Cəlilabadda dövlət əmlakına RƏSMİ XƏYANƏT... - İTTİHAM VAR...

"Heydər Əliyev Fondu tərəfindən 2015-ci ildə Cəlilabad rayonunda uşaq bağçası inşa edilmişdir və açılışını da ölkə Prezidenti İlham Əliyev etmişdir. Və bundan sonra "Bənövşə" adlı uşaq bağçası körpə-fidan balaların istifadəsinə verilmişdir.
Ramil Əmənov adlı şəxs həmin dövrdə Cəlilabad rayon Daşınmaz Əmlak Məsələləri Üzrə Dövlət Reyestr Xidmətinin rəhbəri Qalib Xudaverdiyevin vasitəsi ilə, 250.000 (iki yüz əlli min) manat pula müqabil dövlətin balansında olan ictimai və sosial inzibati binasını saxta yollarla özəlləşdirib mənimsəmişdir".
Bu barədə bizə göndərilən məlumatda deyilir.
Məlumatda daha sonra bildirilir: ""Bənövşə" uşaq bağçasının adı dəyişdirilərək, "Texno Tədris Mərkəzi" kimi fəaliyyət göstərməyə başlamışdır. "Texno Tədris Mərkəzi" fəaliyyət göstərməsi üçün Cəlilabad rayon təhsil şöbəsinin müdir müavini olan Hafiz Cavadovla və "inspektor" İlkin Zeynalovla əlbir olaraq, Təhsil nazirliyinin qeydiyatından keçmədən testlər hazırlatdırıb rayon üzrə bütün məktəblərdə məcburi formada şagirdlərə satdırır. Və aydın olur ki, dövlətin inzibati binasının alınmasında verdiyi pulun beş qat mislini bu yolla qazanmışdır.
Bəli, necə deyəllər bir müddətdən sonra Cəlilabad rayon icra hakimiyyətinə başçı təyin edilən Rafiq Cəlilov, saxtakarlığa imza atan həmin şəxsləri vəzifələrə daşımağa başladı".

Qeyd edək ki, məlumatda yetərincə əlavə ittihamlar da var... Bu barədə növbəti yazıda... Bizim bloqu izləyin...

Təqdim etdi: DİA-AZ.COM (Ərsoyun Bloqu)
Səhifəmiz bütün maraqlı tərəflərin rəyləri üçün açıqdır...

Zamantv.az