Neçə müddətdir ki, Astaranın icra başçısı Qəzənfər Ağayevlə bağlı müxtəlif informasiyalar yayılsa da, qarşı tərəf heç bir reaksiyası ilə diqqətə gəlməməklə yanaşı, eyni zamanda barəsində deyilənlərin əksini sübutlamaq üçün hər hansı cəhddə də bulunmayıb ki, bu da fərqli anlamlarda haqlı yozumlara nədən olmaqdadır.

Məsələn, mətbuatda yazılanlara görə, Qəzənfər Ağayev beynəlxalq narkotik şəbəkəsinin üzvlərindən biridir. Xatırladaq ki, bu barədə zamanında hazırda Daşkəsənə başçılıq edən Əhəd Abıyev də ittiham səsləndirmişdi. Əhəd Abıyev o zaman millət vəkili idi və ittiham da Milli Məclisin tribunlaraından səslənirdi, hansısa saytın və yaxud da qəzetin materialında yox. Amma buna rəğmən Qəzənfər Ağayev o zaman nəinki cəzalanmadı, əksinə, Astaraya başçı göndərildi. Xatırladaq ki, həmin hadisə vaxtı Əhəd Abıyev Masallının deputatı, Qəzənfər Ağayev isə icra başçısı idi.

DİA.AZ-a bütün bunları xatırladaq mötəbər mənbə iddia edir ki, belə bir şübhəli kimliyə malik olmasına rəğmən Qəzənfər Ağayev barəsində də sərt qərarlar verilə bilər: "Bu gözləniləndir və konkret olaraq, yaxın günlərdə bununla bağlı müəyyən addımlara şahidlik edə bilərik".

Mənbə iddia edir ki, artıq Qəzənfər Ağayevlə bağlı "yuxarılarda" net qərar verilib: "Onun həbsi məsələsi də müzakirə olunur. Çünki barəsində ağır ittihamlar var..."

Əlavə bilgilərimiz olacaq. Bizi izləməkdə davam edin. İddia olunanlarla bağlı bütün maraqlı tərəflərin mövqeyini dia.az olaraq işıqlandırmağa hazırıq...
Facebook-da paylaş

Yevlax rayonu Qoyunbinəsi kənd sakini Məmmədov Qabil Süleyman oğlu “Azerinfo.az” saytı redaksiyasına müraciət edərək bildirmişdi ki, həmkəndlisi Azər Səfərov Bakı 1 saylı İnzibati-İqtisadi Məhkəməsinin 08 fevral 2017-ci il tarixli 2-1(81) 1380/2012 saylı qərarı hesabına saxtakarlıqla müharibə veteranı statusu almı və bu adla eyni qəbildən olan insanlara şamil edilən güzəşt və imtiyazlardan, maddi təminat növlərindən qanunsuz yararlanmışdır. Bu haqda saytımızda bir neçə gün əvvəl “SAXTA MÜHARİBƏ VETERANI STATUSU ALANLARIN PROBLEMİ HƏLƏ DƏ AKTUALDIR” sərlövhəli məqalə dərc olunmuşdu.

Qabil Məmmədov redaksiyamız təkrar müraciət etməklə həmin mövzuya əlavə olaraq yeni məlumatlar vermişdir. Onun təqdim etdiyi növbəti sənəd surətlərindən görünür ki, 2017-ci ilin əvvəlində Səfərov Azər Saleh oğlu Azərbaycan Respublikası Müdafiə Nazirliyinə qarşı «Müharibə Veteranı» adının və vəsiqəsinin verilməsi barəsində iddia tələbi ilə 1 saylı Bakı inzibati-lqtisadi Məhkəməsİnə müraciət edərək “mövcud olan sənəd” əsasında özünə veteran adı və vəsiqəsinin verilməsinin cavabdeh Müdafiə Nazirliyinə həvalə edilməsi barədə qərar çıxarılmasını xahiş etmişdir.

