"Şəhidlərimizin şərəfinə bu abidə - bu qaya parçası burada, Qaraxanbəyli kəndinin yaxınlığında ucaldılıb. Qaraxanbəyli kəndi və digər beş kənd İkinci Qarabağ müharibəsinin ilk günündə azad edilmişdir".

Bunu Prezident İlham Əliyev bu gün Füzuli rayonuna səfəri zamanı etdiyi çıxışında deyib.

"Qaraxanbəyli, Qərvənd, kənd Horadiz, Yuxarı Əbdürrəhmanlı - Füzuli rayonunun kəndləri və Cəbrayıl rayonunun kəndləri - Böyük Mərcanlı və Nüzgar kəndi müharibənin ilk günündə azad edilmişdir. İlk şəhidləri biz məhz burada, bu yerdə vermişik. Bu abidənin yanında düşmənin səngəri yerləşirdi. Bu istiqamətdə beş-altı müdafiə xətti mövcud idi. Azərbaycan əsgəri, Azərbaycan zabiti bu müdafiə xəttini və bundan sonrakı müdafiə xətlərini yarmaq üçün ölümə gedirdi. Sözün əsl mənasında ölümə gedirdi, öz canını fəda edirdi ki, üçrəngli Bayrağımız Şuşada və o vaxt işğal altında olan digər bütün torpaqlarda dalğalansın. Öz canını fəda edirdi ki, Azərbaycan xalqı ləyaqətini bərpa etsin, ədaləti bərpa etsin və xalqımız öz torpaqlarına qayıtsın.

Bu istiqamətdən düşmənin birinci müdafiə xəttini yararaq bizim Zəfər yürüşümüz başlamışdır. 44 gün ərzində Azərbaycan Ordusu hər gün irəliyə gedirdi. Dayanmadan, durmadan, usanmadan hər gün qan tökərək, şəhidlər verərək irəliyə gedirdi, Zəfərə doğru gedirdi. Bir gün belə dayanmadı, bir gün belə geriyə addım atmadı, ancaq irəli getdi, düşməni qova-qova döyüş meydanında tarixi Zəfər çaldı. 44 gün ərzində 300-ə yaxın şəhər və kənd düşməndən azad edilmişdir. Düşmən məcbur olub kapitulyasiya aktını imzalayaraq məğlubiyyətini qəbul etdi və o vaxt hələ işğal altında olan torpaqlardan çıxmağa məcbur olmuşdur", - deyə o bildirib.

"Bu gün Azərbaycanda Anım Günüdür. Bütün Azərbaycan xalqı şəhidlərimizin əziz xatirəsini yad edir. Allah bütün şəhidlərimizə rəhmət etsin. Şəhidlərimiz Vətən, torpaq uğrunda öz canlarını fəda etdilər".

Bunu Prezident İlham Əliyev bu gün Füzuli rayonuna səfəri zamanı etdiyi çıxışında deyib.

"Biz öz şəhidlərimizlə fəxr edirik. Qəhrəman əsgər və zabitlərimizlə fəxr edirik. Şəhidlərimizin qanı yerdə qalmadı, biz şəhidlərimizin qanını aldıq. Döyüş meydanında qisasımızı aldıq. Doğma torpaqlarımızı düşməndən azad etdik, ölkəmizin ərazi bütövlüyünü bərpa etdik.

44 günlük Vətən müharibəsi şanlı tariximizdir. Azərbaycan xalqı bütün gücünü səfərbər edib, yumruq kimi birləşərək düşməni doğma torpaqlarımızdan qovdu. Bütün Azərbaycan xalqı birlik, iradə göstərmişdir. Qəhrəman əsgər və zabitlərimizin fədakarlığı, qəhrəmanlığı sayəsində bu gün biz azad edilmiş torpaqlarda qurub yaradırıq, şəhərlərimizi, kəndlərimizi bərpa edirik və həm də şanlı Zəfərimizlə fəxr edirik. Eyni zamanda, fəxr edirik ki, biz - bu torpaqların sahibləri bu torpaqlara yenidən həyatı qaytarırıq", - deyə o bildirib.

