Əvvəlki həftələrə nisbətən vətəndaşlar sərt karantin rejiminə əməl edib.
Bu sözləri anews.az-a açıqlamasında Bakı Şəhər Baş Polis İdarəsinin mətbuat xidmətinin rəhbəri Elşad Hacıyev bildirib.
"Bütün inzibati ərazilərdə polis tərəfindən proflaktik təbliğat aparılıb. Nazirlər Kabineti yanında Operativ Qərargahla birlikdə bu istiqamətdə işlər həyata keçirilir. Daha əvvəlki sərt karantin günləri ilə müqayisədə bu həftə demək olar ciddi qanun pozuntusuna rast gəlinməyib. Polisin çağırış və tələblərinə əməl olunub. Qayda pozan vətəndaşlar haqqında müvafiq qaydada inzibati tədbir görülüb. Yalnız icazəsi olan şəxslərin hərəkətinə icazə verilib. Vizual olaraq çöldə gəzən vətəndaşı sərt karantin qaydasını pozmuş hesab etmək doğru deyil. Belə vətəndaşların mütləq qaydada icazəsi olub-olmadığı yoxlanılıb” – deyə o qeyd edib.
Zamantv.az