Quba rayonu, Gəray kənd sakini Əzizov Fəxrəddin İspat oğlu ona ünvanlı sosial yardım ala bilməməsindən şikayət edir.

Onun sözlərinə görə, 8 nəfərlik ailəsi çox böyük çətinliklə dolanır:

“İş yerləri yoxdur, sosial yardım almaq üçün müraciət elədik, gəlib yoxlayıb bir bəhanə ilə imtina qərarı verdilər. Prezidentimizin kasıb təbəqə üçün ayırdığı məbləği bizə vermirlər. Müvafiq qurumlara etdiyimiz şikayətlərə baxan yoxdur…”

Gəray kəndinin başqa bir sakini Hacıyev Şahin Sadiq oğlu da ünvanlı sosial yardım ala bilmir. Onun sözlərinə görə, 10 ay əvvəl sosial yardım almaq üçün müraciət eləsə də, müxtəlif bəhanələrlə ona yardım ayrılmayıb:

“Bir dəfə toyuğu, bir dəfə də həyatyanı sahəni bəhanə ediblər. 6 dəfə ərizə dəyişmişəm, aidiyyati qurumlarda xahiş edirəm ki, mənim ailə vəziyyətimi nəzərə alsınlar… //aztoday.az//

Naxçıvan MR Daxili İşlər Nazirliyində xidmət etmiş və adının açıqlanmasını istəməyən keçmiş zabitlərdən biri Ovqat.com-un ünvanına bir məktub göndərib. Məktubda Azərbaycan Polis Akademiyasının “xan”a işləyən bəzi məzunları barədə maraqlı məlumatlar öz əksini tapıb.

DİA.AZ ovqat.com-a istinadla həmin məktubu olduğu kimi dərc edir.

“Salam, Heydər bəy, uzun zamandır ki, sizin yazılarınızı izləyirəm. Bir çox məqamlarda haqlısınız. Lakin haqsız olduğunuz məqamlar da var. Mən uzun müddət Naxçıvan DİN-də müxtəlif struktur qurumlarda çalışmışam və oradakı vəziyyətdən sizdən yaxşı məlumatım var. Zaman-zaman Polis Akademiyasının (PA) məzunlarına qarşı haqsızlıqlar olub. Lakin siz dediyiniz kimi, "Bakının casusları" damğasının vurulması absurddur. Habelə, PA məzunlarından Naxçıvandakı mövcud rejimə canla-başla xidmət edənlər və sizə qarşı zaman-zaman "söyüş" kompaniyaları aparanlar da olub. Onlardan bir neçəsi haqqında məlumat vermək istəyirəm.

1. Mayis Nuriyev. Polis Akademiyasını bitirərək Naxçıvan MR-ə göndərilib. Mayis Nuriyev hər zaman Naxçıvana sadiq kadrlardan olub. Hazırda Naxçıvan Şəhər Polis İdarəsinin Cinayət axtarışı bölməsində xidmət edir. Əvvəllər isə həmin idarənin Narkotiklərlə mübarizə şöbəsində xidmət edib. Xidmət etdiyi dövrdə işinin gərəyi olaraq cibindən böyük məbləğdə pul xərcləyib və bunu dövlət üçün etdiyini vurğulayırdı. Həmçinin Naxçıvan DİN-in müavini Zahid Gözəlovun yaxın kadrlarındadır. Eləcə də, polis əməkdaşları arasında Zahid Gözəlovun təbliğatını aparır.

2. Nurlan Əliyev. Polis Akademiyasını bitirib. Naxçıvan DİN-in Narkotiklərlə Mübarizə Şöbəsinin Sabiq rəisi Asim Hüseynovun yaxın kadrı idi. Məhz buna görədir ki, akademiyanı bitirdikdən sonra Babək Rayon Polis İdarəsinin Narkotiklərlə Mübarizə Bölməsinə baş əməliyyat müvəkkili vəzifəsinə təyin olunmuşdur. Babək RPİ-də xidmət etdiyi dövrdə öz rəislərinin qanuni və qanunsuz göstərişlərini qeyd-şərtsiz icra etmişdir. Məhz buna görədir ki, cari ildə Naxçıvan Polis Məktəbinə müəllim olaraq təyin edilmişdir.

3. Əli Qasımlı. Polis Akademiyasını bitirərək Naxçıvan DİN-ə təyinat alıb. Naxçıvan DİN-də ixtisas təcrübəsində olarkən, sosial şəbəkələrdə Naxçıvan rəhbərliyini təhqir edən bir şəxsi aşkar etdiyi üçün xüsusi rəğbət qazanmışdır. Elə buna görədir ki, İnsan Alverinə Qarşı Mübarizə Bölməsinə təyin edilmişdir. Cinayət Axtarışı İdarəsinin rəisi Qasım Həsənov ilə birgə zaman-zaman sizə qarşı təşkil edilmiş söyüş kompaniyasının başında durmuşdur. Belə ki, Əli Qasımlının təşkilatçılığı ilə bəzi polis əməkdaşları sizin yazılarınızın altından təhqirlər yazırdı. “SEDMOY”-da xidmət etdiyi dövrdə də, sosial şəbəkələrdə Naxçıvan muxalifətçilərinin və həmçinin etiraza meyilli şəxslərin neytrallaşdırılmasını həyata keçirmişdir. 44-günlük vətən müharibəsinin son günündə Sədərək rayonu istiqamətində Rusiyaya məxsus hərbi vertalyot vurulduqdan sonra Vasif Talıbovun adına sosial şəbəkələrdə sayt açıb, "biz vurmamışıq, helikopter donqili idi özü düşüb" yazan Naxçıvan şəhər sakinini aşkar edərək, həbs olunmasının əsas səbəbkarı Əli Qasımlı olmuşdur.

