Vaşinqton Ukraynanın hərbi potensialının güclənməsi və Kiyevin danışıqlarda mövqeyinin möhkəmlənməsi üçün mümkün olan hər şeyi edir.

Zamantv.az xəbər verir ki, bu barədə Ağ Evin sözçüsü Cen Psaki məlumat verib.

“Dediyimiz kimi, biz Ukraynanın qələbəsini istəyirik. Biz mümkün olan hər şeyi edəcəyik ki, Ukrayna öz suverenliyini və ərazi bütövlüyünü müdafiə edə bilsin, Kiyevin danışıqlarda mövqeyinin möhkəmlənsin” – deyə Psaki bildirib.

ABŞ-ın yüksək vəzifəli şəxsləri etiraf edirlər ki, Vaşinqton Rusiya hərbçilərinin ölümünə dair kəşfiyyat məlumatlarını Ukrayna tərəfə ötürüb.

Zamantv.az xəbər verir ki, bu barədə New York Times öz mənbələrinə istinadla məlumat yayıb. Nəşr yazır ki, döyüş meydanından əldə edilən məlumatlar real vaxt rejimində ötürülüb. Ötürülən informasiyalar arasında rus qoşunlarının hərəkəti də yer alır.

Çinin Long March-2D da-şıyıcı raketi 8 zondlama peykini orbitə qaldırıb.

Lent.az xəbər verir ki, bu barədə Çinin Kosmik elm və Texnika Korporasiyası məlumat verib.

Buraxılış səhər saatlarında Çanye kosmodromundan həyata keçirilib.

Azərbaycanda ana uşaqlarını sığınacağın qapısına ataraq qaçıb.

Zamantv.az xəbər verir ki, bu barədə məlumatı “Təmiz Dünya” Qadınlara Yardım İctimai Birliyinin sədri Mehriban Zeynalova yayıb. O bildirib ki, ana böyük qızını da evdən qovub:

“Ana 2 azyaşlı körpəsini sığınacağın qapısına qoyaraq qaçıb. Uşaqlar baxımsız və ayaqyalın vəziyyətdədirlər. Hazırda uşaqları yemək və isti yerlə təmin edib cimizdirdik. Onu da qeyd edim ki, ana böyük qızını da evdən qovub və aylardır böyük qızı sığınacağımızda qalır”.

Şəmkirdə baş verən qəzanın təfərrüatları məlum olub.

Zamantv.az-ın APA-ya istinadla məlumatına görə, rayon sakini T.Cəfərovun idarə etdiyi “Schacman” markalı yük avtomobili hərəkətdə olarkən əyləc sistemi sıradan çıxıb və o qarşıda gedən digər yük avtomobilinə çırpılıb. Hadisə nəticəsində hər 2 avtomobil yoldan çıxaraq aşıb.

Qəza zamanı 2 nəfər ölüb. Hadisəyə səbəb kimi Cəfərovun idarə etdiyi avtomobilin əyləcinin imtina etməsi göstərilir.
Şəmkirdə ağır yol qəzası baş verib.

Zamantv.az APA-ya istinadən xəbər verir ki, hərəkətdə olan iki yük maşını toqquşub.

Qəza zamanı 1984-cü il təvəllüdlü Asif Əliyev və Möhübbət Kazımov ölüb. 1990-cı il təvəllüdlü Tural Cəfərov xəsarət alaraq xəstəxanaya yerləşdirilib.

Faktla bağlı araşdırma aparılır

Ukraynanın Dnepr şəhəri raket hücumuna məruz qalıb.

Zamantv.az-ın UNİAN-a istinadla xəbərinə görə, bu barədə Dnepr şəhər meri Boris Filatov məlumat verib.

Raket zərbəsi nəticəsində dəmir yolu infrastrukturu zədələnib. Mer əhaliyə sığınacaqlarda qalmağı tövsiyə edib. Hücumun nəticələri barədə əlavə məlumat veriləcək.