Səfərov Azər Saleh oğlu iddiasını onunla əsaslandırmışdır ki, o, 1992-ci ilin avqust ayında Yevlax rayonunda təşkil olunmuş və yerləşmiş 123 saylı döyüşçü batalyonun tərkibində (sonra Gəncə 709 saylı hərbi hissə) könüliü olaraq döyüş bölgələrinə getmişdir. Laçın, Ağdərə, Kəlbəcər və Ağdam bölgələrində olaraq orada həmin batlayonun tərkibində vuruşmuş, iştirak etdiyi döyüşlərdə kəşfiyyat bölüyündə döyüşçü-sanitar kimi xidmət etmişdir. Mütəmadi olaraq 709 saylı hərbi hissədə əmək haqqı alırmış. Həmin vaxtda o yetkinlik yaşına çatmamışdır, hətta onun yaşı hərbi xidmət keçmək həddində deyilmiş. Lakin buna baxmayaraq, onun bir vətəndaş olaraq, həm də qəlbində bir döyüş ruhu olan bir insan olaraq fikirləşmişdir ki, o heç kimdən artıq deyil və bu ağır vəziyyətdə Vətən üçün canını fəda verməyə hazır olan Vətən oğullarının yanında olmalı və onlarla çiyin-çiyinə Vətənə xidmət etməlidir. İştirak etdiyi ağır döyüşlərdə, bir neçə dəfə, döyüş meydanından yaralı döyüşçüləri kənara çəkib onlara yardım etmək vaxtı yaxınlığında ağır mərmilər partlamış və bu da onun sağlamlığına pis təsir etmiş, dəfələrlə yanında olan ağır partlayışlar zamanı müvəqqəti huşunu itirmiş, sonra özünü ələ alıb xidməti davam etdirmiş və həmin travmalar öz fəsadlarını verməkdədir. Səhhəttində problemlər yarandığı üçün onu qeydiyyatda olduğu Yevlax rayonun Mərkəzi Xəstəxanasına göndərmişlər və uzun müddət döyüş zamanı aldığı kələ-beyin travması ilə əlaqədar olaraq həmin xəstəxanada müalicə almışdır. Sonra da Yevlax rayon hərbi komissarlığında həqiqi hərbi xidmətə çağırılmış, lakin hərbi-həkim komissiyası tərəfindən aparılan müayinə zamanı onda ağır kəllə-beyn travmasının yaratdığı xəstəlik aşkar olunmuş və bu səbəbdən hərbi xidmət keçməkdən azad olunmuşdur. O, real olaraq döyüşçü-sanitar kimi qeyd etdiyi kimi Azərbaycan torpaqları uğrunda gedən döyüşlərdə işirak etsə də, 2017-ci ilə kimi müharibə veteranı kimi heç bir statusa malik deyildi və bununla əlaqədar olaraq ona hər hansı bir hüquqi sənəd verilməmişdi. Verdiyi ərizəyə cavab olaraq Azərbaycan Respublikası Müdafiə Nazirliyinin Aparatı nəznində fəaliyyət göstərən «Veteran adlarının və müvafiq vəsiqələrinin verilməsi üzrə komissiya»sı tərəfindən verilmiş d/o 1-11872 saylı 30.11.2016-cı il tarixli cavabla müəyyən edilmişdir ki, 123 saylı hərbi hissəsnin arxiv sənədləri olmadığından, onun xidmətini araşdırmaq və qərar qəbul etmək mümkün deyildir. Səfərov "Müharibə veteranı” adı və vəsiqəsinin verilməsi vəzifəsini cavabdeh Müdafiə Nazirliyinin üzərinə qoyulması barədə qərar çıxarılmasını məhkəmədən xahiş etmişdir.

Məhkəmə iclasında iştirak edən Azərbaycan Respublikası Müdafiə Nazrliyinin nümayəndəsi iddia tələbini qəbul etməyərək, iddianın təmin edilməməsi barədə qərar çıxanlmasını məhkəmədən xahiş etsə də, məhkəmə iddianı əsaslı saymışdır. Məhkəmə “müəyyən” etmişdir ki, Səfərovun H3 N: 6323534 saylı hərbi biletində 1992-1993-cü illərdə könüllü olaraq Yevlax rayonunda təşkil olunmuş və yerləşmiş 123 saylı döyüşçü batalyonun tərkibində (sonra 709 sayiı Gəncə hərbi hissə) könüllü olaraq döyüş bölgələrinə getdiyi barədə qeydlər Səfərovun xeyrinə qərar çıxarmaq üçün kifayət edir. Müdafiə Nazirliyinin sonradan bu qərardan apellyasiya şikayəti verib-vermədiyi barədə məlumat yoxdur.

