"Mərkəzi Bankın banklara verdiyi kreditlər Elman Rüstəmovun fəaliyyətinin ən şübhəli və müəmmalı sahələrindən biridir. Məlum olduğu kimi, Elman Rüstəmovun rəhbərliyi dövründə bankların əksəriyyəti Mərkəzi Bankdan kredit götürə bilmirdi. Bank olmayan kredit təşkilatlarına isə ümumiyyətlə kredit verilmirdi.

Buna görə də Mərkəzi Bankın uçot dərəcəsi formal bir şeydir. İnhisarçılıq şəraitində bu dərəcə kredit faizlərinə təsir etmir. Məsələn, uçot dərəcəsinin ən aşağı səviyyəsi 2009-2010-cu illərdə olub: 2-3%. Lakin həmin dövrdə bankların kredit faizləri indikindən də yüksək idi. Halbuki, məntiqlə, tərsinə olmalı idi".Zamantv.az cebhe.info-ya istinadla xəbər verir ki, bunu bank məsələləri üzrə ekspert Əkrəm Həsənov deyib.

O bildirib ki, məhz Mərkəzi Bankın bu şübhəli davranışı nəticəsində 2015-ci il devalvasiyası ölkəmiz üçün çox ağrılı oldu:

"Əhaliyə və sahibkarlara verilən kreditlərin əksəriyyəti dollarla olduğu üçün bu baş verdi. Bunun səbəbi isə o idi ki, Mərkəzi Bankdan kredit götürə bilməyən kredit təşkilatlarımız xaricdən dollar kreditləri cəlb edib öz növbəsində də kreditəri dollarla verirdilər.

Bütün bunlarla yanaşı, indi məlum olub ki, Mərkəzi Bankın verdiyi kreditərin də bir qismi qanunsuz olub. Söhbət Mərkəzi Bankın “banklararası kredit” adı ilə verdiyi kreditlərdən gedir.

Məsələ burasındadır ki, “Azərbaycan Respublikasının Mərkəzi Bankı haqqında” Qanuna əsasən, Mərkəzi Bank yalnız iki növ kredit verə bilər:

1) kredit təşkilatlarının yenidən maliyyələşdirilməsi qaydasında (33-cü maddə);

2) sonuncu instansiya kreditləri (49-cu maddə).

Qanunun 1.3-cü maddəsinə əsasən, Mərkəzi Bankın məqsədi, funksiya və səlahiyyətləri Azərbaycan Respublikasının Konstitusiyası ilə və həmin Qanunla müəyyənləşdirilir. Beləliklə, Mərkəzi Bank qanunla səlahiyyətinə aid edilməmiş banklararası kreditlər verə bilməz.

Mülki Məcəllənin 739.2-ci maddəsinə əsasən, müstəqil peşə fəaliyyəti şəklində pul borc verməklə məşğul olan şəxslər əlavə olaraq peşəkarlıq qaydasında kreditlər verilməsi haqqında müddəaları gözləməlidirlər. Məcəllənin 337.1-ci maddəsinə görə MM-də müəyyənləşdirilmiş şərtləri pozmaqla bağlanmış əqd etibarsızdır. Beləliklə, Mərkəzi Bankın sözügedən kredit müqavilələri etibarsızdır (əhəmiyyətsizdir).

Mülki Məcəllənin 460.3-cü maddəsinə əsasən, əsas öhdəliyin etibarsızlığı onu təmin edən öhdəliyin etibarsızlığına səbəb olur. Buna görə də sögügedən “banklararası kredit”lərin təminatı olan girov (ipoteka) və zaminlik müqavilələri də etibarsızdır. Bu isə o deməkdir ki, məhkəmələr qanuna riayət edərək bu müqavilələri etibarsız hesab etsə, Mərkəzi Bank on milyonlarla vəsait itirə bilər. Bu pullara görə məsuliyyəti də ilk növbədə Elman Rüstəmov daşımalıdır".

Bu xəritə 1813-1914-cü illər arası Osmanlı imperiyasında yaşayan ermənilərin məskunlaşdığı yerlərdir. 1 milyon 20 min qriqorian, 60 mindən bir az çox katolik ermənilərin yaşadıqları böyük bir ərazidə 1.5 milyon erməninin öldürülməsi nə dərəcədə real ola bilər? Ümumiyətlə o dövrdə Osmanlı imperiyasında 1.5 milyon erməni yox idi və bu sualı ermənilərə verəndə susurlar. Zamantv.az kult.az-a istinadla xəbər verir ki, bu sözləri tarixçi alim Zaur Əliyev qondarma erməni soyqırımı haqda qeyd edib.