Sentyabrın 27-də Azərbaycan Respublikasının Prezidenti İlham Əliyev və birinci xanım Mehriban Əliyeva Şuşa şəhərində Yuxarı Gövhərağa məscidini ziyarət edib, burada aparılan yenidənqurma və bərpa işləri ilə tanış olublar.

Bu barədə Prezidentin Mətbuat Xidməti məlumat yayıb.

Məlum olduğu kimi, ötən gün Bakı şəhərində fəaliyyət göstərən sərnişindaşıma şirkətləri Nazirlər Kabinetinin 04.04.2020-ci il tarixli, 135S saylı qərarı ilə "həyati vacib sərnişindaşıma sahəsinə” maliyyə dəstəyinin verilməsi üçün ayrılan 280 milyon manatdan (tədbirlər planın 10-cu bəndi) onlar üçün nəzərdə tutulmuş hissənin ödənilmədiyini bəyan ediblər.

DİA.AZ xəbər verir ki, məsələyə münasibət bildirən Bakı Nəqliyyat Agentliyinin (BNA) İdarə Heyəti sədrinin müşaviri Faiq Abbasov dövlətin daşıyıcı şirkətlər üçün ayırdığı 7.5 milyon manatın "BakuBus” MMC-yə ayrıldığını bildirib.


İctimai Televiziyada çıxış edən BNA rəsmisi Bakı şəhərində sərnişindaşımanın böyük hissəsini həyata keçirən özəl daşıyıcı şirkətlərə ayrılmış vəsaitin hansı səbəbdən onlara ödənilməməsi ilə bağlı fikir bildirməyib. O, 7.5 milyon manatın "BakuBus”a pandemiyanın nəticələrinin aradan qaldırılması ilə bağlı verildiyini qeyd edib.

Qeyd edək ki, özəl daşıyıcı şirkətlər dövlət rəhbərliyinə müraciət edərək, 2020-ci ildə pandemiya ilə əlaqədar sənişindaşımaya dəstək məqsədilə dövlətin ayırdığı vəsaitin onlara verilmədiyini bildiriblər. Həmin dövrdə "BakuBus” MMC Bakı Nəqliyyat Agentliyinin tərkibində fəaliyyət göstərib.

Onu da qeyd edək ki, Nazirlər Kabinetinin müvafiq qərarında 7.5 milyon manatın BNA vasitəsilə sərnişindaşıma fəaliyyəti ilə məşğul olan şirkətlərə ödənilməsi tapşırılıb. Lakin vəsaitin hamısı BNA həmin vaxt öz tərkibində olan "BakuBus” MMC-yə köçürüb.

Hüquq-mühafizə orqanlarının və aidiyyəti qurumların məsələyə reaksiya verəcəyi gözlənilir.

DİA.AZ

Aparılan araşdırmalar zamanı bəlli olur ki, əslində daxili bazarda benzin satışını həyata keçirən kiçik bir qrup var. Həmin qrup əslində bir mərkəzdən idarə olunur. Onların eyni qaydada, 1 qəpik də olsun fərq olmadan idxalatda iştirakı ona gətirib çıxarıb ki, daxili bazarda qiyməti də bir mərkəz təyin edir. Deməli, bu qədər iddia edilən “müstəqil iş adamları” anlayışı, əslində, bir və bir neçə maraqlı qrupun əlindədir...

Azərbaycanda son aylarda sürücülər arasında pərakəndə satılan Aİ 92 benzinin keyfiyyəti ilə bağlı ciddi narazılıqlar var. Sürücülər bildirir ki, benzinin keyfiyyəti aşağı olduğundan, istifadələrində olan nəqliyyat vasitələri tez-tez sıradan çıxır.

Hazırda Azərbaycan Aİ-92 markalı benzini idxal edir. Bunun da səbəbi Heydər Əliyev adına Bakı Neft Emalı Zavodunda təmir-yenidənqurma işlərinin aparılmasıdır. Cari ilin yanvar ayının 31-də bu markalı benzinin idxalı ilə bağlı olaraq vergi və rüsum güzəştləri tətbiq edilib. 4 aylıq güzəştlərdən sonra may ayında güzəştlər müddəti bitib. Bundan sonra da Azərbaycanda pərakəndə olaraq satılan Aİ-92 markalı benzinin qiyməti artmayıb. Hansı ki, Tarif Şurası deyil, qiymətləri bazarda iştirakçıların tənzimlədiyinə dair dəfələrlə açıqlamalar verilib.