Məsələ burasındadır ki, Azərbaycan Respublikası Səfərbərlik və Hərbi Xidmətə Çağırış üzrə Döviət Xidmətinin Yevlax rayon Şöbəsi müddətli hərbi xidmətə çağırdığı Yevlax şəhər sakini 1975-ci il təvəllüdlü Səfərov Azər Saleh oğlunu 21.01.1994-cü il tarixdə komissiyadan keçirərək, “dinc dövrdə hərbi xidmətə yararsız, müharibə dövründə məhdud yararlı” hesab edərək səfərbərliyə cəlb etməyib. Aydın məsələdir ki, Azər Səfərov özünün iddiasına görə 1992-93-cü illərdə döyüşlərdə iştirak etdiyi vaxt hələ hərbi bileti yox idi. Hərbi bileti o, 1994-cü ildə Yevlax hərbi komissarlığından alıb. Belə çıxır ki, Səfərov sonradan hərbi biletə əlavə qeydlər daxil etməyə müvəffəq olmuşdur.

Qabil Məmmədovun sözlərinə görə, Azər Səfərovun hərbi biletinə əlavə etdirməyə müvəffəq olduğu qeydlərdə göstərilən hərbi hissə qiyamçı Surət Hüseynovun sərəncamında olub. Surət Hüseynov ifşa olunandan sonra Azər Səfərov döyüşməsə də belə, hərbi biletindəki həmin saxta qeydlərin douracağı məsuliyyətdən qorxaraq Rusiyaya qaçmış, uzun müddət Azərbaycanda olmamışdır. İndi vətənpərvərliyi ilə öyünən Azər Səfərov 1994-cü ildən bu yana «Hərbi-həkim ekspertizası haqqında Əsasnamə»nin («Hərbi-həkim ekspertizasının təşkili və aparılması Qaydası» və «Hərbi qulluqçuların, hərbi xidmətə çağırılan və ya müqavilə (kontrakt) üzrə hərbi qulluğa daxil olan vətəndaşların sağlamlığının vəziyyətinə dair tələblər»in) təsdiq edilməsi haqqında AZƏRBAYCAN RESPUBLİKASI NAZİRLƏR KABİNETİNİN QƏRARının tələbinə uyğun olaraq 27 yaşı tamam olana qədər üç ildən bir (1997, 2000-ci illərdə) təkrar hərbi həkim komissiyalarından da keçməmişdir. Nədənsə bu barədə ona sual vermək məhkəmə hakimlərinin yadına düşməmişdir.

Qabil Məmmədovun fikrincə, Azər Səfərovun səhhəti ilə əlaqədar guya hərbi xidmətə yararsız olmasını, 1993-cü ilin dekabr ayında müalicə aldığını təsdiqləyən sənədlərin tərtibində həmin vaxt Yevlax Rayon Mərkəzi Xəstəxanasının baş həkimi vəzifəsini daşımış atası Saleh Səfərovun rolu böyük olmuşdur. Qabil Məmmədov işdə olan Azərbaycan Respublikası Müdafiə Nazrliyi Mərkəzi Həkim Komissiyasının 12 saylı 20.05.2016-cı ii tarixli göndərişinin, Yevlax şəhər Xəstəxanasının 125 saylı 12.05.2016-cı il tarixli Forma 027/U arayışının həqiqəti əks etdirdiyinə inanmır. Bir daha xatırladaq ki, həmin sənədlərə Müdafiə Nazirliyinin özü də inanmır və 123 nömrəli hərbi hissənin arxiv sənədləri olmadığından, Nazirlik Azər Səfərovas veteran vəsiqənin verilməsindən imtina etmişdir. Maraqlıdır ki, Yevlax Rayon Mərkəzi Xəstəxanası Publik Hüquqi Şəxs Yevlax rayon Polis Şöbəsinin İstintaq Bölməsinin rəisinin Azər Səfərovun Yevlax şəhər Xəstəxanasından 125 saylı 12.05.2016-cı il tarixli Forma 027/U arayışını alıb-almaması barədə göndərdiyi sorğunu tam cavablandırmaqdan yayınmışdır. Səbəb kimi, 2018-ci ildən xəstəxanada icbari tibbi sığortanın tətbiqinə başlanıldığını göstərmişdir. Əcəba, icbari tibbi sığortanın tətbiqi tibb müəssisəsini polisin verdiyi sorğunu cavablandılrmaq məsuliyyətindən azad edirmi? – Başa düşülən deyil!