O bildirib ki, 1.5 milyon erməninin guya öldürülməsi söhbəti ABŞ-da yaranıb:

“Məhz Amerika bu qondarma rəqəmləri dünyaya yayıb. Çünki artıq 1914-cü ildə Amerika rəsmləri Osmanlı ərazisində bu prosesi hazırlayırdılar.

Osmanlı dövləti 1914-cü ildə ABŞ-a səfir təyin edir - bu Əhməd Rüstəm bəy idi və onun 24 iyun 1914-cü ildə vəzifəsinə başlayan kimi nəzərdən keçirdiyi ABŞ qəzetləri artıq müsəlman türklərin xristian erməniləri qılıncdan keçirdiyini yazırdı; türklər təhqir olunur, Amerika prezidentindən Osmanlının dənizlərinə döyüş gəmilərini göndərmək tələb edirdilər. 1914-cü ildə soyqırım söhbəti belə yox idi, amma Amerika mediası bunu yazırdı.

Amerika rəsmləri səfirə ciddi təzyiqlər edirdilər, onu persona non qrata elan etmək üçün səbəb axtarırdılar. 1914-cü ildə ABŞ-da erməni soyqırımı təbliğatına qarşı mübarizə aparan, ABŞ Prezidenti Vilsona “Sən əvvəl öz qanlı əllərini təmizlə” deyən səfir Prezident Vilsonun təkidi ilə Amerikanı tərk edir.

Bu, hadisələrin başlanğıcı idi. Amerika xüsusi missionerləri Osmanlı torpaqlarında üsyan layihəsi hazırlayırdılar və Osmanlı kəşfiyyatı bu barədə məlumatlı idilər. Köçürülmə qərarından sonra 13 vilayətdə yaşayan (300 min) erməni onlara dəyən zərəri ödəməklə digər ərazilərə köçürülməsi başlandı. Amerika və ona o zaman dəstək verən Fransa və Rusiya ermənilərin o ərazidən köçürülməsi ilə razılaşa bilmirdilər və bu hadisədən sonra dünyada Osmanlını sıxmağa başladılar. Ölən 250 min ölən erməninin sayı 1.5 milyona “qaldırıldı”. Amerika bu günə qədər də Türkiyəyə uydurma soyqırım vasitəsilə təzyiq etməyə çalışır”.

Dosent sonda bir daha vurğulayıb ki, Osmanlı torpaqlarında erməniləri üsyan etməyə təhrik edən Amerika, bu layihənin rəhbəri Vudro Vilson idi.

Dövlət başçısının müxtəlif növ qəzalardan sonra dövlət vəsaiti hesabına tikilmiş evlərə mülkiyyət hüquqlarının dövlət qeydiyyatına alınması ilə bağlı verdiyi sərəncamla bir çox vətəndaşlarımızın mənzil problemlərinin həlli gözlənilir. Hər halda, ekspert dairələri buna əmindirlər.

Xatırladaq ki, aprelin əvvəlində Prezident İlham Əliyev mənzil hüququnun olmaması probleminin həlli ilə bağlı növbəti bir sənəd imzalayıb. Sərəncam belə adlanır: “Təbii fəlakətlər, texnogen qəzalar və hərbi əməliyyatlar nəticəsində dövlət vəsaiti hesabına tikilmiş çoxmənzilli yaşayış binalarında yaşayış binalarına və mənzillərə hüquqların dövlət qeydiyyatına alınması, habelə onların istifadə olunduğu torpaq sahələrinə dair məsələlərin tənzimlənməsi haqqında.”

“Bütün bunlar təbii ki, mənzillə bağlı hüquqların rəsmiləşdirilməsi prosedurunu asanlaşdıracaq”. Daşınmaz əmlak üzrə mütəxəssis Ramil Qasımzadə AYNA-ya belə deyib.

Onun sözlərinə görə, sənəd müxtəlif təbii fəlakətlər - daşqın və zəlzələ nətciəsində dağılmış mənzillərin əvəzinə yenidən tikilərək insanların ixtiyarına verilmiş yaşayış binalarını əhatə edir. Söhbət əsasən Şamaxı və İsmayıllı rayonlarında tikilən mənzil fondundan gedir. Bundan əlavə, Qarabağ Müharibəsi illərində cəbhəboyu zonada - Tərtər, Füzuli və digər rayonlarda çoxlu sayda evlər dağıdılıb və qəzalı vəziyyətə düşüb, onların sahiblərinə yeni yaşayış əraziləri verilib.

