Xəbər verdiyimiz kimi, aprelin 26-da Yasamalda ata 11 aylıq övladını yerə çırparaq ona ağır xəsarətlər yetirib.

Uşağın anası hadisədən danışıb:

“Uşağı götürüb yerə atdı. Qonşular gəlib əlindən aldı. Təzədən uşağı qonşunun əlindən alıb yenə yerə çırpdı. Deyir, uşaq mənim deyil, başqasındandır. Bildirir ki, mən yardımla dolanıram, yardıma cadu etmisən. Uşaq ağır travma alıb. Dörd kəllə sümüyü sınıb, gözləri çəpləşib”, - deyə ana bildirib.

Qonşular isə bildirir ki, kişi övladlarına baxmayıb: “Hərdən bir kefinə düşəndə gəlir, sonra gedir ikinci arvadının yanına. Evə bir qəpik də pul gətirmir”.

Qeyd edək ki, hadisəni törədən 30 yaşlı Samir Ağakərimov polis tələfindən şübhəli şəxs qismində tutularaq istintaqa təhvil verilib.

Faktla əlaqədar Cinayət Məcəlləsinin 126.2.3-cü maddəsi (Qəsdən sağlamlığa ağır zərər vurma - xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı törədildikdə) ilə cinayət işi başlanıb.

Bakıda piyadanın ölümü ilə nəticələnən yol qəzası baş verib.

Bakı Metropoliteninin “Koroğlu” stansiyasının qarşısında yeraltı piyada keçidinin yaxınlığında avtomobil Heydər Əliyev prospektini keçməyə çalışan gənci vurub. Piyada aldığı xəsarətlərdən hadisə yerində ölüb.

İlkin araşdırmalardan sonra məlum olub ki, ölən şəxs 1993-cü il təvəllüdlü Rəsul Yusifovdur.

Faktla bağlı Nizami Rayon Polis İdarəsində Cinayət işi açılıb, araşdırma aparılır.

4 yaşlı Yusif atasının istifadə etdiyi traktorun altında qalaraq dünyasını dəyişib.

Adananın Kozan rayonunda bədbəxt hadisə baş verib.
Zamantv.az NTV-ə istinadən xəbər verir ki, fermer Süleyman Küpçak traktorla geriyə hərəkət edərkən 4 yaşlı oğlu Yusuf Küpçakı vurub
Hadisə nəticəsində uşaq həyatını itirib.

Məlumata görə, ata traktoru arxaya hərəkət etdirərkən uşağın orda olduğunu görməyib.

Hadisə yerinə jandarma və tibb işçiləri göndərilib.

Faktla bağlı araşdırmalara başlayıb.

Abşeronda bıçaqlanma hadisəsi olub. Hadisə hamının gözü qarşısında özü də günün günorta çağı baş verib.

Zamantv.az-ın məlumatına görə, hadisə aprelin 27-i saat 11 radələrində rayonun Mehdiabad qəsəbəsində Əlillər küçəsi adlanan ərazidə baş verib. Burada yaşayan Məmmədov Məmmədbağır Abdulla oğlu evinin qarşısında naməlum şəxs tərəfindən aralarında yaranmış mübahisə zəminində bıçaqlanıb.

Faktla bağlı 126.1-ci (qəsdən sağlamlığa ağır zərər vurma) maddəsi ilə cinayət işi açılıb, araşdırma aparılır.

Qubada azyaşlı qız qətlin qarşısını alıb. Kaş bütün qətl hadisələrində kimsə beləcə ortaya çıxıb insan ölümünün qarşısını ala biləydi. Bu hadisədə azyaşlı qız anasını ölümdən qurtararaq qəhrəman olub.

Quba rayon Prokurorluğundan Zamantv.az-a verilən məlumata görə, aprelin 25-i saat 13 radələrində rayonun Səbətlər kənd sakini Gülnar Muradovanın yaşadığı evdə xəsarətlər alması barədə məlumat daxil olub.

Aparılmış araşdırmalarla müəyyən edilib ki, zərərçəkmişin keçmiş əri, 38 yaşlı Elşən Muradov həmin gün qayınanasına məxsus evə gələrək şəxsi münasibətlər zəminində aralarında yaranmış münaqişə zamanı balta ilə Gülnar Muradovanın baş nahiyəsinə 2 dəfə zərbə endirib. G. Muradova yerə yıxılandan sonra E. Muradov əlləri ilə onu boğmaq istəyərkən qızları Ayşən Muradova stəkanla atasının başına zərbə endirib. Bununla da o, qətlin qarşısını alıb və anasını ölümdən qurtarıb.
Faktla bağlı Quba rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb. Elşən Muradov şübhəli şəxs qismində tutularaq istintaqa cəlb edilib.

Hazırda cinayət işi üzrə zəruri istintaq tədbirləri davam etdirilir.

Aprelin 27-i saat 11 radələrində Biləsuvar-Bəhramtəpə yolunun 58-ci kilometrliyində ölümə səbəb olan yol qəzası qeydə alınıb.

Zamantv.az-ın məlumatına görə, 47 yaşlı Qəhrəmanov Aqil Vəzir oğlu idarə etdiyi “Hyundai Santafe” markalı avtomobillə 63 yaşlı Yunusov Vəli Həsən oğlunun idarə etdiyi “Mercedes-Benz E190” markalı avtomobilə arxadan çırpılıb.

Nəticədə “Hyundai Santafe”də olan 75 yaşlı Hüseynova Sürəyya Məhəmməd qızı aldığı xəsarətlərdən xəstəxanaya aparılarkən yolda ölüb. Onun qızı Hüseynova Suqrə Əvəz qızı və sürücülər yaralanıblar.
Faktla bağlı araşdırma aparılır.