Redaksiya olaraq, öz növbəmizdə laqədar qurumlara göndərəcəyimiz sorğulara cavab aldıqdan sonra mövziya qayıdacağıq. Qarşı tərəfə də mövqeyini bildirməsi üçün tribuna təklif edirik. //azinfo.tv//

Gömrük İmperiyası”nın Anar Allahverdiyevi kimdir?

“Trans-Broker” MMC-nin gömrükdəki hegemonlüğündan və sahibkarlara çevrilmiş kabusdan bəhs olunub. Məqalədə “Broker” MMC-nin fəaliyyətinə toxunularaq Dövlətdən milyonlarla vəsaitin necə oğurlanması ilə bağlı aparılan araşdırmalar nəticəsində üzə çıxan faktlara yer verilib.

Əbülfəz Məlikovun “Gömrük İmperiyası”

“Broker Əbülfəz” kimi tanınan Əbülfəz Məlikov gömrük sistemini tamamilə nəzarətinə götürüb, Dövlət Kömrük Komitəsindən də böyük səlahiyyətlərə sahibdir. Onun cinayətkar şəbəkəsi gömrükdə özəl qaydalar tətbiq etməklə sahibkarları tələblərini yerinə yetirməyə məcbur edirlər. Tələblərdən imtina edən sahibkar sərhəddən heç bir mal ölkəyə keçirə bilməz.

Azərbaycana mal keçirmək istəyən istənilən şəxs, şirkət “Trans Broker” MMC-nin işçilərinə “haqq” ödəmək məcburiyyətindədir. Sahibkarların gətirdiyi mallar Əbülfəz Məlikovun brokerlərinin adına rəsmiləşdirilib, rüşvəti də sahibkarlardan bu yolla alırlar. Brokerlər ən müxtəlif sahələri inhisarda saxlayanların maraqlarına uyğun olaraq idxal olunan məhsullara rüşvət tarifləri tətbiq ediblər ki, bu da sonradan həmin malların qiymətlərinin bahalaşmasına səbəb olub.

Sahibkarlardan yığılan rüşvət isə “Trans Broker” MMC-yə axıb. Buna görə brokerlərin hər birinə Ə.Məlkov 5 min manat “paket” maaş verib. İşçilərin sayı isə 3000 nəfərdən çoxdur.

Araşdırmasına görə, invoys dəyəri 100 min dollar olan mal “Broker” MMC tərəfindən 15 min dollar kimi sənədləşdirilir və dövlət büdcəsinə 100 min dolların deyil, 15 min doların gömrük rüsumu və ƏDV-si daxil olur. Bu əməliyyat qurtarandan sonra əlavə olaraq sahibkar tərəfindən brokerlərə 20 min dollar rüşvət kimi verilir.

Ermənilərlə işbirliyi və Dövlətə xəyanət

“Broker MMC” –nin rəhbəri Əbülfəz Məlikovun korrupsiyalaşmış fəaliyyəti barədə verilən məlumatların həqiqətə əsaslandığına şübhə yoxdur. Maraqlı faktlardan biri isə odur ki, “Gömrük imperatoru” düşmənlərimizlə gizli işbirliyi quraraq dövlətə xəyanət edir.

Ə.Məlikovun ermənilərlə qohum olması barədə mediada məlumatlar gedib. Lakin, bu qohumluq münasibətlərinin gizli tərəfləri açıqlanmır. Əbülfəz Məlikov Rusiyada biznesmen kimi tanınan ermənilərlə sıx işbirliyindədir. Hətta onların ölkədən kənarda şərikli biznesləri də var. Məslənin əsl mahiyyəti isə xaricdə yerləşən erməni şirkətlərinin məhsullarının Azərbaycana daşınmasıdır.

Məhz bu yolla ermənilərə böyük miqdarda qazanc verən Ə.Məlikov ölkə sahibkarlarını da istiqamətləndirir. Əbülfəz Məlikovun ilginc həyatı - “Broker”MMC erməni qızlarını ölkəyə necə gətirir?

