ABŞ-n Mərkəzi Kəşfiyyat İdarəsinin (MKİ) rəhbəri Uilyam Börns koronavirusa yoluxub.

Zamantv.az-ın “Figaro”ya istinadla xəbərinə görə, bu barədə MKİ-nin yaydığı məlumatda bildirilir.

Qeyd olunur ki, Börns ötən gün prezident Co Baydenlə görüşdə maska taxıb, sosial məsafəyə riayət edib. Görüş zamanı yoluxmaya şərait yaranmayıb. 65 yaşlı MKİ rəhbəti tam kurs peyvənd olunub. Onda xəstəliyin yüngül simptomları müşahidə olunur.
MKİ rəhbəri 5 gün özünütəcrid rejimində məsafədən işləyəcək.

Standarta uyğun olmayan qayıqla İspaniyanın Kanar adalarına gəlməyə cəhd edən azı 25 nəfər həlak olub.

Zamantv.az-ın xəbərinə görə, bu barədə İspaniya polisi şahid ifadələri əsasında məlumat yayıb.

Məlumata görə, fevralın 19-da Mavritaniyadan çıxan qayıqda olanlardan 25 nəfər öldüyü üçün cəsədləri dənizə atılıb. 48 nəfər Kanar adalarına gəlib çatmağa nail olub. Onların arasında qadın və uşaqlar üstünlük təşkil edir.
Polis bildirib ki, qayıqdakıların ərzağı tükəndiyi üçün açından ölüblər. Qayığın sahibi olduğu iddia edilən 2 nəfər barədə həbs qətimkan tədbiri seçilib.

Danimarka NATO-nun tələbi əsasında mayda Estoniayaya 800 əsgər göndərməyi planlaşdırır.

Zamantv.az-ın “Le Matin” saytına istinadla xəbərinə görə, bu barədə Danimarkanın Baş naziri məlumat verib.

“Biz NATO-nun rəsmi müraciətini qəbul etmişik” – deyə Baş nazir mette Frederiksen bildirib.
Qeyd edək ki, Ukraynada münaqişə başlayandan bir neçə gün sonra NATO Estoniyaya 200 hərbçi yollayıb. Danimarkadakı 800 əsgərin xidmət etdiyi baza isə yüksək döyüş hazırlığı səviyyəsinə gətirilib.

Ukraynada müharibə başlayanda Vladimir də digərləri kimi səfərbərliyə cəlb edilib.

Zamantv.az Ukrayna KİV-ə istinadən xəbər verir ki, Milli Qvardiyanın hərbi qulluqçusu olan sevgilisi İrinanın olduğu cəmləşmə rayonunda xidmətə başlayıb.

İrina artıq 3 ildir xidmətini davam etdirir. Vladimirin ağlına belə gəlməzdi ki, bir ay sonra keçid məntəqəsində sevgilisinə evlilik təklifi edəcək.
O, silahdaşlarının alqışları altında sevgilisinin qarşısında diz çökərək onun həyat yoldaşı olmasını təklif edib.

Həyəcan dolu görüntüləri təqdim edirik: