Abdolbari Goozalın şirkəti QOÇULUQ EDİR... - BUNUN BAŞQA ADI YOXDUR...

“10 il əvvəl öz firmama məxsus obyekti müqavilə bağlayaraq “Bazarstore” MMC-yə icarəyə vermişəm. Artıq bu ilin dekabrında müqavilənin müddəti bitir. Lakin şirkət daşınmaz əmlakı təhvil vermək istəmir”.

Zamantv.az xəbər verir ki, bu iddia ilə “Qafqazinfo”ya “Qızıl-Gül” firmasının direktoru Azər Nəbiyev müraciət edib.

Onun sözlərinə görə, Sumqayıt şəhəri, 30-cu məhəllə, Nərimanov küçəsi: 3 ünvanında yerləşən obyekt müqaviləyə görə bu ilin dekabrında təhvil verilməli olsa da, icarəyə götürən şirkət müqavilənin şərtlərinə əməl etmək istəmir: “Müqaviləmiz dekabrda bitir. Ona görə də, biz onlara əvvəlcədən bununla bağlı xəbərdarlıq etmişik. Lakin “Bazarstore” rəhbərliyindən bizə bildiriblər ki, çıxmırıq, gedin hara şikayət edirsiniz, edin. Qəti fikirdədirlər ki, çıxmayacaqlar. Bizim də başqa yolumuz qalmır, əgər elə olsa, gərək həmin şirkəti məhkəməyə verək”.

Şikayətlə bağlı “Bazarstore” MMC-yə sorğu ünvanlamışıq.

Qeyd edək ki, “Qızıl-Gül” firmasına məxsus daşınmaz əmlakın 1650 kv metr ərazisi var. Sözügedən firma ilə “Bazarstore” MMC arasında 2012-ci ildə imzalanmış müqaviləyə görə, icarə müddəti 10 il müəyyən edilib.

Zamantv.az