Yenidən qapanma ehtimalı: "Delta" ştammı təhlükəsi - AÇIQLAMA

Hazırda koronavirusun "Delta" ştammı 100-ə yaxın ölkədə sürətlə yayılmaqdadır. "Delta" ştammına ölkəmizdə də yoluxmalar müşahidə olunsa, yenidən qapadılmara gedilə bilərmi?

Mövzu ilə əlaqədar həkim-infeksionist Mərdan Əliyev açıqlama verib:

"Yoluxma sayında artmalar olduğu zaman yalnız qapanmaya gedilə bilər. "Delta" ştammı artıq 100-ə yaxın ölkədə yayılıb. Bu, original variantdan təqribən 60 faiz daha sürətlə yayılmağa malikdir. Amma həmin ştammın gedişatında pasiyentlərin xəstəxana şəraiti tələb etməsi yüksək olduğu bildirilsə də, bu hal hələ dəqiqliklə sübut olunmayb. Bir məsələ aydındır ki, bu virus daha sürətlə yayılır.

Virusun öz original variantına da yoluxmalar müşahidə olunur. Amma hər hansı bir şəxs bu xəstəliyə yoluxubsa, ikinci dəfə yenidən yoluxduqda xəstəliyi yüngül keçirir. Bu zaman xəstəxana şəraiti tələb olunmayacaq.

Peyvənd olunan şəxslər də yoluxduqda xəstəliyi yüngül keçirəcəklər. Ancaq "Delta" ştammına yoluxan şəxslərin xəstəliyi necə keçirəcəyi məlum deyil. Əgər yoluxmaların sayı artsa və xəstəxana şəraiti tələb olunsa, o zaman karantin qaydaları yenidən sərtləşdirilə bilər. Digər tərəfdən, yoluxmalar zamanı xəstəliyin yüngül şəkildə keçdiyi müşahidə olunsa, qapadılmalara gedilməyəcək.

Karantin tətbiq olunduğu halda isə qapadlmalar ilkin olaraq yaşlılara, sonra isə orta yaşlılara şamil olunacaq. Gənclərin bu ştammı yüngül keçirəcəyi ehtimal olunur".

Zamantv.az