TƏHSİL MİLLƏTİN GƏLƏCƏYİDİR !

Mən bu yazıma Ulu Öndərin gözəl bir kəlamı ilə başlamaq istəyirəm, "Təhsil millətin gələcəyidir". Bəli, təhsili, savadı, ziyalısı olmayan bir milləti məhv etmək qədər asan bir iş yoxdur. Nelson Mandelanında dediyi kimi, dünyanı dəyişdirmək üçün istifadə edə biləcəyimiz ən güclü silahdır təhsil. Təhsil isə orta məktəbdən başlayır. Əslində mən deyərdimki məktəb ən güclü universitetlərin, akademiyaların başlanğıcıdır, mənbəyidir. Ziyalı sözüdə ilk müəllimdən başlayır. Bütün millətlərin ən güclü ,ən hörmətli, ən təqdirə layiq ziyalıları müəllimlərdir. Müəllimin mürəkkəbi, şəhidin qanı ilə eyni ölçülür. Bu dinimizdədə bu cürdür. Müəllimlik ziyalılığın ən yüksək zirvəsidir. Əlbətdəki söhbət bütün gücünü, varlığını şagirdləri üçün , onların yaxşı təhsil almaqları üçün ortaya qoyan müəllimlərdən gedir. Əgər məktəbdə təhsilin təməli möhkəm qoyularsa , gələcəyi parlaq şəxsiyyətlər yetişər.

Dövlətimiz müəllimlərə çox böyük qayğı və diqqət göstərir. Ulu Öndərin müəllimlərə verdiyi dəyər əvəzolunmazdır. O, hər dəfə müəllimlər haqqında danışarkən onların əməyini ən yüksək zirvədə görürərdi, biz müəllimlərimizə çox şey borcluyuq deyərdi. Bu ənənə indidə cənab prezidentimiz İlham Əliyev və ölkənin birinci xanımı Mehriban Xanım Əliyeva tərəfindən davam etdirilir. Yeni məktəb binaları tikilir, təhsil ocaqları açılır. Cənab prezident öz çıxışlarında hər zaman təhsil haqqında danışarkən vurğulayırki, ən ucqar bölgənin ən ucqar kəndində bir nəfər uşaq olarsa belə orada məktəb tikilməlidir, hər kəs təhsil almalıdır. Təhsil millətin uğurudur bu deməkdir.

Hər hansı bir fərdin şəxsiyyət kimi formalaşmasında məktəbin və müəllimlərin rolu danılmazdır. Hər bir şəxsiyyət dünyaya fərd olaraq, insan olaraq gəlir və cəmiyyətdə baş verən sosial-psixoloji amillər nəticəsində şəxsiyyət kimi formalaşır. Buda məktəbdən başlayır.
Şəxsiyyətin formalaşmasında təkcə təhsil vacib deyil, vacib olan vətən sevgisi, millət sevgisi, ailə sevgisi olmalıdır. Bunların hamısı məktəbdə müəllimlər tərəfindən 11 il ərzində şagirdlərə təbliğ olunur və sonda şəxsiyyət formalaşır.
Azərbaycanda təhsilin əsas məqsədlərindən biridə yüksək əxlaqi və mənəvi keyfiyyətlərə malik, vətənini , xalqını sevən vətəndaşların yetişdirilməsidir. Orta məktəbə qədəm qoyan hər bir şagirdə ilk olaraq "Ana Vətən" anlayışının aşılanması şagirdlərin vətənpərvər ruhda təlim və tərbiyə edilməsinin bariz nümunəsidir. Biz bunun 44 günlük ikinci Vətən müharibəsində bir daha şahidi olduq. Bizlərə qələbə sevincini yaşadan Şəhidlərimizin, Qazilərimizin, müharibə iştirakçılarımızın uşaq yaşlarından qəlblərində Qarabağ sevgisini alovlandıran, Vətən məhəbbətini ürəklərinə qazıyan onların ailələri ilə birlikdə orta məktəb müəllimləri olmuşdur. Müharibələrdə qələbə çalmaq üçün birinci növbədə vətənini, bayrağını sevəcəksənki vətən üçün, bayraq üçün canını verməyə hazır olasan. Bu qədər böyük vətən, bayraq, millət sevgisi bizim millətdə daha güclüdür. Ümumiyyətlə türk dqnyasında daha güclüdür. Bizi düşmənin qabağında əyilməyə qoymayan bu sevgidir. Bu sevgini isə bizə müəllimlərimiz, ailəmiz aşılayır. Bu sevgi ilə biz müzəffər ordunun, müzəffər Ali Baş Komandanının ətrafında birləşdik və qələbə çaldıq.

ZamanTv xüsusi müxbir: Mehraliyeva Zafta Rauf qızı.

Zamantv.az