“İndi onların qeydiyyata alınması lazımdır və sahibləri mülkiyyət hüququnu almalıdırlar. Müvafiq olaraq, Əmlak Məsələləri Dövlət Komitəsinin Daşınmaz Əmlakın Dövlət Reyestri Xidməti belə bir mənzil fondunu sənədləşdirməyə çağırılır”, - Qasımzadə izah edib.

“Eyni zamanda, vətəndaşlar tərəfindən mülkiyyət hüquqlarının qeydiyyatı haqqında şəhadətnamələrin alınması ilə bağlı bütün proses dövlət büdcəsi hesabına maliyyələşdiriləcək”, - ekspert vurğulayıb.

Aprel ayında verilən digər Fərmandan sonra “Daşınmaz əmlakın dövlət reyestri haqqında” Qanun qüvvəyə minənədək əldə edilmiş daşınmaz əmlak üzərində hüquqların əldə edilməsini təsdiq edən sənədlərin Siyahısının təsdiq edilməsi haqqında” 439 nömrəli Fərmana da bəzi dəyişikliklər edilib.

Sənədin özündə qeyd edildiyi kimi və analitiklərin fikrincə, dəyişikliklər mənzil sənədlərinin verilməsi prosedurlarının sadələşdirilməsinə yönəlib.

“Bundan əvvəl çoxları kənd yerlərində və münasib ərazidə evlərin dövlət qeydiyyatına alınması üçün müraciət etməkdə çətinlik çəkirdi, sovet dövründə belə ev sahiblərinə verilən sənədləşmədə problemlər var idi. Bu problemlər qanunvericilikdəki boşluqlarla birlikdə aradan qaldırılır”, - deyə Qasımzadə bildirib.

Onun sözlərinə görə, hər iki sənəd bu cür boşluqların aradan qaldırılmasına və mənzil hüquqlarının qeydiyyatı ilə bağlı uzun müddətdir davam edən problemin həllinə yönəlib. Dia.az-ın məlumatına görə, əmlak bazarı üzrə ekspert Elnur Fərzəliyev AYNA-ya şərhində qeyd edib ki, qeyd olunan səbəblərdən paytaxt və Abşeronda yerləşən yüz minə yaxın fərdi ev və çoxmərtəbəli yaşayış binalarında yerləşən mənzillər dövlət qeydiyyatından keçməyib. O, bu evlərin çoxunun hələ sovet dövründə tikildiyini, bəzilərinin isə ötən əsrin 90-cı illərdən başlayaraq yenidən tikildiyini bildirib. Və evlər bu qədər uzun müddət istifadə edilsə də hələ də sənədləşdirilməyib, sahiblərində Daşınmaz Əmlakın Dövlət Reyestrindən çıxarış yoxdur.

Ekspert deyir: “Bundan təkcə vətəndaşlar əziyyət çəkmir. Bu gün respublikamızda bir çox əməliyyatlar daşınmaz əmlakın alqı-satqısı ilə bağlıdır ki, bu da dövlət büdcəsinə ödənilməli olan vergi ayırmalarının əhəmiyyətli hissəsinin daxil olmaması deməkdir. Bütün bunlar paytaxtın ətrafı, Bakı kəndləri və Abşeronda cəmləşən evlər, Masazır, Xırdalan və s. üçün aktualdır. Orada lazımi qeydiyyatdan keçməyən fərdi yaşayış evləri tikilib və aktiv şəkildə tikilir”.

Eyni zamanda, belə evlərin sahiblərinin çətinlikləri ilkin olaraq başqa təyinatlı tikinti üçün ayrılan torpaq sahələrinin istifadəsində olur. Üstəlik, bu şəkildə bir-iki ev deyil, bütöv qəsəbələr tikilir.

Ona görə də, Fərzəliyev hesab edir ki, bu cür ərazilərin nəzərdə tutulan təyinatını dəyişmək, daha doğrusu, mümkün olan yerdə uyğunlaşdırmaq lazımdır: “Əgər bu mümkün deyilsə, yəni ərazilər tikinti üçün yararsızdırsa, o zaman insanlar köçməli, hökumət kompensasiya haqqında düşünməlidir. Düşünürəm ki, bu sahəfə biz tezliklə müsbət irəliləyişləri görəcəyik.

"Sədərək" Ticarət Mərkəzi barəsində məhkəmə iddiası qaldırılıb.
Zamantv.az bildirir ki, iddianı qaldıran qurum Mərkəzi Bankdır. Belə ki, ticarət mərkəzinin rəhbərliyi iqtisadi fəaliyyət qaydalarını pozub. Şirkətə İnzibati Xətalar Məcəlləsinin 430.4-cü maddəsi ilə protokol tərtib olunub. Müddəanın tələblərinə əsasən, şirkət rəhbərliyi avans yolu ilə ölkə xaricinə çıxardığı valyuta qarşılığında hər hansı xidmət almayıb və valyuta xaricdən ölkəyə geri qaytarılmayıb.