Lakin nədənsə son günlər dünya bazarında neftin qiymətinin aşağı düşməsinin Azərbaycanın daxili bazarına heç bir təsiri olmayıb. Dünya Birjalarında neftin qiymətinin aşağı düşməsi səbəbindən Avropa bazarlarında pərakəndə qiymətlərdə enmə müşahidə edilməyə başlayıb. O zaman ortaya obyektiv bir sual çıxır – əgər Azərbaycanda da qiymətləri idxalçılar və bazar tənzimləyirsə, bizdə qiymətlər niyə dəyişmir?

Neft məsələri üzrə ekspert İlham Şaban hesab edir ki, qiymətlərlə bağlı açıqlanan statistikada cavabsız suallar var. Ekspert hesab edir ki, bu açıq qalan suallara cavab almaq çətindir.

Eynilə İlham Şaban da deyir ki, neft qiymətləri ucuzlaşır, bu gün Brent-in ən ucuz partiyası 83 dollar 45-sentə satılıb. 13 iyul tarixdə Ai-95 marlakı benzinin 1 litrinin qiyməti bazar iştirakçılarının KARTEL sövdələşməsi ilə (çünki yüksəkoktanlı benzinlərin qiyməti rəsmən dövlət tərəfindən tənzimlənmir) bütün Azərbaycanda 2 manat təyin edildi. Həm hökumət, həm də istehlakçılar seyrçi mövqe tutdular. Yəni hökumət bunun bazarda İNHİSAR halı olmasını heç araşdırmadı. İstehlakçılar da etiraz etmədilər: yəni olan budur, alırsan al, almırsan maşınına milli istehsal olan 92 vur (xeyli istehlakçı elə sonuncu yolu tutub, çünki Ai-95-in satışları ötən illə, əsasən də 2020-ci illə müqayisədə xeyli azalıb).

O zaman KİV-lər nə yazırdı? Bəs dünya bazarında neftin qiyməti 100 dolları, ona görə də idxal benzininin qiymətindəki artım da obyektivdir.

Bəs dünya bazarında neftin qiyməti 85 dollardan aşağı düşüb, bu, özünü Ai-95 və Ai-98-in qiymətlərində göstərəcəkmi?

İlham Şaban hesab edir ki, məntiqlə göstərməlidir. “Çünki hələ sentyabrın 7-də Brent markalı neftin qiyməti ilk dəfə olaraq 86 dollardan aşağı qiymətə ticarət edilməyə başlamışdı. Düzdür, sonrakı günlərdə 93-94-ə qədər yüksəlsə də, amma sentyabrın 22-dən 90 dollardan aşağı qiymət diapozonunda ticarət edilir. Azərbaycanda yanacaq bazarında (o cümlədən idxalda) real rəqabət mühiti olsaydı, təbii ki, hər YDM-də alıcılar müxtəlif qiymətlər görə bilərdilər və bu, daim üzü yuxarı gedən qiymətlər olmayacaqdı”.

“Hürriyyət” xəbər verir ki, hazırda ölkə ərazisində YDM-lərin sayı 900-dən çoxdur. Lakin bu günə qədər heç bir istehlakçı hansısa YDM-də digərlərindən fərqli qiymətə rast gəlməyib. Bu qiymət fərqi heç 1 qəpik də müşahidə olunmayıb.

Ortada açıq qalan suallar kifayət qədərdir. Hökumət açıqlamır ki, hazırda Azərbaycan daxilində litri 1 manata satılan Aİ-92 markalı benzindən əldə olunan gəlir nə qədərdir. Hökumət yenə də yaxasını kənara çəkib iddia edə bilər ki, bazarda idxalçılar da, pərakəndə satıcılar da müstəqil və özəl şəxslərdir. O zaman bu idxalçı hüquqi və ya fiziki şəxslər gəlirləri ilə bağlı olaraq niyə cəmiyyətə hesabat vermirlər? Onlar bu hesabatları ictimayyətə açıqlamırsa, vergi, gömrük orqanları bu hesabatları açıqlaya bilər.

