Əhmədov İmran Hidayət oğlu 15.12.2001-ci il tarixdə Xaçmaz rayon, Qoçaqlı kəndində dünyaya göz açmışdır. 2019-cu ilin bu günü Hərbi xidmətə yollanmış və 27.09.2020-ci il tarixdə ikinci Qarabağ müharibəsinin ilk günü Tərtərdə bel və ayaq nahiyələrindən qəlpə dəyərək yaralanmışdır. Yaraları tam sağalmamış təkidlə israr edərək könüllü olaraq məzuniyyətə belə getmədən cəbhəyə qayıtmış və Suqovuşan, Hadrud və bir sıra istiqamətlərdə döyüşlərdə iştirak etmişdir. Doğum günü münasibəti ilə kənd camaatı Xaçmaz rayon, Qoçaqlı kəndin girişinə Azərbaycan və Türkiyə bayraqları ilə yanaşı Pakistan bayrağını da asmışdır. Doğum günü münasibəti ilə Qazimizi ürəkdən təbrik edirik.
Allahdan şəhidlərimizə rəhmət, Qazilərimizə şəfa arzulayırıq.
Vüsal Başaratvi
Zamantv.az