"Biz azad edilmiş bütün torpaqları bərpa edəcəyik və Zəngilan rayonu bu sahədə birinci rayondur ki, artıq keçmiş məcburi köçkünlər yaxın gələcəkdə oraya qayıdacaqlar. Bildiyiniz kimi, birinci pilot layihə Zəngilanın Ağalı kəndində həyata keçirilir. Ağalı kəndi faktiki olaraq yenidən qurulur, böyük və rahat kənd olacaq. Ağalı kəndinin timsalında hər bir Azərbaycan vətəndaşı və ümumiyyətlə, hər bir insan bizim planlarımızı görə bilər. Biz azad edilmiş torpaqları necə görmək istəyirik? Biz insanlara, oraya qayıdacaq insanlara hansı şəraiti yaratmaq istəyirik? Hər kəs görəcək ki, işlərimiz planlı və sistemli şəkildə aparılacaq, bütün amillər nəzərə alınacaq – təhlükəsizlik, rahatlıq, rifah, məşğulluq və gələcək inkişaf".

"Zamantv.az" xəbər verir ki, bunu Prezident İlham Əliyev mayın 4-də Vahid Hacıyevi Prezidentin Şərqi Zəngəzur iqtisadi rayonuna daxil olan Zəngilan rayonunda xüsusi nümayəndəsi təyin olunması ilə əlaqədar videoformatda qəbul edərkən deyib.

"Eyni zamanda, hazırda Zəngilan rayonunda böyük infrastruktur layihələri icra edilir. Onların arasında Zəngəzur dəhlizinin tərkib hissəsi olan nəqliyyat infrastrukturunu mən qeyd etmək istərdim. Bu il Zəngilan Beynəlxalq Hava Limanı istismara veriləcəkdir. Əminəm ki, bu hava limanının çox böyük funksiyaları olacaqdır. Çünki biz Zəngilanı gələcəkdə beynəlxalq nəqliyyat-logistika mərkəzi kimi görürük. Rayonun yerləşməsi, beynəlxalq bazarlara yaxın olması və digər amillər bunu təmin edəcək. Azad edilmiş torpaqlarda Füzulidən sonra ikinci hava limanının məhz Zəngilanda yaradılması əlbəttə ki, coğrafi vəziyyəti nəzərdə tutur, buna əsaslanır, eyni zamanda, bizim həm iqtisadi, nəqliyyat, həm də təhlükəsizliklə bağlı məsələlərimizi həll etmək üçün vacib vasitə olacaqdır. Zəngəzur dəhlizinə gəldikdə, artıq bu dəhliz reallıqdır. Zəngilan rayonunun ərazisindən keçən həm dəmir yolu, həm avtomobil yolu nəinki Azərbaycanın əsas hissəsini Naxçıvan Muxtar Respublikası ilə birləşdirəcək, eyni zamanda, beynəlxalq yükdaşımaları üçün yeni bir yol olacaq, beynəlxalq bir yol olacaq. Ona görə və eyni zamanda, keçmiş məcburi köçkünlərin rahatlığı üçün biz dörd və altı zolaqdan ibarət olan avtomobil yolunu sürətlə inşa edirik. Bu yolun hissə-hissə istifadəyə verilməsi gələn ildən başlayacaq", - dövlət başçısı bildirib.

Havanın kəskin dəyişəcəyi ilə bağlı xəbərdarlıq edilib.

Milli Hidrometeorologiya Xidmətindən Lent.az-a verilən məlumata görə,

Bakıda və Abşeron yarımadasında
Mayın 6-dan 8-i səhərədək şimal-qərb küləyinin 15-20 m/s, arabir 23-28 m/s-dək güclənəcəyi, 6-da yarımadanın bəzi yerlərində arabir 30-33 m/s-dək güclənəcəyi gözlənilir.