Protokola Qaradağ Rayon Məhkəməsində baxılacaq. İddia təsdiqini taparsa, şirkəti ölkədən çıxardığı valyutanın 30 faizi məbləğinda cərimə cəzası gözləyir.

Qeyd edək ki, "Sədərək" Ticarət Mərkəzi Qafqazın ən böyük bazarı hesab olunur və böyük dövriyyəyə malikdir.

Hər il çimərlik mövsümü ərəfəsi Xəzər dənizi sahilinin hasarlanması problemi aktuallaşır. Bu günlərdə dənizin hasarlanması Milli Məclisdə yenidən gündəmə gəlib. Parlamentdə çıxışı zamanı deputat Razi Nurullayev bildirib ki, yaz-yay mövsümü gəlib və istilər başlayıb. Vətəndaşlar dəniz sahilində gəzmək və çimərliklərdən istifadə etmək istəyirlər. Amma hər kəsin bildiyi kimi, Xəzər dənizinin sahilləri işğal altında qalmaqda davam edir.

"Dənizi hasarlayanların hasarı və mülkləri sökülsün"
O qeyd edib ki, son illər IDEA-nın rəhbəri Leyla Əliyevanın təşəbbüsü ilə Bakı şəhərində ictimai çimərliklərin yaradılmasına başlanılıb:
"Bunu alqışlayıram. Dəniz Allah tərəfindən xalqımıza lütf edilən bir ilahi sərvət, ondan maneəsiz istifadə isə Konstitusiyamız tərəfindən verilən bir hüquqdur. Hər kəs dənizin beş-on hektarını çəpərləyib. Bu qanunsuzluğu hər bir vətəndaş görür, yaşayır və narazı qalır. Sonra da onlara hüququn, qanunun aliliyindən danışırıq və hər kəsin də qanun qarşısında bərabər olduğunu deyirik. Xalq da görür ki, bu fikir doğru deyil".
Onun sözlərinə görə, rəhmətlik Prezident Heydər Əliyevin fərmanı ilə dənizdən 130 metr kənarda tikinti işi aparmağa icazə verilirdi:

“İndi bu məsafə 30 metrə endirilib. Bu məsələni əsaslandırıb cənab prezidentə imzaya təqdim edənlər bu xalq və dövlət qarşısında məsuliyyət daşıyır, çünki öz torpaqlarını və mülklərini nəzərdə tutub bu addıma gedib. Təklifim budur ki, dəniz kənarından 130 metr məsafədə tikintiyə qadağa qanunla təsbit edilsin və dənizi hasarlayanların hasarı və mülkləri sökülsün”.

Şıxov çimərliyində dənizin sahili zəbt edilib
Zamantv.az xəbər verir ki, "Sputnik Azərbaycan"ın əməkdaşı problemin aktuallığını nəzərə alaraq dənizin hasarlandığı ərazilərdə olub. Bakıdan üzü Lökbatan dairəsinə doğru dənizin ətrafı hasarlandığından Şıxovda çimərliklərə daxil olmaq elə də asan olmur.
Bibiheybət məscidindən başlayaraq çimərlik ərazilərinin demək olar ki, hər tərəfi hasarlanıb. Dəniz kənarında yerləşən istirahət məkanları, restoranlar demək olar ki, sahili zəbt edib. Şıxov ərazisində hündür çəkilmiş hasarlar nəinki insanları dənizə yaxınlaşmağa, onu kənardan seyr etməyə belə imkan vermir.
Elə biz də Şıxovda sahilə yaxınlaşmaq üçün xeyli piyada məsafə qət etməli oluruq. Çünki sahili zəbt edən sahibkarlar dənizin ətrafını hasara almaqla yanaşı, girişə iri darvazalar qoyublar.

Burada yaşayan sakinlərin köməyi ilə nəhayət ki, hasarlanmamış çimərlik ərazisi tapırıq. Həmsöhbət olduğumuz təmizlik işçisi Camal Allahyarov deyir ki, Şıxov dənizi sevən, onun sahilində dincəlmək istəyənlər üçün əlçatmaz olub:
"Özünüz də gördünüz ki, Bibiheybət məscidindən üzü bu yana hər yan hasarlanıb. Sahibkarlar insanları dənizə həsrət qoyublar. Hər iki-üç hektar ərazini hasarlayaraq pullu çimərliyə, istirahət məkanına çeviriblər. Kasıb insanların dincəlməsi üçün bircə ictimai çimərlik qalıb".

Ərazidə müşahidə apararkən görürük ki, hündür hasar çəkilən ərazilərin yanındakı boş torpaqların da zəbt olunmasına hazırlıq işləri aparılır. Dənizin sahilindəki boş ərazilərə kənardan daşınaraq torpaq tökülür.
Sakinlər bildirirlər ki, həmin ərazilərdə obyektlərin tikilməsinə hazırlıq işləri aparılır. Hətta bəzi sahibkarlıq subyektləri hasarladıqları ərazidə sahildən dənizə pilləkən də qoyublar. Obyektlərdən birinə yaxınlaşıb bunun səbəbini soruşsaq da, mühafizəçi rəhbərliyin olmadığını, çimərlik işləyəndə gəlməyi məsləhət gördü.

Ələtdən başlayaraq Bibiheybətə qədər dəniz hasarlanıb
Milli Məclisin deputatı Aqil Abbas Sputnik Azərbaycan-a açıqlamasında bildirib ki, Ələtdən Bibiheybət məscidinə qədər dənizin sahili hasara alınıb. Deputat deyib ki, hətta bəzi yerlərdə elə hündür hasar çəkilib ki, dənizi görmək mümkün deyil:

"Gürcüstanda Batumidə Türkiyə sərhədə qədər açıq çimərlikdir. Bizimkilərin əli çatsa, gedib Gürcüstanda da dənizi hasarlayarlar. Ələtdən Şıxova qədər dəniz hasarlanıb. Heç mən inanmıram ki, həmin hasarlar sökülsün. Heydər Əliyev sağ ikən dənizin ətrafında obyekt tikmək üçün 130 metr məsafənin gözlənilməsi ilə bağlı sərəncam imzalamışdı. Amma bizim sahibkarlar nəinki dənizi hasarlamaqla kifayətləndi, hətta dənizin içində də obyekt tikməyə başladılar. Mən də dənizin hasarlanmasının əleyhinəyəm. Hər halda bu barədə hökumət, əlaqədar qurumlar hərəkətə keçməlidir".
Deputat qeyd edib ki, ən azından bundan sonra dənizin hasarlanmasına icazə verilməməlidir:
"İndiyə qədər dənizi hasarladıqları cəhənnəm, bundan sonra heç olmasa buna göz yummasınlar, icazə verməsinlər".

Qanunla dənizin 20-50 metr sahili tutula bilməz!
Qeyd edək ki, hələ 2003-cü il yanvarın 13-də mərhum Prezident Heydər Əliyev tərəfindən məsələ ilə bağlı sərəncam imzalanıb. Sənəddə deyilirdi ki, əhalinin çoxsaylı şikayətlərini, Xəzər dənizinin xalqa məxsus olduğunu əsas götürərək, dənizin 130 metrlik sahil sahəsində tikilmiş, fiziki və ya hüquqi şəxslərə qanunsuz olaraq verilmiş sahələr ya inzibati, ya məhkəmə qaydasında alınsın və insanların dəniz çimərliklərinə sərbəst giriş-çıxışı təmin edilsin.
Bundan sonra qəbul edilmiş qanunvericiliyə görə isə, dənizin 20-50 metr sahili tutula bilməz və İnzibati Xətalar Məcəlləsi də dəniz kənarının hasarlanmasını qadağan edir.
Məlumat üçün onu da qeyd edək ki, sahilboyu ərazilərin zəbt olunmasının, hasarlanmasının qarşısını almaq rayon icra hakimiyyətlərinin üzərinə düşür.

Hasarlar söküləcəkmi?
Səbail Rayon İcra Hakimiyyəti başçısının Bibiheybət qəsəbə inzibati ərazi dairəsi üzrə nümayəndəliyindən isə Sputnik Azərbaycan-a bildirdilər ki, bununla bağlı araşdırılma aparıldıqdan sonra sorğumuza cavab veriləcək.

2 gün əvvəl, aprelin 23-də saat 08.58-də Moderator.az saytında “Robert Ermənistan xalqının taleyini siyasi mübarizə alətinə çevirmək üçün çalışırsa...” başlığı altında bir məqaləm dərc olundu. Məqalədə Qarabağda qondarma erməni soyqırımının ildönümünə həsr olunan ənənəvi məşəl yürüşü keçirən və 4000 nəfərə yaxın azərbaycanlının 30 illik cəsəd qalıqları ilə savaşan bir toplumun hansı soyqırımdan danışdığını, bu zehniyyətin 107 il əvvəl baş verən hadisələrə don geyindirmək əvəzinə, Baqanis Ayrım, Başlıbel, Edilli, Xocalı, Qaradağlı, Malibəyli, Quşçular və digər ərazilərdə törətdikləri soyqırım cinayətlərinə aydınlıq gətirməli olduqlarına diqqət yönəltmişdim. “Soyqırıma” məruz qaldıqlarını iddia edən tərəfin arxivlərini açmaqdan imtina etməsi, ermənilərin cəfəngiyyatlarının üstünün açılması qorxusu ilə bağlı olduğunu, bu dəfə keçiriləcək 23-cü qondarma məşəl yürüşünün daha maraqlı olacağını, özü hakimiyyətdə olduğu 10 il ərzində qadağan etdiyi yürüşə Ermənistanın eks prezidenti R.Köçəryanın şəxsən rəhbərlik edəcəyini və bu yürüşdən müxalifətin şəxsi siyasi məqsədləri üçün istifadə edəcəyini xüsusilə qeyd etmişdim. Məqalədən daha bir cümləni olduğu kimi təqdim edirəm:

“Bu dəfə Ermənistandakı mövcud hərbi-siyasi vəziyyəti, ermənilərin çıxılmazlıq əhval-ruhiyyəsini nəzərə alsaq, o zaman məşəl tədbirinin həm Ermənistanın daxilində, həm də Azərbaycanla sərhəddə və Qarabağdakı rus sülhməramlılarının müvəqqəti yerləşdiyi ərazilərin perimetri boyunca növbəti təxribatlara yol aça biləcəyi istisna edilməməlidir”.

Yuxarıda qeyd etdiyim məqalənin dərc olunmasından 9 saat sonra sərhəddə Ermənistan Silahlı Qüvvələrinin təxribat-diversiya qrupunun fəaliyyəti müşahidə olundu. DSX bu barədə məlumatı rəsmi olaraq səhəri gün, daha dəqiq desək 18 saat sonra təsdiqlədi: “Aprel ayının 23-də saat 18:00 radələrində Azərbaycan-Ermənistan dövlət sərhədinin Zəngilan rayonu ərazisindən keçən hissəsində Ermənistan Silahlı Qüvvələrinin təxribat-diversiya qrupu tərəfindən Azərbaycan Respublikasının dövlət sərhədini keçməyə cəhd göstərilib”.

Dövlət Sərhəd Xidmət görülən tədbirlər nəticəsində təxribat-diversiya qrupunun Azərbaycan Respublikasının ərazisinə keçməsinin qarşısı alındı. Diversantlar geri çəkilməyə məcbur edildi və Ermənistan tərəfinin təxribatı ilə bağlı Rusiya Federasiyasının Federal Sərhəd Xidmətinin Ermənistandakı sərhəd idarəsinin nümayəndələrinin məlumatlandırıldığını, belə hal bir daha baş verərsə DSX tərəfidən daha ciddi tədbirlər görüləcəyini də bildirdi. Bu məlumatdan 7 saat sonra Dövlət Sərhəd Xidməti növbəti məlumatı dərc olundu və sərhədçilərimiz tərəfindən Ermənistan Silahlı Qüvvələrinin təxribat-diversiya qrupunun üzvü, hərbi qulluqçu Matirosov Eduard Arturoviç saxlanıldığı məlum oldu. Saxlanılan Matirosov 25 saat əvvəl diversiya törədən qrupun yaxud da başqa diversiya qrupunun üzvü olduğu məlum deyil.

Ermənistan baş naziri N.Paşinyan Brüssel görüşündən sonra birgə Bəyanatın yerinə yetirilməsi ilə bağlı verdiyi müsbət bəyanatların ritorikasını, V.Putinlə görüşdən sonra 180 dərəcə dəyişib. Odur ki, törədilən son diversiya faktı iki ölkə arasında delimitasiya komissiyalarının yaradılması və müvafiq işlərin aparılmasına Paşinyan komandası tərəfindən törədilən təxribatçı maneə faktı kimi dəyərləndirilməlidir.

Görünür N.Paşinyan da Ermənistanda aktivləşən revanşist qüvvələrə qoşulmağa məcbur olub. Ermənistan hakimiyyəti hələ də baş verən prosesləri lazımınca dəyərləndirə bilmir və anlamır ki, Azərbaycanın birgə Bəyanatın şərtlərinin yerinə yetirilməsində zaman itkisinə yol vermək və erməni təxribatlarına təmkinlə yanaşmaq niyyəti yoxdur.