"Azərbaycan Reallığı" ölkə medisına istinadən qeyd edir ki,

Sovetlər dönəmində Nəsimi rayonu ərazisində yerləşən “Pioner” kinoteatrının yanında qastronom mağazası fəaliyyət göstərirmiş. Həmin qastronomun müdiri əslən Gəncədən olan İsmayıl adlı şəxs olub. İsmayıl kişinin qastronomunda erməni millətindən olan Raisa Ovanesyan adlı bir qadın satıcı işləyirmiş. Raisa təcrübəli satıcı olduğu üçün o qastronomda İsmayılın sağ əli sayılırdı.

Raisanın yanında isə köməkçi kimi öz ticarət fəaliyyətinə başlayan və əslən Şamaxıdan olan Əbülfəz adlı cavan bir oğlan var idi. Bu cavan şamaxılı balası Raisa Ovanesyan və onun gənc qızı Rena ilə dostluq edirdi. Bu dostluq sonra qohumluğa və böyük bir işbirliyinə çevrildi. Hətta Rena Ovanesyan dönüb Rena Məlikova oldu.

Düzdür, apardığımız araşdırmaların nəticəsinə görə “qəhrəman”ımız hazırda kağız üstündə subaydır, ancaq… Apardığımız araşdırma nəticəsində o da məlum oldu ki, Raisa Ovanesyan və Rena Məlikova hazırda Bakı şəhərində yaşayırlar. Olsun. Onsuz da Azərbaycanda 30 min erməni əsilli gəlin yaşayır. Rena da olsun otuz min birinci. Hətta Rena Ovanesyanın 2 oğul anası olması da məlumdur. Bunu da haradasa qəbul etmək olar. Baxmayaraq ki, ermənilərlə hazırda müharibə vəziyyətindəyik. Ancaq bir şeyə heç cür dözmək və yazmamaq olmur.

Sayt daha sonra yazır: Bu yaxınlarda bir həmyerlimiz Moskvadan Minvoda təyyarə ilə dincəlməyə uçarkən təyyarədə bir Moskva ermənisi olan Ara Abramyanla tanış olur. Söhbət Azərbaycandan düşəndə Ara deyir ki, , mənim bacım Raisa Ovanesyan, onun qızı Rena da Bakıda yaşayırlar, kürəkənim də azərbaycanlıdır. Ara öz kürəkənindən xeyli razılıq edib və deyib ki, yeznəm Bakıda nazirdir. Xeyli təəccüblənən həmyerlimiz soruşub ki, yeznəniz hansı sahəyə rəhbərlik edir? Ara Abramyan cavab verib ki, “monopoliya naziri”dir.

Sonra Ara danışıb ki, “Moskvada bütün ərzaq məhsulları istehsalı ilə məşğul olan müəssisələr bizim əlimizdə cəmləşib”. Onun sözlərinə görə, “Monopoliya naziri” olan “yeznə” Moskvaya gələn kimi Azərbaycan üçün ərzaq məhsullarını sifariş edir. “Biz də ona bu işlərdə öz köməkliymizi əsirgəmirik, axı o bizim yeznəmizdir”, – deyə Ara Abramyan bildirib.

A.Abramyanın kim olması da oxucularda sual doğura bilər. Belə ki, Ara Arşaviroviç Abramyan da Moskvada “ermənilərin naziri” hesab olunur. Belə ki, erməni diasporunun lideri olan bu şəxsin müxtəlif biznes sahələrinə nəzarət etdiyi və hətta Azərbaycana qədər də əlinin uzandığı barədə iddialar var. Maraqlıdır, Abramyanın “əlini” Azərbaycana buraxan, onun pul kisəsini doldurmağa yardımçı olanlar kimdir?

Dövlətin milyonlarını, daha doğrusu milyardlarını ermənilərə daşıyan Əbülfəz Məlikovun gizli fiqurları siyahısında Allahverdiyivin adına az rast gəlinmir.

Anar Allahverdiyev kimdir?

Əslən Şamaxı rayonundan olan Anar Allahverdiyev “Broker” MMC-nin rəhbəri Əbülfəz Məlikovun xalası oğludur. Onun “Broker” MMC-nin “kassiri” və Əbülfəz Məlikovun ən etibarlı, inamlı adamı olduğu bildirilir. Anar Allahverdiyevin “Broker” MMC-nin hesabına milyonlarla manat dəyərində mal-mülkə sahib olması və əldə etdiyi pullarını istədiyi kimi, əsl Ərəb şahzadələri kimi xərclədiyini demək olar.

