həm Korporasiyanın Azərbaycandakı şəbəkəsində çalışan vətəndaşları, həm də istehlakçıları bəzi suallar narahat etməyə başlayır.

Bütün bu suallara cavab almaq üçün şirkətin rəsmilərinə müraciət edən işçilərin hesabları bloklanır. Şirkətlə əməkdaşlıq edənlərin mediaya verdiyi məlumata görə, “FOHOW”-un fəaliyyətində Azərbaycan qanunvericiliyinə zidd olan məqamlar var. Məsələn, müqavilələr bağlanmır, məhsullar verilsə də, ödənişlər əvəzində çeklər təqdim edilmir. Əməkdaşkar şirkətdən ödədiyi vəsaitin çeklərini tələb etdikdə, onlarla əməkdaşlığa son qoyulur. Şirkətdə baş verənlərə aydınlıq gətirmək üçün “FOHOW”un ofisi ilə əlaqə saxladıq. Azinforum.az-a bildirdilər ki, şirkət bütün qanunvericilik tələblərinə riayət edərək fəaliyyət göstərir: “Belə neqativ məlumatları şirkətə qarşı qərəzli olanlar yayır”.
Bildiririk ki, “FOHOW”un ölkəmizdəki fəaliyyətilə bağlı kifayət qədər ciddi iddialar səslənir. Hər – halda bu iddialara rəsmi qurumların da münasibıt bildirməsi yaxşı olar. //Azinforum.az//

Kəlbəcərin dağlıq ərazilərində yerləşən bölmələrimizin mövqeləri istiqamətində yeni təminat yollarının çəkilməsi üzrə mühəndis işləri icra edilir. Məhz bu məqsədlə yol infrastruktrunun çəkilməsi ilə bağlı layihə “North West” şirkətinə həvvalə edilib.
Bu məqsədlə sözügedən tikinti şirkəti yüzlərlə mülki şəxslərə məxsus olan avtomobilləri müqavilə əsasında bu lahiyyəyə cəlb edib .Amma avtomobillərini müqvilə əsasında “North West”-ə verən vətəndaşların aylardır ki, icarə haqlarını vermirlər.

DİA.AZ bildirir ki, bu haqda Dünyanınsəsi.Az-a bir qrup Kəlbəcər rayon sakinləri tərəfindən şikayət daxil olub.

Şikayətçilər qeyd edir ki, 4 aydır ki, icarəyə verdikləri avtomobillərin aylıq icarə haqqını ala bilmirlər.Səbəb olaraq sözügedən tikinti şirkətinin yönətim rəhbərliyindən şikayətçilərə bildirirlər ki, vəsait köçürməlidir ki,bizdə sizin icarə haqqınızı ödəyək.

Səsləndirilən ittihamla bağlı qarşı tərfin də mövqeyini dərc edə bilərik.

Sonda şikayətşilərin ölkə başçısı İlham Əliyevə ünvanlanmış video-müraciətini təqdim edirik:

Millət vəkili Ramil Həsənin biləyində daşıdığı cüt bilərzik diqqət çıkib.

DİA.AZ bildirir ki, 32gun.az-ın əldə etdiyi məlumata görə, deputatın bilərziyi məşhur Macarıstan markası olan "JOSH" brendinə məxsudur.

Həmin markanın qiyməti 6000 və 20000 manat arasında dəyişir.

Ramil Həsən biləyindəkilər isə "JOSH" KARKÖTŐ 24957" və "JOSH KARKÖTŐ 09285" modelləridir.

Deputatın biləyindəki aksesuarlrın birlikdə ümumi qiyməti 16 min manata yaxındır.