“Erməniləri silahlandıranların özləri də tarixən erməni vəhşiliyi qarşısında dəhşətə gəlib”

İki gün bundan öncə 31 Mart soyqırımının 100 illiyi ölkəmizdə və ölkəmizdən kənarda qeyd olundu. Tədbirlər zamanı səslənən əsas fikirlədən biri də ermənilərin bu soyqırımına görə hüquqi müstəvidə cəzalandırılmasının zəruriliyi məsələsi oldu. Vətəndaşların bir çoxu hesab edir ki, Azərbaycan xalqına qarşı törədilən tarixi cinayətlərin hüquqi cəzası olmalıdır və bunun təmin edilməsi hər şeydən öncə tarixi ədalətin bərpası baxımından vacibdir.

Moderator.az-a açıqlama verən BAO başqanının ideoloji məsələlər üzrə müavini, AMEA-nın Tarix İnstitutunun aparıcı elmi işçisi, tanınmış tarixçi-pedaqoq Dilavər Əzimli belə bir addımın atılmasının vacib olduğunu vurğuladı:

“Biz bunu mütləq etməliyik. Ermənilər tarix qarşısında cavab verməlidirlər. Bu, bəşəriyyətə, insanlığa qarşı atılmış cinayətdir. Bunu coğrafiyası bütün Türk dünyasını əhatə edir. Türk dünyasının dünyanın firavan yaşamasında və ədalət sisteminin qurulmasında müstəsna xidmətləri vardır. Dünya da bunu bilir. Amma Türk dünyasını parçalamaq üçün iri güclər vəhşi erməni qatillərindən istifadə etdilər. Onları bizə qarşı hazırladılar. Silahlandırdılar, əllərinə saxta ideologiya verdilər. Nəticə çox fəlakətli oldu. Onlar özləri də erməni vəhşiliyindən dəhşətə gəldilər. Bu mənada biz bu istiqamətdə işlər görməliyik. Bütün Türk dünyası bu istiqamətdə gücünü birləşdirməli və ermənilərin cəzalandırılması üçün beynəlxalq məhkəmənin qurulmasına nail olmalıdırlar. Baxın, bunlar Azərbaycan daxil olmaqla, Anadoluda, Kıprızda, Özbəkistanda, Qırğızıstanda, Azərbaycanda insanlığa sığmayan vəhşiliklər ediblər. Bunun sonuncusu da Xocalıda oldu. Ermənilər tarixdən nəticə çıxarmayıb yenə də vəhşiliklər etdilər. Bu qatilləri cəzalandırmaq lazımdır. Hesab edirəm ki, bütün Türk dövlətləri, o cümlədən İran da bu istiqamətdə birgə işləməlidirlər. Onda insanlığa sığmayan vəhşiliklər etmiş erməni qatilləri mənəvi cəhətdən olsa da cəzalanacaqlar. Bu da onlara göstərəcək ki, bir də bu cür vəhşiliklər etmək olmaz. Xüsusilə, erməni kilsəsini cəzalandırmaq lazımdır. Çünki qırğınların birbaşa təşkilatçısı qismində çıxış etmişdir. Biz bunu mütləq etməliyik”.
zamantv.az

Zamantv.az