Anar Allahverdiyevin tez-tez ABŞ-a səfər etdiyi və Lon Anclesdə Əbülfəz Məlikovun “bəzi işlərini” görüdüyü deyilir. İddiaya görə, o, Amerikada Əbülfəz Məlikova məxsus çirkli pulların yuyulması və başqa ölkələrə gizli investisya qoyulması prosesində iştirak etdiyi deyilir. Məlumatda qeyd olunur ki, Əbülfəz Məlikov “Broker” MMC-nin əli ilə əldə etdiyi milyonlarla manat vəsaitləri xalası oğlu, ən inandığı adamına etibar edib.

Ermənilərlə və ABŞ-da olan erməni lobbisi ilə əlaqələr məhz Anar Allahverdiyev vasitəsilə qurulur. Əbülfəz Məlikovun xalası oğlunın erməni lobbisini maliyyələşdirməkdə adı keçir və onun haqqında ciddi ittihamlar səslənməkdədir. Bu barədə növbəti yazıda…

AZƏRBAYCANREALLIĞI.COM

Sumqayıtda məktəblərdən birində müəllimə aid olduğu iddia edilən qalmaqallı səs yazısı yayılıb. Belə ki, səs yazısında məzun olan şagirdin valideynindən atestat verilməsi üçün pul istənilir. Üstəlik valideyndən təmir pulu adı ilə 7 manat da tələb olunur.

Orta məktəbi bitirən şagirdin valideyninə səs atılaraq atestat və digər işlərlə bağlı pul tələb edilib.

Müəllimə aid olduğu iddia edilən səs yazısında digər şagirdlərdən də eyni məbləğdə pul tələb olunur.

Hadisənin Sumqayıt şəhərindəki məktəblərdən birində baş veridiyi bildirilir.

Abşeron -Xızı Regional Təhsil idarəsindən bildirilib ki, səs yazısından xəbərləri var. Buna görə artıq araşdırmalara başlanılıb.

Təhsil idarəsindən o da qeyd edilib ki, əgər fakt öz təsdiqin taparsa müəllim haqda qanuna müvafiq olaraq tədbir görləcək.

Fövqəladə Hallar Nazirliyinin (FHN) Tikintidə Təhlükəsizliyə Nəzarət Dövlət Agentliyinin mütəxəssisləri Xırdalan şəhərinin M.Ə.Rəsulzadə küçəsində, vətəndaş Emil Səməndərovun icazə sənədi olmadan naməlum təyinatlı obyekt tikməsiilə bağlı məlumatlar oxuculara məlumdur. Bu xəbərlərdən sonra qanunsuz tikinti işlərinin dayandırılıması və obyektlərin nəzarətə götürülməsi barədə qərar çıxarıldığı bildirildi. Amma nə hacət…

AzTimes.az saytı olaraq vətəndaş müraciətləri üzrə ərazidə çəkiliş apararkən MTK-nın tikintini bazar günü də davam etdirdiyinin şahidi olduq. Bundan əlavə ana yolun zəbt edilərək tikinti sahəsinin artırılması qeydə alınıb ki, bu da avtomobil yolunun daralmasına, nəticədə qəzaların baş verməsinə gətirib çıxarıb. Biz orada çəkiliş edən zaman artırma Şəkinin qəza nəticəsində dağılmasının şahidi olduq.
MTK aidiyyatlılarından açıqlama almaq istədikdə isə, əraziyə böyük bir cins itin bağlandığının şahidi olduq.Bütün səylərimizə baxmayaraq E.Səməndərov sorğumuzu cavablamaqdan yayındı.

Qeyd edək ki, E.Səməndərovun adı bir neçə qalmaqallı olayda hallanıb. Onun rəhbəri olduğu “Proqress 2016” MTK mənzili bir neçə nəfərə satmaqda ittiham edilərək barəsində istintaq hərəkətlərinə başlandığı xəbəri yayılıb. Vətəndaşların şikayətindən sonra “Proqress 2016” MTK-nin məsələsi hüquq-mühafizə orqanlarının diqqətindədir.

