Lerik rayonu Tikəband kəndinin sakinləri Ünvanlı Dövlət Sosial Yardıma həsrətdilər.

Ölkə Prezidenti İlham Əliyev cənablarının apardığı məqsədyönlü və uğurlu siyasəti nəticəsində Dövlətimizin iqtisadi potensialı artıqca, aztəminatlı ailələrə də mütəmadi olaraq diqqət və qayğı artır
Aztəminatlı ailələrə verilən Ünvanlı Dövlət Sosial Yardımı belə sosialyönümlü lahiyələrdən biridirAzərbaycan Respublikasının ərazisində yaşayan hər bir aztəmiatlı ailə bu yardım üçün müraciət edib, onu ala bilər. Lakin əfsuslar olsun ki, Lerik rayonunun Tikəband kəndinin sakinləri Ünvanlı Dövlət Sosial Yardımını almaqda çox ciddi problemlərlə üzləşirlər Buna səbəb odur ki, Lerik rayonu Aqrar İslahat Komissiyasının 2000- ci il 25 iyul tarixli 66 saylı qərarı ilə sakinlərə verilmiş paybəlli torpaq sahələri Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri xidməti bazasında görsənməməsidir Rayonun Tikəband kəndinin sakinləri Hacıyev Malik Mirtağı oğlu,Şabanov Nahid Nazim oğlu, Salayev Xavər Yəhya qızı və digərləri bildirirlər ki, bununla bağlı aidiyyatı qurumlara müraciət etsələr də, bu sahədə indiyəcən qanunamüvafiq heç bir tədbir görülməmişdir Xatırladaq ki, hələ Sovet dönəmindən Lerik rayonu Dağlıq zonası olduğu üçün dövlət tərəfindən daima güzəştlər almışdır. Bu gün də, Dövlət Başçısı bu rayonun inkişafı məsələləri ilə daim maraqlanır. Son dövrlərdə Lerik rayonunda gedən abadlıq və quruculuq işləri buna əyani bir sübutdur Mövcud vəziyyətdə Tikəband kəndində yaşayan aztəminatlı ailələrin maddi durumu çox acıncaqlıdır. Hələlik onlar Ünvanlı Sosial Yardımını almaq həsrətindədirlər Hələ ki, bəzi məmurlar kənd sakinlərini maddi və mənəvi təzyiqlərə məruz qoyub, onların həyatları ilə oynayırlar. Onların heç olmasa, bundan sonra insafa gəlib problemin həllinə çalışmaları insanların həyat şəraitinin yaxşılaşmasına xeyli kömək edərdi.

Zahid Səmədov

Zamantv.az

Zamantv.az