Əziz oxucular, Şəhid övladı Xammədov Elşən Baba oğlunun şeirlərini mütəmadi olaraq, sizinlə paylaşmağı özümüzə borc bildik
MƏZAR ÖNÜNDƏ
On yeddi şəhidin məzarı önündə,
Diz çöküb ağlayan Anaya qurban.
Fəryadı göylərə ucalan zaman,
Su çıxan məzarın, suyuna qurban.
Siz deyin bu zülmə necə dözsünlər,
O məzar önündə duran Analar.
Soyuqda, küləkdə məzar önündə,
Məzara baş əyən, o mərd Analar.
Ağlayıb ah nalə, çəkən ay Ana,
Məzarda uyuyan bir Şəhidin var.
Torpağın uğrunda ölən Şəhidin,
Dağ boyda ürəyi, sədaqəti var.
Ey mənim xalqımın, mərd igidləri,
Siz azad etdiniz bu torpaqları.
Canından keçərək, torpaq uğrunda
Gedib siz Vətənçün, Şəhid oldunuz.
Siz yatan torpağa, baş əyirəm mən,
Məzarvuz önünə, gül qoyuram mən,
Sonra diz çökərək, Analar kimi
Deyirəm Şəhidin, məzarına qurban.
Zamantv.az