Pərvin Abışova AzTimes.az

Uzun müddət ölkə mediasında adı çəkilən Əbülfəz Məlikov “yoxa çıxıb”. Əslən Şamaxıdan olan, gömrük işinin mahir bilicisi sayılan, bu səbəbdən də uzun illər gömrükdə rüsumların yığılmasından tutmuş, idarə edilməsinə qədər bütün proseslərdə başda dayanan “Broker” MMC-nin sahibi bir müddətdir “radardan itib”. Onun harada olduğu, nə işlərlə məşğul olması barədə heç bir məlumat almaq mümkün deyil.

DİA.AZ JAMAZ.İNFO-ya istinadla xəbər verir ki, Əbülfəz Məlikovun hazırda Rusiyada olduğunu deyələr var. Amma onun Moskvada olmasını təsdiq edən heç bir dəqiq bilgi yoxdur. Bəzi məlumatlarda onun gömrük işlərinədən çəkildiyi, özünün biznesini idarə etmək üçün holdinq qurduğu bildirilir. Lakin həmin holdinqin konkret olaraq nəişlərlə məşğul olduğu da naməlumdur.

Qeyd edək ki, “Broker” MMC-nin rəhbəriolan sözügedən şəxs uzun müddət gömrük sisteminə nəzarət edib. Fövqəladə hallar naziri Kəmaləddin Heydərovun ən etibarlı adamı olmaqla yanaşı, onun bütün işlərini görən Məlikov, bu səbəbdən də uzun müddət gömrükdə öz ağırlığını qoruyub saxlamağa nail olmuşdu. Son zamanlar onun gömrük sistemindən “qaçaq” düşməsi isə keçmiş DGK sədri Səfər Mehdiyevlə yola getməməsi göstərilir. Məlumatlara görə, Məlikov hələ 2016-cı ildən 2018-ci ilə qədər gömrükdə bir sıra araşdırmalar apararaq, mövcud pulların necə, hansı yolla və kimlərin əliylə yayındırıldığını müəyyən etməyə çalışıb. Bunun üçün o, yeni bir sistem belə müəyyən edib.

İddialara görə, Məlikov bu araşdırmalardan sonra gömrükdə yığılan, lakin ayrı-ayrı adamlar tərəfindən “kassadan” yayındırlan pulların izinə düşüb. Hətta onun qısa müddətdə hər il 1 milyard manata yaxın “kənar ciblərə qaçan” pulları müəyyən etdiyi və onların “kassaya” yönəltdiyi də deyilir. Səfər Mehdiyev Gömrük Komitəsinə sədr təyin edildikdən sonra isə durum dəyişir. O, ilk olaraq Kəmaləddin Heydərovun “kurasiyasından” çıxmağa nail olur. Ardından isə Əbülfəz Məlikova bütün qapıları bağlayır. Yalnız kiçik bir pay verməklə, onu işlərə qarışmamasını tövsiyyə edir. Həmin olaylardan sonra isə Əbülfəz Məlikov “Broker” MMC-nin fəaliyyətini məhdudlaşdıraraq, prosesdən uzaqlaşır. Və özünün şirkətlərini idarə etməyə başlayır.

JAMAZ.İNFO-nun araşdırmalarına görə, həmin vaxt Əbülfəz Məlikov “kənar ciblərə qaçan” pulların yerini müəyyən edib, həmin “kanalları” bağlasa da, yenə heç də kiçik olmayan məbləğlərin gizlədildiyini müəyyən edir. Lakin Gömrük Komitəsindəki “Nehrəm mafiyası”nın qarşısını almaq mümkün olmur. Hətta iddia edilir ki, həmin vaxt Məlikov Heydərovla görüşərək, “nehrəmlilər gömrükdən getmədən quruma nəzarət mümkün deyil” sözünü deyib.

Qayıdaq, Məlikovun hazırda harada olmasına. Yuxarıda yazdığımız iki versiyadan biri daha inandırıcıdır. Yəni, Əbülfəzin hazırda Moskvada olması ehtimalı daha böyükdür. Ona görə ki, uzun müddət gömrükdən yığdıqları hesabına Rrusiyada özünə böyük biznes qurmağa nail olan şamaxılı balası, həm də oradakı biznes tərəfdaşlarının da dəstəyini qazanıb. Gələn xəbərlərə görə, Məlikov Azərbaycan və Özbəkistandan Rusiyaya meyvə və tərəvəz gətirdərək, onun satışını həyata keçirir. Bundan başqa, Dağıstan və Çeçenistandan da mal-qara gətirərək, Moskvada ət satışını təşkil etməklə məşğuldur. Onun həmçinin marketlərinin olduğu, böyük meyvə-tərəvəz anbarlarına sahibləndiyi də verilən məlumatlar sırasındadır.