Azərbaycanın rayonlarında

May ayının birinci ongünlüyünün sonunadək ölkə ərazisində yağıntılı hava şəraitinin davam edəcəyi, şimşək çaxacağı, fasilələrlə yağış yağacağı gözlənilir. Ayrı-ayrı yerlərdə intensivləşəcəyi, dolu düşəcəyi, yüksək dağlıq ərazilərdə qar yağacağı ehtimalı var.

Qərb küləyi 15-20 m/s, 06-07-də ayrı-ayrı yerlərdə arabir 25-30 m/s-dək güclənəcək.

Çaylarda sululuğun artacağı, bəzi dağ çaylarından qısamüddətli daşqın və sel keçəcəyi ehtimal olunur.

Azərbaycanda Ramazan bayramı günlərində bir neçə intihar hadisəsi olub.

Zamantv.az-ın məlumatına görə, hadisələrdən biri Naxçıvan Muxtar Respublikasının Şərur rayonunda qeydə alınıb.

Rayonun Dərəkənd kənd sakini 18 yaşlı Rüfət Əmoyev yaşadığı evdə özünü asıb.
Bundan başqa, Şabran sakini, 40 yaşlı İntiqam Azayev yaşadığı yataqxanada, Tovuz sakini, 26 yaşlı Ülvi Məhərrəmov yaşadığı evdə, Zaqatalanın Göyəm kənd sakini, 37 yaşlı Sərxan Mustafayev qardaşının evində, Bakının Xətai rayonunda 35 yaşlı Seymur Əliyev yaşadığı evin həyətində, Cəlilabad sakini, 30 yaşlı Qamət Qasımov yaşadığı evdə, Goranboy rayonu Borsunlu kənd sakini, 46 yaşlı Rəsmiyyə Qurbanova yaşadığı evdə, Qəbələ rayonunun Nic qəsəbəsində 57 yaşlı Nəbi Hacıyev yaşadığı evin həyətindəki fındıq bağında, Sabunçu rayonu, Ramana qəsəbə sakini, 42 yaşlı Fuad İbrahimov yarımtikilidə, Abşeron rayonu Güzdək qəsəbə sakini 51 yaşlı Eldar Məmmədov isə yaşadığı evin damında özlərini asaraq intihar ediblər. Sonuncu arvadını bıçaqlayandan sonra canına qəsd edib.

Bayram günü Zaqatalada daha bir intihar hadisəsi baş verib. Rayon İcra Hakimiyyətinin hüquq şöbəsinin sabiq rəhbəri Mehdi Seyidov yaşadığı evin həyətində ağacdan özünü asıb.

Ötən gün həmçinin Bakının Xətai rayonunda da ikinci intihar hadisəsi qeydə alınıb. 11-ci sinif şagirdi olan Xumar Babayeva yaşadığı binanın 7-ci mərtəbəsindən özünü ataraq, intihar edib. Bu zaman binanın həyətində onu tutmağa çalışan kişi isə ağır yaralanıb.

Bütün faktlarla bağlı aidiyyəti üzrə rayon Prokurorluqlarında araşdırma aparılır.

Azərbaycanda şirkətdə meyit tapılıb.

Zamantv.az-ın məlumatına görə, hadisə Kürdəmir rayonunda qeydə alınıb.

Rayon ərazisində fəaliyyət göstərən “Azbiyan” MMC-nin həyətində kişi meyiti aşkar edilib.
Araşdırma nəticəsində meyiti tapılan şəxsin elə həmin şirkətdə işləyən 50 yaşlı Vidadi Nəsirov olması müəyyən edilib.

Meyitə ilkin baxış keçirilərkən onun üzərində zorakılıq əlamətləri aşkarlanmayıb. Lakin buna baxmayaraq, meyit müayinə olunmaq üçün məhkəmə-tibbi ekspertiza şöbəsinə təhvil verilib.

Onun ölümün dəqiq səbəbləri ekspertizanın rəyindən sonra müəyyən olacaq.

Faktla bağlı Kürdəmir rayon Prokurorluğu tərəfindən araşdırma aparılır.