Deputat Vahid Əhmədov: “Azərbaycanda islahat başlayıb, hələ ki dərinləşməyib”
“Heç bir dövlətdə islahat birmənalı qarşılanmır. Elə olmur ki, nəticəsi 5-6 aya görünsün. Bu, uzun bir prosesdir. Azərbaycanda da islahat başlanıb, ancaq hələ dərin islahat yoxdur”.
Milli Məclisin deputatı Vahid Əhmədov bu sözləri bizimyol.info portalına açıqlamasında deyib. O deyib ki, əsas islahatlar məhkəmə sistemində olmalıdır: “Biz əsas islahatə məhkəmə sistemində gözləyirik. Azərbaycan əhalisinin taleyi bu sistemdən çox asılıdır. Məhkəmə sisteminin normal işlədiy dövlətdə, problem yoxdur. Orda sahibkarların da, fiziki və hüquqi şəxslərin də problemio Ona görə də biz indi müəyyən qanun layihələrini müzakirə edirik. Bunların əleyhinə olanlar da var, müəyyən təkliflər də var. İndi görək bu məhkəmə-hüquqi islahatları nə qədər çəkəcək?. Hakimlərin maaşını Prezident ona görə artırdı ki, müəyən qədər rüşvət və korrupsiya halları. olmasın Yəni bunun qarşısı alınsın”.
Vahid Əhmədov deyib ki, hazırda bir məhkəmə-tibb ekspertiza institutu var, ancaq özıl ekspertiza da yaradılacaq, bunun üzərində iş gedir, amma nə vaxt həllini tapacağını demək çətindir. İqtisadi islahatlara toxunan deputat deyib ki, mən hələlik kadr islahatlarını görmüşəm. Müəyyən cavan kadrlar gətirilir.Onlardan, əlbəttə, işləyənlər də var. Həmçinin texniki savadı olan insanlar da var, amma təcrübələri azdır. Təcrübə, ümumiyyətlə, böyük əhəmiyyət kəsb edir. Ona görə də bu da müəyyən problem yaradır. Bizi əsas o maraqlandırır ki, rüşvət və korrupsiya halları olmasın. Mikayıl Cabbarov vergilər naziri olandan sonra o sistemdə belə hallar 90 faiz aradan qalxdı. Mənim sahibkarlarla əlaqələrim var. Əvvəlki kimi ayın axırında gəlib pulu yığmaq kimi hallar yoxdur. Vaxtlı-vaxtında vergini ver, get işlə, problem yoxdur. Gömrük Komitəsində də müəyyən işlər həyata keçrilir. Mən demirəm , hamısı 100 fazi şəffaflaşıb. Amma hal-hazırda prosesgedir .Mən hətta təklif etdim ki, bu nazirliklərin təcrübəsindən istifadə edərək başqaları da bu şəffaflığı təmin etsinlər. İslahatlar dayana bilən şey deyil, çünki həyat davam edir”.
2020-ci il üçün dövlət büdcəsindən islahatlara 878 milyon manat vəsaitin ayrılmasına münasibət bildirən Vahid Əhmədov deyib ki, islahat aparanda vəsait mütləq lazımdır: “Buna səbəb odur ki, sistemdə dəyişiklik edilir. Yeni bir demokratik cəmiyyət qurulması əsas məqsəddir. Yəqin ki, dəyişikliklərə maliyyə dəstəyi üçün hansı sahəyə nə qədər vəsait lazım olduğu hesablanıb. Bunlar Prezidentin fərman və sərəncamlarının icrası ilə bağlıdır. Biz istəyirik ki, sistem, ümumiyyətlə, dəyişsin. Kənd təsərrüfatına islahatlar gedir. Əhalinin 38-40 faizi burada məşğuldur. Burda islahatlar aparılması üçün də vəsait lazım olur. Mənə elə gəlir ki, vəsaitin miqdarı dəqiq hesablanıb, bölünüb. Elə ciddi problem olmamalıdır”.
Zamantv.az