Azərbaycan Prezidenti İ.Əliyevin “Bu (sülh müqaviləsi- red) Ermənistan üçün yeganə çıxış yoludur və bəlkə də son şansdır. Əgər bundan imtina etsələr, onda biz də Ermənistanın ərazi bütövlüyünü tanımayacağıq, bunu rəsmən bəyan edəcəyik. İkinci Qarabağ müharibəsinin nəticələrini nəzərə alaraq Ermənistan tərəfi yaxşı başa düşməlidir ki, bu addım nəyə gətirib çıxaracaq” bəyanatını həm Ermənistan rəhbərliyi, həm də “ilana zəhər verən kərtənkələlər” diqqətlə oxumalıdrlar. Dünyada az sayda məntiqli adam tapılar ki, Ermənistanın Azərbaycana qarşı minimal müqavimət imkanlarına belə malik olduğunu iddia etsin. Ermənistanı qismən cəsarətləndirən Rusiyadır. Kreml Ermənistan ilə Azərbaycan arasında münasibətlərin Avropa vasitəsilə nizamlanmasında maraqlı deyil. Bu belə olmasaydı, il yarımda həm erməni silahlısı Qarabağdan çıxarılardı, həm də kommunikasiyalar açılardı. Hadisələrim müsbət məcrada inkişafı və birgə Bəyanatın tam yerinə yetirilməsi, Rusiyanın 2025-ci ildə və ya daha erkən Qarabağdan, ardınca isə Qafqazdan çəkilməsini şərtləndirə bilər. Onsuz da rus əsgərinin ayağı dəyən ərazidə nə ot bitmir, nə qan tökülməsi dayanmır, nə də fəlakətlər başa çatmır. Odur ki, nə qədər tez getsələr, bütün Qafqaz üçün, xüsusilə də üzməyə sahil tapmayan məğlub ermənilər üçün bir o qədər yaxşıdır.

Ermənistan ordusunun törətdiyi təxribat diversiya fəaliyyətlərini, cəmiyyətdə baş qaldıran revanşist meyllləri nəzərə alaraq, o zaman sərhəddə və ya rus sülhməramlılarının müvəqqəti nəzarət etdikləri ərazilərdə erməni silahlılarının növbəti təxribatlarının mümkünlüyü ehtimalı yenə də yüksək olaraq qalır.

Odur ki, Silahlı Qüvvələrimizin hissə və bölmələrimizin şəxsi heyəti ayıq-sayıqlığı daha da artırmalı, mümkün təxribatların qarşısının qətiyyətlə alınması, düşmənin layiq olduğu və effektiv şəkildə cəzalandırılması üçün bütün ssenarilərə hazır olmalıdırlar. Düşmənin təxribatlardan çəkindirilməsi məqsədi ilə erməni silahlılarının Qarabağdan çıxarılması, Laçından və ya Zəngilandan Naxçıvana maneəsiz dəhlizin açılması üçün fəliyyətlər dayandığı yerdən və revanşistlərin anladığı dildə davam etdirilməsinə artıq zərurət yaranıb. Ermənistan yaratdığımız yeni reallıqları qəbul etməyənə və imzaladığı bəyanatların şərtlərini yerinə yetirməyənə qədər başı yumruqlu qalmağa məhkumdur.

Ermənistanın imza atdığı, lakin açılmasını süni şəkildə uzatdığı Zəngəzur dəhlizinin keçəcəyi Zəngilan rayonuna təxribat -diversiya qrupu göndərməsi, Azərbaycanı bu istiqamətdə daha effektiv tədbirlər görməyə vadar da edə bilər.

Ədalət Verdiyev, hərbi ekspert //moderator.az//

Yol qəzaları və əsas da piyada ölümləri ölkənin ən ciddi problemləri olaraq qalmaqda davam edir. Bununla bağlı sual dəfələrlə məsul şəxslərə yönəlsə də düzü yetərli cavab alınmayıb hələ. Yol polisi işini düz qurmur? Ya...

Sürücü deyir günah piyadadır. Lap məşhur deyimdə olduğu kimi, “günah öləndədir”. Bəs görəsən günahkar kimdir?
Respublikanın daxili işlər orqanları tərəfindən ötən iki gün ərzində törədilən 146 cinayətin üstü “isti izlər”lə açılıb.

Daxili İşlər Nazirliyindən Zamantv.az-a verilən məlumata görə, əvvəlki dövrlərdən bağlı qalan 14 cinayətin açılması təmin olunub.

Axtarışda olduğuna görə ümumilikdə 55 nəfər, o cümlədən borclu şəxs qismində axtarışda olan 39 nəfər saxlanılaraq aidiyyəti üzrə təhvil verilib.