Bəs, Məlikova Moskvada dəstək verən kimdir və ya kimlərdir? Bu sualın cavabı elə də qəliz deyil. Hələ bir xeyli əvvəl də bu barədə mediada bir xeyli məlumatlar yayılmışdı. Həmin məlumatlara istinadə edərək demək mümkündür ki, Əbülfəz Məlikovu himayə edən əsas adam və ya adamları elə yaxın qohumlarıdır.

Məlumatlara görə, Əbülfəz Məlikovun həyat yoldaşı Rəna Məlikova əslən ermənidir. Onun əsl soyadı Məlikova deyil, Ovanesyandır. Rəna familiyasını Məlikovla evlədnikdən sonra dəyişdirib. Bu eyni zamanda, “Broker” MMC-nin sahibini ictimai qınaqdan, onun ermənilərlə qohum olması məsələsindən qaynaqlanacaq diskamfortdan yayınmaq üçün atılmış addım olub.

Amma Rəna Ovanesyan da heç də kiçik adam sayıla bilməz. JAMAZ.İNFO-ya daxil olan məlumatlardan belə aydın olur ki, sözügedən şəxs məşhur erməni milyonçu Ara Abramyanın doğmaca bacısı qızıdır. Belə ki, Rəna Ovanesyanın anası Raisa Ovanesyan Aabramyanın doğmaca bacısıdır. Bunu elə Abramyan da təsdiq edib və o mətbuata açıqlamasında da deyib ki, onun bacısı qızı hazırda Bakıda yaşayır, kürəkəni də azərbaycanlıdır. Hərçənd erməni milyarder öz açıqlamasında kürəkəninin Azərbaycanda nazir olduğunu söyləmişdi. “Ona sual veriləndə ki, kürəkəni hansı sahənin naziridir, o da cavabında bildirmişdi ki, “monopoliya naziri”.

Əbülfəz Məlikovu yaxından tanıyan adamlar deyirlər ki, o həyat yoldaşının erməni olmasına baxmayaraq, heç vaxt ermənilərlə biznesdən kənar əlaqə qurmayıb. Əksinə, Ara Abramyanın dəfələrlə dəstək verməsi təkliflərini də geri qaytarıb.

Məlumata görə, Aara Abramyan Əbülfəz Məlikova Azərbaycan, Gürcüstan və Ermənistanı əhatə edən böyük bir biznes şəbəkəsinin qurulmasını təklif edib. Lakin Məlikov bundan boyun qaçırıb. Daha doğrusu, Ermənistan və Gürcüstanda bunu etməyin mümkün, Azərbaycanda isə namümkün olduğunu deyib. Bunu da belə əsaslandırıb ki, Azərbaycanda erməni məhsullarının kütləvi şəkildə satışının təşkil edilməsi, onun karyerasının sonunu gətirə bilər. Amma Məlikov buna qarşılıq olaraq, Ermənistandan Azərbaycana ətlik və südlük mal-qara, xırda buynuzlu davarlar, habelə başqa adlar altında erməni konyakları gətirməkdə Abramyanla razılaşıb. Bütün bunların hamısı isə Gürcüstan üzərindən həyata keçirilib. Ki, həm Ermənistandan birbaşa keçid olmayıb, həm də Gürcüstan üzərindən həyata keçirməklə iz itirilib.

Əslində, Abramyanın Məlikov haqqında “monopoliya naziridir” sözü yalan ifadə deyil. Əksinə, o, həqiqətən də gömrükdə inhisar yaratmışdı və onun icazəsi olmadan bir ədəd məhsul belə Azərbaycan ərazisinə daxil ola bilməzdi. Bəzi məlumatlara görə, Səfər Mehdiyev də onun yaratdığı sistemdən səmərəli istifadə etməyə çalışıb. Lakin bəzi düzəlişlər etməklə daha çox pul qazanmaq fikrinə düşüb ki, nəticədə, buna görə, vəzifəsindən oldu.

Yazıda adı keçən şəxslərin mövqeyini dərc etməyə hazırıq.