İlham Şaban qeyd edir ki, belə hesabatlar Rusiyada və Türkiyədə mütəmadi olaraq açıqlanır.

Və adətən biz bu iki ölkədə taariflərin dünya bazarındakı qiymətlərə uyğun olaraq artıb-azaldığını da müşahidə edə bilərik.

İndi Azərbaycana idxal edilən Aİ markalı benzinlə “Premium” markalı benzin hesab olunan Aİ-95 markalı benzinin qiymətlərinə diqqət edək. Ekspert çox mühim bir məqama toxunur. Daxili bazarda pərakəndə formada satılan Aİ-95 markalı benzin, yəni “Premium” benzinin 1 tonu 978 dollar 17 sentə idxal edilir. Lakin bu benzin bazarda 1 litr üçün 2 manata satışa çıxır.

Bazarda 1 litri 100 faiz aşağı satılan, yəni 1 litri 1 AZN olan Aİ-92 markalı benzinin isə 1 tonu 1149 dollar 84 sentə idxal edilir. Sadə məntiqlə belə nəticə çıxarmaq olar ki, ölkədə “Premium” markalı benzin daxili bazarda 1 manatdan da aşağı satılmalıdır. O zaman qiymətləri bu şəkildə kim tənzimləyir? İdxalçılar ümumiyyətlə bu işin harasındadır? Təəssüf ki, hökumət bu suallara cavab vermir. Deməli, ortada olan fakt ondan ibarətdir ki, Azərbaycana aşağı oktanlı benzin idxal edilib. Və bunun üçün 2022-ci ilin birinci yarısında 150.8 min ton benzin idxal edilib və 173 milyon manat vəsait xərclənib.

“Elə bilməyin ki, Ai-92 markalı benzinin idxalı H.Əliyev adına NEZ-da aprelin 4-dən mayın 25-dək davam edən təmirlərlə əlaqəlidir. Bəli, əlaqəsi var, amma tam yox. Çünki cari ilin ilk rübündə, təmirdən əvvəl Azərbaycan 50 min tondan çox Ai-92 markalı benzin idxal etmişdi, II rübdə isə bu 100 min tona çatıb. Elə iyulda da idxal olub. Bilirsiniz nə qədər? Gündə 1,5 milyon litr! Əgər Ai-92 markalı benzini ölkəyə gətirmək belə baha başa gəlirsə, onda nədən Ai-95-in qiymətini aşağı salıb, onun satış həcmlərini artırmağı düşünmürlər?, - deyə ekspert ritorik bir sual qoyur.

Aparılan araşdırmalar zamanı bəlli olur ki, əslində daxili bazarda benzin satışını həyata keçirən kiçik bir qrup var. Həmin qrup əslində bir mərkəzdən idarə olunur. Onların eyni qaydada, 1 qəpik də olsun fərq olmadan idxalatda iştirakı ona gətirib çıxarıb ki, daxili bazarda qiyməti də bir mərkəz təyin edir. Deməli, bu qədər iddia edilən “müstəqil iş adamları” anlayışı, əslində, bir və bir neçə maraqlı qrupun əlindədir.

Hurriyyet.az
İqtisadiyyat Şöbəsi

Prezident İlham Əliyev və birinci xanım Mehriban Əliyeva Anım Günü Füzuli rayonuna səfər ediblər.

Bu barədə Birinci vitse-prezident Mehriban Əliyeva instaqramda bildirib.

“Anım Günü. Füzuli rayonu. 27.09.2022”, - o, paylaşımda yazıb.

Laçın rayonundan məcburi köçkün düşmüş Murad Kərimov evinin yandığını və ona dəymiş ziyanın illərdir ödənilmədiyini bildirir. Şikayətçi Toplum TV-nin qaynar xəttinə 2020-ci ildən bəri qurumların bu işi bir-birinin üzərinə atdığını yazır.