Respublikanın avtomobil yollarında 3 yol-nəqliyyat hadisəsi baş verib. Nəticədə 4 nəfər ölüb, 1 nəfər xəsarət alıb.

Əməliyyat-axtarış tədbirləri nəticəsində narkotiklərlə əlaqəli 95, qanunsuz saxlanılan silah-sursatın götürülməsi və aşkarlanması ilə bağlı 4 fakt müəyyən edilib.

Cinayət törətməkdə şübhəli bilinən 131 nəfər saxlanılıb.

Xatırladaq ki, xüsusən də, həftəsonları ağır yol qəzaları daha çox olur. Buna səbəb isə əsasən, rayonlara səfərlərin artmasıdır.

Marketlərdən spirtli içki oğurlanması cəmiyyət tərəfindən birmənalı qarşılanmır. Hələ nəzərə alsaq ki, Ramazan ayındayıq, vəziyyət bir qədər də çətinləşir.

Buna görə də, barəsində söz açacağımız oğurluğu edənlər öz əməlləri ilə daha çox gündəmə gələ bildilər.
Bir neçə rayonda mağazalardan oğurluq edən dəstə üzvləri Ağsuda tutulub.

Daxili İşlər Nazirliyinin mətbuat xidmətinin Şəki regional qrupundan Lent.az-a verilən məlumata görə, rayonun Hacısəmədli və Muradlı kəndlərində yerləşən obyektlərdən naməlum şəxslər tərəfindən ümumi dəyəri 3000 manat olan tütün məmulatları, spirtli içkilər, qadın geyimləri və ərzaq məhsulları oğurlanıb. Bu barədə obyekt sahibləri Ağsu rayon Polis Şöbəsinə məlumat veriblər.

Polis əməkdaşlarının keçirdikləri təxirəsalınmaz əməliyyat-axtarış tədbirləri nəticəsində oğurluqları törətməkdə şübəhli bilinən dəstə üzvləri, əvvəllər də məhkum olunmuşlar - Ağsu rayon sakini Sərxan Hüseynov, Şəki şəhər sakinləri Nicat Quliyev və Elvin Dursunəliyev, Balakən rayon sakini Tofiq Hacıyev, eləcə də Ağdaş şəhər sakini Rövşən Qasımov tutulublar. Onlar cinayət əməllərini etiraf ediblər və birgə oğurladıqlarını sataraq öz aralarında böldüklərini bildiriblər.

Aparılan araşdırmalar zamanı saxlanılan şəxslərin Ağdaş rayonu ərazisində yerləşən mağazadan da oğurluq etdikləri müəyyən edilib.

Faktlarla bağlı Ağsu rayon Polis Şöbəsində cinayət işi başlanılıb, dəstə üzvlərinin digər rayonlarda da analoji cinayətlər törətdikləri istisna olunmur. Onların ətrafında əməliyyat-istintaq tədbirləri davam etdirilir.

Nigeriyada qanunsuz fəaliyyət göstərən neft emalı zavodunda aprelin 23-də baş verən partlayışda 110 nəfər həlak olub.

Zamantv.az-ın “Figaro”ya istinadla xəbərinə görə, partlayış baş verən gün 80 nəfərin cəsədi tapılmışdı. Yerli polis bildirib ki, ölü sayının artması istisna deyil. Ətraf ərazilərdəki və avtomobillərdə qalan meyitləri tam toplamaq mümkün olmayıb.

Qeyd edək ki, Nigeriyada hər sutkada orta hesabla 200 000 barel xam neft oğurlanaraq qeyri-leqal zavodlarda emal olunaraq qara bazara çıxarılır. Bu müəssisələrdə vaxtaşırı insan ölümü ilə nəticələnən qəzalar baş verir. 1998-ci ildə neft kəmərində baş verən qəza mindən çox insanın həyatına son qoymuşdu.

İtaliya hakimiyyəti Ukraynaya hərbi dəstək göstərilməsi ilə bağlı daha bir sənəd hazırlayır.

Ardıcıl üçüncü olan dəstək paketində ölkəyə iri çaplı özüyeriyən artilleriya qurğuları və hava hücumundan müdafiə sistemləri daxildir edilə bilər.

Məlumata görə, yeni paket aprelin 26-da NATO-nun Ramştayn hərbi bazasında keçiriləcək növbəti iclasda müttəfiq ölkələrlə razılaşdırılmalıdır.

Əgər alyansın qərarı müsbət olarsa, Ukrayna, SIDAM 25 zenit sistemləri, eləcə də Almaniya istehsalı olan PzH 2000 iri çaplı özüyeriyən artilleriya silahları ala bilər.

Mənbə: info24.ru