4. Zeynal Babayev. Polis akademiyasını bitirdikdən sonra Naxçıvanda müxtəlif əməliyyat qurumlarında çalışmışdır. Naxçıvan rəhbərliyinə sədəqatli kadrlardandır. Həmçinin Naxçıvan Gömrük Komitəsinin sədr müavini Səbuhi Novruzovun yaxın qohumudur. Məhz sadəqətinə görə 2021-ci ildə növbədənkənar kapitan rütbəsinə layiq görüldü. Eşitdiyimə görə, Naxçıvan Ali Məclisinə gedən şikayətçilərin zərərsizləşdirilməsində xüsusi xidmətlər göstərdiyinə görə bir müddət əvvəl Naxçıvan DİN-in Cinayət Axtarışı İdarəsinin rəisi müavini vəzifəsinə təyin edilmişdir.

Artıq bilənlərə məlumdur ki, ekologiya sahəsində olan yoxlama və kadr məsələləri Ekologiya və Təbii Sərvətlər naziri Muxtar Babayev öz müavini olan Vüqar Kərimova tapşırıb. O da bu fürsətdən istifadə edərək öz çirkin məqsədlərin həyata keçirtmək üçün qohum-əqraba və dost-tanışların gətirib ekologiya idarələrinə rəhbər vəzifələrə təyin etdirir. Amma maraqlısı odur ki, sözügedən təbiət qatılı bir çox idarələrdən qovulmuş, ekologiya və meşə sahəsinə yad ixtisaslı kadr, ali təhsili olmayan və bir sözlə sözügedən sahədə uzun müddət çalışıb təcrübəsi olmayanları gətirib direktor və yaxud müavini təyin etdirir.

Hardasa ekologiya sahəsində uzun müddət çalışan olsaydı, o zaman hardasa onu başa düşmək olardı kı, bunu təcrübəsi vardır.

Bir qrup Masallı Regional Meşə Təsərrüfatı Mərkəzinin işçilərinin Azerinfo.az xəbər portalına verdiyi məlumata əsasən hazır kı, Mərkəzin direktoru cənab Əlzamin Talıbovun müqaviləsinin müddəti 26 iyul 2022-ci il tarixdə bitdiyi üçün, o, tutduğu vəzifədən gedəcək.
İşçilər əlavə edir ki, belə bir söhbət var ki, artıq Vüqar Kərimov qeyri-meşəçi və heç o sahədən anlayışı olmayan bir nəfər tapıb Masallı Regional Meşə Təsərrüfatında direktor təyin etdirmək istəyir.

Buradan göründüyü kimi Vüqar müəllim bütün Regional Meşə idarələrində öz yaxın adamların ona görə, otuzdurub ki, öz çirkin məqsədlərin həyata keçirmək üçün öz bildiyi kimi idarə etsin.

Qarşı tərəfi dinləməyə hazırıq.

AXCP funksioneri Fuad Qəhrəmanlı və tanınmış ictimai fəal Zümrüd Yağmurun qızı Sanay Qəhrəmanlıya cinsi təcavüz etməkdə təqsirləndirilən Əsgər Ağazadə ilə bağlı keçirilən məhkəmə prosesi yekunlaşmaq üzrədir. Qeyd edək ki, işdə dövlət ittihamını müdafiə edən prokuror Əsgər Ağazadənin 7 il müddətinə azadlıqdan məhrum edilməsini tələb edib. Əsgər Ağazadənin anası Sürayyə Ağayeva “Realmedia.az” saytına açıqlamasında bildirdi ki, oğlu ilə bağlı səslənən iddiaları böhtandır: “Biz və oğlum həmin ittihamları qəbul etmirik”. Təqsirləndirilən şəxsin anası Sürəyyə Ağayeva iddia edir ki, iş materiallarında olan ekspert rəyləri oğluna qarşı ittihamın böhtan olduğunu göstərir.

