Meqi tropik qasırğası Filippində 2 milyondan çox insanın həyatına təsir edib.

Zamantv.az-ın xəbərinə görə, təbii fəlakət nəticəsində həlak olanların sayı 172 nəfərə çatıb.

Dövlət qurumlarının məlumatına görə, siklon 10 əyalətdə təsirli olub. 400 minədək sakin təxliyə mərkəzlərinə yerləşdirilib, 33 min nəfər qabaqcadan təxliyə olunub. 8 nəfər xəsarət alıb, 110 nəfər itkin düşüb.
Təbii fəlakət zamanı 10 minədək evə ziyan dəyib, çox sayda yol və infrastruktur obyekti dağılıb.

Yevlax rayonu ərazisində saat 05:05-də Mingəçevir stansiyasından 6 km cənub-qərbdə zəlzələ qeydə alınıb.

Bu barədə Zamantv.az-a Respublika Seysmoloji Xidmət Mərkəzinin Zəlzələlərin tədqiqatı bürosundan bildirilib.

Qeyd olunub ki, maqnitudası 3,3, dərinliyi isə 26 km olan yeraltı təkanlar episentrdə və yaxın yaşayış məntəqələrində 3 bala qədər hiss olunub.

Yaponiya Şimali Koreyanın şənbə günü bir neçə raket buraxdığını hesab edir.

Zamantv.az-ın xəbərinə görə, bu barədə Yaponiyanın Müdafiə Nazirliyi məlumat yayıb.

Nazirlik hazırda raketlərin tipini müəyyən etmək üçün araşdırma aparır.

Xəbərə hadisə yerindən çəkilən fotolar əlavə edilib.
Zaqatala rayonunda iki nəfər qətlə yetirilib.

Zamantv.az-ın APA-ya istinadən verdiyi məlumata görə, hadisə səhər saatlarında rayonun Yuxarı Çardaqlar kəndində qeydə alınıb.

Məlumata görə, bir qadın və bir kişi öldürülüb. Hazırda hüquq mühafizə orqanları hadisə yerində araşdırma aparır. Hadisə ilə bağlı əlavə məlumat veriləcək.

Şimali Koreya ordunun gücünü artıracaq yeni silah sistemini sınaqdan çıxarıb.

Zamantv.az-ın xəbərinə görə, bu barədə ölkə televiziyası məlumat yayıb.

Bildirilib ki, ölkə başçısı Kim Çen In da yeni raketin buraxılışını izləyib. Rəsmi KCNA agentliyinin məlumatına görə, yeni silah sayəsində artilleriyanın atəş gücü artacaq, nüvə-taktiki raketlərin iş keyfiyyəti yaxşılaşacaq. Lakin agentlik raket sınağının dəqiq tarixini açıqlamayıb.
Ekspertlərin hesablamalarına görə, rəsmi Pxenyan 2006-cı ildən indiyədək 6 nüvə sınağı keçirib. Hazırda nüvə başlıqlarının ölçülərinin kiçildilməsi üzərində iş gedir. Məqsəd ballistik raketlərin uçuş məsafəsini artırmaqdır.