Azərbaycanda sığorta şirkətlərinin qiymətli kağızlara marağı artıb - TƏHLİL

Azərbaycanda fəaliyyət göstərən sığorta şirkətlərinin yarısından çoxu 2018-ci ildə qiymətli kağızlara investisiya yatırıb.

ONA-nın məlumatına görə, Azərbaycanda fəaliyyət göstərən 22 sığorta şirkətindən 12-si ötən il dövlət və qeyri-dövlət qiymətli kağızlarına yatırım edib. Hətta əvvəllər qiymətli kağızlara maraq göstərməyən sığorta şirkətləri də bu sahə ilə maraqlanıb.

ONA-nın apardığı təhlildən belə məlum olub ki, digər sığorta şirkətləri ilə müqayisədə dövlət qiymətli kağızlarında ən böyük məbləğdə vəsait saxlayan "Paşa Həyat Sığorta" şirkəti olub.
Qiymətli kağızlara yatırım edən sığorta şirkətləri:

“Xalq Sığorta” – dövlət qiymətli kağızlarında 2018-ci ilin əvvəlində 5,865 mln. aktivi olduğu halda hesabat dövrünün sonuna bu rəqəmi 10,880 mln. manatadək artıb. Şirkət qeyri-dövlət qiymətli kağızlarına yatırım etməyib.

“Paşa Sığorta” – dövlət qiymətli kağızlarına ötən ilin əvvəlində 17,549 mln. yatırım etdiyi halda, ilin sonuna bu rəqəmi 32,438 mln manata çatdırıb. Şirkətin qeyri-dövlət qiymətli kağızlarında aktivləri ilin əvvəli ilə sonunda müqayisədə cüzi dəyişərək 8,510 mln. manat təşkil edib.

“PAŞA Həyat Sığorta” – dövlət qiymətli kağızlarında 2018-ci ilin avvəlində aktivi olmasa da hesabat dövrünün sonuna bu rəqəmi 145,918 mln. manata çatdırıb. Şirkətin qeyri-dövlət qiymətli kağızlara yatırımı ilin əvvəlində 32,586 mln. manat olub. Lakin hesabat dövrünün sonuna bu rəqəm 49,197 mln. manata çatdırılıb.

“Bakı Sığorta” – digər sığorta şirkətləri ilə müqayisədə dövlət qiymətli kağızlarına investisiya etməyib. Əvəzində 2018-ci ilin əvvəlində şirkət tərəfindən qeyri-dövlət qiymətli kağızlara 1,3 mln. manat həcmində yatırdığı investisiya ilin sonuna 2 mln. manata çatdırılıb.

“Qala Sığorta” – dövlət qiymətli kağızlarına investisiya etməyib. Şirkətin ilin əvvəlində qeyri-dövlət qiymətli kağızlara yatırdığı investisiyanın həcmi 2018-ci ilin sonunda dəyişməz olaraq 1 710 manat həcmində qalıb.

“AzReTəkrarasığorta” – dövlət qiymətli kağızlarına ötən ilin əvvəlində 27,895 mln. manat investisiya etdiyi halda, ilin sonuna bu rəqəmi 30,884 mln. manata çatdırıb. Şirkət qeyri-dövlət qiymətli kağızlara investisiya yatırmayıb.

“İpək Yolu Sığorta” – dövlət qiymətli kağızlarına ilin əvvəlində 999 967 manat investisiya edən şirkət ilin sonuna bu rəqəmi 1,499 mln. manata çatdırıb. Şitkət qeyri-dövlət qiymətli kağızlara maraq göstərməyib.

“Rəvan Sığorta” – dövlət qiymətli kağızlarına ilin əvvəli ilə sonunda müqayisədə dövlət qiymətli kağızlarına çox az fərq ilə investisiyasını artırıb – 1,016 mln. manatdan 1,017 mln. manata çatdırıb. Qeyri-dövlət qiymətli kağızlarına isə pul ayırmayıb.

“Azsığorta” – dövlət qiymətli kağızlarına ilin əvvəlində 15,255 mln. manat ayırdığı halda, ilin sonuna bu rəqəmi 16,998 mln. manata çatdırıb. Şirkətin qeyri-dövlət qiymətli kağızlarındakı aktivləri isə 3,4 mln. manatdan 1 mln. manata endirib.

“Günay Sığorta” – dövlət qiymətli kağızalrına ilin əvvəlində pul ayırmasa da, ilin sonuna sözügedən kağızlara 868 300 manat investisiya yatırıb. Şirkət qeyri-dövlət qiymətli kağızlarında aktiv saxlamayıb.

“Mega Sığorta” – ilin əvvəlində dövlət qiymətli kağızlarında aktiv saxlamasa da, ilin sonunda bu kağızlara 814 411 manat sərmayə yatırıb, qeyri-dövlət qiymətli kağızlarına isə maraq göstərməyib.

“Qala Həyat” – digər sığorta şirkətlərindən fərqli olaraq dövlət qiymətli kağızlarında ilin əvvəlində olan 11,138 mln. manatı ilin sonunda 6,909 mln. manata endirib. İlin sonunda qeyri-dövlət qiymətli kağızları isə ilin əvvəli ilə müqayisədə dəyişməyərək 2,5 mln. mnat olub.

Zamantv.az