Əsgər Ağazadə özünü təqsirli bilmir və ittihamın əsassız olduğunu deyir. O, məhkəmədə ifadəsində qarşı tərəfi ona böhtan atmaqda ittiham edib. Növbəti məhkəmə prosesi iyulun 27-ə təyin olunub.
Qeyd edək ki, 2021-ci ilin oktyabr ayında yazar Zümrüd Yağmur mətbuat konfransı keçirərək yeniyetmə qızının 1 il öncə cinsi təcavüzə məruz qaldığını açıqlayıb. Yazarın sözlərinə görə, ekspertiza rəylərində qızının paltarındakı biomaterialların bacısı oğlu Əsgər Ağazadəyə məxsus olduğu göstərilib.
Həmin mətbuat konfransından öncə Yasamal Rayon Prokurorluğu yetərli dəlillərin olmadığını bildirərək cinayət işi üzrə icraata 2 dəfə xitam verib.
Hazırda bu mövzu ilə bağlı cərəyan edən proseslərə aydınlıq gətirmək üçün “Realmedia.az” Əsgər Ağazadənin anasından eksklüziv müsahibə götürüb. Həmin müsahibəni təqdim edirik:

Bakı Dövlət Universitetinin tarix fakültəsinin IV kurs tələbəsi İlham Əhmədov möhlət hüququ olsa da, hərbi xidmətə çağrılıb.

Halbuki, tələbə təhsilinin davam etdirilməsi üçün Səfərbərlik və Hərbi Xidmətə Çağırış üzrə Dövlət Xidmətinin Masallı rayon şöbəsinə ərizə təqdim edib.

Bu barədə Meydan TV-yə danışan İlham Əhmədovun sözlərinə görə, o, Bakı Dövlət Universitetindən təhsilini bitirmədiyinə dair arayışı Masallı şöbəsinə versə də, sənədlərini qəbul etməyiblər:

“Mənim məsələmdə mübahisəli məqam odur ki, komissarlığın tibbi yoxlanışında ayağımda problemin olduğu deyildi. İkincisi, universitet arayışı gecikdirmişdi, hüquqşünas Səməd Rəhimlinin köməyi ilə onu da aldım. Amma arayışı yerli komissarlığa təqdim etsəm də, imtina cavabı aldım”.

Tələbə deyir ki, rayon komissarlığının bu münasibəti məqsədlidir:

“Ərizəni niyə qəbul etmədiklərinə dair açıqlama belə vermədən Səfərbərlik və Hərbi Xidmətə Çağırış üzrə Dövlət Xidmətinin Masallı rayon şöbəsinin adını unutduğum rəisi, polkovnik-leytenant mənimlə kobud davrandı. Zabit məni hərbi xidmətdən yayınmaqda ittiham etdikdə, belə bir niyyətimin olmadığını və möhlət hüququmu əsaslandıran sənədi göstərdim. Ona deyəndə ki, təhsilimi bitirib hərbi xidmətə gedəcəm, “sən uşaqsan, beynini də yuyurlar, get xidmət elə” söyləyib həbslə hədələdi”.

İlham Əhmədov komissarlıqda möhlət hüququnun davam etdirilməsi üçün qanuni əsaslarının olduğunu da xatırladıb:

“Mən “Hərbi vəzifə və hərbi xidmət” haqqında qanunun 21.1.4-cü maddəsinə əsasən təhslimi bitirməliyəm. Qanunda yazılıb ki, əyani təhsilalma formasında bakalavriatda, magistraturada, doktoranturada (adyunkturada), əsas (baza ali) tibb təhsili və rezidenturada təhsil alanlara hərbi xidmətdən möhlət verilir. Yəni möhlət hüququ yalnız bir dəfə təhsilini bitirənədək verilir”.

İlham Əhmədovun etibarnamə ilə təmsilçisi, hüquqşünas Səməd Rəhimli Meydan TV-yə bildirib ki, Səfərbərlik və Hərbi Xidmətə Çağırış üzrə Dövlət Xidmətinə elektron və poçtla müraciət göndərib:

“Müraciətə universitetin arayışı da əlavə edilib. Ancaq qurumun Masallı rayon şöbəsi müraciətimizi rədd etdi. Bundan əvvəl də tələbəni həbslə hədələyərək qanunun verdiyi möhlət hüququna zidd olaraq hərbi xidmətə gedəcəyini deyiblər. Amma Səfərbərlik və Hərbi Xidmətə Çağırış üzrə Dövlət Xidməti ilə iyulun 22-də əlaqə saxladım, ərizəni istədilər və rəhbərliyə məruzə edəcəklərini söylədilər”.

İyulun 25-də Səfərbərlik və Hərbi Xidmətə Çağırış üzrə Dövlət Xidmətindən cavab alacaqlarını deyən hüquqşünasın sözlərinə görə, cavabdan asılı olaraq addım atacaqlar:

“Əgər rədd cavabı gəlsə, gələn həftənin sonunda Şirvan Rayon İnzibati Məhkəməsinə müraciət edəcəyik. Çağırışın dayandırılması ilə bağlı əlavə ərizə də verəcəyik. Ümid edirik ki, məhkəmə ərizəyə tez baxıb qərardad qəbul edər ki, mübahisə yekunlaşana qədər tələbə İlham Əhmədovun çağırışı dayandırılsın. Azərbaycanda məhkəmələrin vəziyyətini bilirik, amma bütün halda tələbənin təhsilini bitirməmiş hərbi xidmətə çağrılması qanunsuzdur”.

Meydan TV