“1993-cü ildə Laçın rayonundan məcburi köçkün düşmüşəm. O zaman Ağcabədi rayonunun Taxta körpü qəsəbəsində xarici şirkət bizim üçün bir otaqlı ev tikdi. Sonradan özüm o evi artıraraq əlavə otaq tikdim. 2020-ci ilə qədər həmin evdə yaşamışam. 2020-ci ilin sentyabrın 10-da prezidentin sərəncamı ilə məcburi köçkünlərə verilən evlərdən birinin açarı bizə təqdim edildi. Sentybarın 19-da isə qaldığım ev yandı. Evin yanma səbəbi elektrik qısaqapanmasıdır. FHN gəlib akt bağlayıb və mənim 20 min manatlıq evimə dəymiş ziyanı 4300 manat məbləğində qiymətləndirdi. Həmin pulu isə indiyə qədər heç bir qurum ödəmir”.

Şikayətçi bununla bağlı Laçın rayon İcra Hakimiyyətinə, Azəişığa, FHN, İlham Əliyevə, Mehriban Əliyevaya məktub göndərsə də, dəyişən bir şey olmayıb və qurumlar öhdəliyi bir-birinin üzərinə atıb:

“Mənə FHN-dən cavab gəldi ki, ev işıqdan yanıb, ziyanı “Azərişıq” ödəməlidir. “Azərişıq” isə deyir ki, get icra hakimiyyətinə. Laçın rayon İcra Hakimiyyətinin birinci müavini Tofiq Mirzəyev də dedi ki, get kağızlarına FHN-də möhür vurdur, gətir. Möhürü vurdurub gətirəndən sonra isə deyir ki, icra hakimiyyətinin sənə kömək etməyə imkanı yoxdur. Bütün qurumlar mənə dəymiş ziyanı ödəmək məsələsini bir-birlərinin üzərinə atırlar. Ancaq ortada bir şey yoxdur”.

Şikayətçi icra hakimiyyətinin ona dəymiş ziyanı ödəməməsini həm də ev verilməsi ilə əlaqələndirir: “İcra Hakimiyyəti deyir ki, əvəzində sənə ev vermişik. O evi mənə prezident verib. Həmçinin həmin ev evim yanmadan 10 gün əvvəl verilib”.

Şikayətçi ədalət olmayan ölkədə ədalət axtarışında olduğunu deyir. O deyir ki, tələbi yeni bir ev yox, dəymiş ziyanın ödənilməsidir..

İttihamda adı hallanan Laçın rayon İcra Hakimiyyəti Toplum TV-nin sorğusuna cavab olaraq vətəndaşa dəymiş ziyanın ödənilməsinim imkan xaricində olduğunu qeyd edib: “Murad Kərimovun müraciətinə baxılıb. Murad Kərimovun tələbi onun ailəsinin müvəqqəti məskunlaşdığı, 1996-cı ildə beynəlxalq humanitar təşkilat tərəfindən inşa olunmuş fərdi yaşayış evində 19.09.2020-ci il tarixdə baş vermiş yanğın nəticəsində yanmış məişət əşyalarına görə dəymiş ziyanın ödənilməsindən ibarətdir. Məlumat üçün bildirirəm ki, yanğın nəticəsində yanmış məişət əşyalarına görə dəymiş ziyanın ödənilməsinin imkan xaricində olması ilə bağlı ona fərdi qəbul zamanı müvafiq izahat və düzgün istiqamət verilib. Bununla yanaşı Murad Kərimovun ailəsi dövlət tərəfindən müvafiq Dövlət Proqramına əsasən Taxta Körpü ərazisindəki Vağazin obası ərazisində salınmış 256 ailəlik məcburi köçkün qəsəbəsində hər cür kommunal şəraiti olan üç otaqlı fərdi yaşayış evi ilə təmin edilmiş və hazırda həmin evdə yaşayır”.

Murad Kərimov isə deyir ki, necə olur ki, İcra Hakimiyyəti 2 ildir ki, ona dəymiş ziyanı imkanlaşdırıb ödəyə bilmir.