İmişlinin yeni başçısı da VİLYAM YOLU GEDİR... - NARAZILIQ!

İmişli sakinləri yeni icra başçısı Elçin Rzayevdən giley edirlər.

Belə ki, sakinlər adından DİA.AZ-a ünvanlanan müraciətdə deyilir ki, onlar yerlərdəki özbaşınalıqlarla bağlı dəfələrlə icra başçısına müraciət etmələrinə baxmayaraq heç bir tədbir görülmür.

Sakinlər yazırlar ki, onların başçı ilə görüşməsi isə əməlli-başlı problemdir: "Demək olar ki, mümkün deyil..."

Qeyd edək ki, redaksiyamıza müraciət edən İmişli rayon Yalavac kənd sakinlərinin əsas narazılıqları yerli bələdiyyə və icra nümayəndəsinin özbaşınalıqlarındandır. Onlar iddia edirlər ki, kəndin torpaq sahələri qanunsuz olaraq kənar şəxslərə satılıb. Bununla bağlı yuxarı instansiyalara şikayətlərinə isə baxan yoxdur.

Sakinlər bildirir: "Vilyam Hacıyevin vaxtında da belə idi, indi də belədir. Elçin Rzavey də elə VİLYAM YOLU gedir... Amma bu yol heç də xeyirliyə aparmır. Bunu hamı bilir, hamı gördü..."

İddia olunanlarla bağlı dia.az olaraq qarşı tərəfi də dinləməyə hazırıq...

Zamantv.az